وبعد وقت حازم كانت نايم على السرير بسعاده عمره ماداق زيها قبل كده وحبيبه كانت نايمه في حضنه بكسوف وهي بتدفن وجهها في حضنه بعمق وسعاده
بس فجأه فاقت من عالمها الوردي بعد مااستوعبت اللي حصل بينهم وبعدت عنه بصدمه ودموع وهي بتشهق بقوه وقالت:لا مستحيل اللي حصل ده غلط كبير مكنش ينفع نعمل كده اكيد بابا دلوقتي هيزعل مني اوي انا ازاي عملت كده ازاي؟!
قاطعته حبيبه بصراخ ودموع:بس انت اجوزتني علشان ابنك اللي في بطني وبعد مااولده لك هطلقني وانا اللي حياتي ادمرت دلوقتي بسببك
حازم حاول يقرب منها علشان تهدى شويه لانها كانت منهاره اوي قدامه وهو خايف وقلقان اوي عليها بس فجأه صرخت حبيبه بألم وحاوطت بطنها بوجع كبير وقالت:اااه بطني الحقني ياحازم انا حاسه ان بطني بتتقطع من الوجع
حازم بلع ريقه بخوف وقرب منها بسرعه كبيره وكشف الملايه عن جسمها بقلق وخوف كبير وهنا تسمر مكانه بصدمه ورعب لما لقاها بتنزف بشده
وقال بصوت مرتعش من شده خوفه عليها: حبيبه اهدي هتكوني بخير اوعدك هتكوني بخير ياقلبي
كان بيطمنها علشان تهدى وهو في الحقيقه كان بيطمن نفسه قبلها وجرى مسك الفستان بتاعها ولبسه لها بسرعه وحملها بخوف وحرص
ودقات قلبه كانت زي الطبول من شده خوفه عليا فتح باب الشقه ونزل جري على السلم وهو مش شايف حد قدامه في الوقت ده
وفي نفس الوقت جمال قلق اوي على حبيبه لانها تأخرت عند حازم ففتح باب الشقه ولسه هيطلع عند ابنه انصدم بشده لما شاف حازم حاملها وهو بيجري بيها لتحت وعلامات الخوف كانت محفوره على وجهه
فجرى جمال خلفه وهو بيقول بصوت عالي من خوفه على حبيبه:حازم استنى انت واخدها ورايح فين حبيبه مالها عملت فيها ايه رد عليا؟!
حازم سمعه بس تجاهل كلامه وكمل طريقه لانه كان مرعوب حرفيا على حبيبه وجمال بيجري خلفه بخوف وقلق وحنان طلعت من الشقه على صوت جمال وبصت تحت وانصدمت لما لقت بنتها متمسكه بهدوم حازم بوجع كبير ظاهر على ملامحها
فنزلت زي المجنونه خلفهم وهي بتنادي على جمال:جمال استني بنتي مالها حصل معاها ايه وابنك رايح بيها فين؟!
جمال تجاهل كلامها برضو لانه مكنش فاهم حاجه لسه ووصل عند حازم اللي وضع حبيبه في العربيه بحرص وخوف كبير وبعدها ركب العربيه وجمال ركب جنبه بسرعه وقال بقلق كبير:حازم حصل ايه رد عليا عملت فيها ايه انطق بسرعه؟!
حازم بصله بتوتر وألم في قلبه من شده خوفه على حبيبه وقال:بعدين يابابا لو سمحت انا مش قادر اتكلم دلوقتي بعد مااطمن عليها ابقى اقولك حصل ايه؟
جمال سكت لان حازم فعلا كان واضح عليه التعب والتوتر الكبير وبص خلفه على حبيبه بقلق لغايه ماوصلت حنان وركبت في العربيه من الخلف وحضنت بنتها بخوف كبير عليها وهنا انطلق حازم بأقصى سرعه عنده لاقرب مستشفي قدامه
وبعد عشر دقايق بس وصل ونزل بسرعه تجاه حبيبه ودخل العربيه سحبها من حضن امها وحملها بسرعه كبيره وهو بيجرى بيها لداخل المشفي
وجمال وحنان جروا خلفه بقلق وخوف كبير وبعد وقت حازم كان واقف قدام غرفه العمليات وهو حرفيا قاعد على اعصابه ودقات قلبه بقت اسرع ونفسه بقى اعلى ومش قادر يسيطر على حاله الرعب اللي تلبسته من وقت ماشافها بتنزف قدامه
وجمال كان قاعد جنب حنان بيحاول يهدي فيها وعنيه مصوبه تجاه ابنه حازم بتعجب وستغراب كبير من حالته اللي اول مره يشوفها باشكل ده قدامه
وبعد دقايق خرج دكتور من غرفه العمليات وحازم قرب منه بخوف وقلق وقال:طمني يادكتور حبيبه مراتي كويسه مش كده هي بقت كويسه دلوقتي صح
الدكتور بصله بشفقه وحزن وقال:للاسف يافندم المريضه حصل معاها نزيف ومقدرناش ننقذ الجنين بتاعها و
قاطعه حازم بجنون ونفعال كبير:فـي سـتـيـن داهـيـه انا بقولك مراتي كويسه المهم طمني عليها هي
الدكتور بلع ريقه بخوف قدامه وقال:ايوه المدام بقت احسن احنا وقفنا النزيف وعلقنا لها دم مكان اللي تزفته كمان شويه نطمن ونخرجها من العمليات يافندم
حازم زفر بصوت عالي اخير بعد مااطمن عليها وقلبه برد شويه لما عرفت انها بقت كويسه وقال بهدووء:تمام شكرا يادكتور على تعبك معانا واسف لاني اتعصبت عليک معلش
الدكتور هز رأسه بتفهم وقال:حصل خير يافندم انا مراعي حالتك وخوفك على المدام وباشفي ان شاء الله عن اذنك
حازم ابتسمله بشكر والدكتور رحل من هنا وجمال بعد عن حنان وقرب من حازم وقال ببرود:تعال معايا عاوز اتكلم معاك دلوقتي حالا
حازم بصله بتفهم وقال:حاضر يابابا اتفضل
جمال بص تجاه حنان وقال لها انه هيكلم حازم خمس دقايق بس وهيرجع لها تاني بسرعه وحنان هزت رأسها بطاعه ومشي جمال من قدامها وخلفه حازم
ووقف في حديقه المستشفي قدام حازم وقال بستفهام وتعجب:انت عاوز منها ايه ياحازم عاوز من حبيبه ايه يابني قولي وريح قلبي معاك؟!
حازم بصله بتوتر وقال:احم انت قصدك ايه يابابا انا مش فاهم قصدك ايه و
قاطعه جمال بحده وغضب:قصدي انت فاهمه كويس ياحازم ومتستعبطش عليا انا شوفت في عنيك خوف كبير عليها عمري ماشوفته في عنيك تجاه أي حد تاني زيها انا مش عيل قدامك وبعرف من عيون الانسان هو عاوز ايه؟
حازم بص في الارض بتوتر وخوف وقال:انا انا مش عاوز منها حاجه والله يابابا انا…
سكت على جمله جمال اللي اصابته في منتصف قلبه باظبط لما قال:بتحبها مش كده عنيك ولهفتك عليها كشفوك قدامي انت بتحب حبيبه مش كده ياحازم؟
حازم بصله بعيون مفتوحه من شده الصدمه وبلع ريقه بتوتر وارتباك وقال:لا انا مش بحبها يابابا بس هو يعني..
قاطعه جمال بسخريه:بس مش هتقدر تكمل معاها حتي لو بتحبها لانك مش مستعد تخسر كل العز اللي وصلتله ده علشانها مش كده ياحازم بيه
حازم نزل عيونه في الارض بحزن ووجع وجمال بصله بخيبه امل وقال:كنت عارف انك صغيف يابني قدام طمعك علشان كده كنت خايف على حبيبه منك لكن انت في النهايه هتفضل ابني برضو وانا من واجبي اني انصحك الفلوس والعز ده كله بيروح وياجي ياحازم بس صدقني الحب لو خسرته يابني مستحيل تقدر تعوضه تاني وهتعيش عمرك كله ندمان عليه
حازم بصله بدموع وجمال رغم ده كله بس صعب عليه حاله ابنه فقرب منه وحضنه بحنان وقال:فكر كويس في حياتك وشوف راحت قلبك فين يابني لان وجع القلب اصعب مليون مره من هم الدنيا ومسئولياتها عليك
حازم تمسك اوي في حضن ابوه وقلبه واجعه بشده لان كل حرف قاله ابوه صح بس المشكله ان خوفه من المستقبل مسيطر عليه
وعلى الجهه الاخرى
حنان كانت قاعده في غرفه حبيبه بنتها بعد ماحالتها بقت مستقره ونقلوها لغرفه عاديه وهنا حبيبه بدأت تفتح عنيها بتعب وقالت بألم:ااه ماما انتي فين؟
حنان سمعتها وقربت منها بقلق وقالت:انا هنا ياروح قلبي جنبك انتي كويسه يابنتي
حبيبه بصت لها بدموع وقالت:انا كويسه ياماما متقلقيش عليا بس حصل ايه معايا انا في المستشفي صح
حنان مسحت على جبينها بحنيه وقالت بحب:محصلش حاجه ياقلبي ربنا قدر ولطف بحالك يابنتي والحمد لله انك خلصتي منه
حبيبه انصدمت من كلام امها وقالت بدموع:هو نزل صح ابن حازم اللي في بطني مات صح ياماما
حنان قربت منها وحضنتها بحب وقالت:قولي الحمد لله انه نزل يابنتي وخلصتي منه ده ربنا بيحبك وعارف انك مظلومه و
قاطع كلامها دخول جمال وخلفه حازم اللي اول ماشافته حبيبه قدامها ارتجفت بخوف كبير منه وقالت بخوف ودموع:والله العظيم والله العظيم يأبيه ماعملت حاجه انا مقتلتوش والله وانت كنت معايا و شفت كل حاجه بعينك لما قربت مني و
سكتت حبيبه بصدمه وحطت ايدها على بقها بخوف لما استوعبت هي كانت بتقول ايه وهنا حنان شقهت بصدمه وزهول وقالت بحده:اييه قرب منك ياحبيبه قرب منك ازاي يعني لمسك مش كده ردي عليا؟!
حبيبه بصت لها بخوف وكسوف وحازم قرب منها وقال:اهدي ياحبيبه انا مش زعلان منك ده قضاء ربنا وانا مش معترض عليه بس..
قاطعته حنان اللي وقفت قدامه بغضب وقالت:انت قربت منها ياحازم لمست بنتي ودمرت مستقبلها مش كده رد عليا ياحيوان؟!
حازم غمض عنيه بغضب حاول يكبته قدامها وقال وهو بيجز على اسنانه بضيق:دي مراتي يامرات ابويا وده حقي وانا معملتش حاجه معاها حرام او عيب و
نزل كف قوي على وجه حازم من جمال ابوه اللي قال بغضب وحده:مراتك.. وده حقك مش كده ها رد عليا طيب وحق بنتي حبيبه فين بقى ياحازم بيه الاول استغليتها علشان تبقى اب وسكت علشان خاطرها هي وطلبت منك تتجوزها بس بشرط متلمساش لكن انت عملت ايه صغرتني وكسرت كلمتي كمان
تنفس جمال بغضب كبير وهو بيحاول يسيطر على اعصابه قدامهم وقال بغضب مكتوم:تمام اسمع بقى المأزون اللي جوزها لك هو نفسه اللي هيطلقها منك ياحازم وده اخر كلام عندي
حازم عنيه وسعت بصدمه وزهول وقال بحده: نعم؟! انت بتقول ايه اطلقها وتاني يوم جوازي منها يابابا وكل ده ليه علشان اخدت حقي الشرعي اللي قال عليه ربنا انا معملتش حاجه حرام او عيب ومش هنفذ كلام حد فيكم تاني وطلاق مش مطلق يابابا واللي عندك اعمله بقى عن ازنك
خلص كلامه بنفعال وغضب وطلع من الغرفه زي البركان وهو بيتنفس بصوت عالي واعصاب مشدوده
اما جمال فبص في اثره بخبث وقال في نفسه بفرحه:انا كنت عاوز بس اتأكد من مشاعرك تجاها يابني ودلوقتي اتأكدت انك بتحبها اوي بس عقلك وطمعك بيعاند مشاعرك تجاها بس انا مش هسيبك ياحازم لغايه ماافوقك لنفسك تاني وارجعك من الطريق ده علشان اطمن عليك وعليها كمان معاك
سكت وابتسم وهو بيبص على حبيبه بحب وقال في باله:انا لولا اني متأكد ان بنتي حبيبه بتحبك من قلبها وسعادتها معاك انت باذات ياحازم كان مستحيل اجوزها لك بس ربنا يهديك يابني وتفوق لنفسك بجد قبل فوات الاوان وتعرف ان حياتك معاها بمال الدنيا كله
وعلى الجهه الاخرى
حازم وقف خارج المستشفي وهو متعصب بشده من طلب ابوه وقلبي واجعه اوي من فكره انه ممكن فعلا يطلقها ويبعد عنها بعد مااخيرا قدر يحصل عليها وتبقى ملكه
فضل في مكانه وهو مش قادر يمشي ويسيب المكان قبل ماياخدها معاه ويطمن عليها في البيت وفي نفس الوقت مش قادر يدخل عندها لانه خايف ابوه يضغط عليه تاني في نفس الحوار و
قاطع افكاره صوت فونه وهو بيرن ففتح بسرعه وقال:الوو ايوه يايارا انتي فين روحتي البيت او لسه؟
ردت عليه يارا بقلق:ايوه روحت البيت بس انت فين دلوقتي ياحبيبي؟!
حازم بلع ريقه بتوتر وخوف من رد فعلها لما تعرف ان ابنهم اللي في رحم حبيبه دلوقتي مات فقال بكذب:انا طلعت مشوار هنا قريب من البيت شويه كده وهكون عندك ياقلبى ماشي
يارا بشك واستغراب:تمام ياحبيبي بس متتأخرش عليا
بقلم الكاتبه نور محمد
حازم قفل معاها وبقى متردد عاوز يرجع البيت يشوف يارا بس مش قادر يسيب حبيبه هنا لوحدها حتي لو معاها ابوه وامها برضو هيبقى قلقان عليها فتهند بعمق وتوجه لغرفه حبيبه
ودخل لقى حبيبه في حضن امها وجمال جنبها من الناحيه التانيه فقرب منهم وقال ببرود:بابا انا عاوز اخد حبيبه ونروح البيت عندك افضل من هنا والدكتور خلاص طمنا عليها مش كده
جمال بصله بسخريه وقال:ليه مراتك اتصلت عليك وعاوزاك في البيت صح طيب على العموم تقدر تمشي انت وانا هاخد بنتي بعد مااطمن عليها اكتر هروحها بنفسي وشكرا على افضالك ياحازم بيه
حازم بصله بضيق وقرب من حبيبه ومد ايده حملها برفق وحرص وقال بعند:انا مش همشي قبل مااروحها بنفسي واطمن عليها ومفيش داعي كل دقيقه تعيد نفس الكلام ده يابابا عن ازنك
خلص كلامه وتوجه للخارج ببرود وهو شايل حبيبه بحرص شديد زي بنته وحنان الغضب سيطر عليها من تصرفاته ولسه هتجري خلفه تتخانق معاه
جمال مسك ايدها بسرعه وقال:متخفيش حازم مستحيل يأزيها ياحنان انا متأكد من كده اهدى وثقي فيا انا عارف مصلحه وسعاده بنتي حبيبه فين؟!
حنان بصتله بضيق بس تهندت بقوه وقالت:تمام ياجمال انا عمري كله بثق فيك وللنهايه برضو هثق فيك ياحبيبي لانك عمرك ماخذلتني ابدا ياجمال
جمال ابتسم لها بحب ووقف اخدها معاه وخرج خلف حازم وحبيبه
وبعد وقت وصل حازم لمنزلهم ودخل حبيبه لغرفتها وضعها على سرير بحنان وقرب قبل جبينها بحب وقال ببسمه:بقيتي احسن دلوقتي ياحبيبه والا لسه حاسه حاجه بتو*جعك؟
حبيبه ابتسمت له بسمه رقيقه وقالت بكسوف:لا انا كويسه ياأبيه الحمد لله متقلقش عليا
حازم تاه في بسمتها له ولسه هيقرب منها بضعف بس وقف فجأه لما يارا دخلت الغرفه عليهم وهي بتقول بغضب:صحيح اللي سمعته ده ياحازم ابننا ما*ت بسبب الحيو*انه دي؟
حازم ضم ايده بغضب وتوعد وقال بحده:يارا تعالي معايا فوق وانا هفهمك
يارا بصتله بغضب وتوجهت لحبيبه وقالت قدامها بنفعال وحده:والله لاندمك عمرك كله على مو*ت ابني ياحبيبه وهدفعك تمنه غالي اوي
حبيبه خافت من شكلها قدامها وجمال وحنان دخلوا الغرفه بقلق وخوف بس حازم مسك ايد يارا بغضب مكتوم وهو بيحاول يتمالك اعصابه قدامهم وقال:يارا مش عاوز اسمع كلمه تاني وتعالي معايا هفهمك كل حاجه فوق ياله
يارا بصت لحبيبه بتوعد وغضب وحازم سحبها خلفه بعنف وضيق وحنان قربت حضنت بنتها بقلق وهي بتقول:اهدي ياقلبي ومتخافيش ماما وبابا معاكي هنا اهدي
حبيبه عيطت في حضنها بحزن وخوف وجمال قعد جنبها من الجهه الاخرى علشان يطمنها بوجوده معاها
اما حازم فدخل شقته بغضب ودفع يارا قدامه بعنف وقال بحده:انتي ايه اللي عملتیه تحت ده انتي اجننتني والا ايه يايارا
يارا قربت منه بغضب وقالت:ايوه اجننت ياحازم لما عرفت اللي حصل بقى انت قربت منها في غيابي ياحازم وخنتني معاها كمان
حازم بلع ريقه بتوتر وخوف وقال:يارا اهدى وانا هفهمك دي كانت بس لحظه ضعف مني صدقيني انا بحبك انتي وبس
يارا بصتله بشك بس قربت منه وحضنته بتملك وقالت بتهديد:وانا متأكده انك بتحبني انا وبس ياحازم لانك طبعا مش هتبقى مستعد تخسر كل اللي وصلتله ده بفضلي علشان حته الطفله دي مش كده ياقلبي؟؟
حازم بلع ريقه بتوتر وخوف منها وقال بصعوبه:ايو ايوه طبعا انتي عندك حق
يارا ابتسمت بنتصار وبعدت عنه بتحدي وقالت:تمام يبقى مدام احنا خسرنا خلاص ابننا اللي كان في بطنها يبقى مفيش داعي تفضل حبيبه على زمتك اكتر من كده
سكتت بخبث وقربت احاطت رقبته بحب وتملك وقالت بدلع: حبيبي انت هتنزل دلوقتي حالها وتطلقها قدامهم وبتلاثه كمان ونخلص منها للابدا تمام ياروحي
حازم عنيه وسعت بصدمه وزهول كبير من كلامها وبلع ريقه بتردد وخوف وقال بمراوغه وكذب:حاضر ياحبيبتي انا هطلقها بس بس مينفعش دلوقتي احنا اجوزنا امبارح ولو طلقتها دلوقتي الناس هتقول عليها ايه حرام دي مهما كانت بنت مرات ابويا وبابا المسئول عنها وممكن يحصله حاجه لو عملت فيها كده دلوقتي انتي فاهمني صح ياقلبي
يارا بعدت عنه بضيق وهي فاهمه انه بيراوغ معاها علشان مينفذش كلامها بس ابتسمت بتخطيط وشر وقالت:تمام انت عندك حق ياحازم دي برضو من عيلتك ومن حقك تخاف عليها خلاص ياقلبي خليها على زمتك كده كام شهر بس وبعدها تطلقها
بقلم نور محمد
حازم تنفس براحه اخيرا لانها وافقت بس قلبت ملامحه بسرعه لما كملت كلامها بغيره بتهديد واضح:بس لو شوفتك قريب منها او حتي واقف جنبها انا هتصرف معاك تصرف مش هيعجبك ابدا ياحازم واضح كلامي
حازم بلع ريقه قدامها وهز رأسه بطاعه وقال:حاضر ياقلبي ده حقك طبعا حاضر مش هقرب منها ابدا
يارا قربت منه بخبث وسحبته لغرفتهم وقالت:ربنا يخليك ليا ياحبيبي ومايحرمني منك ابدا تعال بقى جوه لانك واحشني اوي اوي
حازم دخل معاها بشرود وتوهان لان قلبه وعقله كان مشغول مع حبيبه بس في الوقت ده
وبعد منتصف الليل
يارا فتحت عنيها وبصت على حازم جنبها وهو غارق في النوم بخبث وتسحبت لخارج الغرفه بهدووء بعد مالبست عبايه تسترها كويس
ونزلت تحت لشقه جمال وفتحت الباب بالمفتاح اللي اخدته من حازم وهو نايم ودخلت وهي بتتسحب لغايه غرفه حبيبه
وفتحت باب الغرفه ودخلت في ايدها كانت سكـ*ـينه كبيره اخدتها من الشقه بتاعتها وهي بتبص تجاه حبيبه بشر وقالت بهمس وتوعد:قال هستني كام شهر كمان لغايه مايطلقها ده انا متأكده انها ممكن تأثر عليه وتاخده مني في ظرف يومين بس انا مش هسيبها توصل للمرحله دي معايا وهخـ*ـلص منها دلوقتي حالها خطافه الرجاله دي
نهت جملتها وقربت بخبث وشر من سرير حبيبه وهي بتبص عليها بنتقام وغضب وقالت:باي باي ياحبيبه دلوقتي هخـ*ـلص عليكي وهتنـ*ـقم منك زي ما قتـ*ـلتي ابني ياخطافه الرجاله
ونزلت بعدها بسكـ*ـينه على حبيبه وهي نايمه بعمق ووو
السادس من هنا
التعليقات