اني اسمي دلال اليوم اجه للدنيا حفيدي وماتعرفون فرحتي شكبرها
اليوم ابني علي صار عنده ولد
الله مايكطع ابد الحمد لله والشكر على تمام النعمه
اليوم حبيت اقصلكم قصتي
دلال مواليد ٨٠
راح ابدي قصتي واني عمري خمس سنوات
اني سمره وعيوني سود كبار ورموش كثيفات
وصاحبة شفايف كبار
خل اضحكم قبل الي شفايفه كبار يسموها ام براطم
وهسه صارت موديل المهم
ووجهي دائري
شعري اسود مجعد
اهلي يسكنون بأطراف بغداد
عائلتنا تتكون من ولد ٣ واني اصغر وحده
هشام وبشار وحسن
هشام عسكري وبشار وحسن طلاب مدرسه
عدنا ارض وحلال بس على كد حالنا
يعني موكلش اغنياء ولافقراء
امي بت ولايه نضيفه ومرتبه
رغم احنا بذيج الفتره اقصد فترة حرب ايران
الناس كلها نفس الوضع على كد حالها
جمانه السعيدي
اني المدلله ابوي حيل مدللني واي شي اطلبه يجيبه اليه
ومن ينزل للسوق اول وحده يسئلها شتريدين اجيبلج وياي
ومن يجي من السوق اني اليه علاقه خاصه
بيه مالذ وطاب من الحلويات
احنا ماعدنا تلفزيون ولا ثلاجه بالبيت
الماي بلحب بس طعمه يخبل ماينشبع منه
ماعدنا مشاكل تنذكر بس عدنا بشار اخويه الوسطاني حيل عصبي وشكاك كلش
من يدخل للبيت على كلشي يصيح ويصير عصبي
بس مايكدر يسوي اي شي اذا بابا موجود
عدنا أقارب بنص بغداد يصيرون بيت عم بابا
ولد اثنيين وامهم وابوهم متوفي
الابن الجبير ضابط اسمه راشد مزوج خالتي اقبال
والثاني طالب معهد اداره وقتصاد
جمانه السعيدي
راشد اخذ خالتي عن حب
خالتي اقبال جميله بشكل موطبيعي عبالك ممثله اجنبيه
طويله وبيضه وعيونها كبار وخشمها يخبل والكصيبه نازله للفخذ
مره صارت مناسبه عد اهل ماما واجا راشد وامه وأبو
وشاف خالتي وتخبل عليه
ابد مامتوقع عدهم بنيه هلكد حلووووه
بحيث ضل يلح على ابوووو اله هسه تخطبه
خاف تروح مني
وفعلا ابو راشد فاتحهم بلموضوع وقبلووووو ينطوهم مره
وخلال شهر واحد تم الزواج
خالتي موبس حلوووه لاحلووه وشاطره ومعدله
بحيث كل الي بلبيت يحبه ويحترمه
زوجها وحماها وعمتها تموت عليها
بس عدهم مشكله وحده صار خمس سنوات زواج وماكو اطفال
السنه اتخرج شهم ابنهم الثاني وهو يحب بنيه وياا وخطبه
ويريد يزوجه
شهم حيل حلوووو احلى من راشد زوج خالتي
جسمه حلوووو وشكله حلوووو وشخصيه
اليوم دزولنا خبر حتى نحضر زواج شهم
اني عمري خمس سنوات
من سمعت بالعرس ضليت اللح على بابا اريد بدله اروح بيها للعرس
وفعلا نزل بابا وجابلي بدله سمائيه
ما اوصفلكم فرحتي حاضنه البدله واكمز مامصدكه
جمانه السعيدي
بشار هاي البدله المن
دلال اليه بابا جابه على عنادك
بشار اي انتي زركه وتلبسين سمائي الله يستر يمكن كل الي بلعرس راح يشردون
بابا….. هاي عليمن على دلال انتي بحلاتها بجمالها
بشار همزين اني مو مثلها لو مثلها مآ اطلع للشارع
سوده وشعرها كزه
دلال انتي هسه تخبل مو جنك بعير
بشار هاي عليمن ولج
بابا انت من كل عقلك اداهر هاي الطفله دروح بابا روح
شوف شغلك
همزين اذكرت روح شغل الماطور اليوم الصبح ماشغلته على الكاع
وفعلا اجا يوم العرس ورحنا اني وماما وبابا
اول مادخلت اتعجبت ابيتهم بيت جبير وبنائه يخبل
وعدهم اثاث وتلفزيون وثلاجه
وعدهم درج حبيته كلش اصعد واكمز
جانت هاي عندي لعبه حلووووه
بيومها كومه اكلت جكليت وشربت عصير
الناس مخبوصه بلعرس خبص
واني همي اكل جكليت واشرب شربت واصعد على الدرج واكمز
جمانه السعيدي
زفو العريس الغرفته واني اريدهم ينزلون من الدرج
لان صارو هوسه علي
واني اكول هذا الدرج صار مالتي اللعب بي
الكل نزل واني بقيت اللعب
نص ساعه ونزل العريس
هاي كانت عاده قديمه العريس يبدل وينزل
يلبس دشداشه بيضه وينزل يسلم على الناس حتى كلمن يروح البيته
نزل واني اللعب على الدرج
ماحسيت اله شالني من خصري من ورا وباسني وكال
عموو …حبيبتي لاتوكعين
ونزلني من الدرج وراح واني بقه عطرا بخدي
عطر كلش طيب
اسمع بابا سلم علي وكال صيحولي ام هشام قصده على امي خل نروح للبيت
اني ضجت
لان الاجواء جانت كلش عاجبتني
وفعلا ماما طلعت وسحبتني من ايدي وخالتي دنكت عليه وباستني وكالت ماتبقين يمي ياحلوووووه
اني جان ودي ابقه عدهم حتى اللعب واكل جكليت واشرب عصير
وحتى ابقه لابسه بدلتي لان اعرف بس نوصل للبيت راح يخلوني انزعها خاف تتوصخ
بس ماما ماقبلت وبابا كال اعوف روحي ومآ اعوف دلولتي
رجعنا للبيت واني اكعد يوميه اسولف الصديقاتي بلشارع وبنات جيرانه عن العرس
لان جان أجمل شي شفته الحد الان
ورا العرس بشهرين بابا تعرض الحادث بسيارته
احنا كاعدين الصبح
وجان اجا حسن
حسن يمه الحكي ابوي اندعمت
سيارته ونقلو للمستشفى
امي كامت اتصرخ واني اصرخ وياها
جلبت بامي اله اروح وياج للمستشفى واني على فد صرخه
حسن جابلنا سياره وصعدنا واني مابطلت بجي ابد
وصلنا للمستشفى
ودخلنا ولكينا العالم ملتمه زلم هواي
من اقاربنا وشفت شهم واكف وياهم
امي تصرخ وتلطم واني لازمته واصرخ
راسا وكعت على ضهري وما اكدر اتنفس
شفايفي صارن زرك وماكو هوا اختنكت
امي مامنتبهتلي
جمانه السعيدي
شهم اني واكف ودخلت ام هشام تعيط ومخبوصه
شويه وهاي الطفله وكعت وختنكت مآ اجر النفس
بس امها مامنتبهتله مخبوصه
شلتها وركضت بيها للطوارء راسا شدوله اوكسجين
وضربوها ابره
الدكتور هاي الحاله عدها من زمان
شهم مآ اعرف بس ابوها سوا حادث واجت ويا ووكعت
الدكتور هاي حاله نفسيه لان متعلقه بابوها
حست راح تفقده وختنكت
هسه شويه وتصير زينه لاتخاف عليها ابد
شويه واجا بشار يدور عليه
بشار وين دلال
شهم وكعت وختنكت كامت ما تجر الهوا
وجبتها هنا
بشار هي المن اجت منو عاتب عليه
شهم هاي شبيك بشار طفله ومتعلقه بابوها ليش هيج تحجي
بشار هسه شلون صارت
شهم زينه مابيها شي
الوالد شلون صار
بشار زين الحمد لله بس ضلع عندا مكسور واكو جرح براسه ورجله اليمنه مترضرضه
الله ستر الي داعمه طفل بايك سيارة ابو وطالع بيه
جايه من الصفحه وضاربه
شهم وهسه وينه الي ضربه
بشار لزمو وسجنو
شويه واجت ام دلال
يمه بنيتي شبيه
شهم مابيها شي الحمد لله زينه
كعدت شويه بس قلقه
شهم روحي ام هشام اني يمها بس تكعد اجيبها واجي
دلال فتحت عيوني ماكو بس شهم يمي
دلال عموو امي اريد امي ابوي وين ابوي
شهم على كيفج ابوج مابي شي زين وامج هسه جانت هنا
انتي زينه
دلال اي وديني البابا
شهم يله كومي عموووو تكدرين تمشين لو اشيلج
دلال اي امشي بس وديني البابا
جمانه السعيدي
وصلنا للردها وهي انفجرت بلبجي وهي تباوع على ابوها شلون نايم ومضمدينا
حضنته امها وكامت اتسكت بيه
بقه بابا اسبوع بلمستشفى واني وماما ماعفنا
رغم بشار كان يلح عليه ارجعي للبيت
بس اني كلما يكول ارجعي للبيت اكوم ابجي وابوي يصيح علي يكله عوفها شتريد منها
زين ما ماتت بسببي
صرت شحالني بلمستشفى واني مجلبه وما اقبل ارجع للبيت
وطلع بابا ورجعنا للبيت
وشويه شويه بدت حالته الصحيه تتحسن شويه شويه
الحد مارجع الطبيعته
بس اني شني لازكتله لزكه
كمت اخاف خاف اعوفه وافقده
ابد ما اتخيل حياتي من دونه
حتى بليل انام بحضنه
جمانه السعيدي
ورا زواج شهم ب ٦ اشهر خالتي كامت تجي البيتنا هواي اني افتهم الحجي
هي وماما يحجون كدامي عبالهم ما افتهم
خالتي جانت تشتكي من زوجت شهم تكول عجوزيه وصاحبة مشاكل
ويوميا مشكله
اقبال حنان زوجت شهم تخلق المشاكل من جوه الكاع
اني متعوده اكعد من الصبح انضف واطبخ واخبز
هي تكعد متاخره
تاكل وتعوف مواعينه هي ورجله واتصعد
تخلي ملابسها بالغسالة وتعوفهن حتلو يومين اتلاثه مايهمها
حتى ملابس شهم ماتغسلهن
ينطينياهن اني اغسلهن واكويهن
ضجت من هاي الوضعيه شني اني خدامه عدها
امي جانت تواسيه وتكله تحملي ميخالف الخاطر زوجج والخاطر عمتج
اعتبريها ماموجوده
الثالث من هنا
التعليقات