البارت الثاني
جمانه السعيدي
المشاكل بيت خالتي اقبال كامت تكبر وتكثر والمشكله عمتهه ماتقبل شهم يعزل
تكول البيت جبير وهمه بس اثنيين ويتفاركون
والكل جان يطلب من خاله اقبال تصبر وتستحمل وتعدي الامور
لان هي الجبيره والعاقله
وخالتي صابره ومستحمله الخاطر زوجه وعمتها والخاطر شهم الي ابد مامسمعه كلمه تجرحه
اني صرت استحق اسجل مدرسه
بس المشكله ماكو مدارس بنات قريبه علينا
المدرسه مال البنات بغير منطقه
فقررو مايسجلوني بلمدرسه
جمانه السعيدي
إلى أن بدت المدرسه واني مامسجله
واللح عليهم سجلوني اريد اروح للمدرسه
حتى سيارة بابا باعه ورا الحادث وبعد ماجاب سياره
الا ان يوم اجتنا خالتي واني كتله خاله اني محد يقبل يسجلني مدرسه
اقبال….ليش ماتسجلوها
امي …. المدرسه بعيده ومحد فارغ ياخذها ويجيبها
وحدها نخاف عليها
اقبال…..زين ماتخلونها يمي المدرسه بشارعنا واني اعرف كل المعلمات واني ادرسه
وهم ترد الوحشه عليه
امي…..ابوها مايقبل
اقبال…ماعليج اني هسه أقنعه
امي …بس احنا لامشترليها ملابس ولاجنطه والمدرسة بدت خاف ميقبلوها
خليها السنه وسنة اللاخ نسجلها
اقبال….لا مانضيع هاي السنه من عدها حرامات اضيع السنه عليها
دلال اني حيل فرحت راح اسجل مدرسه وراح اروح ويه خاله للبيت الجبير
اصعد على الدرج واشوف تلفزيون
جمانه السعيدي
لليل اجا بابا وامي وخاله فاتحنا بلموضوع بس ماقبل
ابد قفل فد مره
الصراحه كل بنات منطقتنا مامسجلات بلمدرسه
بس الولد لان جان الي يعوف المدرسه من الولد
بس يبلغ ١٨ سنه لازم يلتحق بلجيش
والالتحاق الزامي يعني غصبا علي مو بكيفه والي يتخلف عن الجيش راسا يسجنو وهم يلتحق بلجيش
بليل ضليت ابجي ولاسكتت ابد الحد مآ اجتني حالة الاختناق مره ثانيه
وابوي كلش خاف عليه طلب سياره من جيرانه واخذني للمستشفى
وخلولي جهاز الاوكسجين وللصبح بابا وماما وياي بلمستشفى
الصراحه بابا حيل خاف عليه
الدكتور كللهم لاتخافون هاي حاله نفسيه
بابا….دلول حبيبتي ليش تخوفيني عليج
لاتضوجين اني راح اخليك عند خالتج واراح اسجلج بلمدرسه
جمانه السعيدي
وفعلا طلعنا من المستشفى للسوك جابلي ملابس مدرسه وجنطه ومحفضه واقلام
واخذني يم خالتي
خالتي جانت حيل فرحانه بيه
من كد الفراغ الي عايشه بي
هم زوجها عسكري يجي بالشهر سبع ايام وهم ماعدها اطفال
ثاني يوم اخذتني للمدرسه وسجلتني
اول يوم جنت كلش خايفه
بس بعدين تعودت
وخالتي اشترتلي ملابس والعاب
اما شهم فطلعله تعيين بدائره حكوميه
بس احنا بلبيت جنا منشوفه بس وكت الاكل
يطلع للدوام ويرجع يتغده ويصعد غرفته ينام
كل يوم خالتي تاخذني للمدرسه وترجعني
وبيوم الصبح كالت انتي بعد تندلين الطريق تكدرين ترحين وحدج
اني هم صرت سباعيه وكتله أي اكدر اروح وحدي
اثاري على حضي الاغبر اكو ناس كاعدين جدد بالمنطقه وعدهم ولد مخبل
تقريبا عمرا ١٦ سنة
اني امشي وفرحانه بنفسي ومآ احس آله الضربه على جتفي بلعوده اتاري جان خاتل ورا برميل بلشارع
واني هي كمزه هي وكعه وجان يضربني مره ثانيه
شمرت الجنطه وركض للبيت واني اصرخ
جان يطلع شهم بوجهي
دنك ويصيح شبيج منو وياج
واني كل قوتي حضنته واصرخ مخبل مخبل ضربني
شهم طلعت للدوام ومآ اشوف غير دلال تركض وتصرخ وملابسه متوصخات
دنكت اسئلها شبيج جان تحضني بقوه اسمع دقات كلبها
من الخوف
بقت شابكتني حيل وماتقبل تعوفني
مشيت واني شايلها ولمخبل شافني وانهزم
دكيت الباب عليهم طلع ابو
شهم…..السلام عليكم حجي
الحجي….اهلا وسهلا عليكم السلام
شهم….حجي ليش هيج هاك اسمع دكات كلبها
يعني يختل ويخوفها ويضربها
الحجي ياعمي امسحها بيه ولله مللنا وين منروح يفشلنا
مخبل ولايفيد ويا كلام ولايفيد تعلوم
شهم…عمي اربطو وخلصو الناس من شره تراهاي ابد ماصايره
الحجي …عمي امسحها بيه وخل ابوسها جدو حبيبتي اعذريني
دلال اني شابكه شهم وابجي خانكته من ركبته خنك
شهم….اخذتها ورجعنا للبيت
شهم عمو دلال حبيبتي لاتخافين خل نرجع تغير ملابسج واني اخذج للمدرسه
وبعد يوميه انتضريني اني اخذج للمدرسه
دلال…اي عمووووو
جمانه السعيدي
رجعنا سولفت كلشي صار الخاله
اقبال…بس اليوم ما رحت وياج وهجم عليج هذا الخبل
دلال.. عمو شهم كال اني اخذج يوميه للمدرسه
اقبال…..اي بعد ما اخليج ترحين وحدج لو اني لو شهم ياخذج
استمر عمو شهم ياخذني كل يوم للمدرسه
كل يوم خميس يجي بابا ياخذني للبيت والجمعه العصر يرجعني
وينطيني مصرف
خاله اقبال تقريني ويوميا اخذ عشره
واني يوميه ابدل وانتضر شهم ينزل
الزما من ايده ويوصلني الباب المدرسه
حنان زوجت شهم ماجانت تعرف شهم يوميه يوصلني
لان هي تبقى نايمه الصبح وهو ينزل يتريك ويانه ويروح للدوام
يوم نزلت وشافتني واني الزم ايدا
دلال….عمو ليش اتاخرت عليه راح يدك الجرس
شهم….دنكت عليها وبسته اسفه ياحلوووه هاي اخر مرة
وراح اشتريلج حلويات تعويض اتفقنا
دلال…… اتفقنا
من رجعت للبيت الضهر جان الكا حنان بالمطبخ وتخزرني
حنان باعي لج ممنوع ترحين ويه شهم ويوصلج شنو يشتغل عد الخلفوج
اني سكتت ماحاجيته ابد
جمانه السعيدي
بليل خلصت دروسي وخاله اقبال راحت تغسل ملابس
واني اللعب على الدرج
وسمعت حنان تتعارك ويه شهم تكله هاي القرده بعد ممنوع تأخذها للمدرسه
شنو انت حاير بيها خالتها موجوده وهي تأخذها
شهم….اولا هي بطريقي يعني اني ما اخسر عليها شي
ثانيا طفله وتخاف والمدرسه مو بعيده
واخيرا احنا نروح مشي يعني حتى كروه ماتخسرني
حنان خلصت بعد ممنوع تأخذها للمدرسه انت تريد تجلطني
شهم…..أسم الله عليج من الجلطه حبيبتي لاتكبرين الموضوع وهو زغير
دلال ان من سمعتها رحت الغرفة خاله تمددت وتغطيت
بس كرهته حيل خبيثه
اني انام ويه خاله بغرفتها
بس من يجي عمو راشد مجاز انام يم بيبي
ثاني يوم خفت اروح وحدي وخاله جانت ملتهيه لان عمو راشد اجا مجاز
طلعت ومشيت اشويه وكفت وبقيت منتضره عمو شهم
طلع بس شافني ابتسم
شهم ….هااااا منتضرتني
دلال…..اي لان اخاف اروح وحدي
شهم همزين منتضرتني لان اني اخاف اروح وحدي انتي لازم توصليني لان انتي قويه
يله جيبي ايدج خل انروح سو
شهم ….مشينا شويه بس ليش منتضرتني بلشارع
دلال….تريد الصدك
شهم….اكيد احنا مو اصدقاء
دلال …..خاف عمه حنان تشوفني وماتقبل
شهم….معليج من حنان اني وياج كل يوم نطلع سوا اتفقنا
دلال…اتفقنا عمووووو
مرت الايام واني حيل حيل متفوقه بدراستي ودرجات كلها عاليه والفضل الخاله اقبال ومرات عمو شهم يقريني اذا هاي السعلوه حنان تروح الاهلها
تعودت عليهم وعلى العيشه عدهم كمت اضوج من اروح البيتنا واحسب الوقت الي ارجع بي الهم
اجت اخير السنه ونجحت وجمعت ملابسي لان بابا جاي ياخذني
سلمت على خاله وعلى بيبي ام راشد ورحت اسلم على شهم لكيته بغرفته
خفت من حنان ونزلت
شلت جنطتي واريد اطلع اني وبابا وسمعت شهم وين دلال ماسلمتي عليه
دلال شمرت الجنطه ورحت علي
دلال اجيت اسلم عليك وكلت يجوز نايم
جمانه السعيدي
شهم شوفي شنو جبتلج جبتلج لعابه هاي هدية النجاح وكل سنه تنجحين اجيبلج لعابه اتفقنا
دلال بسته بخده وكتله اتفقنا عمو
رجعت البيتنا بعد ماتعودت على العيشه عدهم
صار كلشي ابيتنا مايعجبني الاكل لان الصراحه همه اكلهم اطيب وتلفزيون ماكو يعني ماكو افلام كارتون
يوميه اسئل ماما شكد بعد للمدرسه
عشر ايام واجت خالتي تشوفني شبكتني وتشم بيه تكول تعودت عليج البيت وحشه وانتي ماكو
حتى عمتي وشهم يسئلون عليج
بس باباماقبل اروح وياها
هاي العطله جانت حيل طويله وممله بيت اهلي
رجعت المدرسه وجانت فرحتي ماتنوصف ابد
اول ماوصلت شبكت خاله وبيبي لان صدك اشتاقت الهم
وبقيت انتضر عمو شهم لمن يجي
وختلت ورا الباب وبس دخل كمزته
بس شافني ابتسم وشبكني وكال اشتاقيتلج
شهم….اني راح اسجلج باسمي وتصيرين بنتي وبعد ماترحين الاهلج ابد
دلال لأ انت عمووووو مايصير اني بنتك بعدين اني عندي بابا احنا اصدقاء مو
شهم …اي اصدقاء
دلال…. باجر انتضرك حتى توصلني للمدرسه
شهم ….اوكي اتفقنا
التعليقات