رواية الحمال وبنت التاجر الفصل الحادي عشر 11 بقلم جمانه السعيدي

مهيب….طلعت الدكتوره طمنتنا على حالة نورس

شويه وطلعوها من غرفة العمليات

كنا كلنا واكفين برا ننتضر

اول ماطلعت اتقدمنا عليها الممرضات طلعنها على السديه

يدفعن بيها

ابوها وامها واني وابوي وامي

عبونها جانت ادور عليه

اول ماشافتني كالت مهيب

مهيب..قربت عليه بستها براسها الحمد لله على السلامه

نورس…الله يسلمك

ام نورس وابوها …الحمد لله على السلامه

وصلناها للغرفه اني شلتها بحضني وحولته على السرير بلغرفه

الدكتوره أكدت بعد ساعتين ونبدي ننطيها سوائل

سوائل فقط

مهيب….سلامتج الف سلامه الله يعوضج انشاء الله

نورس…الحمدلله على كل حال

مهيب…مسحت وجها وعدلت ججابها

اني اطمنت عليج اروح للبيت اسبح وابدل ملابسي وارجع

تردين اجيب شي وياي

نورس…راح تعوفني

مهيب….لا مااعوفج شلون اعوفج بس اسبح اغير ملابسي

نورس…لا تتأخر ارجع بسرعه اريد معطر وكلنس مرطب

مهيب…صار شويه وارجع

رجعت للبيت سبحت وبدلت وأخذت اكل للجماعه وشوربة

حليب النورس ورجعت

بس صلت وشافني ابو نورس

ابو نورس …الله يرضا عليك ويحفظك

مهيب….شكرا

كعدت على السرير وخليتها كدامي كتفها منتجي عليه

وبديت اوكلها

ام نورس…اني اوكلها

نورس…لا مهيب احسن

ام نورس…شوف شوف ولج اني امج حبلت وجبت وكبرت

نورس…اي ليش هلاحراج مهيب يكدر يحركني انتي ماتكدرين

ام نورس….هههه اي هم صدك

مهيب…امي وابوي وابو نورس طلعو للبيت جمانه السعيدي

بقينا بس اني وام نورس وياها الدكتور كالت للصبح نتأكد من حالتها وتطلع

ام نورس هلكد ما تعبانه نامت بقينا بس اني وياها

مهيب…هاا صرتي احسن

نورس…الحمد لله امي تريد اروح للبيت وياها تكول حتى اداريج

مهيب…ليش ماتجين وياي واني اداريج اخلبج بعيوني

نورس… انت تعبت وياي هواي كفيت ووفيت ما قصرت بشي ابد اروح الاهلي

مهيب…ليش هيج وياا منو احجي بليل منو من ادخل

يلاكيني منو يحضر الاكل

منو الي ماليه عليه العالم

نورس…الله عليك تحبني رغم الغلط الي سويته

مهيب…اش مااريد كلام زايد الماضي راح ننسى راح نبدي من جديد

صدكي ان من عشت وياج حتى هذا الطفل كنت رافض بتسجل بااسمي بس من عشنا سوا حبيته على محبتج

جنت مقرر بس يجي للدنيا اسجله بااسمي

وهذا الخطء الي فقدنا بي الطفل ماكان اليه ذنب بي

لان اني مااعرف سوالف الحوامل

جان اخذتج كل أسبوع للدكتوره مهما يكون هذا روح وما لازم نتهاون بوجوده

اعذريني اني شريك بهاي الشغله

نورس…انت مالك ذنب اني هم ماكنت اعرف شي عن الحمل

كنت استحي اطلب اروح للدكتوره

كافي عليكم متحمليني وتعاملوني احلى معامله

مهيب…ليش تكولين هيج كلنا معرضين للغلط بس رب العالمين منزه عن الغلط حتى الأنبياء غلطو

نبي الله موسى قتل رغم هو نبي

ويونس زهد وغضب على الناس لان مايقبلون يسمعون

كلامه ويونس إذ ذهب مغاضبا

ادم غلط وخالف امر رب العالمين

احنا مخلوقين بلدنيا نغلط ونتعلم من غلطنا

وانت كنتي ندمانه على هذا العمل الي صار غصبا ماعليج

خلاص ننسى كلشي وابدي من جديد

ابد مااريد تحجين بلماضي جمانه السعيدي

نورس…انت أرقى انسان شافته عيوني اتمنى اكدر اسعدك طول عمري

مهيب…بس تتحسن حالتج اجي اتفدملج هلمره زواج حقيقي بعد ماكو كل واحد ينام بمكان

نورس…انشاء الله

مهيب..بقينا نسولف منا لمن نامت نورس واني نمت على الكرسي واني لازم ايدها

الصبح الدكتوره أكدت كلشي تمام ونكدر نطلع من المستسفى

بس اكدت على تنضيف مكان العمليه

و اخذ علاج الالتهاب حتى العمليه تنشف بسرعه

اتصل علينا ابوي وكتله راح نطلع للبيت

مهيب…..طلعنا الاهل نورس لان امها ماقبلت تروح وياي للبيت

وصلنا لكيت ابوي وامي وخواتي واصلين قبلي

اهلها محضرين غرفه خاصه بس الها

خاف اني اريد اكعد يمها او احب ازورها باي وقت

البيت صار هوسه من السوالف والضحك

خواتي اتلاثه وخواته ثنيين وامي وامها وابوي وابوها واني وياها

تريكنا بيتهم خواتي عبالك بيتنا يفترن بلبيت ويساعدن

بأم نورس وخواتها

الساعه ١١ اهلي كالو نرجع للبيت وبليل نجي نطمن عليها

مهيب…اني اروح

نورس…ليش ما تبقى هنا افرشلك مندر بلكاع وتنام هنا

حتى نسولف

مهيب…زحمه من ابوج هسه شيكول عليه

نورس… معليك بابوي

مهيب…لا اروح ارتاح واغير ملابسي وبليل اجي

نورس…اتصل عليه طمني عليك

مهيب..انتي الي لازم تطمنيني عليج انتي المريضه

نورس…اذا تبقى يمي اصير زينه جمانه السعيدي

مهيب.. اصلا اني مراح اعوفج ابد

رجعت للبيت اول مادخلت للغرفه ضجت مكان نورس خالي عطرها بلغرفه

شلون راح اتحمل منا لمن ترجع تعودت عليها

بليل ماكدرت اروح اشوفها لان اتاخرت بلشغل اتصلت عليها

ثاني يوم الصبح قبل لااطلع للشغل اخذتلها ريوك وطلعت

وصلت لكيت ابوها طالع للشغل وخواتها بلدوام

امها فتحت الباب

دخلت لكيتها مغسله ومبدله

مهيب…صباح الخير

نورس…منتضرتك صباح الخير

مهيب. دنكت بستها من راسها

نورس…اشتاقيتلك

مهيب…مو بكدي مااكدر ادخل للغرفه وانتي ماكووو

البارحه نمت بمكانج حضنت مخدتج ونمت

نورس…حبيبي واني البارحه اذكر سوالفنا الحلوه

مهيب…يله نتريك جبتلج كباب وتكه اصيح خالتي تجي تاكل ويانه

نورس….اي

مهيب…خاله تعاي نتريك

خالتي.. الف عافيه اتريكت قبلكم

تريكت وطلعت بقيت بلشغل لليل اربع مرات اتصلت عليها

بليل من خلصت شغل رحت البيتهم

لكيتها خاله فراش بلكاع مكابل جربايتها

نورس..الليله تبقى هنا ماتروح

مهيب.. عيب من ابوج انشاء الله مابقى شي بس تصيرين زينه نزوج وبعد ماكو كلمن فراشه وحده انام سوا

نورس…بكيفك

مهيب…رجعت للبيت وبقينا نحجي بلتليفون منا لمن نمنا

هاي الفتره عبالك مخطوبين اللهفه والتعلق والحب

مرينا بكل المراحل بقيت انتضرها لمن تصير زينه

وتتشافا تماما

امها رجعتها للدكتوره حتى تأكد كلشي تمام

لمن صارت زبنه اتفقنا اني وياها اروح اخطبها

بعد شهرين اخذت ابوي ورجعت خطبتها من ابوها

ابو نورس….هلمره اني الي اتمنى هذا الزواج ولو انت مجاي اني جنت ناوي اجي اطلب منك تزوج نورس

انت الشخص الصح الي اتمنى بنتي تعيش وياا كل عمرها

مهيب…اشكرك جزيل الشكر اني مستعد الكل طلباتكم

ابو نورس…ماعندي اي طلب

هسه اجيب شيخ وتعقد وتاخذها

ابو مهيب….احنا ماجبنا ويانا ناس بلخطبه لان مانريد الناس تعرف اي شي عن سبب الزواجه السابقه

همه هسه بعيون الناس مزوجين

بس هذا الزواج لازم يكون شرعي حتى رب العالمين يبارك

بي

ابو نورس…ولله اني عاجز عن شكركم عاجز اعبر عن طيبكم هلكد نورس تمدح بااخلاقكم وحسن تعاملكم

كلامه يخليني أخجل منكم

مهيب…. دخلت نورس لا بسه ثوب ملون ابيض واصفر ورصاصي مموج وفاتحه شعرها مكيجه وعطرها يخبل

اجت كبل كعدت بصفي بعد ما سلمت

مهيب…اني خليت ايدي بصفي وهي خلت ايدها بيها

وابتسمت

ابو نورس….يله شوف شوف عمي هذا الكلام ماله داعي

هما ناس متفقين شوف شلون اجت كعدت بصفه

نورس…بابا

ابو نورس….شنو بابا شوفي وجهج شلون يضحك من تشوفين مهيب

مهيب…باجر اجيب شيخ ونعقد واخذها للبيت وياي

ابو نورس…بكيفك

نورس…..ثاني يوم حجزت بالصالون هلمره العرس حقيقي

واشتريت فستان ابيض يخبل

بليل اجا مهيب وجاب الشيخ حتى نعقد واجا عمي وياا

وابو جنه كان الشاهد على عرسنا وحتى جنه اجت ويااا

عقدنا

هلمره مهيب مشتري ذهب يخبل هدية العروسه بلعرس

نورس…لبسني الذهب

مهيب…مبروك الف مبروك

نورس.. الله يبارك بيك حبيبي

مهيب…يله نروح بيتنا بعد مااكدر ادخل الغرفه وانتي ماكو

نورس…يله بس البس حجابي

مهيب.. من رخصتك عمي اخذ نورس وياي انشاء الله يومين ونعقد بلمحكمه

ابو نورس…. مبروك شايفين كل الخير

رجعنا للبيت ابوجنه راح بسيارته هو وجنه

واني وابوي ونورس رجعنا للبيت

بس دخلنا امي طشت علينا جكليت وباركتلنا

دخلنا للغرفه واخيرا ازوجنا خلاص من اليوم راح نبدي حياة جديده

نورس….الحمد لله تمم على خير

مهيب…شلت الفراش الي بلكاع شمرته برا الغرفه وطبكت الباب

نورس…ليش

مهيب….بعد ماكو كل واحد بفراش انام على فراش واحد

نورس…..هاي اليله الي تنعد من الف ليله وليله

مهيب…..اخيراحبيبتي صارت زوجتي

اخذت اجازه اسبوع بعد الزواج

خلصته بلبيت لان اني حقيقتا ماشبعان من نورس

ومجاي اكدر افاركها

كل يوم حبها بكلبي يزيد اكثر واتعلق ببها اكثر

احسها فاهمتني وكانما نعرف بعض من زمان

بعد زواجنا بثمن اشهر

صار شي خربط وضعنا شويه

الثاني عشر من هنا