رواية يا دنيا تاعباني لامتى انا هعاني الفصل الأول 1 بقلم حنين عادل
رواية يا دنيا تاعباني لامتى انا هعاني الجزء الأول
رواية يا دنيا تاعباني لامتى انا هعاني البارت الأول
رواية يا دنيا تاعباني لامتى انا هعاني الحلقة الأولى
بصي بقا انتي ربنا بيحبك أوي أوي عارفة ليه
ردت عليه وهيا بتنفخ:
ليه بقا يا استاذ مرتضي
رفع نضارته وقال بكل ثقة:
عشان انا أستاذ مرتضي السنهوري جيت أتقدم لك وعجبتيني مع ان أنا مايعجبنيش العجب
بصت علي كرشه اللي ناقص ينط بره القميص ونزلت نظرها علي جزمته موديل التسعينات وبدلته
حاولت تكتم ضحكتها:
وانا عجبتك ليه يا استاذ مرتضي
_عشان انتي ربنا راضي عليكي وأمك داعية ليكي
حط رجل علي رجل:
انتي عارفه ماما بتقولي ايه دايما
_بتقول ايه ؟!
مرتضي: بتقول انت تقعد بس يا مرتضي وتحط رجل علي رجل وتنقي علي الفرازة انت احلي بنت في مصر تتمني راجل زيك شهم وجدع وقلبه حديد
_ووسيم
مرتضي: اسم الله عليكي واديكي خدتي بالك وطبعا مش هسألك عن رايك لأني عريس مايترفضش طبعا !
قامت وقفت وهي بتضحك:
طبعا يا استاذ مرتضي بس استسمحك برده تديني وقت افكر
مرتضي: طبعا فكري بس اعرفي انك الكسبانه
_طبعا طبعا
استأذن مرتضي ومشي …
دخلت ست كبيرة وقعدت جمبها..
_ها يا سما
سما: ايه يا ماما ؟!
_رأيك ايه في العريس
سما: هههههه انتي قولتيلي دا ابن صاحبتك صح
_صح
سما: لأ عرفت تربي ، واحد شبه حمو بيكا كرشه بيدعي عليه زرار القميص بيحتضر بسببه بيقولي ربنا بيحبك وأمك داعيالك انك عجبتيني
دا أخد مقلب انما ايه في نفسه مش بتنمر عليه والله بس رحم الله امرئ عرف قدر نفسه
_يعني ايه هاترفضيه زي كل مرة
سما : لأ ادوني فرصة افكر بس بستسمحك في حاجه يعني
_ايه الرحلة لأ
سما: يا ماما اتخنقت وتعبت من الشغل وعاوزه اخد بريك وافصل عن العالم
_علي العموم عندك ابوكي ان وافق انا موافقة
سما: اه يا ختي وهو يقولي ان امك وافقت انا موافق والله مافيه حد مسيطر غيرك ياعسل
دخل ابوها :
وايه كمان يا ست سما
سما: بقول مافيش حد مسيطر غيرك يا حبيبي يا حبيب قلبي يا رفيق دربي يا ملاكي يا ابو السيد انت يا عسل
_الرحلة صح
سما: وافق يا بابتي الهي تنستر يارب الهي ربنا يرزقك ببنت الحلال اللي تدلعك وتهشتكك علي كبر يا شيخ
ضحك سيد:
انا موافق بس تكون الدعوة من قلبك
في حركه لا ارادية الشبشب طلع من رجل الأم لإيدها طلعت سما تجري وقفت ورا أبوها
الشبشب طار علي وشه رشق في عينه
سيد وهوا ماسك وشه:
ايه اللي وقفك ورايا ايه اللي وقفك ورايا منك لله يا شيخه ..
سما: ما انا بتحامي فيك من الدنيا
سيد: من الدنيا ماشي من أمك ماليش دعوة
قربت عليهم الأم …
سيد: اهدي يا عزه البنت بتهزر ماقالتش حاجه يعني
سما: هانعمل ايه يا بابا
سيد: ماتقلقيش انا معاكي احنا نجري زي كل مرة !
طلعوا هما الاتنين يجروا …
سما وهي بتضحك:
احنا عندنا كل حاجة مقلوبة كده ليه ايه يابابا هاتسيطر امتي
سيد: سيبيني والنبي لأني من الخضة واللي امك بتعملوا فينا هاسيطر علي نفسي اغرق الدنيا …
سما : تعالي نطلع علي السطوح اهو نشم هوا علي ما ناخد افراج ….
سيد: لا الوقت اتاخر احنا نخش اوضنا ولا من شاف ولا من دري ونقفلها بالمفتاح
سما : انا اوضتي لوحدي انت لأ
سيد : يبقي هنام معاكي بقا مع ان نومك زفت
سما: استحمل يا ابو السيد
دخلوا يتسحبوا بعد ما كانوا بره البيت لقوا البيت مضلم
سما بخوف :
بابا انا خايفة
سيد: أنا اكتر منك امسكي ايدي
مسكوا ايد بعض وشغلت سما فلاش تليفونها ودخلوا الأوضة
وقفلوا الباب بسرعه
سيد: ههههه ضحكنا عليها
راحوا ناحية السرير، فقامت مرة واحدة من تحت البطانية :
عوووو
سما وسيد: عاااااااااااااا
مسك سيد قلبه ووقع علي الارض
جريوا عليه
سما: بابا بابا
عزة: قوم يا خويا والنبي ماهاعمل كده تاني انا ماليش غيرك
قامت تجري جابت مية وبتحاول تشربه
رش المية من بوقه علي وشها وهو بيضحك:
عليكي واحد ههههه ضحكت عليكم!
وشها اتغير وهي بتمسح الماية
سيد وهو بيكح:
انا اسف
وقام يجري طلع بره الاوضه
قعدت سما علي السرير بتضحك وهي اخيرا هاتروح رحلة السفاري اللي نفسها تروحها …
_________________________
في اليوم التالي
صحت نشيطة وطلعت تجري جهزت هدومها في شنطة وخدت اللي تحتاجه
طلعت من الاوضه ابوها وامها قاعدين بيفطروا
سما: صباح الفل
ردوا: صباح النور
سما: انا هامشي انا بقا يادوب ميعاد الاتوبيس ..
ضحكت عزة :
روحي يلا
باستهم وخرجت جري لحد ما وصلت للأتوبيس
طلعت عليه لحد مالقت مكان قعدت فيه وهي بتبص من الشباك
_الجو جميل النهاردة خالص صح زيي
بتبص جمبها اتبدلت ملامح وشها:
مرتضي السنهوري لأ حرام
_هههههه فعلا المفاجأة مقصرة عليكي عارف طنط قالتلي افاجئك وانا مالقتش مفاجأة تسعدك اكتر مني!
_كده يا ماما ..ماااامااااا
*ههههههه عارف انك هاتموتي من الفرحة اني موجود اصل ماما قالت لي اني شعلة بهجة كتلة سعادة
_سمااااجة يا ماما أه يا بختي الأسود يانا
*ايه اللي خلاه اسود دا بامبي ومزهزه وبالألوان كلها كمان
سكتت وبصت من الشباك وهي متعصبة ..
في نفس اللحظة بيدخل شاب شيك لابس نضارة كل البنات بيبصوا له بإعجاب وقامت اغلبهم عشان تقعده جمبهم
بنت: تعالي يا عمور اقعد جمبي
بنت تانية: وليه مايقعدش جمبي أنا
سما بتفكير: وليه مايقعدش جمبي أنا بدل السنهوري اللي فاكر نفسه ماحصلش ده ارحمني يارب
اتعنقل في رجل مرتضي فوقف متعصب ..
عُمر: ايه يا بغل انت ماتلم رجلك دي
وقف مرتضي متعصب : انت بتقول ايه يا استاذ يا اللي مش محترم انت انت مش عارف بتكلم مين
بصله بقرف من فوق لتحت:
بكلم مين بغل زي بغال كتير
رفع صابعه وزقه :
لأ انت مش مؤدب
مسكه عمر من لياقته وهاتك يا اقلام يمين وشمال
سما وقفت:
خلاص يا استاذ انت
كمل عمر ضرب فيه …
مرتضي: هو كله ضرب ضرب مافيش شتيمة
بصت ليه سما بقرف:
لأ راجل
وقعدت تقرأ في المجلة….
اترمي جمبها علي الكرسي وهو ماسك وشه…
_ااااه الراجل ده ايده تقيلة اوي بس ايه عفي
سمعوا صوت صريخ …
عمر: دراعي مش حاسس بيه الحقونييييي
فتحت عينيها بصدمة:
لا والنبي يا رب مايكونش اللي في بالي بس الظاهر اللي في بالي اهئ اهئ
________________________________
الاتوبيس مشي طول الطريق بيهيصوا الا سما
قربت بنت من عمر:
عامل ايه دلوقتي يا عمور
عمر: الحمد لله يا بادي
مرتضي : ههههه هادي بادي كرمب زبادي
سمعه عمر: شاله وحطه وكله علي دي !
ولسعه بالقفا..
بص مرتضي لإيده:
ايدك دي ولا مرزبة ياجدع انت بتلعب ايه
مسك ايده …
عمر: ايدي اتشلت اتشلت منك لله
مرتضي: دا اللي يجي علي حد غلبان علي عبد مؤمن انت شكلك عامل ذنوب كتير
عمر: عشان كده ظهرتلي منك لله
كان هاين علي سما تعيط وبصت قدامها
سما وهي بتطلم:
عينيه صفرا ومدورة عينيه صفرة ومدورة !نهار اسوح.
_________________________
في نفس الأتوبيس
احمد: انا مقهور يا يوسف مقهور جوي فيه ايه ابو شعر مسبسب زيادة عني دا أنا حتي اجدع منه دا انا افوت في القطر ولا خافش
ضحك يوسف :
بيفهم سيكولوجية الست يا أحمد
كشر وشه:
ايه هيا سيكو..سيكو ..سالوكولجة الست دي
يوسف: مريش يعني ومعاه فلوس هاتبص ليه لكحيان زيك
احمد: ماشي يا عبير طلعتي مادية اومال ايه انا بحبك لشخصيتك انا اضحك عليا
يوسف : انت لسه عارف
احمد: بس انا كنت مكفيها جوي جوي من المشاعر والاحساسات أكيد في غلط في الموضوع هالة لا ينكن تبيعني ابدا لا ينكن هو انا هين ولا هين
يوسف: يييييييييه .
احمد بابتسامة: علشانك ياعبير هاكون غني واحقق المستحيل
بص ليه يوسف وهو ساكت
أحمد : هيهيييهييي هابي نيو نير يا جوجو
______________________________
كانت بادي قاعدة جمب عُمر…
عمر كان بيبص علي سما وكل شوية يزغر لمرتضي..
عمر: هو اللي جمبها ده يبقي لها ايه
بادي: لا ابعد عنها وعنه أحسن ده شكله سره باتع احنا عاوزين نفضل كويسين دا حالة ما بتتكررش كتير
_____________________________
سما بتبص لمرتضي.
مرتضي رفع شعره :
ههههه أكيد معجبة بجمالي
سما بتفكير:
هو انا لو قمت انتحرت من شباك الأتوبيس حرام لا مش حرام القعدة مع السنهوري اللي حرام حراااااااام
حاجة دخلت في عينها….
بتبص جمبها كان بياكل السندوتش وبيتفتف عليها ..
مرتضي وفي بوقه الأكل:
تاكلي ولا اما شوفتيني شبعتي هههههه
سما :
لأ كده كتير اهئ اهئ يارب ده ابتلاء بس أنا مش قده مش قــــــده……
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية يا دنيا تاعباني لامتى انا هعاني)
التعليقات