رواية الحمال وبنت التاجر الفصل الثاني عشر 12 والاخير بقلم جمانه السعيدي

رجعت للبيت المغرب بدلت ملابسي البنات حضرن العشى

اني مااتعشى لمن يرجع مهيب ونأكل سوه

بعدني كاعده على سجادة الصلا اجتني رساله

سحبت التليفون لكيت رقم غريب دازلي

…هلو حبيبتي

مارديت بس بين اني قريت الرساله اني كلش حذره من التليفون ومن كلشي صار عندي درس من المصيبه الي صارت وياي

…رجع دز ليش ماتردين اشتاقيتلج

مارديت علي قررت احضر الرقم لان هذا اكيد لو واحد مشتبه لان اني ماعندي حبيبي غير مهيب

لو واحد يحاول يصير ضريف براسي ويدور وحده يحجي وياها

ردت احضره اجتني صوره قررت اشوفها شنو

طلعت صورتي واني بدون ملابس بذاك اليوم المشؤم

راسا اتصل عليه مهيب

نورس…الو هلو حبيبي

مهيب…هااا شبي صوتج شكالت الدكتوره

نورس…كلشي تمام

مهيب…بداعتي احجي الصدك شكووو شبي صوتج

نورس…صدك ماكو شي

مهيب…ليش تخليني بقلق احجي

نورس….ماكو شي

مهيب….شويه واجي للبيت احس اكو شي

جمانه السعيدي

نورس…بعدني احجي ويااا مهيب اجتني صوره ثانيه

اني وياا هذا الحيوان بوضع سخيف بس هو مامبين وجها

اني الي مبينه

كلبي كام يدك على السريع ودموعي نزلن هذا راجع يريد يخرب حياتي اكثر ماخربها قبل

مااعرف ارد علي لو لا منو الي راح يساعدني بهذا الموضوع اتصل على ابوي احجيله

ابوي مريض ومراح يتحمل اكثر خاف مهيب يزعل اذا عرف حجيت الابوي وعفته

ياربي اني ماصدكت خلصت من هاي المصيبه واريد ابدي حياة جديده

بقيت كاعده بغرفتي وافكر اني وحدي مراح تكدر علي

لازم احد يساعدني

اجتني رساله ليش ماتردين ردي ليش انشر الصور

شفت الرساله واحس راسي كام يوجعني

كمت ابجي ولله خايفه خايفه منه خاف ينفذ كلامه

وينشر الصور

مارديت علي شويه واجا مهيب بس شفته فتح الباب

كمت ابجي

مهيب…هااا شكو ياستار ليش تبجين شكالت الدكتوره

نورس…اهيي اهيي

مهيب…غير افتهم شكو شصار ماكو مشكله مالها حل

بس فهميني سويتي تحاليل

نورس…شلت التليفون وانطيته اله

قرأ الرسايل وشاف الصور

نورس….رجع هذا الحيوان وهلمره يهددني ينشر صوري

اهييي اهييي

مهيب… خل افتهم لا تبجين

نورس….عبالي خلصت منه عبالي شي وخلص بعد مايرجع مااعرف ليش رجع دمر حياتي قبل وهسه راجع

يدمرها مره ثانيه

مهيب….اسكتي خل اركز شويه

نورس…مسحت دموعي وبقيت كاعده بمكاني

مهيب…كتبت هلو شرايد مني بلضبط

….هااا لمن شفتي الصور يله رديتي

مهيب….كول شتريد مني بسرعه اني مااريد مشاكل

مااريد زوجي يعرف ( مهيب كنت ارد على السان نورس)

…اني هم مااريد زوجج يعرف انتي عاقله وتفتهمين

خلي زوجج برا الموضوع

…احجي بسرعه

…اريد اشوفج ونرجع حبايب مثل قبل

مهيب…مااكدر اطلع من البيت بعد المصيبه الي صارت

زوجي ما يقبل اطلع وحدي

…بس اني مشتاقلج

…احجي حجي غير هذا خلصني

….زين اذا ما تجين اريد منج فد مبلغ محترم حتى اطلع من حياتج

مهيب…ميلي مبلغ مااكدر ماعندي فلوس

….زين اني راح ادز هاي الصور الزوجج وانشرهن

مهيب….لا عفيه لا يطلكني واني ما صدكت سكت وتقبلني على هذا وضعي انت دمرتني تدمير تعرف اني طلعت حامل بعد ذيج المصيبه

تذكر من قشمرتني واخذتني البيتكم

ليش هيج سويت بيه مو اني امنت بيك انت وامك

…خلصيني بلا لغوه زايده انتي غبيه شسويلج

مهيب… خلصني شنو تربد فلوس ماعندي انطيك

…ماعندج فلوس ذهب ماعندج حتلو ذهب اقبل

جيبلي فلوس من ابوج نايم على الفلوس

اكيد راح يدفع لان ما يقبل بنته تنفضح بين الناس

جمانه السعيدي

مهيب…اني سمعت انت طلعت خارج العراق

….لا ما طلعت موجود بس فيزت يله خلصيني

يمته اجيبلي الفلوس اريد عشره

مهيب…شنو عشره

…عشره مليون دفعه اولى وبعدين نفكر شكد الدفعه الثانيه ديري بالج تصيرين ذكيه وتبلغين عني

كبل انشر الصور واذا اني لزموني اني خال الصور يم

امي هي تنشرهن احسن شي فكري بعقل

لا تتهورين فكري بسمعة ابوج اذا انتشرن ذني الصور

ابوج يموت اللج يومين افتهمتي

مهيب…لا شنو يومين اريد وقت اكثر حتى اعرف اصرف

…ماكو هنا يومين تخلقين فلوس فهمتي لو لا

نورس…مهيب اخذ التليفون وطلع يشتكي علي بقسم الابتزاز الالكتروني

الضابط خله التليفون تحت المراقبه حتى يحدد مكانه

وطلب من مهيب يسايسه بلكلام

مهيب….لا تحجين الاي احد لا اهلي ولا اهلج افتهمتي

نورس….اي فتهمت بس خايفه

مهيب….لا تخافين راح يوكع شر وكعه

خلصن اليومين ورجع دزلي رساله

رشيد…خلصن اليومين ووين الفلوس واذا ما دبرتي الفلوس تجين

مهيب…وين اجي

رشيد….تجين للمكان الي راح اكول علي

مهيب….اي اجي ميخالف لان ماكدرت ادبر المبلغ كله أخذ

هذا المبلغ علما ادبر باقي المبلغ

رشيد….باجر اتصل عليج واحدد المكان وتجين

مهيب…اي ميخالف بس فدوه لا تنشر الصور

مهيب…حضري نفسج انتي راح تكونين الطعم

نورس…مااروح اخاف مااروح

مهيب…اني راح اكون وياج اني اخذج لا تخافين

نورس….كلبي يوجعني صار يومين ميته خوف

مهيب….الشرطه عدهم خبر واني مراح اعوفج ابد

جمانه السعيدي

الصبح رشيد دز رساله

رشيد….تعاي اطلعي انتضرج يم التقاطع

مهيب…يله

نورس…اخاف هو منتضرني بلسياره

مهيب…اني وراج مراح اعوفج

اتصلت على الضابط حتى يكون عنده علم

طلعت دوريه ويانا من البيت بلبس مدني الضابط وياا ثنيين لا بسين ملابس مدنيه وبعد اكو سياره ثانيه

تكسي بيها ثنيبن شرطه مسلحين

وصلت نورس للتقاطع هو كان منتضرها بلسياره

اشرلها اصعدي

نورس…ذني الفلوس اني مااصعد

رشيد …اصعدي بسرعه

بس قربت نورس على السياره وفتحت الباب سيارات الشرطه وحده ورا وحده كدامه مهيب فتح باب السياره وضربه بوكس مهيب بقا يضرب بي بقوه الشرطه تربد اتخلص منه

الشرطه خلت كلبجات بايده

مهيب….سيدي لا تنسى امه عدها نسخه من الصور

الضابط…امك وين

رشيد…بلبيت

الضابط…وين البيت احجي بسرعه

مهيب…رجع نورس للبيت هي والفلوس والضابط

اخذ رشيد للبيت وقبض على امه

طلع رشيد علي سبع قضيا حكم محكمه ابتزاز ونصب واحتيال وامه تشتغل قواده

لزمتهم الشرطه امه اخذت ١٥ سنه حكم

ورشيد انحكم ٥٠ سنه سجن واخيرا رشيد اخذ جزائه

العادل

نورس…بعد سنه من زواجنا وبعد ماراجعت اكثر من دكتوره

حملت هلمره مهيب كل شهر ياخذني مرتين للدكتوره

وهم طلع عندي فايروس بس عالجته ولله الحمد

عدنا هسا ثنيين ولد والثالث جاي بلطريق

اول طفل انولد بداية ٢٠١٩

حمواتي كلهن عرسن وخواتي هم عرسن البيت فارغ على امي وابوي

الحمد لله على كل حال

بهذا الوقت الثقه انعدمت الناس صارت عبيد للمصالح

انتهت قصتنا دمتم سالمين