رواية دلال وشهم الفصل الرابع 4 بقلم جمانه السعيدي

البارت الرابع

دلال وشهم

جمانه السعيدي

لمن هدئة الاوضاع رجعنا للبيت واني امتحاناتي قربت

بس من رجعنا البيت مو مثل قبل

البيت موحش كلش على شهم

عمو راشد قدم على تليفون ارضي حتى نطمن على شهم

وفعلا ورا شهرين شدولنا التليفون

دزينا رقم التليفون برساله الشهم وبدأ يخابر

اكثر شي من يخابر يحجي ويه بيبي وعمو راشد

اما عن وضعه بلبنان

بالبدايه ما كو شغل يناسبه وبعدين مشتغل حمال

وساكن ويه ولد عراقين

بالشهر مرتين يخابر لان المكالمه الدوليه تكلف

بوكتها جانت لبنان عملته قويه وتسوه

بصف ثاني متوسط انتقل عمو راشد الوحده عسكريه ثانيه

وتعرف على اصدقاء جدد

هذوله الأصدقاء كدرت يغيرون تفكير عمو راشد

جمانه السعيدي

زرعو اباله فكرت الزواج اي قنعو يزوج وحده ثانيه حتى يصير عنده اطفال

وفعلا الفكره عجبته رغم ان الدكاتره الي راجع يمهم اكدوله ان اثنيينهم مابيهم سبب يمنع الاطفال

بس جماعته قنعو غير زوجتك وانت يصير عندك اطفال

لان هو جان محروم ويتحسر على ريحت طفل بدا يفكر بلموضوع

والي شجعه اكثر بيت شهم فرغ يعني السكن موجود

وفعلا اجا وفاتح بيبي وخاله اقبال بلموضوع

بيومها خاله انهارت وضلت تبجي وتعيط

كانت متوقعه من تسوي هيج يغير رائيه

بس الفكره جانت مسيطره علي

من يحجي بلموضوع واثق ان راح يصير عندا اطفال

عبالك تجي وجيب الطفل وياها

واحد من اصدقائه كاله اني انطيك اختي

وبدأ عمو شهم يمشي باجرائات العرس

وخاله بس تبجي وهو يحاول يراضيها ويقنعها وهي قافله

الصراحه اني حيل ضجت على خاله مسكينه وين تروح بعدهذا العمر

ماعدها بس اخ وحيد ومزوج وعايش حياته وامي الي لاحول ولاقوه

حست نفسها انحصرت بلزاويه

بس كرامتها ماسمحتلها تبقى ابد

تحدد الزواج بعطلة نص السنه

جمانه السعيدي

جمعت ملابسها وراحت وياي الاهلي حالها يكسر الخاطر

مثل الطير المذبوح

بس تبجي النهار كله

بقت بس بيبي بلبيت وحدها

نجي اليوم العرس خالتي تخبلت ماتكدر تكعد ولاتكوم وماتعرف شنو اتسوي

بيومها سبحت مرتين رغم الجو جان بارد كلش

تكول احس نار تطلع من جسمي

ثاني يوم تمرضت مصخنه وراسها يوجعه وحتى كامت تتقيئ

امي حيل خافت عليها أخذته للمستوصف وجابتلها علاج

بس حالتها ماتحسنت ابد

سويتله شوربه واخليها كمادات

بس حتى صوته راح اني كلش خفت عليها وضجت من عمو راشد لان بسببه هيج صار بيها

قنعت بابا يوصله خبر

لان اعرف مرضه الحقيقي من زوجها ومحد راح يطيبها غيره

وفعلا ثاني يوم بابا دزله خبر

ثالث يوم اجا عليها

جمانه السعيدي

اني فتحتله الباب قبل لايسلم عليه كال صدك اقبال مريضه

دلال….اي عمو كلش مريضه وماتكدر ترفع راسها من الفراش

راشد وين تعاي دليني عليها

دخلنا للغرفه وامي جانت كاعده يمها

بس دخل وكال السلام عليكم رفعت عينها وشافته كامت تبجي

اني ندسة ماما وكتلها تعاي خل نطلع

طلعنا وطبكنا الباب ورانا

راشد حبيبتي عيوني ولله بس سمعت مريضه طار عقلي اجيت ركض

اقبال لاصارت زحمه مو انت عريس ليش عفت عروستك

راشد تقربت عليها وشلت الغطا من عدها وبسته بعيونها وبكصتها وبخدودها وباديها

ولج حاره نار هاي انتي مصخنه لوهاي نار الحب بشرفج

اقبال…..روح العروستك اني ما افيدك

راشد جيبيلي قرآن واني هسه اقسملج علي ما حبيت بحياتي ولا راح احب وحده بكد ماحبيتج

انت معلكه بروحي اني ما اتخيل حياتي من دونج

اقبال مبين جي بعت العشره اني بيش قصرت وياك

راشد بعمرج ماقصرتي انتي اصيله وبت اصول

اقبال اني بعد ما ارجع اللك ابد

راشد غير انصب خيمه هنا واكعد اريد افهمج شيء

ولله العضيم ما ازوجت بطران

ولا ازوجت لان اكو نقص بيج

بلعكس مرات اباوع عليج واكول الله شكد يحبني انطاني هاي النعمه حلوه ومستوره ونضيفه وفاهمتني

بس اني كبرت والي بعمري جهالهم بلمتوسطه وشوفت عينج شكد رحنا دكاتره

ماكان كدامي غير هذا الحل كلت خل اجرب عسى ولعل الله يرزقنا بطفل يملي علينا حياتنا ويونسنا

ولله معزتج نفسها ومراح تتغير

بس اني محتاج تسانديني وتوكفين وياي لان اني بدونك اضيع

جمانه السعيدي

اقبال سكتت وماحجيت شي المشكله احبه ومآ اكدر اعوفه اني تعودت علي ابد ما اتخيل حياتي من دونه

راشد شوسكتي ياروحيتي

اقبال ما ارجع وياك انت ذبحتني موتتني

راشد رفعت الغطه ودخلت وياها بلفراش

اقبال يمعود شكاعد تسوي لاتنعدي اني مريضه

راشد تخافين عليه اتمرض وماتخافين اموت إذا عفتيني

اقبال….ماتموت كلشي مابيك

راشد بداعتي ارجعي وياي واذا شفتيني يوم تغيرت وياج ساعته عوفيني

ولله احبج تردين اصيح واخلي اهلج يسمعوني

احبجججججج

اقبال….سديت حلكه يمعود فضحتنه

راشد بست ايدها ارجعي وياي حبيبتي

بيومها بقه عمو راشد اتغدا عدنا

وخالتي الي حسبته راح تموت رجع الدم بوجها وكامت تسولف وتضحك

رجعت خاله اقبال البيتها واني بس خلصت العطله لحكته

جمانه السعيدي

طبعا خاله هواي احلى من منار منار العروسه الجديده

العروسه عمرها ٣٢ سنه بس فقيره

يعني موذيج الشطاره

وين خاله اقبال نار وشرار

بشغلها بطيئه اذا دزها عمو على جاي ساعه يله اجيبه

وملابسه من تغسلهن موحيل نضيفات

الصراحه حسيت عمو اكثر وقته ويه خاله اقبال يعني ماياكل اله من ايدها

واذا يريد شي يطلبه منها

ومره جاي أقره بليل واكتشفت شي عمو راشد اليله الي المنار يخليها تنام ويجي ينام يم خاله اقبال

اما شهم لكا شغله محاسب بمكتب وبدأ يجمع فلوس ويدز البيبي بس بيبي ماجانت محتاجه فلوسه

كانت تجمعهن اله تكول بلكت يرجع ويفتح بيهن مشروع

لو الله يهدي ويزوج بيهن

وبشار رسب سنتين بالسادس وسحبت مواليده

يعني لبس عسكري

وبابا تعب مومثل قبل وحسن مايكدر للكاع والدوام وحده

قرر بابا يطلع فلاح للكاع يساعدهم عليها

جمانه السعيدي

مرت الايام وشهر يسحب شهر ومنار ماحبلت

ودزها كم دكتوره وماكان عدها سبب يمنع الحمل

مرت سنه وماكو فايده

وعمو راشد صار عصبي وعلى أي شي يصيح

يمكن لان خسر اخر امل عنده

كلما تمر الأيام اتاكدله ان السبب منه وهو ضلم خاله اقبال لمن ازوج عليها

بس بعد مايفيد الندم الي صار صار

ومنار بدت تحس بلملل لان اي شي تسوي عمو راشد مايقبل علي مايعجبه طبخها

ولايعجبه تنضيفها وهي ما حاولت تحسن من وضعها ابد

ويمكن لان حست عمو راشد يحب اقبال

وهي ماكدرت تاخذ مكان بكلبه ابد

كلما يتعارك وياها تكله طلكني انت ماتحبني انت اخذتني علمود الجهال ولله ماقسم النا يصير عدنا جهال

طلكني وخلصني………

الخامس من هنا