فريده: صباح الخير يا ماما صباح الخير يا بابا صباح الخير يامحمد
الاب : صباح الخير يا حبيبة قلبي هي اختك لسه نايمه
الأخ محمد : لا سبيها نايمه احسن
فريده : ليه كده يا محمد هزعل منك
محمد : والله ما انتي فاهمه حاجه
فريده : أنا داخله اصحيها
فريده : نور نور اصحي بقي الفطار جاهز وكلنا مستنياك
نور: يا دي القرف اللي علي الصبح ليه كده يا شيخه اصحي علي صوتك انتي منك لله
فريده : ليه كده يا نور أنا عملتلك ايه لكل ده
نور : بقرف انتي هتفتحيلي محضر امشي بقي مش ناقصاكي علي الصبح
فريده : الله يسمحك ويهديكي
محمد : صحتيها
فريده: اه يا محمد هتفوق وتيجي بعد إذنك هنزل علشان اتاخرت علي شغلي
الام والأب : خلي بالك من نفسك يا فريده
فريده : حاضر يا احلي اب وأم في الدنيا
نور: فين قهوتي
الأب : مفيش صباح الخير
نور : هو اللي يصحي علي بنتك يبقي فيه خير
الام : اتكلمي عدل علي اختك
نور : كفايه بقي علي الصبح
محمد : المطبخ عندك اتفضلي جهزي قهوتك بنفسك محدش شغال عندك
نور: طبعا ما أنا مش فريده
محمد : ياريتك تبقي ربعها
نور : أنا احسن منها في كل حاجه وهتشوفوا بعينكوا
فريده : ماما أنا جيت من الشغل خلاص
الام: حمدالله علي سلامتك يا قلبي
فريده: الله يسلمك كنت عايزه حضرتك في موضوع مهم
الام: خير يا بنتي في ايه
فريده: في عريس متقدملي
الام : الف مبروك يا حبيبتي مين هو عرفتيه ازاي احكيلي
فريده: يا ماما يا حبيبتي أنا معرفتش ده اخوا صحبتي جنه
الام : جنه دي بنت ناس محترمين فعلا واللي اعرفه انهم عائله مرموقه اوي
فريده: دي حقيقه يا ماما بس أنا متردده ومخدتش قرار لسه
الام : ليه يا حبيبتي كده اللي اعرفه عن الولد ده انه محترم جدا
فريده : دي حقيقه يا ماما اللي عرفته من جنه انه بيحبني من سنين
الام : طيب وايه اللي يخليه يستني كل ده
فريده: أبدا يا ماما انتي عارفه اني كنت ماجله الموضوع ده لحد لما اخلص الدكتوره وبحكم ان جنه صحبه عمري فهي عارفه المعلومه دي فمحبش انه يتقدم ويترفض
الام : ياه يا فريده يا بنتي هو في حد بيحب حد لسه كده
فريده : الله اعلم يا ماما ده اللي عرفته من جنه عمتا أنا هصلي استخاره واشوف ربنا كتبلي ايه
الام : ربنا يجعله من نصيبك يا بنتي
فريده: لسه لما اصلي يا ماما ههههه بعد إذنك هدخل أوضتي شويه
نور : بقي كده يا ست فريده عامله نفسك شيخه وتلاقيكي مقضيها معه وعامله لينا احنا الشيخه بس وحياه ربنا ما هسيبك تتهني في حياتك دي كمان
محمد : وقفه عندك كده ليه يا نور
نور : لا مفيش داخله أشوف ماما خلصت العشاء ولا لسه
محمد : طيب قوليها يله بسرعه احنا جوعنا
قامت العائلة بتناول العشاء والاب جالس يغازل في فريده
نور : هي القعده دي مفيهاش غير الحلوه دي ولا ايه
فريده : لا خالص يا حبيبتى أنا بس بابا بيهزر معايا علشان جبتله دواء كان بيدور عليه وعموما يا ستي أنا داخله انام
تصبحوا علي خير كلكم
فريده ذهبت الي غرفتها وتوضئت واديت صلاه الاستخاره
وذهبت في نوم عميق
استيقظت في الصباح الباكر وهي في غايه السعاده والراحه والأمان
الام : صباح الخير يا روح ماما
فريده : صباح الورد يا احلى ماما
الام: يبقي ارتحتي في الاستخاره صح هههه
فريده : الصراحه يا ماما اول مره احس الشعور ده الحمدلله يا ماما أنا استخرت الله وموافقه
الام : الف مبروك يا حبيبتي هبلغ ابوكي واقولك علي المعاد المناسب
فريده : طبعا يا ماما اللي يريحك بعد إذنك اتاخرت علي الشغل
الام : مع السلامه يا قلبي
جنه: صباح الورد
فريده: صباح النور حبيبتي
جنه : صليتي
فريده: الحمدلله
جنه: والنتيجه
فريده: موافقه بامر الله بابا هيحدد معاد وابلغك
جنه : ياه اخير بعد السنين ذي ده مالك مش هيدفع نفسه والله
فريده : خلاص بقي بلاش احراج وياه عندنا شغل
مالك : جنه انتي بتكلمي بجد ولا بتهزري معايا
جنه : والله يا مالك بكلمك بجد فريده وافقت يا مالك اخير
مالك : الحمدلله بعد السنين دي كلها ربنا كرمني بيها
ذهبت فريده الي المنزل
الأب : فريده غيري لبسك وعايزك في المكتب
فريده: حاضر يا بابا
فريده : الله يسلمك يا ماما بعد إذنك هغير و اشوف بابا ونقعد مع بعض يا قلبي
ذهبت فريده الي غرفتها وقامت بارتداء ملابس البيت وذهبت الي مكتب والدها
الأب : تعالي يا حبيبتي أنا زعلان منك خالص
فريده: ليه يا بابا خير
الأب :كده توافقي علي العريس من غير ما تعرفيني
فريده : أبدا يا با با أنا أصلا مش عارفه هو اخو جنه صحبتي انت عارفها
الأب : سكت الاب وقال امال الكلام اللي وصلي ده ايه
فريده : كلام ايه يا بابا محدش يعرف أصلا غير ماما وانا بلغتها تعرف حضرتك علشان تتعرف عليه شخصيا
الاب : خلاص يا حبيبتي مش مهم اللي وصلي أنا مصدقك خلاص بلغي جنه انهم يجوا آخر الاسبوع ده
فريده : بالسرعه دي يا بابا
الاب : مستعجل بقي يا ستي نفسي أشوف أحفادي هههه
فريده: ربنا يخليك لينا يا بابا
ذهبت فريده وقامت بالاتصال بصديقتها وأبلغتها علي الموعد
وجاء اليوم الموعد ذهبت عائله مالك الجرحي فهمً من اغني عائلات الي منزل فريده
وهنا دخل مالك المنزل وكان في غايه الاحترام ولكن عينا تبحث عنه حبيبه عمره كله
وجلس العائلتنا واتفقوا علي كل شئ وحددوا الخطوبه الخميس الجاي
وهنا الام ندهت علي فريده لكي تلقي التحيه علي عائلتها الجديده وهنا كانت فريده تنظر في الارض من الخجل وهنا مالك لم يتمالك نفسه من السعاده نعم فهو حقق حلم عمره كله
وتمت الحمدالله وذهبت العائله ولكن هذه الخطبه ستغير كل شئ في عائله فريده بل ستدمرها
نور: بابا أنا من رائ تسئل عنه تاني
الاب : ليه يا نور بتقولي كده
نور: هو انت عايز تقنعني ان واحد زي ده مالهوش علاقات ببنات وكان قاعد مستني ست الحسن والجمال بنتك ترضي عنه
الاب: اتكلمي باحترام يا نور عن خطيب اختك
نور : بقي خطيب اختي خلاص
الاب : ده بعد إذنك يعني
نور : هنشوف هيبقي ولا لا
محمد : في ايه يا بابا مالها نور
الاب : أبدا يا محمد متشغلش دماغك
نور: ازاي مش اخوها ولازام يشغل دماغه
محمد: في ايه يا نور ما تكلمي
نور : بصراحه أنا مش موافقه علي الجوازه دي
محمد : ليه يا نور تعرفي حاجه احنا مش عارفينها
نور : هعرف اكيد بس أنا مش مرتاحه
محمد : طيب يا حبيبتي اول ما تعرفي بلغينا وبعدين يا نور هي لسه هتبقي في فتره خطوبه وكل شيء هيبان في الفتره دي
نور : أنا داخله أوضتي علشان أنا عايزه انام
محمد : تصبحي علي خير
جاء يوم الخطبه وكانوا كله بيجهز نفسه وفريده ذهبت لاختيار فستانه الخطوبه واختارت فستان زهري جميل جدا يبرز جمالها وملامحها البسيطه
نور: الله يا فريده الفستان حلو اوي عليكي
لو سمحتي هاتيلي نفس الفستان أنا كمان
واشترت نفس فستان فريده فهي حقا تريد اخذ مالك منها مهما كلفها الأمر
وذهبوا للمنزل استعداد للخطوبه ولكن
الام والاب: بسم الله ما شاء الله يا فريده ايه الجمال ده
وبعد قليل خرجت نور بنفس الفستان
الاب والأم : ايه ده انتي ازاي جايبه فستان اختك
انتي مش عارفه انها العروسه ومينفعش حد يلبس زيها
نور : ده مين اللي قال كده ان شاء الله وبعدين فريده نفسها قالتلي حلو عليا
محمد: حلو طبعا بس ما ينفعش تلبسي زيها خشي غيري يله مفيش وقت الناس علي وصول
نور : علي اساس ايه انها عروسه فعلا بقي
الاب والأم : مش وقته النهارده يا نور لو سمحتي غيري الفستان بسرعه بلاش احراج قدام الناس
ذهبت نور وهي وجهه غاضبا وتريد ان تحرق اي شئ يقف في طريقها
نور: الو جهزتي اللي قولتلك عليه
مجهول : ايوه خلاص اه هيكون جاهز
نور : ساعتين بالظبط اخلص اللي أنا فيه واجي أخده
مجهول : هستناكي في مكانا
نور : يله سلام دلوقتي
تمت الخطبه بسعاده العائلتين ولكن سعاده بشكل خاص لمالك لقد أصبحت حلاله وبدء كلا منهم في التحدث مع الاخر وقال لها مالك انه كان بيحبها من سنين وأنها حب عمره محبش قبلها ولا هيحب بعدها
وتم اليوم علي خير
نور : فريده أنا جبتلك هديه خطوبتك يا حبيبتي
فريده : بجد يا نور كلفتي نفسك ليه
نور : المهم تعجبك يا حبيبتي
فريده : فتحت الهديه ولقيتها دبدوب جميل لكي تضع فيه دبابيس حجابها
نور : جبته ليكي علشان تحطي فيه الدبابيس ومتضعش منك حبيبتي
فريده : يا حبيبتي يا نور بس جايبه بنفس شكلي كده ازاي ده تحفه بجد وقامت بتقبيلها
نور : يله بقي أسيبك تنامي
فريده : تصبحي علي خير يا قلبي
نور : وانتي من اهله يا حبيبتي
الثاني من هنا
التعليقات