رواية بيت المجانين الفصل الرابع عشر 14 والاخير بقلم دعاء عادل
الحلقة الرابعة عشر … ” الــآآخيـــرة “
سالى : يا مااااااااااااااهر يا ماهر الحق يا مااااااااااهر
يطلع ماهر من الاوضه بيجرى :
ماهر بفزع : ايه مالك فى ايه ؟!
سالى : الحق بوسى واقفه على سور السطوح
ماهر برعب : اييييه !!
يقرب ماهر على الشباك ويبص منه يلاقى بوسى واقفه على سور السطوح وعلي وخالد واقفين بعيد عنها بخطوات بيشاورو لها بأشارات فهم ماهر انهم بيقولو لها تنزل :
ماهر : يا نهار اسود
يجرى ماهر وسالى تطلع تجرى وراه على بيت المجانين .. يوصل عند البيت ويفضل يخبط جامد على الباب :
ماهر بصوت عالى : يا علي يا خالد افتحو
سالى : الظاهر مش سامعين
ماهر : لو رمت نفسها ونزلت على دماغها مش هتحط منطق تانى
يفضل ماهر بيخبط على الباب بايده ورجله
_____________________
فوق السطوح … بوسى واقفه على السور وعلي وخالد وافقين بيحاولو يخلوها تنزل :
على : انزلى يا بوسى ايه ال بتعمليه ده
بوسى : مالكش دعوه
خالد : يا بوسى حرام هتموتى كافره
بوسى : ماحدش له دعوه بيا امشو من هناا
على : انتى بتعملى كده ليه ايه الفايده بس من كده
بوسى : الفايده انى هخلص من الدنيا وهم الدنيا وقرف الدنيا خلو الواحد يرتاح بقى من الناس ال مش بتحس بحد غير نفسها
على : انزلى والا هاجى اجيبك من شعرك
بوسى : لو حد فيكم قرب لى هرمى نفسى
_____________________
تحت قدام الباب ماهر عمال يخبط زى ماهو :
سالى : وبعدين يا ماهر مش سامعين ومش هيفتحو
ماهر : انا هكسر الباب
سالى : ده قد الداهيه هتكسره ازاى
ماهر : امال استنى لحد ما الاقيها نازله قدامى من فوق
ويبدء ماهر يحاول يكسر الباب
_____________________
فى السطوح … بوسى مش عايزه تنزل ومصممه انها ترمى نفسها وتنهى حياتها :
خالد : انزلى بقى
بوسى : قولت لالالالالا
علي : يا بوسى ماحدش هيخسر غيرك هتخسرى الدنيا والاخره ليه عشان ايه
بوسى : عشان زهقت مش عايزه اكمل فيها اكتر من كده مفيش حاجة فيها نافعه لا عصبيه نافعه ولا برود اعصاب نافع ولا اى حاجة حاولت اعيش فيها بكل الطرق مش عارفه
خالد : وهو احنا يعنى ال عرفنا نعيش فيها ما احنا زيك بالظبط نطلع احنا كمان ونرمى نفسنا معاكى
تنزل بوسى براحه وتقعد على السور بستسلام يقرب على وخالد بهدوء ويقعدو جنبها
_____________________
فى نفس الوقت ماهر يقدر يكسر الباب يدخل هو وسالى ويطلعو يجرو على سلم السطوح يكون باب السطوح موارب قبل ما يدخل ماهر وسالى يشوفو من فتحة الباب علي وخالد وبوسى قاعدين جنب بعض على السور وبيتكلمو يبصو لبعض بستغراب ويرجعو يبصو ليهم :
بوسى : انا مش زى ما انتو فاهمين انا بحس مش بارده ولا اعصابى ميته مشكلتى انى كنت عايشه مع ناس مش بيحسو بحد بيتعاملو معايا ومع مشاكلى انها عادى ومش لازم اخد كل حاجة على اعصابى طب ازاى ازاى اكون انا بتحرق من جوايا وهما يقولولى هدى اعصابك طنشى وعيشى بيتكلمو من وجهة نظرهم هما لكن مش عارفين لما واحد يكون موجوع ويجى حد يقوله كبر مخك يعنى ايه اكبر مخى انا بقولك وجعى عشان تحس بيا مش عشان تقولى كده كلمة طنش وكبر دى بتوجعك اكتر ما انت موجوع وانت شايف ماحدش حاسس بيك وبيتعامل مع وجعك بمنتهى البساطه
علي : يا سلام .. طب ما انا اهو طول عمرى لوحدى الوحيده ال كانت بتحس بيا امى الله يرحمها ومن بعدها مفيش الاب نسى اتجوز بعد موتها بـ سنه واحده ولا يقول ميصحش ولا يقول ده ولادى كبار لا عادى والاخوات كل واحد فيهم اتشغل فى حياته حتى لما خطبت افتكرت خطيبتى هتشيل معايا حزنى وتوقف جنبى لكن قالتها بصراحه ” انا مش هستحمل النكد بتاعك ده ” امال مين هسيتحملنى لما الاخوات مش فاضين والاب مطنش والحبيبه مش مش غاوية نكد ومع كل ده المفروض انى دكتور نفسى بحاول اصلح مشاكل العيانين طب ازاى وانا مش عارف اصلح مشاكلى انا ازاى اقول لـ واحد متزعلش والدنيا جميله وايامك الجاية احلى واديله امل وانا فاقد الامل من الوحده ال عايش فيها وغد ابويا لـ امى ال عاشت عمرها كله معاه واهمال اخواتى ليا والحب ال مش موجود المفروض بعد كل ده اشوف الدنيا حلوه وسكر وزى العسل ههه
خالد : انا بقى غيركم انتو الاتنين انا لا شايف الدنيا وحشه وكئيبه زيك يا علي ولا ماحدش حاسس بيا زيك يا بوسى انا مشكلتى الوحيده كانت امى عمرها ما كانت تعرف تفهمنى معايا براحه او بهدوء حتى ابويا الله يرحمه كان دايما يقولها شدى شوية وارخى شويه بلاش كله شد شد لكن ولا هى هنا طريقة التفاهم الوحيدة ال كانت بتتعامل بيها معايا الضرب والشتيمة وقلة القيمة قدام اى حد حتى قدام اصحابى وحتى لما كبرت فى شاب عنده 22 سنه وفى كلية شرطة يضرب بالشبشب وياريت كده بس الا ماكنتش تقولى غير يا غبى يا حمار يالى مش بتفهم لحد ما حست فعلا انى مش بفهم امى من كتر ما كانت بتقولى يا غبى خلتنى بجد غبى خلتنى ضعيف خجول وخايف من كل حاجة حواليا مع ان عمرى ما كنت عايز منها حاجة غير معامله كويسه حتى لو فى مره غلط تفهمنى غلطى بهدوء براحه بشوية حنان كان كتير على ابنها الوحيد شوية حنان فاكره انها كده بتعمل الصح وان هى دى التربيه ال هتخلينى راجل والتربية دى هى ال دمرتنى ودمرت حياتى كلها
ماهر يبرق عنيه جامد وهو سامع كلامهم تبصله سالى بستغراب وتهمس له :
سالى : مالك يا ماهر
ماهر بأندهاش : خفو يا سالى
سالى : ايه ؟!
ماهر بفرحة : خفو يا سالى خفو
يزق ماهر الباب ويدخل هو وسالى :
ماهر بصوت عالى وفرحة : واخيرا اتعالجتو يا ولاد المجنونه
التلاته يبصو له بستغراب وهما مش فاهمين :
ماهر : ايوه انتو خفتو خلاص مادام وجهتو مشاكلكم بصراحه وصدق وعرفتو سبب مرضكم يبقى كده خلاص خفتو
سالى : خفو يعنى انت كده بيقت فاضى يعنى تتجوزنى بقى
ماهر : ههههه هتجوزك يا بنت الهبله
سالى : والنبى بجد لولولولولولولولولولى امتى امتى
ماهر : اخر الشهر
سالى : نععععععم
ماهر : اخر الاسبوع ولا تزعلى
سالى : ايوه كده هييييييييييييه هتجوز هتجوز هتجوز
ماهر بيغنى : وبقيت دكتور مشهور وبقيت دكتور مشهور
علي : ايه ده احنا اتعالجنا !!
خالد : ايه
علي : اتعالجنا اتعالجنا
خالد : اااه والله بجد
بوسى : احنا اتعالجنا بس الظاهر الدكتور اتهبل
ماهر : خفو خفو خفو خفو خفو خفو لووووليييييييييييييييي
خالد وعلي وبوسى : !!!
_____________________
بعد 4 ايام :
بوسى : ادلع يا عريس يا ابو لاسه نايلون
خالد وعلى : ادلع يا عريس يا ابو نايلون
بوسى : وادحرج واجرى
خالد وعلى : يا رمان
بوسى : وتعالا على حجرى
خالد وعلى : يا رمان
بوسى : وادلع يا رشيدى
خالد وعلى : على وش الميه
بوسى : سيب شعرى وامسك ايدى
خالد وعلى : على وش الميه
ماهر داخل عليهم : ايه اللى بتعملو ده مش قولنا اتعالجتو وبقيتو كويسين
خالد : الله ده احنا بنعمل معاك الواجب يا عريس
على : مش النهارده فرحك يا معلم قولنا نهيص لك شوية
ماهر : ماشى بس خليكم كويسن وعاقلين لحد ما تروح لـ مدير المستشفى عشان يكتب لكم على الخروج النهائى .. بوسى
بوسى : يا نعم
ماهر : سالى عايزاكى معاها فى الكوافير
خالد : ايوه ايوه عشان تبقو انتو كده بنات مع بعضكم واحنا رجاله مع بعضنا
ماهر : ماهو ده ال انا خايف منه يلا يا بوسى خدى عنوان الكوافير وروحى لها
بوسى : ماشى هات يلا سلام
الكل : سلام
خالد وعلى فجأه يقربو من ماهر ويقفو جنبه خالد من ناحيه وعلى من ناحيه :
ماهر : هو فى ايه ؟؟
خالد وعلى : مبرووووووووك يا عريس
ماهر : يامه
_____________________
فى الكوافير … سالى بتعمل شعرها وبوسى قعده جنبها على كرسى :
سالى : تعرفى يا بوسى انا ماكنتش طايقه اشوفكم انتو التلاته بس بصراحة حبيتكم اوى خصوصا انتى عشان ماعندش اخوات بنات
بوسى : هو صح انتو لحقتو تجهزو كل حاجة فى اربع ايام
سالى : يابنتى كل حاجة جاهزه من زمان ماكانش فاضل غير الفرح ده البيه كان لسه عايز يأجله كمان شهر عشان كنت اقتلوه عايزه اتجوز الله
بوسى بصوت واطى : ايه البت دى
سالى : بتقولى حاجة
بوسى : ايه المزه دى
سالى : ربنا يخليكى .. هو انتى هتفضلى قعده كده ولا ايه
بوسى : امال هعمل ايه ؟
سالى : قومى اعملى شعرك واعملى مكياج على فكرة انا جبتلك فستان سهره معايا
بوسى : شعر ومكياج وفستان سهره كمان
سالى : طبعا امال هتروح الفرح بالليل كده
تدور سالى بعنيها على حد فاضى فى الكوافير تلاقى شاب واقف تنادى عليه :
_ ايوه يا فندم
سالى : لو سمحت خد الانسه اعملها شعرها
_ تحت امرك .. اتفضلى يا انسه
تقوم معاه بوسى وتقعد قدام المرايا :
_ تحبى اعملك شعرك كيرلى
بوسى : مين كركر ده
_ …؟!!
_____________________
بالليل فى قاعه كبيرة وكلها انوار … سالى داخله من باب القاعه بفستان الفرح وهى مرسوم على وشها ابتسامة هادية وجملية ووراها داخله بوسى وعند الكوشه واقف ماهر وهو مبتسم وخالد وعلي واقفين جنبه .. يمل خالد على ماهر :
خالد : بقولك ابقى خوفها منك كده عشان يبقى ليك سيطرة
ماهر : اعملها ايه يعنى
على : هات قطه وادبحلها
ماهر : امسك سكينة وادبح قطه عشان اخوفها طب ما ادبحها هى احسن
توصل سالى لحد ماهر يقوم ماسك ايدها ويقرب لها بيوس رأسها ويقعدو على الكوشه وخالد وعلي يروحو ناحية بوسى ال واقفه على جنب لبسه فستان دهبى وعامله تسريحة شعر وحاطة مكياج سهرة :
علي : ايه ده ايه ده بص يالا بوسى شبة الستات هههههههههههه
خالد : اه صح فستان وشعر ومش عارف ايه كده بقيت شبة الستات بالظبط نيهاههاهاهاهاهااا
بوسى : هههههه اه والله وانتو كمان ايه ده لبسين بدل وكرفتات سبحان الله بقيتو شبه البنى ادمين بالظبط نيهاههاهاهاهاهااا
_____________________
يبدء الفرح وتبدء الاغانى وينزل ماهر وسالى على المسرح يرقصو شوية وتشتغل اغنية محمد منير ” شمندورة ” يجى خالد وعلى وبوسى يرقصو عليها مع سالى وماهر … فجأه وهما بيرقصو يلاقو مدير المستشفى قدامهم المزيكا توقف وكلهم يبصو عليه وهو باصص عليهم بغضب شديد :
المدير : ايه ال عملته ده يا دكتور يا محترم ازاى اسأل عليك يقولولى البيه بيتجوز وواخد معاه تلات مجانين خارجين من المستشفى واخدهم فين فى مكان عام وسط الناس
ماهر : يا حضرت المدير …..
المدير : مدير ايه وزفت ايه يا استاذ انا روحت البيت وسالت الجيران ال حواليكم عن الشهرين ونص ال فاتو وعرفت المصايب ال كنت بتعملها انت والبهوات دول .. العيل الصغير ال قعد معاكم شهر والحرامى ال دخل عندكم والبنت النصابة ال خبتوها والمحضر ال اتعمل لـ على بيه وخالد بيه فى القسم والبوليس ال كان كل يوم والتانى يجى لكم
ماهر : يا فندم دى مشاكل حصلت عادى فى التجربة حصلت وخلصت احنا فى دلوقتى خالد وعلى وبوسى اتعالجو وخفو وبيقو كويسين
المدير : التجربة كانت بتقول لو قدرو يقعدو فى البيت مع بعض بشكل طبيعى ومن غير مشاكل يبقو يقدور يخرجو من المستشفى ويكملو حياتهم لكن ده محصلش دول مش بس عملو مشاكل دول عملو مصايب ولازم يرجعو المستشفى عشان دول مجانين
ماهر : لا بقى ما اسمحلكش هما اصلا عمرهم ما كانو مجانين ال حواليهم هما ال مجانين وهما ال وصلوهم لـ كده كل واحد فيهم كانت مشكلته بسبب اهله وتصرفات اهله لو حد لازم يدخل مستشفى المجانين يبقى الاهل ال مش بيعرفو يعاملو ولادهم لدرجة انهم يوصلوهم للجنون
المدير : انت هتقولى كلام انشا وافلام انا الكلام ده ماليش دخل فيه التلاته دول هيرجعو المستشفى ودلوقتى حالا … يلا انتو التلاته معايا
يبص المدير على خالد وعلى وبوسى يلاقى مفيش ليهم أثر :
المدير : ايه ده راحو فين
ماهر : ههههههه دور بقى
المدير : دول هربو انا هبلغ البوليس
ماهر : مش من حقك انت هتبلغ البوليس عن هروب تلات مجانين والتلاتة دول اعقل منك واى دكتور لسه متخرج هيقولك كده يعنى مش من حقك تدخلهم المستشفى او تعمل لهم اى حاجة
المدير : بقى كده انا هوريك وعلى فكرة انت مفصول
ماهر : لا بقى انا مستقيل وانت غبى عشان انا كنت هاجى بعد يومين اسلم لك ملف الحالة عشان العلاج الجديد يتعمل مع حالات تانية بس عشان انت حمار انا هاخد ملف الحالة لـ اى مستشفى تانية واى مستشفى هتنفذ طريقة العلاج الجديده هتكون من اشهر المستشفيات يعنى من الاخر انت ال خسران يا دوك انت اصلا خساره فيك لقب دكتور
المدير : اه يا قليل الادب يا دكتور فاشل ادى دقنى لو نفعت
سالى : حبيبى سيب لى انا بقى الطالعه دى … يعنى انت دخلت قلبت الفرح ووقفت المزيكا وخوفت المعزايم وشتمت عريسى يا راجل ده انا بقالى اربع سنين مستنية اليوم ده وانت جاى تبوظه ليا عادى كده … شايف الخمس رجاله ال هناك دول
المدير : اه
سالى : دول اخواتى احمد .. خليل .. ابراهيم .. فريد .. توفيق امسحو بيه بلاط القاعه
المدير : ايه ايه استنو استنو اه اه ااااااااه اااه اه
وسالى : وبعد ما تخلصو تعالو عشان نكمل الفرح
ماهر : حبيبتى هو انا لو كنت اتاخرت فى الجواز منك كانو اخواتك هيعملو فيا كده
سالى : طبعا يا قلبى
ماهر : هههه يا حياتى وانا اقدر على بعدك يالهوى يا ناس اخيرا اتجوزت القمر بحبك يا بت
سالى : لولولولولولولولولولولولى
_____________________
فى شارع طويل وفاضى ماشى خالد وعلى وبوسى :
بوسى : هو احنا هنروح فين ؟
على : كل واحد فينا يروح بيته بقى
خالد : ليه هو احنا مش هربنا
على : لا طبعا احنا مشينا عادى ولو جيه حد كشف علينا هيلاقى ان احنا زى الفل انتو نسيتو انى كنت دكتور نفسى وعارف الحاجات دى
بوسى : يعنى كده خلاص هنرجع لحياتنا تانى
على : اممم
خالد : يعنى خلاص مش هنشوف بعض تانى
يقفو التلاته ويبصو لبعض :
خالد : انا مش عايز ارجع لحياتى الاولى انا عايز حياتى كلها تتغير
بوسى : وانا كمان نفسى حياتى تبقى ضحك نفسى اضحك من قلبى
على : والله وانا كمان مش عايز ارجع للوحده حاسس انى لو رجعت لها هرجع المستشفى تانى
خالد : طب ما نكمل
على : نكمل ايه ؟
خالد : نكمل عيشه مع بعض ونعمل مشروع مع بعض ونعيش
بوسى : صح نعيش نعيش حياتنا ال احنا عايزين نعيشها مش ال الناس عايزانا نعيشها
على : وماحدش فينا يكون وحيد ولا الوحده تقتله بس يا ترى هنسمى البيت ال هنعيش فيه بيت المجانين
بوسى : المجنون ال يجى له فرصه يعيش ويختار هو انه يموت
خالد : انا موافق
على : وانا موافق
بوسى : وانا موافقه
على : تعرفو ان دكتور ماهر هيوحشنى
بوسى : كان نفسى نكمل الفرح
خالد : هى ايه الاغنية ال رقصنا عليها ؟
بوسى : شمندورة
خالد : شمندورة .. اه يا شمندورة من جنا
يغنى على وبوسى مع خالد ويكملو التلاته طريقهم وهما بيغنو فى الشارع ” شمندورة “
خالد وعلى وبوسى بصوت عالى : ع الشط أستنى … رايحة فين
دانا ليكى باغنى غنوتين
ع الشط أستنى … رايحة فين
دانا ليكى باغنى غنوتين
غنوة عن الآهة والحنين
وغنوة لعنيكى ياحنين
يطلع واحد فى بلكونه ويزعق بصوت عالى : انتو يا بهايم مش عارفين ننام فى حد يمشى يغنى فى الشارع الساعه 3 الفجر انتو ايه مجانين
خالد وعلى وبوسى يبصو لبعض ويبضحكو ويرجعو يبصو للراجل : ايوه ههههههههههههههههههههه … اه يا شمندورة لابسة توب
يا اجمل من الصورة دوب يا دوب
يا اسمر يا سمارة دوبت دوب
يا عيون قدارة ع القلوب … هههههههههههههههههههههههههههههه
الـــنـهــايــة
ــــــــــــــــــــــــــــــــــــــــــــــــ
و بكــدا خلــصت حكـايتنــا ( بيــت المجــانيــن ) ^^
و اتمــنـى اكــون قدرت اخلــيــكــو تستــمتــعو بالــقــصه دى 
التعليقات