الفصل السابع عشر
في الدمنهوري جروب+
كانوا يجلسون في مكتب جاسر يتبادلون اطراف الحديث حتى دلفت عليهم السكرتيرة الجديدة سالي تتهادى بمشيتها المغرية ترتدي زي يكشف اكثر مما يستر شبه عاري تصبغ وجهها بمستحضرات التجميل الثقيلة التى تجعل منها دمية مقززة بشعرها الاحمر الناري المصبوغ لتقول بمياعة قذرة
سالي. رعد بيه بره عايز يقابل حضرتك
جاسر باشمئزاز. خليه يدخل ده اولا لما يجي في اي وقت و ثانيا و ده الاهم يا آنسة دا مش كباريه عشان تجيلي بلبس الرقصات ده مفهوم
كتم حازم ضحكته على حديث جاسر القاسي معها
سالي باحراج. تمام يا فندم انا اسفه
جاسر. اتفضلي لتخرج سالي غاضبة من تصرفه المتعجرف معها ليلتفت الى حازم مردفا بغضب
جاسر. دي الي جايبها تشتغل عندي يا حيوان
حازم. دي صاروخ يا بني انت الي ملكش في الطيب نصيب
جاسر. حسابك معيا بعدين ليدخل رعد بطلته الساحرة يحمل مقدار عالي من الوسامة بحلته السوداء الرائعة ليقول بمرح
رعد. من الصاروخ الي برة دي
حازم. والله لسه كنت بقوله مش مصدقني الجاحد
جاسر. حتى انت يا زفت
رعد. ياعم انت الي ملكش في الحلويات
جاسر. اخرس انت وهو و يلا نتكلم في الشغل
رعد بحقد. مش قبل ما خد حقى من كريم الشاذلي
جاسر. متقلقش انا وراه لحد ما خليه يشرف في ابو زعبل
حازم. انا سمعت ان ثورته كلها من تجارة الاعضاء و المخدرات دا غير شغله مع المافيا
رعد. ابن … وانا اقول كل العز دا منين
جاسر بجدية. المهم دلوقتي خلينا في موضوع دمج الشركتين انا كلمت المحامي عشان يجهز أوراق الشراكة وانت يا رعد هتمسك معايا مجلس الإدارة و حازم هيبقى المدير التنفيذي للشركة+
حازم. تمام بس كريم كده مش هسيبنا في النا خصوصا لما يعرف بموضوع الشراكة والي هيأكدله ان احنا رجعنا زي الاول
رعد. لا سيب الموضوع دا عليا وانا هتصرف المهم دلوقتي نخلص من موضوع الشراكة دا
جاسر. خلاص وانا هنظم حفلة عشان نمضي فيها العقود و نبلغ الصحافة بيها
حازم. انا موافق على بركة الله وأخيرا هنرجع لايام الشقاوة تاني
رعد. ايوا بقى
جاسر بحدة. احترموا نفسكم و بلاش صياعة
حازم بمرح. دا انا مش هصيع بس دا انا هنحرف و لا ايه يا رعد
رعد. دوس يا معلم انا معاك
جاسر. كده يبقى انتو الي جبتوه لنفسكم وهب حتى يمسك بهم لتتعالى ضحاتكهم المرحة هاربين من بطش الجاسر ليقاطعهم دلوف سليم و دموع الفرحة في تشق طريقها لعينيه لرؤيتهم هكذا بعد فراق سنوات
رعد . سلومة واحشني يا راجل ليقفز في احضانه الدافئة التي تشعره بوجود والده بجانبه
سليم بعتاب. لو كنت وحشتك كنت اطمنت عليا ولو بتلفون
رعد . معلش انت الكبير برضو انا اسف+
سليم. لو عايزني اسامحك تحي تتغدى معيا بكرة انعام بتسال عليك على طول و اهو بالمرة تتعرف على عروسة جاسر
رعد بغمزة. حلوة
حازم. صاروخ ارض جو
اشهر جاسر مسدسه المرخص في وجوههم بغضب . اطلع بره انت وهو و الا قسما بالله لكون مفرغ المسدس فيكم و ما هي إلا لحظات حتى فروا من أمامه تحت ضحكات سليم السعيدة برجوعهم الى بعضهم البعض.
في بيت نغم كان الفتيات يجلسون في المطبخ يعدون الغداء وسط مرحهم المعتاد فرحين بتجمعهم سويا لدلف جدة نغم خديجة قائلة
خديجة. ايه يا بنات لسه كتير على الغدا
منى. اقعد انت يا جميل وخمس دقايق والاكل يكون جاهز
خديجة. ما انتو الي مرضتوش اساعدكم
نغم. يا تيتة انت لسه جاية من السفر لازم ترتاحي
حور. صح يا تيته يلا استنينا بره واحنا خمس دقايق و نحصلك
خديجة. طب اساعدكم في اي حاجة طيب
الفتيات بصوت واحد. ابدا
لتضحك عليهم وتخرج لتقول منى . في حاجة نسيت احكي لكم عليها
نغم بحماس . قولي بسرعة
منى . مين يومين كده و بدأت بقص كل ما حدث معها عندما اعترض أولئك الشباب طريقها و حاولوا الاعتداء عليها و كيف ظهر ذلك الشاب مفتول العضلات لانقاذها من أيديهم+
شهقوا بقوة لتردف حور. الحمد لله انو ما حصلكيش حاجة
نغم. طب بالنسبة للواد المز الي انقذك اخباره ايه
منى بهيام. هو مز بجد هيييح بقى ده حاجة كده انقرضت من زمان
حور. وحياة خالتك طب مكنتي طلبت رقمه احسن
منى. تصدق صح ازاي فاتتني دي
نغم. اتلهي مش كنت طلبت رقمه عشان نوقعه
منى. بس انا اشوفه تاني ومش هسيبه ابدا مش بعيد اغتصبه
حور. يخربيتك ايه الي بتقولي ده
نغم. سيبك من البت دي ركزي معايا وانا هخليكي تجوزيه
منى. مش لما الاقي الاول
نغم. مش انت قولتي ان قلك ان اسمه رعد+
منى. يا سلام يختى يعني مصر كلها فيها رعد واحد بس
نغم. لا يا حيلتها بس هندور على الفيس بوك واكيد واحد مشهور زيه و غني زيه هيكون حاطط صورته
منى. يا بنت اللعيبة ازاي راحت عن بالي الفكرة دي
نغم. قدرات يا بنتي انت اش فهمك في الذكاء
ليسمعوا صوت جرس الشقة لتقوم نغم بفتح الباب لتشهق بصدمة عند رؤية ذلك الرجل ضخم الجثة والذي يرتدي جلباب صعيدي و يعلو رأسه عمامة بيضاء اسمر اللون يزين وجهه شاري كثيف اسود به بضع شعيرات بيضاء لتردف بدهشة . عمي
عامر. ايوا عمك يا فاجرة
نغم. الحقووني ليخرج الجميع اثر سماع صراخها المستغيث
عامر بغضب . محدش هينجدك مني يا بت اخوي فاكرة نفسك هتهربي لحد ميته
نغم. ابعد عني حرام عليك انت عايز مننا ايه
خديجة . سيبها يا عامر حرام عليك
عامر. لع هي لازمن ترجع معايا البلد دلوقك عشان تكتب كتابها على ولدي خالد
لتصرخ نغم بفزع من فكرة زواجها من ابن عمها ذلك القاسي الذي لا يعرف الرحمة
نغم بصراخ. نجوم السما اقربلك انت وابنك انا مستحيل اتجوز ابنك الحيوان ده لتخرسها صفعة على وجهها من كفه الكبير لتبكي بقوة في احضان جدتها
خديجة. يا راجل انت ايه معندكش دم دي مهما كانت بنت اخوك اليتيمة كل ده عشان الورث و الفلوس ملعون ابو الفلوس الي تخليك قاسي على لحمك كده
عامر. بت اخوي لابن عمها وده اخر كلام عندي يلا لمي خلجاتك عشان نرجعو البلد
تقف حور مصدمة من ذلك العم القاسي القلب على إبنة اخيه لتلمع في رأسها فكرة حتى تسطيع إنفاذ صديقتها لتأخذ هاتفها مسرعة تتصل بجاسر حتى يساعدها+
كانوا يجلسون في المكتب منهمكين في العمل لدمج شركة الشرقاوي على مجموعة شركات الدمنهوري ليسمع رنين هاتفه يضيئ باسمها ليلتقطه بلهفة يرد عليها
جاسر بحب. حورية قلبي عاملة ايه
حور بفزع. الحقني يا جاسر
انتصب واقفا ليردف بقلق. في ايه يا حور مالك
حور. تعالى بسرعة بيت نغم عمها اتهجم علينا و عايز ياخدها بالعافية معاه
جاسر. طب طب اهدي انا جاي حالا
لينظروا له بقلق من هيئته فقال رعد . في ايه يا جاسر ايه الي حصل
جاسر. حور بتقول ان عم نغم اتهجم عليهم و عايز يخدها بالعافية
لا يدري لما شعر بنغزة كبيرة في قلبه عند ذكر اسمها وانها في ورطة تطلب المساعدة
حازم. طب يلا احنا جايين معاك+
جاسر. يلا لينطلقوا مسرعين حتى يستطيعوا إنفاذ ما يحدث
في منزل نغم
عامر. بسرعة عشان نمشي يلا هملي
…… عايز تاخد مراتي لفين
التفت الجميع الى مصدر الصوت بصدمة ليجدوا حازم يقف واضعا يديه في جيب بنطاله ببرود وغضب
عامر. انت مين يا جدع انت و مرتك كيف يعني
رعد. الي سمعته مش قالك مراته
جاسر. ايوا مراته و فرحهم كمان شهر
عامر بشك. وانا ايه الي يثبتلي كلامكم ده
حازم ببرود. مفيش اثبات غير القسيمة الي هتطلع كمان يومين ليلتفت لتلك المصدومة من الحديث قائلا . مش كده يا روحي
خديجة مسرعة. ايوا كده يا عامر انا جوزتها والي قدامك ده يبقى جوزها
عامر بغضب . من غير ما ترجعيلي يا خديجة هي دي الاصول يا بت الاكابر
خديجة بغضب. انت طول عمرك ظالم يا عامر كلت حق اخوك زمان لما عصيت ابوه عليه و دلوقتي عايز تاخد حق بنته لما تجوزها لابنك عشان يعذبها و ياخد ورثها انت ايه ياخي متعرفش ربنا حفيدتي دلوقتي على زمة راجل يحميها منك ومن ابنك ومن شركم
جاسر بجدية. دلوقتي تقدر تروح بعد ما اطمنت ولما القسيمة تتطلع هنقولك
عامر. انا ماشي دلوقك بس انا هرجع عشان اتأكد
وخرج غاضبا يتوعد لهم بالكثير .
رعد. ايه الحل دلوقتي الراجل ده مش هيسكت غير لما يتأكد ان كلامنا صح
جاسر بجدية. مفيش حل غير ان حازم يتجوز نغم
حازم. تيتة خديجة انا بطلب منك ايد نغم عشان اقدر احميها و اكون راجلكم
خديجة بجدية. وانا واثقة من انك تقدر تحميها يا بني ابعت هات المأذون
نغم بصراخ . ايه الي بتقولي ده يا تيته انا مش مواقفة
خديجة بلهجة لا تقبل النقاش. انا الي اقوله يمشي وانا خلاص قررت انك تتجوزي حازم
نغم بدموع. بس يا تيته
خديجة. بحزم مفيش بس الي اقوله يتنفذ يلا يا حازم شوف مأذون عشان نتمم الموضوع
بعد قليل كان المأذون قد اتم إجراءات لتصبح بعدها نغم مدام حازم الشافعي .
ترقرقت الدموع في عسليتها اللامعة ليتمنى اخذها بين احضانه يخفف من ألمها يقسم بداخله انه سوف يأخذ حقها من عمها و ابنه ليعيد البسمة لشفتيها المغرية كحبات الكرز الشهية كم يتمنى تذوقها و معرفة طعمها ليفيق من تخيلاته المنحرفة على صوت جاسر مردفا :
جاسر. الف مبروك يا صاحبي+
حازم بابتسامة. الله يبارك فيك
رعد . الف مبروك يا دنجوان اخيرا دخلت القفص
حازم. الله يبارك فيك عقبالك
رعد و هو ينظر الى تلك الفاتنة الى تجلس بجانب حور تطالعه بنظرات هائمة ليبتسم بخبث. قريب ان شاء الله
حازم بغمزة. ايه شكل الصنارة غمزت
لكزه في كتفه بغيظ. ما تخليك في حالك
حازم بمرح. ماشي يا عم الله يسهله
استأذن الجميع للمغادرة ليطلب حازم من خديجة ضرورة المكوث عندهم الليلة حتى يضمن عدم عودة ذلك المدعو عامر ليبتسم يطالعها بنظرات ماكرة ثعلبية عند موافقة جدتها لتهب بعصبية مفرطة قائلة
نغم. تبات فين انت اتجننت
حازم ببرود. انا بايت في بيت تيته خديجة وهي موافقة مش كدا يا تيته
خديجة بابتسامة. كده يا حبيبى البيت بيتك انت مبقتش غريب لتلتفت الى نغم قائلة. يلا يا نغم وضبي اوضة الضيوف عشان حازم
نغم وهي تتصنع الالم. ايدي واجعاني مش قادرة
حازم بابتسامة ماكرة. مفيش مشكلة يا تيته انا ممكن انام معاها في الاوضة اذا معندكيش مانع
خديجة. مفيش مشكلة يا حبيبي ما انت جوزها برضو
نغم. ينام فين دا على جثتي
خديجة بهمس. لمي نفسك بدل ما ارزعك علقة زي زمان
نغم. افف بقى
حازم ممثلا النعاس. طب ممكن اعرف الاوضة فين عشان تعبان هموت و انام
خديجة. اتفضل يا بني وريلو الاوضة يا نغم
في غرفة نغم وقف يتأمل تلك الحجرة الطفولية الى حد ما حيث يغلب عليها اللون الوردي بخزانة ملابس بيضاء كبيرة و طاولة للمذاكرة و فراش وثير باغطية وردية يعلو الحائط بجانبه صورة كبيرة لها تشع بالبراءة ليبتسم و قد ادرك انه تزوج طفلة بجسد انثى فاتنة ليقاطع شروده صوتها الحانق
نغم. انت هتفضل سرحان كده كتير
حازم. بس يا بت و قفز على فراشها يمدد جسده بأريحية لتهتف غاضبة
نغم. انت مجنون انت هتنام على سريري كمان
رفع حاجبه باستنكار. اومال انام على الارض
ربعت يديها على صدرها لتقول. و ليه لا بس انا عشان كفاءة هخليك تنام على الكنبة
حازم بسخرية. لا والله فيكي الخير
نغم. والله هو دا الي عندي و اتفضل نام على الكنبة
حازم. بصي بقى انا هنام على السرير برضاكي او غصبن عنك و يلا اطفى النور عشان بحب انام في الضلمة ليوليها ظهره ويغمض عيناه مصطنعا النوم
بعد قليل اقتربت منه لتتأكد من نومه لتقول بهمس
نغم. حازم انت يا بني ادم ولكنها لن تجد ردا فتمدد بجانبه و ذهبت في نوم عميق
التفت عندما احس بانتظام انفاسها ليأخذها لتتوسد صدره العريض ليضمها إليه مستلذا بقربها ليغمض جفونه مستسلما لسلطان النوم .
+
في اسفل بناية منزل نغم كان يقف كلا من جاسر و حور و رعد و منى ليطلب جاسر من رعد ايصال منى لبيته ليدق قلبه فرحا ليردف قائلا. اتفضلي يا انسه منى
ركبت بجانبه و نبضات قلبها تتعالى تقسم انها باتت مسموعة له لتقول بوجه محمر. شكرا
طوال الطريق ظلت صامتة لا تقوى على الحديث ليقطع صمتهم مردفا. انت بتدرسي ايه يا انسه منى
منى بخجل. هندسة معمارية
رعد بحماس . حلو جدا يبقى شغلك عندي في الشركة بعد ما تتخرجي
منى. متشكرة جدا انا كنت لسه بفكر في موضوع الشغل ده
رعد. انت بتفكري تشتغلي من دلوقتي
منى بتردد. اه يعني لو مفيش مانع
رعد بسرعة . لا عادي ايه رايك تشتغلي السكرتيرة بتاعتي
منى. بس انا مهندسة مش هفهم في شغل السكرتارية
رعد. لا متقلقيش ده حاجة سهلة جدا اديني انت بس رقمك وانا هتصل بيكي اقولك على معاد المقابلة
منى. ماشي
رعد. وصلنا
منى و هي تنزل من السيارة. شكرا يا استاذ رعد
رعد. بلاش الالقاب انا مبحبهاش قولي رعد بس
منى بخجل. ماشي يا ليقاطعها قائلا. هاا
منى بابتسامة خجولة. رعد
لتدلف شقتها مسرعة تهدأ من ضربات قلبها النابض بينما وقف يطالع أثرها بابتسامة حالمة واعدة بأنها سوف تكون ملك الرعد قريبا…
التعليقات