رواية دلال وشهم الفصل الخامس 5 بقلم جمانه السعيدي
اخر خبر سمعنا حنان طليقة شهم زوجت
اي ازوجت واحد مزوج وعنده جهال ومسكنها بنفس البيت ويه زوجته بالطابق الثاني
بيبي كالت لحد يوصل خبر الشهم لان اكيد راح يضوج
سدينا السالفه ومحد حجه بيه بعد
وصلت للاعداديه
وشفت بنات غير ولبس غير وعالم ثاني حسيت نفسي كبرت
موعبالك كبرت سنه لا حسيت نفسي حيل كبرت
وبديت اعتني بملابسي واعتني بشكلي
خليت خاله اخذتني للصالون درجت شعري على طوله وسرحته
وبديت انضف وجهي من الشعر
ونطيت الصديقتي فلوس اشترتلي باودر وكحل ومسكاره
وحمره
طبعا مو اتمكيج من اروح للمدرسه بس مرات بلبيت يعجبني اخلي مكياج
وخصوصا ان عمو راشد مو دائما بلبيت
حسيت نفسي صرت جبيره
بس ماقصرت ابد بدراستي كلش متفوقه ودرجات عاليه
جمانه السعيدي
وأخذت غرفة شهم الفوك ورتبتها وكعدت بيها
مر ٣ سنوات على زواج عمو راشد بس ماكو أطفال
وهو ياس من هذا الموضوع
وبيوم لمت ملابسها منار وراحت الاهلها
وبعد ماقبلت ابد ترجع للبيت شكد حاول عمو راشد يرجعها بس بدون فائده
هو الصراحه حس ضلمها ويا وماكدر يحبها ولاكدر يحصل طفل منها
وافقو على الطلاك وفعلا عمو طلكها
بس عمو راشد مومثل قبل احسه نفسه مكسوره
وماعاد يشاقه ويضحك مثل قبل
قرر راشد يشيل الحايط الي قسم البيت والبيت يرجع مثل قبل بيت واحد وجبير
بعد ماكو داعي ينقسم
وصلت صف سادس علمي وبدت المدرسه
شهر ١٢ بيبي حيل تمرضت وحالته صعبه كلبها تعبان
وماكان على السانها غير شهم
آريد شهم جيبولي شهم صار خمس سنوات ماشايفته
عمو راشد حيل خاف عليها
وحاول يهديها بس ابد
كل اشويه تكول راح اموت ومآ اشوفه
بيبي كانت جامعه فلوس شهم
بذاك الوكت جامعه خمس ملايين
بحيث أرقى بيت بغداد مايجاوز مليون او مليون ونص
اما اذا بيت بأطراف بغداد سعرا ٦٠٠ او٧٠٠ الف
يعني المبلغ الي جامعته بيبي يفتحله احسن مشروع
ويشتريله احلى بيت
بدا عمو راشد يتصل على شهم ويلح علي اله يرجع
وفعلا بدا شهم يصفي شغله وقرر يرجع للعراق
اليوم الي قرر يرجع شهم عمو راشد كان بلجيش واحنا ماعدنا خبر
جمانه السعيدي
بيومها رجعت من المدرسه الهسه اذكر جنت لابسه تنوره كابوي ضيكه وقميص ابيض ابو الكشاكش وشعري رافعه نص ومنزله نص
شمرت الجنطه ورحت على خاله
دلال خاله شنو هاي الريحه الطيبه شطابخه اليوم
اقبال دولمه
دلال يا الاهي ماهذا واني اكول الريحه تارسه الشارع
راسا اندكت الباب
اقبال دلال روحي افتحي الباب
دلال مو اريد ابدل
اقبال افتحي الباب وبعدين بدلي
دلال فتحت الباب واني اصيح
على كيفكم شلعتو الباب بعدنا ماشلنا
دلال اباوع واحد مدنك يشيل الجنطه مالته صفنت بوجها
هاااا هذا شهم
شهم ادك بلباب ومحد يفتح بس اني اسمع صوت واسمع سوالف
سمعت وحده تصيح على كيفك شلعت الباب
دنكت اشيل الجنطه ورفعت راسي
هاي منو ما اعرفها
رجعت ليورا اشوف خاف غلطان بلعنوان
لأ ولله هذا بيتنا
سمعتها تصيح عمو شهم
ركزت بصوت بعدين ركزت بيها شكلها موغريب عليه
اشرت عليها باصبعي دلال
دلال ابتسمت يمكن ماعرفني هيج اني متغيره
اي عمو دلال خاله الحكي عمو شهم وصل
شهم استغربت هيج دلال كبرانه وحليانه لاولله صايره تخبل اذكرت شلون تلزم ايدي من تروح للمدرسه
دخلت وسلمت على اقبال وعلى دلال ورحت ركض الغرفة امي حضنتها وكمت ابجي
هي تبجي واني ابجي
جمانه السعيدي
الحجيه ليش هيج يمه كطعت بيه وللك اريد اموت من وراك
شهم أسم الله عليج يمه من عمري على عمرج حبيبتي
كعدت يمها شويه واني اباوع عليها امي كبرانه وتعبانه
حرامات العمر ضاع واني ماشابع منها ا
بعدين كتله خل اسبح وابدل واجي اكعد يمج
اقبال احنا ماندري بيك ترجع اليوم
شهم بس راشد يدري ليش ماكللكم يجوز رادها مفاجئه
طلعت ملابسي من الجنطه ودخلت للحمام
اقبال من تطلع من الحمام اجهز الاكل
شهم اي ولله ريحة الاكل تخبل ولو انتي من زمان طبخج طيب
اقبال ولله مشتاقين اللك
شهم اني هم مشتاق الكم
اقبال فدوه بعد لاتسافر
شهم لأبعد ما اسافر اريد اشبع من ست الحبايب
دلال استغربت من شكل شهم نفس شكله وصار احلى بس اكو شيب طالع براسه
صعدت فوك اجمع بغراضي لان هاي غرفة شهم راح ارجع ويه بيبي بغرفتها
شهم سبحت وكملت وقررت اصعد غراضي بغرفتي واطلع الهدايه واوزعها عليهم
صعدت لكيت دلال لابسه ثوب خردلي مطرز حلو عليها ورافعه شعرها بشكل كلش حلو
دكيت الباب
التفتت تفضل عمو اني خلصت
دخلت للغرفه خلصتي شنو
دلال جمعت غراضي وراح انزل لان اني جنت محتله غرفتك
شهم لاولله مايصير اني انزل يم الحجيه وانتي تبقين هنا
دلال هاي غرفتك موغرفتي
شهم واني متنازل عنها اللج
انتي بياصف
دلال سادس علمي
شهم ماشاء الله كبرانه وحليانه
دلال شكرا عمو من ذوقك
شهم اول ماشفتج استغربت عبالي مخربط بلعنوان
حيل متغيره وكبرانه
دلال ابتسمت الصراحه خجلت من كلامه حيل
شهم اني راح اخذ جنطتي وانزل لان اريد اشبع من الحجيه بس خل انطيج هديتج
فتح الجنطه وطلع لعابه جبيره وحلوووه
شهم اعذريني عبالي بعدج زغيره
دلال واوووووو نايس تخبل احلى هديه اجتني شكرا عمو حبيبي
شهم ابتسمت كلتلها تستاهلين
شلة جنطتي ونزلت رجعتها الغرفة الحجيه
جمانه السعيدي
الحجيه هااا يمه شو رجعت جنطتك
شهم اي حجيه اريد ابقه يمج وانام بحضنك ماتدرين شكد مشتاق اللج
الحجيه يابعد روحي اني هسه طبت وبعد ما اتمرض لان شفتك
دلال رجعت غراضي ونزلت علمود الغده
كعدنا كلنا نتغدا وشهم يسولفلنا على لبنان وعلى جوهم
شهم اكثر شي استغربت منه دلال كبرانه وصايره حلوووه كلما تحجي الكه نفسي اباوع عليها
احس نفسي اريد احفظ تفاصيلها
ارجع اكول معقوله هي هاي الطفله الي جنت اوصلها للمدرسه
لليل الحجيه طلعت الفلوس ونطتهن الشهم
الحجيه هاك يمه فلوس
شهم اي فلوس حجيه
الحجيه تعبك وشغلك
شهم شني انتي ضامتهن اني غير كتللج ذني اللج
الحجيه يمه راشد ماقصر ويانه ابد خير من الله عدنا
واذا تحبني اخذهن وافتحلك بيهن مشروع واذا تزوج صدك تفرحني
شهم اهو حجيه سالفة الزواج شيليها من بالج اني بعد ما ازوج ابد
الحجيه شلون ماتزوج يمه مايصير تبقى هيج
شهم شكد ذني الفلوس
الحجيه اني ما اعرف احسب بس راشد يكول خمس ملايين
شهم حيل حجيه انتي ماصارفه منهن ابد
الحجيه ربع ماصرفت منهن يمه ذني تعبك وانت أولى
بيهن
التعليقات