رواية اوقعتني في حبها الفصل السادس عشر 16 – بقلم اسراء محمود
الفصل 16
عدى تالت ايام وجه يوم قرايت الفتحه
منه ..انتى يا زفته قومى بقا الناس هتيجى وانتى لسة نايمه
عشق ..بس يا باردة سبينى انام انا نايمه متاخر منه..علشان حضرتك تقعدى ترغى مع استاذ مراد واحنا نتعب علشان نصحيكى
عشق فاقت وضربتها بالمخدة ..ملكيش دعوه يابت بحبيبي وبعدين بطلى قرك دة هنروح فى داهية
منه ..ماشي يلا يا زفته قومى يلا البسي واجهزى علشان العصر قرب ياذن
عشق بصدمه ..يالههههههوى العصر هياذن
منه ..ماانا بقالى ساعة بصحيكى امتى بقا يارب اجوز واخلص منكم
عشق ..هتموتى انت على جواز
منه بهيام ..جدا يا اختى (بتفكرنى واحنا اقعدين بنكراش على الروايات )
عشق ..طب غورى من وشى خلينى البس
وقامت عشق تلبس
عند مراد دخل عليه ادهم الاوضة
ادهم ..سلم نفسك وارفع ايديك لفوق المكان كله محاصر مفيش داعى للهرب
مراد شدة من القميص ..انت قد الحركات ديه
ادهم بخوف مصطنع ..لا طبعا وانا هبقا زيك برضو يا مراد
مراد ..فعلا الرجاله ماتوا فى الحرب
ادهم بعد ما مراد قال الجمله ديه افتكر منه وسرح معاها
مراد ..انت ياض انت يا زفت يا حيوااااااان
ادهم ..في ايه انت بتقول حاجه
مراد..دة انا بقالى نص ساعة بكلم وانت مش معايا ايه كنت سرحان فى ايه
ادهم ..كنت سرحان فى حتت مززززة ايه يالههوى قشطة بس لسانها عايز يتقص
مراد ..حته وقشطة حسن الفاظك شوية وبعدين انت تعرف بنات مززز اشك الصراحه
ادهم ..لا المرادى اختارت صح
مراد ..خلاص نشوف الموضوع دة بعدين بس قولى ايه رايك
مراد كان لابس بدله رمادى وتحتيها قميص اسود وفاتح اول زرارين وكانت عضلاته برزة وكان شيك اوووى
ادهم وهو بيصفر ..دة البنت هتنهار النهاردة ايه الشياكه ديه يا معلم
مراد بغرور ..ديه اقل حاجه عندى حاسب بقا اشوف ادم علشان لازم يجى معانا
مراد راح لادم لقاه اقاعد وسرحان
مراد..ايه يا ادم انت لسة ملبستش
ادم ..لا مش هروح معاكم
مراد ..لا لازم تيجى
ادم ..مش هقدر
مراد بحزن ..كدة يا صاحبى مش عايز تيجى معايا
ادم ..خلاص يا مراد هروح هقوم اهو البس
وقام ادم لبس وتشيك وكان مزززز جدا
وراحوا على بيت عشق
فى بيت عشق
عشق ..ماما كدة حلو
عشق كانت لبسة فستان ابيض وفيه ورود كشمير وكانت لبسة عليه طرحه بيضة وكانت مزززة اووى
احمد (اخو عشق)..يخربيتك قمر دة انا لومكنتش اخوكى كنت اجوزتك
عشق بكسوف ..ميرسى يا احمد
احمد..يالهههوى هو انتى بتكسفى
عشق ..ماتتلم ياض اكيد بتكسف
احمد..ايوة هى ديه عشق اللى انا اعرفها
منه ..ايه رايك يا مودى كانت منه لبسه فستان موف وطويل وماسك من فوق ونازل من تحت على واسع وكانت مززة جدا
احمد صفر ..يالهههوى انا بنهار لا انا مش هجوز غير واحدة شبهكم
عشق ..خلص الاول الجامعه بتاعتك وبعدين نشوف موضوع الجواز
احمد..يخربيت الدراسة كل شوية لما تخلص الجامعه والله انتحر
عشق ..اهدى ياعم بكرا تنجح وترتاح
فى الوقت دة كان مراد واهل ادم وادهم تحت
ادهم ..اطلعو انتوا يا مراد وانا هركن العربية واجى
مراد ..تمام
والكل طلع عند عشق
عشق ..ماما جهزتى كل حاجه
سهام ..اة يا حبيبتى
ورن جرس الباب فى الوقت دة
عشق ..انا هدخل الاوضة لحد متندهيلى
وراح احمد فتح الباب
احمد ..اتفضلوا نورتونا
مراد ..منور بصحابه
ودخلوا
مراد ..احب اعرفك يا طنط سهام
سهام ..من دلوقتى انت زى ابنى ماما سهام
مراد ..خلاص يا ماما ديه ماما غادة مامت ادم وتعتبر امى
سهام ..اهلا
غادة .. اتشرفت بمعرفتك
مراد ..وده دكتور حسين ودة ادم صديقى واخويا
سهام ..اهلا بيكوا اتفضلوا
دخلوا وقعده
مراد ..احم بص يا استاذ اح…
وقطع كلام مراد جرس الباب
سهام ..منه تعالى افتحى
خرجت منه تفتح
منه ..انت
ادهم ..انتى وفى سرة ديه حلوة اوووى
منه ..انت ايه اللى جابك هنا يابارد يارزل ياتلم ادهم ..انا تلم يا معفنه
منه ..انت حيو……
مراد ..في ايه يا ادهم ايه اللى اخرك
ادهم ..عقبال ما لقيت ركنه
مراد ..طب تعالى
مراد ..احب اقدملك ادهم صاحبى
سهام ..اهلا يابنى اتفضل وقعده وكانت منه بتغلى وهتموت وتضربة بس فى سرها (يخربيته قمر يا ناس )
غادة ..امال فين عروستنا
سهام ..ثوانى اندهلكم
سهام دخلت اوضه عشق
سهام ..يلا يابنتى
عشق بتوتر ..طب كدة حلو
سهام …قمر ويلا خدى العصير والجاتو وقدميهم
عشق بتوتر ..طب ينفع اى حد يقدمهم مكانى
سهام ..لا انتى العروسة
عشق بتوتر ..ماشي يلا
وخرجت عشق طول الوقت وشها فى الارض
وادت العصير للكل جت عند مراد
عشق بكسوف ..اتفضل
مراد وهو بيهمس فى ودنها ..انا بنهار قدام خدودك دول بطلى بدل ماتهور وافضحك
عشق..خلاص اتفضل وسابته ومشيت وكانت عشق قعده وقدمها ادم اللى طول القاعدة ساكت ومش بيتكلم
وكان ادم بيبص لعشق وكان عايز يقولها ليه هو هو هيتعبك هتنجرحى منه كتير يا عشق هتتوجعى اوووى يا عشق اخترتى غلط مراد مغرور وانانى وهيتعبك جدا مش هتلاقى حد يحبك قد ماانا حبيتك
مراد ..احمد انا طالب ايد اختك عشق ليا
احمد ..انا معنديش اعتراض اهم حاجه راي عشق
مراد ..انا متاكد انها موافقة
احمد ..تقولها هى ها يا عشق
عشق كانت مكسوفة ومش عارفة تتكلم
غادة .. شكلها مش موافقة يا مراد
عشق بلهفة ..لا طبعا موافقة
ادم اتوجع اكتر لما شاف لهفت عشق علي مراد
ومراد كان مبسوط لان نص حلمه اتحقك
مراد ..طب انا كنت عايز نحدد معاد للخطوبة والفرح
عشق..مراد انا مش هينفع اعمل فرح غير بعد دراستى وانا لسه فى اخر سنه من الدراسات اللى بعملها وحاجات كتير فممكن اخلص اخر سنه ليا وبعديها نحدد معاد الفرح
مراد ..خلاص تمام بس بلاش خطوبة بس خليها خطوبه وكتب كتاب
عشق ..بس
مراد ..انا وافقتك فى حكايه تاجيل الفرح وافقى انتى على كتب الكتاب
عشق ..خلاص تمام
مراد ..ايه رايك يا ماما سهام
سهام ..موافقة يا بنى تلما بنتى هتكون مبسوطة
مراد ..نقرا بقا الفتحه
وابتدى الكل يقرا الفتحه بس ادم كان بيقرها وهو موجوع
ادهم كان بيقرا الفتحه وهو باصص لمنه وكان بيتمنى انه يكون مكان مراد وبيطلب ايد منه
وبعد ماخلصة قام مراد وطلع علبه حمرة وطلع اسورة الماس وقرب من عشق
مراد ..ممكن ايديكى
عشق هزت راسها ومدت ايديها ومراد لبسها الاسورة ونزل باس ايديها وكل واحد كان حاسس بسعاده متتوصفش وجه خلاص الكل هيبارك ويمشي
ادم وهو بيسلم على عشق وعنيه فى عنيها وعشق اللى شافت فى عنيه دموع محبوسه ووجع وكسرة وفى نفس الوقت فى فعنيه نظرت فرح
ادم ..مبروك يا عشق
عشق..الله يبارك فيك يا ادم عقبالك
ادم ضحك بسخرية وراح عند مراد ..مبروك يا صاحبى
مراد ..الله يبارك فيك يا دومى
ادهم ..مبروك يا عشق مع انى مستخسرك فى مراد انتى قمر يا خسارة
مراد ..ماتتلم ياض والا اضربك قدمهم واقل منك
ادهم بخوف ..وعلى ايه تفضحنى قدام المززة وكان بيبص لمنه
مراد ..ايوة اتعدل ولينا كلام مع بعض بعدين
ادهم ..سلام يا انسة منه
منه ..الحمد لله انك هتمشي اصلى اتخنقت وسابته ومشيت
مراد ..سلام يا حبيبتى
عشق ..طب لما تروح ابقا كلمنى وطمنى انك وصلت
مراد ..ماشي يا روحى
ومشيوا كلهم
ولما مراد روح كلم عشق
مراد ..ازيك ياحبيبتى
عشق ..الحمد لله وصلت البيت
مراد ..اة لسه واصل حالا
عشق ..حمد لله على سلامه
مراد ..الله يسلمك يا روحى بس ايه الحلاوة اللى كنتى فيها النهاردة ديه
عشق بكسوف ..بس بقا يا مراد
مراد بضحك ..متخيل شكلك دلوقتى وانتى طماطم كدة
عشق ..بارد
مراد ..ميرسي يا روحى طب مفيش حاجه كدة او كده
عشق ..حاجه ايه
مراد ..مش شايفه انك مقولتهاش خالص
عشق ..هى ايه
مراد ..بحبك يا مراد
عشق ..ايه دة ماما بتنادى سلام يا مراد وقفلت بسرعة
مراد ببتسمه ..مجنونه وهبلة بس بحبها
عند ادم دخل الاوضة وحدف ازازة البرفان على المرايه واتكسرت مليون حته
غادة طلعت تجرى على الاوضة بتاعت ادم
غادة ..ادم حبيبي فى ايه
ادم بدموع ..ليه يا ماما اختارته هو ليه يا ماما بتوجعنى انا حبتها اوووى حتى مراتى الله يرحمها محبتهاش زى ماحبيت عشق انا بحبها يا ماما
غادة بحزن على ابنها ..اهدى يا ادم الغلط مش عليها يا بنى انت اللى مقولتلهاش انك بتحبها لازم تنسها يا ادم لازم تعيش حايتك بقا
ادم ..مش هعرف انسها
غادة ..لازم تنسها حاول يا ادم حاول
ادم ..حاضر
غادة ..استريح دلوقتى وبكرا نبقا نكمل كلمنا
ادم ..ماشي
ناموا ابطالنا فيهم اللى فرحان وفيهم اللى مكسور وموجوع
يتبع
•تابع الفصل التالي “رواية اوقعتني في حبها” اضغط على اسم الرواية
التعليقات