رواية اوقعتني في حبها الفصل الخامس عشر 15 – بقلم اسراء محمود
الفصل 15
طلعت عشق وهى مبسوطه وفرحانه ودخلت الشقة لقت الكل نايم ولسة بتتحرك على الاوضة لقت اللى بيمسكها من دراعها
عشق ..عااااااااا سبني ونبي متكولنيش انا معملتش حاجه
منه ..يخربيتك فضحتينا
عشق قعدت تضرب فيها ..خضتينى يا جزمه
منه..انتى اللى اتخضيتى دة انا اللى اترعبت من صريخك وبعدين العفريت يخاف يقرب منك
عشق ..ليه يا ختى دة انا سكر وعسل
منه ..عسل اسود
عشق..دا انتى يا جزمه وبعدين ايه اللى مخليكى صاحيه لحد دلوقتى
منه ..علشان عايزة اعرف ايه اللى حصل
عشق ..يا حشرية
منه …قولى يلا
عشق ..حاضر وحكتلها ….
منه ..واوووو مراد دا جنتل اووى
عشق ..ملكيش دعوة بمراد دا حبيبي انا
موبيل عشق رن و كان مراد
عشق ..الو
مراد ..احلى الو سمعتها فى حياتى
عشق..بس يا مراد بكسف
مراد ..هموت واشوفك وانتى طماطم كدة
عشق ..بس بقا كنت عايز ايه
مراد ..وحشتينى
عشق ..وبعدين
مراد ..بحبك
عشق ..وبعدين
مراد ..هموت وتبقى بتاعتى انا وبس وتكونى نايمه فى حضنى
عشق ..مراد انت مش هتبطل الكلام دة
مراد ..ابدا
عشق ..انا هقفل بقا عايزة انام
مراد ..طب قوليلى بحبك
عشق ..مش هينفع
مراد ..خلاص مش هقفل
عشق …بطل رخامه بقا
مراد ..خلاص مش هقفل
عشق بسرعة ..بحبك وقفلت التليفون
مراد ..مجنونه بس بحبك
كل واحد من ابطالنا نام وهو بيفكر فى التانى عشق كانت بتفكر فى مراد وقد ايه هى بتحبه
مراد كان بيفكر فى عشق وخوفة عليها بسبب الشغل بتاعه
ادهم كان بيفكر فى منه اللى شغلت تفكيرة من اول مرة
منه كانت بتفكر فى ادهم وكانت نفسها تشوفه تانى
ام عند ادم فهو حاسس بجرح كبير وان قلبه بيوجعه مش عارف ليه وعشق مش بتيجى المستشفى ومش عارف عنها حاجه
تانى يوم عشق صحيت على صوت موبيلها
عشق بنوم ..الو
مراد ..يا كسوله قومى
عشق ..فى ايه يا مراد سبنى انام
مراد ..لا يلا قومى والبسي علشان هوصلك الجامعه
عشق ..انت فين
مراد ..فى الطريق قدامى نص ساعة وهكون عندك علشان هتفق مع طنط على قرايت الفاتحه
عشق ..تمام سلام
قامت عشق وقالت لمامتها ان مراد طالع ودخلت لبست فستان ابيض وعليه ورود من فوق بالبينك ولفت الطرحه وحطت ملمع شفاة
كان الباب بيخبط
عشق ..منه افتحى الباب عقبال لما اخلص
منه ..هو مفيش غيري هو انا كنت البواب ولا ايه وراحت فتحت الباب لقت مراد وقاف وحاطت ايديه فى جيب البنطلون وكان مززز اووى
منه وهى متنحه ..مين حضرتك
مراد..مش ديه شقة عشق
منه ..عشق مين
مراد ..هو انا خبط غلط ولا ايه
منه ..لا خبط صح بس انت مين
مراد..انا مراد عز الدين
منه..يالههههوى هو انت دة انت مززز اووى
مراد ..ربنا يخليكى انتى احلى انتى مين بقا
منه..انا منه اخت عشق
مراد ..اهلا هو احنا هنقف كتير على الباب
منه..معلش اصل من حلوتك نسيت اننا وقفين على الباب اتفضل
دخل مراد وهو بيكتم ضحكته
منه..ثوانى هقول لماما واجى
مراد ..اتفضلى
شويه وسهام خرجت
سهام ..اهلا يا بنى
مراد ..اهلا بيكى
سهام ..اتفضل يا بنى
مراد ..بصي حضرتك انا طبعا كنت طالب ايد عشق وانا متاكد انها موافقة كنت عايز اعرف بس اجيب اهلى امتى
سهام ..ممكن آخر الاسبوع يوم الخميس
مراد ..مش متاخر اووى
سهام ..دا بعد تالت ايام
مراد ..تالت ايام كتير والله
سهام..مافرقتش من تالت ايام يا مراد
مراد ..تما ..بس قطع كلامه ان عشق طلعت من الاوضه وهو فضل متنح من جمالها
عشق ..ازيك يا مراد
مراد باصص لعشق وساكت
عشق..مراد
مراد ..ايه دا انتى هتنزلى كدة
عشق ..ماله وحش
مراد..تحفة وعلشان تحفة ماينفعش تنزلى بيه
عشق ..يا مراد ونبى انزل بيه علشان كدة هتاخر
مراد ..خلاص ماشي بس ايه اللى فى شفايفك دا روج
عشق..لا والله دة ملمع بس
مراد ..امسحيه
عشق ..بس هو حلو
مراد ..لا مش حلو وطلع منديل ومسحه بنفسه بس ومراد وهو بيمسح الملمع كانت عشق حاسه برعشه فى جسمها ونفس الكلام مراد بس قطع عليهم اللحظة ديه منه
منه ..يلا يا عشق هتتاخرى
عشق ..ماشي خلاص احنا نزلين
نزلت عشق هى ومراد
مراد ركب العربية وطول الطريق يبصلها ويبتسم لحد لما وصله
مراد..هتخلصي الساعة كام علشان اجيلك
عشق ..على 3 كدة
مراد ..تمام يا قلبي بس خلى بالك من نفسك عشق ..وانت كمان
مراد ..هتوحشينى
عشق اكسفت ..انا نزلة سلام
مراد ضحك
نزلت عشق ودخلت بس مكانتش تعرف ان عمرو كان شايف كل حاجه وكان سامعهم وكان متنرفز جدا
عمرو ..والله يا عشق انتى ومراد لهندمكم على اللى بتعملوه
ودخل هو كمان المحاضرة عشق خلصت المحاضرات وخرجت لقت مراد مستنيها وخدها وراحوا المستشفى علشان الشغل ومراد راح معاها واول مانزلت مراد مسك ايديها
عشق ..مراد سيب ايدي
مراد ..لا لازم الناس كلها تعرف انك بتاعت مراد وبس
عشق ..بس يا مراد مش هينفع
مراد ..مفيش نقاش ودخلوا المستشفى والكل كان واقف متنح وكان فيهم اللى بيبص بغيره وواول ما دخلة كان ادم طالع من المكتب بتاعه واول ماشاف كدا حس بنار جوا قلبه و بوجع فى قلبه كان بيتمنى ان يموت قبل مايشوف اليوم دا
مراد وقف فى نص وهو ماسك ايد عشق
مراد..احب اقول ليكم على خبر انا وعشق هنتخطب قريب اكيد كلكم معزومين
وبص لادم
مراد ..مش هتقولى مبروك يا ادم
ادم بوجع ..مبروك يا مراد مبروك يا عشق
وسبهم ومشي
مراد شد عشق ودخل المكتب
عشق ..ليه عملت كدة يا مراد احرجتنى جدا
مراد ..كان لازم يا حبيبتى يعرفوا انك بتاعتى عشق ..بس كنت صبرت شوية
مراد ..مش هستنا تانى على حاجه بصي يا عشق انا همشي علشان لسه ورايا شغل وهاجى اخدك علشان اوصلك سلام يا حبيبتى
عشق..ماشي سلام
مشي مراد وجه خدها وروحها البيت وراح عند الفيلا بتاعت حسين ابو ادم
مراد ..ازيكم يا اهل الدار
غادة ..الحمد لله يا حبيبي واحشنى
مراد .. وانت وحشتينى اكتر يا غدغد
حسين ..عيب ياواد ملكش دعوه بامراتى
مراد ..ماشي ياعم
حسين ..اتلم ياض
مراد ..امال فين ادم
ادم دخل من الباب
ادم ..انا اهو
مراد ..كدة تمام انا كنت جى اقولكم انى قررت اجوز
غادة ..بجد يا مراد
مراد ..اة بجد
غادة ..مبروك يا حبيبي
مراد ..الله يبارك فيكى يا غدغد
حسين ..مبروك ياض
مراد ..الله يبارك فيك يا بابا
ادم بوجع والم ودمعه نزلت من عنيه من غير محد ياخد بالة بس غادة خدت بالها ..مبروك يا مراد عشق بنت طيبة بس اوعى تجرحها لانها بنت طيبة اووى
مراد ..اكيد انا بحبها وعمرى ماهجرحها
ادم ..تمام يا مراد عن اذنك بقا
وعدى التالت ايام وجه يوم قرايت الفاتحه
يتبع ـــــــــ
•تابع الفصل التالي “رواية اوقعتني في حبها” اضغط على اسم الرواية
التعليقات