رواية دلال وشهم الفصل الثامن 8 بقلم جمانه السعيدي

البارت الثامن

دلال وشهم

جمانه السعيدي

انت احلى طقوسي

وارقى عاداتي اليوميه

صوتك موسيقى روحي

صغيرة انتي لكن بجيش كبير

احتل عاصمة قلبي

انت السهل الممتنع

قريبه ولكن لا استطيع الاقتراب منك

انا الكبير القوي الذي أضعف أمام عينيكي

انتي البدايه التي اتمنى ان تكون بلا نهايه

راحت دلال وأخذت عقلي وياها ضايج كلش

احس البيت صار ممل وضوجه بدونها

رغم اني اعرف هي اكيد راح تعوفني بيوم من الايام

اكيد بس تخلص دراسه راح ترجع الاهلها

واكيد لازم ترتبط بيوم من الايام

بس ما جاي اتخيل تبتعد عني

جمانه السعيدي

اول يوم مر بصعوبه احس نفسي مختنك

ثاني يوم طلعت الصبح والضهر بس رجعت تغديت لكيت رجليه ياخذني الغرفته

عطرها مالي الغرفه

تمددت على السرير واني افكر اني شنو كاعد يصير وياي

ليش امشي بهذا الطريق واني اعرف ماله نهايه ابد

ليش صورته ماتفارك خيالي

نمت بمكانها والمغرب سمعت صوت يصيح باسمي

فتحت عيوني لكيتها اقبال

اقبال شهم الدنيا مغرب تدري عبالي طلعت ما ادري نايم بغرفة دلال

اجيت اخذ منشفه من مناشف دلال وتفاجئة بيك نايم بمكانها

شهم هااا اجيت تمددت وغفيت مآ ادري بنفسي

نزلنا اني واقبال جوه

تعشيت وطلعت وكلساع اكول هسه لو عدهم تليفون جان خابرتها

شيخلصهن ١٥ يوم العطله

جمانه السعيدي

دلال بس وصلت اتفاجئت اهلي خاطبين بنيه البشار ويردون ياخذون مشيه ويرحون عليهم

كلت بكلبي هاي يا مسكينه تعيش ويه هذا الشكاك وعصبي

ولله لوما اخاف جان كتله لاتوافقين ابد

انسان لاينجرع ولاينطاق

بس يله خلي يزوج بلكت يعقل

بلكت بختها جبير وتعدله

ابوي دز خبر البيت عمو شهم وعمو راشد يحضرون المهر

شهم ثالث يوم رجعت ضايج واكول كون ارجع للبيت والكاها كبالي

دخلت جان تكول اقبال حضر نفسك راح يصير عدنا عرس

شهم اني من كد ما افكر بدلال خفت كلت بسلا راح يزوجوها

شهم منو راح يزوج

اقبال بشار اهله باجر يرحون يخطبوله وعزمونا كلنا

شهم هااا خير انشاء الله

الصراحه فرحت حيل راح اشوف دلول

ثاني يوم كلنا طلعنا ورحنا البيت ابو هشام نحضر الخطبه

وصلنا قبل لايطلعون للمشيه بساعه

دخلنا واني عيوني دور عليها

شويه واجت لابسه الثوب الي اشتريته الها وخاله شال على راسها وطالعه تخبل

ودي اكللها ارجعي وياي ماجاي اتحمل البيت من دونج

بس لزمت نفسي بلكوه

دلال فرحت بجيت خاله وعمو وبيبي احسهم اهلي صدك

حاضنه خاله وبيبي عبالك مفاركتهم دهر

جمانه السعيدي

دلال …. وفعلا رحنا الهم واخذنا مشيه وتمت الخطوبه ابنيه لاتعرفه ولاتعرفنا ناس موصفينها الأمي وامي رايحه شايفته وعاجبته

يله بيها الخير

بلخطبه اكو ولد اني ماحسيته راحه ابد لازم الباب للنسوان وضال يباع للرايحه والجايه

احمد شفت بنيه حيل عجبتني شكلها حلو وتختلف عن بنات منطقتنا شكله حلو ومرتب

بقيت لازم الباب واباوع عليه

اريد اعرفه منو والعريس شيصير منه

هذا الولد الي واكف يباع للنسوان

طلع اخو العروس ومن شافني سئل عليه

ثاني يوم جاي محاجي بشار كايله اريد اختك

بشار وانت وين شفت اختي

احمد لا ماشفته ابد بس امي شايفته بلخطبه وهي مدحته اليه

جمانه السعيدي

بشار بدون مايسئل اي احد لا اني ولا ابوي ولا امي كايله بيك خير ودلل قابل تاخذ واحد احسن منك

بس بعدله كم شهر وتخلص مدرسه ولو اني ابد ماراضي على هاي المدرسه

هي بنيه مدري شتحصل من المدرسه

بس ابوي مشجعها عليها بس لاتخاف محد ياخذها غيرك

احمد هذا واحد ساقط ودايح ويشرب جكاير ومطلبجي

اكشر واهله صايحين منه الغوث

الصراحه اهله خوش ناس بس هو ولد عاق

راسب بلمدرسه بس لان الوحيد الاهله موعسكري

وبشار يريد يلبسه براسي

انطا الموافقه من كيفه بدون مايسئلنا

اهلي كانو مكملين كلشي يعني غرفة نوم وتجهيزات العرس

وبلمهر انطو فلوس للعروسه تشتري ذهب وملابس

وقررو يلتحق بشار ويقدم على اجازة زواج ويرجع

صادف الزواج اخر يوم بلعطله واني جمعت غراضي وتحضرت بس يجون بيت عمو شهم للعرس ارجع وياهم

جمانه السعيدي

بابا اخذني ويا للسوك واشتريت فستان ماروني حلو ومرتب

مابي تفاصيل هواي مخصر والردن جرص طويله

وبيه اقلام فضي من النهايه ومن نهاية الردن

يخبل عليه بارز مفاتن جسمي

نضفت وجهي بلبيت وخليت مكياج خفيف

صار العرس وبيت عمو شهم اجو واني فرحت بيهم حيل

تعودت عليهم وعلى حياتهم اكره بيتنا هذا

كلشي بحساب وكتاب

شهم وصلنا بيوم العرس وكل عاده عيوني يدورن عليها

شويه وطلعت

شطالعه تخبل بقيت اباوع عليها بدون ملل

وهي تسولف ويه اقبال وتضحك

اجت سيارة لزفه واني ودي ماتطلع اخاف عليها

وفعلا بأخر لحضه رجعها بشار وماقبل تروح للزفه

ضاجت حيل

واني ضجت عليها وقررت ابقى وياها ومآ اروح للزفه

بشار صاح شهم يله اصعد بلسياره

شهم لا اني ابقى هنا خاف يحتاجون شي انتم رحو ا واني بمكانكم بلبيت

وفعلا راحو واني دخلت لكيته ضايجه والدمعه بطرف عينه

شهم لاتضوجين اني بقيت وياج

دلال بعصبيه هو هذا بشار مسموم الله يساعد هاي المسكينه علي

هو بس هليوم وضيع فرحتي ولله لوما يوم عرسه جان دعيت علي

بس شدعي علي هو الله داعي علي محد يحبه

شهم اليوم اخر يوم بلعطله ترجعين ويانه

دلال اي اني محضره جنطتي يمعود كاعده على اعصابي

وخاصتا اذا بشار بلبيت

يطلع روحي على كلشي يسئل وعلى كلشي يدقق

جمانه السعيدي

بليل من خلص العرس ابو هشام صمم نبات عدهم بليلتها

وفعلا بقينا عدهم ولو اني ماكدرت انام عدهم بك مو طبيعي

النوب شتا وعدهم بك

لعد بلصيف شلون بيهم

ميخالف اتحمل اهم شي دلال موجوده وياي بنفس المكان

ثاني يوم كعدنا وتريكنا وتفاجئت

بشار ماقبل دلال ترجع ويانه

يكول عرس وناس تجينا لعد منو يخدمهم

حاولت اقنعا بكل طريقه بس مايفيد ابد قافل فد نوب

موبس دلال تكرها اني هم كرهته

اني احسب دقيقه دقيقه ترجع وهو يريدها تبقى

ولله لوما يشكون بيه جان اني بقيت وياها

رجعنا للبيت واني ضايج

دلال بشار ماقبل ارجع وياهم رغم اني محضره غراضي والعطله خلصت

لليل اتفاجئت بشار فتح موضوع الخطبه

كدام ابوي وامي

بشار اريد احجي وياكم بموضوع اكو واحد خطب دلال من عندي واني عاجبني الولد وكتله تدلل

دلال شنو شنو تدلل شنو شنو انت بكيفك اني ما اريد ازوج اريد اكمل دراستي

بشار انجبي تزوجين وغصبن ماعليج اني انطيت كلمه

بابا شني انطيت كلمه هو بكيفك اني عايش وانت تتصرف بكيفك مو

بشار يابه انت تاج على راسي بس البنيه نهايته الزواج

ولله ما ادري ليش مخليه تدرس

اول وتالي تتزوج عليمن تدرس بعد

بابا انت ماعليك باختك انت مامسول عنها ولاتصرف عليها

عود من اموت اتصرف بكيفك

بشار عمرك طويل يابه اني املت الولد لمن تخلص السادس وهو كال ميخالف انتضر

يابه ترا سمعتنا الطيبه جابته موعبالك ميت على هاي الزركه

بابا سد الموضوع ولاتخليني ازعل عليك

بشار يابه ترا هم خوش ناس أهل سعاد مرتي لاخوها احمد

بس هو الاهله وباجر يبقى هذا البيت كله اله

بعد شتريد

جمانه السعيدي

دلال لو تموت ما ازوج لمن اخلص دراسه افتهمت

بشار تزوجين وغصبن عليج والسانج هذا اكصه فهمتي لو لا

بابا انت ماتحترمني مو اني كاعد وانت تصيح على اختك

كوم كوم روح الزوجتك لا اسويلي بيك مصيبه

ثاني يوم بابا اخذني وصلني البيت عمو شهم

عبالك جنت بسجن وطلعت حتى الهوى بي طعم يمهم

شهم بليل رحت الغرفة دلال ونمت بيها

من ادخل للغرفه واشم عطرها يله ارتاح

نايم وسمعت باب الغرفه انفتح فتحت عيني جان اشوف دلول دخلت جنطتها وطلعت

شهم اللحمد الله رجعت روحتي اليه

دلال خاله منو نايم بغرفتي

اقبال شهم نايم بغرفتج

دلال ولله عيب يمكن يريد غرفته واني لزكت بيها

شهم نزلت واني اسمع كلامهن

لا ما اريد غرفتي اني تنازلت عنها اللج بس البارحه جنت خطار بغرفتج

دلال صباح الخير

شهم صباح النور همزين رجعتي البيت مو حلو وانتي ماكو

دلال شكرا عمو البيت حلو باهله وناسه اني تعلمت عليكم ومااعرف اكعد بيت اهلي شلون لو خلصت دراستي

شهم حتلو خلصتي دراسه ابقي عدنا

دلال شكرا عمووو