رواية دلال وشهم الفصل العاشر 10 بقلم جمانه السعيدي

البارت العاشر

جمانه السعيدي

رجعنا للبيت تعشينا واني صعدت نمت لان اريد اقرا واركز محد ينقذني غير شهادتي

شهم تمددت واني افكر بكلام سعاد زوجت بشار مبينه خبيثه وتكدر تأثر علي

بس ما اكول غير الله ينقذنا من شرهم

دلال خليت جدول للقرايه وبديت اقرا وعمو شهم حيل مهتم بيه كل اشويه جايبلي شي

لو حلويات لو جبس لو عصير مرات يجبلي كباب

مرات يجي ياخذ مني الكتاب ويكول نامي ارتاحي عيونج الحلوات صارن حمر

جمانه السعيدي

مرات يجيني ويكول خل نلعب رياضه حتى تتنشطين وماتحسين بملل

ونضل نلعب رياضه بس رياضتنه مخربطه ونكوم نضحك

الصراحه مسويلي اجواء حلوه للقرايه

اليوم خابر الدلال على عمو شهم لكه معمل زجاج معروض للبيع وسعره مناسب وقرر يشتري

مشت الايام ومابقه على الامتحان غير أربع ايام واني الخوف ماخذني

جمانه السعيدي

الحد مآ اجه

هذا اليوم المشؤوم

بابا ضربته جلطه ونقلو للمستشفى ومايكدر ايردد غير اسمي بصعوبه

وماكو تليفون ويتصلون علينا قررو يدزون بشار يجي ياخذني للمستشفى

حتى اشوف بابا

بيومها اجا شهم ودخل السياره بلكراج ونسا باب الشارع مفتوح يعني مسدود مامقفول اي احد يجي يكدر يدخل

بس يدفع الباب

واقبال هي وراشد جانو طالعين والحجيه نايمه

اني من الحر والحركه قررت اسبح حتى استعيد نشاطي

عمو شهم طلب مني جاي اني خليت القوري على النار وقللت النار ودخلت اسبح

وشهم دخل للغرفه يبدل

سبحت و لبست دشداشتي وطلعت على السريع

وصلت للمطبخ حسيت شي يمشي بضهري

شي طويل مثل البريعصي

اثاري اني من علكت دشداشتي دخل بيها بعيرصي

واني لبستها بستعجال لان اريد اطلع اخاف القوري يحترك

وصلت للمطبخ وحسيته يمشي على ضهري

كمت اصرخ بصوت عالي

تخبلت اني من اشوفه على الحايط اتخبل انوب يمشي على ضهري وجسمه بارد

راسا اني اصرخ واكمز ونزعت الدشداشه وشمرته بقيت بس بالملابس الداخليه

بس بلستيان والباس واكمز

جمانه السعيدي

شهم رجعت للبيت تعبان لان عدي عمال يرتبون بلمعمل

دخلت السياره ودفعت الباب بس ماقفلته

طلبت من دلال جاي هي دخلت تسبح واني حضرت تراكي

والمنشفه شايله بايدي بس تطلع دلال

ادخل للحمام

شويه وسمعت دلال تصرخ بصوت عالي ما خطر ابالي

غير انها احتركت

امي فزت وكامت تصيح شكو شكو

طلعت ولكيت دلال بلا ملابس بس الملابس الداخليه

وتكمز مايخطر ابالي اي شي غير دلال احتركت

شمرت التراك ولفيتها بلمشفه وحضنتها واني احاول اهديها

وافتهم منها شنو الي صار

واصيح شبيج احتركتي احجي احتركتي منين احتركتي

لفيتها بلمشفه وحاضنها بحضني واحاول اهديها وهي مستمرت تعيط

مآ احس غير بشار واكف بصفي ويصيح دلال شكاعد تسووين

جمانه السعيدي

اهووووو تعال فهم هذا المطي ان الموقف مومثل مامتصور

راسا عفته لفت نفسها وشردت

بشار لا خلفله عليك هي هاي الامانه الي مخلينها عندك

جان استحيت بكد بنتك وهيج عيني عينك وبلنهار

ولله ماعندك ذرة مستحه

شهم الصراحه استحيت ما اعرف شكول واحجي اني نفسي مامفتهم هي شبيها وليش هيج صار

بشار دفعت شهم وكمت اصيح انزلي الشريفه العفيفه

ثاريج لاعبه لعب

انزلي واني اعلمج

دلال صعدت واني ارجف كلني ولافه المنشفه على نفسي

موقف انحسد علي

الي صار شي عجيب وغريب

طلعت دشداشه ولبستها بسرعه

ياربي شلون

وماصارت هاي المصيبه اله كبال بشار

شويه وصعدبشار وكسر باب الغرفه افتحي الباب حقيره

دلال من ورا الباب ولله مو مثل ما انته متصور ولله اني نزعت ملابسي لان بعيرصي مشه عل ضهري

وشهم ماله دخل هو اجا هو اجه على صوت عياطي

وهو الي سترني ولف المنشفه عليه

ولله مومثل ما انت متصور

بشار افتحي الباب لاهسه اسويلي بيج مصيبه اضحكين عليه هاي القصه روحي سولفيها على احد غير ي

شوفيلج واحد غبي وسفطي علي هاي القصه

جمانه السعيدي

دلال بشار بقه يكسر بلباب وحسيت اني راح اسوي مشكله للناس الي محترمين ومسكنيني ابيتهم

فتحت الباب وجان يطفر عليه راشديات وبوكسات

ماحسيت غير شهم صار بيني وبينه وأكثر الضربات صارن بشهم واني لازمه شهم وخاتله ورا

وكلبي يدك على السريع وما اعرف مصيري شنو بعد هاي الحادثه

خطيه شهم بس يصد بلضربات ويمنعه يوصل اليه

تعب بشار من الضرب وسحبني بايده واني حالتي حاله من الكتل ووجهي يوجعني

نزلنا ولاكتني خاله اقبال وشافت وضعي رادت تفتهم مني شي بس بشار ما انطاني مجال

اقبال شصار الله يستر شبيك ويه البنيه

اقبال زين اوكف خليها تخلي شي على راسها شلون طالع بيها هيج للشارع

دلال نزعت خاله اقبال عبايتها وشالها ولفتني بيهن كوه علي

مايقبل ينطي مجال ابد

صعدنا بلسياره وهو يتنفس بصوت عالي من العصبيه واني ابجي مآ اعرف شسويت بنفسي

شهم اقبال امشي خل نلحكهم اكيد راح يموته

اقبال بس اريد افتهم شصار

شهم امشي واني افهمج بلطريق

دلال وصلنا للمستشفى اني استغربت هذا المستشفى ليش جايبني هنا

سحبني من ايدي وهو يمشي سريع

بشار اسمعي حقيره كلبه ابوج مريض وطلب يشوفج

قسما لو ما ابوي مريض هسه احفرلج كبر وادفنج هنا فهمتي

تضحكين على منو صارلج فتره مدرستي مدرستي

واحنا ياغافلين الكم الله

بس رب العالمين راد يكشفج النا ويبين النا حقارتج

اسمعي تشوفين ابوج من سكوت ومدرستج هاي تنسينها

ماكو بعدد مدرسه ابد

وبس الوالد يطلع من المستشفى توافقين على احمد بدون كلام فهمتي

واذا انتي مسويه مصيبه ويه شهم كولي من هسه

مو تردين تلبسينا العار فهمتي

جمانه السعيدي

دلال اني بس ابجي واناشغ وساكته امشي واسحل بلعبايه

سحل ما اعرف البسها وشعري كفشه لان ماحكت امشط ولا أشد شعري

وصلنا للغرفه الي بيها بابا و الكل متوقع اني سمعت بابا مريض وابجي علي لذللك محد حس بشي ابد

بس دخلت كمت ابجي حيل واصرخ بصوت عالي لان شفت مصيري بعيني

مصيري الاسود اذا بابا صار علي شي

راسا اجت الممرضه وطلعنا كلنا من الغرفه لان بابا مزين علي الصوت العالي

كعدت برا بلمرر وكمت ابجي صحيح اني مقهوره على بابا

بس مقهور من الموقف الي خليت نفسي بي

مقهور من بشار الي ماقبل يسمعني ولايفهمني مقهوره على مدرستي

بعد اربع ايام للامتحان وما اعرف امتحن لو لا

اقبال لحكناهم بلسياره بس ماراحو للبيت راحو للمستشفى

اني راسا كلت شهم اكيد ابو هشام صاير علي شي

شهم اني انتضرج هنا لان ما اريد تصير مشكله ثانيه

وانتي شوفي شكو ورجعيلي خبر

جمانه السعيدي

دلال تعبت كلش من البجي وخليت راسي على الكاع واني دموعي ماتقبل تسكت

وما اكدر اشرح الموقف لان محد راح يصدكني ابد

شويه واجت خاله اقبال وراي

ماقبلو يخلونه ندخل علي لليل طلعت الممرضه وكالت منو دلال يريدها المريض

كمت على حيلي واني حالي كله مخربط

الممرضه خمس دقايق وطلعين افتهمتي وبلاكلام هواي

لان حالت المريض حرجه

دلال اشرتلها برأسي أي ومشيت وبشار يخزر بيه

دخلت وشفت بابا مدد ومغمض عيونه

ماكدرت اسيطر دموعي نزلن راسا

دنكت على ايدا وبسته

بابا دل دل

دلال اني سمعته مايكدر يكول اسمي

واني فقدت ابوس بايده واكول فدوه تروح اللك دلال

بابا لاتعوفني اضيع بلياك

بابا الخاطري محلفتك بكل عزيز لاتعوفني اموت اذا صار بيك شي اني متقويه بيك اني مستنده عليك

انت موتحبني لاتعوفني

بابا ولله اضيع بلياك اني ماليه احد غيرك

معقوله انت الحنيين ابو كلب الجبير يصير بيك هيج

دلال بس بابا ساعته ما رد عليه ابد

بس حسيته جان يسمعني

وشفت دمعه طاحت من عينه ونزلت على خده

دلال تبجي عليه لاتبجي اني اروحلك فدوه الجلطه بيه ولابيك

مسحت دمعته واني احسها نزلت نار بكلبي

كلبي ماجان مطمن حسيت بابا هاي المره الاخيره

يمكن بعد ما اشوفه ابد

وراح تبدي صفحه سوده بحياتي