رواية دلال وشهم الفصل التاسع 9 بقلم جمانه السعيدي

اقبال الله يستر من بشار ومن سوالف بشار

روحي بدلي وانزلي بسرعه

شهم اني كلبي نغزني خفت حسيت دلال راح اضيع مني

بقيت اروح وارجع بلمطبخ منتضره تنزل

اقبال هذا بشار ولا يشبه خوانه عصبي ومتهور ومايتحكم بقراراته ابد

شهم بقيت ساكت بس كلام اقبال خوفتني حيل

شويه ونزلت دلال لابسه تراك بصلي ورافعه شعرها وطالعه تخبل

اني بلكوه لازم نفسي اريد اطفر عليها واكلها احجي لاتخوفيني

جمانه السعيدي

اقبال احجي شيريد بشار التحفه

دلال بس خل اسلم على بيبي واجي احجيلكم

شهم دخلت دلال تسلم على امي واني نار كامت تغلي داخلي ومعدتي كامت توجعني

طلعت من غرفة امي واني مركز وياها

دلال اتخيلو بشار يريد يزوجني

شهم شنووووو

دلال اي عمو نسيبه الجديد شافني بلمهر وكايله اريد اختك

واتصور منطي كلمه قبل لايسئلني ولا يسئل بابا

شهم شني منطي كلمه انتي غير ادرسين

دلال اي متفق ويه ا لولد بس اخلص امتحانات يجي يتقدملي

اقبال هذا شبي تخبل

شهم وابوج شكال

دلال بابا ماقبل واني كمت احجي علي

ولله خايفه على بابا صحته موزينه

اذا صار شي لاسامح الله بشار يدمر حياتي

شهم شني هو بكيفه بشار هاي حياتج وانتي تقررين

دلال لأ وهذا الولد احمد مدري محمد ثالث متوسط مامكمل ومددل وساقط وكل السوالف التعبانة عنده

الوحيد على أربع بنات ومخبلينه

اي شي يريده ياخذه وشكد مسوي مشاكل الاهله

وبشار يريد يلبسه براسي

ولله اكتل نفسي ولا ازوج

اصلا اني اريد اكمل ولامفكره بالزواج ابد

جمانه السعيدي

شهم ضجت حسيت اول عقبه طلعت بطريقي

حسيت اني ممكن افقد دلال بيوم من الايام

معدتي كامت توجعني اكثر

صعدت دلال فوك بغرفته واقبال بلمطبخ واني رايح جاي

معدتي كامت توجعني اكثر

بدلت وطلعت امشي بس ما ادري وين اروح

امشي ومعدتي كامت توجعني اكثر وراسي مثل الي انفخ

اي شهم بعدها يمك وماتحملت مجرد التفكير

انو يوم من الايام راح تبتعد عني

بعدين رحت للمستوصف قاس ضغطي لكا صاعد

وسجلي علاج مهدء المعدتي

رجعت للبيت اخذت حباية معده وتمددت

اقبال حضرت الغدا وطلعت اكل عمتي لان ماتاكل اكلنا الها اكل خاص

ومديت السفره وصحت دلال نزلت

وعمتي أخذته تغسل ودزيت دلال تروح تكعد شهم

شهم اتمددت بس ماكدرت انام فكره تاخذني وفكره اجيبني

دلال عمو عمو تكعد تتغدا

شهم مآ اريد معدتي توجعني

دلال سلامتك اسويلك شي خاص تاكل

شهم لا ما اريد اي شي

دلال عمو خاف مصخن ومديت ايدي لزمت ايده لاعمو مابيك شي

شهم شكد ضايج بس حنيته عليه واصراراها تطمن عليه

فرحني من مدت ايدها حسيتها سحبت الالم كله

دلال عمو ناخذك للمستشفى

شهم لا صرت احسن وجاي وياج اتغدا

دلال يله عمو الاكل موطيب اذا انت ماتكعد ويانه

اكلت قليل وكمت الخاطر دلال اني اكلت

ضلت دلال مثل الحمامه كل شويه وجايه ها عمو صرت احسن

شهم جنت كلش فرحان باهتمامه

لليل صرت احسن

دلال هي المرض وهي الطبيب

ثاني يوم طلعت اشتريت سياره اني بلبنان جماعتي علموني على السياقه

وجبتها واجيت للبيت

شهم دخلت على امي وكتلها محضرلج مفاجئه بس اوكفي خل اجمع الكل واكول شني المفاجئه

الحجيه يالله

شهم اقبال تعاي مفاجئه

اقبال يالله شني المفاجئه

شهم اوكفي خل اجيب دلال واجي

صعدت الغرفتها ولكيتها مدنكه على الكتاب دلال

دلال هاااا عمو

شهم تعاي مفاجئه

دلال كولها هنا لان جاي اقرا

شهم اخذت الكتاب وسديته وشمرت القلم وسحبتها من ايدها ونزلنا جوا

دلال يله عمو كول شني المفاجئه

شهم اشتريت سياره

تعالو شوفوها

الحجيه صلوات على النبي

شهم كومت الحجيه ولزمته من ايدها ودلال لزمتها من ايدها الثانيه

طلعنا برا ولمن شافو السياره

الحجيه صلاوات ينطيك خيرها ويكفيك شرها

اقبال بلعافيه تستاهل كل الخير

دلال الله تخبل بلعافيه

جمانه السعيدي

شهم حضرو نفسكم اليله اخذكم نتعشى برا بمناسبة السياره الجديده

وفعلا بليل طلعنا تعشينا برا والأجواء تخبل

دلال بدت فترة الامتحانات الشهريه وماكدرت اروح الاهلي بس بابا مرتين اجا عليه يشوفني

شهم بدت فترة الامتحانات ودلال حيل مشغوله واني كل يوم اجيبلها علاكة حلويات وعصاير

وبليل اضل كاعد علمودها لان تقرا مرات اجيبلها جاي ومرات حليب وكاكو حتى لاتنعس

واضل اراقبها من بعيد

بياض عيونها صار احمر من السهر

عدت مرحلة الامتحانات وجابت درجات عاليه

ونطوهم العطله قبل الامتحان الوزاري

بداية العطله قررت تروح تشوف اهلها واني قررت اخذها واجيبها بلسياره

طلعنا الصبح تقريبا بلعشره

شغلت اغنية هيثم يوسف اضعف كدامك بس انت

وتمالك نفسي بلسكته

دلال الله اني احب هاي الاغنيه

شهم واني اهديها اللج

دلال شكرا عمو

جمانه السعيدي

شهم اكول بكلبي ولله لو تدرين معزتج بكلبي

دلال اكول بكلبي شنو يقصد عمو شهم اكيد مايقصد الي ابالي

اهو اني وين وعمو شهم وين اكيد اني مكبره الموضوع

وصلنا ورحبو بينا وكل اشويه ابوها يكول بنتي اكيد راح ترفع راسي وطلع درجات عاليه

مو مثل اخوانها كل سنه تنعاد بسنتين

بس ابوها حالته حيل تعبانه بس نايم بلبيت مايكدر يطلع

طفرت سعاد زوجت بشار

سعاد اي انشاء الله مابقه شي ونفرح بيها عروستنا الحلوه

دلال لاحبيبتي الي ابالج مايصير اني ادرس كليه واكمل واخذ واحد من مستواي

سعاد شنو قصدج احنا مو مستواج

دلال ولله افهمي الي تفهمينا اني زواج هسه ما ازوج أبد

شهم ولله بردت كلبي دلال بردها عليها اني ودي اطفر عليها واخنكها

سعاد ولله موكلامج الي يمشي يجي بشار واله كلام ثاني

دلال ماطول ابوي موجود لا انتي ولابشار تهموني

سعاد زين هذا الكلام يوصل البشار ونشوف رده شنو

بشار جان ماموجود بلبيت ملتحق للوحده مالته

بس هاي الحيه سعاد اكيد مراح تسكت وراح تزود الكلام اكثر

ياسبحان الله أخبث من رجلها ولو هي مذكوره بالقرآن

الطيبون للطيبات والخبيثون للخبيثات

هي ويا نفس الطينه

شويه وكالو سعاد اخوج يريدج بلباب

دلال اني كعدت اسولف على ماما

وبابا طلعلي فلوس انطاني مصرف واني حلفته يدعيلي حتى اطلع درجات عاليه

ومايضيع تعبي

شهم اني طلعت برا للصحيات

جمانه السعيدي

واسمع سعاد تسولف على اخوها

احمد ذني ملابسج اليوم الخياطه دزتهن

سعاد اليوم شرفت ست الحسن

احمد بشرفج خل اشوفها

سعاد وين تشوفها هسه اني وياها تعاركنا

احمد ليش

سعاد تسمعني حجي عود انت مو مستواها وما قابله بيك

احمد شني مو مستواها قابل هي بت الوزير

سعاد معليك بيه بس يجي بشار اسوي نفسي زعلانه وبس تخلص امتحانات اخلي يزوجكم

احمد اي ولله حيل عجبتني ترا اني عندي كومه صاحبات

وليليه ويه وحده بس هاي تختلف ماشايف مثله حيل عجبتني

سعاد لاتخاف واختك موجوده اني اعلمه ماراح تصير الغيرك اطمئن

شهم اني جنت واكف واسمع حجيهم

شني هاي الخباثه والحقاره بس ولله لوتموتون ثنينكم

ما اخلي أحمد يلزم طرف ثوبها

شهم طلعت اغسل برا

سعاد يله روح لايشوفونك سدت الباب ودخلت

شهم يله دلال نروح ورانا طريق طويل

دلال اي عمو اجيت

ابو هشام ماتباتون اليله عدنا

دلال لابابا نروح لان اني خليت جدول ادرس على واريد ابدي من باجر

ابو هشام الله يوفقج وينجحج بويه شهم دير بالك عليها

شهم لاتوصي حريص يله دلال نطلع

دلال اي عمو بس اجيب جنطتي

ودعت ماما وبابا وطلعنا واني كلبي خايف حيل على بابا صحته مو تمام ابد