رواية دلال وشهم الفصل الحادي عشر 11 بقلم جمانه السعيدي
دلال بابا حالته بلنازل وبعد مانطق اسمي هاي كانت آخر كلمه نطقها
وخاصتا اني لا اكدر اكل ولا اشرب اشوف الدنيا سوده بعيوني
شهم بعد ماوصلت اقبال رجعت وافتهمت منها الي صار
اني ما اريد اكون بمواجه وياهم بهاي الضروف
وبنفس الوقت اريد اطمن على دلال
خايف عليها حيل اكيد راح يحرموني منها
شلون راح اتحمل ما اشوفها ولا اشتم عطرها
ويمكن بشار راح يستغل الموقف ويزوجها
هذا مجرم وماعده احساس ابد
جمانه السعيدي
شهم يوميه اخذ اقبال وراشد بلسياره للمستشفى حتى اطمن على الوضع
بس الوضع مايطمن ابو هشام دخل بغيبوبه
ثالث يوم اقبال خابرت من المستشفى كالت ابو هشام حالته خطره ونقلو للانعاش
اخذت السياره وطلعنا اني وراشد
جنت كلش خايف على دلال لان مستحيل تتحمل فراك ابوها
وصلنا للانعاش وحالت دلال وامها تكسر الخاطر مايقبلون احد يدخل ويا لازم بس واحد يدخل للانعاش والباقي ينتظرون برا
بيومها بشار جان ملتحق رايح يقدم على اجازه ويرجع
للضهر طلع حسن وصاح الدكتور بسرعه الدكتور
راسا اجا الدكتور ودخل هو والممرضين وماقبلو احد يدخل ويا
دلال عبالك كلبها حاس راسا كامت تصرخ بصوت عالي
اني رحت يمه وقربت عليها واني احاول اهديها
شويه وطلع الدكتور وكال البقيه بحياتكم
جمانه السعيدي
راسا دلال نشغت بصوت عالي ووكعت وختنكت رجعتلها الحاله مثل قبل
اني الصراحه ماهمني كل الموجودين اتخبلت عليها
لفيتها بلعبايه وشلتها وطلعت اركض للطوارء
الطوارء مو بعيده قريبه كلشي
وصلت واني اصرخ الحكو عليها الحكو يمعودين
راسا الممرض شافني ودفع السديه وقربها عليه وخليتها عليها ودخلناها جوه
واجه الدكتور يشوفه كانت تتنفس بصعوبه
عبالك الهوا ضاع عليها
الدكتور قربو بطل الاوكسجين هنا
وخلولها اوكسجين وجابولها ابره ضربوها
لحكتني اقبال كالت شبيها دلال
شهم رجعتلها الحاله القديمه اختنكت
اقبال الله يساعدها صار ثلاث ايام بلا اكل بس تشرب ماي وليل والنهارده تبجي اكيد يصير بيها هيج
شهم وين الجماعه
اقبال امها كاعده تبجي والولد اخذو الجثه وراحو يطلعون شهادة وفاه
شهم ابقي يمها لاتعوفينها خل اروح اشوف الولد وارجع
اقبال روح اني باقيه يمها
جمانه السعيدي
شهم رحت ووكفت ويه الولد لمن طلعو شهادة وفاه وجابو تابوت و وكل اقاربنا اجتمعو
خابرو على الوحده على بشار حتى يستعجل ويلحكهم للنجف لان مايلحك بيهم هنا
ولده اثنيينهم راحو وراشد راح وياهم وسيارتين من اقاربنا
بس اني ما رحت جنت خايف على دلال حيل وماكدرت اعوفها ابد
رجعت اطمن عليها صايره احسن بس الدكتور معلكلها مغذي لان ضغطها هابط لان ماتاكل
وكال جيبولها اكل وعصير مزين عليها هذا الهبوط
طلعت برا وجبتلها اكل ولبن وعصير وكلنس وماي بارد
وحلفت اقبال تبقى يمها توكلها حتلو بلغصب
واني اخذت ام هشام للبيت ووصيت على جادر للفاتحه
وكراسي وماي وكلنس
لان كلهم راحو بس اني بقيت ولازم احضر كلشي قبل لايجون
عفت شباب الجوارين ينصبون الجادر ويحضرون ورجعت اطمن عليها كلبي ماينطيني اعوفه
وعقلي بقه يمه اشتغل بدون تركيز
شهم وصلت للمستشفى بس شافتني عدلت كعدتها
و كامت تبجي
دلال عمو بابا راح بابا عافني اني شلون اعيش من دونه
مالكيت نفسي غير حاضنها ونبجي اني وياها لان فعلا ابوها انسان زين ويستحق واحد يبجي علي
جمانه السعيدي
الدكتور كال بس يخلص المغذي تطلع ولازم تاكل اذا ماتاكل
يرجع يهبط ضغطها مره ثانيه
للمغرب طلعنا من المستشفى اني وياها واقبال
بعد العشى بشويه اجو الجنازه من النجف
وبشار كان وياهم راسا اجه عليه ولزمني من ياخة القميص
وكال انت شسوي جاي هنا
منو سمحلك تدخل بيتنا هسه تولي تطلع لا افرج امة محمد عليك واقتلك واسوي الفاتحه فاتحتين
اني عفته وسلمت على الولد وطلعت الوضع مايسمح بلمشاكل ابد
الفاتحه مليانه ناس غربه واحنا اهل وما اريد الناس تتفرج علينا
صعدت سيارتي ورجعت للبيت
بقيت بلبيت وحدي حتى الحجيه راحت للفاتحه
بس تفكيري كله يم دلال اكيد بشار راح يعذبها وخصوصا بعد الموقف الي صار
بس اني وصيت اقبال تهتم بيها وتوكلها وماتعوفها وحدها ابد
خلصت الفاتحه ولكل رجع بس اقبال مارجعت
اني دزيتلها خبر تبقى وتشوف شراح يصير
بلكت نكدر ندخل ونحل المشكله
يوم سابع رجعت اقبال يعني بس خلصت السبعه
شهم شني الاخبار طمنيني
اقبال ولله الاخبار ماتسر ابد بشار سولف الاهله كلشي الي صار وهو كل ضنه انت عندك علاقه ويه دلال
وقرر بعد ماكو مدرسه ولا اكو طلعه من البيت
والمسكينه كلهم صارو ضدها بس امها وامها هلمسكينه شراح تسوي
ماتكدر الهم اتلاثتهم
ويكومونها بكتله ويكعدونها بكتله
بيتهم صار جحيم بالنسبه الها
جمانه السعيدي
والخبر الاتعس قرر بس تخلص الاربعين يزوجها الاحمد
بدون عرس وهوسه
يجيب سيد يعقدلهم وياخذها بثوبها
شهم زين سعاد من سمعت شكالت بلكت توصل خبر الاخوه ويبطل
اقبال ما حجو كدام سعاد يخاف توصل خبر ويبطلون
ولله لو ما اخاف تصير مشكله وتتاذه دلال جان اني كلتلها
بلكت يصير عدهم احساس ويبطلون
طبعا سعاد شاكه بلموضوع بس همه يكلولها علمود المدرسه تريد ترجع للمدرسه واحنا نريد نزوجها ونخلص
شهم شنو هلضلم ياربي شمسويه هلمسكينه ولله خطيه
شهم لليل ماكدرت انام شلون اخلصها من ايدهم
مستحيل راح يقبلون اتوسطلها عدهم
يامسكينه وين طحتي بيا مصيبه
دلال بس خلصت الفاتحه صدرو عليه احكام قاسيه
ماكو مدرسه ماكو طلعه ازوج غصبا عليه
يكعدوني بكتله ويكوموني بكتله
بشار مله عقولهم عليه كلام اشكال والوان وكله جذب
واني ما اكدر ادافع عن نفسي ابد
لان محد راح يصدكني بس امي جانت مصدكتني بينهم
جمانه السعيدي
ليليه انام واني دموعي على خدي واني ادعي رب العالمين ياخذ حقي منهم
القهر الجبير امتحاناتي بدت وضاعت عليه السنه
فكرت انتحر اي عندي انتحر ولا اخذ هذا احمد التافه
بس ماضبطت وياي الشغله
بلعت شريط حبوب حتى أموت واخلص
بس راسا كمت اتقائ لان معدتي ماتحملت ابد
ولمن عرفو حصلت كتل اشكال والوان
تردين تخزينا بين الناس هسه يكولون شبيها انتحرت
بس خاله اقبال جانت من تجينا تهون عليه شويه
بس هي ماتكدر تبقى يمي لان محد بلبيت بمكانها وبيبي مريضه ماتكدر
وصلنا للاربعين وبشار ماقبل اروح وياهم حتى كبر ابوي حرمني منه
وخله حسن بلبيت يراقبني خاف اشرد
متت من البجي بيومها
ولمن رجعو انطا خبر السعاد حتى اهلها يحضرون نفسهم بس يرجع مجاز مره ثانيه
يجيب سيد يعقد النا وياخذني بثوبي
واني تخبلت كلشي ضاع مني ومحد اليه يخلصني من هذا الضلم
شهم مابقى براسي عقل اليل والنهار افكر شلون دلال راح اضيع مني
حتى فكرت اخطفها بس عرفت همه مسوين مناوبه حراسه
عليها خاف تشرد
معقوله يضيعون مستقبلها علمود شغله بسيطه وهمه افتهموها غلط
ماخليت واحد ماسئلته الكل يكول هاي المشكله مالها حل
جمانه السعيدي
الحد مآ واحد وصفلي شايب جبير هذا كلش يفتهم بلشغلات العشائريه وكالو هو هذا اكيد راح يلكالك حل
رحت واني كلي ياس لان اني يوميه اسئل ويكولون
هاي الشغله مالها حل
مابقى براسي عقل حتى الشغل بلمعمل وقفته
حاير بزماني شلون احلها ما ادري
انتضرت راشد لمن نزل مجاز وقررت اعترفله بحبي الدلال
بلكت يساعدني
بلكت يكدر يجيب ناس تأثر عليهم
شهم راشد انت اخوي الجبير وبمثابة والدي واني عندي شغله اريد اخذ رائيك بيها
راشد كول محتاج شي عيوني اللك
شهم سالمه عيونك اني الصراحه ما اعرف شلون راح ابدي وياك بس راح احجي لان ماعندي احد غيرك راح يفهمني
راشد احجي يمعود قلقتني
شهم اني احب دلال
راشد يا دلال دلال دلالنا لو غيرها
راشد اي هي مو احبها متخبل عليها وانت تعرف المشكله الاخيره وبشار بطلها من المدرسه ويريد يزوجها
راشد ولله ما اعرف شكول صحيح هاي مشكله عويصه
بس انشاء الله راح نلكه الها حل
شهم اي تأخير مو بصالحي ابد لان احتمال باي لحضه يزوجوها
راشد لكيتلك حل
شهم تحجي صدك شنو الحل
راشد خل نروح الاهل احمد وننهى عليهم لان انت بعتبار عمها ومن حقك تنهى عليها ومايكدرون يزوجوها
حتلو ماقبلو يزوجونكم
على الاقل مايكدرون يزوجونها واحد غيرك
وهيج نخلصها من هاي الزواجه التعبانه
شهم متأكد انت من هذا الحل
راشد ماعدنا غيره خل نجرب ونشوف
وفعلا صعدنا السياره ورحنا عليهم وصلنا المغرب اني ما اندلهم لان مارحت بزفة بشار
بس راشد يندلهم
وصلنا ودكينا الباب وطلع ابو احمد
جمانه السعيدي
راشد السلام عليكم
ابو احمد عليكم السلام
راشد يمكن ماعرفتنا حجي احنا ولد عم ابو هشام الله يرحمه
ابو احمد اهلا وسهلا تفضلو كل الهله بيكم تفضلو تعشو
راشد وكفو منك انت ابن اصول بس احنا مستعجلين ورانا طريق
ابو احمد اي ادخلو مايصير بلباب
راشد احنا سمعنا انتم خاطبين دلال بت ابو هشام الله يرحمه
ابو احمد اي صحيح ومنتظرين بشار يجي مجاز ونمشي عليكم
راشد البنيه احنا انريدها وانتم منهيين ما نقبل
ننطيكم مره انتم مابيكم قصور والنعم منكم
بس البنيه احنا ربيناها واحنا اولى بيها
ابو احمد هاي هيه بويه جيتكم على العين والراس
هواي نسوان بس احنا ندور اصل وانتم اهل الاصل
راشد مشكور حجي الله يوفقك
التعليقات