رواية دلال وشهم الفصل الثاني عشر 12 بقلم جمانه السعيدي

البارت الثاني عشر

دلال وشهم

جمانه السعيدي

شهم رجعنا للبيت واني قلق خايف حيل على دلال من ردة فعل بشار

هيج بشار راح تتاكد ضنونه ويصدك اكو شي بيني وبين دلال

اخ لو يدري شكد احبها ومستعد اضحي باي شي علمودها

هذا مو اخ مستحيل اخو هيج يسوي باخته

بيت أحمد اخو سعاد

ابو احمد بابا هاي البنيه ابن عم ابوها يريدها ونهى عليها

بيت عم ابوها يكولون احنا ربيناها واحنا أولى بيها

وصل خبر لاختك

لو انت تروح البشار من يجي مجاز وتوصله خبر

احمد هاي طلعت موهينه ابد الله يعلم شلاعبه ما لاعبه هناك أي بنيه ودايحه لاحسيب ولا رقيب

اكيد تلعب لعب

جمانه السعيدي

احمد ماصبر راح وصل خبر السعاد وسعاد هجمت على دلال

سعاد اي اجا وراها العاشك الولهان ماصبر

اجا ينهى عليه الله يعلم شلاعبه مالاعبه

واني اكول ليش هيج يكتلون بيها وليش حابسينها

اكيد مسويتلها مصيبه شكبرها

دلال شبيج على كيفج خل نفتهم نزلتي علينا مثل الرعيده

سعاد حبيبج شهم ناهي عليج

دلال عمو شهم نهى عليه

سعاد اي سوي نفسج فقيره وعمو شهم اضحكين علينا

ام المصايب

ام هشام شبيج تخبلتي هيج تحاجينها واني موجوده

ابنكم مانريده

سعاد وهو هم ماميت على هيج شكول

جمانه السعيدي

ام هشام هاي عليمن حقيره هاي على دلال عاد هسه اخوج من حوره اخوج الوزير هو واحد دايح لاشغل ولاعمل النهار كله يفتر بلشوارع

سعاد اسكتي روحي طمي عار بتج الله يعلم شهم شلاعب ما لاعب بيها وهسه سويتيها هي وبس

وماكو منها

ام هشام بتي اشرف منج ومن عشيرتج

سعاد اي صح روحي وديها فحص وتاكدي منها

دلال لأ عاد لهنا وبس انتي الخايسه تحجين عليه

كامت دلال هي وامها وكتلن سعاد كتله معدله لمت ملابسه وراحت الاهله وهي تتوعدلهن من يجي بشار ياخذ حقها

دلال من طلعت سعاد صار البيت هدوء ورتاحينا شويه من المشاكل

بس الصراحه حيل خايفين من ردت فعل بشار لمن يرجع

هذا مخبل وكلشي يسوي ماعندا مانع

شهم بقيت اترقب الاوضاع منتضر يرجع بشار ونشوف ردت فعله

دلال يمه ليش شهم نهى عليه

امي ما ادري

دلال اكيد نهى عليه حتى ينقذني من هاي الزواجه

ولله هو مامفكر يزوجني ابد

دلال ضليت افكر بشهم ليش هيج سوا اكيد خاله اقبال كالتله

على وضعي وفكر هيج فكره

اربع ايام ورجع بشار دخل ومالكه سعاد بلبيت

جمانه السعيدي

بشار يمه سعاد وين

ام هشام راحت لهله

ام هشام صار اربع ايام

بشار شعجب هي ماتروح هلكد هااا خاف راحت تساعدهم على تحضيرات العرس

ام هشام ما ادري

بشار زين حضرولي الاكل خل اسبح واروح اجيبها

راح بشار وحنا ضلينا لازمين كلوبنا الله يعلم شراح تزود بلحجي وتكثر حيه مالها امان

سعاد تلكت بشار تبجي وماخلت شي ماكالته وزودة بلكلام

والنوب سمع شهم ناهي تخبل بلزايد

وكان شرط سعاد ماترجع اله بيت وحدها

ساعه تقريبا وهو رجع مخبل يريد ياكلنا اولا سمع شهم ناهي عليه وثانيا كاتلين زوجته

اجه يغلط ويفشر ويصيح كبل دفر دلال وامها تصرخ تريد تخلصها بعدين لزمها من شعرها واخذها يسحل بيها

وهي تصرخ ومحد يخلصها

الولد طالعين وامها لاحول ولاقوه

امها حاولت تخلصها دفعها ووكعت على ضهرها

ودلال اكلت كتل يابو كتل الدم من حلكها ومن خشمها يجري

زوركها اتزورك

بشار تكتلين سعاد حقيره كلبه تروحيله فدوه

دلال اهي اهي غير تفتهم هي شسوت غير تسمعني مثل ماسمعتها

بشار حقير ه والشفيه شهم جاي ينهى مو اني اعلمج واعلمه اذا ما اكتله خلاص

جمانه السعيدي

ام هشام شهم شعلي زوجتك السانها طويل وماتحترم احد

نفس طينتك انت هسه ما احترمتني ودفعتني علمودها

مع الاسف عليك ضاعة تربيتي بيك

بشار زوجتي شعليه اذا انت اثنينجن دايرات عليها وكاتلاته

وذاك شهم حاسب نفسه زلمه ويودي نهاوي

ان اعلمه تبقين طول عمرج كاعده ومآ اخلي ياخذج

عافنا وطلع واني ما اكدر اكوم من الوجع كسرني تكسر

كمت ابجي

وينك بابا تعال وشوف بتك تعال وشوف بشار النذل شسوي بيها

بابا يكتلني علمود مرته ليش رحت وعفتني ليش ما اخذتني وياك

الموت ليش ما أخذ بشار ليش اخذك انت

جمانه السعيدي

كمت على حيلي واني اصيح اله اكتل نفسي

ومآ اعيش تحت رحمة بشار وزوجته

طفرت سحبت سجينه من المطبخ

وامي كامت تصرخ طفرت عليه ولزمت السجينه

هي اجرها واني اجرها

امي ولج يمه ليش هيج اذا تموتين اموت وراج

شمرته وكمت اصرخ

وين اروح ووين اودي وجهي ياربي خلصني تعبت

تعبت بعد ما اكدر

شهم ثاني يوم اخذت اقبال تشوف الاخبار شني

واني بقيت بلسياره انتضرها

جمانه السعيدي

ساعه ونص ورجعتلي

اقبال الله لايراويك شمسوي بيها النذل اموتها تموت

ومتحلف الك

شهم اني مايخوفني المهم هيه

اقبال يكول اخليه طول العمر كاعده ومآ انطيها الشهم

شهم ميخالف بس لاتتزوج احمد

الله ياخذه ويخلصنا منا انشاء الله تنكسر ايدا الي مدها عليها

سعاد رفضة ترجع للبيت تريد بيت وحدها ماتقبل ترجع وياهم وهذا الموضوع خبل بشار بلزايد

لان ماعنده امكانيه يطلعها بيت وحدها

راتبه قليل كلش

وهذا الوضع خلا

يكلب حياة دلال جحيم منا لمن خلصت الاجازه دلال واصله للموت

اقبال اقترحت على شهم يتركا لمن يهدء شويه بلكت يغير رائيه

وشهم بين يوم ويوم يوصل اقبال لبيت دلال تطمن عليها

ويبقى منتضرها ويرجعها للبيت

بلاجازه الثانيه قرر شهم يدز ناس مشيه على بشار بلكت يقبل ينطي دلال

بس بشار عاند بلزايد وماقبل وكال ماعدنا بنات للزواج

شهم ابقى انتضرها طول العمر

بلكت بشار يلتحق للجيش ويموت واخلص منه

جمانه السعيدي

شهر يجر شهر وماكو اي نتيجه ويه بشار ويطلع قهرا كله بهاي المسكينه يروح ويرجع يكفخها

يغلط عليها يجي نص اليل يكعدها تعاي سويلي اكل

ملابسه نضيف وصخه تعاي اغسليهن

نايمه يدوس على راسها ويكعدها ويطلع الها شغلات من جوه الكاع

بحيث صدك كرها بحياتها

يطلع يدخل يضربها واذا واحد من البيت ادخل يتعارك وياااا

وكلما اقبال تجي وتحجي الشهم يتخبل عليها بلزايد

شهم راشد شلون دبرني هذا راح يموتها

راشد شبدينا عليها كلما ندخل يشد وياها بلزايد

بلكت فترا ولله يهدي ويبطل منها

شهم شاد وياها علمود زوجته كلما يروح يمها تشحنه على دلال وماتقبل ترجع تريد بيت وهو ماعندا امكانيه بيت

راشد شنو رائيك ندزله واحد يكله اذا يريد فلوس ننطي

شكد ما يريد

حتلو فلوس بيت ننطي يعني ٧٠٠ ٨٠٠ ميخالف وهمه احسن بيت يمهم هذا سعرا بلكت الله يهدي ويوافق

شهم يابه حتى مليون انطي بس خل يفك من البنيه

راح يسوي بيها عاهه مستديمه

هسه لويكسر رجلها لو ايدها والمصيبه اذا اذاها محد ياخذها للمستشفى

راشد باجر نروح نسئل منو شيخ جبير يمهم وندزه عليه يقنعه

شهم الله كريم الله يقدم الي بي الخير

جمانه السعيدي

ثاني يوم رحنا وسئلنا بمطقتهم ووصلون الرجال خير شيخ عشيره

انسان محترم والناس كلهه تحبه وتقدره

رحنا والرجال حيل رحب بينا وستقبلنا احسن استقبال

وشرحناله الوضع

وقرر يساعدنا بلي يكدر علي

كال باجر اروح عليهم وإنشاء الله خير

انطينا رقم التليفون وكال اني ارجعلكم خبر

شهم بليلته ماكدرت انام ولاغمضت عيني عقلي ساعه يكلي العرض مغري هسه يوافق بشار

وارجع واكول مستحيل هذا خبيث يجوز مايقبل ابد

وارجع النقطة الصفر ويا

الصلاة الصبح واني كاعد صليت وقريت قران ودعيت ربي يهدي مو الخاطري الخاطر هاي المسكينه

دلال من كد الكتل الي انكتلته جسمي كله ندب زرك

ومآ اكدر امشي عضامي كلها توجعني

كلساع ادعي ربي ياخذ عمري

الحياة صارت سوده بعيني محد مصبرني بس امي

جمانه السعيدي

ثاني يوم راح الشيخ على بشار

شيخ اني مكلفيني بشغله يمك كون ماتردني

بشار ادلل شيخنا انشاء الله مكضيه

شيخ تسلم وليدي اني مترجي منك كل الخير

بشار اامرني من عيوني

شيخ سالمات عيونك عمامك راشد وشهم خاطبين منكم مره وانتم ما موافقين

بشار بس

شيخ خل اكمل كلامي

بشار تفضل

شيخ همه يكولون انت شتطلب مهر همه مستعدين

حتلو تطلب مليون اني عمك وبتي بت شيوخ ومتعلمه

توني زوجته ومهرها ٥٠٠ واحسن بنيه بلديره هسه مهره ٥٠٠

الشيخ اني مارضيت عليهم اذا اطو مهر مليون تصير الناس تحجي

لان بعد اي بنيه راح تطلب مثل هذا المهر وهذا المهر هواي

اني عمك اكول تقبل ماطولهم مشترينها بلغالي

وهمه اهلها ومبينين خوش ناس

هاااا شكلت تريد تفكر وترجعلي خبر بكيفك

الثالث عشر من هنا