رواية ديجور الشاهين الفصل التاسع 9 بقلم ايلا ابراهيم

التاسع

سندس بدموع : فعلا انا غبيه .. عشان كنت فاكره اني هعرف اخليك تحبني..

شاهين مسح وشه لما شاف دموعها وقالها بضيق : طب اهدى وخلينا نتكلم..

سندس بعناد : مش عايزه اتكلم .. انا عاوزه امشي.. سيبني امشي ياشاهين..

شاهين بجديه : بقولك استنى نتكلم الاول..

شاهين شدها وقعدها جنبه عالسرير واتكلم بهدوء وهو بيحاول يحتويها ويهدي من نفسه قبل كل حاجه..

شاهين : اول حاجه انتي غلطتي بخروجك بالوقت ده..اكيد انتي شايفه الساعه كام.. ولسا هتتكلم منعها وهو بيقول سيبيني اكمل..

سندس شدت أيدها من أيده بانزعاج .. وهو كمل و تاني حاجه لما انتي بتوصلك رسايل تحرضك عليا مقولتيش ليه. ومش بس كده بترقبيني..كمان ده ايه العقل بتاعك ده..

سندس..

شاهين خد نفسه واتنهد بهدوء وكمل كلامه والحاجه الأهم من ده كله .. أن علا مش مراتي ولا عشيقتي زي منتي فاكره…

سندس وهي بتمسح دموعها : ياسلام وانا هصدقك..

شاهين : يعني أنا هكدب عليكي ليه..

سندس بعدم تفكير : ما هو انت كدبت عليا وقلت إنك كنت مسافر..

شاهين بغيظ : انتي ملاحظه انك بتغلطي على جوزك.. كتتير وانا بجي على نفسي و اتحملك..

سندس دارت وشها الناحيه التانيه بغضب ..

شاهين حاول ميتعصبش وده مش من طبعه ابدا.. لكنه مش عاوز يزعلها اكتر لما حس أن في حد عاوز يعمل مشاكل بينهم… واتكلم بهدوء انا كنت مسافر بجد .. على فكره ورجعت مع علا .النهارده .

سندس بغيظ :وترجع مع الست علا بتاع ايه لو مفيش حاجه مابينكم… والا شكلك بجد شايفيني غبيه .

شاهين بضحكه : والله العظيم غبيه..انتي تصدقي كل حاجه بالوقت اللي المفروض انك تصدقي جوزك وبس..

بصت ناحيته بدموع وهو كمل كلامه بعد ماقرب وهمس لها بصوت يدوب يتسمع : ماشي ياسندس هقولك سر .. عشان بس نخلص من حكاية علا دي ..بس مش عايزك تتكلمي بالحكايه دي تاني..

سندس بصت ناحيته بفضول وامل أنه ميكونش في ما بينهم حاجه..

وهو اتكلم بهمس : علا تبقى بنت عمي الله يرحمه.

سندس : بنت عمك ..ليه مجبتهاش هنا . واخدها ببيت لوحدها ليه..

شاهين : عشان مرات عمي متعرفش أنه كان متجوز وانا مش عايزها تعرف دلوقتي عشان متزعلش .

سندس ضربت على صدرها بصدمه وهي بتقول : عمك متجوز على عمتي وهي مش عارفه ..

شاهين : اششششش اسكتي مش عايزاها تعرف شكلك هتخليني اندم اني عرفتك.

سندس : يعني مفيش بينك وبينها حاجه..

شاهين: ياستي والله مفيش اي حاجه.. لكن يا سندس والله لو مرات عمي عرفت بالحكايه دي هزعلك اووووي.

سندس : انت شايفيني عيله عشان اقولها..

شاهين :بضحكه يارب تطلعي قد كلمتك بس..

سندس وقفت بضيق وهي بتقول : انت بتضحك عليا. ليه .

شاهين عايزاني اعملك ايه بدماغك الجزمه دي .

سندس : اضمنلي انك مش هتخوني ..

شاهين : بغمزه ودي حاجه تتضمن ازاي..

سندس بغباء : يعني ايه ممكن تفكر انك تخوني ..

شاهين وهو بيبص ليها بابتسامه : والله حسب لما احس اني راجل متجوز بجد ومراتي مش كل شويه تعكنن .عاللي جابوني .اكيد مش هفكر اخونها وابص لوحده تاني .إنما لو..

سندس بتسرع : لو ايه قالتها بضيق وانزعاج..

شاهين بغمزه : والله انتي وشطارتك بقى .. سندس بصت حوليها بتوتر ووقفت وهي بتقول هروح اشوف مر… وقبل ما تكمل كلامها شدها ليه وهو بيقول تروح فين تعالي هنااا ووووو

يتبع