رواية دلال وشهم الفصل الرابع عشر 14 بقلم جمانه السعيدي

البارت الرابع عشر

دلال وشهم

جمانه السعيدي

نزلت جوه واني مامصدك دلال بيتنا دلال رجعت اليه لا وهلمره اكو شي يربطنا سويه

بس ما اعرف هي راح تتقبل هذا الارتباط لو لا

راح احاول وياها يجوز تقبل تبقى وياي

دلال اكلت وأخذت علاج وخاله اقبال دهنت الجروح والكدمات الي بجسمي واخذت حبايه مهدء وتمددت

ياترى شنو الي منتضرج دلال طلعت من هذا البيت حره

ورجعت اله مرتبطه

وضعي اكيد مو مثل قبل ما اعرف هذا الارتباط مجرد طوك نجاة

لو ارتباط حقيقي عقلي مايستوعب عمو شهم زوجي

شلون زوجي واني حاسبته عمي ايجوز صديقي

بس زوجي هاي الي ابد مافكرت بيها

جمانه السعيدي

صحيح هو انسان زين واخلاقه عاليه بس شلون اني زوجته احس هذا شي صعب عليه

زين اني قبل اتامل اتخرج وارجع الاهلي اني هسه شنو مصيري اذا كان هذا الزواج وهمي اني وين اروح بعدين

زين شهم شنو ذنبه يدفع كل الفلوس الي يملكهن

حتى يخلصني اني بيش راح افيده

وشلون راح اعوضه ياربي معقوله هو احن عليه من اخواني

تعبت من التفكير ونمت

شهم بعد ماخسرت المعمل قررت ارجع الوضيفتي صحيح الراتب قليل بس احاول الكه شغل اضافي

منا لمن رب العالمين يدبرها

بلليل كلهم نامو واني عيني ماتاخذ نوم

صعدت اطمن على دلال

دخلت لكيتها نايمه والغطا واكع من عدها

غطيتها واني اتامل ملامحها وشكلها التعبان

ما حست عليه ابد

لان ماخذه علاج سحبت ايدها وفتحتها ونمت عليها

نمت على ايدها وهي غافيه

ابتسمت اني نايم بحضن دلال

كل شويه مثل التتفزز يمكن تحلم بهذا المجرم بشار

الله لا يرضا عليه حتى باحلامها لاحكها

جمانه السعيدي

بست ايدها وكمت عدلت غطاها ونزلت

ثاني يوم نايم بغرفة الحجيه وصحيت على صوت التليفون واسمع اقبال تكول الو الوووو الوووو

وبعدين سدت التليفون

كعدت وصبحت على اقبال وكتلها منو كالت ما اعرف

صار فتره يتصلون ومن يسمعون صوتي يسدون التليفون

شهم اذا يزعجج اشلعي الفيشه واخلصي من هاي الدوخه

غسلت وجهي وكلت الاقبال حضري الريوك بين ما اروح اكعد دلال بلكت تنزل تتريك

صعدت لكيتها كاعده بس امدده شافتني وكعدت على حيله

شهم صباح الخير ياحلوه

دلال صباح النور ما اعتقد حلوه وجهي وجسمي صاير خريطه من الكتل

شهم هااااا احنا شكلنا مو كلنا ننسى الماضي

دلال بهل سهوله ما اعتقد

شهم يله ننزل نتريك

دلال ما اشتهي

شهم هااا شكلنا يله ننزل بدون نقاش

سحبتها من ايدها ومشت وياي

نزلنا اول بايه بلدرج وكالت

دلال على كيفك ما اكدر انزل بسرعه

شهم زين اوكفي مدي ايدج بمستوا الاكتاف

دلال شني تمارين رياضيه

شهم سوي مثل ماكلت ولاتناقشين

دلال مديت اديه راسا شهم صار كدامي وشالني على ضهره

ولازمني من اديه

دلال يمعود نزلني عيب خالتي والحجيه وعمو راشد يشفوني

شهم واذا خليهم يشفوني ترا اني ياما شلتج وانتي زغيره

جمانه السعيدي

دلال عمو فدوه عوفني عيب

شهم يله وصلنا راح انزلج

دلال كمل الدرج كله يله نزلني

بعدين سحبني من ايدي ولكيناهم كلهم كاعدين على الريوك

كعدنا نتريك واني احس نفسيتي احسن

صحيح جسمي يوجعني بس على الاقل حاسه بلامان

محد يضربني ومحد يغلط لو يصيح عليه

اباوع عليهم واكول معقوله خلص ذاك الكابوس

شهم اني راح ارجع الوضيفتي واحاول الكه شغل اضافي

وانتي اقبال اريدج ترحين اجيبين ملابس الدلال

اقبال صار اخلص شغلي واروح للسوك

جمانه السعيدي

اقبال دلال انتي ديري بالج من الحجيه واني اروح للسوك بسرعه وارجع

دلال خاله مايحتاج عندي هواي ملابس

اقبال يرادلج ملابس جديده

دلال خاله شلون عمو شهم خسر كل فلوسه بسبي

اقبال ولله شهم ماكو منه بلدنيا ذبح نفسه عليج

دلال يعني شنو خاله اني ما افتهمت

اقبال تعرفين اني شكد احبج واني الي ربيتج

اذا تردين نصيحتي ترا شهم مايتعوض

وبعدين اذا فرضنا انتي رفضتي هذا الزواج وين ترحين

انت اهلج بعد مايردونج

دلال بس هذا عمي واني ماعندي اي مشاعر اتجاها

اني ما انكر هو خوش انسان بس زواج لا

اقبال شنو زواج لا اخذي وقتج وحاولي تتعودين علي

والوكت كفيل يخليج تحبينه

راحت اقبال للسوك واني بقيت بلبيت اباوع بلمرايه صايره شحالني وشعري مكطع ومبهذل

مهما يكون لازم ابدي من جديد

المدرسه هسه بدت وفاتني هواي لازم اخلي عمو شهم يقدملي خارجي وامتحن

رجعت اقبال وحايره شجايبه ملابس بس ملونات واني حزبنه وكلهن برمودات وثياب نوم قصيره وملابس داخليه مثيره ومكياج وعطور

دلال هاي شنو خاله اني حزينه وبعدين ذني ملابس عروسه انتي جنج صدكتي

ذني الملابس ما البسهن ابد

اقبال اني ماليه شغل اني شهم انطاني فلوس وكال جيبيلها ملابس حلوات

دلال اي ملابس معقوله مو ملابس نوم

اقبال شو جيبيهن انتي فكر ولج وين اكو وحده تجيها فرصه تلبس هيج ملابس وتنام يم شهم وماتقبل

بشرفي اني البسهن الراشد

آريد ارجع عروس وادلع نفسي ضلي انتي يلفاهيه

جمانه السعيدي

اخذت خالتي الملابس وضمتهن واني اخذت بس العطور والمكياج

بليل صعدت الغرفتي ياربي شلون معقوله اني وشهم لا مستحيل

شهم رجعت لكيتهم متعشين وضامين عشاي

اقبال احضرلك العشى

اقبال دلال ماقبلت تاكل

شهم اني راح اصعد واجيبها تتعشى وياي

شهم صعدت لكيتها لازمه كتب المدرسه وتتفرج عليهن

شهم هلو دلول

دلال هلوو عمو

شهم شجاي تسوين

دلال اكول لو ممتحنه هسه الله اعلم بيا كليه

شهم اي مصار شي انشاء الله السنه تمتحنيين

دلال اي عمو اريد اقدم خارجي وامتحن

شهم اشرت على عيوني من هاي وهاي تمتحنيين وتنجحين

دلال ابتسمت شكرا عمو

شهم يله اني جوعان تعاي نتعشى سويه وشوفي شنو جبتلج هاي كرزات وعصير وجبس وبقلاوه

دلال شكرا عمو ربي يحفظك اليه

شهم يله اني جوعان

مشينا وصلنا للدرج تكدرين تنزلين لو اشيلج

دلال لا اني انزل الحمد لله صرت احسن

نزلنا وحضرت العشى

جمانه السعيدي

وكعدنا ناكل ونسولف وبعدين شلت الصينيه وحضرت الجاي

شهم الليله فلم اجني يخبل تبقين وياي نشوفه سويه

دلال اي موافقه

الفلم بدا الساعه ١١ كعدنا ناكل كرزات ونتفرج كلما تطلع لقطة رعب دلال أدير وجها تكول ما اتحمل اشوف هيج لقطات واضل احلم بيهن

خلص الفلم وصعدت دلال واني ابد ما اجاني نوم

ما اعرف ليش

اكول بنفسي هسه هذا الزواج لو حقيقي شيصير

صار شكد اتمنى هاي الامنيه ومن صارت حقيقه ما اكدر اقرب منها بس اباوع بعيوني

دلال صعدت وعيني ما اخذت نوم افكر بشهم ياربي كامل ومكمل انسان حساس ذواق محبوب شخصيته حلوه

بس ليش ما اتخيله زوجي

ما اعرف شنو مصير هذا الزواج يجوز يلكه وحده تحبه

ويعوفني اكيد اذا طال هذا الوضع راح يمل مني

سمعت صوت رجلين صعدت على الدرج راسا غمضت عيوني وسويت نفسي نايمه

لان الصراحه خفت حسبته حرامي لان الساعه ثنتين ونص

فتح باب غرفتي باوعت على كيف شفته شهم

شهم ماكدرت انام ولان اعرف هي تأخذ حبوب مهدء قررت اصعد الغرفته واشوفه وانزل

دلال سويت نفسي نايمه وغافيه قرب مني وعدل الغطه

بعدين سحب ايدي فتحها على كيف ونام عليها

اني كلبي كام يدك على السريع خفت يحس اني كاعده

نام على ايدي شويه وبعدين باسها وكام طلع

من هاي اللحضه حسيته يحبني واني لازم احبه واتعود علي

يعني ضحة بكل فلوسه لان يحبني

لازم احاول احبه واتعود علي

جمانه السعيدي

ثاني يوم نزلت لكيته طالع تريكت وساعدت خاله بلتنضيف

الضهر لمن رجع اني جنت واكفه على الكاونتر اثرم زلاطه

سمعته من دخل ما اعرف ليش كلبي فرح بي

ماحسيت اله باسني من راسي من ورا

شهم هلوووو دلول

دلال هلووو عمووووو

شهم مشتاقين اليوم ماشفتج

دلال اني الاشوق نزلت الصبح ومآ لكيتك

شهم اي رجعت للدوام بعد يوميه الصبح اذا ماتكعدين من الصبح ماتشوفيني

نزع ملابسه وبدل واني اخذتهن اغسلهن

فرغت الجيوب من الفلوس والهويه ورجعتهن اله وغسلت القميص بايدي وبعدين خليتهن بلغساله

وكعدنا نتغدا

شهم باعي دلال احنا اهلج واذا عدنا معزه عندج تنزعين الاسود وباجر ترحين للصالون تعدلين شعرج

دلال بس عمو

شهم الاسود مايرجع الي راح واكيد ابوج اذا يشوفج بهذا الوضع مايقبل

دلال صار عمو باجر

شهم لا العصر اني اخذكم بلسياره انتي واقبال وثنيينكم سو الي يعجبكم على حسابي

الحجيه تتشاقه واني يمه اريد اكص شعري واصبغه

آريد اصير حلوه

شهم تدللين حجيه دلال اخذي الحجيه وياج وخليه تكص شعرها على احدث كصه

دك التليفون وكامت اقبال

شهم عوفي اني خلصت اكل اني ارد علي

دلال سمعت شهم رد على التليفون

اسمعه يكول اي اني شهم منووو

بعدين اخذ التليفون ودخل جوه اني مادرت بال

كمت انضف المطبخ

الخامس عشر من هنا