رواية عشق على صفيح الموت الفصل السادس والثلاثون 36 – بقلم ايلا ابراهيم

عشق_على_صفيح_الموت 36

عمر قعد جنبها وهي لفت الناحيه التانيه ودموعها ماليه عيونها…

عمر بندم : عارف انك زعلانه مني والصراحه عندك حق .. انا غبي.. عارف والله و اتسرعت… وده عيب فيا.. باخد. موقف من غير ما افكر.. بس بالرغم من ده كله بحبك ومش هاين عليا اشوف دموعك دي بتنزل بسببي..

مروى بشهقات : متكدبش ياعمر انت بطلت تحبني كفايه تضحك عليا بالكلام ده…

عمر وقف وقعد مقابل ليها اتكلم بصدمه : بطلت احبك .. وده كلام يتقال… انتي عارفه كويس انا بحبك قد ايه وان روحي فيكي … بس معرفتش اتحكم بنفسي وانا موصيكي بامي. وأبوي تجي تغلطي فيهم كده..

مرور بانفعال : انا معملتش حاجه خالتي هي اللي اتخانقت معايا. .. وبدات تعد على صوابعها بقهر وحرقه : الله صحيت من الصبح رتبت البيت وحضرت الاكل وخالصت كل شغل البيت وبعد.ده كل اتخانقت معايا عشان اتحججت بشغلي مش كويس ولما عمي اتخانق معاها ودافع عني اتخانقت معاه لحد ما تعب..

رفع كفه ومسح دموعها بابتسامه : عارف ابوي قالي اللي حصل. بس دي امي مش هتتحمليها عشاني..

مروى : منا بتحمل ياعمر .بتحمل كل ده عشانك البيت ماليان شغالين وهي مصره تخليني أشيل البيت كله..

عمر : طب خلاص بلاش عياط ياحبيبتي..

مرور : متقولش حبيبتي دي تاني انا حاسه انك مبقتش عايزني ياعمر …

عمر : انتي بتقولي ايه.

مرور : ايوا انت متغير طول الوقت برا البيت ولما ترجع تتخانق معايا وكملت بشهقات انت النهارده ضربتني ياعمر .. وعمره محد عملها لا ابويا ولا اخواتي..

عمر بندم : حقك عليا انتي عارفه اني بتعصب بسرعه

مروى بحرقه : بس انا مش ..

عمر قاطعها وهو بيشدها لحضنه : اشششش انا غلطت ووعد مني مش هتتكر تاني ابدا وانا هتكلم مع امي عشان تسيبك فحالك خلاص … 

مروى رفعت وشها وبصت ناحيته بدموع  : عمر انت بطلت تحبني صح..

عمر بصدق : اوعي تقولي كده انا اصلا محبتش غيرك ولا هحب غيرك انتي وبس يامروى ..

ابتسمت بحزن وهو قرب منها وهمس عن ودنها طب انتي عارفه انك وحشاني ..

مروى عضت شفايفها بكسوف ووو

******

كاظم دخل اوضته وكانت جمره سرحانه وبتفكر..

قرب منها وباس خدها : حبيبتي بتفكر بأيه اكيد بتفكري بيا مش كده..

جمره ابتسمت بضيق. .. 

كاظم مالك ياروحي وشك عامل كده ليه ..

جمره أنا عاوزه اروح الحكيم ياكاظم..

كاظم بقلق ليه في حاجه وجعاكي.. حاسه بتعب..

جمره لا لكن عاوزه اكشف.. عشان ..

عشان ايه .ياحبيبتي قلقتيني..

جمره بكسوف عشان الحمل وكدا 

حمل ايه احنا لسا مكملناش السنه..

بس انا عاوزه ده ياكاظم .

ماشي برحتك بكرى هنروح عشان تكشفي وتتطمني..

جمره بتردد هو انا لو مش بخلف هتسيبني..

كاظم انتي بتقولي الكلام ده ليه..

مش عارفه ..

اطمني مش هسيبك ابدا… انتي حبيبتي ياجمره ومش هعرف اعيش من غيرك.. بعدين انا متأكد انك هتبقى اجمل واحن ام بالدنيا دي كلها…

ابتسمت جمره وجواها خايفه انها فعلا تطلع مابتخلفش.. وقتها هتخسر كاظم وحياتها معاه…

**********

مصطفى بؤضته نايم لما حس بأديها تمشي على وشه .. ابتسم بحب وشدها ليه بسرعه وكان فاكرها زينب ودفن وشه برقبتها يتنفس ريحتها اللي بيحبها وهمس لها بأنفاس ساخنه بتعملي ايه ياقلبي … لكنه فجأه حس أن دي مش زينب بعد عنها بسرعه واتصدم لما لقاها ***

 مصطفى بغضب : انتي بتعملي ايه هنا…

يتبع…

الفصل من غير مراجعه عشان ضيق الوقت بعتذر لو فيه أخطاء