22
تاني يوم الصبح
كان الكل متجمع على الفطار في قصر الحديدي
اتكلم فاروق و هو بيقول ليوسف
فاروق..جرا اية يا يوسف بية
بصله يوسف باستغراب و قالت
يوسف…ايه يا جدو
رد عليه فاروق بغيظ و هو بيقوله
فاروق…هتضربلي شركتي و تنهيلي اسمها من السوق بنجاح شركتك ولا ايه
ضحكوا على كلام فاروق و يوسف قالهم بزهول
يوسف…الاهل كلهم بيشجعوا عيالهم و يفرحوا لنجحهم الا انتوا
رد عليه فاروق و هو بيقول
فاروق…افرحلك طول م انت ملكش دعوة بشركتي
ضحك يوسف و قاله
يوسف…طيب يا سيدي
كل دا و ندى كان متابعة هزارهم و ضحك العيلة كلها ف صمت تام ولا بتضحك ولا اي حاجة بتحاول بس امها تمنع دموعها من النزول من عيونها بعد م افتكرت انها اغمى عليها يجي تقريبا تلت او اربع ساعات و محدش حس بيها حتى ولا حتى امها
ابتسمت و هما افتكروها بتضحك معاهم لكن للاسف هي بتضحك على نفسها و بتسخر منها قد ايه كانت تسمع ان الام بتحس بعيالها لو زعلانين او فيهم اي حاجة الا امها
للأسف مفيش اسوأ من انك تكتشف الحقيقة بعد فوات الأوان… حقيقة ان محدش ف عيلتك بيحبك ولا مهتم بيك اصلا
يصت لسارة و هي بتقول ف نفسها
ندى…كلامك كله كان صح فعلا محدش هنا بيحب حد ولا بيفكر ف حد غير نفسه و بس
بصت لأمها اللي كانت قاعدة قدامها و هي بتتكلم مفسها بكلام قد ايه نفسها تقوله لأمها و تسمعها
ندى…ليه بتعملي كدا ..ليه مش بتحسسيني انك بتحبيني زي اي ام و ديما بتقارني بيا انا و اي حد و خلاص، لية على طول بتخليني اعيط
رجعت بصت تاني لأكلها اللي مكالتش منه غير حاجات بسيطة جدا و هي بتتمنى ان امها تفكيرها يتغير و تبطل مقارنات
فاقت من تفكيرها على صوت جدها و هو بيقولها
فاروق… ساكته ليه يا دودو
ابتسمت و هزت راسها يمين و شمال بنفي
ندى…ابدا
اتكلم محمد و هو بيقولها
محمد…عاملة ايه ف الكلية
هزت دماغها بابتسامة و قالتله
ندى…الحمدلله امتحاناتي قربت
رد عليها و هو بيقولها بتشجيع
محمد…واثق انك هتحلي كويس
ابتسمت بامتنان و مروة قالتله
مروة…طبعا هتحل كويس و تدخل السنة الجديدة بدرجات كويسة كمان ان شاء الله
ابتسمتلها ندى و قالتلها و هي صعبان عليها نفسها
ندى..شكرا بس دي اخر سنة ليا اصلا ف الكلية السنة الجاية ابقي بشتغل بقى ان شاء الله
بصوا كلهم لبعض بصدمة و مروة حست قد ايه هي بعيدة عن بنتها و مش بتتكلم معاها لدرجة انها مش عارفة هي ف سنة كام دا غير انها مش عارفة اصلا هي ف كلية اية
ندى…عن اذنكوا همشي انا عشان متأخر على الكلية
هز فاروق دماغه و هو باصص لمروة و هو بحزين على ندى
و ندى خدت شنطتها و خرجت من القصر قبل م تنهار من العياط قدامهم
قال يوسف لسارة
يوسف…و انتي مش هتروحي الشركة؟
هزت سارة دماغها بنفي و قالتله
سارة…اجازة ولا انت خلاص زهقت من وجودي ف البيت ولا ايييه
رد عليها و هو بيقول بسرعة
يوسف…خلاص مكانش سؤال
هزت دماغها و رجعت كملت فطارها و هي زعلانه على ندى
….لا اله الا الله وحده لا شريك له
عدى وقت كانت ندى وصلت للكلية
كانت هتروح للمدرج بتاعها بس قالت تروح للكافتيريا تجيبلها شاي يمكن الصداع يمكن الصداع اللي ف دماغها دا يروح
مكنتش واحدة بالها ولا مركزة ف اللي موجودين
سمعت صوت حد بيندهلها
بصت جمبها لاقيت دينا و هاجر و واحدة هي متعرفهاش
خدت الشاي و شكرت البنت و راحتلهم
ابتسم و قالتلهم
ندى…عاملين اية
ردت دينا و هي بتقولها
دينا..الحمدلله بخير
بصت لداليا و قالتلها
دينا…نسيت اعرفكوا لبعض …داليا دي ندى صاحبتنا من زمان جدا من و احنا ف المدرسة تقريبا و امهاتنا صحاب برضو
بصت لندى و كملت كلامها و هي بتقول
دينا….ندى داليا صاحبتنا و معانا. ف الدفعة
ابتسم داليا لندى و ندى قالتلها
ندى…ازيك..
هزت داليا رأسها و ردت عليها بإبتسامه و قالتلها
داليا… الحمدلله انتي عاملة ايه
هزت ندى راسها بحزن و قالتلها
ندى…الحمدلله
حست داليا انها في حاجة مزعلاها بس محبتش تسألها و قالت انها كدا كدا لسة متعرفهاش ف مش هتتكلم
اتكلمت هاجر و هي بتقولها
هاجر…طنط مروة و طنط رقية و سارة و كلكوا عاملني ايه
هزت ندى راسها و قالتلها
ندى…الحمدلله كلنا بخير انتي طنط الهام عاملة ايه
ابتسمت هاجر و قالتلها
هاجر…الحمدلله
ابتسمت ندى و داليا حست انها قريبة سارة بس متكلمتش
اتكلمت دينا بهزار و هي بتقول لهاجر
دينا…يعني عيلة فاروق الحديدي مستنية منهم ايه غير انهم يبقوا كويسين
ضحكت هاجر على كلامها و ندى ابتسمت بسخرية على كلام دينا
اتكلمت داليا بدهشة و هي بتقول لندى
داليا…انتي قريبة سارة عاصم!!
هزت ندى راسها بتأكيد و قالتلها
ندى…ايوا بنت خالي انتي تعرفيها!
هزت داليا راسها و قالتلها
داليا…صاحبة عهد بنت عمي
رفعت حواجبها بدهشة و قالتلها بابتسامة
ندى…ايه دا هو انتي داليا!!
ابتسمت داليا و قالتلها
داليا…هي حكيتلكوا عني ولا ايه
هزت ندى راسها و قالتلهت
ندى… الصدفة الحلوة دي بجد
ابتسمت داليا لشكر و قالتلها
داليا…شكرا
ندى…لا انتي لازم تيجي مع عهد بقى
قفلت داليا حواجبها بعدم فهم و قالتلها
داليا…مش فاهمه
ندى…اصل سارة قالتلي ان هي و عهد مش هيروحوا الشركة انها و انها هتكلم عهد تيجي تقعد معانا زي المرة اللي فاتت بجد كلنا حبيناها جدا و لازم انتي كمان تيجي
ابتسمت داليا و قالتلها
داليا…هشوف الاول ماما لو عايزانا نكون موجودين عشان نساعدها ف الغدى او اي حاحة متبقاش لوحدها
هزت ندى راسها و قالتلها
ندى…اوكية
كملت كلامها و هي بتقولها
ندى…هبقى اقول لعهد تبعتلك رقمي لأني لازم اروح المدرج دلوقتي لأن المحاضرة بدأت اوكية
هزت داليا راسها و قالتلها
داليا…اوكية
….لا اله الا الله محمد رسول الله
في بيت صادق
كانوا صادق و سيف و هالة متجمعين ف الصالة
خرجت عهد من المطبخ و هي ماسكة طبق ورق عنب و راحت قعدت جمب ابوها اتكلمت هالة بغضب و هي بتقولها
هالة…انتي هتفضلي رايحة جاية تاكلي ف الاكل اللي خنتغدى بيه انهاردة ولا ايه
ردت عليها عهد و هي بتقولها
عهد…و لما اتعب بقى هتبقي مبسوطة
ضربت هالة كف بكف و قالتلها
هالة…يا بنتي ف فيه جبنة ف التلاجة م تاكلي منها
هزت عهد راسها برفض و قالتلها
عهد…دي حدقة مش معرفش بتاكلوها ازاي دي
ردت عليها هالة و هي بتقولها
هالة…انتي اللي مبتفهميش ف الاكل
اتكلم سيف و هو بيقول لهالة
سيف…خليها تاكل الغدى و انا اجيبلكوا اكل من برة
ردت عليه عهد و هي بتقوله
عهد…ايوا بقى بقيت شغال ف يوسف الحديدي جروب و محدش قدك
ضحك سيف على كلامها و هالة قالت بنفي
هالة…انا مبحبش اكل برة دا هي بتاكل من برة تسيبلنا الاكل دا بقى
هزت عهد راسها و سابت الطبق و قالتلها
عهد…طب احسن اصلا سارة كانت عايزانا تروح مسمط و انا قولتلها لأ هرزح اكلمها دلوقتي
و قامت دخلت اوضتها
بص سيف لأمه و قالها باستغراب
سيف…سارة مين ؟
ردت عليه هالة و هي بتقوله
هالة…اخت يوسف صتحب سلسلة الشركات اللي انت شغال فيها
اتصدم لأن منظر الشركة بيدل على ان اصحابها اغنياء جداااا و قال بصدمة
سيف…مسمط!!
ضحك صادق و هالة قالته
صادق…كلنا كنا مستغربينها ف الاول كدا برضو
هز دماغه يمين و شمال و قالها
سيف…انا هروح الشغل
هزت راسها و قالتله
هالة…ربنا يعينك و يوفقك
ابتسم و قالها
سيف…امين يا رب العالمين
كمل كلامه بتساؤل و هو بيقول
سيف…كان في علبة كيكة بالفانيليا ف المطبخ هي بتاعة مين ؟
هالة…كانت داليا جايباها لعهد من كام يوم كدا
هز دماغه و قالها
سيف…هبقى اجيبلها غيرها بقى
ضحك صادق و قاله
صادق…اوعى تنسى احسن دي لو عرفت هتزعلنا كلنا
ضحك سيف و هز دماغه بالموافقة
و سلم عليهم و نزل
….لا اله الا الله وحده لا شريك له
عدت الساعات و داليا رجعت البيت
و اول م وصلت الشقة سألت هالة عن عهد بسرعة و هي بتقولها
داليا…ماما عهد فين؟
ردت عليها هالة و هي بتقولها
هالة…ف اوضتها
هزت داليا راسها و راحت لعهد و عهد اول م شافتها ابتسمتلها و قالتلها
عهد…عاملة اية
قعدت داليا جمبها و قالتلها
داليا…عارفة مين طلع معايا ف الكلية
هزت عهد راسها بعدن معرفة و داليا قالتلها
داليا…ندى بنت عم سارة
ابتسمت عهد بعدم تصديق و قالتلها
عهد…بتهزرييي
هزت داليا راسها يمين و شمال بنفي و بعدين قالتلها لما افتكرت
داليا…صحيح كلتي الكيكة؟
هزت عهد راسها يمين و شمال بنفي و قالتلها بغيظ
عهد…البيه اللي اسمه سيف خدها و هو نازل الشركة
اتصدمت داليا من اللي سمعته و قالتلها
داليا…بتتكلمي جد؟
هزت عهد راسها بمعنى ” ايوا ” و قالتلها
عهد…لما يرجع هخليه ينزل يجيب كرتونة كيكة مخصوص
ابتسمت داليا و قالتلها
داليا…طيب هروح انا لماما بقى
هزت عهد راسها بمعنى ماشي و داليا خرجت من الاوضة راحت المطبخ و هي بتفتكر كلام عهد
خرجت الصالة بعد م ملقتش هالة ف المطبخ بس
اتكلمت داليا و هي بتقول باستغراب
داليا…اومال بابا فين
هالة…ف الشغل
استغربت داليا و قالتلها
داليا…مش هو اجازة انهاردة
هزت هالة راسها و قالتلها
هالة…بس نزل بقى عشان في مشكلة باين ولا ايه
هزت داليا راسها و مردتش فضلت تفكر شوية و بعدين اتكلمت و هي بتقولها
داليا… بقولك ايه صحيح كلمي سيف قوليله مياكلش الكيكة احسن الكيكة بتاعتي تمبارح كانت منتهية الصلحية لولا اني خدت بالي
قالتلها هالة بسرعة و هي خايفة على ابنها
هالة…طب روحي بسرعة هاتيلي التليفون يا داليا
هزت داليا راسها بمعنى ” حاضر ” و جت تروح تجيب التليفون بس وقفت مكانها لما اتخضوا هما الاتنين لما لاقوا عهد خارجة و هي الدموع مغرقة وشها و بتقول لهالة
عهد…ماما يوسف كلمني من الشركة و قالي ان سيف ف المستشفى وووو
يتبععععع
عهد بحب كاذب
البارت الثاني و العشرون
بقلمي مريم احمد
تفاعل
استغفر الله العلي العظيم الذي لا إله الا هو الحي القيوم و اتوب اليه عدد خلقه و رضى نفسه و زنة عرشه و مداد كلماته و عدد قطرات المياة و حبات الرمال و الحركات و السكون
التعليقات