رواية في قلبي زهرة الفصل السادس 6 بقلم سيمو

خير يا عمي دا بدل ما تقول السلام عليكم وتطمن علي ياترا خبر ايه الي خلاك جايلي أكده علي غفله ومخليك كربان

منصور عم عامر بغضب

بلا سلام بلا زفت اني سالت سؤال وعاوز إجابته منك دلوق

عامر

مهو اني معرفش انت سمعت ايه بالظبط عشان انت سمعك كتير الايام دي قلي الي سمعته مش يمكن يعجبني واسمعوا معاك

انت كمان ليك نفس تهزر بس ملحوقه اني قصدي علي السنيوره الي لايف عليها الايام ديه والناس بتقول انك عاشقها وهتتجوزها

عامر

وافرض حرام يعني لما اتجوز ولا اعشق اني مش بشر اياك ولي حق اني اعمل بيت واجيب عيال ولا تكونش معوزنيش اخلف عشان العموديه ترجع لعيالك تاني ياعمي

اخرس يا واد اظاهر اني من كتر ما بسكت عليك وسيبلك السايب في السايب هتسوق فيها وتفكر نفسك الكبير انت فاكر اني نايم علي وداني ومعرفش أصلها وفصلها ايه لتكون اجننت لما عاوز تجوز واحده ارمله وكمان بعيالها لا وكمان سيرتها علي كل لسان ليه من قله البنات الي في البلد اني لما عرفت قلت يمكن عاوز يتسلي معاها يومين لكن توصل للجواز يبق لا يا ولد اخوي

عامر بغضب مماثل

عمي اني مسمحلكش تجيب في سيرتها اني مش صغير عشان تقولي الي اعمله والي معملوش واني خلاص اخترت ومش هتجوز غير زهره ومحدش هيقدر يمنعني من الي في دماغي ولسه هيتكلم قاطعه الغفير

فضل

الست زهره وعيالها برا جنابك وعاوزه تتطمن عليك

عامر كان هيتكلم ويقول مدخلهاش لكن منصور سبقه

منصور

الله وكمان جايه لحد اهنه روح جيبها يا فضل خليني اتفرج علي مجايب ولد اخوي لما نشوف قصه عامر وزهره العاشقه

زهره دخلت هي واولادها الي اول ما شافوا عامر جريوا عليه وحضنوه بحب

زهره بابتسامه معرفتش تداريها لما شافت عامر وفرحته بولادها

براحه يا عيال عمكم عامر ليساه تعبان

عامر وهو بيحضنهم بحب

خليهم علي راحتهم اني فرحان بيهم ليه مجبتهمش من بدري

زهره وهي مش واخده بالها من منصور

معلش بس كنت مكسوفه منك بعد الي حصل وبعدين استنيت لما تكون خفيت زين

عامر بحب

ليه تتكسفي ماحنا قولنا خلاص ربنا فرجها والطريق فتح وهنروحوا وناجوا براحتنا من غير حواجز هتقفليها علينا ليه دا اني ما صدقت انك وافقتي وعمال اعد الايام والدقايق عشان تبقي جاري ونبطل كسوف

زهره ابتسمت عليه

وبعدين فيك العيال قاعدين انت مفيش فايده فيك

دا شكل العمده واقع يا ولاد مش حكايه كام يوم لا دا باين عليه جواز العمر مش مجرد إشاعات وكلام فاضي شكل الست زهره ممضيعاش وقت وقدرت تطويك ومخدتش في يدها غلوه

عامر بغضب وهو ملاحظ زعل زهره

عمي اظن ملوش لازمه الحديت ديه

لا دا ليه لازمه ونص كمان ايه خايف علي احساس السنيوره بتاعت الرجاله ووجهه كلامه لزهره وقال..

ولا ايه يا ست زهره اخبار حسان ايه مش عيب لما تسيبي اخو جوزك وعم عيالك وتبصي للغريب ولا اطمن العمده هيدفع اكتر من حسان وابتسم بسخريه

عامر بصوت جهوري.

عميييي

منصور

ايه وجعتك الكلمه ولا جات علي الجرح مش الست بتاعت رجاله برضك وبتاخد الي يدفع اكتر بأماره اخو جوزها الي لافت عليه قبلك وكانت هتتجوز لولا انوا لقيتك انت اغني منيه فقالت اجرب العمده واتمرمغ في عزو

انت بتقول ايه الي بتتحدت عليها ديه هتبقي مرتي وسمعتها من سمعتي واني مش هسمح لمخلوق يجيب سيرتها لا بزين ولا بعفش اين كان سامع يا عمي اين كان

وه وه اظاهر انك نسيت اني عمك يا واد

.

عامر.

مهو عشان انت عمي اني هعتبر اني مسمعتش حديتك ديه لكن لو اتكرر اني هنسي انك عمي لأن الي يغلط في زهره يبقي كانه غلط في اني

منصور بحقد

وه للدرجه دي ضحكت عليك بتوقف في وش عمك الي رباك واتنزلك عن العموديه وخلاك كبير البلد عشان واحده منعرفلهاش اصل من فصل بتعاديني أكده عشانها

حق علي يا بيه هو ميقصدش اني محقوقالك متزعلش منيه بسببي احب علي يدك

تعالي حبي علي يدي ولا اقولك تعالي حبي علي جزمتي مهو دا مقامك يا مرات العمده قالها بسخريه وهو بيبص لعامر

مشي منصور وزهره فضلت تبكي بصوت مكتوم لما شافت عامر والغضب ماليه

عامر وهو بيحاول يهدي بص لجميله وعامر الصغير

ايه رايكم تروحوا تشوفوا الاوض بتاعتكم الي حضرتهالك فوق اني جبتلكم لعب كتييير. هتعجبكم

عامر الطفل بفرحه

صوح يا بيه يعني انا هيبقي ليا اوضه لحالي ومليانه لعب العب بيها

ايوه وبعدين بلاش بيه ديه احنا قولنا ايه اني هتجوز امك يعني اني كيف ابوك صوح

عامر الطفل بطاعه

صوح يا …وسكت بعدين قال

صوح يا ابوي

عامر بفرحه

أكده تبقي شاطر واني اوعدك اني هكون كيف ابوك واكتر يلا خد اختك واطلعوا فوق شوفوا اللعب بتاعتكم يلا

زهره كانت هتموت من الخوف من نظراتها كانت هتمشي بس ملحقتش لما عامر مسكها من أيدها وقال……

السابع من هنا