رواية دلال وشهم الفصل الخامس عشر 15 بقلم جمانه السعيدي

جمانه السعيدي

خاله بس حفت وجها لان عمو راشد مايقبل تكص شعرها

واني حفتلي ونضفت وجهي وعدلت شعري بس على طوله

اني ما احب الشعر القصير

طلع وجهي وشكلي كله تغير

ساعتين ورجع علينا شهم رجعنا للبيت

شهم هاي شنو دلول شني هذا الجمال اي هيج طلع وجهج بعد تغيرين الثوب الاسود

دلال انشاء الله

بس وصلت للبيت طلعت تراك صيفي لونه سمائي وبي ورد اسود وخليت شويه مكياج

تغير شكلي كله حتى اني حسيت براحه نفسيه عجيبه

كاعدين نتعشى وعين شهم مانزلة من عندي ابد

كلما التفت الكا يباع عليه كوه كملت عشى

بليل واني انضف سمعت شهم يسولف للحجيه ويكلها لكيت

خوش شغله ولد صديقي يشتغل بلاجهزه الكهربائيه المستعمله

ويكول اذا تريد شاركني

بيها خوش فلوس وخاصتا بهذيج الفتره فترت الحصار والناس كلها تشتري شغلات مستعمله

شهم اني محتاج مبلغ ابدي بي

الحجيه يمه اني عندي كم قطعت ذهب اخذهن بيعهن وابدي بيهن

شهم لا حجيه ما أخذ ذهبج

جمانه السعيدي

الحجيه يمه اسمعني اني شلي بلذهب بعد العمر راح وانتم عندي تسوون كل ذهب الدنيا ومابيها

اخذهن واذا رب العالمين رزقك رجعها اليه

شهم الله يحفضج اليه ياأمي الحنينه

دلال ضجت من سمعت حسيت نفسي رجعت شهم قرن ليوره ومآ اعرف شلون اساعده ولاعندي ذهب وانطي اله

شهم طلعت شويه ورجعت لكيت امي واقبال كاعدين على التلفزيون ودلال ماكوووو

آريد حجه اصعد يمها واسولف عليها اريد اكسر الحواجز الي بينا اريدها تتعود عليه وتحبني

صعدت دكيت باب الغرفه

دلال تفضل

شهم هلووو دلول

دلال هلووو عمو

شهم ليش كاعده وحدج

دلال ارتب بلملابس وضميت الملابس الاسود وطلعت الالوان

شهم ممكن اطلب منج طلب

دلال اي اكيد اطلب عيوني ومآ اجازيك

شهم سالمات عيونج بس راسي شويه يوجعني واريدج

شويه اضغطين علي من الجوانب يمكن بسبب المخده لان غيرتها البارحه حتى ركبتي توجعني

دلال اي عمو صار

جمانه السعيدي

شهم كعدت بلكاع يم السرير وهي كعدت على السرير واني صرت كدامها وبدت تضغط على راسي وتفرك ركبتي

شهم تدرين كلشي صار بهاي الفتره وكل هاي التغيرات بسبب بريعصي

دلال اي ولله شبعت كتل من ورا هذا البريعيصي

وضاعت عليه السنه حرامات

شهم اني ساعته لو ادري تصرخين من البريعصي جان وكفت على صفحه وشبعت ضحك

اني عبالي احتركتي وخفت واريد بس اطفيج

دلال كلبي وكف ساعتها من الخوف اني اشوفه على الحايط اخاف انوب يمشي على ضهري

شهم حرامات ضيعت ذيج اللقطه

دلال لاعفيه لاتكول هيج ولله من اذكر شكد استحي

شهم ماكو بريعصي هسه يطلع منا منا

دلال شقصدك ولله ازعل منك

شهم اني عرفت نقطة ضعفج اذا اريد شي اجيب بريعصي واجي

دلال بطلت من التدليك ونزلت اديه

شهم شو بطلتي

دلال بعد ما اسوي خلي راسك يوجعك اذا تهددني

شهم التفتت عليها وسحبت ايدها وبستها شكرا

راسي ماجان يوجعني بس حبيت اسولف وياج

تنزلين نشوف فلم سويه

دلال لأ الضهر مانمت وتعبانه اريد انام

شهم على فكره شكلج طالع كلش حلووووو

وغمزلي

دلال اول مره يكون شهم هلكد جرئ وياي تصرفاته حلوه

جاي يتقربلي بس بهدوء

يمكن كلبي راح يحبه ويتعلق بي

جمانه السعيدي

نزل شهم جوه

وشويه وصعدت خاله جايبه الملابس الي اشترتهن اليه

اقبال دلال ماتقيسين ذني الملابس خل نشوفها على كدج

دلال هم رجعنا الذني الملابس

اقبال ومرض شو متعافيه بس خل اشوفها عليج

وبعدين ضميهن لاتلبسيهن

قفلنا الباب وبديت اقيسهن يخبلن عليه لان اني جسمي حلو ومتناسق صحيح سمره بس حلوات عليه

اخر قطعه جانت دشداشه فانيله قصيره بيضه وبيها ورد وردي فاتح ومن الصدر تور واردن كشكش

اقبال تخبل عليج ابقي لابسته ونامي بيها

دلال اي حلوه راح انام بيها

اقبال نزلت واني على الدرج سمعت شهم يصيح

وتحديدا يكول اني موكلت بعد لاتتصلين عليه كلشي بينا انتهى وسد التليفون بعصبيه وشلع الفيشه

وراح طلع بلشارع

اقبال ضل عقلي يجيب ويودي منو هاي شهم عندا وحدا بحياته

اصير مزوج بلبنان بس شهم ليش هيج عصبي منها

يامسكينه يادلال هاي الي مامحسبين عليها ابد

بس شهم زين ويحب دلال لوما يحبها ماذبح نفسه عليها

ودفع كلشي بس تكون اله

بس اني لازم اعرف هاي منو الي تخابره

جمانه السعيدي

هسه نرجع القصة المكالمه

شهم الوووووو تفضلوووو

……شهم انت شهم

شهم اي اني شهم

….حبيبي ولله مشتاقتلك

…..معقوله ماعرفتني معقوله نسيت صوتي اني حبك الاول

شهم مافتهمت منو حضرتج

حنان اني حنان حبك الاول

شهم لاولله وشذكرج بيه ست حنان

حنان احبك ولله احبك وماكدرت انساك ابد

شهم من يمته هذا الحجي

حنان من يوم عفتك لليوم ماناسيتك ابد

شهم وزوجج التحفه يدري انتي كاعده تخابريني وتكولين هذا الحجي

حنان اني انفصلت بقيت ويااا اربع سنوات وماشفت راحه ابد بيهن ولاحصلت طفل

شهم ليش ماحصلتي طفل مو انتي كلشي مابيج واني عقيم وتردين تتلاحكين عمرج وتسوين اطفال

حنان انت مو تكول الاطفال رزق رب العالمين

شهم بس انتي ماقتنعتي بكلامي وردتي تستعجلين رزقج ويه واحد غيري

حنان اني ندمانه ضيعتك من ايدي هذا الي ازوجته انسان عصبي وهمجي دمر حياتي

اتنازلت عن كل حقوقي بس اخلص منه

شهم هسه انتي شنو تريدين مني بلضبط

جمانه السعيدي

حنان نرجع مره ثانيه اني بعدني احبك

شهم اي بس اني ما احبج كرهتج وكرهت الساعه الي شفتج بيها بس طلعتي من حياتي رب العالمين عوضني بانسانه ثانيه تقدرني وتحبني

حنان شنوووو ازوجت

شهم اي ازوجت لعد شبيه شنو ناقصني مثلآ

موكل الناس مثل تفكيرج المريض

حنان شهم خل نرجع عفيه

شهم انتي ماتفتهمين اكلج ازوجت واحب زوجتي وما ابدلها بكل نساء الارض

حنان زين ميخالف رجعني واني اقبل اكون زوجه ثانيه

شهم بعدج تحجين بنفس اسلوبج القديم تحجين وكان العالم منتضر كلمه منج

اكلج ازوجت واحب زوجتي وانتي طلعتي من حياتي ومستحيل اسمحلج تدخلينها مره ثانيه

حنان اني ادري بيك بعدك تحبني

شهم شكد مغروره وتافهه اسمعي بعد لاتتصلين هنا ابد فهمتي طلعيني من راسج

سد التليفون شهم وكان عصبي هاي كانت المكالمه الضهر

لكن حنان ماستسلمت وقررت ترجع تتصل بليل

عسى ولعل تكدر تاثر على شهم

وهو رد عليها بعصبيه

وكال اني موكتلج بعد لاتتصلين هنا سد التليفون وشلع الفيشه وطلع يمشي بلشارع حتى يتخلص من العصبيه

دلال جمعت ملابسي وصفطتهن بلكنتور وخليت عطر

وبقيت بلثوب القصير وشعري مشسور

الصراحه تعمدت اعوف باب الغرفه مفتوح لان عجبتني حركة شهم

والصراحه اكثر اني وكعت بحبه

احب الطريقه الي يعاملني بيها

هو الرجال الوحيد الي عاملني معامله حلوووه بعد بابا

تمددت والان مانايمه الضهر غفيت

جمانه السعيدي

شهم امشي بلشارع حتى افرغ عصبيتي

يعني حنان من كل عقلها تريد ترجع بعد ماجرحتني جرح

عمري وطعنتني برجولتي

تريد بكل سهوله ترجع

انسى كلشي انسى شلون عافتني واني احبها ومتعلق بيها

انسى شلون عفت اهلي وناسي والعراق كله بسببها

وهسه بكل بساطه تريد ترجع وكانها ابد ماسويت شي

مستحيل اسمحلها تدخل حياتي مره ثانيه

ساعه امشي لمن هدءة كلش وحسيت نفسي احسن قررت ارجع للبيت

رجعت لكيت الكل نايم وكل عاده اخذني رجليه على دلال

صعدت لكيته نايمه مثل الملاك والعطر مالي الغرفه

رفعت الغطى لابسه ثوب يخبل

ما اعرف ليش احس براحه موطبيعيه من اشوفها

احسها نقيه ودافيه

فتحت ايدها ونمت بحضنها

دلال جنت نايمه وحسيت شهم دخل بس بقيت مغمضه

فتح ايدي ونام بحضني

اني سويت نفسي نايمه وحركت ايدي وحضنته بايدي الثانيه

ياناس اني وكعت بحب شهم

شهم حضنتني واني احسها الدوه الحالتي

احبها واموت عليها

غمضت عيني بحضنها الدافي ونمت واني ما ادري

نمت مثل الطفل الزغير