رواية دلال وشهم الفصل السابع عشر 17 والاخير بقلم جمانه السعيدي

السابع عشر والاخيررررررر

دلال وشهم

جمانه السعيدي

دلال نزلت رفعت السماعه

الوووووو

حنان شلونج عيوني دلال

دلال اهلا وسهلا منو

حنان اني بنيه جنت وياج بلاعداديه

دلال اي بس اني مامطيه رقم التليفون لاي احد منو حضرتج

حنان مو مهم اني منو اني اريد انصحج نصيحه اخت الاختها

دلال اي تفضلي

حنان ترا شهم يضحك عليج وجاي يتصل بزوجته السابقه ويتوسل بيها حتى ترجعله

وهي ماتقبل لان انتي على ذمته

وهو يكول دلال جاهله وزعطوطه بسرعه تتقشمر

ويكله ارجعي واني اخلي دلال خدامه جوه رجليج

جمانه السعيدي

دلال شنو شكاعد تكولين انتي

حنان مثل ما اكلج واني حبيت انصحج

دلال انتي منيين جبتي هذا الكلام

حنان حنان تصير اقاربنا وحجتلي كلشي

دلال مستحيل شهم ماعندا بحياته وحده غيري

حنان اي هو كدامج هيج يكول واذا تردين نصيحتي

لمي ملابسج واطلعي من حياته بكرامتج

احسن ماتصيرين خدامه الحنان

هي اصلا حنان ماتحبج من قبل والنوب تشاركيها بزوجها

شراح تسوي بيج الله اعلم

دلال انبلع اللساني كمت ما اعرف شحجي وشكول

حنان ليش سكتي اني ماليه بهاي القصه لاناقه ولاجمل

بس حبيت اكشفلج حقيقة الامور

انتي طيبه وحبابه وعلى نياتج

وشهم جاي يستغلج انتي بعدج زغيره وحلوووه وميت واحد يتمناج شعندج باقيه ويه هذا الشايب

والنوب عقيم يعني شنو نهايتج

بعد كم سنه يكبر وتتندمين على عمرج الراح ولا انتي اخذتي واحد شاب ولا حصلتي اطفال

جمانه السعيدي

دلال حسيت الكلام نزل مثل النار بصدري والساني انعكد

ومآ اعرف شحجي وشكول

حنان لاتفكرين هواي خلصي نفسج هاي الزواجه مو استحقاقج انتي تستحقين الافضل

وبعد عندي طلب اخير لاجيبيني بلحجي ترا حنان وكحه

وماتنحمل اذا تعرف اني حذرتج ادمر حياتي

دلال راسي كام يوش وعيوني صار كدامهن غواش سديت التليفون وهي بعدها تحجي

ما اجه ابالي غير المكالمه الي صارت اخير شي كدامي وصوت البنيه الي كالت هلو شهم حبيبي

ما ادري شلون صعدت الغرفتي صدكوني ما اذكر شلون

حسيت نفسي نايمه على السرير ودموعي نزلن

شهم يرجع حنان حنان ترجع الهذا البيت مره ثانيه

واني وين اروح

حتى اهلي مايستقبلوني لو اسكت واصير خدامه جوه رجليه

ياربي ليش كلما اكول هاي هي خلصت مشاكلي تطلعلي مشكله جديده

معقول اني هلكد انسانه سيئه ورب العالمين جاي يعاقبني

ترجع حنان وتأخذ مني شهم

غير اموت شهم طوك النجات الوحيد الي اني متمسكه بي

اذا اعوفه اضيع

شويه وصعدت اقبال فوك

هاااا دلول شبيج شو متمدده هاي شنو تبجين

دلال خاله شهم يريد يرجع حنان للبيت

اقبال ياااا عزا منو كاللج

دلال عرفت

اقبال بس اني ذاك اليوم سمعته يصيح بالتليفون اطلعي من حياتي

دلال ما اعرف شهم اذا رجع حنان اني اضيع

اقبال هي غير ازوجت شرجعه علينا

جمانه السعيدي

دلال نزلت خالتي واني بقيت متمدده وابجي ما اتخيل حياتي بدوون شهم

شهم رجعت للبيت بس دلال ما استقبلتني مثل كل يوم

شهم اقبال دلال وين

اقبال بغرفته فوك

شهم استغربت نزلت العلا ليك وصعدت فوك

لكيته امدده على السرير بلعرض ومغمضه عيونها

شهم اليوم الحلوووو شبي وين الاستقبال الحلوووو وين بوستي اباوع فتحت عيونها وراسا نزل الدمع

شهم شكووو الله يستر شنو هاي الدموع شبيج

دلال كعدت واني عيوني عبالك شلال وانفتح

شهم كعدت بصفها ولزمتها من اديها

شبيج يمعوده خوفتني اهلج بيهم شي

دلال اذا تعوفني وين اروح اهلي مايردوني

شهم نزلت حواجبي اعوفج ليش اعوفج

دلال فدوه لاتعوفني اني ماليه احد غيرك

شهم هسه غير افتهم شنو الموضوع

دلال صدك تريد ترجع حنان اني وحنان ما نتوالم حنان تكرهني من زمان فدوه لاترجعه

شهم ههههه ارجع حنان منو كاللج

جمانه السعيدي

دلال مو انت تريد ترجعه وهي شارطه عليك اله اطلكني

وانت تكللها اتصير دلال خدامه عندج بس ارجعي

شهم انعل ابو حنان لابو عشيرتها انتي تبجين علمود هيج سالفه كلها جذب انتي مخبله

اني ما ابدلج بكل نسوان الارض ياحنان يابطيخ

منو كاللج هذا الكلام

دلال اليوم اقاربهم خابرتني

شهم لا مو اقاربهم هاي هي حنان تريد تخرب حياتنا

صار فتره تلح عليه تريد ترجعلي

دلال يااااا اهي اهي يعني القصه حقيقيه مو جذب تريد ترجعها

شهم اوكفي اني ما اريد ارجعها اني طردتها بس ولله اله اشتكي عليها وانعل والديها كلبه بت الكلب هي تخليج تبجين

شهم شوفي دلال اني احبج لا اعشقج عشق ومآ اعوفج ابد وحتى لو انتي تعرفيني اني ما اعوفج

دلال حضنته وكتله اني اعوفك عمت عيني كون اعوفك

شهم يله اغسلي وجهج وتعاي نتعشى

ثاني يوم شهم قدم بلاغ على المكالمات الهاتفيه وبلبيت شال التليفون وكال بس العندا شغل مهم يشكله يخابر ويرجع يشلع الفيشه

بعدين عرفنا ساحبين الخط منهم ومغرمينهم

جمانه السعيدي

قربت امتحاناتي بعد شهر واحد بس كمت اتعب وادوخ

ومآ اشتهي الاكل

بس اريد زيتون كلما يطلع شهم اوصي على زيتون وكون اسود

هو خطيه بهاي الفتره مايضغط عليه يكول اقري ما اريد هاي السنه هم اضيع عليج

فد يوم كلش تخربط انتهيت بس اتقئ وكلشي مايدخل بطني شهم شافني وتخبل كبل اخذني للعياده

كاعده بلعياده والكاع تفتر بيه

واشتم زفره وروحي طلعت

اخذو مني دم وبول للتحليل وطلعت برا ما تحملت ريحة العياده

شهم اتخبل كلساع وكال انتي شكلتي راح تموتين

شهم يروح ويرجع اتوتر كلش

صاحو باسمي اني بقيت برا وشهم دخل ايجيب التحليل حتى يشوفه الطبيب

شويه وسمعت شهم صرخ بصوت عالي اني كلبي طاح بين رجليه خفت كلت يمكن طلع مرض خبيث

النوب لارجليه يوصلني ولاهو طالع وافتهم منه شكو

دخلت امشي على كيف

شفت شهم كاعد بلكاع يبجي والزلم ملتمه علي

اريدهم يبتعدون حتى افتهم شنو صار ماكو

كل ضني عندي مرض موزين

جمانه السعيدي

دلال شهم شهم حاجيني شبيك احجي واحس كلبي راح يطلع من صدري من الخوف

شهم اهي اهي ويمسح بدموعه حامل

دلال شنو حامل مافتهت

شهم انتي حامل اهي اهي

دلال هاي شبيك شهم

شهم انتي حامل يعني اني راح اصير اب

دلال بهتت ومآ اعرف شحجي

شهم بشرفج خل نعيد التحليل

الناس كامت تصيح شكد صاركم ماعدكم اطفال

اني كمت ما اعرف احجي خبر لا على البال ولاعلى الخاطر

رجعنا عدنا التحليل اكدووو الحمل

المشكله شهم يبجي واني فهيت مثل الي مامصدكه

صعدنا بلسياره ورجعنا وشهم بعدا يبجي كووه يسوق

وكلساع يلتفت عليه ويكول انتي زينه

دخلنا بلفرع وكام يدك هورن والناس كلها تتفرج علينا

فتح باب االسياره ودخل للبيت يصرخ يمه امي دلال حامل

نساني بلسياره ونزل

الحجيه شنو حامل

شهم ولله حامل عدنا التحليل مرتين

دخلت واسمع اقبال تهلهل

شهم يمه شوفي هاي دلال راح اجيبلي ولد وبنات

الحجيه كامت تبجي من الفرحه

وخابرو راشد وبشرو الكل فرحان واني محتاجه امي افرحها وتحضني

جمانه السعيدي

بدت عدي النساوه وخربت فد نوب وصلت للموت لا اكل ولا اشرب بس اكل زيتون واشرب ببسي

شهم يشاقه وياي يكول اذا بنيه نسميها زيتونه

شهم حار شيسويلي تخبل

لاتكومين لاتكعدين لاتشيلين وصلت الامتحانات وماكدرت امتحن منتهيه من النساوه وضاعت عليه السنه الثانيه

وبيوم ما احس آله شهم جايب امي اليه

دازلها ناس على اساس تروح للكاظم ومتفق وياها يجيبها تشوفني

يمه ردتلي روحي من شفته حتى احس نفسي طبت

بقت يمي نص نهار ورجعها شهم

وصلت للولاده واخذني للمستشفى وراحت وياي اقبال

حاولو يجيبوني طبيعي وماكدرو عسرت بلولاده

وقررو يدخلوني عمليات واني اصرخ اريد امي واريد شهم

شهم من عسرت بلولاده تخبل كللهم ما اريد الطفل اريدها سالمه

اريد دلال سالمه

وجبت والحمد لله ولد وسمينا على يشبهني كلش اسمر وعيونه كبار ورموشه يخبلن

جمانه السعيدي

علي مله علينا البيت وراشد واقبال متخبلين علي

راشد اول شهر جاب حجله وثاني شهر بايسكل وثالث شهر ماطور وترس البيت اللعاب

واقبال النهار كله تشتري ملابس

كبر على ويصيح الاقبال ماما والراشد بابا واني وشهم يصيح باسمائنا

السنه الوراها امتحنت بس ماجبت معدل قوي ورحت معهد فني وخلصت وكعدت بلبيت

من صار عمر علي خمس سنوات بديت اراجع مره ثانيه

لان شهم اكل كلبي يكول علي مايريدنا جيبيلنا طفل نلعب علي

شكد راجعت يله حبلت مره ثانيه وهلمره جبت توم ولد وبنيه حسن وزهراء

علي ماينام يمنا كله يم اقبال وراشد ومخبلهم يصيحلهم ماما وبابا وذوله التوم مخبليني كلش وكحين

اشترينا بيت بنفس الشارع وطلعنا اني وشهم والتوم ويانا

وعلي بقه يم اقبال

كل المنطقه يصيحون الاقبال ام علي والراشد ابو علي

اما بيبي اتوفة بعد سبع سنوات من زواجنا اني وشهم

على دخل معهد صيدله من اول سنه تعرف على بنيه

وحبها ازوج ثاني سنه قبل لايتخرج

بعد سنه زواج الله رزقنا بحفيد يخبل

علي عايش هو وزوجته بيت عمه راشد

الحمد لله عوض الله جميل

شكرا لحسن المتابعه