التخطي إلى المحتوى

 

رواية امتلكنى القمر الفصل الأول والثاني والثالث والرابع والخامس بقلم يارا عبد العزيز حصريه كامله 


رواية امتلكنى القمر الفصل الأول والثاني والثالث والرابع والخامس بقلم يارا عبد العزيز حصريه كامله 

بارت 1

بسم الله الرحمن الرحيم نفتح الوصية

الوصية بتقول ان كامل بيه كتب نصف ثروته لابنه فهد واخته وفرح وطبعا هيكون هو الواصى عليها لحد اما تكمل السن القانونى

فريده: والنص التانى

شهاب ( المحامى) : النص التانى لمرات فهد المستقبلية

فهد بصدمة: بتقول ايه مراتى المستقبلية بس انا مش خاطب حتى 

شهاب : ما هو دا شرط الوصية انك هتتجوز وهيكون انت واختك ليك نص الثروة والنص التانى لمراتك

فهد بعصبية: ودى مين دى انت جاى تهزر

المحامى: البنت تبقى اسمها قمر عبدالله هاشم

فريده بعصبية وصوت عالى: لا بجد دا اتجنن على الاخر انا بشكك فى صحة الوصية دى اكيد دا مش اخويا اللى كاتبها انت ذورتها صح 

شهاب : لو سمحتى يا هانم انا ساكت بس احتراماً لكامل بيه الله يرحمه وحضرتك تقدرى تتأكدى بنفسك ان دا خط وتوقيع كامل بيه

فهد : وان منفذتش

شهاب : يبقى فلوس كامل بيه كله هتروح للجمعيات الخيرية حضرتك معاك يومين بس تفكر فيهم يا فهد بيه عشان لازم فى خلال يومين تكون اتجوزت قمر 

فهد ببأتسامة سخرية : والله العظيم لا دا فعلا اتجنن يعنى كمان حاططلى وقت

فريده بخوف ان الثروة فعلا تروح للجمعيات الخيرية: طب دى نوصلها ازاى يا متر 

شهاب : الملف دا فيه كل المعلومات عنها 

فريدة: خلاص يا فهد  اتجوزها ونرميلها قرشين وتطلقها  وخلص الموضوع

شهاب : الموضوع مش بالسهولة دى يا فريدة هانم مينفعش يطلقوا قبل سنة من جوزهم وفيه كمان حاجة لازم يخلفوا فى خلال السنة دى

فهد بتريقة : والله العظيم ومحددش بقى عايز الطفل يبقى ولد ولا بنت

فريدة: اهدى يا فهد وخلينا نفكر هنعمل ايه

فهد بعصبية شديدة: اهدى ايه انتى مش شايفة هو بيقول ايه

شهاب : انا مضطر استأذن وفكر كويس فى خلال يومين تكون قسيمة جوزكم موجودة على مكتبى والا انت عارف ايه اللى هيحصل عن اذنكوا

فهد بعصبية شديدة: شايفة اخوكى عايز يضيع كل حاجه انا اللى تعبت فى كل ثروة دى وانا اللى خليت عيلة الناصروى تبقى صاحبة اكبر شركات معمار فى العالم كله دلوقتي جاى وعايز يضيع كل دا وبيحطلى شروط

فريده: ممكن تهدى احنا مقدمناش اى حل غير كدا انت لازم تتجوز البنت دى 

فهد : طب وسارة حب حياتى هقولها ايه

فريده: ملكش دعوة بى سارة سارة بنتى وانا هتكلم معاها المهم عايزين نوصل للبنت دى ونتكلم معاها

فهد بعصبية : تمام 

فهد فتح الملف اللى فيه معلومات عن قمر واتصدم اما لاقى 

يتبع 

#يارا_عبدالعزيز

رواية امتلكنى القمر

بارت 2 

بقلمى يارا عبدالعزيز

فهد بصدمة: بنت عامل فى مصنع وكمان من الصعيد الله يرحمك يا بابا ويسامحك بجد

فريده: لازم تسافر سوهاج انهاردة وتتجوزها فى اقرب وقت

فهد بتنهيدة : حاضر بس سارة انا بجد خايف اخسرها

فريده: قولتلك ملكش دعوة بسارة انا هتصرف يلا روح ومضيعش وقت

فهد : تمام

على الناحية الاخرى فى منزل صغير فى محافظة سوهاج

قمر : صباح الخير على اجمل جدو 

عاصم : صباح النور يقمرى

قمر : عامل ايه دلوقتي يحبيبى

عاصم : كويس يبتى هتروحى الكلية انهاردة

قمر : يعنى عايزنى اروح الكلية واسيبك وانت تعبان يا جدو

عاصم : قمر قوليلى يبتى الدكتور قالك انا عندى ايه

قمر بزعل بتحاول تدريه: قال ان انت كويس جدا بس لازم تاكل كويس وتهتم بصحتك شوية 

عاصم : ماشى يبتى

وقتها الجرس رن

سها : قولت اعدى عليكى قبل ما اروح الكلية نروح سوا

قمر : مش هروح انهاردة

سها : ليه 

قمر : تعالى ندخل نتكلم جوا

سها : ماشى ازيك يا جدو عامل ايه

عاصم : كويس يبتى

سها وقمر دخلوا اوضة قمر 

سها : هاا فيه ايه

قمر : الدكتور قال ان جدو محتاج عملية زرع قلب

سها : يلهوى طب وهتعملى ايه دى اكيد غالية اوى

قمر : مش عارفه يا سها بجد انا مستعدة اعمل اى حاجه عشان جدو يعيش إن شاء الله حتى اتبرع بقلبى

سها : وهتعيشى ازاى انتى لو هتتبرعى بقلبك انتى هبلة يا قمر 

قمر : ما انا مش عارفه اعمل ايه يا رب ساعدني

سها : انا عارفه انه مش وقته بس انا لازم اقولك

قمر بخوف : فيه ايه

سها : احنا هنسافر القاهره وهنعيش هناك

قمر بزعل  : ايه 

سها : بابا جاله عقد عمل فى شركة هناك ولازم نسافر معاه

قمر وهى بتحضنها وبدموع: هتوحشينى اوى يا سها

فى المساء

فهد وقف قدام بيت قمر وخبط على الباب

قمر : حاضر جاية أهو 

فهد : انتى قمر

قمر : اه مين حضرتك

فهد : فهد كامل الناصروى وكنت عايز اتكلم معاكى

قمر : معايا انا انت جاى تخطفنى انت من الحرامية اللى بيخطفوا الناس ويبيعوا اعضائهم

فهد وهو بيدخل وبيتجاهلها

فهد قعد وحط رجل على رجل

قمر بعصبية ونرفزة: انت مين يا عم انت هو ايه قلة الذوق دى 

عاصم : مين يا قمر يبتى 

قمر : مش عارفه مين دا يا جدى

عاصم : انت مين يا ولدى

فهد بغرور: اعرفك بنفسي انا فهد كامل الناصروى وجاى هنا طالب ايد الآنسة قمر 

عاصم بهدوء : وانت تعرف قمر بت ابنى منين يا ولدى

فهد : شفتها فى الكلية

عاصم : والله يا ولدى هو الرأى رأيها هى

فهد : طب ممكن اتكلم معاها شوية لوحدنا

عاصم : ااه طبعا عن اذنكوا

فهد بغرور: تعالى اقعدى

قمر وهى بتعقد وهى بتبصله بقرف : نزل رجلك انت مش قاعد فى ريسبشن بيتكوا المفروض انك ضيف

فهد : ااه اعمل ايه بقى مضطر استحملك انتى عارفه ان اللى انتى بتتكبرى عليه دا اوضة الخدم عندنا احسن منه

قمر : انت مين يا عم انت ونافش ريشك علينا كدا ليه

فهد بسخرية : نافش ريشى دا احنا هنشوف ايام عنب مع بعض انا جاى اعرض عليكى عرض

قمر : عرض ايه

فهد حكلها موضوع الوصية

قمر : ابوك عايزك تتجوزنى انا وكمان كاتبلى نص ثروته

فهد : تخيلى 

قمر : انا اصلا معرفش ابوك ولا اعرفك انا اول مرة اشوفك

فهد : ما علينا تتجوزينى وتاخدى اللى انتى عايزاه

قمر : ……………….

يتبع 

#يارا_عبدالعزيز

امتلكنى القمر

بارت 3

بقلمى يارا عبدالعزيز

قمر: موافقة بس هتدفع مصاريف عملية جدو هو محتاج عملية زرع قلب

فهد: بقولك كاتبلك نص ثروته والله ما عارف ابويا اتجنن وقتها ولا ايه يلا ميجوزش عليه غير الرحمة

قمر : ربنا يرحمه وكمان فيه حاجه

فهد : ايه تانى

قمر : جدو ميعرفش حاجه عن الاتفاق دا لو عرف مش هيوافق

فهد : تمام

عاصم : هاا استقرتوا على ايه

قمر : انا موافقة يا جدو 

فهد : يبقى نجيب المأذون دلوقتي ونشوف اى حد من البلد يشهد على عقد الجواز

عاصم : انت مستعجل على ايه يبنى طب اعرفوا بعض الاول

فهد : انت مش عارف قمر عملت فيا ايه أول ما شفتها

عاصم : تمام اللى تشفوه

المأذون: بارك الله وبارك عليكما وجمع بينكما في خير

عاصم : قضوا انهاردة اهنه عشان الوقت اتأخر وبكرة سافروا باذن الله 

فهد : تمام بس حضرتك هتسافر معانا

عاصم : لا يا ولدى انا مش هعرف اطلع برا بيتى

فهد : حضرتك عشان فيه دكاترة كويسين فى القاهرة هيكونوا معاك ويتابعوا حالتك

قمر : ايوا يا جدو بالله عليك توافق

عاصم: يبتى

قمر بمقاطعة: لو مسافرتش انا كمان مش هسافر وهعقد هنا

عاصم : وعلى ايه خلاص هاجى معاكم بس خدى جوزك وناموا فى اوضتك هو جاى من سفر وتعبان

قمر : تمام وبصيت لفهد: يلا 

فهد : هى دى اوضتك

قمر : ايوا

وقتها الباب خبط

عاصم : فهد خد الجلبية دى نام بيها

فهد : تمام

قمر : البسها بقى ونام

فهد : انتى عايزنى انا البس جلبية وبعدين انا اصلا متعود انام من غير هدوم

قمر : دلوقتي انت مش فى اوضتك لوحدك انت هنا فى اوضتى

فهد بضيق : وبتهيألى انتى مراتى وبعدين احنا بكرة لازم نكون متممين جوزنا عشان الوصية

قمر بتوتر : لازم يعنى

فهد وهو بيفك زراير قميصه وبيروح عندها وبيقرب منها وقمر اتوترت جدا من الحركة دى

فهد وهو بيهمس جنب ودنها: اوماال يعنى هنجيب لى ابويا العيل ازاى بالبلوتوث مثلا

قمر بتوتر وهى قلبها بينبض بسرعة من قربه وبتحاول تاخد نفسها: اب ابعد لو سمحت

فهد وهو بيديها منديل : امسكى امسحى عرقك دا كله عشان قربت كدا اوماال بكرة هتعملى ايه 

قمر : على فكرة انت قل’يل الادب 

فهد وهو بيمسك ايدها جامد وبعصبية: بقولك ايه طولة لسان مش عايز متغلنيش اقلبلك على وشى التانى انتى اصلا لو ماشية قدامى استحالة ابصلك لانك مش النوع اللى احبه انما اعمل ايه لى ابويا اللى دبسنى فيكى

قمر : اااه ايدى وجعتنى سيب ايدى

فهد ساب ايدها وبعد عنها ونام على السرير

فهد : النور دا بيطفى منين عايز انام

قمر : انا بخاف من الضلمة عندى فوبيا الاماكن المغلقة واللى مفيهاش نور

فهد : خلاص خلاص انتى هتحكيلى قصة حياتك نامى واسكتى

قمر : انت بتؤمرنى فى بيتى

فهد بعصبية: نامى يا قمر عشان يطلع عليكى صبح

قمر بخوف : هتعملى ايه يعنى

فهد حصرها بأيده وبخبث : هجيب لى ابويا العيل انهاردة

قمر بخجل وتوتر وهى بتنام: تصبح على خير

فهد وقتها ابتسم عليها ونام

فى الصباح فى ڤيلا فريدة الناصروى

سارة بدموع: يعنى ايه اتجوز يا ماما طب وأنا

فريده: ممكن متعطيش ما انا قولتلك سبب جوزاه

سارة : ما هو ممكن يحبها

فريده: انتى عارفه ان فهد محبش ولا هيحب غيرك فاطمنى كلها سنة وهيطلقوا وهيبقى معاكى انتى

سارة : هنشوف 

عند قمر وفهد

عاصم خبط على الباب وفهد صحى وبص على قمر ولاقها لسه نايمة 

فهد قام لبس قميصه وفتح الباب

عاصم : الفطور يا ولدى

فهد : تعبت نفسك ليه طيب

عاصم : انتوا لسه عرسان جداد وبعدين مفيش تعب ولا حاجه هى قمر لسه نايمة

فهد : ااه

عاصم : هى قمر كدا نومها تقيل يلا انا هروح افطر انا بقى

فهد ببأتسامة: شكرا جدا ليك قمر لما تصحى هنفطر وحضرتك جهز نفسك عشان هنسافر

عاصم : تمام يا والدى

فهد حط صنية الاكل على التربيزة

فهد وهو بيبصلها: عاملة زى الملايكة وانتى نايمة بس اما بتصحى لسانك بيبقى اطول منك

فهد : قمر يا قمر قمرررررررررر

فهد بضيق: هو فيه نوم كدا بجد

جاب كوبايه الميه ورشها عليها

قمر : ايه دا انا بغرق ولا ايه

فهد ببأتسامة على شكلها: قومى يلا هنفطر ونمشى

قمر : هو فيه حد يصحى حد كدا يعم انت

فهد :ما هو الزوق مش بيصحكى يلا عشان منتأخرش قدمنا يوم طويل

قمر وقتها اتوترت

فهد بخبث : مش اللى فى دماغك هنروح عند المحامى عشان نوريه اننا اتجوزنا

قمر : تمام 

فى القاهرة وتحديدا فى قصر كامل الناصروى

قمر دخلت القصر هى وجدها وحست انها دخلت القصر دا قبل كدا وانها عارفه

قمر فى نفسها : ليه حاسة انى جيت هنا قبل كدا انتى هبلة يا قمر انتى ايه اللى هيجيبك مكان زى دا اكيد شوفته فى الحلم

فهد وقمر وعاصم دخلوا البيت

فرح جريت على فهد وحضنته: انت جيت يا ابيه عمتو قالت انك روحت سوهاج

فهد ببأتسامة: ااه يحبيبتى وجيت اهو

فرح : مين دى يا ابيه

فهد : قمر مراتى ودى فرح اختى

فرح: بجد مراته يعنى انتى هتعيشى معانا هنا

قمر : ااه اكيد 

فرح : انا مبسوطة اوى اوى عشان هلاقى حد اقعد معاه انتى عارفة ابيه فهد بيخرج الصبح ومش بيرجع غير بليل وانا بجاى من المدرسة مش بلاقى حد اقعد معاه

قمر ببأتسامة: احنا من انهاردة اخوات اتفقنا

فرح: اتفقنا

فهد كان وقتها مبسوط ان فرح اتأقلمت مع حد وخصوصاً انها من النوع الانطوائى اللى مش بياخد على الناس بسرعة واستغرب انها اخدت على قمر بالسرعة دى

فهد : توحيده خدى شنطة عاصم بيه الاوضة اللى جنب اوضتى

توحيده: تمام يا فندم

فهد : اطلع حضرتك ارتاح انتى جاى من سفر واكيد تعبت

عاصم : تمام

فرح : هو مين دا 

قمر : جدو وجدك انتى كمان

فرح ببأتسامة: يشرفنى اوى 

فهد وهو بيبص لقمر : يلا 

فرح : هتروحوا فين 

فهد : مشوار صغير كدا ورجعين يلا يا قمر 

قمر : تمام

عند المحامى

شهاب : كدا تمام اوى بس فيه حاجه مهمة برضوا انتوا لازم تعرفوها

يتبع 

#يارا_عبدالعزيز

امتلكنى القمر

بقلمي يارا عبدالعزيز

بارت 4

فهد بضيق : ايه تانى

شهاب : فى خلال السنة دى انت مينفعش تتجوز حد تانى غير مدام قمر 

فهد فى نفسه : لا حسبتها صح يا بابا عشان عارف انى بحب سارة بس تمام ما انا اكيد مش هضحى بالثروة دى كلها عشان سنة

فهد : تمام موافق

شهاب : اوك دا ورق توزيع الميراث عليكم اتفضلوا امضوا

فهد وهو بيقوم : حاجة تانية يا متر 

شهاب : لا تمام كدا 

فهد وقمر كانوا لسه هيمشوا

شهاب : بشمهندس فهد

فهد : نعم

شهاب : فى خلال سنة تكونوا خلفتوا وإلا كل اللى عملته دا هيروح على الفاضى

فهد وهو بينفخ: ماشى 

فى عربية فهد 

قمر : هو مينفعش تدينى فلوس عملية جدو وامشى انا

فهد بعصبية وصوت عالى ارعبها: والله العظيم انا ما ناقصك انتى لو مشيتى مش هيبقى فيه فلوس لا ليا ولا ليك انا هقف على الرصيف اشحت وانتى جدك هيموت منك

قمر : خلاص انت بتتعصب كدا ليه

فهد : عشان انا عديت الكلام دا كتير وانتى برضوا مركبة دماغك مش عارف ازاى ومبتفهميش

قمر : متغلطش

فهد : صبرنى يا رب 

فى القصر فهد و قمر رجعوا وكانوا فريدة وسارة قاعدين

سارة وهى بتمسك ايد فهد : وحشتنى اوى من انبارح

فهد : وانتى كمان يحبيبتى

قمر بدموع مش عارفه سببها: هى مين دى

سارة وهى بتمسك زين جامد قدمها: حب عمره يحبيبتى ولولا وجودك كان زمانى انا اللى مراته

قمر : بجد تمام انا طالعة

فريده: استنى انتوا حصل ما بينكوا اى حاجه

فهد : لا لسه

فريده: انهاردة لازم تتمم جوزاك منها

سارة بغيرة : يا ماما

فريده: سارة احنا اتفقنا على ايه وكملت وهى بتبص على قمر ومتقلقيش فهد عمره ما حب ولا هيحب غيرك هى عارفه سبب وجودها ايه وانها هنا ضيفة مش اكتر هتعقد المدة اللى متفقين عليها وهتمشى

قمر ببرود : والله البيت دا انا ليا نصه ممكن اوريكى الورق اللى يثبت دا لو حابة يعنى امشى امتى دا اللى احدده انا مش انتى ولا بنتك الحلوة اللى واقفة جنبك دى اما بقى بالنسبة لفهد فشبعى بيه يحبيبتى مع انه جوزى برضوا وليا حق فيه اكتر منك لانى انتى وهو مش حاجه بس هو اصلا مش فى دماغى وانتوا هنا اللى ضيوف مش أنا فياريت اما تتكلموا معايا تتكلموا بأحترام عشان متطلعوش برا بيتى 

فهد بعصبية: قمر الزمى حدودك

قمر وهى بتمسك قميص فهد وبدلع: هو انا قولت حاجه هى مش دى الحقيقة برضوا وطبعت بوسة صغيرة على خده مستانيك فوق متتأخرش

سارة بغيظ: ااه يا بنت ال*****

فريده: اهدى

سارة قعدت وفضلت تعيط

فهد بحنية وهو بيمسك ايدها وبيمسح دموعها: عمرى ما هحب غيرك انتى مكانك محدش هيقدر ياخده بطلى عياط ممكن

سارة : وانا هستناك

قمر كانت متابعهم من فوق ولاقيت نفسها بتعيط ودخلت جوا الاوضة

قمر فونها رن 

قمر : الو يا سها

سها : انتوا فين يا قمر روحت البيت انهاردة وخبطت ومحدش رد

قمر : انا اتجوزت يا سها

سها بصدمة: ايه طب ازاى

قمر : دا موضوع يطول شرحه بقولك انتوا هتيجوا القاهره امتى

سها : بكرة بإذن الله 

قمر : تمام انا هبعتلك عنوان هو فى القاهرة تعالي ونحكى

سها : بيت جوزك

قمر : ااه

سها: تمام طب انتى كويسة حاسكى معيطة

قمر : انا كويسة متقلقيش يلا سلام

سها: سلام 

قمر بغيرة : هو مطلعش ليه دا كمان اه اكيد قاعد جنب السنيورة بتاعته طب هو انا مضايقة ليه يمكن عشان متعودتش حد ياخد حاجه بتاعتى طب هو فهد ملكك اكيد لا 

قمر بصوت عالى: اوماال انا مضايقة ليه اكيد عشان هم ضايقونى وانا مستحملتش يجوا عليا بس مش اكتر ااه اكيد كدا 

عند فهد وسارة

فهد : خلاص فكى بقى طب اعمل ايه عشان تفكى التكشيرة دى تيجى نخرج

سارة ببأتسامة: ماشى يلا

فريده بعصبية: هتروحوا فين انت نسيت اللى فوق دى قوم اطلع خلينا نخلص بقى

سارة بغيرة  : يواه يا ماما يعنى هى هتطير يلا يا فهد نخرج بقالنا كتير مخرجناش مع بعض

فهد : تمام يلا بينا مش هنتأخر يا عمتو وهوصلها لحد بيتكوا

فريده: تمام ادام مش هتتأخروا

قمر كانت واقفة فى البلكونة وشافتهم خارجين مع بعض

قمر بعصبية وهى بتعض ايدها: بارد اوى مش عارف عاجبه فيها ايه اللى عاملة زى عاصية المقشة دى 

فى أحد الكافيهات

الصحفى : فهد بيه عرفنا أن حضرتك اتجوزت يا ترى مراتك تعرف انك مع حبيبتك القديمة دلوقتي

فهد : لو سمحت دى حياتى الشخصية ومبحبش حد يدخل فيها

وشاور على الحراسة اللى جت وقفت قدام الصحافة

فهد وهو بيشد لى سارة الكرسى: اتفضلى يا عمرى

سارة ببأتسامة: شكرا

سارة : فهد ما تيجى نتجوز يا فهد وانا مستعدة اكون الزوجة التانية

فهد : يا ريت يحبيبتى بس ابويا الله يرحمه حاطط شرط انى متجوزش حد غير قمر 

سارة بضيق : تمام

عند قمر 

قمر بعصبية: هو اتأخر كدا ليه لا والمفروض استنى البيه عبال ما يجى من خروجته مع حبيبته تمام انا هوريكم

يتبع 

جماعة البارت دا هو اللى هيحدد الرواية هتكمل ولا لا اللى عايزاها تكمل يعمل كومنتات كتير ومشاركات عشان توصل لى اكبر عدد دا لو حابين انها تكمل عشان انا حقيقى بمر بفترة مش الطف حاجه الحمد لله فياريت تشجعونى وتفرحونى بيها 

#يارا_عبدالعزيز

بارت 5

امتلكنى القمر

بقلمى يارا عبدالعزيز 

قمر نزلت حضرت العشا ولبست فستان توب واستنت فهد

فهد دخل واتصدم اول اما شاف قمر كانت جميلة جدا

فهد وهو بيبلع ريقه: ايه اللى انتى عامله دا 

قمر بخبث وهى بتقرب منه وبتهمس جنب ودنه : عملت ايه

فهد وهو بياخد نفسه وكان لسه هيقرب منها

قمر : تعال نتعشى انا جعانة

فهد بتوهان: مش وقته

قمر شدته وقعدوا عشان ياكلوا

قمر ببأتسامة و دلع : مش بتاكل ليه

فهد وهو سرحان فيها : مش جعان

قمر : طب على الأقل اشرب العصير

فهد شرب العصير

قمر : ايوا برڤوا عليك اشربه كله

فهد وهو بيدفن رأسه فى رقبتها: مش يلا بقى

قمر : انا لسه مخلصتش اكل 

فهد وهو بينام : مش قادر

قمر وهى بتهز وشه : فهد فهد انت نمت

قمر سندته ونيمته على السرير

قمر بأنتصار وهى بتبص على فهد اللى نايم : ولسه بس حلو المنوم دا هبقى استخدمه على طول

فى الصباح

بقلمى يارا عبدالعزيز 

فهد صحى وكانت قمر لسه نايمة 

فهد وهو بيدفن رأسه فى رقبتها وبيبوسها: انتى عملتى فيا ايه بجد

قمر : صباح الخير

فهد : صباح النور هو ايه اللي حصل انبارح.

قمر : محصلش حاجه انت نمت

فهد : بجد طب ازاى

قمر بتوتر: مش عارفه بقى صحيح كنت عايزة اسألك سؤال

فهد : اسألى

قمر : انت متأكد انك بتحب سارة

فهد وهو حاسس انه مش مطلعها من قلبه : ااه

قمر : فعلا اصل احنا ساعات كتير بنبقى مفكرين ان التعود حب

فهد : لا بحبها وياريت متدخليش فى الموضوع دا تانى انا هغير واروح الشركة 

قمر : طب انا كنت عايزة انقل جامعة القاهرة

فهد : تمام انا هحولك ورقك 

قمر : شكرا

فهد : العفو

فى الشركة

بقلمى يارا عبدالعزيز 

فريده: هاا طمنى

فهد : محصلش حاجه

فريده بعصبية: ازاى يا فهد انت بتهزر فهد انت لازم تبقى بعيد عن سارة طول ما سارة موجودة يبقى مش هيحصل حاجه ما بينك انت وقمر

فهد : ايوا يعنى اعمل ايه

فريده: خد قمر وسافروا باريس واقعدوا فى الڤيلا اللى هناك دى فرصة كويسة عشان تقربوا من بعض

فهد : تمام

فريدة : سافروا انهاردة بالطيارة الخاصة

فهد : اوك

فى القصر

سها : بس انتى ليه بتضايقى من سارة اوى كدا وانتى اصلا مش بتحبى فهد 

قمر : مش عارفه بس بجد ببقى بم’وت كل أما يقرب منه

سها : انتى حبيته يا قمر 

قمر : انتى بتقولى ايه يا سها دا انا اعرفه من يومين

سها : حب من اول نظرة مثلا

قمر : اكيد لا وبعدين لو كنت بحبه زى ما قولتى ما كنت سمحتله يقرب منى انبارح

سها : ما هو دا بقى اكبر اثبات على انك بتحبيه

قمر : ازاى بقى يا فلحة

سها : لانك مش عايزاه يبقى معاكى لمجرد انه عايز ينفذ وصية ابوه انتى عايزاه يبقى معاكى عشان هو بيحبك

قمر بتوتر : م مش عارفه يا سها مش عارفه بس كل اللى اعرفه انى مينفعش احبه لانه بيحب سارة بنت عمته

سها: وانا متأكدة انه مبيحبش سارة دى

قمر بفرحة: بجد طب ازاى وهو ديما بيقول انه بيحبها

سها : بصى يا قمر اللى بيحب حد مش بيشوف غيره واللى حصل انبارح مع فهد اول اما شافك على حسب ما حكايتى انه وهو معاكى محى سارة خالص مبقتش موجودة كان تايه فيكى انتى وبس ودا معناه انه مبيحبهاش وكمان دا اتخلى عنها عشان يتجوزك

قمر : بس دا عشان ثروة ابوه متروحش منه

سها : حتى لو مفيش سبب يخلى واحد يتخلى عن اللى بيحبها ايا كان صدقينى سارة مجرد تعود لانهم مع بعض من ساعة ما كانوا اطفال مش اكتر

قمر كانت لسه هتتكلم بس قاطعها رنة فونها

قمر : دا فهد 

سها: طب ردى وافتحى الاسبيكر

قمر : الو السلام عليكم

فهد : وعليكم السلام حضرى شنطتك عشان مسافرين باريس

قمر : باريس بس ليه

فهد : نص ساعة وهعدى عليكى تكونى جاهزة

وقفل الخط

قمر بغيظ : بارد اوى بيدى الاوامر ويقفل من غير ما حتى يعرف رأيى 

سها : هههههه والله انتوا الاتنين شبه بعض يلا قومى نحضر شنطتك

قمر : ماشى

سها وهى بتحط هدوم قمر فى الشنطة : فرصة كويسة تقربوا من بعض استغليها وبكرة تقولى ان كلامى كله صح 

قمر : هنشوف 

سها : كدا خلصنا همشى انا بقى وابقى طمنينى عليكى

قمر : حاضر 

بعد ربع ساعة

فهد فضل يزمر بعربيته عشان قمر تنزل 

قمر وهى بتاخد الشنطة: جاية أهو مش عارفه مستعجل على ايه دا

فهد : ايه ساعة على ما تنزلى

قمر : اتكلم بأسلوب احسن من كدا

فى باريس فى عربية فهد 

قمر : الله جميلة اوى بجد انا كان نفسى اروحها من زمان 

فهد : خليكى هنا انا نازل اجيب حاجه من السوبر ماركت دا وجاى

قمر : تمام

فهد دخل وقمر خرجت برا العربية عشان تتفرج على المكان وفضلت تمشى

قمر بدموع  : يلهوى ارجع عند العربية ازاى انا توهت ولا ايه

يتبع 

تكملة الرواية من هناااااااا

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *