رواية جوازة صالونات الفصل الحادي عشر والثاني عشر والثالث عشر والرابع عشر والخامس عشر بقلم الكاتبه ندي علي حبيب (حصريه وجديده في مدونة الشروق للروايات)
رواية جوازة صالونات الفصل الحادي عشر والثاني عشر والثالث عشر والرابع عشر والخامس عشر بقلم الكاتبه ندي علي حبيب (حصريه وجديده في مدونة الشروق للروايات)
” جوازة صالونات “
” البارت الحادي عشر “
” الكاتبه ندي علي حبيب ”
” صباح يوم جديد الساعه ٩ صباحا ، ادهم نايم هو ومراته لأول مره في حضن بعض ، الجرس في شقة ادهم مش مبطل رن لحد ما ادهم ونهال فاقو علي صوت الجرس ”
ادهم بص في الساعه : مين اللي بيرن الجرس من ٩ الصبح دا ” وبص لنهال ببتسامه ” خليكي انتي هشوف مين واجي ” وقام من الاوضه طلع فتح باب الشقه اتفاجئ ب امه ” صباح الخير يما
سلوي ببتسامه : صباح النور يقلب امك كنت بعلف الحيوان علي السطح قولت اصحيكم وانا نازله علشان تنزلو تفطرو
ادهم جواه مضايق جدا من الوضع بس مش عارف يتكلم قال ببتسامه : الساعه ٩ الصبح يماا فطار ايه اللي هننزل نفطره الواحد جعان نوم متعملوش حسابكم في فطار لينا خالص احنا هننزل علي الغدا
سلوي جواها الوضع برضو مش عاجبها : مراتك تنزل تجهز مع سلفتها الغدا يا ادهم ما هي مش احسن منها برضو
ادهم اتنهد وقال بهدوء : يما افهمي نهال هتعمل مع نوال كل حاجه بس نهال لسه عروسه ودا تالت يوم ليها وانا بحاول احببها في الجواز والعزبه بالوضع دا هتكرهه كله سبيها علي راحتها لحد ما تتعود بس ولو علي نوال اهي نوال من العزبه وفاهمه الدنيا
سلوي بصتله وقالت : متعودهاش عليك يا ادهم اسمع كلامي لازم نفسك يبقي اعلي من نفسها علشان تعرف تمشيها متخليش طيبتك توديك في داهيه اسمع من امك
ادهم بضيق : حاضر يما هقوم الصبح اجيبها من شعرها واجرجرها علي السلالم علشان نفسي يبقي اعلي من نفسها ومعودهاش عليا
سلوي : وانا مبقولكش جرحرها من شعرها انا بقولك مش كل حاجه هي عيزاها تبقي حاضر وطيب خليك حمش معاها كدا متعودهاش متنزلش تحت لاء المفررض انت اللي كل يوم تصحيها تبعتها علي تحت امال هي متجوزه ليه
ادهم بستنكار : متجوزه ليه ؟! تمام هردك عليكي واقولك متجوزه علشاني انا يما زوجة ليا تلبي طلباتي انا مش طلبات حد غيري يعني لما الراجل مراته تخاف منه يبقي تأمن لمين وتتكلم مع مين لو مش الحضن والملجأ ليها هيبقي لمين لو هو مش حنين عليها مين هيبقي حنين عليها امااا اعذريني في كلامي بس حياتي انا ومراتي انا اللي احددها وانا اللي احدد ايه اللي يتعمل وايه اللي ميتعملش محدش يدخل فيها خالص
سلوي حست ان ابنها اضايق ف حاولت تصلح الدنيا وقالت بستعطاف : حقك عليا يا ادهم مدام كلامي تقيل عليك كدا انا مش هكلم تاني وانت حر انت ومراتك يابني هو انا هعوز ايه غير سعادتك ” ونزلت علي تحت بسرعه وادهم قفل الباب واتنهد بقوه ، ونهال واقفه في الاوضه سامعه كل الحوار اللي دار ”
نهال طلعت الصاله لأدهم وقالت بتردد : ادهم انا معنديش مشكله ان انزل اساعد مامتك ونوال تحت
ادهم بصلها وابتسم وفتح دراعاته : تعالي ” نهال قربت منه وحضنته وغمضت عيونها وادهم مشي ايده علي راسها بحنان ” انا طول ما انا موجود مش عايزك تقلقي من حاجه ولا تشيلي هم عايزك تفضيلي وبس اتفقنا ؟
نهال اتكلمت وهي لسه في حضنه : انا فهمت ليه البنات بتخاف تتجوز في بيت عيله علشان اللي احنا فيه دلوقتي اكيد
ادهم رفع وشها ليه وباس راسها : كل مكان فيه الحلو والوحش يا نهال طب ما انتي ممكن تتجوزي واحد مش عايش مع اهله بس تتعبي معاه ومتعرفيش تتعاملي معاه ودا هيبقي وقتها الوضع صعب لكن لما المشاكل تيجي من العيله وانتي وجوزك تمام خلاص الباقي سهل
نهال بصتله : ادهم طيب قولي اعمل ايه مع مامتك وانا مستعده اعمل اللي هتقوليه عليه كله
ادهم ببتسامه : كل اللي عايزه منك مهما امي تقول او تعمل مترديش عليها نهائي تعالي عرفيني اللي حصل وانا وقتها هتصرف لكن اوعي يا نهال في مره امي تقولك حاجه وتردي وتبجحي فيها وقتها هشيلها منك جامد
نهال بهدوء : يا ادهم اللي انت بتقوله دا انا هعمله من غير ما توصيني انا مستحيل ارد علي مامتك مهما تقول وتعمل مهما كان دي حماتي وليها احترامها برضو
ادهم باس خدها وقال بغمزه : شوفي الهده اللي اتهديتها معاكي بليل وصاحي مكسر تهوون علشان خاطر الكلمتين الحلوين دول والله العظيم
نهال بصتله بكسوف شديد : والله عيب اللي انت بتقوله دا والله عيب ” وحطت ايدها علي وشها وجريت علي اوضة النوم ”
ادهم ضحك عليها : خدي يابت هقولك حاجه مهمه هنا في الصاله هو التجديد في القهوه بس ولا ايه ” ودخل وراها الاوضه ”
نهال وقفت ورا السرير وقالت بتهديد : بالله لو قربت مني هروح ارمي نفسي من البلكونه انا تعبانه ورجلي وجعاني
ادهم وهو بيقرب منها : بتجري ليه طيب والله انا قصدي شريف وكنت هقولك تعالي ننام والله انتي اللي ديما فهماني غلط
نهال بصتله بشك : احلف الاول انك كنت عايزني علشان ننام ؟
ادهم بضحك : والله العظيم كنت عايزك علشان ننام لكن نوم من نوع اخر
نهال اتكسفت وقالت : يا ادهم والله عيب بطل كلامك دا بعدين حرام عليك يعني انا معرفتش انام بليل كويس ومامتك مصحياني من ٩ الصبح والله حرام عليكم اللي بتعملوه فيا دا
ادهم ربع ايده وبصلها : من تالت يوم جوااز بقاا في هروب وتبريرات وكلام كتير مش واكل معايا بس كل اللي عايز افهمه انتي واقفه ورا السرير ليه ؟
نهال بتفكير : انت عارف انا هقوم دلوقتي البس وانزل اساعدك نوال تحت بدل ما افضل معاك هنا هده وتحت هده برضو
ادهم برفع حاجب : ومين بقاا اللي هيسمحلك تنزلي تحت يا ست الكُل
نهال لسه هترد فونها رن وكانت امها اتنهدت براحه وردت علطول : الووو ايوا يا ماما
زينب بستغراب : مالك بتتكلمي بلهفه كدا ليه وايه اللي مصحيكي بدري كدا
” ادهم قرب منها بخبث وحضنها من ضهرها ودفن وشه في رقابتها يبوسها ”
نهال بعدت الفون عن ودنها وحاولت تبعد وهي بتضحك وقالت بهمس : دقنك بتخربش يا ادهم ابعد والله ماما هتفهمنا غلط
” ادهم بعد وبصلها وشد الفون منها وقفله وخاوط وسطها وعينه علي شفايفها ”
ادهم حط جبينه علي جبينها وغمض عينه وقال بتنهيده : كل حاجه فيكي عجباني ريحتك تجنن ضحكتك حلوه شعرك حلو مكنتش اتخيل ان احب في يوم ان اسمع رغي حد واستمتع زي ما بسمع رغيك كل حاجه فيكي مظبوطه وبالمقياس جننتيني يا نهال
” نهال غرقانه في كلامه اللي اصبحت بتحب بتسمعه جدا محستش بنفسها غير وهي بتقرب من شفايفه تبوسه بكل شغف وادهم بادلها البوسه بحب ”
………………………………….
” في شقة صلاح ”
” نوال عملت فطار لأول مره في شقتها واخدت الصنيه اللي عليها الاكل وراحت علي الاوضه اللي نايم فيها صلاح ”
نوال ببتسامه : صلاح اصحي انا عملتك فطار انماا ايه من كل اللي قلبك يحبه
صلاح قام من علي السرير وهو منعوس لسه : انتي عملتي فطار لينا هنا ليه مش هنفطر تحت ولا ايه
نوال ابتسمت وقعدت جنبه علي السرير : يعم مره من نفسنا نفطر في شقتنا وبعدين انا كنت عايزه اغير علي حلق غزل ناخدها انا وانت مع نفسنا كدا ونروح دكرنس نغير عليه ونيجي ايه رأيك
صلاح فتح علبة السجاير واخد سجاره وولعها : طيب هشوف اني كدا هتقولي ايه ونروح نغير علي حلقها
نوال بصتله كتير وقالت بتنهيده : هو انا متجوازك ولا متجوزه امك يا صلاح كل ما اطلب حاجه تقولي لما اعرف امي فين شخصيتك انت ؟
صلاح اتنرفز من كلامها : بقوولك ايه الواحد صاحي مش فايق علي الصبح وانا ولا طايق كلامك ولا عايز دوشه ووجع دماغ علي الصبح انتي ناقصك حاجه يابنت الناس
نوال الدموع اتجمعت في عيونها : ااه ناقصني كل حاجه هي الحياه بنسبالك باكل وبشرب وبنام هو دا الكمال بنسبالك ؟
صلاح بزعيق : احمدي ربنا علي اللي عندك غيرك مش لاقي اللي عندك
نوال بزعيق : وانا مالي بغيري انا محتاجه منك الرحمه محتاجه كلمه حلوه تطيب خاطري بيها نفسي مره تيجي تبوس راسي وتقولي معلش انا حقيقي كارهه حياتي اهلي ناس غلابه ابويا هيصرف علي اخواتي البنات التلاته ولا عليا انا وبنتي انا لو ليا ملجأ واحد ارتاح فيه والله العظيم ما كنت هقعد معاك دقيقه واحده
صلاح خبط الدولاب بإيده بنرفزه : انتي مبتزهقيش كلااام انا اعمل ايه بعافر علي اخر جهدي في الدنيا علشان اعرف اجيبلك قرش تصرفي منه انتي وبنتك وانتي مفيش احساس خالص
نوال عيطت وقالت : مش عايزه فلوس انا محتاجه حتيه وطيبة خاطر بس للأسف دول مش موجودين عندك لا انت ولا امك
صلاح مسكها من شعرها وقال بغضب : لو ملمتيش نفسك عليا الطلاق بتلاته ادفنك حيه اتكلمي بأدب احسنلك لحد الان بحاول ممدش ايدي عليكي ” وساب شعرها وطلع برا الاوضه بعد ما رزع الباب ”
” نوال قعدت علي السرير ودموعها نازله بصت علي الفطار اللي عملته ودموعها بتزيد ، فونها رن وكانت سوسن اختها الكبيره فتحت عليها وردت ”
نوال بدموع : سوسن انا حسه ان هموت صدقيني ” وقالت بشهقات ” عُمري كل يوم بيقصر في البيت
سوسن بحزن علي اختها : استحملي يا نوال استحملي يا حبيبتي البيوت يماا فيها
نوال مسحت دموعها وقالت بحسره : هستحمل حاضر المهم ” ولسه هتتكلم سمعت صوت حماتها بتنادي عليها ” هقفل كدا وهرجع اكلمك تاني
سلوي بصت لإبنها اللي قاعد بيشرب سجاير : شايف بعينك يا صلاح بنادي من كبدي وهي تبقي سمعه ومتردش
نوال فتحت باب شقتها ونزلت سمعت كلامها معلقتش وقالت بهدوء : نعم يماا معلش كنت بكلم سوسن
سلوي بلوية بوز : طب يلا يماا ادخلي اغسلي الكوبايتين اللي في الحوض وننزل ندبح الفراخ بدل ما تموت من السقعه ونضفها ونحطها في الفريزر نبقي نطلع منها لما نشوف الهانم التانيه هتنزل امتي هي كمان اصلها هتفضل عروسه طول السنه
” نوال دخلت المطبخ تشوف الكوبايتين اللي هيتغسلو ، كان تقريبا المطبخ كله يضرب يقلب فوق بعضه اتنهدت بتعب وشمرت اكمام قميصها وبدأت تغسل ”
غزل جت من البرنده جري : تيتاااا عايزه اروح الحمام بسرعهه
سلوي : ادخلي خلي امك تدخلك اجري اجري
صلاح بهدوء :اماا انا عايز اروح اغير علي حلق غزل
سلوي : ليه يعني ما حلقها اللي في ودنها حلوو لما تكبر شويه حتي تكون جمدت
نوال سمعت كلامها وابتسمت بسخريه : حبيب قلب امه اللي مش هيكسرلها كلمه ربنا يقويكي علي اللي هتشوفيه ينهال
…………………………………
” في شقة ادهم “
” نهال واقفه قدام المرايا اللي في الحمام بتبص علي شكلها متعرفش انها هتبقي مبسوطه كدا لما تتجوز ادهم ، ادهم دخل عليها الحمام وقلع التيشيرت بتاعه ”
نهال بصتله بصدمه : انت مش شايفني جوا الحمام ازاي تدخل كدا ؟
ادهم بعدم فهم : وفين المشكله لما ادخل عليكي الحمام ” ولسه هيقلع باقي هدومه نهال صوتت ”
نهال بدهشه : استني استني انت بتعمل ايه
ادهم : يابنتي مالك داخل استحمي بتصوتي في الحمام ليييه هتتلمسي يا حماره
نهال بدهشه اكبر : هتستحمي وانا هناااا هو انا شفافه لدرجادي اصبر هغسل وشي واعمل اللي انت عيزاه ” وغسلت وشها بتوتر كبير وطلعت جري من الحمام وادهم ضحك عليها جدا ”
” نهال طلعت بجامه تقيله لبستها تدفيها من شدة البرد وطلعت علي الصاله رتبت الكنب مكان قعدتهم وفتحت الشاشه وقعدت شويه “
نهال بتفكير : ينهاااار دا فيه غسيل عايز يتغسل وانا نسيته خااالص ” ودخلت علي الحمام اللي في برا اخدت سلة الهدوم وفضلت تفرق الابيض لوحده والالوان لوحدها وشغلت الغساله وحطت المسحوق ” يا تري انا بعمل صح ولا هنيل الدنيا
ادهم طلع بصلها بستغراب : بتعملي ايه ؟
نهال بصتله وهي بتحط الدور الاول في الغساله : بغسل الهدوم دي المفروض كنت غسلتها امبارح بس نسيت خالص
ادهم بص للهدوم اللي علي الارض وشاف بنطالون بيج مع اللون الاسود : الاسود دا بيتغسل لوحده مينفعش يتحط معاه لون تاني
نهال بصت علي الهدوم وقالت بتفكير : الابيض لوحده والالوان لوحدها محدش قالي الاسود كمان لوحده
ادهم ببتسامه : في بيرسيل چيل بيتغسل بيه الاسود بيحافظ علي سمار الهدوم السمره يبقي كدا الابيض لوحده والاسود لوحده والالوان لوحدها فهمتي
نهال ببتسامه : مين اللي علمك الحجات دي ؟
ادهم سند ضهره علي باب الحمام وربع ايده وقال : في السعوديه انا اللي بغسل هدومي لنفسي وفي الاول برضو خلط الهدوم والالوان في بعض بس بعدين اتعلمت
نهال : طيب الغسيل انت بتغسله مين اللي بيطلخ ليك ؟
ادهم ببتسامه : انا في سكن لوحدي ممكن يوم امشيها اي اكل ويوم اشتري اكل واهي ماشيه الواحد طول اليوم بيتهد في المصنع بيجي بليل كل اللي محتاجه انه ينام لدرجة ان مبغسلش هدومي غير لما هدومي كلهااا تخلص ومفيش حاجه البسها
نهال قالت بملل : ايه الحياه دي طيب مفيش عندك مثلا يوم اجازه
ادهم : الجمعه اجازه بقضي الاجازه كلها نوم بكون مهدود طول الاسبوع وما بصدق ان يوم الجمعه يجي علشان انام
الغساله وقفت ونهال طلعت الدور من النشاف : عطلع انشره في البلكونه واجي
ادهم : حطي طرحه علي دماغك وانتي طالعه وانا هعمل قهوه تشربي معايا
نهال ببتسامه : هشرب نسكافيه اعملي معاك وحط سكر كتير ” ودخلت اوضة النوم جابت طرحه لبستها وفتحت البلكونه وهي مبتسمه اول ما بصت في الشارع اتصدمت ، واحده في الزريبه اللي جنبهم بتنضف تحت البقره وبتشيل بإديها ” الله يفرقك يبعيده روحي
” وبصت قدامها تقريبا العزبه كلها اراضي زراعيه وترعه كبيره وكام بيت في العزبه هما اللي كبار ، والنسوان قاعدين في الشارع عادي جدا ، ومسكت الهدوم وبدأت تنشر الهدوم ”
واحده من اللي قاعدين في الشارع لمحتهاا قالت بهمس : بصوو علي شقه ادهم كدا العروسه نشرت الملايااا اهي ” كلهم بصو عليها وهي اخدت بالها فَ اتكسفت جدا ورجعت لورا ”
نهال بكسوف : لا اله الا الله الوليه بتبصلي وتغمز الله يكسفك يبعيده روحي
” ادهم طلعلها وفي ايده كوباية نسكافيه وفنجان قهوه ”
ادهم بستغراب : مكملتيش نشير ليه ؟
نهال بصتله : في ناس قاعده تحت بيبصو عليا ومكسوفه اكمل ” ادهم بص علي النسوان اللي في الشارع وبصلها وضحك ”
ادهم ببتسامه : متشغليش بالك بحد خالص القاعده في الشارع هنا عادي جدا بعدين انتي نشرتي الملاياا يعني لازم يتكلمو ” وغمز ”
نهال بعدم فهم : اشمعناا يعني الملايا مالها ومال كلامهم ؟
ادهم قرب عليها شويه وغمز : معني انك نشرتي الملايا يعني بتأكدي ليهم ان دخلتنا تمت
نهال من الصدمه معرفتش ترد وفضلت ساكته وقالت بكسوف رهيب : قول انك بتهزر معايا واكيد ميقصدوش كدا
ادهم بستغراب : انا مستغرب كسوفك دا اقسم بالله ينهال دي حاجه طبيعيه جدااا بين اي راجل ومراته
نهال هربت بعيونها منه : بس برضو يا ادهم الموضوع يكسف بصراحه هي حاجه طبيبعه ماشي بس هي بيني وبينك محدش يعرف بيها
ادهم : الموضوع معروف بس علشان عرسان لكن بعد كدا خلاص مفيش حاجه يلا كملي نشير وملكيش دعوه بحد
” نهال فعلا بدأت تنشر الهدوم لحد ما خلصت بصت لأدهم اللي اخدها ودخل علي جوا ”
ادهم : نهال انا نزل تحت وهروح مشوار دكرنس في السريع كدا واجي
نهال طلعت من الحمام وبصتله بستغراب : رايح دكرنس ليه ؟
ادهم وهو بيلبس الكوتش : في مصنع رخام في دكرنس رايح اسأل عن نوع معين كدا عنده وراجع خلصي غسيل وانزلي تحت ” وقام وقف وباس راسها ” مش عايزه حاجه اجيبهالك وانا راجع
نهال : بما انك في دكرنس عدي علي مطعم الزعيم هاتلي طبق كشري مصري
ادهم ببتسامه : عيوني يا باشا ” وفتح باب الشقه ونزل علي تحت ونهال كملت غسيل شويه وسمعت الجرس بيرن راحت فتحت واتصدمت ”
“” انتظرو القادم “”
” جوازة صالونات “
” البارت الثاني عشر “
” الكاتبه ندي علي حبيب ”
” نهال بصت علي شكل نوال اللي دموعها نازله منها وشايله بنتها النايمه ، نهال اخدتها ودخلتها علي جوا وقفلت الباب ”
نهال حضنتها بخضه : مالك بتعيطي ليه كدا في ايه ؟
نوال عيطت في حضنها بقوه : انا تعبت يا نهال والله تعبت وفاض بيا لو متكلمتش معاكي هموت من الكتمان والله
نهال اخدتها وقعدو في الصالون : احكي انا سمعاكي ؟
” نوال بصتلها وكل ما تتكلم تعيط اكتر نهال سابتها تعيط وتطلع كل اللي جواها ”
نهال ضمتها لصدرها : طيب انتي كدا عيطي كتير ممكن بقا تحكيلي ايه اللي مزعلك اوي كدا ؟
نوال بخنقه : قولي ايه اللي مش مزعلني انا كل حاجه في حياتي مزعلاني يا نهال نفسي اسمع كلمه حلوه من جوزي بس زي ما يكون متحرم عليا حماتي متدخله في حياتي كأنها هي اللي متجوزاني مفكره ان كدا بتحافظ علي ابنها متعرفش انها بتدمر حياتي وحياته بإيدها
نهال بشفقه : سمعاكي كملي كل اللي جواكي طلعيه يحبيبتي
نوال بشهقات : احكيلك ايه ولا ايه انا نفسي زهقت من نفسي لدرجة ان من كتر ما بحاول معاه انه يتغير بقيت بزهق اجي اتكلم معاه كويس زعلان اخد جنب ومتكلمش خالص زعلان طيب قوليلي اعمل ايه اكلم امي علشان احكيلها تقولي عيشي علشان خاطر بنتك حماتي محسساني ان عبده عندها مينفعش اتعب ولا اقول هبطانه طيب انا هستحمل لحد امتي قوليلي
نهال بتفكير : طب ما تتقسمي يا نوال عيشي انتي وجوزك وبنتك في شقتك وتتفضي من كلامها وحوارتها
نوال بسخريه : انا اصلا متجوزه وقالو هتروحي مقسومه كنت فرحانه من تاني يوم والله العظيم ينهال لقيت صلاح بيقولي يلا هننزل ناكل تحت قولت ماشي يمكن هناكل النهارده بس لكن النهارده جاب بكرا جاب بعده لحد دلوقتي كل ما اقوله يا صلاح عايزه اتقسم يزعق ويكسر في الشقه انزلي كدا شقتي والله ولا فيها حتت ازاز سليمه
” نهال استغربت ازاي ادهم الحنين المتفهم يبقي اخوه صلاح الهمجي القاسي ، نهال فضلت تسمع نوال لحد ما طلعت كل اللي عندها ”
نوال مسحت دموعها براحه : ربنا شاهد عليا ان لما اتكلمت معاكي ارتحت
نهال ببتسامه : انا سمعاكي في اي وقت لما تحسي نفسك مضايقه تعالي ونقعد نحكي ونفضفض لبعض
نوال : لما لقيت ادهم نزل قولت اطلع اقعد معاكي بدل ما انا قاعده انا والوليه تحت في وش بعض المهم انتي عامله ايه ؟
نهال ببتسامه : انا الحمدالله بخير والله الوضع غريب بنسبالي من كله بس ادهم بيحاول يخليني اتعود علي الوضع
نوال ابتسمت : ادهم ابن حلال وطيب وحنين اوي عكس صلاح كل ما نقوله يا ادهم عايزين نفرح بيك يقولنا لسه بدري ومرداش يروح ولا لعروسه لحد ما فجأه قالك موافق نروح نشوف الباب دا
نهال بضحكه خفيفه : اهو نصيب بس الجواز دا طلع عكس ما كنا فاكرين خالص يا بت يا نوال الواحده بتفكر في الفستان وفرحة الفرح مبتبقاش عامله حساب كل اللي بعد الفرح
نوال بضحك : انتي هتقوليلي دا كفايه انك متجوزه في بيت عيله هده طول النهار وبليل اللي المفروض هترتاحي فيه يجي جوزك يقولك مش ناويين نخاوي العيال وحزن من كل مكان
نهال ضحكت علي كلامها وقامت واقفت : قومي تعالي نعمل كيكه بشكولاته الحاجه الوحيده اللي بعرف اعملها ونعمل شاي ونشرب ادهم كدا كدا هيتأخر برا فَ نقعد براحتنا
نوال ببتسامه : لو غزل صاحيه وعرفت انك هتعنلي كيكه بشكولاته كانت فرحت اوي ” وراحت وراها للمطبخ ” بسم الله مشاء الله الشقه جميله اووي مبروكه عليكي يحبيبتي
نهال ابتسمت لها بحب : عقبالك شقة غزل ونعملها الحلو كله المهم بفكر اعمل صنيتين نسيب واحده لينا هنا وانزل ليهم واحده تحت ايه رأيك ؟
نوال شمرت كمامها :والله اللي يريحك بس انا معاكي اعمليلي اتنين واحده هنا ونزلي واحده ليهم تحت فين الصواني وانا اجيبها
نهال وهي بطلع البيض والدقيق : هتلاقيهم في الضلفه اللي جنب البوتجاز ادهنيهم زيت علي ما اجهز الكيكه
” نهال ونوال فضلو يعملمو في الكيكه وهما بيتكلمو مع بعض ، نهال فهمت من كلام نوال انها تلقائيه جدا ومصدقت لقت حد تطلع اللي جواها معاه ويسمعها ، نهال معرفتش تصبرها علي اللي هي فيه بس اكتفت انها تخليها تطلع كل اللي جواها “
نهال بصت علي الكيكه بعد ما خرجت من الفرن بفرحه : ينهاااار جمال الكيكه مستويه ومش محروقه بخريني يا نوال بسرعه
نوال اخدت حته داقتها وقالت ببتسامه : حقيقي طعمها تحفه اووي بس مسكره سيكا
نهال ضحكت : ياستي احمدي ربنا انها جت علي قد مسكره بس بصي احنا هنشوف الصنيه اللي نحس طعمها حلو ننزلها وخلاص والتانيه نقسمها سوا
نوال : طيب انا هنزل الشقه اغير هدوم غزل وانتي انزلي نزلي الكيكه
” وفعلا نهال شافت الصنيه المستويه والمظبوطه واخدتها علي صنيه ولبست اسدال ونزلت علي تحت مع نوال ”
نهال بصت علي سلوي كانت قاعده في الصاله قدام التلفزيون قالت ببتسامه : مساء الخير
سلوي بصتلها : مساء النور تعالي يا نهال يعني انتي متنزليش الا لو ادهم سابك ونزل
نهال ضحكت وقعدت جنبها : الموضوع مش كدا والله كل الحكايه ان كان عندي هدوم عايزه تتغسل غسلتها ونشرتها وعملتلك حاجه حلوه ” وفتحت الصنيه واخدت منها حته ” دوقي كدا وقولي رأيك
سلوي اكلتها وقالت : حلوه يما تسلم ايدك ادخلي دخليها المطبخ وغطيها علي ما ابوكي سالم يصحي الصبح يفطر منها
نهال قامت وقفت : طيب حاضر عايزه حاجه تانيه من المطبخ ؟
سلوي : شوفي كدا لو عندك حاجه علي الحوض اشطفيها بالمره
” نهال دخلت المطبخ وبصت علي الحوض بدهشه من كمية المواعين اللي محتاجه غسيل “
نهال بضيق : الدنيااا تلج والمايه سقعه يارررربي انا ايه اللي نزلني بس ” وشمرت اكمامها بضيق وبدأت تغسل ”
” في حدود الساعه ١٢ بليل وصل ادهم العزبه ، نهال كانت واقفه في البرنده في عز التلج مستنياه والقلق هيموتها من شدة خوفها عليه ”
ادهم نزل من عربيته وفي ايده كيس كبير وطلع البرنده اتفاجئ بنهال قال ببتسامه : ايه اللي مطلعك في البرد واقفه في البرنده كدا ؟
نهال بغضب : والله … يعني سيادتك مش عارف انا ايه مطلعني في عز البرد واقفه في البرنده لوحدي والكل نايم
ادهم بستغراب من نبرة صوتها العاليه : اولا صوتك عالي ودا مش عاجبني ثانيا فعلا مش عارف ايه مطلعك البرنده دلوقتي
نهال عيونها دمعت وقالت بضيق : انت خارج من بعد المغرب ولسه راجع دلوقتي كنت فين كل داا يا ادهم ؟
ادهم مسح دقنته وقال بهدوء : قولتلك ان كان عندي شوية شغل بخلصهم وقعدت مع ناس صحابي شويه ورجعت ايه اللي حصل بقا
نهال اضايقت من كلامه وقالت : لاء ولا اي حاجه انا طالعه الشقه علشان بردانه وعايزه انام الكل متسخن ومتغطي علي البوتجاز جوا لو جعان علشان مفيش اكل فوق ” وسابته وطلعت علي الشقه ”
ادهم مضايق انه زعلها بس هو برضو مبحبش حد يتحكم فيه ولا في خطواته ، رجع تاني لعقله وقال انها مراته ومن حقها تقلق عليه يعني هي مغلطش “
اتنهد جامد وقال : استغفر الله العلي العظيم واتوب اليه ” وبص علي الكيس اللي في ايده ” انا طول عُمري بقول الكشري مش بشرة خير محدش صدقني ” وطلع علي شقته علطول ”
……………………………..
” في شقة صلاح ”
” نوال قاعده في الصاله وجنبها غزل اللي بتاكل كيكه وشاي “
غزل مسكت الكيكه في ايدها : بصي يا ماما امسكيها كدا بعدين تغطسيها كدا جوا الشاي ” وغطستها جوا الشاي لحد ما الشاي نزل علي الصنيه ”
نوال بصويت : لااااااء متغطسيش كُلي حته من الكيكه واشربي شوية شاي انما حوار التغطيس دا مش حلو
صلاح طلع من الاوضه بضيق من صويت نوال : بتصوتي لييه ؟
نوال بصتله : ردة فعل طبيعيه لما شوفت الشاي كان هيقع علي السجاده معلش ازعجنا نومك يا ابو غزل
صلاح بص لغزل ورجع بص لنوال : غزل صاحيه لدلوقتي ليه وانتي ايه اللي مصحيكي لخد الوقتي ؟
نوال اتنهدت اوي وقالت : عادي مش جايلنا نوم ف قولنا نسهر شويه ولا ممنوع يا صلاح
صلاح بصلها شويه : نيمي غزل وتعالي عايزك في موضوع في الاوضه ومتتأخريش ” ودخل الاوضه وقفل الباب ”
غزل : ماما هو بابا مبيجيش يقعد معانا ليه ويتفكر علي الكرتون وياكل من الكيكه
نوال ابتسمتلها وقالت وهي بتعدل شعرها : علشان بابا عنده كل يوم شغل بدري ولازم ينام بدري علشان يقدر يصحي ويجيب لغزل كل الحجات الحلوه اللي هي بتحبها
” غزل اتاوبت ونامت علي رجل نوال اللي حطت ايده علي شعرها علشان تنيمها ، نوال جزء منها اصبح بيكره صلاح بيكره كلامه وصوته وصمته بتكره وجوده معاها في نفس الاوضه او في نفس البيت اللي مقعدها معاه انها نوعا ما مطمنه انه مش هيأذيها ، بتكره اهلها علشان هما السبب في اللي هي فيه ”
نوال اتنهدت بتمني وغمصت عيونها وقالت : يارب ادخل الاوضه يكون نام يارب يكون نام انا مش عيزاه ” وشالت بنتها نيمتها في اوضتها ودخلت اوضتها وهي حسه انها داخله مقبره بصت عليه وكان نام فعلا ابتسمت اوي ودخلت نامت جنبه بهدوء وهي فرحانه ”
………………………………….
” في شقة ادهم ”
” ادهم اخد شور في حمام اوضة نومه وخرج لابس بجامه تقيله وهو بيتشف شعره وعينه علي نهال اللي نايمه علي السرير بتلعب في الفون بتاعها ”
ادهم ببتسامه : علي فكره جبتلك الكُشري ؟
نهال من غير ما تبص ليه : متشكره تعبتك معايا بس سوري مش جايلي نفس اكل اي حاجه دلوقتي لو عايزه ممكن تاكله انت
ادهم نشف شعره بالفوطه وهو باصصلها كتير : طيب انا جعان
نهال بصتله بستغراب : تقريبا انا قولتلك كُل تحت علشان مفيش اكل هنا في الشقه
ادهم بلا مبالاه : تمام مفيش اكل قومي اعملي
نهال بعدم فهم : الساعه ١ بليل اقوم اعمل اكل ايه دلوقتي ؟
ادهم ربع ايده وبصلها : معرفش انا دلوقتي جعان اتصرفي وهاتيلي اكل ” وقعد جنبها وقال ببتسامه ” بس ممكن يعني تصالحيني واكون شبعت ومتعبكيش
نهال بضيق : انت اللي مزعلني و انا اللي اصالحك ؟
ادهم مسك ايدها باسها برقه : حقك عليا انا عارف ان اتأخرت بس والله الوقت اخدني و مطعم الكُشري كان زحمه جدا علي ما عرفت اجيبلك
نهال بصتله وقالت : انا بخاف افضل لوحدي وانا استنيتك كتير ومفيش معايا رصيد ارنلك وانت قافل نت القلق موتني عليك
ادهم قرب من خدها وباسها بحنان : والله اوعدك ان هحاول لو خرجت متأخرش تاني بس افردي وشك كدا واضحكي
نهال ابتسمت وقالت : علي فكره انا عملت كيكة بالشكولاته وسبتلك حته جوا اعملك كوباية شاي واحيبلك الكيكه ؟
ادهم ببتسامه : بتهزري عملتي كيكه ايه الروعه والتحفه والشطاره دي متأكد انها هتكون خطيره قومي تعالي معايا هنعمل شاي وناكل سوا
نهال ضحكت : ايه التشجيع القمر دا يولاد ” وقامت معاه ” بالله هتاكل صوابعك وراها من جمالها هتقولي كل يوم اعمليلي كيكه بالشكولاته
” ادهم ضحك وراحو علي المطبخ ، نهال شغلت الكاتل علي الشاي وادهم داق الكيكه ”
ادهم ببتسامه : لاء بجد والله مش اڤوره الكيكه تحفه تسلم ايدك
نهال : اول ما انت مشيت جت نوال قعدت معايا وعملنا كيكه نزلت لمامتك وسبتلنا دي
ادهم قوب من راسها وباسها : جميله وتحفه تسلم ايدك نزلتي قعدتي تحت بعد ما انا مشيت ؟
نهال سندت علي الحوض بضهرها : ايوا نزلت ومعايا الكيكه غسلت المواعين وفضلت قاعده لحد ما مامتك نامت طلعت البرنده استناك
ادهم بصلها وهو مبتسم : شوفتي الكيس اللي فيه الكُشري ولا لاء ؟
نهال هزت راسها : لسه مشوفتوش بس اشمعنا
ادهم : جايبلك حجات حلوه كمان روحي شوفيها علي ما اجيب الشاي واجيلك بس تعالي نقعد في الركنه هنا
” نهال هزت راسها بالموافقه وراحت علي الاوضه تشوف ايه الموجود في الكيس بصت علي للحاجه بصمت كبير واخدت الكيس وراحت علي المطبخ ”
ادهم ببتسامه : عجبتك ؟
نهال : ايه معني الهديه دي يا ادهم
ادهم بتنهيده :…………
“” انتظرو القادم “”
” جوازة صالونات “
” البارت الثالث عشر “
” الكاتبه ندي علي حبيب ”
” نهال دخلت المطبخ علي ادهم وفي ايدها علبة اختبار الحمل “
نهال رفعت العلبه قدام ادهم وقالت بستفسار : ايه دي يا ادهم ؟
ادهم بص للعلبه وبصلها ببتسامه : دا اختبار حمل … انا عايز طفل منك يا نهال
نهال غمضت عيونها بضيق : عايز طفل علشان ولدتك قالتلك مراتك لازم تحمل قبل ما تسافر ف انت طبعا مينفعش ترفض طلب ولدتك اللي هو اخص حاجه بينا اصلا صح ؟
ادهم اضايق جدا من كلامها وقال بهدوء عكس حالته : اولا مكنتش اعرف انك من النوع اللي بيبني قصص وروايات في دماغه ثانيا انا فعلا عايز اخلف منك بإرادتي انا مش عيل صغير قدامك علشان اسمع كلام امي والا كنت وافقت تاخدك لدكتور عادي لكن انتي شوفتي انا وقفت قصادها ازاي ثالثا بقا ودا الاهم انا بعاملك بما يرضي الله ف بلاش تطلعي اسوء ما في الواحد بكلامك وخدي بالك من كلامك بعد كدا علشان متزعليش مني ” وسابلها المطبخ وخرج البلكونه ”
” نهال الدموع اتجمعت في عيونها وسندت ضهرها علي رخامة المطبخ وبصت في ايدها علي اختبار الحمل ، محدش قادر يفهم انها مش هتقدر تشيل مسؤلية طفل دلوقتي دا هي يدوب بتحاول تتأقلم علي ان اصبح في حياتها راجل محدش مقدر ظروفها نهائي ”
نهال مسحت دموعها بهدوء : انا هروح اتكلم معاه بكل صراحه واكيد هيفهم وجهة نظري ” وراحت علي اوضة النوم ودخلت علي البلكونه ، كان غدهم قاعد علي كرسي بيدخن وضهره ليها ”
ادهم حس انها هتتكلم فقال : صدقني مش عايز اسمع اي كلام محتاج اهدي بعدين نتكلم ادخلي نامي الوقت اتأخر
نهال شدت كرسي وقعدت قدامه بكل هدوء وشجاعه : الكلام لما بيتأخر المعني بتاعه بينتهي مبيبقاش ليه لازمه مدام احنا في الموقف يبقي نحكي كل اللي جوانا سواء كان هيزعلنا او هيفرحنا وانا دلوقتي عندي كلام محتاجه منك تفهمني قبل ما تسمعني ممكن ؟
ادهم دخن اخر نفس في السجاره وطفاها وربع ايده وقال بهدوء : اتفضلي سامعك
نهال بتنهيده : دلوقتي احنا متجوزين مكملناش اسبوع انا لسه بتأقلم علي الحياه الزوجيه وانت كمان نفس الوضع انت بعد فتره هتسيبني وهتسافر علشان شغلك وانا هتلهي في الكليه والمذاكره تقدر تقولي لو حصل حمل انا هقدر اروح كل يوم الكليه من هنا للمنصوره واجي طيب تقدر تقولي انا ازاي هتحمل مسؤلية طفل لوحدي وانت مش موجود معايا ؟
ادهم ادرك معني كلامها ولاقي ان معاها حق بس برضو جواه جزء مش مقتنع فقال : طيب ما هو انا بعد سنه او اتنين او عشره انا برضو هاجي اجازه وهيحصل حمل وهرجع اسافر وهتبقي مسؤله عن طفل لوحدك
نهال مسكت ايده وقالت : ماشي بس بعد سنه او اتنين هكون كبرت شويه وهكون خلصت كليه وقتها هبقي جاهزه ومؤهله ان اربي طفل واشيل مسؤلية بيت كامل يا ادهم فاهمني
ادهم بصلها شويه وبعدين قال : نهال انتي عايزه تاخدي وسيله لمنع الحمل ؟
نهال رجعت شعرها ورا ودنها وقالت : معرفش يا ادهم معرفش فعلا المهم ان انا عايزه هدنه اجنع فيها نفسي وبعدين نفكر في موضوع الحمل دا
ادهم اتنهد وقال بحنان : انتي مأخدتيش منع حمل من اول الجواز يعني ممكن تكوني حامل اصلا انا معاكي وهعمل اللي يريحك واللي يحسسك انك مبسوطه بس كل اللي اطلبه منك دلوقتي ادخلي اعملي الاختبار نشوف الاول ان كان في حمل ولا لاء بعدين نتكلم في الباقي
” نهال كلام ادهم طمنها ابتسمت وقامت اخدت الاختبار وراحت علي الحمام تعمله ، جواها خوف وتوتر من انها تكون حامل هي مش هتزعل بس هتضغط جامد غمضت عيونها واستنت شويه وبصت في الاختبار وكان سلبي ”
نهال بتنهيده : يا الله الف حمد وشكر ليك ” وخرجت بفرحه لادهم ” ادهم الاختبار سلبي
” ادهم بص لفرحتها بزعل كبير جواه حاول يداريه ببتسامه كدابه ، معقول فرحانه كل الفرح دا انها مش حامل ، ادرك انه فعلا معاها حق في تأخير الحمل لفتره يشوف هل الجواز دا هينجح ولا الوضع هيبقي ايه ”
ادهم ببتسامه عكس الحزن اللي جواه : طب كويس شوفي عايزه تعملي ايه وانا معاكي عايزه تركبي وسيله تمام عايزه تاخدي حبوب برضو تمام مش عيزاني اقربلك خالص برضو تمام انا معاكي وزي ما تحبي يا نهال
نهال حست ان ادهم زعلان فقالت بقلق : انت زعلان مني ؟
ادهم ابتسم اكتر وبصلها بهدوء : لاء والله خالص هزعل منك ليه يقمر انا بس حاسس ان مرهق وعايز انام
نهال ببتسامه : طيب والكُشري مين اللي هياكله معايا وما وراء الطبيعيه مين اللي هيسمعه معايا برضو ؟
ادهم ضحك بخفه وقام حط ايده علي كتفها وباس راسها : والله ما هزعلك هو النوم هيطير ناكل الكُشري ونسمع وما وراء الطبيعيه ساعتين ارهاق كمان ميضروش يعني
” نهال ابتسمت بحب ودخلت معاه علي الركنه اللي فيها الشاشه وقعدو سوا ياكلو الكُشري ويسمعو المسلسل ”
نهال بصت علي طبق ادهم : ادهم هات ادوق حته من الكُشري بتاعك
ادهم مد ايده بطبق وقال بغمزه : الطبق وصاحب الطبق تحت امرك يا جميل
” نهال ابتسمت بخجل وكملو اكل ، نهال بصت لأدهم اللي اندمج مع المسلسل قد ايه هو متفهم وحنين سَوي ومش غلاط عقله كبير بيعرف يحتويها ويفهمها بالمعني العربي يتحب فعلا ”
نهال وهي بصاله قالت بكل تلقائيه : ادهم هات بوسه
ادهم بصلها برفع حاجب : كله الا الشرف يا نهال متتعديش حدودك لو سمحتي بوسه واحده متنفعش لو بوسه وحاجه معاها موافق
” نهال اتكسفت جدا علشان هي مفكره انها بتتكلن في سرها وجت تسيبه وتقوم ادهم شدها وقرب منها وباسها بكل حب ”
ادهم ببتسامه : مسموحلك في اي وقت واي مكان انك تعملي اكتر من كدا ” وبصلها بكل حب وقال ” حقيقي محظوظ بيكي جدا
” نهال نامت علي كتفه بحب ، صدق اللي قال الحب افعال ادهم عمره ما قال لنهال كلمة بحبك بس نهال ديما حساها بأفعاله معاها ، ادهم حبيبها وشريها ”
…………………………………..
” نهار يوم جديد من ايام الشتاء البارده والممطره ، نوال قامت من النوم بخضه علي صوت رزع باب الحمام ”
نوال بنعوسه : بسم الله فيه ايه علي الصبح ايه الرزع دا
صلاح طلع من الحمام بصلها : الهوا شديد رزع الباب المهم قومي علشان امي خبطت علينا مرتين
نوال غمضت عينها وقامت بهدوء : طيب تمام هتفطر هنا ولا تحت ؟
صلاح بصلها من فوق لتحت بستغراب : انتي نايمه بكل الهدوم دي ازاي الجو برد برا بس مش برد جوا الشقه
نوال قالت بتهرب : عادي كنت بردانه ولبست هدوم تقيله مش اكتر ولا دا ممنوع من ضمن ممنوعاتك ؟
صلاح ركز في شكلها وقال : اهتمي بنفسك شويه يا نوال ولا بنسبالك عدي علي جوازنا وقت ف خلاص
نوال بستغراب : مش فاهمه اهتم بنفسي ازاي هو انا فيا حاجه وانا مش واخده بالي منها ؟
صلاح : وشك مليان شعر اييه مش واخده بالك بقرف جدا من الشعر ومش حابب منظرك كدا واخد بالي بقالي فتره ومش راضي احرجك واقول هتحس من نفسها لكن الظاهر الاحساس انعدم وسط باقي الحجات اللي انعدمت بينا
نوال بغضب : وميين السبب في ان الحياه تنعدم بينا مش انت مين السبب في ان بقيت بكرهه وجوزك معايا في نفس المكان مش انتت مين السبب في ان بقيت بتفر من قربك ليااااا
صلاح بغضب اكبر : انتي السبب في كل حاجه الزوجه الناجحه اللي تقدر تحاوط جوزها مش تمنع نفسها عنده لو عايزك وعز جلاله الله ما في قوه علي الارض تشيلني عنك بس حقيقي منظرك مش شاددني خالص
نوال بسخريه : الزوجه الناجحه الزوجه الناجحه الزوجه الناجحه فيييين بقا دور الزوج الناجح هاا فين ” وقالت بدموع وحسره ” كل شيئ مبادل جميييل يعني اهتمام بإهتمام حُب بحُب قسوه بقسوه للمره المليون بقولها اللي مصبرني علي العيشه معاك بنتي لولاها كان زماني مشيت من بدري حياتنا وحشه ومش حباها انا محتاجه واحد بياخد قرارته بنفسه واخد كرامة مراته من كرامته
صلاح بصلها بعدم فهم : انتي ايييه اللي ناقصك علشان الافلام اللي طول النهار بتقوليها دي هاااا ردي ايه اللي ناقصك مش فااااهمك
نوال مسحت دموعها وقالت : ناقصني كل حاجه ناقصني ان اسمع كلمه حلوه من جوزي اشوفه بيبتسم ليا علي حاجه عملتها علشانه اشوفه واقف بيدافع عني قدام اي حد بيجرحني بكلمه اشوف في عيونه ان فارقه معاه محتاجه حضن اترمي فيه اخر اليوم اشكيله اللي مزعلني محتاجه احس بحنانك اللي عمري في حياتي ما حسيته
صلاح بضيق : نواااال احنا يماا عايزين نعيش علشان نزبي البت انا لا انا فاضي اطبطب ولا ادادي خليكي عاقله عن كدا شويه يلاا انا نازل متتأخريش ” وسابها ونزل علي تحت بكل برود ”
” نوال ابتسمت بسخريه ، الكلام مش جديد الموقف مش جديد الرد مش جديد كل حاجه حصلت دلوقتي حصلت بدل المره مليون مره “
نوال : بالله مصدمه من كلامه ليه دا المفروض اكون اتعودت واخدت مناعه واحد بليد معندوش احساس ضيع شبابي وانوثتي معاه
” وبصت علي نفسها في المرايا بحسره ، ورده دبلانه وسط شوق ، معقول هي دي نوال اللي الكُل كان بيحلف بجمالها وحلاوتها ، فكت شعرها الناعم وسابته نزل علي ضهرها وابتسمت بحسره ودموعها نازله ”
نوال بدموع : جميل بس محتاج اهتمام شبهي بالضبط ” وراحت علي المطبخ وجابت مقص ورجعت الاوضه وقصيته لحد رقابتها ودموعها نازله ” كدا احلي اهو علي الاقل يكون مبقاش فيا حاجه تشده خالص ” وجابت كيس وحطت الشعر فيه ورميته في الزباله ”
سلوي بصوت عالي من تحت : نواااااااال نموسيتك كُحلي يا الدلعدي
نوال بسخريه : ربنا ياخدني وترتاحي مني خالص ياستي
……………………………….
” ادهم فاق من نومه وهو حاسس بتقل علي كتفه ووجع في رقابته رهيب ، حرك رقابته بوجع وبص علي كتفه كانت نهال نايمه علي كتفه وهما لسه مكانهم في الركنه والتلفزيون شغال ابتسم علي شكلهم واتحرك ”
نهال قلقت وفتحت عينها : صبااح الخير ” واتاوبت وبصت حواليها ” احنا ايه اللي جابنا هنا ؟
ادهم ببتسامه : علي ما اعتقد نمنا مكانا امبارح بس ازاي فعلا مش عارف وحاليا حاسس ان رقابتي ملوحه
نهال بعدت عن كتفه وقالت : في مرهم معايا هدهنلك منه وهتبقي زي الفل ان شاء الله رقابتك وجعتك علشان نمت غلط بس
ادهم بيحرك رقابته بوجع : رقابتي زي ما يكون فيها مسمار هتعرفي تدهنيهالي حلو ؟
نهال بحماس : هروح اجيب المرهم وهرجع ابهرك ” ودخلت الاوضه جابت المرهم ورجعتله ” الوجع فين بالضبط ؟
ادهم بصلها : الوجع في رقابتي كلها دلكي انتي بس
” نهال قعدت قدامه علي ركبتها وفتحت علبه المرهم ودهنت علي رقابته براحه بعدين بدأت تدلكها ، ملمس ايدها علي رقبة ادهم متوهه مخليه مش حابب انها تكمل بس في نفس الوقت هو بيتمني قربها حتي لو دقايق ”
ادهم مسك ايدها وقال بتوهان : كفايه
نهال بصتله بستغراب : انا مدلكتش كويس يا ادهم انا عارفه انها بتوجعك بس اصبر بس دقيقتين يكون حتي التدليك جاب فايده
ادهم ابتسم : والله انا كويس تسلم ايدك محتاج منك دلوقتي كوباية قهوه ممكن ؟
نهال استسلمت وقالت ببتسامه : هعملك قهوه عيوني بس الفطار قبل بعدين اشرب زي ما انت عايز
ادهم هز راسه بموافقه : تمام جهزي فطار وانا هدخل اخد شور ” وفعلا قام دخل الحمام ياخد شور لكن عقله مشتت جدا بيفكر هل جوازه من نهال كانت خطوه صح هو اخدها ولا خطوه غلط وهيبدء يدفع تمنها ”
نهال واقفه في المطبخ بتجهز الفطار والفون علي ودنها بتكلم امها : يعني تغريد رافضه العرسان ليه ما تقعدي معاها افهمي منها
زينب : نجوي شغاله ندابه من ساعة ما تغريد قالت لجدك مش عايزه اتجوز بيني وبينك العريس اللي جاي زي القمر حسب ونسب بس منعرفش البت دي مالها بقا
نهال بتنهيده : سيبوها علي راحتها مقتولين علي جوازها ليه هي اللي بتتجوز بتزيد رِجل يعني ؟
زينب اندهشت من كلامها بعدين قالت بحكمه : لاء بتزيد ضهر وسند وراجل تعتمد عليه
نهال ضحكت : ماشي يا ست الفيلسوفه انا هقفل افطر وارتب الشقه وهرنلك تاني ومتقلقيش هكلم تغريد افهم منها مالها
زينب : ماشي ولو احتاجتي حاجه اتصلي عليا ” وقفلت معاها ”
” نهال سابت الفون وبدأت تخلص الفطار ، ادهم جيه وقف جنبه وبدء ياكل من الخيار اللي هي مقطعاه ”
نهال سابت السكينه وبصتله برفع حاجب : زوجي العزيز نقيت شوية الخيار اللي في السلطه
ادهم بستغراب : اوك فين المشكله مش فاهم ؟
نهال : مبحبش كدا اصبر اخلص وكُل براحتك لكن تاخد من الطبق وانا بقطع الحركه دي بتجرح مشاعري
ادهم ضحك بدهشه : هي وصلت لجرح المشاعر ” ولسه هيكمل كلام الجرس رن ” ثواني هفتح واجيلك
ادهم راح فتح الباب كانت جميله بنت خالته في وشه : ازيك يجميله عامله ايه يقمر
جميله ابتسمتله وحضنته : الحمدالله يا ادهم انت عامل ايه يحبيبي
” نهال طلعت من المطبخ بصتلهم ونقلت عيونها بين ادهم وجميله اللي في حضنه اضايقت جدا من المنظر “
نهال بغيره : احم ازيك يجميله عامله ايه ” وراحت بعدت ادهم عنها بعنف وحضنتها ” ادخلي يعسل واقفه علي الباب ليه ؟
جميله بصتلها : الف مبروك علي الجواز والله كنت عايزه اجي اقعد معاكي شويه بس كان عندي امتحانات ومشغوله المهم خالتي بتقولك انزلي ليها تحت عيزاكي
نهال ببتسامه : خلاص ماشي هنفطر بس وهنزلها تعالي اقعدي شويه جوا معقول تجيلي وتقفي علي الباب كدا ؟
جميله : معلش وقت تاني هجيلك يلا سلام ” ونزلت علي تحت ونهال قفلت الباب وبصت لأدهم وابتسامتها اختفت ”
ادهم بستغراب : مالك يا بت في ايه بتبصيلي كدا ليه ؟
نهال بغيره : انت عملتلي حوار علشان احمد طلع اخد البطانيه من فوق الدولاب ونزل وحضرتك نازل احضان في بنت خالتك
ادهم : انا مش نازل احضان في حد انا اتفاجأت انها بتحضني رغم انها عمرها ما حصلت والله
” نهال بصتله وسابته ودخلت علي المطبخ من غير ولا كلمه ، ادهم استغرب تصرفها دخل وراها علي المطبخ ”
ادهم بضيق : هو كلامي بنسبالك ملوش فيمه علشان حضرتك تسمعي وتمشي من غير رد ؟
نهال من غير ما تبصله : لو كان عندي رد كنت رديت عليك لكن هقولك ايه ؟
ادهم مسكها من دراعها علشان تبصله : نهااال لما اكلمك بصيلي وردي كويس وبإسلوب حلو
نهال نفضت دراعها من ايده بغضب: انت عااايز مني اييه انا مش عايزه اتكلم معااك اصلا ولا طايقه اشوفك ولا اسمع صوتك فاااهم
ادهم بصلها بكل صدمه وعدم استوعاب في كُل اللي سمعه :
“” انتظرو القادم “”
” جوازة صالونات “
” البارت الرابع عشر ”
” الكاتبه ندي علي حبيب ”
” نهال ادركت كلامها وهي مصدومه ازاي قالتله كدا وجرحته بكلام ، رفعت وشها لادهم اللي باصص عليها بصمت مُرعب بنسبالها ”
نهال بتردد : ادهم انا مقصدش الكلام اللي قولته انا بس اضايقت لما لقيتك بتحضن جميله
” ادهم جواه حزن مخلوط بوجع لكن مش مبينه ، متخيلش منها ان جواها كل الرفض والكرهه دا ”
ادهم بتنهيده : نهال انا مُدرك كُل الادراك اننا جوازتنا مش عن حُب ومُدرك برضو ان مكنش فيه فتره خطوبه نلحق نعجب ببعض علي الاقل وعارف ومتأكد ان مفيش في قلبك حُب ليا لكن هل من يوم ما دخلت بيتكم لحد وقتنا هذا شوفتي مني حاجه وحشه ؟
” ادهم انتظر رد من نهال علي كلامه لكن هي باصه في الارض مدمعه مبتردش ”
ادهم مسح وشه بإيده الاتنين وقال بهدوء : انا مش بسألك علشان تسكتي ولا بقولك الكلام دا علشان تحسي بندم من كلامك انا اتجوزتك كُل اللي كنت منتظهره منك حياه هاديه الواحد يحبها ويرتاح فيها حياه من غير وش وزن ومشاكل والحمدالله لحد الان كل حاجه بتمر بنقدر عليها لكن سؤالي هنا هل انتي شوفتي مني حاجه وحشه ضايقتك مني ردي يمكن اكون مش واخد بالي فعلا
نهال دموعها نزلت وقالت بخنقه : مشوفتش منك غير كُل خير مشوفتش حد في حِنيتك انا اللي اندفعت بكلام حقك عليا انا اسفه
ادهم مسح دموعها وقال بحنان : مش منتظر اسفك ولا منتظر ندمك انا بفهمك ان حابب يكون بينا موده عارفه لو فيه موده ورحمه وقابليه دول بنسبالي اهم من الحب
نهال بصتله وقال بخنقه : انا متقبله العيشه معاك وحباها والله بس معرفش الكلام دا قولته ازاي ولا اعرف طلع مني ازاي حقك عليا انا اسفه تاني
ادهم باس دماغها بحب : وانا قابل اسفك وكل مره هتغلطي فيها وتعترفي بغلطك اوعدك ان مش هعتبره غلط حصل خير يا نوله
” نهال بصتله وهي مش مصدقه واحد غير ادهم لو سمع الكلام اللي هي قالته دا من مراته اقل واجب كان طردها عند اهلها ، لكن ادهم اتناقش معاها بهدوء احتواها حتي في اعز ما هي غلطانه “
نهال تلقائي لقت نفسها بتترمي في حضن ادهم بتضمه بقوه : بشكر الصدفه والايام اللي جمعتني بيك بشكر الحظ اللي وقعك ووقعني في طريق بعض بشكر ربنا انه بعتلي حد بالحنيه والتفهم والعقل دا حقيقي انا محظوظه بوجودك في حياتي يا ادهم
” ادهم من فرحته بكلامها حضنها بقوه لدرجة ان نهال كحت بصوت عالي ”
ادهم ابتسم بقوه وبصلها : كلامك دا لو قولتلك ان عمري ما كنت اتخيل ان اسمعه منك مش هتصدقي
نهال ابتسمت بخجل وقالت : تستاهل اكتر من كدا مليون مره انت احن من ايامي عليا يا ادهم تعرف مستحيل كنت اتخيل ان اتجوز دلوقتي
ادهم : اشمعنا بقا ايه اللي كان مخليكي متأكده كدا ؟
نهال ربعت ايدها وسندت ضهرها علي الرخامه وقالت : انا واحده نايمه طول النهار مبعرفش اطلخ مبعرفش اغسل مليش في شغل البيت بمعني اصح ومحاولتش ان يبقي ليا واحده اقصي طموحاتها تلحق المواصلات بتاعت الكليه الجواز كان اخر قرار ممكن ان افكر فيه
ادهم بستماع : طيب ليه رابطه شغل البيت بالحياة الزوجيه الجواز مش اكل وشرب بالعكس في حجات اهم لازم
نهال بصتله وقالت : الجواز مش مربوط بالاكل والشرب اوكي بس الاكل والشرب رُكن اساسي ومهم في اي بيت يعني احنا دلوقتي عرسان ف بناكل تحت والدنيا ماشيه لكن اكيد هيجي وقت وتحتاج تدوق اكلي وقتها هعمل ايه
ادهم ببتسامه : تتعلمي لان انا ناوي لما اسافر وارجع اجازه ان شاء الله نتقسم وناكل في شقتنا نكون مستقلين بنفسنا وبحياتنا نعرف نمشيها بمزاجنا مش كل ساعه الباب يخبط علينا مش حابب الوضع كدا
نهال ابتسمت وقالت : انا نفسي اعملك حاجه تفرحك بس مش عارفه ايه هي ممكن تساعدني وتقولي محتاج ايه ؟
ادهم حط ايده علي وسطها وضمها لصدره وقال بهمس : محتاجك انتي .. انتي الحاجه الوحيده اللي ممكن تفرحني وانتي برضو الحاجه الوحيده اللي ممكن تزعلني
نهال بدلته الحضن وهي مستمتعه بالدفي اللي حاسه بيه : اوعدك ان هحاول اكون مصدر يسعدك ديما علي قد ما اقدر يا ادهم
………………………………..
” نوال قاعده علي الكنبه اللي في الصاله علي فونها ومبتسمه علي فيديو بتتفرج عليه ”
صلاح دخل من باب البيت بصلها : اهو دا اللي فالحه فيه ليل نهار قاعده علي المخروب بلا فايده
نوال اول ما سمعت صوته ابتسامتها راحت وبصتله : والله اللي انت شايفه اهو حاجه تسليني بدل الموته اللي بالحياا اللي انا عايشه معاك فيها دي
سلوي طلعت من المطبخ وقالتلها بغضب : دا رد ترديه علي جوزك ولا دا الاحترام والادب اللي اهلك علموه ليكي
نوال حست انها هتنفجر منهم فقالت وهي بتمثل الهدوء : لو سمحتي انا بتكلم مع جوزي متدخليش بينا كلامك مش بيهدي كلامك بيزيد النار بيناا
صلاح مسك دراعها وقال بغضب : لمي الدور ولمي لسانك بدل ما اقطعهولك ومعتش عايد كلامي
نوال نفضت ايدها منه وقالت بغضب : ابعد ايدك عني متلمسنيش
سلوي بصتلها بغضب : ارفعي ايدك واضربيه بالكف يابت اخص عليك وعلي تربيتك
نوال بصتلها وقالت بجنون : انا بستحمل منكم كل حااجه من افتري وظلم بس انك تغلطي فياا دي مش هستحملها لو علي التربيه ف انا متربيه احسن تربيه وطالعه من بيت شبعان الحمدالله احب اقولك ان انا ولا طايقه ابنك ولا طايقه حد هنا ولولا بنتي اقسملك بالله ما كنت هقعد دقيقه واحده في البيت دا
” نوال كانت بتتكلم بصوت عالي جدا لدرجة ان وشها احمر من شدة الغضب بتتكلم بنهيار ”
نوال بحرقه : الانسان عنده طاقه لو نفذت مبيبقاش علي حد زعلانه ان بقول ان مش طايقه ابنك مااا هو بسببك
” صلاح حس ان نوال روحها بتطلع مع كلامها هي انفجرت وطلعت كل اللي جواها وهما السبب في دا برضو ”
صلاح مسك ايدها وبصلها بهدوء وقلق : نوال ممكن تهدي لو سمحتي
نوال نضفت ايده بقوه : ابعد ايدك عني متلمسنيش خليك ديما بعيد وخليك ديما نقع فيا بالكلام بس خد بالك انا مبقتش باقيه ولا عليك ولا علي اهلك ولا علي بنتي وبالعربي كدا طلقني ولو هشتغل خدامه واصرف علي نفسي وعلي بنتي اريح واروق من العيشه معاكم ميت مره
سلوي بغضب : انتي مفكره نفسك بنت مين دا انتي ….
صلاح بمقاطعه : امااااا خلصنا اسكتييي ” وبص لنوال بهدوء ” تعالي نتكلم لوحدنا شويه ينوال
نوال برفض تام : مش هتحرك من مكاني غير علي برا البيت واوعدك ان السجن دا عمري ما هاجي نحيته تاني كفايه التعب النفسي اللي حصلي بسببكم انا طلبي بسيط انا عايزه اطلق مش عايزه اكمل معاك
” صلاح مصدوم من نوال اللي قدامه دي مش نوال ، نوال بنسباله شخصيه ضعيفه بترضي بالي بيتقدم ليها وبس لكن اللي قدامه دي شخصيه تعبت من الكل شخصيه كل اللي هي عيزاه تبعد عنهم ”
صلاح بصدمه : عايزه تطلقي يا نوال عمري ما كنت اتخيل انك تقوليها في يوم من الايام
نوال بسخريه : اقولك ليه علشان سيادتك ضامن وجودي ضامن ان مليش مكان اروحه وان اهلي ناس غلابه هروح ازود الغلب عليهم ف مش متخيل ان ممكن اطلب الطلاق ف سايق فيها اوي لكن اقسملك بربي لو هعيش في الشارع ما هفضل معاك دقيقه كمان
” صلاح مركز علي ملامحها المنهاره ادرك ان نوال راحت منه ومهما عمل مستحيل ترجعله ”
صلاح بهدوء : نوال ممكن تهدي صدقيني كل حاجه هتتصلح بس اهدي وخلينا نتكلم بعقل
سلوي بغضب : انزل بوس رجلها يولاا خليها تسوق فيها اكتر واكتر قوووم معايا نروح لاهلها نرد عليهم وهما يتصرفو معاها
نوال غمضت عينها وبصت لصلاح بسخريه : بيقولك اي معادله ب ٣ كسبان فيها واحد وامك اللي كسبت وانا وانت خسرنا وضيف بنتك في النص انا لو قعدت معاكم يوم كمان هطلع من هنا علي التُربه اللي هدفن فيها ف لو سمحت سيبني براحتي ” وطلعت جري علي شقتها وهي حاسه براحه كبيره انها هتسيب البيت وتمشي ”
سلوي طبطبت علي ضهر صلاح وقالت : ولا تضايق نفسك يقلب امك قوم معايا نروح نرد علي اهلها ونغرفهم قلة ادبهم دي قووم
صلاح بسخريه : اروح ارد علي اهلها اقولهم ايه معلش اصل انا تعبت بنتكم نفسيا لدرجة انها بتتمني الموت ولا انها تفضل معايا اروح لأهلها اقولهم ايه يماا
سلوي بعدت ايدها عنه وقالت : طيب انتو ايه اللي وصلكم لكدا يبني دا البت نوال غلبانه وكان نفسها تعيش وراضيه بأي حاجه ايه اللي حصل
” صلاح ابتسم بعدم تصديق وسكت معقول هي مش عارفه انها السبب في كل اللي بيحصل ولا عارفه وبتستعبط ”
…………………………..
” في شقة ادهم ونهال ”
” ادهم واقف في البلكونه بيشرب سجاره ، نهال دهلت وفي ايدها كوباية القهوه اللي طلبها ”
نهال حطت القهوه علي السُور : قهوه وسجاير قهوه وسجاير والله العظبم حرام عليك صحتك مووت بس ببطئ
ادهم داق القهوه وابتسم : تسلم ايدك يا نوله بعدين ياستي الواحد عايش لحد ما تيجي ساعته وكُلنا هنموت محدش هيموت ناقص عُمر
نهال : بعيد الشر عنك اسكت المهم عايزه اسألك سؤال
ادهم شرب شويه من القهوه وهز راسه : اسألي
نهال بتردد : مثلا مثلا لو كانو قعدوك مع تغريد كنت هتوافق تتجوزها ؟
ادهم ابتسم : بصي بصراحه لو كنت قعدت معاها كنت اه هوافق ليه بقااا هقولك اصل انا جاي اشوفها وهقرء فاتحه ف مفيش وقت للرفض ” وبصلها وقال بحب ” بس وقت لما شوفتك اتمنيتك انتي رغم ان كنت متأكد انك مش العروسه
نهال ببتسامه : كنت عارف منين ان مش العروسه ؟
ادهم : انتي داخله مبتسمه بفرحه لبنت عمك مفيش عندك توتر العروسه ولا خجلها اللي بيكون اوڤر ف كان واضح انك مش العروسه
نهال ضحكت : بدأت احس بشعور العروسه لما طلعنا روحنا قعدنا في البلكونه مع بعض وقتها حسيت بالتوتر وقلق العروسه اصل انا اتفاجأت العروسه تغريد فجأه انا اللي لبست الدبل بدلها
ادهم ضحك : عايزه الجد انا اول ما شوفت تغريد حمدت ربنا ان اخدتك انتي
نهال ضحكت وخبطته في كتفه : اخص عليك يا ادهم دا تغريد عسل بعدين انا كنت فاكره ان هلم من وراك الهدوم اللي هترميها في كل مكان لكن لقيت العكس انت منظم بشكل حلو اوي ابن ناس كدا بتعلق هدومك وبتنضف وراك انسان راقي يعني
ادهم : بقرف من كل حاجه في الدنيا يعني ان ابوسك ومقرفش دا يعرفك انك في مكانه عظيمه عندي
نهال اتكسفت وضربت كتفه بقوه : اتلممم يا ادهم انت كل كلامك سافل كدا
ادهم بضحك : فين السفاله في كدا يبنتي مش بفهمك بعدين انتي لسه بتتكسفي مني والله العظيم دا عيب في حقي
” نهال ابتسمت وبصت في الشارع وفي بالها هتلاقي منظر الخضره وجمال الطبيعه والهوا النضيف ، لكن الواقع الجو مغيم والشارع طين من شدة المطر ”
نهال ضحكت : حقيقي الواحد لو ساب نفسه لخياله مش هينجي ابدا من الواقع المؤلم
ادهم فهم تفكيرها وضحك : نهال ما هو انتي برضو اللي خيالك واسع انتي متجوزه في عزبه مش في لندن دا اقصي مشوار في العزبه هنا تروحي تشربي عصير قصب علي الكوبري وتيجي
نهال ابتسمت وقالت : طب تعالي ندخل جوا علشان انا تلجت ” وفعلا دخلو جوا ” هاا نكمل ما وراء الطبيعه ولا سابع جار
ادهم فنح الشاشه وقعد علي الكنبه ورفع رجله سندها علي الطربيزه وفتح دراعه لنهال تنام في حضنه : لاء نكمل سابع جار عايز اعرف عملو ايه في عريس دعاء
” نهال ضحكت وفعلا جابو المسلسل وسمعوه مع بعض في جو من الدفاا والحنان وراحه البال ”
…………………………………..
” نوال اخدت بنتها ونزلت من البيت وهي جواها فرحه ملهاش حدود ماسكه شنطتها في ايده ”
غزل بصتلها : ماما هنروح فين وبابا مش جاي معانا ليه
نوال ببتسامه : هنروح نقعد عند جدو وتيتا
غزل وقفت مشي وقالت بضيق : بس انا مش عايزه اروح عند حد انا عايزه اقعد في بيتنا عند بابا روحي انتي وانا هفضل ” وطلعت تجري علي صلاح اللي واقف بيبص عليهم بحسره ”
” نوال بصت عليها وهي بتجري علي ابوها اللي اخدها في حضنه ومبقتش عارفه تاخد قرار تمشي وتسيبها ولا ترجع الجحيم اللي عايشه فيه ”
“” انتظرو القادم “”
“جوازة صالونات “
” البارت الخامس عشر “
” الكاتبه ندي حبيب “
“نوال نزلت من شقتها ومعاها شنطة هدومها ، كان صلاح وسالم وسلوي قاعدين في البرنده والصمت مسيطر علي الموقف ، صلاح قاعد مصدوم ومش مصدق ان نوال بضيع منه او تقريبا هي ضاعت اصلا ”
نوال نزلت وبصت عليهم وقالت بهدوء : يلا يا غزل علشان نمشي
صلاح وقف وبصلها بلهفه : نوال متخربيش علي نفسك عيشي لو علي الاقل علشان خاطر بنتك
نوال غمضت عيونها وقالت بتنهيده : يلاا يا غزل علشان نمشي
سلوي مسكت غزل وقالت لنوال بغضب : لو عايزه تمشي الباب يفوت جمل لكن البت مش طالعه من دار ابوها
نوال بصتلها وهي حسه ان طاقتها خلاص خلصت خالص : حرام عليكي اللي بتعمليه دا هتتسألي علي دا كله عايزه تحرميني من بنتي وهي اصلا من حقي
سلوي بلوية بوز : بتدوري علي حقك ومش حقك من دلوقتي بس روحي يما شوفي دار مين اللي هتاويكي وبعدين ابقي تعالي خدي بنتك
نوال بصت لصلاح بكسره انه حتي محاولش يدافع عنها لو للمره الاخيره حتي وقالت بتنهيده : لو سمحت خليها تديني بنتي وانا اوعدكم ان هحافظ عليها زي عيني
سالم طبطب علي ضهرها بحنيه : اعقلي يا نوال وبلاش خراب البيوب يا بنتي ولمي بنتك وجوزك وعيشي ابوكي راجل علي قد حاله هتروحي انتي كمان تزوديها عليه !
نوال بكسره : كل حاجه ليها رزق يبا سالم وربنا مبينساش حد انا مش طالبه حاجه منكم غير بنتي وحياة عيالك ما تحرمني منها
سالم بصلها بقاة حيله : ربنا ما يحرمك منها ابدا روحي ريحي اعصابك يومين عند اهلك وبعدين يحلها ربنا ” وبص لسلوي ” سيبي البت من ايدك يا سلوي تروح لامها
سلوي لسه هتعترض سالم اتكلم : من غير ولا كلمة
اعملي اللي سمعتيه ومسمعش حسك دا نهاائي
” نوال مسكت ايد بنتها وابتسمت لسالم بشكر واخدت شنطتها ونزلت من البيت وقفت اول توكتوك قابلها وركبت ومشيت ، كل ما بتبعد كل ما بترتاح زياده وبتحس انها بدأت تخطي في حياتها صح ”
سلوي بصت لسالم : انت بتصغرني قدام البت يا سالم تمشي كلمتها عليا وتاخد البت وتمشي
سالم : بس بقااا اسكتي دمرتي بيت ابنك بإيدك بأفعالك البايخه ولا سايبه اللي ماشي ماشي ولا سايبه اللي قاعد قاعد اقعدي احربي كمان وكمان لما الدار تفضي عليكي وتقعدي فيها براسك يا سلوي
سلوي بعصبيه : اوعااا لكلامك يا سالم بيت ابني مين اللي دمرته خوفي علي ابني وبيته يدمره ولا مراته هي اللي من يوم ما ادهم اتجوز وهي هتمووت من مراته
سالم بغضب : هش هش بطلي لبخ ولخبطه في الكلام تدخلك في حياتهم هو سبب دمار بيتهم والمتخلف ماشي وراكي مش يقول بيتي ومراتي وبنتي قبل نفسي بعدين الدنيا دي ” وبص لصلاح ” اقعد بقا يباا جنب امك خليها تبسطك ” وسابهم ونزل الشارع ”
سلوي بصت بصلاح الصامت : اوعاا تصدق كلام الراجل دا كبر وبدء يخرف
صلاح بشرود : يا تري هو اللي كبر وبيخرف ولا انا اللي كنت اعمي ومش شايف ان مراتي بتروح مني
” سلوي حست ان ابنها بدء يفكر في كلام ابوه اللي هي نفسها متعرفش هو صح ولا غلط ، هي كل تفكيرها انها بتحافظ علي ابنها وبيته لكن عمرها ما تفكر تخربه ابدا “
…………………………….
” ادهم قاعد مركز في المسلسل جدا وجنبه نوال اللي عماله تقرء في كتاب بكل تركيز ”
ادهم بصلها لما حس انها ساكته بقالها كتير : بتقرئي ايه وشدك اووي كدا ؟
نهال بصتله بتركيز وهي مبتسمه : يخربيتك يا ادهم شتت انتباهي في اهم جزء في الروايه كلهاا
ادهم ابتسم وقالها : حُب وكبرياء من احزن الروايات اللي قرأتها في اخر الروايه البطل هيموت
نهال بصتله بستغراب : انت تعرف الروايه ؟
ادهم هز راسه وهو بيتاوب : اعرفها كامله وهبقي احكيلك حكايتها بس دلوقتي عايزك تركزي معايا عايزك في كلمتين
نهال ركزت معاه : قول سمعاك
ادهم بهدوء : المفروض اسافر بعد ١٠ ايام من النهارده يا نهال
نهال قلبها اتقبض وبصتله بخضه : تسافر وانا هعمل ايه من غيرك ؟
ادهم مسك ايدها وباسها بحنان : هتقعدي هنا في بيتك وانا اوعدك ان مش هتأخر هرجعلك علطول
نهال الدموع بدأت تتكون في عيونها : علطول اللي هو امتي يا ادهم بعد سنه علي الاقل ؟
ادهم بتنهيده : غصب عني انا مسافر ليه مش علشان خاطرك وعلشان مخلكيش محتاجه لحاجه كان نفسي اقدم الاجازه اكتر لكن الدنيا ضايعه من غيري هناك
نهال شدت ايدها منه ومسحت وشها : ادهم انا هعيش هنا ازاي من غيرك انا مبعرفش اتعامل مع حد ولو اتعاملت وعكيت الدنيا بعتمد عليك انك هتصلح بعدي صدقني مش هعرف اتأقلم لوحدي مع اي حد هنا
ادهم قرب منها اكتر واخدها في حضنه وحرك ايده علي شعرها : ايه كل الزعل دا علي عيني ان هسيبك وامشي والله العظيم بس يشهد ربنا عليا انه مش بإيدي بعدين يا نهال العيله هنا زي اي عيله عاديه انتي مش متعوده عليهم علشان لسه نوعا ما عروسه لكن بعد فتره هتاخدي عليهم وتبقي واحده منهم وانا هكون معاكي لحظه بالحظه هتبقي بعيده عني اه بس هبقي معاكي علطول اوعدك
نهال ضميته اكتر وقالت : كنت مصدقه الجمله اللي بتقول ان البعيد عن العين بعيد عن القلب لكن دي اكبر كدبه حصلت الحقيقه ان البعيد عن العين اقرب حد قريب للقلب يا ادهم
ادهم بصلها وابتسم : يعني انا هبقي قريب لقلبك ينهال لما اسافر ؟
نهال غمضت عينها وهي لسه حضناه : انت قريب لقلبي وانت هنا كمان يا ادهم عارف عُمري ما تخيلت ان هقابل حد حنين عليا زيك .. فاهمني وقت ما احتاجه بلاقيه سَوي بتحسسني ان معنديش عيوب رغم ان عارفه ان كُلي عيوب مخليني واثقه من نفسي لدرجة بستغربها حقيقي يا ادهم انت تتحب من كل الناس
ادهم حط ايده علي شفايفها وقال بهمس : مش عايز اتحب من كل الناس عايز اتحب منك انتي انا اخر اهتماماتي كان ان احب لكن لما شوفتك قلبي اللي شاور عليكي انا محتاجك حبيبه مش زوجة وبس ينهال
نهال ضميته وهي فرحانه بكلامه : في مواقف بتحصل من الانسان احلي مليون مره من كلمة بحبك وانا حقيقي يا ادهم بحبك من كل قلبي
ادهم حضنها بفرحه وهو مغمض عينه : اخيرااا اعترفت البطله في نهاية الراويه بعشقها لبطلها المهوس بعشقها منذ ان رأها ” ختم ادهم كلامه ببوسه رقيقه عبر بيها عن فرحته بيها وبحبها ، تقبلتها نهال بقلب مرحب ”
نهال بعدت عنه وحاوطت وشه بين ايدها وقالت وهي بتبص في عيونه : وجودك معوضني عن غياب الكُل لكن صدقني غيابك محد في العالم هيقدر يعوضه يا ادهم
ادهم بصلها ببتسامه حلوه : انتي طلعتيلي منين بس وحلوه كدا لييه وانا مشدود ليكي ازاي كداا انتي ايييه
نهال ضحكت بخفه : انا نهال مراتك
ادهم ضحك وباس خدها : نهالي ودنيتي كلها ” وضمها لصدره وهو فرحان اوي ”
” نهال غمضت عيونها وهي مشتته بين حب ادهم ليها وبين خوفها من كل اللي جاي من غيره حماتها صعبه هل هتعرف توفق بين كليتها وبيتها ولا هتقصر في الاتنين من اصله ”
………………………………….
” نوال وقفت قدام بيتهم البسيط وخبطت علي الباب بعد شويه امها فتحتلها “
سوسن حضنتها بلهفه وحضنت غزل : قلب امك وعقلها تعالي ادخلي
نوال ابتسمتلها ودخلت معاها علي جوا : ابويا فين يما ؟
سوسن بصتلها بستغراب واستغربت اكتر لما شافت الشنطه بتاعتها : ابوكي في الغيط لسه مرجعش ايه الشنطه دي
نوال بهدوء : انا هطلق من صلاح يما
سوسن بشهقه : يا مصيبتك السودا عايزه تطلقي من جوزك ليييه يا نوال
” نوال بصتلها وسكتت هي نفسها من كتر الكلام اللي جواها مبقتش قادره تشرح ولا تحكي زي ما يكون نزل في قلبها بروود من كل المواقف ”
سوسن خبطتها في كتفها بغضب : احكيييي سهتااانه ليه عملتي ايه لجوزك علشان يطلقك
نوال بصتلها وبتحاول علي قد ما تقدر جواها مينهارش : ما يمكن هو اللي عملي يما انا مش عايزاه ومش عايزه العيشه معاه لو فضلت معاه ساعه كمان والله العظيم هموت نفسي وارتاح واريحكم
سوسن بأمر : سيبك من كلااام المسلسلات دا احنا معندناش بناات تطلق رجعي عقلك لراسك وارجعي لجوزك وحافظي عليه ساعة شيطان وهتروح لحالها
نوال الدموع اتجمعت في عينها واتخنقت : يماا انا مش طالبه منكم حاجه غير تخلوني قاعده عندكم بس وانا هشتغل وهصرف علي نفسي مش هشيل ابويا حمل بس ترحموني من اللي انا فيه
سوسن مسكت دراعها وقالت بغضب : سمعتي انا قووولت ايه طلاق مفيش طلعي الفكره من دماغك عندك شقه يا طولها ويا عرضها كل طلباتك موجابه بتاكلي وتشربي تلبسي من احسن الحجات احمدي ربنا وعيشي
نوال بصت لأمها وشالت شنطتها ومسكت ايد بنتها ووقفت : انتي عندك حق يما انا هرجع واحمد ربنا علي نعمتي يلا مع السلامه ” وفتحت الباب وطلعت من بيتهم والدموع بتنزل غصب عنها مخذوله من الكل ، الكل بيقطع فيها مفيش مره حست بحنان من اهلها فكرت العوض في جوزها لكن طلع انيل مشيت وهي مش عارفه رايحه فين ولا حسه بالطريق اصلا لحد ما لقيت نفسها في الموقف ”
نوال لسواقين : السلام عليكم عربيات المنصوره فين لو سمحت ؟
السواق : العربيه الحمرا اللي هناك بتحمل
” نوال مشيت نحية العربيه اللي شاور عليها وركبت فيها وسندت راسها علي الشباك وبنتها في حضنها ، حست بوجع في قلبها متعرفش هتروح فين ولا لمين كل اللي تعرفه دلوقتي انها تبعد من هنا وبس ”
نوال غمصت عيونها وحضنت بنتها بقوه : كل حاجه هتبقي تمام واحنا هنبقي اسعد لما نبعد عن هنا
……………………………..
” نهال واقفه في البلكونه وسرحانه جدا مع نسمة الهوا البارده ، مهما حاولت تتأقلم هتفضل برضو جواها جزء معترف انها مش في مكانها الصح “
” نزلت وشها لتحت بتنهيده شافت منظر الشارع المطين من الشتا شافت الناس اللي بتحاول تعمل ولعه علشان الدفاا ابتسمت عليهم اوي وعلي فرحه عيالهم الصغيرين بالولعه “
ادهم دخلها البلكونه ومعاه صنية شاي : والله العظيم ما فاهم ايه سر حُبك للبلكونه في التلج دا ما تيجي نقعد جوا ونتغطي يا بنتي
نهال بصتله وابتسمت : انا من عشاق فصل الشتاء بس مش علشان انام طول اليوم في السرير واخلي الكسل يسيطر عليا انا بحبه علشان نسمة الهوا البارده دي ريحة الشوارع وانت ؟
ادهم ببتسامه : انا بحب الشتا في السعوديه علشان السعوديه مفيش فيها البرد اللي هنا دا يعني في الوقت دا هناك بكون لابس نص كم ومشغل التكييف كمان
نهال رفعت عيونها ليه وبصتله بكل حنين : عارف هتوحشني جدا لما تسافر هفتقدك وهحس ان لوحدي ديما
ادهم ساب الكوبايه من ايده وضمها لحضنه بحب : قوليلي بإيدي ايه وانا اعمله لأول مره اجي مصر واتعلق بيها كدا دا انا كنت بقطع الاجازه واسافر من تاني اسبوع اجازه ليا شقلبتي كياني
نهال ضميته بحنان : ادهم ماما وحشتني عايزه اروحلها
ادهم باس راسها : حاضر بإذن الله هنروح بكرا بليل نقعد معاهم شويه ” ونزل ايده لوسطها وقال بهمس ووشه قرب لوشها ” بس حاليا انتي وحشاني ووحشني حضنك
نعال اتكسفت وغمضت عنيها : احنا في البلكونه يا ادهم ابعد ممكن حد يشوفنا
ادهم رفعها وشالها ودخل اوضتهم نزلها علي الارض وباس خدها برقه : ارفعي وشك
” نهال رفعت وشها وهي مكسوفه جدا ومش عارفه تعمل ايه او تقول ايه ، اتوترت ومن شدة توترها بدأت تفرك اديها في بعض ”
ادهم لاحظ توترها فستغرب : انتي متوتره كدا ليه كأنها اول مره ؟
نهال نزلت وشها للأرض وقالت بهدوء : ادهم احنا اتفقنا ان هاخد حاجه تمنع الحمل وانا حاليا مأخدتش لسه يعني مينفعش
” ادهم اتسمر مكانه من جملتها ومعرفش يتصرف ازاي لكن مصدوم ”
ادهم بكل قسوه :
“” انتظرو القادم “”
لعلَ اللقاء يكون اصدق
تكملة الرواية من هنااااااااا
التعليقات