رواية قلوب ارهقها نبضها الفصل الاول والثاني والثالث والرابع والخامس بقلم نرمين قدرى

 رواية قلوب ارهقها نبضها الفصل الاول والثاني والثالث والرابع والخامس بقلم نرمين قدرى 

رواية قلوب ارهقها نبضها الفصل الاول والثاني والثالث والرابع والخامس بقلم نرمين قدرى 

الفصل الأول

في بيت قروي جميل تقف عواطف في نص الدار 

عواطف رافعة رأسها لاعلي وبصوت عالي تنده 

-مسك بت يا مسك ردي عليا يالي نتشكي في قلبك يا شيخة 

تقول مسك بزهق وتأفف 

– ااووف خير يا مرات ابويا صوتك عالي ليه في ايه في ايه الجيران زهقوا من صوتنا العالي ده كل يوم ايه مش بتزهقي خالص طول النهار زن زن زن ايه القيامة قامت عندم 

عواطف بصوت غاضب

– انتي فين يابت بتعملي ايه كل ده عندك علي سطح بقالك ساعتين خير 

– حكون بعمل ايه بس يا مرات أبويه بتفرج علي سيما باكل الطير زي ما قولتيلي مش بلعب يعني 

عواطف بتعجب:

كل ده بتاكلي الطير ليه دول حيلاله كام فرخه علي وزيتن علي عشر بطات يعني مش مزرعة علشان تقعدي كل ده فوق و سيباني لوحدي في شغل البيت ولا انا الخدامة اللي ابوكم جبهالكم انتي و اللي تنشك هيا كمان اختك 

مسك برهق و قرف:

خلاص خلصنا يا مرات ابويا نزله اهو 

نزلت مسك بغضب منها ومش طيقها وكأنها تود الخلاص من هذه العيشة قالت مسك وهي تنظر لها بغيظ:

– اهو نزلت خير عاوزة ايه اعمل علشان الدوشة دي كلها الي انتي عملتيها و سمعتي بينا الناس خير 

قالت عواطف هي ترفع حاجبها الأيسر بمكر:

-فين اللي تنشك في قلبها البت عطر مش باينه من صباحية ربنا راحت فين المخفية 

في نفس اللحظة دخلت بنت تجري في عجاله وهي تعدل  من طرحتها 

عطر بتأفف:

انا هو يا مرات ابويا صوتك مسمع لحد دوار العمدة خير في ايه القيامة قامت 

التفتت عواطف لها وقالت وهي تعوج فاها: 

كنتي فين يابت انطقي اه اكيد كنتي مع محمد هو احنا لينا شغلنا غير مرقعه وقلت حيا اللي مش بتخلص دي 

كان يوم ماطلعتلوش شمس يوم ما اتجوزت ابوكم بنات هم 

قالت عطر بعصبية  واضحة :

– وآية لازمة الكلام ده دلوقتي يامرات ابويا كلام ملهوش عازه ولا اي لازمة يتقال كل يوم تسمعهولنا ايه مش حافظه غيره 

و فجاءة شدتها عواطف من شعرها بحده وقالت بغيظ

– وانتي بقي يا بت تهاني اللي حتعلميني اقول ايه ومقولش ايه و الله عشنا و شفنا 

عطر بصوات من الالم

– اااه شعري سيبي شعري يا مفتريه 

جرت مسك علي عواطف وشدتها بشده وقالت لها بصوت هز أرجاء المكان 

– بقولك ايه يا مرات ابويا حسك عينك تجيبي سيرة امي علي لسانك تاني او تلمسي واحدة فينا وعطر ماكانتش بتتمرقع مع محمد .زي ما كل يوم تسمعينا الاسطوانه المشروخه دي 

محمد في مقام جوزها هما كاتبين كتاب و محمد ابن عمنا يعني يخاف علينا اكتر من نفسة فاهمة 

في دخلت ابوهم علي صوتهم وكأنه شيئ معتاد علي سماعة 

قال فايز بملل:

-يافتاح يا عليم يا رزاق يا كريم هو كل يوم خناق مينفعش يوم يعدي كده الواحد زهق 

رفعت عواطف عينيها له وقالت:

الكلام ده تقولوا لبناتك مش ليا انتو تحمدوا ربكم اني قبلت اقعد في بيت زي ده واربي بناتك واتحمل قرفكم كلكم 

أجاب فايز وكأنه حافظ ما ستقول له: 

خلصنا بقي يا عواطف اهدي كده واسمعي المفيد اعملي حسابك بكرة الصبح تاخدي البنات وجري علي دوار العمدة عاملة ليلة علشان فرح ابنه امجد و الكل هيخدم في المطبخ وانتي عارفة بقي العمدة بيعمل فرح عياله ازاي يعني رزق وادخلنا فضكم بقا من خناقتكم اللي لا بتودي وتجيب وخلينا نركز في الاهم

أجابت عواطف بقرف .

– هو ده اللي ناخده منك اوامر وبس ماشي لما نشوف اخرتها و التفتت ناحية البنات وقالت:

– و انتي ياشملوله منك ليها أجروا خلصوا البيت ده علشان حنمشي صبح بدري علي دوار العمدة

قالت عطر  و هي تعدل من ملابسها بعدم اهتمام:  – -متعملوش حسابي معاكم انا مش رايحة ولا جاية انا قاعده هنا مش حتحرك من مكاني 

نظرت لها عواطف وقالت بغضب.

–  وليه بقي يا شملوله أن شاء الله علي رجلك نقش الحناء

قالت عطر وكان الأمر لا بعنيها 

لا حنه ولا غيرة بس انا محمد منبه عليا مرحوش هناك انا حقعد استناك هنا وأشوف طلبات ابويا لحد ما ترجعوا 

التفت عواطف اتجاه فايز وقالت 

  شوفت بقي البنتك و الدلع بتعاها مش حتخلص من أوامر سي محمد ده تقولش السفيرة عزيزة و خايف عليها حكم 

تنهدت مسك وقالت:  

مخلاص بقي يا مرات ابويا جوزها ومش عاوزها تروح انا رايحه معاكي خلاص بقي مش موضوع خلصنا 

نظرت لها عواطف بغيظ وقالت.

– يا ما نفسي اقص لسانك ده اللي متبري منك قصره بقي انا داخلة انام اقوم الاقي كل حاجة. خلصت مفهوم ياختي منك ليها 

قالت عطر بصوت يكادو مسموع  

اوف اخيرا حتنام ياساتر نوم الظالم خلينا نشم نفسنا بقا 

ابتسمت مسك  ابتسامة باهته وقالت بمراره

–  انتي بتقولي كده وكلها كام شهر و حتتجوزي محمد و تسبيني و تسافري اسكندريه انا بقي اعمل ايه معاها لوحدينا بجد انا كل ما افتكر قلبي يوجعني 

ادمعت عين عطر  وقالت بحنان : 

غصب عني فراقك يا مسك بس شغل محمد والله هناك بكرة ربنا يعوضك بواحد ينسيكي القرف اللي احنا فيه

هزت مسك رأسها وقالت:

بجد يا عطر نفسي قوي احب و اتحب نفسي ابقي زي الاسطورات اللي بيتكلموا عليها عبله و عنتر و قيص وليلي

قالت لها عكر بغضب.:

ليه بتقولي كده حرام عليكي كل اللي بتقولي عليهم دول مكملوش مع بعض 

خبطت مسك علي كتفها وقالت لها بنوع من المرح

ماشي يا ختي يلا قومي شوفي اللي وراكي علشان الحرباية لو قامت حتفرج علينا دنيا 

وعلي الجانب الآخر  في دوار العمده

مظاهر الفرح تعم المكان الكل بيشتغل علي قدم وساق استعداد للفرح امجد ابن العمدة 

دخل ماجد وأمجد وبيجاد علي والدهم 

قال ماجد : 

– خير يابوي سمعت انك شيعت حد ينادي علينا 

رفع محمود عينية بنظر الاولاده الثلاثه وقال بحب :

-تعالو يا ولاد خشوا عاوزكم في كلمتين مهمين 

قال بيجاد بمرح معتاد:  

– في ايه يا حاج لتكون عاوز تجوز علي اشجان وتعمل فرحك مع امجد 

ابتسم محمود علي خفة ظل ابنه وقال بمرح 

–  اتلم يا ولا امك لو سمعتك حتعملك كفته 

قال بيجاد وهو يضحك :

قول بقي أن الحاجة لسة بتغير عليك لحد دلوقتي يا حاج

في دخول اشجان عليهم وهي تقول :

و مغيرش عليه ليه بقي أن شاء الله

يا ولا اتلم بقي وخليك في حالك وفي خيبتك مش عارف تجبلنا عروسة نفرح بيها لحد دلوقتي 

اصطنع بيجاد الجدية وقال

لا وعلي ايه اتلم احسن قال عروسة قال عبيط انا علشان اتجوز انا بعقلي كده مرتاح اروح اجيب لنفسي واحده تفضل تزن رايح فين اتاخرت ليه كنت فين لا دي سنجله چنتلة ولا ااايه ثم غمز بعينية 

قال امجد :

الله يكرمك وجاي تقول كده النهاردة طايب كنت قولتلي قبل ما تهبل واعمل فرح جاي بعد فوات الاوان 

قال محمود بجدية واضحة :

خلاص بقي اقعدو علشان تسمعوا عاوزكم ليه 

تنهدت اشجان وقالت : 

خير يا ابو ماجد في ايه مالك افرح انهاردة فرح امجد بكره بيجاد بعده البت مفعوصة وبكرة تشيل عوضهم قول أن شله 

محمود  بحب

–  أن شله يا ام ماجد الا هي فين مفعوصة صح مش شايفها خالص 

سبق بيجاد وقال بضحك:  

عادي تلاقيها بتعض حد من شغالين تحت ماهي اتسعرت

في دخول مروة عليهم

  يا سلام انا اتسعرت طايب تعالي اوريك بقي العض بيكون ازاي 

محمود بصوت عالي نسبيا

خلاص يا حبيت ابوكي تعالي هنا جامبي سيبك منه ملكيش دعوة بيه هو اللي اتسعر لكن انتي ست البنات سكر نبات 

التفتت مروة طلعت لسنها لبيجاد تغيظه  بحركة طفولية 

قال محمود / 

بصوا بقي انا عاوزكم انتم الأربعة في ظهر بعض مش عاوز ست تغيركم كلكم سند لبعض أنهارده داخل في عيلتنا واحده جديده وهي ندي مرات امجد البت مهما كان غريبة عننا عاوزنها تا خد اول انطباع عنا يكون كويس الشغل حيتقسم عليكم كلكم 

ماجد حايمسك شغل الأرض كله 

امجد الحسابات بتاعة شركات 

بيجاد حيمسك تعاملات خارجية وسفر تخليص جمركي بحكم أنه مش متجوز و يقدر يسافر براحته

ومروة حتمسك المعاملات البنكية ومشاكل العملاء

كده تكونوا ايد واحده والشغل حيكبر وتكونوا اكبر مجموعة في عالم التجارة والصناعة والزراعة 

اوعوا تدخلوا حد بنكم أو حد يغيركم 

مروة بصوت واطي: 

ويبعد عننا سم الحيه اللي فوق 

ضحك بيجاد بصوت عالي وغمز لمروة أنه سمعها بصوا لبعض وضحكوا هما الاتنين 

قال ماجد وهو ينظر لهم 

ماشي ماشي عارف بتضحكوا علي ماشي براحتكم 

تدخلت اشجان  سريعا: 

اوعي تزعلي من اخواتك يا ماجد هما بيحبوا يهزروا يعني مش عارف بيجاد و مروة لما يتفقوا سوا 

قال امجد مازحا 

,كفايا بقي انا عريس ياناس عاوز افرح 

قفزت مروة سريعا بجامب بيجاد  وصاحو وهما الاتنين بصوت واحد 

ياولاد بلانا يوم الخميس حكتب كتابي وابقي عريس و دعوة عامة وحنبقي لما وفاطمة لاء 

برقت لهم اشجان وقالت 

اتلم منك ليها وشوفوا بتعملوا ايه انا نزله المطبخ اشوف الشغل علي بال ما عواطف تيجي بكرة تخبز 

و في المساء  دخل ماجد غرفة نومة وجده فاطفة تجلس بمفردها 

قال ماجد لها: 

مساء الخير يا فاطمة قاعده زي البومة كده ليه كانك عندك ميتم  مش فرح خير يا همي كبير

رفعت فاطمة عينيها وقالت بغل

خير يا ماجد داخل بتقول يا شر اشتر ليه 

قال ماجد :

أنتي اللي في ايه الكل تحت عمال يحضر لفرح بكره وانتي قاعده هنا لوحدك خير في ايه 

قالت فاطمة بغل واضح

ماهو يا تجبلي طقم الماظ زي اللي جابه امجد لندي يا مش قاعداك فيها 

لوي ماجد فاه وقال: 

طايب ندي عروسة ودي شبكتها انتي عاوزة طقم بأمرة ايه وانتي جالك شبكه زيها

فاطمة بغل: 

اه جالي بس مش الماظ زيها 

قال ماجد بنفاذ صبر : 

ماكل واحد بيجيلوا رزقه ارضي باللي عندك علشان ربنا يراضيكي

فاطمة بغضب ممزوج بحقد : 

مليش دعوة عاوز طقم الماظ مليش في يا اما مش قاعداك فيها يا ماجد وانت عارف لما اقول حاجة 

طرق  الباب ودخلت مروة شعرت أن   جو مكهرب وان زوجت أخيها مارست هويتها في النكد عليه  

قالت مروة في نفسها استر يارب شكلها مغيمة ابو نكدها بومة علي رأي الواد بيجو 

قالت فاطمة بملل: 

خير يا مروة انتي جاية تسرحي عندن هنا ولا اايه 

مروة بقرف: 

مافيش يا فاطمة امي عاوزاكي تحت علشان الشغل كتير ياختي ولسة بكرة بنات البلد حاتيحي تساعد لكن انهاردة مافيش غيري انا وامي و البت روحيه وال شغل كتير والرجاله في المندره عاوزين اكل تعالي ياختي علشان نخلص 

أجابت فاطمة بسخرية 

نزله اهو وراكي متقلقيش كله هيهلص بلا نيلة يعني اللي اتجوزا اخدوا اية 

اشار  ماجد لمروة. بمعني لا لا خوديها معاكي

ابتسمت مروة شبه ابتسامة خفيفه وقالت :

– لاء امي قالتلي منزلش غير بيكي وانا مقدرش انزل اقول لاشجان حتيجي ورايا وانتي عارفة اشجان لما تطلع في غضبها 

قامت فاطمة من مكانها وقالت بتأفف

نزله اهو ما هو مافيش غير فاطمة في البيت ده وسابقت مروة ونزلت مسرعة 

مشت مروة وراها ورجعت بضهرها ومدت رأسها وقالت بضحك 

– خلصتك منها عد جمايل ليا عندك واحده ماشي 

قال ماجد وهي يحدف عليها أحدي الخداديات التي أمامه 

اجري ابت علي تحت يابووووي سبيني استمتع بالاوضة لوحدي لاء والواد امجد عبيط رايح يتجوز والله ما بيفهم في البيت ده غير والولا بيجاد ده ملك اقسم بالله ملك علله بس ميتهورش هو كمان ويعملها 

مروة نزلت تضحك بصوت عالي وفي نفس الوقت عينيها بتتحسر علي بخت اخوها ربنا وعده بزوجة طماعه مش بتشبع 

وفي اليوم التالي   استعدت عواطف و مسك  وذهبا الي دوار العمدة 

فكانت مسك  ايه في الجمال بشعرها الكستنايء المموج  الطويل لحد نص ظهرها و عينيها بلونها الفيروزي و نمش احمر خفيف علي وجهها  ارتدت  عبائتها  السوداء  ووضعت الطرحة علي رأسها وماشت بجوار  مرات ابوها علي دوار العمده 

دخلت عواطف وقالت بصوت عالي  

يا اهل الدار السلام عليكم. انا جيت .

ملكة القلم نرمين قدري

رفعت اشجان صوتها وقالت : 

تعالي يا عواطف خوشي عوقتي قوي عاوزين نخبز ازيك يا الا انتي مين فيهم مسك ولا عطر

ابتسمت مسك وقالت بأدب

انا مسك يا خاله أنتي ازيك وصحتك عاملة ايه

قالت اشجان بحب 

بخير الحمد لله يابنتي مشاء الله واخده جمال امك تهاني رحمة الله عليها كانت ايه في جمال زيك أنتي واختك عطر كده وسالت بتعجب وهي تتلفت حولها 

امال هي فين عطر ماجنتش وياكم ولا ايه 

قالت مسك

لا يا خاله عطر سبنها في البيت علشان ابويا 

هزت اشجان رأسها بتفهم وقالت:  

ماشي يا بنتي خشوا بقي علي مطبخ شغل كتير والوقت بيجري 

دخلت مسك المطبخ بابتسامتها وروحها المرحة 

السلام عليكم ازيك يا بت ياروحيه اخبارك ايه 

التفت روحيه وقالت بفرحة: 

اهلا مسك عاملة ايه وحشاني فينك 

قالت مسك : 

تحت النظر يا ختي انتي اللي فينك 

ف دخلت مروة عليهم و قالت بفرح من المفجاءة: 

مسك مش معقوله فينك يا بنتي وحشاني قوي ايه رحتي وقولتي عدولي ما شوفتكيش من سنه تقريبا

ابتسمت مسك:  

معلش بقي يا ست مروة انا بذاكر في البيت انتي عارفه الظروف ومرات ابويا بتحرجم تقاعدني من تعليم وعاوزانا نكتفي بالثانوية العامة

مروة باستفهام, ؟

انتم دخلتوا كليه ايه ؟

مسك في سرك محدش يعرف الكل عارف أننا قاعدنا بعد ثانوية عامة علشان مرات ابويا احنا دخلنا تجارة انتساب بنروح علي الامتحانات بس بذاكر انا وعطر سرقه كده 

مروة بمواسه لحاله مسك :

الله يكون في عونكم وبلاش ست مروة دي انتي اختي يامسك وانا بحبك وربنا يعلم 

في دخلت فاطمة بتغير من مسك جداا لجمالها 

قالت فاطمة بغلها الملحوظ للجميع.

ااايه حنقضيها كلام والشغل فوق راسنا والايه 

وانتي حتشتغلي بالعباية كده ياسنيورة 

رفعت مسك  أكتافها وقالت بحيرة:

منا مش جايبة لبس معايا ولابسة من تحتها عباية البيت 

فاطمة بغيظ: 

ماشتغلي بعبايه البيت ياختي ولا لبسة الحرير وخايفه عليه احسن يتوسخ ولا عجايب 

بصت لها مسك بنظرة تحدي 

وقلعت مسك عبايات سودا وكانت لبسة عبايات حمرا وفردت شعرها و غل فاطمة عليها اكتر من كتر جماله

قالت مروة  بأعجاب شديد 

/ط بسم الله مشاء الله تبارك الله  ايوا كده الله اكبر علي جمالك 

ابتسمت مسك :

طايب محدش من رجالة يخش هنا صوح

قالت مروة:

لا اطمني الكل في المندرة احنا هنا كلنا حريم في بعض 

وانهمك كله في شغل البيت 

دخلت روحية عليهم و اتجهت نحو مسك وقالت

– ونبي يا مسك خودي صنية عصير دي طلعيها للحريم برا  الحاجة برا معاها ضيوف وانا ايدي مش فاضيه 

قالت مسك  بحب

عنيا يا ورحيه هاتيها شالت مسك الصنية وكانت تقيله عليها خرجت بحظر وباصة علي صنية علشان ماتقعش من ايدها 

وفجاءة خبط في حد وانقلبت كل صنية بالعصير عليه 

مسك بشهقه اايه مش تفتح وتبص قدامك 

رفع بيجاد  عينية وقال.

والله اللي هو انا صح اللي افتح مش انتي اللي ماشية ومش باصه قدامك 

رفعت مسك عنيها جت في عنيه 

اهتز بيجاد لأول مرة في حياته وقال 

–  يا لهوووي هو في كده انتي مين اوعى تكوني جنيه مش بني آدم زينا انتي جنيه صح

عبثت مسك في وجه وقالت: 

انت مالك انت أنا مين اعتذر علي اللي عملته اه انا جنية جاية من عند ملك جن خاف بقي علي نفسك واعتذر 

ضحك بيجاد علي طفوليتها وقال 

انتي هبله يا بت مين اللي بعتذر لمين انتي اللي خبطيني ووقعتي عصير عليا 

وضعت مسك يدها علي جانبيها وقالت 

وانا مش حعتذر علشان انت اللي ما كنتش باصص قدامك مش انا

قال بيجاد .: 

/ههه انتي بتحلمي مين ده اللي بعتذر واعتذر لمين اصلا 

ملكة القلم نرمين قدري

طلعت مروة علي صوتهم وقالت

في ايه بس شافت بيجاد ماتت من ضحك

مروة ضاحكة : 

الله مين عمل فيك كده يابيجو 

مسك فجاءة  هههههههههههه بيجو اسمك بيجو وعمال تزعقلي 

قال بيجاد بتعجب 

والله جد عجبك الاسم 

وشد مروة عجبك كده يا مفعوصة ضحكتيها عليا بس مين القطة دي 

احمر وجه مسك بشدة وجرت علي مطبخ

قالت مسك  لروحية: 

اجري معلش نضفي الأرض برا احسن عصير وقع مني

و في الخارج  بيجاد انطقي يا مفعوصة مين البت دي يخربيت كده 

مروة  برخامة: 

معرفش وسيب شعري بقي احسن حقول لبابا وقولي صحيح بقي انت ايه اللي جابك هنا مش قاعد مع رجاله برا ليه. 

بيجاد خبط علي راسه 

اوف ناسيت يخربيت فقرك أبوكي عاوز شاي في المندرة اوعي تبعتيه مع قطة خالي روحية اللي تجيبوا 

ثم غمز بعينية وقال و هو يستعد للصعود عاليا 

وبراحتك يا مفعوصة حعرف هيا مين لوحدي حطلع اغير هدومي علشان زمان ابوكي استعوقتي وماتنسيش شاي الرجاله برا 

طلع بيجاد وعلي وشه ابتسامة غريبة مش عارف سببها

الفصل الثاني

صعد بيجاد وعلي وجه ابتسامة غريبة لا يعلم سببها 

دخل بيجاد غرفته و عينيه بتلمع من كترة الاعجاب بمسك 

فقال في نفسة وهو يبتسم : 

-ياتري مين دي بجد سبحان من خلق في ابدع بجد تخطف القلب خطف هو في جمال كده 

وفي الاسفل في حجرة المطبخ وافقت مسك وعلي وجهها نفس الابتسامة الغريبة وهي ايضا لا تعلم سببها 

انتبهت لها فاطمة فقالت لها بسخرية

– خير يا ست الحسن والجمال لو جاية تدلعي خدي بعضك وروحي احسن مش ناقصين عطله. الشغل فوق راسنا وانتي عمالة توزيعي ابتسامات خير مش ناقصين دلع 

احمر وجه مسك دمعت عيونهت من إهانة فاطمة لها التي بدورها وتعمدت أن تحسسها أنها جاية تخدم عندهم 

لاحظت مروة تعمد إهانة فاطمة لمسك 

فقالت مروة بعنف:

جر ايه يا فاطمة في اية انتي ملكيش نزعقي معاها هي كانت عاملت ايه مسك كتر الف خيرها جاية تساعدنا هي مش مجبره علي كده 

التفتت لها فاطمة ورفعت حاجبها وقالت : 

خير يا مروة في ايه انتي بدافعي قوي كده ليه دي حتة خدامة لا راحت ولا جت جاية تخدم عندنا في ايه 

كشرت مروة عن أنيابها وقالت بحده:

انتي مصدقة نفسك مسك مش خدامة يا فاطمة مسك صاحبتي وانتي عارفة ده كويس و اذا وافقت أنها تيجي تساعدنا ده كرم منها مش فرض عليها 

ولسة فاطمة حترد عليها سبقتها مسك وقالت بصوت باكي:

– خلاص يا ست مروة انا حشتغل اهو الست ام فرح عندها حق احنا جاين هنا علشان نشتغل وبس 

و في الاعلي وبالأخص داخل غرفة بيجاد فقد انتهي من تبديل ملابس وعلي وجه نفس الابتسامة وخفقان في قلبه غريب استخرب بيجاد من حاله و ردد داخل نفسة

– ااايه يا عم بيجو وفوق لنفسك لسة الواد امجد بيحسدك ااايه يا عم السنجله چنتله ولا ايه حتنخ لاء اجمد كده انت كده ملك زمانك بتسافر وتروح وتيجي براحتك 

بس بردو البت ااايه ااايه هو في جمال كده. بس لاء ولو حريتي بالدنيا واللي فيها عبيط انا علشان اققع في المصيده دي لا والله ما يحصل 

نظر لنفسة في المرءاه بعدم اكتراث و خرج واغلق الباب خلفه ونزل وتوجه لا اردي اتجاه المطبخ 

وقف علي باب ال مطبخ . وبداء يتحدث بمرح معتاد ولكنه وقف متثبت مكانه 

فكانت مسك عينها مليانه دموع وبتشتغل في الاكل و هي غير مبالية بكل ما حولها وكأنها فصلت نفسها عن كل الحاضرين معاها 

دخل بيجاد وغمز بعينيه لمروة في ايه 

غمزت مروة وهي بتشاور يعنيها اتجاه فاطمة أنها السبب 

تحدث بيجاد بصوت عالي لكي يلفت نظرها وقال بمرح 

– بت يا مر مر بعتي شاي ابمندرة لحسن ابوكي الحاج لو اتاخرنا عليه انتي عارفة حيعمل فينا ايه 

انتبهت مسك لدخوله جرت جابت طرحة بسرعة ولبستها علي رأسها 

ابتسم بيجاد لحركتها العفوية وأعجب بيها قوي 

مروة غمزت له عارفة أنها حجة علشان يدخل المطبخ فقالت مروة وهي تبتسم :

-من زمان يا بيجو وزمنهم شربوا كمان انت لسة فاكر صباحووووووو بقي 

خبط بيجاد علي رأسها وقال:

تمام كده عقبالك يا مفعوصة لما نرتاح منك وعقبال بناتك يا ام فرح 

أجابت فاطمة باستهزاء:

عقبالك انت يا بيجاد لما ربنا يهديك يا خويا هو انت ايه اللي دخلك هنا مش بعاده يعني تخش مطبخ ايه حصل علشان بيجاد باشا يتنازل ويخش مطبخ 

أجاب بيجاد بنوع من الوحده: 

هو ايه اللي مش بعاده يا فاطمة منا متعود انزل اعمل فطاري وشاي بتاعي كل يوم وهو في ايه ولا هو كلام وبس 

انقذت مروة الموفق في تعلم عندما يحتد صوت بيجاد في الكلام فقالت:

– خلاص يا بيجو بقي عدي اليوم ورح شوف ابوك ليكون عاوز حاجة اطلع يلا بقي وما تشبكش معاها هي شكلها بيتلكك وعاوزة تمسك في خناق اي حد 

هو بيجاد راسه وقال :

ماشي يا مرمر علشان خاطرك حعديها ومال عليها وبصوت واطي قولي بقي القطة اسمها ايه 

ضحكت مروة :

بعينك خليك كده بس قولي ايه سر الاهتمام غريب ده يخيبك ليكون دق

-اتصدقي بالله انا غلطان اني بتكلم مع عيله زيك وحعرف اسمها لوحدي بس قوليلي ايه سبب دموع اللي في عنيها دي لتكون البومة مرات اخوكي السبب

قالت مروة :

بزمتك هو في غيرها اكيد هيا اكلت البت اكل وحسستها أنها بتشتغل عندنا وانت عارف مرات اخوك لما تلاقي حد ضعيف بتعمل ايه بس للاسف دخلت سكه غلط علشان مسك حد جامد مش ضعيف بس هي اشترت خاطري ومرتضتش ترد عليها 

زفر بيجاد انفاسة وقال:

ينهار هي القطة اسمها مسك يالهوي علي روايح جنه يالهوي حتي اسمها مميز شبها 

قالت مروة  ضاحكة 

هو انا اندبيت كالعاده صح 

بيجاد هز راسه موافق

فاقوا علي  ارتفاع صوت فاطمة وهي بتوبخ  مسك بصوت عالي هز اركان المكان 

فاطمة بعصبية مبالغ فيها:

انتي يا زفتة يا مسك انتي اااايه مش بتفهمي مش عارفة تشتغلي جاية ليه ولا هي بلاوي وبس حاجة تقرف بجد اوووف

زفرت مسك اخر نفس في قوة تحملها و صبرها وقالت بحده : 

بقولك ايه يا ام فرح انا لو سكاتلك ده مش ضعف مني ولا قلت حيله انا بس عاملة احترام للبيت اللي انا فيه لكن أقسم بالله كلمة كمان مش حتعجبني مش حسكتلك اولا انا مش جاية هنا خدامة والكل يعرف كده انا هنا جاية شارية خاطر مروة مش اكتر 

والتفتت مسك تكمل شغلها و هي بتغلي من غيظ 

فاطمة بحده : 

ولا عشنا وشوفنا الخدمات بقا ليهم حس يتكلموا بيه

التفتت ليها مسك  وعنيها فيها دموع محبوسة وقالت لها بغضب:

أن خرج العيب من اهل العيب ما بيبقاش عيب 

وسابت اللي في اديها وعدلت طرحتها علي رأسها

يلاذن يا مروه والف مبروك لاخوكي متزعليش مني مش حينفع اقعد اكتر من كده علشان مشكلة ما تكبرش 

قالت مروة  بغضب عارم: 

جري ايه يا فاطمة أنتي مالك ومال مسك من ساعة ما جت وانتي مش عتقاها في ايه

هي كانت عملتلك ايه ولا انتي لازم اي حد تطفشي يالهوي اللي حيدور وراكي حيليكي مش طايقة نفسك اصلا. 

قالت فاطمة بسخرية وانتصار : 

وانا بردو حطت راسي براس شغاله في ايه يامروة هو خلاص حتنزل مستويا لكده 

مسك بصت لفاطمة بقرف ثم التفت لمروة وقالت

بلاذن باجماعة 

وفجاءة بيجاد. اتكلم

  آنسة مسك ثانية من فضلك لو سمحتي 

مسك والدموع تكاد تنهمر من الاحرج وطت راسها لتحت خوف أن يري دموعها  وقالت 

نعم استاذ بيجاد 

بيجاد  بلهفة واضحة في صوته

اولا بعتزلك من اللي حصل وياريت ما تمشيش وانتي زعلانه كده حقك علينا كلنا 

ثم التفت لمروة 

خديها علي اوضتك يا مروة لحد ما تهدي وبعدين تشوف هي عاوز. ايه تمشي ولا تكمل اليوم معانا 

قالت مسك متشبثة برأيها : 

لاء معلش استاذ بيجاد انا لازم امشي 

ببحاد بحده: 

وانا قلت تطلعي فوق مع مروة لحد ما تهدي 

رفعت مسك رسها فجاءة بتحدي والتقت عيونهم لأول مرة وقد تناسوا من حولهم لعشق العيون لغه لا يفهما سوي العاشقين 

لا حظت مروة انجاذبهم وكأن عيونهم بها مغناطيس انجذب كل منهم الآخر بدون اراده منهم 

مروة بمكر :

ااحم ااحم ها قلتي ايه يا مسك حتطلعي معايا فوق ولا ايه 

انتبهت مسك لنفسها 

-هاه بتقولي ايه يا مروة 

أجابت مروة :

اهلا حمد الله على سلامة انتي وصلتي لا يا قلب مروة مش بقول حاجة كنت بكح حتعملي ايه حتطلعي معايا ولا ايه

مسك بلغبطة وارتباك واضح:

لاء لاء انا حروح شكرا يا مروة بس انا لازم اروح حالا

مروة بضحك علي منظر مسك المرتبك وعلي شده احمرار وشها من الخجل 

-مروة ماشي يا مسك روحي احسن حالاتك صعبة 

جرت مسك بسرعة خارج السرايا حتي من كثرة ارتباكها  نسيت تبلغ مرات ابوها أنها مروحة وعلي وشها ابتسامة وقلبها بيخفق بشده وشها من كتره الخجل شديد الحمره 

مالت مروة علي بيجاد اللي كان في عالم تاني وقالت برخامة عليه 

– بيجو بيجو هالوووو انت يابني سافرت لحد فين 

بيجاد بهيام 

اااااايه يا مروة في ايه اقسم بالله انتي فصلان خير نعم عاوزة ايه انطقي

مروة بضحك:

اهدي شوية يا عم بابور انت في ايه حالك اتشقلب كده ليه ايه ياعم اجمد كده امال ايه السنجله چنتلة وكلام اللي قرفنا بية وتريقت علي امجد أنه حيتجوز خير يا ابو عموا ايه اللي حصل بس

ببحاد بتنهيده 

والله منا عارف يابت مرمر معرفش ايه حصلي اول ما بصيت في عينيها كان كهربه لمست جسمي كله رعشة غريبة كده ايه تفسيره ده 

التفتت مروة ليه وسندت عليه وامتزجت الجد مع سخرية 

و بغمزة من عنيها يكونش يكون اسمة ايه ده اللي بيخلي القلب ينبض ولا انت رايك ايه بيجو 

بيجاد وهو في حاله هيام 

مش عارف والله يا مفعوصة انا اول مرة يحصلي كده انا بيجاد اللي لفيت دنيا اول مرة يحصلي كده بجد شعور غريب مش لاقيله معني

الاتنين نسوا أن في بومة واقفة بتسمعهم فاقوا علي خبط علي ترابيزة 

فاطمة بصياح

ااااايه ااايه منك ليها فوقوااااا انتو عارفين بتكلموا عن مين دي بنت كلاف البهايم يعني لو قفت علي تراطيف صوابعك ابوك الحاج استحاله يوافق فوق كده يا بيجاد افندي وخليك في سنجله بتاعتك بدل ماتفوق وانت واقع علي جدور رقبتك كده 

بيجاد بقرف

الله ينكد عليكي يا بعيده انتي علطول منكده علينا كده 

مروة مالت علي بيجاد وقالت بصوت منخفض.

صدق ماجد لما سماها بومة 

ضحكوا الاتنين معا في صوت واحد  

فاطمة بكيد  

اضحكوت اضحكوا انتوا فاكرني بهزر بس كلام ده بكرة افكرك بيه وبكرة تقول ام فرح قالت 

دخلت عليهم عواطف وهي حاملة العيش اللي خبزته وقالت وهي عينيها تدور في كل أنحاء المكان : 

– اده امال فين اللي تنشك في قلبها البت مسك راحت فين البت دي مشفتهاش يا ام فرح 

فاطمة بغضب 

انا روحتها يا عواطف البت مش بتاعت شغل دي جاية تدلع هنا 

خبطت عواطف علي صدرها 

/يخيبك بت من دون البنات عملت ايه المنيله دي اكيد كانت بتدلع ماهي وش فقر زي امها. 

فاطمة بمكر 

/بصراحة. مش نافعة في شغل خالص انا مش عارفه انتي ايه اللي خلاكي تجبيها معاكي واقفة ترغي مع الكل  غير المياعه بتاعتها بصراحة يا عواطف مكنش ليكي تحبيها والبيت في شباب و انتي عارفه مياعتها 

مروة بعصبية :

فاطمة ايه كلام اللي انتي لتقوليه ده عيب عليكي والله 

التفت فاطمة ليها و ببرود تام قالت :

ليه هو انا بكدب ولا اكنش بكدب و التفت لبيحاد 

متقول اللي حصل يا بيجاد قول انت اللي حصل لعواطف علشان مروة محسساني أن انا الساحرة الشريرة اللي يفتري علي بت 

بيجاد بتعجب

هو ايه يعني اللي كان حصل لكل ده يا فاطمة انا مش فاهمك بصراحة 

فاطمة بتعجب انت كمان دي لسة قالبه عليك صنية العصير كلها ايه محصلش ده كمان

خبطت عواطف علي صدرها مرة أخرى 

يالهوي البت مسك قالبت العصير عليك سامحني يابني امسحها فيا انا دي بت مايعه وانا حعرف شغلي معاها لما اروح ونبي ومن نبي النبي نبي لبيتهالك مضروبه علقة ما اخدهاش حرامي في جامع 

بيجاد انتفض من مكانه وقال بعصبية

حيلك حيلك هو في اايه وتضربي مين وليه 

عواطف :

حضرب اللي تنشك مسك علي قلت حياها معاك 

بيجاد :

ومين قالك انها هي اللي غلطانه أنا اللي غلطان الست ام فرح كانت هنا ماشفتش اللي حصل الانسة مسك كانت خارجة من مطبخ وشايله صنية عصير و كانت تقيله وانا كنت داخل مطبخ مستعجل ماشوفتهاش انا اللي خبط فيها مش هي علي فكرة 

عواطف بمحايلة:

حقك عليا أنا امسحها فيا 

بيجاد بنفاذ صبر ؛ 

/مافيش حق علي حد مجرد موقف وعدي وغلط عندي انا 

ثم التفت لمروة بزهق وقال 

انا رايح عند ابوكي علشان لو قاعدت اكتر من كده حرتكب جريمة اوووف

وعند مسك دخلت مسك البيت و هي في عالم تاني خالص 

لمحتها عطر وهي داخله استعجبت من رجعها بدري فقالت لها عطر بتعجب

– مسك بت يا مسك انتي اية اللي رجعك بدري 

ومسك وكأنها في  عالم تاني وكان عطر هوا مش واقفة أمامها  

جذبتها عطر  من يدها  وهي تصيح

بت مالك في ايه هيمانه كده ليه يخربيت عقلك فوقي يا مسك مالم 

مسك بهيام كبير  :

/ يالهوي يالهوي  يا عطر هو في كده والله ما في 

عطر بتعجب:

/

هو ايه اللي في كده مالك ووشك احمر كده ليه في ايه بقي انطقي ورجعتي بدري ليه 

مسك بنفس الحاله : 

قمر قمر مافيش كده انا مشوفتش كده قبل كده 

عطر وهي تلوح بيدها اتجاه مسك وقالت

في ايه يا هبلة اخواتك هو مين ده اللي قمر انطقي بقي 

مسك :

تعالي نقعد وانا ححكيلك كل حاجة 

قالت عطر بفضول ؛

وماله وادي قاعدة 

جلست عطر  و جلست مسك بجوارها  تقص عليها كل ما حدث داخل دوار العمده

شهقت  عطر وقامت من مكانها مناقضة: 

يالهوي بتقولي اخو مروة يعني ابن عمده لا يا مسك فوقي بالله عليكي بلاش نبص لفوق فوقي الله يسترك احنا مش قد ناس دي هما فين واحنا فين 

مسك بلغبطة:

هو انا قلت ايه يا عطر لكل ده انا بحكيلك اللي حصل انا غلط في ايه بس وايه يعني ابن عمده هو احنا قليلين احنا بنات زي القمر ومتعلمين

عطر بتحذير 

اه يا مسك قليلين احنا ولاد كلاف البهايم يا مسك وهما أسياد البلد فوقي لنفسك بدل ما تمشي ورا عواطفك وتفوقي علي قلم يعلم عليكي وانتي اللي حتكوني خسرانه 

مسك بحزن

هو انا عملت ايه لكل ده بس 

عطر بشفقة علي حال اختها

منا بفوقك علشان متعمليش من اولها كده حطي قدامك كلامي ده كويس وتفكريش في موضوع ده خالص لأنه مينفعش بكل طرق 

فاقت مسك علي كلام عطر من حاله اللي هي فيها و هزت راسها لعطر وتركتها و كانت داخلة غرفتها  ولكنها وقفت من جملة عطر التي كانت تقول لها : 

بت يا مسك قلتي للعقربه انك مروحة 

خبطت مسك علي رأسها

اوووف يالهوي انا نستها خالص يا دي النيله حاتيجي تعملهلنا حافله انا زاي نستها خالص 

عطر بسخرية

اهلا ناستي مين يا شملوله اشربي بقي اللي حيحصلك لما ترجع دي لما حتصدق بقي وتهيص

التفت ليها مسك وقالت بتحدي 

طظ عارفه يعني ايه طظ اعلي ما في خيلها تركبه خليها بي تقول معايا كلمة وانا ورحمة امي لا طلع عليها القديم والجديد وانا اصلا عفاريت دنيا بتتنطط قدامي لوحدها 

في دخلت عواطف عليهم قالت 

-اهلا بلغندورة ايه يابت تهاني اللي عملتيه ده انتي ازاي يابت تمشي من غير ما تقوليلي ها وايه المياعة اللي عملتيها مع ابن عمده ازاي توقعي عليه العصير ايه عاوزة تلفتي نظرة ليكي ولا ايه إنما حقيقي بنت تهاني صح بس حتقول ايه اقفي القدرة على فومها تطلع البت لامها 

ومن هنا دقت صافرة الانذار فقد تعدت عواطف جميع الخطوط من هنا قامت مسم مسرعة و بنفاذ صبر تنقد علي عواطف محستش بنفسها جرت مسك عليها جابتها من شعرها و اوقعتها علي الارض بحركة غير متوقعة لدرجة أن عطر واقفت في حالة من زهول من اللي عملته مسك 

وقعت عواطف علي الارض وفوقيها مسك 

مسك بغضب :

كام مرة قلتلك بلاش تجيبي سيرة امي علي لسانك ده ياحرباية و بدأت في شد شعرها وعواطف بتصرخ امي خط احمر فاهمة حسك عينك تاني تجيبي سيرتها امي 

امي ماتت وارتاحت من اشكلكم مرة تانية مش حيحصلك خير لو اسم امي جه علي لسانك فاهمة ولا مش فاهمة 

دخل والدهم  علي صوات عواطف كل هذا  وعطر مازلت  في حالة من زهول وكأنها مغيبة 

تابعوني في البارت قادم ياتري حيتعمل ايه في مسك 

ملكة القلم

الفصل الثالث

دخل والدهم  علي صوات عواطف كل هذا  وعطر مازلت  في حالة من زهول وكأنها مغيبة 

فايز وهو يجري عليهم 

/ اده اده في اية بت يا مسك اتجننتي يالهوي يا ولاد بت ياعطر اجري خلصي بنهم انتي متنحة كده ليه يا بت

التفتت له عطر وكأنها فايقة من غيبوبة ثم  جرت علي مسك ترفعها من علي فاطمة 

عطر بحده

خلاص بقي يا مسك استهدي بالله خلاص بقي علشان خاطري بقي يا مسك خلاص ورحمة امك يا مسك كفايا كده 

مسك بغضب شديد

/لا مش خلاص يا عطر انا نبهتها الف مرة بلاش تجيب سيره امي وكأنها متعمده  تجيب سيرتها كله الا امي امي خط احمر يا عواطف ورجعت تشد شعرها تاني 

و عواطف مستمره في الصياح 

قال فايزة  بزعيق :

ماخلاص بقي خلاصنا يا مسك احترمي اني واقف بقي عيب كده ومهما كان دي في مقام المرحومة امك 

مسك بغضب

محدش في مقام امي.يا بابا و هي عمرها ما كانت أم لينا 

غير كده انا نبهت عليها كام مرة متجبش سيرة امي وهي مصممة بردو تجيب سيرتها كأنها بتقولنا اخبطوا رأسكم في الحيط

فايز  وهو يخفض صوته 

خلاص بقي يابت قومي من عليها حتموت في ايدك 

قامت مسك من علي عواطف وفي أيدها باقية من شعرها  

قامت عواطف وهي تنظر لمسك نظرات كره و استحلاف أنها مش حسبها و حتردهلها والله يا مسك ما هعديهالك 

ثم التفت عواطف  لفايز و قالت 

انت عجبك اللي بنتك عملته ده جزاتي أن استحملت قرفك انت وبناتك وفي الاخر حتة بت ملهاش اي لازمة قليقلة حيا تعمل فيا كده الله في سماه لو مجبتلي حقي منها لكون سيبالك البيت و ماشية وانت عارف لما اطلع في جناني 

قال فايز بقلة حيلة فهو قد اعتاد علي هذا الشجار: استهدي بالله بقي يا عواطف انتي كمان كام مرة نبهت عليكي بلاش تجيبي سيرة أمهم وانتي مافيش فايده فيكي مصممه بردو تجيبي سيرة تهاني الست ماتت و ارتاحت ليه بقا نجيب سيرة الأموات 

عواطف بعصبية:

بقولك ايه يا فايز انا عفاريت دنيا بتتنطط قدامي اتقي شري الساعة دي وهات حقي من مقصوفه رقبه اللي جوا عاوزة حقي منها احسن انا لو قمتلها مش حخلي فيها حته سليمه وتجبها تحت رجلي تعتذر ليا 

وفجاءة الباب خبط وكأنه طوق نجاه لمسك 

جرت عطر تفتح الباب

عطر بفرحة : 

مش معقول مروة عندنا  لا ده حدث تاريخي بقي 

مروة بمرح:

ازيك يا عطر عاملة ايه وخطيبك أخباره ايه 

عطر :الحمد لله في نعمة 

مروة: ناويتوا تتجوزا أمتي مش قريب إن شاء الله ولا ايه 

عطر بابتسامة خجل:

لا قريب خالص لو ربنا اراد كمان شهرين أن شاء الله 

عواطف  من بعيد 

انتم حتفضلوا تتكلموا على الباب كده اتفضلي يا بنتي خشي جراية يا عطر ناسيتي الأصول ولا ايه 

عطر :الكلام خدنا اتفضلي يا مروة خشي معلش كنتي وحشاني ونسيت اقولك اتفضلي 

مروة :ولا يهمك انتي كمان كنتي وحشاني قوي الا هي فين مسك 

عطر : جوا حندهالك حالا اقعدي انتي بس ارتاحي 

مروة :واللهي يا عطر انا ورايا حاجات كتير جدا و مشغولة جدااا بس جيت اعزمك انتي ومسك علي فرح اخويا امجد 

طلعت مسك ووشها احمر من كتر عصبية 

لاحظت مروة شكل مسك وعلامات الغضب علي وجهها 

مسك بشبه ابتسامة

نورتينا يا مروة بس ايه خلاكي تسيبي الفرح في الوقت ده البيت عندكم مليان ناس 

فلاش بااااك

مروة:

خلاص ارتاحتي يا فاطمة طفشتي البت ارتاحي بقي اهو الشغل كله بقي فوق راسك انا كمان سيبالك المطبخ وطالعة 

وتركتها تقف بمفردها  ومشت وهي تحدث  نفسها  :

الله يكون في عونك يا ماجد يا سااااتر عدوت نفسها اقسم بالله بني ادمة مريض   ياربي عليها والله ما تتعاشر انا ما شوفتش كده 

ثم خبطت في بيجاد وهي ماشية دون و ارده منها 

بيجاد  :

ااااايه يا مفعوصة مش تفتحي و ماشيه تكلمي نفسك ليه اتجننتي خلاص الف مبروووك

مروةبغضب

انا بردو اللي افتح وانت كل شوية تخبط في حد مش  بتحرم كفايا عصير اللي قلبته مسك عليك ايه مش مكافيك 

بيجاد بهيام 

ااااه ماتفكرنيش  بالقمر ونبي اتصدقي بالله وحشتني  اااه لو البومة مكنتش زعلتها كان زماني بملي عيني منها اخراااابي يا مرمر

وافقت مروة بتعالي وغرور وراسها لفوق ثم قالت : 

واللي يجبهالك تحضر الفرح 

ماسكها بيجاد من يدها ولفها ليه وقال بلهفة 

 وحيات امك بتكلمي جد تقدري تجيبها صح تحضر الفرح انطقي حتقدري 

مروة بضحك:

 امممممم ده الأمور خلبيطة خالص  ايه حصل   ملك العزوبية وقع ولا حد سمي عليه بقي امال فين السنجله چنتلة و العزوبيه رمز المرجله ولا هي كانت شعارات في هوا وخلاص يا عمونا 

بيجاد  بجدية :

تصدقي بالله يا مروة لو اقولك انا نفسي مستغرب قوي معرفش ايه اللي حصلي اول مرة يحصلي حاجة زي كده حالي كلي متلغبط مش عارف اتلم علي نفسي من ساعتها اول مرة قلبي يدق لحد  و ابقي مشتاق ليه وانا لسه معاه 

مروة بتنهيده.

بس انت معركتك صعبة جدا يا بيجاد تكاد تكون مستحيلة انت عارف ابوك وتمسكه بالاعراف علي قد ما هو طيب وحنين لكن في حاجات عنده خط احمر ومنهم مساله الجواز لازم عروسة تكون من بيت عيله كبير ويكون عندها مال علشان ما تطمعش وتفرق الإخوات عن بعض 

قطعها بيجاد  بعصبية وكأنه يعلن التمرد:

 بس ده فكر عقيم بابا تفكيره غلط واكبر دليل عندك فاطمة مرات ماجد من أكبر عيله في البلد وعندهم اراضي و أملاك ولكن هي عينيها مش مليانه  و حاقده علي ناس كلها و بتكره حتي نفسها 

مروة  بقلة حيلة:

بس ده فكر ابوك ومحدش يقدر يقنعة بعكس كده ولا يمكن حيغيره خد بالك انت لو حبتها بجد لازم تحارب علشنها وتبقي واثق من من الانتصار كمان لكن لو مش حتبقي واثق من الانتصار او انك مش حتقدر تحارب علشانها بلاش يا بيجو تعلقها بيك البت غلبانه ومش ناقصة غلب كفايا عليها انها اتحرمت من امها و كفايا قرف عواطف عليها بلاش انت كمان تكون  وسيلة ضغط تانية  عليها او تكون سبب في كسرة نفس جديدة. ليها ياتكون قد معركتك يابلاش كسر القلوب ملهوش صوت يا بيجاد لكن بيكسر نفس العمر كله ربنا ما يجعلنا من كاسرين القلوب يا حبيبي 

بيجاد وقد ادمعت عينيه  من كلام أخته وكأن الكلام مس قلبه من جوا واتحفرت جواه كلمة كسر القلوب ملهوش صوت وحس أن معركته مش سهله خالص وخايف فعلا مايكنش قدها ويظلم قلب اتعلق بيه لكن لا بايد حيله لقد نفذ وقت ووقع في حبها بجد وقلبه اتحرك ليها 

فاق بيجاد لنفسة ومسح دموعه بسرعة قبل متلاحظ مروة ثم قال بصوت مخنوق: 

ها بقي قلتي ايه حتعرفي يا مفعوصة تجبيها الفرح ولا اايه وإلا شكلك بوق علي فاضي يا مفعوصة هانم انتي 

مروة  بغرور :

عيبب عليك يا كبير بس مافيش حاجه ببلاش 

بيجاد :

ايووووووووه بقي انا قلت كده استحالة تعملي حاجه لوجه الله اخلصي عاوزة ايه 

مروة بضحك:  

هو طلب صغنوط خالص اد كدهون مش حيكلفك كتير يا بيجو

بيجاد :

 اه فيها بيجو استر اخلصي بقي عاوزة ايه يا مفعوصة

مروة بضحك: 

 كانت عجباني حتة اسورة واحنا بنشتري شبكه ندا كانت حتطلع من عيني صراحة عاوزها بس شوفت أنا طيبة ازاي  و قالتها وجرت من قدامة

طلع بيجاد يجري وراها

بيجاد بضحك 

انتي عارفة لو ماسكتك حعمل فيكي ايه يا مفعوصة 

مروة باصة عليه وبتطلع لسنها ليه ولا تقدر تعمل حاجة اصلا 

خبطت مروة في فاطمة وهي بتجري وتضحك 

فاطمة بقرف

في ااايه بصي قدامك ياختي وايه اللي مفرحك قوي كده و الضحكة من الودن دي للودن دي يا ختي 

مروة:

يا ساتر يارب عليكي انتي يابنتي عدوه نفسك متهيقلي احنا في فرح اووووف هو في كده وش غم 

قرب منها بيجاد وحط ايده علي كتف مروة وقال

بقولك ايه يا مرات اخويا ما تفكري كده تضحكي وتفردي وشك عاوزين نشوفه حيشقق ولا حيفضل زي ماهو

مروة بسخرية .

 مكرمش كده من ساعة ما جت عندنا  و هي وشها كده مش بيتفرد خالص شكله عيب خلقي 

ضحك بيجاد ومروة في نفس واحد 

فاطمة بغضب 

/اتصدقوا انا اللي غلطانه أن بتكلم مع شوية عيال زيكم هيفين 

مروة: 

بقولكم سلام عندي مشوار لازم اعمله قبل الكوافيره ما تيجي و غمزت لبيحاد يعنيها ورمت له بوسه علي الهوا

ابتسم بيجاد وفاهم أخته رايحة فين 

فاطمة:

و علي فين العزم بقي و انهاردة  الشغل فوق راسنا حتهربي علي فين ياختي و تسبيني معكوكه لوحدي 

مروة بنفاذ صبر:

مش حهرب أنا حروح للبت اللي كسرتي بخاطرها أراضيها و اعزمها علي فرح عرفتي خلاص و سعي بقا كده خاليني امشي 

فاطمة ؛

لا واللهي وشوفوا ازاي يا ولاد خلصنا كل اللي ورانا و مبقاش غير أننا نروح نراضي الخدامين في بيوتهم كمان 

مروة: 

اتصدقي بالله يا مرات اخويا انتي خسارة الكلام معاكي من اصله بجد ربنا يعينك على نفسك و سابتها ومشت

باااااااااااك 

مروة :

انا مهانش عليا زعلك يا مسك محدش فينا بياخد علي كلام فاطمة كلنا عارفينها كويس وعارفين أنها بتكره حتي نفسها ويلا بقي انا جتلك  لحد عندك حتمشيني من عندك مكسورة خاطر 

مسك بحب : 

مجيتك علي راسي من فوق لا طبعا  استحالة ارجعك كده انتي غاليه وجيتك عندي اغلي انا وعطر حنكون عندكم بليل أن شاء الله

مروة :

لاء انا عاوزاكم معايا من دلوقتي الكوافيرة جاية واحنا بصراحة لما تصدق و البت ندا حتلبس عندنا واظن انتي عارفه ندا كويس وعارفة قد ايه روحها حلوة وانتي وهي صحاب كمان من زمان يمكن اكتر مني انا و لا ايه يا مسك حاتكسفيني وانا جاية لحد بيتك 

مسك: 

بصراحة مش عارفه اقولك ايه الراي راي أبويا هو اللي في ايده القرار 

ابتسم فايز وقال :

 وانا استحالة اكسر كلمة لست البنات دي مجيتها عندنا فوق راسي والله يوم عيد يو ما دخلت علينا 

مروة بتواضع : 

 تسلم يا عم فايز ثم التفت للبنات خلاص يلا بقي يا بنات اجهزوا علشان اتاخرنا قوي وزمان كوافيرة علي وصول 

إخدت مسك و عطر فساتنهم ومشوا مع مروة 

عواطف : 

يعني انت يا فايز بتكافئ  بنتك علي عملتها فيا صح ولا اسمي ايه ده اللي حصل معلش 

فايز بملل وعدم مبلاه :

بصي يا عواطف مسك صحيح غلطت بس انتي اللي استفزتيها انتي عارفه أن سيرته امها بضايقها وانتي مقصرتيش كل يوم تغلطي فيها وكانك متعمده كده ولا انا غلطان يا عواطف بصلتلوا عواطف و سابته و ماشت 

وفي  السريا دخلت مروة بصحبة عطر ومسك 

في الشرفه كان يقف بيجاد في أنظارهم وهو  علي احر من جمر و عندما  لمحها ازداد خفقان قلبه هنا اتاكد أنه بيحبها بجد ومستعد يحارب علشنها  

صعدت  مروة و بصحبة البنات  لأعلي  علطول تتحاشي أن فاطمة تشوفهم وتزعلهم وفي نفس لحظة فتح بيجاد باب غرفته   و خرج 

التفت عيونهم لتاني مره و كأن عيونهم بترسل إشارات لكل واحد منهم بتعبر عن الاشتياق 

استوووووب

أنها لغة العيون يا ساده اصدق لغة في كلام العاشقين أنها تعبر عن ما بداخل القلب ولا يمكن  البوح بيها 

قطعة مروة حرب نظرات خوف من افتضاح امر اخويها  

مروة :

/ أيه ياعم بيجو معندكش شغل تحت انزل شوف العريس لبس ولا لسة علشان الكوافيرة جاية وممنوع طلوع الرجاله هنا اظن كلامي ما فهوم ولا ايه 

نظر ليها بيجاد نظرة توعد ،،غمزتله بعينها وضحكت 

بيجاد  بغيظ :وهو يضغط علي أسنانه

  اه لا نازل اهو خلاص ونزل جري علي سلم 

دخلت مسك وعطر الأوضه وكانت ندي وصلت 

ندي اول ما شافتهم مش معقول مسك وعطر وجرت عليهم هما اصدقاء من طفولة مع رغم فرق الاجتماعي اللي بينهم مقدرش يمنع الصداقة الجميلة دي 

ندي : 

برافوووو عليكي يا مروة انك جبتيهم معاكي بجد برافو جلسوا جميعا  يضحكوا و يغنوا و يهزروا و لكن مسك كانت في عالم تاني خالص كأنها مش معاهم لاحظت مروة تغير مسك و ابتسمت و فاهمت أن القلوب ارسلت الاشارت لبعض فلمس كل منهما الآخر وبدأ حرب مشاعر بنهم وكان كل قلب ارسل إشارة التاني يطمنه علي قلبه اللي معاه  

جات الكوافيرة وبدأت بالعروسة وطلعت زي القمر وبعد ذلك  مروة  وعطر ومسك دخلت فاطمة عليهم و عنيها كلها حقد. وان محدش ندهلها لما كوافيرة جت 

فاطمة :

/هو في ايه محدش يعني شيعلي لما كوافيره جت هو انا مش من ستات البيت ولا انتم زي القرع تمدوا لبرا و الغريب اولى مني هنا ولا ايه وبصت علي عطر ومسك 

مروة :

/الله مطولك يا روح خير يا فاطمة انا كنت حنادي عليكي لما تخلص اللي في أيدها عارفاكي مبتحبش تستني علشان كده قلت انادي عليكي لما هي تخلص 

قالت الكوافيره علشان تنهي الأمر .

/انا خلصت خلاص يا ام فرح تعالي اقعدي انا فضتلك خلاص علشان تكوني مسك الختام

فاطمة:

  بس وحياة ابوكي بلاش مسك دي مش ناقصين 

تجاهل الكل كلامها 

وكانت آخر واحدة مسك وكانت شبه الاسطوره هي وعطر وكأنهم اميرتين  هربانين من روايات أسطورية  من شده جمالهم هما الاتنين حاجة واحده بس اللي بتفرقهم عن بعض مسك عينها لون الفيروز و عطر عينيها رصاصي فاتح غير كده شبه بعض في كل حاجة سبحان من خلق فأبدع

طرق الباب ودخل  العريس يا خد عروسته اللي كانت رقيقه وجميلة جدا. 

نزلوا وراهم  مروة و مسك وعطر وعلي السلم 

لمح بيجاد مسك وهي نزله قلبه يكاد يقف من كثرة الخفقان  و عينيه مبرقه من شده جمالها نسي كل الناس من حوله ونسي الفرح وكأنه مغيب عن الواقع التقت عيونهم مرة أخري  ولكن في هذه المرة  كانت  مختلفة وكأن عيون مسك بتجاوب علي كل سؤال في عيون بيجاد 

نزلت مسك ووقفت جمب مروة و عطر اقترب منهم بيجاد و من غير حد ما يلاحظ سحب  مسك من يدها  لوراء  و جذبها بدون ما يلفت انتباه أحد واخدها خارج  البيت الي الحديقة 

ولكن كانت في عيون معاهم مراقباهم ياتري مين ده اللي حنعرفه بكرا

الفصل الرابع

نزلت مسك ووقفت جمب مروة و عطر اقترب منهم بيجاد و من غير حد ما يلاحظ سحب  مسك من يدها  لوراء  و جذبها بدون ما يلفت انتباه أحد واخدها خارج  البيت الي الحديقة 

ولكن كانت في عيون معاهم مراقباهم 

اتفجاءت مسك من حركة بيجاد و معرفتش تتكلم ولكنها فجاءة شدت أيدها منه بعنف 

مسك بخجل:

 انت ازاي تسمح لنفسك تمسك ايدي كده و تشدني معاك هو في ايه افهم بجد عيب اللي عملته ده يا استاذ بيجاد افرد كان حد شافنا انا كنت حعمل ايه قدامهم 

بيحاد:

اهدي بس ووطي صوتك انا بعيد اهو انا بس كنت عاوز اتكلم معاكي ومش لاقي فرصة بصراحة عملت اول فكرة خطرت في بالي و مفكرتش ايه ممكن يحصل بعد كده كل اللي مسيطر عليا هو أن ازاي اكلمك 

مسك:

انت مجنون صح ما هي ماتجيش غير كده مجنون محدش بيعمل كده غير مجانين ولا انت ايه رايك 

بيجاد بضحك:

الله ينور عليك انا مجنون ومجنون رسمي كمان اتجننت من ساعة ما شوفتك قلبتي كياني كله معرفش انتي عملتي فيا ايه جننتيني بسحر عنيكي مسك أنا بصراحة عاوز اعترفلك بحاجة مهمة لازم تعرفيها 

ولسة حيتكلم فجاءة دخلت عليهم عطر

عطر بغضب:

/ااية مش كفايه كد ولا ايه انتم اكيد حصل لمخكم حاجة افرضوا حد شافكن غيري ولا ايه يا استاذة مسك 

مسك :

/يالهوي يالهوي عطر انا حفهمك بس اصبري عليا و حقوالك اللي حصل 

عطر :

/لا تفاهميني ولا افهمك انا شوفت كل حاجة وعيني عليكي من ساعة ما نزلنا من فوق ثم التفتت لبيحاد بس اللي حضرتك عملته ده ميصحش افرد حد غيري اخد باله. ايه حيكون موقف مسك دلوقتي قدام اهلك

يا استاذ بيجاد احنا ناس غلابة و مش حمل كلام الناس و الناس لما بتصدق اي موضوع و يتكلموا فيه وساعتها مش حيقولو انك انت اللي عايزها حيقولو انها هي اللي بتلفت نظرك وانك ابن العمد

وبنت كلاف البهايم بتلف عليك بزمتك مش ده اللي حيتقال 

وفجاءة سمعوا صوت من وراهم بيقول صح كلامك يا عطر كل اللي انتي قلتي عليه صح بس صدقيني بيجاد مش كده بيجاد فعلا معجب بمسك واول مرة يعجب بحد بجد 

قطعتها عطر انا عارفة يا مروة أنه مش كده بس الناس ليها ظاهر و الظاهر بيقول أن استحالة ابن الحسب والنسب هيبص لبنت غلابنه ابوها بيخدم عندهم لكن هيا اللي هارفع عينها علشان تلفت نظر اسيادها

أثناء ما هما بيتكلموا مع بعض 

بيجاد سحب مسك من وسطهم براحة من غير ما يحسوا و مسك ماشت معاه كالمغيبة وقلبها يكادو يقف من كثره الخفقان 

مسك بصوت يكاد مسموع :

انت واخدني علي فين عطر حتقلب دنيا علي

حط بيجاد ايده علي بقها يسكتها وقال خامسا:

ببس ممكن تسكتي وانتي معايا عاوزك تنسي دنيا كلها تنسي الناس تنسي حتي اسمك مش عاوز منك غير تفتكري حاجة واحدة بس انا وبس عاوزك تحسيني وبس انا لقيت دنيتي اللي كانت ضايعه مني عمري كله لقيته معاكي مسك أنا كنت زي تايه غرقان اللي مش عارف يرسي علي مرسي وانتي رستيني انا بحبك 

وقعت كلمة علي مسك زي القضي و اخدتها في عالم تاني خالص وكأنها ليها مفعول السحر بداء قلبها في سرعة خفقان ووشها احمر بشده و ارتفع صوت نفسها 

بيجاد :

مسك مالك في ايه انتي اتحولتي كده ليه كل ده علشان قلتلك بحبك امال لو قلتلك انا كمان تخطيت مرحلة الحب حتعملي ايه ومساكها من ذراعها يلفها نحو 

ثم قال بجديدة

مسك اقسم بالله العظيم انا ما عارف انتي عملتي فيا ايه بس كل اللي اقدر اقولهولك انك ملكتي حياتي كلها روحي بقت في ايدك بجد روحي في ايدك 

مسك مرتبكة و وشها شديد الحمره مش عارفه تتكلم 

بيجاد :

ممكن اسمع صوتك اتكلمي قولي اي حاجة ايه لازمة كسوف ده كله مسك أنا حبيتك قوي وحاسس انك انتي كمان بتبدليني نفس الشعور ولا ايه

مسك  بخجل شديد  وارتباك

بيجاد بس انت شايف أن ده صح محدش حيعترف بلحب ده معركتنا تكاد تكون خسرانه الكل هيسوف أن انا طمعانه فيك وبس 

بيجاد : 

اسمعها منك بس وانا مستعد احارب الدنيا كلها لاخر نفس فيا بس قوليها قولي كلمة اللي حتخليني احارب علشانها ولازم تصمدي لان الحرب صعبة و لازم متحدي الكل 

قطعت مسك كلامة 

الحربه صعبه بس  تعرف تستاهل المجازفه 

اتفاجيء بيجاد من كلامها 

بيجاد :

 يعني افهم من كده انك انتي كمان صح 

ابتسمت مسك في خجل شديد و نظرت  في الأرض من كسوف

بيجاد : 

ياوعدي يادين النبي شكلها حتحلو معاك ياببحو يا جااااااااامد وشلها ولف بيها 

مسك :

بيجاد بس نزلني انت بتعمل ايه بس نزلني حد يشوفنا 

بيجاد:

ياقلب بيجاد وعمر بيجاد هو انا اسمي حلو قوي كده وانا معرفش يخربيت ياولاد علي جمال بيجاد من شفايف دي 

مسك وقد اشتدت حمرة وجهها

 بس بقي واللهي بتكسفني بس ونبي 

بيجاد :

/ بسيت اهون ياقلب وعقل بيجاد نفسى اقعد اسمع منك كل حاجة عنك عاوزة اعرفك قوي 

مسك :

ماشي بس مش نهارده  زمان عطر قالبه عليا دنيا يلا بقي نروح عندها ونبي 

بيجاد :

يلا يا مسكي ويا احلي حاجة حصلتلي 

بصتله مسك باستغراب علي كلمة 

بيجاد ايه بتبصي بعنيكي اللي مدوخاني ليه كده أيوة أنتي مسكي انتي مسك من جنه بتاعتي و ملكي وحياتي وانا من انهاردة مش حتنازل عنك مهما يحصل وحنجح قد الحرب اللي حخشها ووعد مني لاخليكي ملكه متوجه فوق عرش قلبي يا حته منه 

مسك :

بلاش كلام اللي يدوخ ده ويلا بقي علشان عطر

بيجاد

مش حتمشي غير لما اسمعها منك مليش دعوة أن شله نقعد للصبح 

مسك :

هي ايه بس يلا ونبي علشان عطر 

بيجاد :

كلمة اللي غيرت حياتي كلها كلمة اللي حترد الروح لقلبي قوليها بقي

مسك 

بيجاد بس بقي ويلا. وششها احمر بشده 

قاعد بيجاد علي الارض وادي قاعده خلينا قاعدين للصبح انا عن نفسي مواريش حاجة 

مسك

 /بطل غلاسة بقي ويلا نمشي اتاخرت واللهي 

هز بيجاد راسه بالرفض تؤتؤ مش متحرك غير لما اسمع كلمة اللي بتحيني 

مسك

/ بيجاد بس بقي سماح ونبي خلاص 

بيجاد ابدا مش حتنازل واسمعها 

مسك /فجاءة

 بحبك 

قام بيجاد واقف بسرعة ايه انتي قلتيها صح انا سمعتها صح انتي قلتيها يا مسك قلتيها يا حببتي قلتي بحبك

انا اللي بحبك وبعشقك و بقيتي حته من قلبي يا نور عيني من جوا يا عشق قلبي وجداني 

مسك مش عارفة ترد عنيها بقت تنزل دموع لوحدها من كتر الاحساس اللي هي حساه مش مصدقة نفسها

بيجاد لمع دموعها

بيجاد /

 اوعي عنيكي تنزل دموع حتي لو كانت دموع فرحة فاهمة اوعي يا مسك دموعك بتد*بحني ووعد مني يا حببتي لحارب لاخر نفس فيا بحبك يا مجنناني

مسك :

يلا بقي علشان عطر زمنها اكلت مروة 

بيجاد

/ يلا ياقلب وعقل وروح بيجاد ومسك أيدها وحضنها وكأنه عاوز يثبت لها انها ملكه لوحده هو وبس 

دخل بيجاد ومسك علي مروة وعطر

لمحتهم عطر وهما ماسكين ادين بعض جرت بسرعة سحب مسك من اديها 

عطر/ 

مسك بزمتك ده ينفع في كده كل ده تاخير يلا علشان حنمشي حالا يلا بينا

بيجاد طايب اقعدو شوية بس الفرح لسة شغال

عطر /

معلش يلا بقي يا مسك وخرجت مسك وعطر من سرايا بسرعة 

بيجاد فضل عنيه عليهم لحد ما خرجوا 

مروة / 

ااايه يا اخينا خلاص مشوا و غمزت بعنيها ايه كلام علي ايه ايه سر ضحكة علي وشك دي والبت راجعة وشها احمر و ميتفسرش خير يا دنچوان عصرك 

بيجاد / بحبها بحبها بحبهااااااااااااا يناااااس وبيلف فجاءة انخبط في ماجد اخوة

ماجد

/ماسكة من هدومة كأنه حيعلقوا هي مين دي ياواد اللي بتحبها انطق مين وبنت مين اخلص 

بيجاد

 / ها لا ولا حد أنا بس كنت بمثل لمروة لما احب حعمل ايه ولا ايه يا مفعوصة انطقي

مروة من كتر الضحك مش قادرة تتكلم 

بيجاد :

/ انطقي يلي تنشكي روحي حتطلع في ايده اخلصي

مروة :

 بضحك اه فعلا بس حماس اخده شويه واتقمص الدور 

ماجد :

 والله شكلكم انتم الاتنين وراكم مصيبة ودقني ايه أن ما كان وراكم حاجة كبيرة ما انتم ما بتتفقوش غير في مصايب و يا خبر دلوقتي بفلوس بكره ببلاش حتشوف بس يارب يستر متكتش مصيبة كبيرة 

بيجاد بصوت واطي:

 زلزال مش كبيرة دي حتعمل زلزال

ماجد :

شوفت انا قلت الله المستعان في ايه بقي انطقوا بتخططتوا لايه منك ليها استرها يارب في ايه يا بيجاد ناوي علي ايه

دخلت عليهم فاطمة وهما بيتكلموا سكتوا

فاطمة

/انتم قاعدين هنا وسايبني القرف لوحدي اه طبعا منا خدامة اللي جبتوها ليكم وانتم هنا عاملين تضحكوا وصوت ضحكككم مسمع لآخر السرايا 

مروه/ 

يا ساتر عليكي الله اكبر قل اعوذ برب الفلق ياشيخة اايه مبتعرفيش تشوفي حد مبسوط يا ساتر عليكي انا دخله الفرح 

وبصت لاخوها ربنا يصبرك علي ما بلاك 

بيجاد :

مرمر استني جاي معاكي والتفت لأخوه وبصوت واطي زلزال مش قلتلك واهي توابع جت سلام يا كبير ربنا معاك وجري علي جوا يحصل مروة 

فاطمة:

خير بقي كنتم بتكلموا في ايه ومخليكم مبسوطين كده بقي وتعالي هنا فين طقم الالماظ اللي قلتلك عليه 

التفت ليها ماجد وبصوت واطي زلزال زلزال

فاطمة :

ايه انت بتقول ايه مش سامعه 

ماجد بصوت عالي 

بقول زلزال انتي زلزل يعني كارثة طبيعية مش زلزال من كوارث طبيعية انتي كده سلام يا بطوط وعطها بوسة علي هوا و سابها ومشي 

وعند مسك دخلت مسك وعطر البيت بهدوء  كي لا يوقظوا أحد فقد نام كل ما في المنزل 

سحبت  عطر مسك علي الاوضة بتاعتهم وبدأت في تعنيفها

عطر :

احكي كل حاحة بالتفصيل الممل علشان ورحمة امي ما حرحمك ايه اللي حصل

مسك

 /بيهيام بحبه بحبه بحبه يا ناس و مغرمة بيه قوي قوي 

وفجاءة افتح الباب  ودخلت عواطف وقالت بتوعد:

 هو مين اللي بتحبية يا بت تهاني يا محترمة فين ابوكي يغسل عاره

البارت الخامس

مسك /بيهيام بحبه بحبه بحبه 

وفجاءة افتح الباب ودخلت عواطف وقالت بتوعد:

هو مين اللي بتحبية يا بت تهاني يا محترمة فين ابوكي يغسل عاره 

قامت مسك واقفة مرة واحده مخضوضه وقالت بحده :

هو في حد يخش كده مافيش باب تخبطي عليه ولا ايه يا مرات ابويا 

عواطف:

انا اخش في الحته اللي تعجبني و في الوقت اللي يعجبني ده بيتي ولا ايه منك ليها

قامت عطر من مكانها لكي تفض الموقف وقالت بنفاذ صبر:

عندك حق هو بيتك يلا بقي علشان احنا عاوزين ننام 

عواطف 

ومين قالك أن حتحرك من هنا قبل ما اعرف البت دي كانت بتتكلم عن مين 

مسك لسة حتندفع و ترد عليها ماسكتها عطر من يدها وقالت عطر: 

كانت بتتكلم عن بطل مسلسل التركي اللي كنا بنتفرج عليه 

هي ايه مشكلتك يا مرات ابويا بلظبط معلش فاهمينا هو حرام كمان نتفرج على تليفزيون 

عواطف:

اااه تليفزيون ماشي ماشي يلا اتخمدي منك ليها ومش عاوزة اسمع صوت عندنا شغل كتير بكرة و اعملوا حسابكم واحده منكم حتروح معايا بكره دوار العمده علشان نعمل أكل الصبحية للعرسان 

مسك بسرعة وبدون تفكير 

انا هاجي معاكي طبعا 

عطر بحده واضحة في صوتها 

لاء انا اللي هروح معاكي وانتي يامسك اقعدي هنا علشان ابوكي وشغل البيت

عواطف بتعجب:

وده من ايه أن شاء الله كنت بتحايل عليكم من اللي يجي دلوقتي بتتخانقوا علي مين ميروحش ولله بطلوده واسمعوده لسة حنشوف شكلكم وراكم حوار كبير بس علي مين الصبر حلو

مسك لكي طغطي علي موقف

/جرا ايه يا مرات ابويا هو لاكده عاجب ولا كده عاجب نعملك ليه بس عشان ترضي لو قلنا لا تزعقي وتقولي ساييني لوحدي ولو قلنا لك ماشي تقولي حكاية فيها أنه ايه يرضيكي علشان نعمل. 

عواطف :

لا ترضيني ولا ارضيكي انا داخله انام واعملوا اللي يرايحكم بس الصبح الاقي واحده منكم معايا اتخمدوا بقي

خرجت عواطف ثم نظرت كلاهما للاخري وضحكوا سويا 

عطر :

مسك كده مينفعش صدقني محدش حيخسر غيرك في الحكاية دي هما اخريهم حيزعلوا حبه من ابنهم وخلصنا لكن احنا ممكن نخسر كل حاجة بيتنا تشغلنا وكل حاجة لينا هنا في ثانية 

مسك بحزن

القلوب معلهاش سلطان يا عطر لما قلب يدق مش بيختار غفير ولا امير افهمني ونبي انتي كمان بتحبي محمد وعارفة يعني ايه حب غصب عني والله عارفة انه حب مستحيل بس هو قال حيحارب علشاني حتشوف هو حيعمل ايه 

عطر بقلة حيلة : 

ربنا يسعد قلبك ويخيب ظني يلا نام بس يكون في علمك انا اللي. حروح الصبح مع مرات ابوكي مش انتي 

مسك : 

طايب ليه بقي كده مكنا حلوين 

عطر :

مسك اتمسي بقي ونامي 

وفي سراية العمدة 

عند العرسان انتهني الفرح ودخلوا العرسان غرفتهم تحت نظرات فاطمة الحاقده 

اطلق امجد صافرة اعجاب وقال: 

يالهوي يا ولاد ايه القمر ده بزمتك القمر ده بقي بتاعي لوحدي ياوعدي 

ندي بخجل:

امجد بس بقي بتكسف الله 

أمجد بفرح

لله ايه بس احنا ليلتنا فل أن شاء الله تعالي بقي علشان كده عاوز اقولك كلمتين مهمين جداااااا 

ندا: 

امجد بس بقي بتكسفني الله يخليك

امجد:

ياربي علي قمر لما يتكسف ندا انا حبيتك قوي بجد انا معاكي بحس اني موجود تعالي ندا اقعدي عاوز اقولك علي كلمتين علشان نكون علي نور 

ندا بجدية وقد استشعرت الأهمية في كلامة 

/خير يا امجد قلقتني في ايه 

امجد بحنان : 

لا يا قلب امجد من جوا متقلقيش بس انا عاوز منك رجاء اي مشكله تحصل بنا تكون هنا وبس جو باب الاوضة دي متطلعش برا مهما كانت كبيرة سرك معايا انا وبس حكون ليكي الاب والابن والصديق ولاخ والزوج 

تاني حاجه واهم حاجه. فاطمة ثم فاطمة ثم فاطمة. لا تسمعي منها ولا تسمعي ليها اي حاجة تقولها اعملي نفسك مسمعتهاش ممكن توقع بينك وبين اي حد تاني في اليت كبري دماغك منها خالص مش عاوز مشاكل في البيت هي حتحاول تختلق مشاكل اوعي تديها فرصة لكده خالي الكل يحبك يا ندوش قلبي قربي من مروة هي بتحبك 

ندي بابتسامة رضا وحب : 

متقلقش عليا يا امجد انا فاطمة قدها ومش حديها فرصة متقلقش و مروة حببتي وانا فرحانه أن انا وسطكم

ثم قام امجد واقفا كده تمام يلا بقي استعنا علي شقا بالله

ندي بضحك 

امجد انت اتجننت حتعمل ايه 

فجاءة حملها امجد تحت ضحكتها العاليه وبدأ اول يوم في حياتهم الزوجية في سعاده وهنا اللي أن أصبحت زوجته امام الله 

كل ذلك وفاطمة سامعة صوت ضحكاتهم والغل مسيطر عليها 

هو كده في ناس ربنا مسلط عليها نفسها لا بتحب حد ولا حد بيحبها ولا بتحب حتي نفسها الله المستعان عليهم 

و في صباح اليوم التالي للفرح 

استعتدت عواطف و عطر للذهاب الي دوار العمده و مسك كان الزعل واضح علي معالم وجهها 

عطر /

مسك متزعليش مني واللهي علشان مصلحتك انا بعمل كده 

هزت مسك رأسها لأنها عارفة أن اختها معاها حق وأنها اكتر حد حيخاف عليها بس غصب عنها مافيش حكم علي القلوب محدش بيختار يحب مين وميحبش مين 

مشت عطر وعواطف 

وفي السراية الكل متجمع علي فطار 

محمود الاب : 

طلعتي فطار للعرسان يا اشجان 

اشجان تهز راسها بالرفض وتقول : 

لا امجد قالي حينزلوا بفطروا معانا زمانتهم نزلين 

فاطمة بعوجة بوقها : 

عشنا وشوفنا عرسان نزلين يوم صبحيتهم لعله خير بكره يما حتشوف 

مروة غمزت لبيحاد معاناها حرب حتبداء بيجاد شاورلها بمعني سيبك منها ابتسموا لبعض 

نزل امجد ماسك ايد ندا وكانت زي القمر 

امجد بمرح 

صباح الخير علي اجمل عيله وجري يقبل يد والده 

محمود :

يسعد صباحك يا ولدي بس مش مستعجلين علي نزول كنتم قاعدتم يومين كده في الاوضة بتاعتكم

امجد: ٠

ده كان زمان يابا الحاج نقعد يومين وتضيعم من شهر عسل 

بيجاد : 

ايوا بقي هو ده امجد اخويا ياسلام ونويت علي فين 

ندي: 

شرم طبعا يا بيجو هو في احلي منها

قامت مروة من مكانها حضنت ندي 

مروة بحب ؛ 

ياسلام هو ده صح قال تقعودا في الأوضه قال 

اشجان : 

ما تفهمونا يا ولاد ايه الي مفرحكم قوي كده

مروة /

يا ماما امجد وندي طالعي شرم شيخ يقضوا شهر عسل 

ماجد : 

والله جدع يا واود يا امجد احسن من خانقة الاوضة برافوا عليك 

وفجاءة فاطمة هبدت معلقة بطريقة ملحوظة الكل انتبه لها 

محمود:

خير يا فاطمة في حاحة 

فاطمة:

بغيظ لا يابا الحاج معلقة وقعت من ايدي بس 

اشجان اقعدوا افطروا يلا يا عرسان 

امجد :

انا فعلا واقع من جوع ولا ايه يا ندوش 

ابتسمت ندي ووشها احمر 

جلس الجميع يتناولوا الفطور تحت هزار بيجاد وضحكات مروة وفاطمة بتاكل في نفسها من الشغل الغل 

فاطمة وهي ترفع حاجبها: 

هو يا ندي اهلك مقلولكيش أن العروسة عيب تطلع من اوضتها قبل اسبوع ولا ايه 

ندي بهدوء مبالغ فيه 

هو مين قال إنه عيب يا ابله فاطمة امال العرسان اللي بتسافر يوم فرح دول ايه ما عيب الا العيب ومحدش ليه حاجة عندنا دي اجمل أيامنا واحنا اللي حنعشها مقلناش لحد يجي يعيش مكنا ياريت بقي يا ابله كل واحد يخليه في حاله لما حد يكلمك قوليلوا كده خليك في حالك 

بيجاد: 

اوبا اوبا ضرب جابها إنما اااية اورجانك

فاطمة :

انا بس كنت بسال علشان الناس متكولش وشنا 

مروة :

ناس مين يا فاطمة اللي حيتكلموا ما اليتكلم يتكلم هما مالهم اصلا 

وفجاءة دخلت عواطف و عطر 

عواطف: 

تتصبحوا بالخير الف مبروووك عقبال البكاري تم خبطط علي صدرها هو ايه اللي نزل عرسان يوم صبحبتهم

شدتها عطر من أيدها احنا ملنا ينزلوا ولا يطلعوا احنا ملناش خلينا في شغلها اللي جاين علشانه

قام بيجاد من مكانه يدور عليها بعنيه مش لاقيها غمز مروة 

فاهمت مروة مقصده وقالت : 

اهلا عطر اللي هي فين مسك ماجتاتش معاكم 

عطر 

/لاء مسك في البيت علشان ابويا تشوف طلباته 

اشجان بتعجب : 

انتي بتعرفيهم ازاي من بعضهم يا مروة 

مروة: 

صحابي من زمان بقي بس في اختلاف في لون عيون كل واحده لون عينيها مميز 

فاطمة بغل 

خلاص يا عواطف خدي بت جوزك وعلي المطبخ النهار بيضيع ومعملناش حاجة اخلصوا بسرعة وانا حخلص فطور وجيتلكم علشان افهمكم حنعمل ايه ولا وان ملهوش لازمة عرسان ماشين عشنا وشوفنا 

انحرجت عطر ووشها احمر وشعرت بالاهانه 

عواطف : 

هاه اه اه يلا يا عطر بينا الف هنا عليكم وعقبال البكاري وتشيلوا عوضهم 

دخلت عواطف وعطر 

عطر بغضب

عاجبك كده شوفتي الاهانه 

عواطف 

خلصمنا بقي خلينا نخلص من يوم ده 

وعلي السفره

مروة 

فاطمة انتي مش حتبطلي طريقتك دي مع ناس لازم تحسيسيهم أنهم اقل مننا. وخلاص مش حتبطلي 

فاطمة: 

هو انا قلت ايه بس مش هما جاين علشان يخدموا عندنا ولا ايه

بيجاد قام وقف وهو بيصلها بغيظ 

بيجاد: 

ربنا ما يحكمك علي غلابه يا مرات اخويا 

محمود

/علي فين يابني كمل فطورك 

بيجاد

/ الحمد لله ياحاج انا خارج  ثم سلم  علي أمجد وقال تروح وترجع بسلامة و الف مبروووك ربنا يهنيكم 

امجد : 

عقبالك يا ملك العزوبية لما نفرح فيك بقي 

بيجاد غمزله بعينه قريب إن شاء الله

شده امجد من يده

تعالي هنا رايح فين ايه التطورات. الكبيرة قوي دي انطق في ايه ومين اللي وقعت ملك العزوبية علي جذور رقبته 

بيجاد 

سلام. مش وقته ترجع بسلام و ميل عليه رفعت راسنا ولا الايه شكلك ولا ايه

امجد ح

بصوت واطي عيب عليك يا بني هو انا تلميذ انا ميجووو جامد قوي 

بيجاد / يا ميجوووو يا جامد حلاوتك يا عريس 

أمجد: 

هو انت ايه حكايتك بلظبط في حاجة حصلت وانا مش عرفها هي ايه بقي 

بيجاد :

,لما ترجع من شهر عسل حفجر مفجاءة. بس الصبر حلو وتركه ومشي 

امجد نظر لمروة وقال 

الواد ده حكايته ايه مش علي بعضه كده وبجبلوا سيرة جواز متعصبش ولا قال سنجله جنتله بلعكس قالي قريب خير يا مفعوصة ماهو سره معاكي 

رفعت مروة كتفاها دليل علي عدم معرفتها 

مروة : 

معرفش ولو اعرف اقول علي طول عيب 

فاطمة : 

/ونبي تلاقيكي عارفة وساكته سوسه من يومك 

مروة : 

/اللي هو انا اللي سوسة صح وكمان انتي مالك احنا اخوات في بعض انتي ايه دخلك. بنا يا باي عليكي 

ماجد /

ميل علي مروة يكونش ده زلزال اللي قال عليه امبارح هو صح

مروة: 

معرفش بيجو بقولك انا معرفش حاجة طلعوني من اليله دي 

ماجد

صدقت فاطمه سوسة من يومك 

ضحكت مروة و غمزتله 

ماجد:  مش بقولك سوسه 

سلم امجد عليهم واخد ندي ومشي تحت أنظارهم 

وفي الخارج وصل بيجاد لمنزل مسك فغيابها قد إطار عقله ظل واقفا امام منزلها متحيرا كيف يراها فقد جن جنونه ولا يعلم ماذا يفعل لكي يتمكن من رؤيتها فقال في نفسة :

انا هجازف وأخبط وزي ماتيجي بقي وربنا يستر وبلفعل طرق بيجاد باب منزل مسك

تكملة الرواية من هنااااا