رواية قلوب ارهقها نبضها الفصل السادس والسابع والثامن والتاسع والعاشر بقلم نرمين قدرى

 

رواية قلوب ارهقها نبضها الفصل السادس والسابع والثامن والتاسع والعاشر  بقلم نرمين قدرى 

رواية قلوب ارهقها نبضها الفصل السادس والسابع والثامن والتاسع والعاشر  بقلم نرمين قدرى 

البارت السادس

وفي الخارج وصل بيجاد لمنزل مسك فغيابها قد إطار عقله ظل واقفا امام منزلها متحيرا كيف يراها فقد جن جنونه ولا يعلم ماذا يفعل لكي يتمكن من رؤيتها فقال في نفسة :

انا هجازف وأخبط وزي ماتيجي بقي وربنا يستر وبلفعل طرق بيجاد باب منزل مسك 

طرق   بيجاد علي الباب فتحت مسك الباب  ولسة حتتكلم تنحت وانصدمت من مفجاءة

وقالت مسك  بصدمة

/ينهار اسود انت ايه اللي جابك هنا يالهوي يالهوي 

بيجاد وهو يبتسم 

اهدي كده في ايه  بس  شوفتي عفريت  انتي ولا اية كل الأمر انك  وحشاني قوي وبصراحة لما ملقتكيش جيتي قلت اجيلك انا وحشتني قوي يا مسكي اعمل ايه بس مقدرتش اصبر 

مسك بذعر 

/بيجاد امشي دلوقتي احسن حد يشوفنا وتبقي مصيبة  الله يخليك امشي 

بيجاد :

هو مين اللي يمشي انا لما صدقت لقيتك مسك انا بحبك قوي بجد عمري ما حبيت حد كده 

وفجاءة صرخت مسك يالهوي بابا جاي علي هنا يا مصبتي يا مصبتي  حيموتني اعمل ايه اعمل ايه 

بيجاد  بذعر .

انا اللي اعمل ايه طايب انا حمشي   

مسك بلغبطة 

لاء تمشي ايه وشدته من هدومة دخلته وقفلت باب 

لو مشيت حيشوفك بص بقولك وبصت حواليها اطلع فوق بسرعة علي سطح . لاء لاء سطح ايه ناس تشوفك بص تحت سرير اه انزل تحت سرير بسرعة

بيجاد وافق و نظر لها  وظل يضحك و يضحك علي ربكتها 

مسك بخوف 

  انت لسة حتوقف تضحك أنجز خش الاوضة هنا وانزل تحت سرير 

بيجاد أنه أوضه بس اهدي شوية 

مسك :

/ دي بسرعة بقي وشدته من ايده دخلته الاوضة 

يلا انزل 

بيجاد وهو نازل خطف منها بوسة غفله وعلي غير متوقع 

وقفت مسك متنحة ومش حاسة باي حاجة بتحصل حوليها لدرجه انها مش سامع صوت والدها وهو بينادي عليها 

فاقت علي صوت والدها جنبها

فاير بغضب 

مسك بت يا مسك انتي يا بنتي مالك في ايه متنحة كده ليه 

مسك بحاله من الا وعي 

ها بابا خير انت بتنادي عليا 

فايز بن بتعجب 

بنادي انا بقالي ساعة واقف انده عليكي ايه اللي واخد عقلك كده مالك شكلك مش علي بعضك كده ليه 

مسك /مالي انا مالي لا مليش مافيش انا كويسة اهو

فايز /

مسك انتي عيانه في ايه مش علي بعضك كده ليه وواقفة عندك بتعملي ايه اجري حطيلي لقمة اكولها علشان ارجع شغل

مسك /

حاضر وجرت علي مطبخ

بيجاد/

بضحك هو انا ايه اللي هببته في نفسي ده بس البت تستاهل ايه ياعم بيجاد حتعمل ايه مع ابوك العمده حتقنعة ازاي سرح بيجاد في حل للمشكلة لحد ما نام من غير ما يحس 

مسك في مطبخ 

يارب استرها حعمل ايه في مصيبة اللي جوا دي يالهوي لو ابويا شافوا انا انتهيت 

وفي داخل  سراية 

عواطف 

يلا يا عطر شدي حيلك معايا خلينا نخلص ونروح انا تعبت 

عطر بملل 

/طاهو والله بخلص خلاص اخر حاجة ونخلص 

عواطف : 

  وانا كمان خلصت لخبيز  خلاص 

دخلت فاطمة  مطبخ عليهم انتم وافقين تتكلموا وسايبن شغل ولا اية  الاخبار يا عواطف خلصتوا ولا لسة 

عواطف/ خلاص يا ام فرح عطر بتخلص السلاطه وحنمشي خلاص  

فاطمة/ماشي شدو حيلكم بقي طولتوا قوي  وبطلوا كلام بقي علشان تخلصوا 

عطر  بصلها بغيظ ومش قادرة تتكلم 

عواطف /الا بحق يا ام فرح عما عرسان راحو فين كده يوم صبحيتهم 

فاطمة / الا ايه راحو شهر عسل. ما علينا اخلصي عواطف علشان تمشوا 

عطر /انا خلصت خلاص يلا يا مرات ابويا احسن انا تعبت  وخلاص مش قادرة اتنفس 

عواطف / يلا بينا بالاذن يا ام فرح بقي كده كل حاجة جاهزة علي الاكل الف هنا 

فاطمة /حتيحي أمتي تاني يالعواطف 

عواطف /  يومين كده الست الحاجة قالتلي عاوزة تعمل فطير قرب رجوع عرسان اول ما تشيعلي حاجي يلا بالعواف بقي 

فاطمة الله يعافيكي ياختي 

وعند مسك /

الاكل اهو يا بابا يلا بقي علشان متاخرش

فايز /

مالك يابت مش علي بعضك كده ليه واتاخر عن ايه 

مسك 

/مش انت قلت عاوز تأكل علشان ترجع شغل 

فايز /

اه لا من حقيل شوية مش قادر دماغي وجعاني

مسك /

طايب خش الاوضة بتاعتك نام جوه 

فايز لا انا حاكل وأنام علي كنبة هنا في طراوة

مسك / 

والله  اه في طرواة عندك حق صح هو يوم بابن من أوله

فايز 

/بتقولي ايه يا بت مش سامع 

مسك/ لا كنت بقول يعني نام جوا علشان لو عطر و مرات ابويا جم متقلقش من صوتهم 

فايز /

عند حق يا مسك وعواطف صوتها يصحي ميت حاكل واخش اقيل ساعة كده 

مسك/ نوم هنا يا حاج مكملتش كلامها باب خبط 

فايز/ اجري يا بكاشة افتحي الباب تلاقيهم جم 

جرت مسك تفتح باب دخلت عواطف وعطر

مسك 

في نفسها كملت  هي ناقصة عواطف كمان استرها يارب 

عواطف /

يالهوي الدنيا موت برا حر جامد غير وقفتي علي الخبيز حموت من حر  قاعدت جنب فايز علي كنبة وهي بتهوي من حر 

لاحظت عطر تغير لون وش مسك وارتباكها 

عطر /

انا داخلة اغير واناام حموت من تعب تعالي يا مسك. احكيلك عملنا ايه هناك 

مسك /  بربكه اه جاية اهو 

عواطف /

حنكون عملنا ايه يا شملوله علشان يتحكي بطلوا رغي وخشوا شوفوا ايه اللي وراكم 

نظروا لها نظرة ذات معني و سحبت عطر يد مسك ودخلوا غرفتهم  من غير ما يردوا عليها 

عطر دخلت وقفلت الباب وراها 

عطر /

مسكت اطيد مسك مالك فيكي ايه مش علي بعضك كده ولونك مخطوف ايه اللي حصل 

مسك /

اقعدت طلطم علي و جهها انا رحت في داهية خلاص مرات ابوكي حتكي وتتحاكي انا انتهيت يالهوي علي حيحصلي بالهوي

عطر / 

اهدي كده بقي علشان افهم في ايه وقعتي قلبي في رجلي ايه اللي حصل اخلصي بقي 

مسك /

  بصي انا حقولك بس امسكي نفسك وبلاش صوتك يعلي علشان لازم نتصرف بعقل علشان محدش يحس بحاجة 

عطر بخوف

يابنتي اخلصي حموت من القلق ايه اللي حصل 

مسك رفعت ملاية سرير وظهر بيجاد كان نايم 

عطر خبطت علي صدرها يالهوي يخربيتك ايه اللي جاب ده هنا  نهار اسود وحنعمل ايه في مصيبة دي 

صحي بيجاد علي صوتهم فتح عينه لاقهم الاتنين بصين عليه قام مخضوض بيرفع راسة اتخبط في سرير. 

بيجاد /اااه راسي اااه

مسك /

بس وطي صوتك ده حتفضحنا قاعدين برا 

عطر 

/فاهمني ايه اللي جاب ده هنا و تحت سرير بيعمل ايه 

بيجاد/

انتي فاهمة غلط يا آنسة عطر انا حفهمك 

عطر

غلط ايه وصح ايه انتم مش حاسين بلميصيبة اللي انتم فيها حتعمل ايه في اللي قاعدين برا دول 

مسك 

/ابوكي مقدور عليه بس عواطف دي لو شمت خبر البلد كلها حتعرف 

بيجاد

/والحل انا حفضل هنا كتير ولا ايه ضهري وجعني 

عطر بعصبية 

واللهي كلام ده تقوله لنفسك مش لينا قبل ما تيجي وتحط نفسك في موقف ده

وفجاه الباب انفتح ودخلت  عواطف 

وقفت مسك وعطر قدام سرير و بيجاد بسرعة نزل ملاية

عواطف خير في ايه لونكم مخطوف كدة ليه انتم كنتم بتعملوا ايه مالكم مش علي بعضيكم كده ليه 

مسك /مالنا ماشين علي حطية مثلا محنا قاعدين في الاوضة 

عواطف / اقطع دراعي أن في حاجة   شكلكم ده   مايطمنتش بس ماشي صبر حلو انا داخلة انام مش عاوزة صوت 

اصحي تكونوا خلصتم شغل البيت مفهوم 

عطر/ماشي يا مرات ابويا حاضر خشي انتي نامي وكل حاجة حتخلص حاضر 

عواطف ماشي ياشملوله داخله 

الباب خبط بصت مسك وعطر لبعض 

عواطف خير ما واحده تروح تفتح مالكم منك ليها 

عطر انا رايحة افتح حاضر 

جرت عطر تفتح  الباب

عطر /محمد اهلا ايه اللي جابك 

محمد /في ايه يابت في حد يقول لحبيبه ايه اللي جابك 

عطر/لا مش القصد اصلك مش متعود تيجي في وقت ده 

محمد / وحشتيني قلت لما اجي املي عيني منك شوية 

عطر /يخليك ليا يارب وتسلم حبيبي  

عواطف /مين يا عطر اللي جه 

عطر /  ده محمد يا مرات ابويا

عواطف خرجت يا اهلا وسهلا اتفضل يا محمد واقف علي باب ليه خش اشرب شاي 

محمد/لاء عندي شغل انا بس كنت جاي اطمن علي عطر 

عطر /أن شله تسلم خش اشرب شاي طايب

محمد /لاء انا ماشي يلا سلام ممكن اعدي عليكي بليل علشان نشوف ايه اللي ناقصنا علشان فرح قرب خلاص وحتيفي في بيتي بقي. واعمل اللي انا عاوزه براحتي يا قمر وغمز لها

عطر /, اتلم وطي صوتك بقي احسن تسمعنا ودي لما تصدق 

محمد /  هو اية اللي اتلم ده انا بعد الايام علشان تكوني بتاعتي  قال اتلم قال 

طلعت مسك مخلاص يا نحنوح منك ليها اخلصوا بقي 

محمد /الله يا مسك بلاش ادلع عطر حياتي كلها 

مسك /دلعا براحتك بس مش وقته دلوقتي

محمد /ليه بقي هو دلع ليه وقت

عطر/اه علشان مرات ابويا طلبت مننا  حاجات نعملها ومسك خايفة احسن تبهدلنا 

محمد /انتم مالكم انتم الاتنين مش علي بعضيكم كده هو في ايه فيكم حاجة مش مظبوطة عطر اول ما فتحت تقولي ايه اللي جابك .  و كلامها كله ملغبط وانتي طلعتي من الأضه عاوزاني امشي انطقوا في ايه منك ليها 

الاتنين وشهم اصفر ومش عارفين يقولوا ايه

عطر / قربت منه انت متعرفش اللي حصل امبارح اصلك

محمد / ايه اللي حصل امبارح ياختي 

عطر /مش مسك ماسكت عواطف من شعرها جابتها علي الارض وقاعدت فوقها 

محمد/  بضحك احلفي يابنت الايه برافوا عليكي عملتها ازاي دي بس بردو ايه علاقة ده بشكلكم ده 

مسك /اصلها حالفه تاخد حقها واحنا مش عاوزين نديها فرصة تتكلم عاوزين نخلص شغل البيت بسرعة

محمد /اااه ماشي ولو اني مش مقتنع بس يلا سلام علشان اتاخرت لما ارجع بليل اشوف حكايتكم

عطر/ماشي وانا حستناك بليل يلا سلام بقي

قفلت عطر الباب 

مسك /خشي انتي عند مرات ابوكي اتكلمي معاها في أي حاجة علي بال ما اطلعه

عطر / عجبك انتي موقف اللي حطنا فيه ده بس ماشي نخلص منه وحساب يجمع حخش انا عندهم وانتي اخلصينا من بلوه اللي جوا ده 

مسك/  ماشي بس يلا ده حمض تحت سرير

عطر/ماشي يا حنينه  

دخلت مسك الاوضة لقيته فوق سرير مدد

مسك /قوم فز انت ايه اللي منيمك هنا اخلص يلا 

بيحاد/ ضهري وجعني تحت سرير بس تعرفي أن اوضتك جميلة قوي بصراحة أنا عجبني القاعده هنا

مسك /بيجاد بالله اخلص امشي بقي متجبليش كلام  ربنا سترها لحد كده يلا بقي ونبي 

بيجاد/حاضر يامسكي حمشي بس انظري مني مفجاءة 

خرجت مسك تشوف طريق وشاورت لبيحاد علشان يخرج فتحت باب البيت علشان يطلع وهو طالع خطف بوسة تانية وجري بسرعة 

وقفت مسك متنحة مكانها ووشها احمر  فاقت علي صوت عطر 

عطر/ ايه خلاص مشي صح 

هزت مسك رأسها وسابتها ودخلت الاوضة في حاله هيام وفي دنيا تانية خالص وعلي وشها ابتسامة غريبة

دخل بيجاد سرايا 

ماجد /ايه يابني مختفي فين طول نهار محدش شافك لا في شغل ولا هنا خير 

بيجاد/هو بابا فين 

ماجد /خير يا بيجاد شكل وراك مصيبة 

بيجاد/ اصبر وحتعرف قولي بس ابوك فين 

ماجد /قاعد في المندرة  مع ناس بيتكلموا بخصوص الأرض شرقية 

بيجاد /طايب تعالي معايا علشان تحضر اللي حيتقال 

ماجد /استرها يارب هو ده زلزال صح

بيجاد/تعالي بس يا ماجد 

دخل ماجد وبيحاد علي ابوهم 

محمود /تعالوا ياولاد خير. متجمعين عند النبي تعالو اقعدوا 

بيجاد /كويس انك لوحدك يا حاج انا عاوزك في موضوع مهم 

تابعوني في بارت قادم ملكة القلم 

.

البارت السابع

محمود : 

/تعالوا ياولاد خير.  ايه متجمعين عند النبي تعالو اقعدوا حداية انا زهقان 

بيجاد :

/كويس انك لوحدك يا حاج انا عاوزك في موضوع

مهم بس عاوزك تفهمني ومتتعصبش وتسمعني للاخر 

  محمود: 

وانت ناوي تتكلم في حاجة تعصب ولا اية

 سكت بيجاد  ولم يتفوه بكلمة 

 رفع محمود حاجبية وقال : 

خير يا ولاد في ايه شكلكم ميطمتش كده  وغير كده بيجاد لما يقولي ياحاج يبقي موضوع جد 

بيجاد :

خير ان شاء الله بصي يا حاج  صلي بينا علي النبي  

محمود:  

/علية افضل الصلاة والسلام خير يا بيجاد طلما اخدت موضوع جد كده بيقي موضوع ميطمتش 

ماجد :

اصبر بس يا حاج لما تشوفه عاوز   يقول ايه 

قام بيجاد وقف وبكل شجاعة وهو مغمض عينة: 

انا نويت أن شاء الله اكمل نص ديني وأخش القفص برجلي وبكامل قوايا العقليه 

طلق  ماجد صافرة اعجاب ثم أكمل: . 

بيجاد حبيبي انت كويس يعني عقلك لسة في راسك وريني كده لتكون سخن ولا حاجة 

بيجاد ومازال علي وضع الجديه  ولم بضحك علي كلام ماجد :

اصبر بس يا ماجد لما اكمل كلامي 

استشف ماجد أن اللي جاي بعد كده ميطمتش وان في كارثة حيفجرها بيجاد حالا 

محمودورسم علي وشه الجد.لانه استشف من كلام ابنه أن موضوع هيعصبه فسبق وقال :

  وتكون  بنت مين في البلد اللي قدرت توقع ملك العزوبية علي جدون رقبته بنت   حد نعرفه  من اي عياله حدانه ولا تكونش مش من بلدنا اصلا وتكون كانت  معاك في الجامعة

بيجاد اصفر لونه صوته راح وبداء يتلجلجل في كلام وقال : 

هي أصلها اصل لاء معانا في البلد  تكون يعني

محمود :

في ايه ما تكلم   زي ناس عدل كده علشان افهم البت بتكون من عيله مين  من كبار البلد كل كبارات  معروفين  بنت مين فيهم بقي 

بيجاد برعب:

.بنت ناس طيبين الحمد لله

محمود بعصبية.

 مين يا بيجاد اخلص مطلعش عفاريتي

بيجاد 

بنت فايز  وسكت 

محمود وهو يحاول أن يتذكر 

فايز مين. فايز انت سمعت عن اسم عائلة كده يا ماجد  انا عن نفسي ماسمعتش عن عيله بالاسم ده 

ماجد كان في عالم تاني خالص عرف مين فايز مش عارف يرد يقول ايه 

محمود بعصبية :

ماجد انطق تعرف مين فايز ده انا مسمعتش عن عائلة بالاسم ده قبل كده فاكرني لاكون ناسي

ماجد بتهتها :

اه اعرفه فايز اللي بيشتغل في زريبة عندنا 

محمود بصوت رج أنحاء المكان:

اااايه اوعي تكون قاصد فايز كلاف البهايم لا لا اكيد انت فاهمت اخوك غلط استحالة بيجاد يفكر في كده لا طبعا انا ابني يتجوز بنت كلاف البهايم لاء لاء. استحالة ده بيجاد اللي ما بيعحبهوش العجب عاوز تقولي أنه ساب. كل بنات الكفر وكبارتهم وجاي يعجب ببنت كلاف لا اكيد انت فاهمت غلط   

بيجاد:

 وماله كلاف البهايم مش بني آدم زينا  يا حاج ولا ايه 

محمود بنفس نبرة الصوت العالية : 

انت بتكلم جد لو انتطبقت السما علي أرض ما يحصل الله في سماه ما يحصل انا جد عيالك يكون فايز حرامي البيض انت حصل لمخك حاجة  ولا ايه اكيد انت اتجننت 

جميع ما   في البيت سمعوا صوت زعيق جاي من مندرة

اشجان بخضه:

هو ده مش صوت ابوكي يا مروة بيزعق كده ده اول مرة يعملها ويزعق كده اكيد في حاجة كبيرة حصلت هناك 

مروة: 

اه ياماما ده بابا اللي بيزعق كده  ليكون بيزعق مع ناس بتوع الأرض الشرقية هما اللي كانوا عنده 

اشجان بقلق:

لاء الناس  دي مشاشت من ساعة ياتري في ايه 

خرجت فاطمة من مطبخ بسرعة 

 اده مش ده صوت أبا الحاج ولا ايه يزعق كده ليه ولمين 

مروة: 

 هو احنا لسة حنخمن بيزعق لمين  انا رايحة اشوف في ايه شدت طرحتها ولبستها وخرجت نواحي مندرة 

سمعت ابوها يقول:

   اقسم بالله لو عملتها ياببحاد لاكون متبري منك واحسبك أن ربنا ماخلقكش من اصله

حاطت مروة أيدها علي بوقها وشهقت بالهوي عليك يا بيجاد مش قادر تصبر شوية ده وقته كان يحصل ايه بس لو صبرت شوية كمان

سمعت بيجاد يقول

ماشي ياحج انت مش عاوز مسك وانا يكون في معلومك يا مسك يا مش متجوز خالص   

محمود :

 يكون احسن أن شلة عنك ما تههببت ولا تجوزت احسن بردو من فلحتك قوي 

دخلت مروة في ايه بس استهدو بالله كده وكل حاجة وليها حل اهدي يا حاج علشان صحتك و حنحلها باذن الله

محمود بغضب :

 انتي كنتي عارفه يا مروة المصيبة اللي اخوكي عاوز يعملها اكيد عارفة ما انتو راسكم في رأس بعض طول نهار 

مروة :

اهدي بس يا بابا اهدي كده واسمع مني الاول 

محمود: 

مررروة متحوليش علشان  البت لا ليها اصل ولا فصل ابوها كلاف البهايم شغال عندنا بالأجرة   وامها ولا مرات ابوها دي بتيجي تخدم مع امك في مطبخ تيجي بقي ازي مش لكل مقام مقام ولا ايه 

مروة وهي تحاول أن تهدء من روعة : 

وانت من امتي بتبص للناس بطبقية دي طول عمرك بتقول الناس سواسية يعني احنا من غير. فلاح مش حناكل من غير   الفران مش حناكل العيش.  النجار و البواب والمزارع وكل شغلنات البسيطة دي. من غيرها مش حنعرف نعيش ، 

انت يا حاج اللي علمتنا أن عمر شغل ما يعيب صاحبة مدام حلال . 

ليه بقي دلوقتي باصصلها من ناحية الأمير والغقير انت عمرك ما كنت كده ولا حتكون كده وانت كمان معلمتناش نكون كده دايما تقولنا من تواضع لله رفعه مش ده كلامك ولا ايه يا حجوج يا قمر 

وكمان البنت يتيمة وغلبانه وعاوزه تعيش صدقني يا ابويا العيلة  واسمها ومركزها المادي مش كل حاجة 

المهم شخص نفسة يكون كويس .

ومسك مشاء الله عليها جمال وأدب و علام كمان البنت في جامعة يعني مش جاهلة . 

محمود 

انا البت معلش عليها اعتراض بس ده مبدأ انا مش بجوز عيالي غير لعائلات كبيرة قضي الامر

رد ماجد  بعصبية غريبة :

ماشي يا حاج وبعدين  يعني اخرتها ايه 

محمود /

  هو ايه اللي وبعدين يا ولا  مش فاهم حاجة 

ماجد بغضب ؛ 

وبعدين لما يتجوز من عيله كبيرة حيعمل ايه يجي يقعد جنبي نحكي لبعض عن خبيتنا  انا وهو 

يمكن بيجاد طلع اجراء مني ودافع عن حبه انا استاهل اللي انا فيه انا اللي خفت واستسلمت

وكنت فاكر أن لما ارضيك واخد اللي انت اختارتها حعيش متهني وضحيت بالبنت الوحيدة اللي قلبي دق ليها وكل ده ليه علشان مستواها الاجتماعي مش زينتا احنا كبارات البلد ابونا العمده وهي كانت يادوب بنت حتة مزارع غلبان طبعا ميصحش اش جاب فاطمة بنت الحسب والنسب  .لبنت ابوها بياخد رزق يوم بيوم علشان يصرف عليهم .  

وهي بتنزل تشتغل في الأرض علشان تطلع مصارف كليتها  . 

وطبعا عيلتنا كبيرة مش حتوافق  علي نسب اللي من وجهة نظرها مايشرفهاش

أجبرت اكسر قلبها و احط حجر علي قلبي علشان خاطر العيلة العريقة  تتشرف بالحسب والنسب 

وبص لبيحاد بعيون دموع معلق  فيهم 

تعرف يا بيجاد مش حانسي ابدا دموعها وانا بقولها إن كل حاجة قسمة ونصيب ومش حينفع نكمل مع بعض عمري ما ها نسي نظرة في عينيها كلها قهر وكسرة 

وسمعت كلامكم واتجوزت فاطمة وللأسف معرفتش احبها وهي كمان وحاولتش تحبيني فيها كل همها المظاهر وأنها تبقي احسن واحده وفلانه جابت ده انا عاوزه . ازي مرات امجد عندها طقم الالماظ وانا لاء 

لكن تعرف انا عاوز ايه نفسي في ايه دي اخر حاجة ممكن فاطمة تفكر فيها 

وانهار ماجد في عياط هستيري قرب بيجاد عليه وقال بحنان :

ياااه يا ماجد كل ده في قلبك و ساكت ليه يا اخويا  بس هون علي نفسك يا حبيبي  

ماجد بقهر :

كنت بحبها قوي يا بيجاد كانت النفس اللي انا بتنفسة كان قلبي بيرقص من فرحة لما كنت يشوفها. كانت دنيتي كلها بتضحكلي لما اكون معاها انا كملت تعليمي بسببها بعد ماكنت واخد قرار مش حكمل بس هي شجعتني وعطتني الدافع 

مروة عنيها فيها  دموع و حزن علي اخوها وعلي بختة 

فماجد اطيب قلب فيهم وطول عمره حظه قليل  راحت عنده وحضنته جامد وقالت :

 وهي فين دلوقتي يا ماجد. يعني راحت فين 

ماجد بصوت مخنوق سمعت انها. اتخرجت من كلية الطب. 

و  اتجوزت وسافرت مع جوزها السعوديه  

كسرتي ليها قوتها اكتر. و اجتهدت واتخرجت واثبتتنلي أن مش عائله هي اللي بتعمل البني ادم . الشخص هو اللي بيعمل نفسة بنفسة مش اسم عائلته ولا الفلوس ولكن بالاراده الاسرار والعزيمة و الثقة بالنفس  هما اللي بيعملوا البني ادم وفعلا فرح  وصلت إلي هي كانت بتحلم بيه من غير مساعدة حد  

مروة بشبه ابتسامة:

كان اسمها فرح علشان كده صممت تسمي بنتك فرح وعملت خناقة يومها مع فاطمة فاكرة أنا هي كانت عاوزة تسميها حبيبة وانت اصريت علي فرح و كنا كلنا  مستغربين ايه سبب تصميمك علي الاسم ده بالذات ومحدش كان حاسس بالن*ار اللي جواك يا قلب اختك

بيجاد بحسره علي بخت اخوه:

اتعذبت كتير يا ماجد بس متزعلش مني انت اللي اتنازلت عنها مترجعش تلوم غير نفسك متعاتبش علي حد انت محاربش علشانه علشان نزعل دلوقتي 

ماجد : /

عمري ما أعاتب عليها انا اللي خسرتها انا اللي حسستها أنها ولا حاجة وحبنا ده حاجة تافها قدام اسم عليتنا انا مستهلهاش انا استاهل اللي فاطمة بتعملوا معايا انا اللي معملتش الممكن مع شخص عمل معايا المستحيل علشان ميخصرنيش لكن انا اللي عطتها ظهري ومشيت 

محمود بزهق وكان ما يحصل أمامه مشهد من مسرحيه بايخة: 

ما بزياده بقي وبطل بكي زي حريم وكل واحد بياخد نصيبة ومحدش فينا حس انك بتحب او انك سبتها خلاص بقي 

بيجاد :

عارف ليه ياحاج علشان انكسار القلوب ملهوش صوت كسر القلب بيموت القلب نفسة بس من غير صوت محدش بيسمعوا غير صاحب الجرح نفسة

محمود بملل: 

بصوا بقي كل الكلام انا معرفهوش بالنسبالي   كلام فارغ ده كله 

وانت يا ماجد  باشا بس  بقي كلام  في الموضوع ده اياك اسمع انك اتكلمت في حتي مع نفسك  متخربش بيتك ارضي باللي ربنا قسمة وعيش ربي عيالك بلا حب بلا كلام مايع

  وبص لبيحاد بتحذير 

وجوزاز من بنت كلاف البهايم ده يتنسي وده اخر كلام عندي وغورا كلكم من وشي دلوقتي 

قام بيجاد وقف ولسة حيتكلم زقة ماجد لبرا و سحبت ايده مروة 

خرج بيجاد وعلي وشة علامات الغضب دخل سرايا شايط مش شايف قدامة من كتر الغصب 

فاطمة برخامتها المعتادة : 

واد يا بيجاد ابوك كام بيزعق ليه ها انطق يا واد بقي

التفت اليها بيجاد وهو في قمة غضبه وقال:

بقولك ايه يا مرات اخويا تحطي لسانك في بوقك وتخفي من قدامي حالا احسن واللي خلق الخلق لحزن عيالك عليكي فاهمة 

فاطمة  بصوت عالي كالعاده:  

 انت بتقول ايه تحزن مين عليا ما تكلم عدل  في ايه واعرف انك بتكلم مين انا فاطمة الشربيني بنت الشربيني اكبر تاجر في البلد لا فوق لنفسك ومطلعش قرفك عليا 

بيحاد بصوت زي إلرعد في شدته :

 مااااااجد سكت مراتك احسنلها 

ماجد بقرف: 

فاطمة انتي عاوزة ايه بلظبط انتي مالك وماله ما تسببة في حاله بقي وبطلي تحشري نفسك في اللي ملكيش فيه 

فاطمة:

 انت لازم تجبلي حقي من اخوك دلوقتي يا نا مش قاعدالك فيها وانت حر. وانت ازاي تزعقلي كده قدمهم ايه اتجننتم كلكم ولا ايه 

ماجد بنفاذ صبر: 

 اعمليها وغلاوت ابوكي يا شيخة اعمليها خليني اكسر وراكي زير مش قله. اووووف بقت عيشه تقرف كل يوم نكد نكد نكد اااايه مش بتزهقي من كتر النكد مش سايبة حد غير لما منكده علية بيصعب عليكي تشوفي حد مبسوط انتي ايه يا شيخة مستحمله نفسك كده ازاي كان يوم ما طلعتطلوش شمس يوم ما عرفتك 

و عند عطر ومسك في غرفتهم 

عطر:

بت يا مسك انتي انعبطي أنتي ازاي تدخليه هنا ومحدش موجود . افردي كانت مرات ابوكي شافته ولا محمد شافه كان عمالوا فيكي ايه 

مسك بهيام :

عطر انا حبيته قوي قوي  أنا عمري ما عرفت يعني ايه حب غير لما شوفته انا بعدي عنه يعني موتي بجد مش حقدر يا عطر ورحمة امي ما حقدر ابعد  عنه حاجة مش بايدي قلبي واجعني قوي وانهارت في عياط 

حضنتها عطر لتطمئنها  وتهدي من روعها 

مسك :

انا عارفه أن حبنا ده مستحيل عارفه أن في فرق بين بنت كلاف البهايم وبيجاد ابن العمده  بس مش بايدي أقسم بالله غصب عني قلبي حبه من غير قصد هو شخص حلو قوي كل حاجة فيه حلوة مش حقدر ابعد يا عطر وحياتك عندي يا اختي مش حقدر ابعد 

وفي سرايا 

اشجان 

/بصوت عالي باس في ايه هو مافيش. احترام الكبار مش عاوزة اسمع صوت حد فيكم خالص كلكم معندكوش لا حيا ولا خشا ولا هاممكم أن في كبار في البيت ده 

وانت بيجاد اخر مرة اسمعك تكلم مرات اخوك بطريقة لو  عملتلك حاجة قول لأخوك مش منك ليها هو بس اللي لي حكم عليها مش حد تاني 

وانتي يا فاطمة متتحشريش في اللي ملكيش في خاليكي في حالك وانتي  بنفسك شايفة بيجاد خارج من المندرة وشكله متعصب كان لازم يعني توقفية وتقعدي تعمليلوا محضر وتحقيقي  معاه بصراحة تستاهلي اللي ببجاد و ماجد عملوا  معاكي كده 

وانت يا ماجد اعتذر لمراتك دي مهما كان أم عيالك واحترامها من احترامك واوعي تهنها تاني قدام حد  

وبعد ما تخلصوا الحفله دي تعالوا انتم تلاتة  وشاورت علي ماجد وبيجاد و مروة 

علي الاوضه. عندي عاوزاكم اخلصوا متتاخروش 

باس ماجد علي رأس فاطمة وقالها متزعليش بس انتي سألتي بيجاد في وقت غلط  ماكنش ينفع كده 

مروة : 

 يلا ماجد علشان في شوط تاني جوا عند امك 

هو ماجد  رأسه وقال:

 استرها يارب من البركان اللي حين*تفحر

فاطمة كالعاده مش بتحرم قالت بفضول : 

  ماجد هو في ايه وابوك إلحاج كان بيزعق لمين ليك ولا لبيحاد هو في ايه ها قول بقي 

بصلها ماجد نظرت  ان مافيش فايده وسابها ومشي 

دخلوا تلاتة اوضة أمهم 

اشجان  :

اقعدوا كده وعاوزة اعرف حكاية بالتفصيل الممل  

اية اللي حصل وخلي ابوكم يزعق كده اكيد حاجة كبيرة حصلت ده عمره ما عملها مين فيكم اللي حا يفهمني اللي حصل بلظبط 

كلهم باصوا لمروة بصت استفسار 

مروة :

  أيه بتبصوا عليا كده ليه وانا مالي صاحب مشكل هو اللي يتكلم انا مالي ايه دخلني 

بيجاد :   

مروة انتي اتكلمي وفاهمي ماما احسن مني  علشان حتعرفي توصللها مشكله صح 

اشجان بنفاذ صبر:

اخلصوا بقي حد فيكم ينطق ابوكم ماله عملتوا في ايه 

كل ده وفاطمة واقفة علي باب برا تتصنت عليهم  وبتحاول تسمع كلامهم ومش عارفة تسمع حاجة ومتغاظه جداا

و في الداخل نزل سهم الله علي اشجان مش بتتكلم ولا بترد بعد ما مروة حكت ليها سبب غضب والدها

بيجاد :

/ماما قولي حاجة ما تسكتيش كده قولي اي حاجة 

اشجان :

حقول ايه يا بيجاد من واضح انك واخد قرارك ومصمم عليه وابوك لو أنهدت سما علي الارض مش حيوافق وانت كمان وارث نشفيت دماغ وتصميم علي رايك من ابوك وانا حكون في نص بنكم عاوزني اعمل ايه غير اني اسكت  

بيحاد :

مسك بنت كويسة واللهي يا ماما لو قاعدتي معاها حتحبييها خالص بنت مؤدبة وهادية وجميلة 

اشجان :

 وانت يا شملول عرفت كل ده ازاي  

فجاءة باب خبط ودخلت فاطمة 

والفضول حا ينط من عينيها حماتي عواطف برا وعوزاكي ضروري . 

انتظروني مع مفجاءة عواطف مع ملكة القلم نرمين قدري

البارت الثامن

فجاءة الباب خبط ودخلت فاطمة 

فاطمة والفضول يقفز  من عينيها:

. حماتي عواطف برا وعوزاكي ضروري .وبتقول موضوع ما بتأجلش 

اشجان بتعجب:

عواطف وايه اللي جبها في وقت زي ده خير يارب اطلعي قوللها جاية حالا وانتم خاليكم هنا لسة كلام ما خلصش

خرجت فاطمة والفضول مسيطر عليها وتقول في نفسها 

ايه اللي بيحصل جوا وايه سر شدتهم دي 

قال بيجاد وهو يحاول أن يستشف شيئ من وراء حضور عواطف المفاجئ:

وهي ايه اللي جابها دلوقتي الست دي غريبة وانا مش بحبها ولا يرتاح لها 

اشجان بسخرية:

امال حتناسبهم ازاي يا شملول 

بيجاد:

البنات غير مرات ابوهم وانتي عارفه ده كويس 

اشجان بقلة حيلة:

مش مهم أكوان انا عارف. المهم ابوك. ما علينا 

انت متاكد معملتش اي حاحة مجنونه من عمايلك 

بيجاد /وقد تغير لون وجع  وقال متلجلج:

مين انا لا خالص طبعا لا حعمل ايه يعني لاء لاء 

ابتسمت مروة فاهمت اخوها وعرفت أنه عامل مصيبة كبيرة 

خرجت اشجان لعواطف

اشجان :

ايه اللي جابك في وقت زي ده يا عواطف مش انا قلتلك لما اعوزك حشيعلك 

عواطف: 

انا جاية أشهدك علي حاجة وانا عرفاكي حقانية ومش بيعجبك الحال المايل

اشجان بزهق :

اخلصي بقا يا عواطف مش فيقالك

عواطف:

بصي يا ست الحاجة احنا غلابه اه علي قدنا و بنجيب لقمتنا بعرق جبنا بس كله يهون الا الشرف 

خبطت اشجان علي صدرها شرف شرف ايه اللي بتكلمي عنه وانا مالي ومال اللي جاية تقوليه ده هي وصلت لكده 

عواطف 

لاء لاء ياحاجة فكرك ميرحش لبعيد  بنتنا صاغ سليم والحمد لله بصي يا ست الحاجة انتي يرضيكي النبي حارسة بيجاد يروح للببنت مسك وهي لوحده في البيت لاء ودخل كمان وهي لوحدها 

فلاش باااااك

عطر /بس اللي عملتيه غلط يا مسك نفرد كانت مرات ابوكي شافته ولا محمد ايه كان شكلك قدمهم

مسك /انا معرفتش اتصرف اول ما فتحت الباب وشوفته واقف. قدامي دماغي وقفت عن تفكير و كمان بضرب بعيني لقيت ابوكي جاي من بعيد خلاص اتشليت ومعرفتش افكر محستش بنفسي غير وانا بشده بدخله واخبية تحت سرير هو ده اللي جه في بالي ساعتها مافكرتش ايه اللي ممكن يحصل بعد كده كان كل همي ابوكي ما يشفهوش وخلاص .

وفجاءة الباب نزق ودخلت عواطف بكل غظها جابتها من شعرها 

عواطف :

اه يافجرة يا قليله الحيا علشان كده مكنتيش عاوز تيجي معايا صح انطقي يابت عمل ايه معاكي 

عطر و هي تحاول أن تخلص مسك من تحت يدها:

عيب عليكي يا مرات ابويا سبيها وبطلي كلام ملهوش لازمة. ولا انتي عاوزة جنازه وسلام

عواطف بزعيق:

هو انا لسه اتكلمت انا حتكلم وتكلم وإتكلم ده لسة اللي جاي احسن ولسة لما ابوكي يعرف 

شدت مسك نفسها منها 

مسك /ناوية علي ايه قولي فرصة وجاتلك لحد عندك ناوية علي ايه يا مرات ابويا 

عواطف /الإنسان الغبي بس اللي تجيلوا فرصة زي دي و يديها ضهرة فرصة بتيجي للانسان مرة واحده بس و دي فرصتي 

مسك

 /بقولك ايه يا مرات ابويا حسك عينك تعملي اي حاجة ورحمة امي حندمك علي حتعمليه 

قطعتها عواطف انتي ملكيش حق تكلمي انتي تحطي لسانك جوا بوقك يا اما قسما بالله لاكون حاكيه لابوكي انك بداخلي رجاله بعد ما بنمشي واخلي البلد كلها تحكي وتتحاكه عليكي يا بنت تهاني 

وشدت طرحتها وخرجت 

باااااااااااك

اشجان :

وانا بيجاد حيروح عند مسك يعمل ايه عيب عليكي يا عواطف تقولي كده انا عارفة ابني كويس 

عواطف بثقة:

خلاص نادي علي اسم النبي حارسة واسأليه انا بكدب ولا ايه 

فاطمة بغضب:

بقولك ايه يا عواطف احنا ابننا راجل الرك بقي علي بنتكم هي اللي داخلته ياختي واللي عنده معزه يلمها

في دخلك محمود العمده

محمود بغضب:

فاطمة اقفلي بوقك انتي عندك ولايه ولا كلمة في موضوع ده 

وبصوت شبه الرعد بيجاااااااد 

جري بيجاد وراسه في الأرض 

بيجاد:

نعم يا حاج 

محمود بغضب عارم :

كلام الست عواطف صح انت رحت لمسك البيت وكانت لوحدها 

بيجاد 

حصل بس الموضوع مش زي ما…

وفجاءة نزل قلم علي وشه الكل قام وقف من مفجاءة 

شهقت اشجان وقالت : 

حااج محمود انت عمرك ما ديت ايدك على عيل من عيال جاي تمدها بعد ما بقوا رجاله 

محمود بحزم:

ولا كلمة مش عاوز اسمع نفس هنا. ويكون في معلوم الكل  الخميس جاي كتب كتاب بيجاد علي مسك و صوت واحد لا و اتفضلي يا عواطف علي بيتكم واطمني لعبتوها صح بس ابني اللي عطاكم الفرصة بس العيب مش من عندكم 

بس يكون في معلومك أن اللعب لسة مخلصتش ومردود ليكم  في أقرب فرصة مش محمود كبير البلد اللي تضحك عليه حتة عيله وحيزبونه شبهك 

عواطف بفزع من شكله : 

 احنا مضحكناش  علي حد يا عمده ابنك اللي جه برجله مش احنا اللي جبناه عواف عليكم ومشت وعلي وشها ابتسامت نصر 

بيجاد : 

بابا صحيح انا كنت عاوز اتجوز مسك بس مش بطريقة دي ميرصنيش تخش البنت كده انا معملتش حاجة انا بس كان نفسي اشوفها و ما حسبتش عواقب اللي حيحصل 

محمود :

واديك عطتهم فرصة علي طبق من فضي الموضع خلاص انتهي حضروا حالكم لكتب كتاب يوم خميس وحد يتصل با امجد يكون هنا قبل يوم خميس 

وانتي يا حاجة خدي مروة وانزلي هاتي شوار البنت واشترولها فستان فرح مهما كان دي يتيمة 

وانت ياماجد خد الشملول اللي عامل فيها رميو وانزلو اشتروا اوضة نوم جديدة 

عاوزة كل حاجة تكون خالصه قبل يوم خميس 

انا داخل اوضتي ومش عاوز حد يزعجني اظن مافهوم 

بيجاد:

 ا.صبر بس ياحاج افهمك اللي حصل 

محمود بغضب:

بيجااااد ولا كلمة خلاص قضي الامر وانت معطتناش حرية الاختيار . اه بلحق ماجد اعمل حسابك بكرة تاخد امك والشملول ورحوا اطلبوا البت و حد يشيع ليهم خبر انكم جاين بكرة 

وسابهم و ماشي

فاطمة 

/لاء بقي ما انا حم*وت لو ما فهمتش هو اية اللي حصل هو أنت غلط مع البت صح يا بيجاد 

ماجد: 

فاطمة لمي لسانك بقااا انا اخويا استحالة يعمل كده وخشي شوفي عيالك بدل كلامك اللي يفور الدم ده 

اتصلت اشجان علي عواطف 

اشجان :

ايوا يا عواطف وصلتي البيت ولا لسه

عواطف :

لاء لسة يا حاجة خير .

اشجان :

اعملوا حسابكم أن انا ومروة وماجد جاين نطلب مسك لبيجاد بكره بعد عشا وحنتفق علي كل حاجة

عواطف بفرح: 

وحيات نبي تشرفوا وتأنسوا يا مراحب يا مراحب

وجرت عواطف علي البيت اول ما دخلت

مسك بت يا مسك انتي يا بيت يا بنات انتم فين 

فايز :

خير يا عواطف داخله عامله غاغا ليه في ايه البنات عمولوا ايه مرادي كمان

عواطف بتهليل:

طاقة القدر انفتحت لينا خلاص عدينا من فقر خلاص 

فايز بحيرة:

/ايه يا ولية طلعلك مصباح علاء الدين ولا ايه 

عواطف :

/احسن منه يا راجل 

دخلت مسك في ايه يا مرات أبويا وقعتي علي كنز وانتي ماشية 

عواطف:

 كنز واي كنز خدي بشارة بكره مرات العمده وبنتها وابنها الكبير جاين يطلبوا ايدك لبيجاد ابنهم صغير

مسك بعصيية:

 وانتي مين قالك اني موافق علي كلام فارغ ده وايه اللي خلاهم يجوا يطلبوا ايدي

عواطف:

قامت وقفت وانتي ايه يا عنيا مش فاهمة يا بنت تهاني ومين عطاكي حرية الرأي انك توافقي أو ترفضي فاهميني انطقي

مسك. :

 انتي مين اصلا سالك عن رايك من اساسه 

وفجاه مسكت عواطف شعر مسك هو انتي ليكي عين بعد الفضيحة اللي عملتيها تدخلي المحروس هنا وعاوزها تعدي كده لا وكتاب الله ما يحصل

مسك:

اوعي تكوني رحتي عندهم ابتزتيهم بكلام ده 

عواطف :

غلطة ابنهم و يشربونا بقي انا مالي كل واحد يتحمل نتيجة خطأ

مسك شدت نفسها منها: 

يالهوي يالهوي انتي عملتي ايه صغرتيني في عينهم طلعتيني بنت قليلة ادب وبدخل شباب عندها اروح عندهم باي وش حرام عليكي يا شيخة حرام عليكي انتي إيه. جنسك ايه

بزمتك لو عندك بنت حترخصيها كده اتقي الله بقي فينا حرام عليكي منك لله منك حسبي الله ونعم الوكيل فيكي 

في دخلت عطر ومحمد جرت عطر علي مسك 

عطر :

مالك يا مسك خبر ايه حصل اهدي بس واحكيلي 

عواطف :

ما هو اللي يعمل فيكم جميلة كده انا الحق عليا اللي عاوزاكي تعيشي زي البني ادمين ما عايشين بدل عيشة الذل دي 

مسك:

اعيش بكرامة فاهمة بكرامة مش اخش وسطهم وانا راسي مكسورة زي ما اكون عاملة عاملة حرفع راسي انا وسطهم ازاي منك لله منك لله 

عطر :

فاهموني بقي ايه اللي بيحصل هنا 

عواطف:

عملت جميلة في اختك رحت عند العمده وقاتلوا علي عملة ابنه و الراجل كتر خيرة حيجوزهم يوم خميس وبكرة جاين يتقدموا 

عطر خبطت علي صدرها يالهوي عليكي يا مرات ابويا انتي عملتي كده ليه فاهمينا عملتي كده ليه حرام عليكي رخصتي البت عندهم منك لله 

محمد بهدوء:

ممكن تهدوا انتم الاتنين علشان افهم اللي حصل بلظبط 

عطر:

 مافيش حاجة حصلت غير أن مرات ابويا رخصت مسك وكسرت نفسها هو ده كل اللي حصل 

مسك بتحدي : 

وانا مش موافقه علي جوازه دي لو انطبقت سما علي ارض مش حوافق وزي ما عكتيها حليها انا داخله انخمد احسن 

عواطف بصوت عالي:

 حتوافقي يابت تهاني ورجلك فوق رقبتك ويا انا. يا انتي وحتشوف كلمة مين اللي حتمشي هنا 

وتاني يوم الكل بيستعد بيت العمده بيحضروا حالهم المراوح علي بيت مسك 

فاطمة :

ماجد انا جاية معاكم مليش صالح رايحة يعني رايحة

ماجد:

فاطمة اقصري شر ابويا علي اخره 

فاطمة :

وانا مالي انا راحه معاكم وانتم اتفقتوا بقي حاتجبولها دهب بكام بت كلاف البهايم

ماجد بعصبية:

 فاطمة ابوس ايدك بطلي كلام ده الكل أعصابه مشدوده هنا ومحدش مستحمل سخافاتك

فاطمة وهي تضع يدها علي فمها:

 سكت اهو ما انا اللي كلمتي بتقف في زور

وفي بيت مسك 

عواطف واقفة تحضر البيت والأكل 

وتغني 

ومسك نايمة على سرير دموعها ما فرقتهاش ومش عاوزة تقوم حاسه بالاهانه وكسرت نفس في اجمل يوم بتتمناه اي بنت وكل بنت ولكن دايما للزمن راي اخري 

عطر :

قومي يا مسك غيري هدومك ناس علي وصول وكفايا بكي بقي حرام عليكي نفسك 

قامت مسك نص قومه وعنيها كلها دموع وقالت بقهر:

تعرفي يا عطر احساس اليتم ده وحش قوي أنا في أشد الحاجة لامي دلوقتي نفسي مكسورة قوي يا عطر ومافيش احن من حضن امي دلوقتي اااااه ااااه يا امي ااه لو تعرفي قد ايه انا محتجاكي معايا دلوقتي 

حضنتها عطر انا معاكي يا قلب اختك ومش حاسيبك خشي يا مسك وسطهم وقولي انك مش موافقة علي الجوازه حتي لو روحك في بيجاد وانا عارفه انك حبيتية بس تخشي عندهم وانتي راسك مرفوعة

مسك :

اصبري عليا يا عطر وحتشوفي 

عطر بحسره:

طايب يلا قومي اغسلي وشك وغيري هدومك دي 

وبعد صلاة العشاء خبط الباب وكان محمد ابن عمهم موجود 

دخل بيجاد وماجد و مروة وفاطمة والحاجة اشجان 

عواطف:

يا اهلا يا اهلا زرنا النبي انهاردة انفضلوا معلش البيت مش قد مقام انفضلوا يادي النور يادي النور 

وندهت يا ابو مسك الجماعة جم 

دخل فايز اهلا وسهلا بالحاجة نورتي انفضلوا 

ماجد :

علشان نخش في موضوع علي طول احنا جاين نطلب ايد مسك لبيجاد اخويا ومش عاوزين حاجة منكم 

محمد :

ناس بتاخد واجب ضيافه الاول ولا ايه يا بية

بص ماجد الأمة شاروتله برأسها اه 

دخلت عطر بالحاجة ساقعه تقدمها 

الكل اخد جات عند فاطمة بصتلها بقرف وقلتها 

فاطمة:

 بقرف لا شكرا مش بشرب 

عطر 

/ط بنفس القرف عفوا وحطت الصنيه علي ترابيزة

الحاجة اشجان :

امال فين عروسة

عواطف :

ثواني ياحاجة وتكون عندك قومي يا عطر نادي علي اختك 

دخلت مسك مش مستهله حد ينادي عليا انا جيت 

رفع عينه بيجاد فور سماع صوتها وصعق من منظرها عنيها حمرا جدا من البكا وشكلها حزين جداا

مسك :

اهلا وسهلا شرفتم بس انا بعتذر منكم انا مش موافقة علي الجوازه دي جيتك غالية يا حاجة اشجان بس مش انا اللي تجوز كده 

فاطمة بسخرية:

وماله كده ياختي ما انتم ناصبتم الخاية وخلصنا ووقعنا فيها خلاص بلاش بقا حوارات وافلام هندي 

مسك بغضب :

انا مسمحلكيش لو سمحتي أنا مانصبتش خاية لحد وانا اللي بقولها وباعلي صوتي انا مش موافقة علي جوازه من ابن عمده 

انتظروني الحلقة القادمة ملكة القلم نرمين قدري

.

البارت التاسع

مسك :

انا مسمحلكيش لو سمحتي أنا مانصبتش حاجة لحد وانا اللي بقولها وباعلي صوتي انا مش موافقة علي الجواز من ابن عمده 

عواطف بفزع:

لاء لاء متقصدتش هي متقصدتش طبعا صغيرة ومش عارفة مصلحتها ما تخدوش علي كلمها

مسك بحده:

لو سمحتي يا مرات ابويا ملكيش دعوة متدخليش في موضوع . 

ثم التفتت للحاجة اشجان وقالت بأدب

حاجة اشجان طلب حضرتك مرفوض وجيتك علي عيني وعلي راسي بس أن انا. مش حاخش بيتكم كأني عاملة عمله معلش اعذريني مش حيحصل انا لما اخش اكون مروفعة الرأس وتكونوا جاين تطلبوني علشاني مش علشان الغلطة اللي عملها استاذ بيجاد .

نطق بيجاد بعد طول صمت: 

آنسة مسك كلامك ده مش صح مين قال احنا جاين علشان كده احنا جاين نطلب ايدك وتخشي عروسة عندنا معززه مكرمة ، انا بعترف أن غلط لما جبيت خبط علي الباب عندك انا ما فكرتش في العواقب اللي ممكن تحصل  وانا بقولها قدمك والكل يسمع انا فعلا غلط امبارح لما خبط عليها بس انا بجد كنت عاوز اشوفها مش اكتر متوقعتش ايه ممكن يحصل بمعني اصح ما فكرتش 

عواطف :

 وتشوفها ليه بقي أن شاءالله مافهمتش

بيجاد وقد فاهم دماغها وأنها عاوزة تشعللها

التفت لمسك و قال يثقة :

حقول قدام الكل انا لا خايف ولا مكسوف انا حبيتك يا مسك من اول نظرة وانا قدامك يا عم فايز وجاي اطلبا ايد مسك و حتخش بتنا معززه مكرمة. مرفوعة الرأس 

فايز بخجل :

شرف ليا طبعا يا بني بس الكلمة الأولي والأخيرة لمسك هي اللي حاتعيش مش انا . 

عواطف:

وهو في قول بعد قولك يا فايز مش معقول مسك حترد كلمتك 

فاطمة بتريقة /

خلاص بقي كفايا عرض مسرحي خلاص يلا بقي نقرأ فاتحة علشان نمشي

الكل بصلها بصه سكتتها

اشجان:

/ بصي يا مسك تعالي بس الاول اقعدي جاري بصي يا بنتي صحيح انا كنت جاية مغصوبة وحاسة أن ابني حاطني قدام الأمر الواقع وده زود غضبي اكتر . لكن لما شوفتك و شوفت رفضك انك تتجوزي بطريقة دي احترامي ليكي ذاد وانا دلوقتي اللي يشرفني انك تكوني مرات ابني 

حضنتها مسك ودموعها نزلت تاني 

مروة :

ايه بقي احنا جاين نعيط ولا ايه احنا عندنا فرح ومش اي فرح ده فرح ملك العزوبية بيجووووو 

اشجان:

/ استني يا مروة لما اسمع موافقة منها وتقول انا موافقة اتجوز بيجاد 

ابتسمت مسك بكسوف شديد 

مروة قالت بمرح :

ضحكت يعني قلبها مال خلاص ياجاجة انتم قلتوها زمان السكوت علامة رضا واحنا قلنا ها 

ضحك يعني قلبها مال . حد يسمعنا زغروطة حلو بقاااا

عواطف وكأنها لما صدقت:

للللوووووووي لللوووي للللوي

فاطمة في نفسها :

شوف الوليه مش مصدقة نفسها من فرحة. حقها هما حيلاقوا صيده اكبر من كده ليه اكبر راس في البلد بس وغلاوة عيالي ما هنيها انا سلفتي تبقي بنت كلاف البهايم . عشنا وشوفنا 

عواطف :

عطر هاتي الشربات خلينا نفرح بقاااا

قامت عطر لكي تحضر  الشربات  وقلبها بخفق من المجهول الذي ينتظر اختها فنظرات فاطمة مريبة جدا 

قامت مروة وقالت: 

انا جاي. معاكي يا عطر اساعدك 

كل ذلك وبيجاد عنية لم نزلتش عن مسك ونفسة يقعد معاها ويتكلم 

لاحظ محمد عيون بيجاد اللي كلها كلام و شوق وعيون مسك كلها عتاب ابتسم فهو كمان عاشق ويقدر يقرأ لغه العشاق من عيونهم 

قال محمد :

استاذ بيجاد انت ماشوفتش منظر البلد من علي سطح هنا وغمزله 

 ابتسم بيجاد وأكد على كلامة وقال :

 لا خالص بس عاوزة اشوفها بجد اكيد روعة 

محمد بابتسامة: 

تعالي افرجك عليها بجد تحفة البيت علشان وسط البلد كاشف البلد كلها بجد تحس انها لوحة فنية. مش . ليك في فن .بردو ولا اية

بيجاد /

اه طبعا يلا بقي بينا شوقتني قوي اشوفها 

التفت محمد الي مسك وقال: 

/مسك تعالي معانا انا بستاذنكم يا جماعة لازم العرسان يتكلموا مع بعض هما ميعرفوش بعض ولازم مسك تسمع منه قبل قراية الفاتحة أو اي ارتباط ده شرع ربنا 

فاطمة بشمئزاز وقرف:

وهو شرع ربنا قال يتكلمو علي السطح في الضلمة حكم

محمد بعصبية: 

 بتقولي حاجة يا مدام . انا اصلا طالع معاهم انا ابن عمها و جوز اختها . 

انحرجت فاطمة وباصت في الأرض .وأمجد نظر لها نظره  اخرصتها 

صعدت  مسك وبيجاد ومحمد 

تركهم  محمد  وبعد عنهم مسافة عنه وترك لهم  حرية الكلام 

بيجاد محاولا اختلاق حديث:

محمد ابن عمك ده شكله انسان كويس 

مسك بخجل وقلبها يكادو يقف :

 ده اخويا وصاحبي سره معايا وسري معاه بجد احنا اكتر من اخوات انا هو بصرف نظر أنه جوز عطر .

عطر عارفه أن اللي بنا انا وهو اكتر من اخوات وانا اصلا….. 

بيجاد قطع كلامها بحبك بحبك بحبك 

  احمر وجهها  احمرار شديددد من كتر كسوف

ببحاد/

يالهوي هو انا كل ما اتكلم كلمة حتحمري كده لاء اجمدي كده النقيل لسة مجاش اجمدي علشان بعدين حتحمري لما تشبعي احلي الاحمرار لبعد جواز 

ابتسمت مسك  في خجل شديد

بيحاد انتي بقي ما كونتيش عاوزة تجوزني بجد

مسك : 

اه طبعا جد وجد الجد انا كرامتي فوق كل شيء يا بيجاد 

قطعها بيحاد وقال مبتسما :

قلتي ايه يا اية 

مسك بهمس

/يا بيجاد انا غلط في ايه غلط في حاجة مش فاهمة

ببحاد وهو يلف حول نفسة 

يالهوي انا اسمي حلو قوي كده وبالأخص بين شفايفك لا كده كتير عليا والله 

مسك: 

هو انت متعرفش تتكلم جد خالص 

بيجاد :

لاء ليه اخدنا ايه من جد غير حرقة الدم لا انا كده بحب ضحك والكل عارف 

مسك :

يارب دايما يحلي ايامك 

بيجاد.:

مسك انا بتكلم جد انا حبيتك قوي معرفش شقلبتي حالي ازاي وقرب وماسك أيدها 

مسك : 

يالهوي يابيجاد  محمد واقف و بيبص علينا  بس بقي ابعد شوية 

غمز لها بيجاد وقال

ماشي راخة قلبي  هانت كلها اسبوع وتكوني بتاعتي لوحدي ومحدش يقدر يقول اي حاجة مراتي حببتي

مسك :

استني بس هو ايه اللي هانت كلها اسبوع مش فاهمة 

بيجاد :

هو ايه اللي مش فاهمه الحاج هو اللي قرر الخميس الجاي فرحنا 

مسك بخضة وقد عاود ليها الاحمرار :

بسرعة دي لاء لاء مايتفعش انا خايفة بجد خايفة

التفت اليها بيجاد

وماسك أيدها 

بيجاد /خايفة من ايه يا حبيبتي انا جانبك وفي ظهرك 

مسك /صدقني سكوت والدتك ده ميطمتش انا خايف يقرفونا وانا لما صدقت لقيتك 

بيجاد /يعني انا افهم من كلامك انك انتي كمان بتحبي 

مسك /هزت راسها قوي أكتر ما تتخيل 

بيجاد /وانتي روحي وعمري ودنيتي كلها 

مسك /بس اكلمك بصراحة أنا خائفة بجد اخش عندكم السرايا عندي احساس أن انا داخلة غصب عن الكل وخصوصا ام فرح بصراحة خايفة منها بتحب مشاكل زي عنيها وانا مش بعرف اسكت لحد يدوسلي علي طرف وانا مش عاوزه مشاكل تحصل بسببي 

ببحاد/ولا يهمك منها خالص فاطمة لو ملقتش حد.تتخانف معاه بتتخانق مع نفسها كلنا عارفنها وأوقات كتير بناخدها علي قد عقلها ومش بنرد عليها شطارتك أنتي بقي متدهاش فرصة تتخانق معاكي 

مسك /ححاول والله وربنا يستر بقي

بيجاد /حيستر أن شاء الله يا قمر. سيبك بقي من فاطمة وسيرتها هي قرفاني كمان وهي غايبة يجعل كلامنا خفيف عليها 

خلينا بقي احنا في نفسنا قوليلي انت معيطة كده ليه وعنيك بقوا شبه فراولة هو كمان . 

مسك/ بصراحة حاسيت بأهانه شدية لما مرات ابويا راحت عندكم وقالت اللي قالته

بيجاد /غلط عندي مش عن اي حد انا الي عاطتهم فرصة يتكلموا سامحيني 

مسك /لا خالص موضوع وانتها خلاص 

بيجاد /طايب متجيبي بقي 

مسك /اجيب ايه ? مش فاهمة 

بيجاد /قشطة حتجيبي ايه ياعني 

مسك /بجد انت عاوز قشطة انزل اجبلك حالا

ماسكها من أيدها تعالي هنا رايحة فين انا عاوز. قشطة من تانية اللي في شفايفك 

وشها جاب اللون كتير ومش عارفة ترد عليه

لية حترد دخل عليهم عطر و مروة

مروه /بصوت عالي انا جيت يا قوم 

بيجاد ميل عليها ده وقت تيجي في يا زفته

مروة /ايه جيت  في وقت غلط صح 

بيجاد/عادي عادتك ولا حتشتريها المهم عازو. ايه 

مروة /شوفتك كنتم حتناسوني أااه

بيقولكم انزلوا تحت عاوزين يقروا فاتحة 

انضم ليهم محمد وحط يده علي كتف عطر 

بيجاد/ماشية معاك حلاوة راعي ياعم في ناس عذاب لسة 

محمد /ماشي يا عم ربنا يهنيكم ويبعد عنكم مرات اخوك ربنا يستر مش مرتاحلها خالص وشكلها حتتعب مسك خالص 

مروة ما تقلقش استاذ محمد الكلام ده لو مسك حتكون لوحده احنا كلنا معاها 

محمد/ما علينا يلا بينا ننزل تحت زمانهم علي نا*ر ربنا يستر من عواطف وام فرح مايكونش ماسكوا في بعض لسة مكملش سمع صوت زعيق جامد جاي من تحت

انتظروني في حلقة قادمة ملكة القلم نرمين قدري

الخبرات العاشر

محمد/

ما علينا يلا بينا ننزل تحت زمانهم علي نا*ر ربنا يستر من عواطف وام فرح ميكونوش ماسكوا في بعض لسة مكملش كلامه 

سمع صوت زعيق جامد جاي من تحت

بيجاد بغضب: 

هو ده اللي كنت خايف منه يلا بينا بسرعة 

نزلوا جميعهم  يجروا علي تحت 

عواطف بزهق: 

 انا بردو مش فاهمة انتي عاوزو ايه ام فرح نعمل ايه علشان نرضيكي

فاطمة بعوجان وتكبر:  

وانتي تكوني ايه علشان ترضيني ولا ما ترضنيش انتم يادوب تشتغلوا عندنا وبس اكتر من كده ماتحلميش ومش معني أننا اتنازلنا واخدنا بنتكم يبقي حتيجوا وترحوا في أي وقت لا يا ماما احنا خدنا خدامة ببلاش بدل ما كنا بندفعالكم علشان تيجوا تخدمونا دلوقتي حندفعلكم ونشتريها تخدم عندنا ببلاش

دخل بيجاد بعصبية بعد أن سمع كلامها :

خير يا ام فرح هي مين دي اللي حتشريها علشان تخدم انا حاخد مسك زوجه مش خدامة واظن كفايا لحد كده .

ماجد تعالي علشان حنقعد قاعده رجاله وتقرا الفاتحة 

فايز بقلة حيلة 

اتفضلوا معايا برا في المندره نقعد قاعده رجاله 

طلع ماجد وبيحاد و محمد وفايز 

دخلت مروة و عطر ومسك جلسوا في صمت 

ميلت مروة علي امها: 

خير ايه اللي حصل وصوتكم كان عالي ليه 

اشجان باختناق : 

يعني انتي مش عارفه فاطمة واستفززها 

مروة بهمس: 

 أيوة يعني عملت ايه علشان تخلي عواطف تخرج عن شعورها كده وكلنا عارفين عواطف عمالة تطبل علشان الجوازة تمشي باي شكل .

اشجان 

كالعاده فضلت تدوس علي حتة النقص اللي عندهم وانهم مش حيدفعواو ابيض ولا اسود و أن الجوازه سهلة وكده يعني وانهم داخلين على طمع

قالت مسك : 

 هو ايه اللي حصل هنا صوتكم كان عالي ليه من فضلكم حد يفهمنا ايه اللي بيحصل

عواطف بغضب:

خلصنا يا مسك المهم انتم اتفقتوا علي ايه انتي وبيجاد 

فاطمة باستفزاز :

حيكونوا اتفقوا علي ايه يعني المسرحية ماشية زي ما متخطط ليها بلظبط 

لسة مسك حترد ماسكت عواطف أيدها وغمزت لها تسكت .

اشجان بغضب عارم وقد فاض بها الكيل  :  

ما بزياده بقي يا فاطمة محدش جبرك تيجي معانا انتي اللي صممتي تيجي يبقي تقعدي وتحترمي البيت اللي انتي فيه 

عواطف بصت لمسك كأنها بتقولها شوفتي ولسة 

فاطمة ساكتت ولكنها متغاظه من زعيق حماتها ليها قدمهم وبتستحلف لمسك 

دخل محمد الف مبروووك يا جماعه. قرينا فاتحة وكتب كتاب ودخله اخر الاسبوع جاي يوم الخميس أن شاء الله

خبطت عواطف علي صدرها يالهوي هو احنا حنلحق نعمل حاجة لا صعب طبعا احنا مجبناش حاجة خالص

اشجان / 

ما تشيلش هم يا عواطف كل شورها وحاجتها تعتبر خلاص جات وزمان الاوضة بتاعتهم ببتفرش 

وقفت مسك بس انا مش موافقة يا حاجة انا حاجتي حاجبها بنفسي لو سمحتي الحمد لله ابويا قادر يشورني انا واختي

فاطمة في نفسها ولكن بصوت مسموع:

 ونبي ايه شوف البت وكهنها حتعملهم علينا صدقناكي يابت 

احمر وجه مسك  من الغيظ  وهي غير  قادرة علي الرد عليها مما زاد من اقتحان وجهات أكثر 

قامت مروة وانقظت  الموقف مسرعة وقالت بحب :

وماله يا مسك زياده الخير خيرين انزلي وهاتي كل اللي نفسك فيه انتي عروسة ومن حقك تنزلي تختاري حاجتك بنفسك ولا ايه يا حاجة مش دي الأصول 

اشجان وقد فاهمت ابنتها: 

طبعا يا بنتي وربنا يباركلك في ابوكي 

دخل بيجاد عليهم ايه ياحاجة مش حنلبس عروستنا شبكتها ولا ايه .

قالت فاطمة  فجاءة 

وايه لازمتة دلوقتي مش لما تكتب كتابك اضمن 

مسك  بخجل وقد غختبست دموعها بأعجوبة: 

 صح ام فرح عندها حق بعد كتب كتاب وانا ما طلبتش شابكه اصلا 

اشجان:

 في ايه يا بنتي ده حقك وليه يعني بعد كتب كتاب دي لاصول .

هاتي يا مروة علبه شبكة من شنطة بتاعتي 

ايه مافيش زغروطة للعرسان ولا ايه 

زغرطت عطر وعواطف

ناولت اشجان علبه لبيحاد 

اشجان / لبس عروستك شبكتها يلا 

ماسك بيجاد علبة وفتحها وكانت عباره عن طقم الالماظ زي اللي جه لندا مرات امجد 

فاطمة شاهقت اول ما فتحت العلبه وبصت لماجد بصه هو فاهم معانها .

ماسك بيجاد الشبكة ولبسها لمسك وهي في حالة خجل شديدة و مبهورة بجمال شبكة 

عواطف مبرقة وفاتحة بوقها عنيها حتطلع من مكانها علي شبكة وجمالها .

عطر /بحب بسم الله مشاء الله ربنا يسعد ايامك يا قلب اختك لمحت نظرة كسرة في عيون محمد 

جرت علية وماسكت ايده وقالت بحب:

محمد انت عندي اغلي من كل الماظات العالم وهمست جمب ودانه بحبك يا بن عمي وأهلي كلهم 

حضن محمد يدها في حب شديدة وكأنه بيث لها مدي حبه واستياقة ليها وامتنانه ليها 

انتهي بيجاد من لبس شبكة لمسك 

بيحاد بحب 

 مبروك يا اجمل عروسة مبروك عليا انتي وبسها من راسها 

قام ماجد  واقف  وقال:

طايب الف مبروووك ياجماعة ربنا يكمل بخير تستأذن احنا بقي وبص لولدته مش يلا يا حاجة بينا بقي علشان الحاج لوحده ولا ايه 

اشجان /:

 يلا يا بني بينا الف مبروووك يا جماعة وبصت لمسك وانا حخلي مروة تجيلك كل يوم تخلصوا اللي فاضلكم علشان الوقت يادوب يا زينة البنات وحضري نفسك مروة تعدي عليكي بكرة وتنزلوا اشتروا فستان فرح اللي يعجبك 

مسك بأمتننا: 

تمام يا حاجة اشجان والله يبارك فيكي 

فاير /شرقتوا نورتوا وربنا يتمم بخير 

ذهبت عائلة العمده وفضي البيت 

قالت عواطف بجدية: 

 مسك تعالي عاوزة اقولك كلمتين قدام ابوكي وابن عمك وتسمعيهم كويس 

مسك خير يا مرات ابويا في ايه مينفعش الكلام يتأجل لبكره 

عواطف لاء مينفعش ولازم كل يكون شاهد علي كلام ده علشان مارجعيش تقولي محدش قالك تعالي اقعدي جامب ابوكي هنا

فايز: خير يا عواطف سيبتي ركبي 

عواطف:  خير. في سلامة و سلامة في خير خالي بالك الحرباية اللي اسمها فاطمة مش ناوية علي خير وحطاكي في دمغها جامد والغيرة وكلها من ناحيتك قوي و البني ادم اللي بيغير ده تحرصي منه جدااا خالي بالك منها قوي. نيتها ليكي مش خير وحتفضل وراكي لحد ما تخرب عليكي اوعي فاهمة اوعي تديها فرصة أنها توقع بينك وبين حماتك لأنها حتحاول وبكرة تقولي عواطف كان معاها حق 

مسك بخوف وقد بدأت الدموع تعدد في الانهيار : 

 /انتي حتخوفيني ليه بس انا رايحة عندهم خايفة خلقة 

قال محمد مؤكدا: 

مرات ابوكي عندها حق يا مسك الست دي الكره والغل واضح جداا عليها احذري منها و اوعي تبيني ليها انك خايفة منها اوعي تحس في يوم انك ضعيفه وخالي بالك حتحاول تقلب كل اللي في سرايا عليكي 

عطر:

انتي ما اخذتيش  بالك  منها شهقت ازاي لما شافت شبكتك وبصت لجوزها حته بصة 

عواطف:

 انا اخدت بالي طبعا المهم خالي بالك منها وخلاص وابعدي عن أي حوار معاها يجيب مشاكل لأن متزعليش من كلامي حيكون تقيل بس اسمعية مني احسن ما تسمعية من غيري صحيح بنا مشاكل انا وانتي علطول بس انا مهما كان اللي ربتكم ودخلت عليكم وانتم لسة ورد مغمض يعني اللي يجي عليكم أكله بسناني اسمعي مني يا مسك كويس كلام ده وحطية حلقة في ودانك 

انتي داخله عليهم غصب عنهم كلهم وحاتحسي انك اقل واحدة وهما دايما حيحاولوا يفكروكي بأصلك اوعي تباني انك ضعيفة قدمهم أو كلامهم ده بيجرحك عارفه أنه حيجرحك بس من جواكب بس لكن برا عزت نفسك هي اللي بتتكلم جبروتك ورأسك مروفعة واكدلهم أن فخر ليكي ان ابوكي كلاف البهايم عندهم وانتي راسك مرفوعة فاهمة يا مسك اوعي ثم اوعي يكسروكي من حته دي اوعي يا مسك كل اللي يجيب سيرة ابوكي قوليلهك انا فخورة بيه أنه وصلني انا واختي لحد جامعة 

مسك وعطر في نفس واحد انتي عارفة أننا كلنا في كلية وساكته

عواطف ضحكت مش بقولكم انا اللي مربياكم عارفه طبعا من اول سنة و اديكم في آخر سنة مش معني اني بتخانق معاكم كل شوية يبقي بكرهكم لاء يا بنات انتم زي بناتي انا اللي رابيت وكبرت المهم لازم تصميمي تخشي امتحاناتك شهادتك معاك هي سلاحك اللي حتحربيهم بيه فاهمة يامسك اوعي تضعفي اللي انا اعرف أن فاطمة معاها اعدادية بس ضربه ليها لما تعرف انك في آخر سنة في جامعة وانتي بنت كلاف البهايم وهي بنت الحسب و النسب مكملتش حتكون ضاربه ليها وحتحارب انك ما تكمليش لازم تصميمي علي رايك ولازم تقولي لبيحاد كده بصي حقولك علي حاجة قوليواو بس رج كلام مش اكتر قولي انك عاوزة تاجلي الفرح لحد بعد الامتحانات وشوفي رد فعله 

  قامت مسك واقفة  وعنيها فيها دموع انا ما كنتش اعرف انك بتحبيني كده يا مرات ابويا صحيح كان نفسي امي تكون معايا بس كلامك ده علم فيا قوي بجد متوقعتش منك يطلع كلام كده 

قامت عواطف وقفت وحضنتها  وقالت والدموع في عينيها : 

يابت ياهبله الام اللي بتربي مش اللي بتخلف انا ربنا حرمني من خلفه بي عوضني ببنتين مطلعين عيني بس اقسم بالله حبتهم زي عيالي 

عطر بضحك ؛

وكان ايه لزمته بس جر شكل معانا كل يوم والزعيق ده ما كان الطيب احسن يا مرات ابويا 

عواطف:

 وانتم مين قالكم بقي اني هبطل يلا اجري يابت منك ليها علي اوضتكم لتخمدو في شغل كتير لسة ورانا وبصت لمحمد وانت يا نحنوح علي بيت ابوك متعطلناش

محمد يضحك: 

اهلا عواطف رجعت سالمة يابنات شكل اللي كان بيتكلم من شوبة العفريت اللي عليها مش هيا 

الكل ضحك في جو جميل 

وعند العمده 

دخلت اشجان و مروة وفاطمة سرايا وعلي وش فاطمة غضب ربنا 

وراح بيجاد و ماجد المندرة بتكلموا 

فاطمة :

هو انا بقي عاوزة اعرف في ايه لما بنت كلاف بهايم يحلها طقم الالماظ وانا فاطمة بنت كبير البلد متتقدرش 

مروة بزهق منها: 

/لمي يومك بقي وقولي يامسا البيت مولع خلقة مش ناقصك الله يكرمك عدي اليله كفايا اللي عملتيه هناك كان ناقص تقومي تضربيهم كلهم 

فاطمة بزعيق وصوت عالي

 امال اسكت لحد بنت كلاف البهايم تاخد الجمل بما حمل والله ما يحصل علي جثتي 

دخل بيجاد و ماجد علي صوت زعيق فاطمة

بيجاد/ط بقرفة ونفاذ صبر:

انا نفسي اعرف انتي عاوزة ايه بلظبط محدش عاجبك خالص ايه اللي حرقك من مسك كده 

التفت فاطمة لماجد وقالت بسخرية:

ماهو اللي جوزها يقولها يا كوده يلعبوا بيها كرة 

انت عجبك اللي اخوك بيعملوا مش مقدر انك انت كبير ولا عاملك اعتبار خالص وطايح فيا كأني مليش راجل بس حتعمل ايه انت اللي سمحت بكده أن اصغر حد يتكلم معايا كده وانت كبير بس متزعلش هوا الكل شيفينك هوا 

بيجاد وقد نفذ صبرة فعلا 

انتي لا يمكن تكوني بني آدمه انتي شيطانه والله شيطانه 

وفجاءة ماجد رفع ايده ونزل علي وش بيجاد 

انتظروني في حلقة قادمة من قلوب ارهقها نبضها ملكة القلم نرمين قدري

تكملة الرواية من هنااااااا