رواية ديجور الشاهين الفصل الخامس والعشرون و الاخير 25 – بقلم ايلا ابراهيم

 رواية ديجور الشاهين الفصل الخامس والعشرون و الاخير 25 – بقلم ايلا ابراهيم 

الخامس والعشرون والاخيره 

زقها شاهين وهو مش مصدق  الحاله اللي علاا وصلت ليها… وقال بغضب: اتهدي ياعلا اتهدي ..نوصل البيت بس وهنتفاهم

ضحكت علاا بسخريه وهي بتقوله : اه نوصل البيت عند مراتك اللي متعرفش تتكلم قدامها نص كلمه .. وكأنها ماسكه عليك زله… 

علا سندت رأسها على كتفه وهي بتلعب بشعرها وقالت : تصدق ياشاهين .. حبي خساره فيك بس اعمل ايه حبيتك.. ومش هعرف اشوف حد غيرك ..

لتبتعد عنه وتنظر إليه بابتسامه واثقه وقالت : بس خد بالك علااا لو حطت في بالها حاجه هتاخدها مهما كان التمن .. 

شاهين نفخ بتافف وهو بيسوق العربيه بغيظ وحاول يتجاهل كلامها … علا قربت منه وحركت كفها على لحيته بضحكه وباسته من رقبته وقالت شكلك وانت متعصب تجنن ..

شاهين بعد أيدها عنه بغيظ .. وقال بتهديد : انتي هتتجنني النهارده متستعجليش . وهتتعاقيي على. كل القرف اللي عملتيه ..

علت ضحكت علاا وهي بتقوله باستفزاز : ايه ياحبيبي هتعلقني من شعري بالسقف .. والا هتربطني..

وقف شاهين العربيه بغضب وكان معمي فتح الباب وشدها برا العربيه وهو بيمشي للبيت بسرعه وهي كل شويه تقع بالجزمه العاليه اللي لابساها وهي بتقول بتذمر ودلال : بالراحه ياشاهين متقباش غتت..كده .

شاهين فتح الباب وكان متعصب جامد وسندس شافته وعلا لابسه كده اتجننت ولكنها سكتت لما افتكرت كلام شهد وحالت شاهين اللي باين أنه مش شايف قدامه..

شاهين من غير ما يتكلم فتح اوضت علا وزقها على السرير…

علا اتغاظت أنه عمل كده قدام سندس اللي واقف عالباب ومرعوبه من منظر شاهين ..

علااا وقفت بغضب وتحدي وقالت : انت اتجننت ازاي تتعامل معايا كده انت فاكرني ايه..

شاهين من غير تفكير ضربها بالقلم..:  ده عشان تتعلمي تردي عليا .. وادها قلم تاني وهو بيقول بغضب اكبر ده عشان محترمتيش ابوكي بقبره وطلعتي عريانه كده.. 

علا اترمت عالسرير وهي بتعيط وبتحاول تبعده عنها ومش عارفه .. هو باين أنه اتجنن خلاص .وبقى معمي.. 

سندس اللي كانت بتشوفها عدوتها حاولت تتدخل وتوقف شاهين لكنه كان متعصب ونازل فيها ضرب وكأنه مش فوعيه وكأنه اتجنن بجد .. شاهين كلام عمه ليه بيتردد في ودنه وحس أنه قصر مع علاا عشان بقت بالشكل ده.. ورخصت نفسها كده ..

سندس برعب حاولت تهديه : اهدا ياشاهين مش كده .

شاهين زق سندس من غير ما ياخد باله وسندس خطرت لها فكره بسرعه ومسكت بطنها وبدأت تصرخ بطني مش قادره .

شاهين بالوقت ده رجع لوعيه وجري ناحيتها بقلق : انتي كويسه..

سندس وهي بتبص لعلا عشان تطمنها وقالت لشاهين : مش قادره بطني وجعاني اوووي..

شاهين شال سندس ووداها اوضتها بسرعه و اتصل بالدكتور عشان يجي..

وراح اوضت علاا كانت مش قادره تتحرك عيونها بتدمع وتضحك في حاجه جواها مش قادره تخرجها.  حاسه انها مخنوقه عاوزه تتحرر من كل الافكار اللي جواها  .. اتنهد بقلة حيله وندم لما شاف منظرها كده..

قفل عليها الباب بالمفتاح وراح يطمن على سندس..

شاهين وشه كان متبهدل وشعره نازل على عيونه وباين عليه مش على بعضه..قرب منها بقلق وخد وشها بحضنه وقال : انتي كويسه..

سندس نزلت دموعها وقالت بكدب بطني وجعاني اوووي . 

شاهين حط أيده على بطنها وقال بعتذار : حقك عليا .. حقك عليا انا مكنتش في وعيي متزعليش مني ..

سندس : ايه اللي عمل فيك كده ياشاهين اول مره اشوفك كده .. وعلا عملت ايه لكل ده..

شاهين : شكلي فشلت ياسندس .. ومعرفتش احافظ  على وصيت عمي كويس..

سندس : متقولش كده انت بتهتم بعلاا اكتر مني انا ومرات عمي..

شاهين حاسس أنه خذل عمه بجد وقال بغصه: عمي تعب عليا لحد ما بقيت راجل.. بس انا معرفتش احافظ على بنته..

رفعت سندس وشها  بدموع : شاهين لو بتفكر انك تتجوز علاا انا ممم…

شاهين حط صباعه على شفايفها يمنعها تكمل كلامها : اششش انتي بتقولي ايه.. علا مين اللي اتجوزها.. علا مريضه و لازم تتعالج .. انا متأكد البنت دي مش طبيعيه.. 

سندس باستغراب :  تتعالج ازاي..

شاهين شدها لحضنه تانيه : متشغليش بالك المهم اني اطمن عليكي واسفرك على مصر حالا عشان وجودك هنا بقى خطر عليكي وعلى ابننا..

سندس بانزعاج :  وانت مش هترجع معايا ..

شاهين :  انا هحصلكم اول ما اطمن على علاا.

سندس رفعت وشها من حضنه واتكلمت بانزعاج.: لكن ياشاهين انت ناسيني نهائي وكأن علاا هي اللي مراتك..مش انا..

شاهين بعد شعرها عن وشها واتكلم بخنقه : صدقيني كل حاجه هترجع زي الاول هعرض علاا على دكتور شاطر وارجع معاها .. مصر أن شاء الله بأقرب وقت ..

سندس بضيق وهي بتبعد عنه : ماشي .

شاهين باستغراب : رايحه فين..

سندس بضيق : هحضرلك الاكل..

شاهين شدها ليه وقال بتعب :  مش عايز حاجه عاوزك بحضني بس…

في اليوم التاني..

سندس جهزت حاجتها عشان ترجع مصر. وكانت زعلانه اوووي عشان هتسيب شاهين مع علاا لوحدهم لكنها مش عايزه تزيدها عليه..

شاهين كان نايم ولما فاق كانت سندس في الحمام بتعيط سمع صوت عياطها اتضايق جدا من نفسه ازاي أنه وصلها للحاله دي وهو اساسا تاهيه مش عارف يوصل لحل يرضي كل الأطراف .. سندس مراته وام ابنه اللي جاي… والا علاا اللي باين أنها مريضه وقدامها رحلت علاج احتمال تكون طويله ….

اتنهد وحاول يهدي نفسه وخبط عليها وفتحت الباب بعد ما مسحت دموعها بسرعه اول ما فتحت الباب وشاف عيونها حمرا خدها بحضنه وهو بيملس شعرها وقال: مش هتأخر يومين بالكتير وهحصلك ..

سندس رفعت عيونها ليه وقالت : بس انت هتوحشني ياشاهين..

شاهين حاوط وشها بحب وقال : انتي اللي هتوحشيني اكتر بس اعمل ايه .. عاوز اخلص من المشاكل..

بصت ليه بدموع : اوعدني انك ترجع بسرعه 

شاهين : مش اكتر من يومين بس اطمن على علاا وارجع عشان انا والله زهقت من المشاكل .. عاوز اعرف اهتم بيكي وبابننا اللي جاي.. وانت اصلا هفضل اتصل بيكي كل شويه .

ابتسمت سندس وجواها نار ازاي هتسيبهم لوحدهم..

شاهين ايوا كده مش عايزهط الابتسامه دي تفارق وشك..

سندس نزلت عيونها الأرض..

شاهين عض شفايفه وقال بقولك ايه 

سندس ايه..

شاهين بغمزه : مش لسا بدري عالطياره…

سندس رفعت وشها : ليه…

وهو ضحك وقالها تعالي هقولك حاجه مهمه اوووي قبل ما يجي موعد الطياره..

سندس هتقول ايه ..

شاهين بضحكه انتي وعالي بس وشدها ليه ووووو

*******

بعد مرور يومين…

رجع شاهين لكن لوحده وكانت مرات عمه مستنياه وبعد ما رحبت بيه سألته عن علاا.

شاهين : دخلتها مصحه..

رية بصدمه : يا لهووي مصحة ايه دي..اوعى تقول بتاعت المجانين 

شاهين : لا يامرات عمي دي أعادت تأهيل بس .. هما ست شهور وهترجع احسن من الاول 

رية بعتاب : ليه كده يابني البنت يتيمه بلاش تعمل فيها كده. 

شاهين : انا بعمل كل ده عشانها .. دي وصيت عمي الله يرحمه .. وانا اتكلمت معاها وهي اقتنعت بالحكايه ومعترضتش..وعلى فكره هي اللي اختارت المصحه بنفسها. 

رية : ياحبة عيني اكيد البنت هتقول أننا عايزين نخلص منها

شاهين بضيق : ايه الكلام ده يامرات عمي علا متعلمه وعارفه اني بعمل كل حاجه عشانها..

رية : ربنا معاها 

شاهين : يارب .. 

شاهين وهو بيتلفت حوليه : هي سندس فين من امبارح بحاول اتصل بيها مش بترد..

رية اتوترت اول ماسمعته يسأل عليها..

شاهين باستغراب : في ايه يامرات عمي وشك قلب كده ليه.. هي سندس فين 

رية : والله يابني انا مكنتش عايزه اقولك عشان عارفه اللي فيكي مكفيك 

شاهين بقلق في ايه هي كويسه .. مالها اتكلمي يامرات عمي بلاش تخضيني كده ..

رية بصراحه مراتك هربت من البيت

شاهين ضحك : هربت انتي بتهزري ليه بالوقت ده..

رية : متتعصبش يابني بالله عليكي 

شاهين وقف وقال : هي عند اهلها مش كده هروح اجيبها.  

رية : والله مش عارفه اقولك ايه..

شاهين حس انها بتتكلم جد وسأل بجديه وملامحه اتغيرت : في ايه متقولي ..انا قبل امبارح مكلمها وكانت مستنيه رجوعي ايه اللي حصل انتو اتخانقتوا والا ايه.. 

رية يابني اول مارجعت مراتك انا لاحظت بالليل راجل غريب طلع من اوضتها … سألتها أنكرت الكلام ده ..

وامبارح مكنتش بالبيت ولما حاولت اكلمها.. بعتتلتي الصوت ده وقالت قولي لشاهين مايدورش عليا عشان انا بحب واحد تاني وهروح اعيش معاه… حاولت كتتير اتقبل شاهين معرفتش عشان قلبي مع حد غيره…

ضحك شاهين وقال اكيد ده ضرب منكم مش كده سندس ياسندس.. تعالي هنا.  

رية بجديه : والله ابدا يابني اسمع صوتها كده وهتصدقني.

شاهين من غير وعي خد فون ريه وسمعه واتصدم لما كان صوت سندس بجد…

يتبع الجزء التاني بعد رمضان ان شاء الله

الفصل من غير مراجعه وطويل جدا يارب يعجبكم 

مع محبتي

يتبع الفصل كاملا اضغط هنا ملحوظه اكتب في جوجل “رواية ديجور الشاهين كوكب الروايات” لكي تظهر لك كاملة 

  •تابع الفصل التالي “رواية ديجور الشاهين” اضغط على اسم الرواية