السابع_والثلاثون_والأخير ماسك ايدها ومقربها ليه وبيضحكو سوا قدام الصحافه والاسوء كانت الدبل اللي في اديهم
اتسعت عنيها وهيه بتبص لاديهم بصدمه مختلطه بدموع عينيها وغصب عنها ما تقدرش تواجه جريت بسرعه على زاويه مفيهاش حد بتحاول تاخد نفسها ودموعها بتنزل بدون ارادتها
اكمل شافها واتنهد بحزن وكمل الحوار بسرعه وقعد البنت اللي معاه على طاوله ولسه هيروح ورى اسيا وقف قدامه لؤي وحضنه بقوه وقال ….عامل ايه يا مجنون كل ده يا اخي حرام عليك ما توقعناش نشوفك تاني
اكمل حضنو و ضحك بخفه وقال…..مشاغل الحياه بقى يا دكتور… انت عامل ايه
لؤي قال بسعاده ….انا بخير واتجوزت كمان و
بس قاطعهم منتصر اما قرب حضنو بسعاده وقال..حمد الله على السلامه يا فنان
وسهيله وفرحه بقى يسلموا عليه كلهم بسعاده ومبسوطين جدا انهم شافوه حتى عدي سلم عليه وحضنه من ضمنهم
اكمل ابتسم على استقبالهم ليه كانوا مبسوطين جدا وبيرحبوا بيه بحراره عمره ما اتوقع انو ممكن يجي يوم و يبقى محبوب منهم او من اي حد
عدي قال بسرعه قاصد يوصله رساله…. ما باركتلناش مش انا خطبت نيره اخت منتصر
اكمل ابتسم بخفه وقال…. عارف
بصوا له باستغراب ولؤي قال… عارف …عارف منين
اكمل قال …. انا عارف كل اخباركم من ساعه ما مشيت وكأني عايش معاكوا كمان …مش معنى اني غبت اني مش هسال عنكم …انتوا عيله لقيتها بعد ٢٧ سنه مش بالسهل هفرط فيها
وبص لفرحه وقال…. مبروك عليكم… النونو اللي جاي في الطريق
وبص لمنتصر وقال…وانت يا حضرة الظابط مبروك الترقيه والجواز…واميرتك الصغيره…وانت كمان يا عدي عقبال الجواز مبروك لكم كلكم بجد عرفتو تبنو حياتكم صح
لؤي ابتسم وحط ايده على كتفه بسعاده وقال…. احنا كنا نتمنى نعرف اخبارك زي كده ودورنا عليك كثير والله انا و منتصر بس ما قدرناش نعرف لك مكان
اكمل ابتسم وقال…. كنت محتاج افضل مع نفسي شويه
فرحه قالت بحماس…. بس على الاقل نعرف اخبارك الفنيه مبروك فيلمك الجديد ده مكسر الدنيا
اكمل ابتسم وقال….الله يبارك فيكي …اخيرا عملت فيلم يستاهل تشوفه يا لؤي هعزمكم كلكم ونشوفه سوا
سهيله بصت للبنت اللي جابها معاه من بعيد وقالت بضيق….مع ان كان المفروض فيه حد هنا اولى يروح معاك تشوفوه ولا ايه يا ابن عمي
اكمل فهم قصدها وضحك بخفه وبص على اسيا من بعيد كانت بتغلي ورايحه جايه بغضب واضح وقالت…..والله ما اعتقدش لان الفيلم رومانسي…. ممكن لو عملت حاجه اكشن ولا جريمه… عن اذنكم
بقلم…زهرة الربيع
ولسه هيتحرك ناحيه اسيا لفت انتباهه عصران اللي كان قاعد على كرسي بعجل على جنب وبيبصلو بغيظ شديد
اكمل اتسعت ابتسامته بخبث شديد وقرب منه ونزل على الارض قعد في مستواه وقال…. ازيك يا عمو ….صحيح نسيتك مش تقول حاجه تنبهني انك هنا
لؤي حمحم وقال…. هو عنده مشكله في الكلام من وقت ما عرف موضوع رجليه جات له جلطه خفيفه و
قاطعو اكمل وقال …اخرس يعني …مش كفايه مشلول كمان بقيت مجلوط يا حول الله يا رب
لؤي اتسعت عينيه وقال…. اكمل الراجل مريض
اكمل قال …. يا ابني وانا بقول له ايه انا بواسيه هو انا معقوله هفرح فيه يعني .. ده انا فرحان قوي اني شوفته
عصران كان بيبص له بغيظ شديد ونفسو ينطق ويهزأه
واكمل بصلو وقال…. انت زعلان ليه يا عمو …شكل الحفله مش على هواك معاك حق والله تحسها ناشفه رجالي كده ..ما تقوم بينا نتمشى
وقال بسرعه…. سوري صحيح ما ينفعش تمشي يا قلبي يا عمو
عدي قال بضيق …..اكمل وبعدين
اكمل اتنهد ووقف وقال…. انتو ليه محسسيني اني بترزل عليه يا جماعه المسامح كريم وانا نسيت اللي حصل….. ده حتى واحشني جدا لو اطول كنت اجيلو من السفر مشي…واخد بالك مشيييي بس ال صراحه مقدرتش اصلي اكلت حاجه حلوه الصبح وبطني مشيت عليا ….تخيل بطني مشيت وانت لسه
كلهم بصولو بزهول ومنتصر كان عايز يضحك بس كتم ضحكته علشان سهيله اللي كانت مضايقه من كلامه حمحم وقال…. اكمل سيب الراجل في حاله خلاص
اكمل اتنهد وقال…. يا عم ماشي ماشي … اقول لكم انا ماشي من جنبكم اصلا ….ومشي هو بيغني وبيقول …..على حسب الريح ما يودي الريح ما يودي الريح ما يودي….. وياه انا ماشي ماشي ماشي ولا بيدي
كلهم بصوا لبعض بتوتر لما راح ناحيه اسيا ولؤي قال….ربنا يستر
عصران كان باصص قدامه بحزن شديد وبص على حالته على الكرسي وباصص لطيف اكمل اللي كانت الصحافه بتتهافت عشان تتصور معاه هو بيتحشاهم بالعافيه حس وقتها بس قد ايه الظلم عمره ما يدوم مهما طال وان اللي ما بياخدش حقه في الاول لازم بياخده في الاخر….. وان ربك لبالمرصاد
عند اكملقرب من اسيا وكل خطوه بينه وبينها شايفها مشوار زي تعب الايام اللي عدت عليه في بعده عنها
اسيا كانت رايحه جايه بغضب والم وثوره جواها واول ما شافته اتجمدت مكانها لاول مره مش قادره تواجه مش قادره تنطق اصلا كانت بينهم نظرات اقوي بكتير من اي كلام… وجع وفراق وعتاب وخزلان في عيونهم ميتوصفش
كانت المبادره لاكمل قال ….احم احوالي ايه…. طمنيني عني وعن القلب اللي سبته معاكي
اسيا بصتلو بدهشه وابتسمت بسخريه وقالت…. رومانسي قوي يا فنان… حالك انت ادرى بيه ..ما حدش بيتألم مكان حد
اكمل قرب منها خطوات بس قالت بسرعه ودموع…..خليك مكانك ….ما تقربش خطوه واحده
اكمل اتنهد وقال …..المسافه دي هتفضل بنا لامتى يا اسيا
اسيا قالت بغضب ودموع… المسافه دي انت اللي عملتها و انا حاولت الغيها لكن انت اللي رفضت..وابتسمت بسخريه وهيه بتبص للبنت اللي جات معاه وقالت….والظاهر انك حبيت المسافه دي قوي..مبروك الجواز…مبروك عليك دبلتك منوره في ايدك..لا وجاي بكل بجاحه تسألني عن المسافه بنا… يعني سيبتني في اكتر وقت كنت محتاجه لك فيه …سبتني في المستشفى وانت متعرفش اتحسنت او ولا وسافرت لا وعشت حياتك بكل سهوله واتجوزت وانا زي الهبله مستنه سيادتك
اكمل بصلها بدهشه وقال..وانتي كنتي مستنيه ايه يا بنت البشوات..مستنيه اهيش على ذكراكي…افضل ابكي ليل وانهار على ايامنا اللي مفيش منها….وقول يا وجع قلبي على الاهانات اللي اتعودت عليها وخسرتها مستنيه ايه
زعقت فيه لانهيار وقالت ببكا….كنت مستنيه تحس….تسامح…تهدى وترجع كنت مستنيه لاني غبيه غبيه اوي
و لسه هتمشي شدها من ايدها بقوه وفي ثواني لقيت نفسها في حضنه وبيضمها بكل قوته
بقيت تحاول تضربه وتبعده بس انهارت كل قوتها وبقت تبكي جامد لاول مره يشوفها بتبكي بالشكل ده قال بدموع…انا كنت فاكر بعاقبك بس كنت بعاقب نفسي وبس …..حرقت قلبي بايديا يا اسيا… كنت عايزه اتوجع لوحدي بدل ما الغضب اللي جوايا يوجعكم كلكم ….صدقيني كنت محتاج لفتره لوحدي ولو كنت استنيتك لحد ما تخرجي من المستشفى واتكلمت معاكي مره تاني ما كنتش همشي لاني بنسى كل حاجه قدام عينيكي انا تعبت اكتر من لكل يا اسبا كنت فاكر بنتقم منكم بس اذيت نفسي اتغربت وغربتي بقت جوايا ومحدش تعب قدي
بعدته عنها وقالت بسخريه…حصل خير يا فنان…ده قدر …وانت دلوقت ربنا عوضك ونجحت واتجوزت ونفرحلك طبعا….مفيش داعي تبص وراك…واللي بنا ده لو كان فيه حاجه بنا بقت ماضي وملهاش لزوم انسى
ابتسم ومسك ايدها وقال….انا لو نسيت نفسي مستحيل انسى اللي بنا…بنسبتلك كان ملوش لزوم…بس بنسبتلي كانو الايام اللي طلعت بيهم من عمري اللي فات كلو
قال كده وحط حاجه في ايدها وقفلها ومشي وهيه بصت لطيفه باستغراب وفتحت ابدها واتفاجأت بالدبله اللي كان لابسها مسكتها بغيظ وقالت…مهما تتغير هتفضل مستفز …ولسه هترميها بغضب لمحت اسم جواها…واتصدمت لما قرت اسمها محفور على الدبله
عند لؤي كان واقف مع فرحه وشاف اكمل لما مشي وخرج من الحفله كلها قال …..يا رب والنبي يا رب والنبي هي من المعجزات بس ارجوك انت قادر على كل شيء
فرحه ضحكت وقالت…. انت قلقان من ايه ما هو قلك هيتمشى على البحر ويرجع وبعدين ابن عمك ده ميتخافش عليه واضح انو بيعشقها وهيصلح الدنيا…بس البنت اللي معاه والدبل اللي في اديهم والله حيروني
لؤي اتنهد وقال..وانا كمان…بس لو كان اتجوز وعاش حياته معقوله كان سأل فينا بعد كل ده….انا مش فاهم حاجه بس اسيا صعبانه عليا قوي من يوم ما مشي انا عمري ما شوفتها ضعيفه بالشكل ده…. وحتى هو شاف ظلم كتير في حياته يا ريت ربنا يهديهم على بعض بقى وكفايه كده
فرحه قربت منه وبصت لعيونه بحب وقالت….. ممكن كفايه انت بقى كده… كفايه تفكر في كل الناس وكفايه تبقى جميل اوي كده..انا مش عارفه ممكن احبك ازاي اكتر من كده طيب
لؤي ضمها ليه وقال….انا مش عايز حدود لحبك …حبيني قد ما تقدري وخليكي متاكده مهما تحبيني مش هيجي ربع حبي ليكي
فرحه قالت بابتسامه ومشاكسه ….بس انا مش لازم اديلك الحب كله لازم اشيل شويه للنونه اللي جاي
لؤي ضحك بخفه وقال ….بلاش الكلام ده يا بت انا بغير بجد بقول لك ايه انت شكلك تعبانه اصلا و الوقفه دي غلط عليكي وانتي حامل ما تيجي اطلعك ترتاحي فوق
فرحه ضحكت وضربته في صدره وقالت… اتلم هو حمدي معاك الليله ولا ايه
لؤي ضحك جامد وقال… انتي لسه فاكره حمدي
ابتسمت وقالت …..ده حبيبي ده بس من بعيد لبعيد
لؤي قال بابتسامه… بس الحمد لله بقى لنا سنه مشوفناهوش والوضع مستقر..الدكتور بيقول سنه كمان تاني لو ما حصلتش اي حاجه يبقى تمام ..لا وطمني قال لي لو سنه الا يوم وارد تفشل و الحاله تجيك تاني بس ما تقلقش نرجع نعيد العلاج تاني
فرحه ضحكت جامد وقالت…. يا ابني اصلا كويس انك قاعد بعقلك مع الدكتور ده يا عم انا بخاف منه اصلا ….على العموم هو رجع او ما رجعش انت قمر كده اللي عايزنا زي ما احنا اهلا بيه ….واللي مش عاجبينه الله يسهلها عليه
لؤي ابتسم وضمها بحب وقال…. انا مش عايز غيرك من الدنيا دي يا فرحتي وسر هنايا كله
فرحه ابتسمت بخفه وقالت …..وانا بحبك قوي انت وحمدي علشان ما يزعلش
لؤي داس على شفته بوقاحه وقال ….حمدي هيخربها الليله …ده يعني لو ما اتخربتش لوحدها
قال اخر جملته وهو باصص على اسيا اللي كانت رايحه ناحية البنت الي جايه مع تكمل وعنيها متبشرش بالخير
فرحه اتنهدت وقالت ….والله شكلها هتخرب لوحدها بجد
اسيا وقفت قدام البنت وبصتلها من فوق لتحت وقالت….هو اكمل ليه راح فين
البنت بصتلها باستغراب وقالت..قالي هيتمشي على البحر شويه
اسيا بقت تبصلها بغيره وقالت…امممم…وانتي بقى يا حلوه …تعرفيه منين
البنت قالت باستغراب…هو انا المفروض اجاوبك ليه
اسيا قالت بسرعه وثقه…مراتو….انا مراته
البنت وقفت وبصتلها بزهول وقالت بابتسامه….انتي اسيا بنت البشوات مش معقول …معاه حق بصراحه مكدبش خالص
اسيا قالت باستغراب..انتي تعرفيني
قالت بسرعه مفيش حد يعرف اكمل وميعرفش اسيا…مش بيتكلم غير عنك يا جوليت.
ومدت ايدها وقالت….انا نوران…المنتجه اللي هعمل فيلم اكمل الجديد
اسيا اتنهدت بارتياح من جواها وسلمت عليها بسرعه وقالت…منتجه…انتي منتجه بس
ضحكت وقالت..اه بس…منتجه وهنعمل فيلم سوا قريب..وهو عزمني اتعرف على عيلته بما اني في مصر ..ورفعت ايدها وقالت..انا متجوزه للعلم
اسيا حست بحرج شديد لانها عرفت انها غارت منها قالت بتوتر…احم اهلا بيكي…منورانا طبعا…ياريت تكوني انبسطتي بالرحله
ابتسمت وقالت…انبسطت جدا…خصوصا اني شوفتك وعرفت اللي مجننه مخرجنا العظيم…هقولك نصيحه تقبليها او لا انتي حره….ممكن نلاقي حبيب بسهوله….لكن اننا نلاقي شخص يعشق الوجع في قربنا ويكره الراجه في بعدنا دي صعبه يا اسيا
انا اعرف انك ذكيه جدا واكيد فهماني
اسيا ابتسمت ودموعها لمعت في عيونها وهزت راسها بالموافقه وقالت….عن اذنك
وخرجت تدور عليه
شافتو واقف بيشرب سيجاره على البحر قربت منه بغضب وقالت….بتبقى مبسوط ومستمتع لما بتعمل معايا كده…بجد الله يسامحك كسفتني مع الست تقول عليا ايه دلوقتي مجنونه
ضحك بخفه وهو باصص قدامه وقال..لا من الناحيه دي اطمني…هيه جايه و عارفه انك مجنونه
اسيا قالت بغيظ….حركاتك حركات مراهقين بجد…يعني كسبت ايه لما فهمتني انك متجوز
اكمل التفت لها وابتسم وقال….بس انا مفهمتكيش اني متجوز…انتي اجزمتي من نفسك وحكمتي زي العاده…ونسيتي اني طبيعي اكون لابس دبله…لان انا اساسا متجوز يا اسيا
قالت بغضب….طب كنت قولي ببساطه لا يا اسيا متجوزتش غيرك دي دبله علشان جوازنا احنا..لكن لا لازم تحط التاتش بتاعك…طب ايه رأيك بقى اني انا اللي ارتبطت ومبقتش فضيالك
اكمل بصلها بدهشه وقال بصدمه مصتنعه… اتجوزتي عليا يا اسيا من غير ما تعرفيني كمان دي فيها ست شهور دي
عند منتصر كان قاعد جمب سهيله وكانت شايله طفله صغيره عمرها سنه ونص قالت بابتسامه …..انا مبسوطه قوي ان اكمل رجع اخيرا …اسيا كانت زعلانه جدا رغم انها مش بتفتح قلبها لحد بس واضح جدا زعلها عليه بس الصراحه انا قلقانه من البنت اللي جات معاه
منتصر ابتسم وقال …متقلقيش…مستحيل يكونو مرتبطين اكمل بيحب بنت عمك اوي معتقدش يكون نسيها بالبساطه دي
انا متاكده انهم هيرجعو لبعض البني ادم ما يقدرش يعيش لوحده … الحياه بتستمر وتعدي ويبقى لها طعم لما يكون فيه معانا شريك يهونها علينا
سهيله ابتسمت وبصت لعيونه وقالت….معاك حق فعلا فيه ناس وجودهم من اولوياتنا
منتصر ابتسم بسعاده و لسه هيتكلم قالت بمشاكسه ….يعني انا مثلا من يوم ما بسمه جات على الدنيا وهيه اهم اولوياتي ومخليه لحياتي طعم
منتصر ضحك بخفه وقال…. بسمه امم….معاكي حق انا كمان حبيت بسمه و عشقت بسمه وعيون بسمه يخرب بيت جمال ام بسمه
سهيله ضحكت من قلبها ومنتصر سند جبينه على جبينها وقال…بحب بسمه اوي انا بعشقها و
بس قطع لحظتهم عدي لما زعق وقال….. يا عم ما تلموا نفسكم بقى هتبوسها في قلب الحفله قدام الناس اتلمو بقى
سهيله نزلت عيونها بكسوف ومنتصر قال بسرعه….اشش الله يخرب بيتك وطي صوتك ايه ده
عدي قال بغضب….اوطي صوتي ليه انت قاعد هنا نايم في العسل وسايبني انا هتجنن من اختك يا عم انا عايز اطلق خلاص عايز اطلق
منتصر قال بدهشه…تطلق ايه يا اهبل وانت اتجوزتها عشان تطلقها
وبص لنيره اللي جات وراه بغضب وقال ..فيه ايه تاني يا نيره
نيره قالت بغيظ …..فيه ان الباشا بيخوني واقف بيشرب مع واحده ويضحكو لا وكمان عامل زعلان
منتصر اتنهد بخنقه من الموضوع اللي بيتكرر على طول وقال ….تاني يا نيره ….كنت مع مين يا زفت
عدي قال بدهشه…انت هتعمل زيها ..دي اتجننت خلاص …طب اسالها هي كده قولها كنت مع مين خليها ترد عليك
نيره قالت بغيظ …..واحده ست حلوه يعني انا هشوف بطاقتها
عدي قال بخنقه….. الواحده الست الحلوه دي قد والدتك المديره التنفيذيه بتاعة المشروع الجديد …واخوكي عارفها…عاجبك الفضايح اللي عملتيها هناك دي
نيره مسكت فيه من وسطه وسندت راسها على كتفه وقالت… انا حره اعمل اللي انا عايزاه انت بتاعي خلي الناس كلها تعرف ويبعدو عنك متزعلش بقى بحبك
منتصر قال بزهول…انتي بتحضنيه قدامي انا جبت اخري معاك والله
نيره بعدت عنه وعدي قال بسرعه…..وانت مالك يا اخي تدخل بينا ليه اصلا انا مش كاتب كتابي عليها …انا مش عارف ليه كل شويه تجيلنا وتتدخل في حياتنا
نيره قالت بسرعه…. اه والله بجد مش عارفين نقف دقيقتين مع بعض
عدي مسك ايدها وقال… تعالي بعيد عنه لما نشوف لنا حته نتكلم فيها بعيد عن اخوكي بقى غريب جدا
و اخذها ومشي تحت انظار منتصر اللي كان بيبص لهم بزهول سهيله ضحكت وقالت ….ايوه انت اللي روحت لهم ملكش دعوه
ضحك بخفه وقال….عارفه ايه اكتر حاجه بحبها في اخوكي الاهبل ده
سهيله ابتسمت وقالت….ايه
ابتسم وبص لعيونها وقال….انك اخته
سهيله ابتسمت بسعاده وحب وقالت…طب انت عارف ايه احلى حاجه في الدنيا دي عموما
ضحك بخفه وقال..لو قلتي بسمه هعلقك
سهيله ضحكت وقالت….لا ابو بسمه …وعيون ابو بسمه…بحبك يا منتصر بحبك اكتر من ما تتخيل
ربنا يخليك لينا كلنا
منتصر ابتسم وضمها ليه وقال….الحب اتخلق لعيونك يا قلب منتصر …. ربنا يديم وجودك في حياتي انت وبنوتتنا القمر
عند اكمل بص لاسيا بزهق وقال…. يا بنت ما تتعدلي متخلهاش تهب منك … يعني ايه ارتبطتي مين بقى اللي ربطك ده ان شاء الله وانا افكك
اسيا قالت بضيق منه…… ارتبطت يعني عندي بوي فريند عادي
قال بسرعه….بول… بول ازاي مش فاهم
اسيا قالت بغيظ منه …..بول ايه الله يقرفك…. بقول لك بوي فريند صديق…و لسه بنتعرف لما نخلص التعرف هنخطب ولما نخطب هنتجوز ولما نيجي نتجوز هعزمك
اكمل قال بسخريه…وتعزميني ليه…انا جوزك الاولاني يعني لازم هكون موجود بتشحتف بقى مش هتتجوزي عليا
اسيا قالت بضيق…. والله براحتك انت حر في نفسك..و كويس انك رجعت عشان تطلقني وكل واحد يروح لحاله
و لسه هتمشي شدها ليه وحاوطها بين اديه بقوه وقال…. مش هنبطل عند بقى …كفايه كده ما انتي عرفتي انها مجرد شغل
اسيا قالت وهيه بتحاول تبعد من بين اديه…ولما هيه مجرد شغل ..جاي ماسك ايدها ليه وبتتسنكح معاها..تجبها معاك ليه اصلا
اكمل قرب منها قوي وقال….. عشان اشوف نظرة الغيره دي في عيونك…. وحشتيني يا بت
اسيا بصتلو بتوتر من نظراتو و نزلت دموعها وقالت….. بس اللي عملته فيا ما يتنسيش يا اكمل..انا تعبت قوي السنتين دول..حرقت قلبي
اكمل مشى ايده على شعرها بحنيه وقال ….نبقى خالصين يا قلب اكمل.. انتي اذيتيني في الاول وانا اذيتك في الاخر…ويا اما يفوز العند ونفضل بعاد طول العمر …او يفوز الحب ونتسامح ونعيش….تفتكري بعد كل اللي حصل لنا ده ما نستاهلش اننا نعيش يا اسيا
اسيا ابتسمت و قالت بدموع …. انت تستاهل كل حاجه حلوه في الدنيا انا معرفتش قمتك الا لما خسرتك …وحشتني يا ابن عمي
بقلم…زهرة الربيع
اكمل ابتسم بحلاوه وقال….قوليلي يا ابن الشوارع
اسيا نزلت عينها وقالت….. مش قلت هننسى بقى
اكمل سند جبينه على جبينها وقال ….هننسى…. بس انا هفضل اقول لك يا بنت الباشوات… علشان تفضلي باشا قلبي العمر كله
اسيا ابتسمت بسعاده وقالت ….بقالي كتير بحاول اعرف متى وازاي حبك امتلكني وجري في عروقي بالشكل ده
اكمل بص لعيونها بحنيه وقال ….القلوب مكان ما بتلاقي حب بتميل….و انا مش بس حبيتك…انا عشقتك …وعشقت الحياه كلها من بعد حبك
ها بقى مش هتلبسيني الدبله اللي في ايدك دي…ده انا دافع فيها قد كده علشان اجيب دبله تلفت نظرك
اسيا نزلت عيونها بحرج وقالت..بس بقى بحركاتك القرعه كسفتني….متوقعتش تكون لابس دبله علشان جوازنا احنا…لان قبل ما تمشي مكناش لابسين ولا انا ولا انت
اكمل ابتسم وطلع علبه من جيبه وكان فيها دبله جميله مسك ايدها بحنيه ولبسهالها وباس ايدها برقه وقال…اديكي لبستيها …علشان تفكرك بيا ديما
اسيا بصت للدبله بدموع وقالت بحب….بس انا مقدرتش انساك يوم واحد يا اكمل
ومسكت دبلته ولبستهالو وقالت…وحشتني قوي
اكمل شدها عليه بقوه وقال…ده انا اللي مشتاق… والشوق حراق …هتقتليني يا بت ..ولسه بيميل عليها
لؤي صفر جامد وقال ….كت يا سياده المخرج مش في الشارع كده
يلا تعالو هناخد صوره عائليه تعالى خد دورك
اكمل اتنهد بغيظ منه
واسيا ضحكت ومسكت ايده ومشيو وهما بيبصوا لبعض بسعاده وحب
و وقفوا كلهم جنب بعض كل اتنين كانوا بيبصوا لبعض بسعاده ومحبه شديده
وقبل ما يلتقطو الصوره اكمل ا تقدم جاب عصران بالكرسي وقال….. الصوره ما تحلاش من غير الكرسي
بصوا له كلهم بضيق وهو قال بسرعه….قصدي عمي عصران يعني…متحلاش من غيره
اتنهدو بياس من حركاتو واستعدو لالتقاط الصوره منتصر ضم سهيله ليه اللي كانت شايله بنتهم وبيبصو لبعض بحب بيلمع في عيونهم…ولؤي ضامم فرحه ليه وفي قمة السعاده وعدي ماسك ايد نيره ومبسوطين جدا
اكمل بقى يبصلهم بسعاده لاول مره يبقى مبسوط بسعاده الجميع اتنهد بارتياح وحس انه فعلا اتعافى من جواه
اسيا همست في ودنو وقالت… بحبك
التفت لها وقلبو بيرقص على انغام كلمتها وعيونه بتحتضن ملامحها في اروع نظره بينهم
لؤي شافهم شاور للمصور يصور بسرعه وفعلا تم التقاط اجمل صوره عائليه ليهم
تمت بحمد الله
يا سيد القلب ومالكه بالله قلي كيف سكنت اركانه
كيف كنت شيطان بناظري لثم اصبحت ملجأً وأمانَ
كيف احببتك بكل جوارجي وبدلت البغض بالحنانَ
ورويتني عشقاً ادمنته وصرت على القلب سلطانَ
ان بعض الظن اثم يا ملاكي فكم ظننتك ماكراً وشيطانَ
وابليس ببيتي يسكنه وكنت اراه اعظم انسانَ
فعذراً يا حبيبي واسفاً فإني كنت مغمضة الاجفانَ
ولك مني عشقا لن ينتهى ومحبة تستحقها وامتنانَ
اجمل تحيه وسلام لعيونكم…الغالين ثم الغالين اللي وقفو معايا وشجعوني ودعموني للنهايه بشكركم من جوه قلبي بجد انتو اجمل نعم ربنا عليا ..وثانيا شكرا للجميع حتى لو اعجبو بالروايه ومتفاعلوش كلكم اخواتي
الى اللقاء حاليا وهنقضي اجمل شهور الله طاعه وعباده وقصص جميله جدا اجتماعيه ودينيه وقصائد اسلاميه والغاز وشغل حلو جدا على الصفحه علشان نفضل يوميا في رحاب الله في الشهر الفضيل ..على امل نلقاكم بعد العيد ان شاء الله بعمل جديد سواء روايه او اسكربت اللي يقسمو ربنا وهيبقى عندنا شغل لكاتبات كتييير بدون روابط باذن الله وكمان فيه مفاجأتين اروع من بعض هعلن عنهم قبل العيد كونو دوما من زوار الصفحه علشان تشوفو كل جديد
ولو اول مره تشوف الصفحه تابع من هنا مش هتندم
كنتم مع رواية شيطان في بيتي بقلم زهرة الربيع اتمنى تكون نالت اعجابكم شاركوني رأيكم فيها زهرتكم تحيكم ودمتم في امان الله مع من تحبون
التعليقات