رواية حويت الحب الفصل الأول 1 بقلم ياسمينا محمد
رواية حويت الحب البارت الأول
رواية حويت الحب الجزء الأول
رواية حويت الحب الحلقة الأولى
“تحبي خطوبتنا تبقي الاسبوع الجاي ولا نقربها ليوم الخميس؟!”
_أنت عبيط!
=ليه مش عاجبك الميعاد تحبي نخليه دلوقتي؟
_مين قالك إني هقبل بيك أصلًا
=مش أنا الشخص الي يترفض يا مريم! أنتِ عمرك ما هتلاقي زي بترفضي النعمة اللي بنات الدُنيا تتمناها!
_مستفز ونرجسي وعمري ما هحبك يا أدم، لو أخر واحد في الدنيا مش هوافق بيك سامعني.
=ما الأستاذة ماشية علي حَل شعرها بقا وعامله فيها الشيخه بتاعتنا ورفضاني علشان كده؟
سمعت جملته ومحستش بنفسي غير وأنا ايدي بتسمَّع علي وشه وبقوله: اخرس.. اخرس أنت فاهم مسمعش صوتك أنت أخر واحد تقول كده أنت فاكر نفسك مين علشان تخوض في عرضي مش عاوزة اشوفك وشك تاني يا… ابن عمي.
=بكرا هنشوف وأنا بجيب رقبتك تحت رجلي يا شيخه مريم بكرا نشوف.
فاكر نفسه مين علشان أوافق بيه!!
انا مبكرهش غيره الله ياخدك يا أدم
علي اللي أنت بتعمله فيا ده
وياخد الصلة الي تجمعني بيك في يوم.
_ممكن كوباية القهوة بتاعتي يا أحمد لو سمحت
=اكيد يا بشمهندسة مريم دقايق وطلبك هيكون جاهز
“جيت الكافية الي بحبه وبرتاح فيه علشان بيطُل علي البحر المكان الي قلبي بيرتاح فيه، حاسة ان هموم الدنيا كلها جوا قلبي ودوشة الدنيا سكنت عقلي، أدم بيكون ابن عمي اكتر شخص مستفز ونرجسي في الدنيا، اكتر شخص بيحاول يستفزني ويطلع اسوء ما فيا، ويجي في الاخر يقول إني بعمل شيخه عليهم!
بيحاول يقرب مني مش علشان بيحبني، علشان بس يثبت للكل إن مريم جات تحت إيده”
أنا اسف جدًا والله كان غصب عني
_أعمل إيه بأسفك دلوقتي والعصير الي وقع علي هدومي ده همشي ازاي دلوقتي ياربي كانت نقصاك أنت كمان!!
مفضلش غيرك بقا يجي يكمل يومي.
ابعد كده عن وشي
“كنت بتكلم ودموعي بقت ماليه عيوني، كفاية حقيقي اللي بيحصلي ده أنا مبقتش قادرة استحمل كمية الضغط دي، والأستاذ بتاع العصير ده جيه وكان القشة الي قسمت ظهر البعير حرفيًا وفتحت فيه.”
=أنا أسف حقيقي مكنش قصدي اهدي طيب والله مأخدتش بالي.
_هعمل إيه بأسفك قولت همشي إزاي؟!ولو سمحت ابعد سيبني أمشي انا هتصرف.
لفيت الشال علي رقبتي وحاولت أداري علي قد ما أقدر مكان البُقعة بتاعت العصير.
مكنش وقته حقيقي يحصل كل ده أنا فيا اللي مكفيني.
=مريم أدم وعمك جايين النهاردة علشان يتقدمولك.
_إيه!! مين أنتِ عارفة إني مش هوافق عليه مهما حصل يا ماما مين الي قالهم يجي انا مش هطلع ومش موافقة.
=وأنا هعمل إيه يبنتي ما أنتِ عارفة إنه مش بإيدي وباباكِ الي عطالهم ميعاد.
_تمام وأنا دلوقتي خارجة عندي ميتنج للشغل ابقوا قابلوهم أنتوا بقا.
سلام يا ماما.
_ملك رني علي البشمنهدس نوح علشان الميتنج الي اتاخرنا عليه ده
=متحمسة أووي أشوفه بجد الكل بيتكلم عن تصميماته وقد إيه مميزة
_يلا يا حبيبي رني وأنتِ ساكتة هيكون عامل ازاي يعني بني أدم زينا!.
=أسف إني اتأخرت يا بشمهندسين بس كان معايا ظرف وأتأخرت
مش معقول الاستاذ بتاع العصير هو نوح العمري، مكنتش نقصاه لا لا يارب ما يشوفني ده انا هزقته وقتها
لقيت عينه جات في عيني حاولت إني ابان ثابتة عادي ومفيش حاجة تهزني
الفون مبطلش رنّ من ماما أكيد عريس الغفلة جيه
قفلت الفون وكملت الميتنج وأنا بحاول اشرب عواقب أفعالي.
_تمام كده يا بشمهندس هنكون أتفقنا علي كل حاجة وإن شاءلله علي الميعاد الي اتفقنا عليه هتكون كل حاجة جاهزة.
=ملك أدم جاي يتقدملي النهاردة
_إيه!!! أدم
=وأنا حاليًا هربانه من القعدة بتاعتهم الي مش عارفة هروح البيت عادي أزاي دلوقتي اكيد بابا قاعد مستحلفلي لأجل أخوه!!
_طب ما تسافري لجدك يا مريم هو أكتر حد قريب منك وهيعرف يوقفهم.
=شكلي هعمل كده أنا همشي دلوقتي حاولي تظبطي الدنيا هنا لحد لما كل الامور تستقر.
هسافر لجدو أكتر حد حبيبي في الدنيا وقريب مني وهيقدر يوقف ابنه وابن اخوه، هو الوحيد الي هيقف في صفي
دخلت بيت جدو الي في القاهرة أكتر مكان مريح في الدنيا.
نسيت اقولكم إن سافرت من اسكندرية للقاهرة وأهلي لسه ميعرفوش!
جدو رفض يسافر معانا اسكندرية علشان يفضل هنا جمب ذكريات تيته أكتر قصة حب مبزهقش منها كل مرة بسمعها.
_جدو يا جدو… يا حسن
=مريم حبيبة قلب جدو أخيرًا قررتي تيجي وتحني وتشوفيني!
_حقك علي قلبي يا روح قلبي والله الشغل والشركة وكل حاجة واخده كل وقتي
=المهم طمنيني عليكِ… سافرتي لوحدك دلوقتي ف اكيد فيه مصيبة
_عاوز تقولي انهم مرّنوش عليك وقالولك يا حسن!
=ماشي يستي وقعتيني.. رنوا وعرفت وهزقتهم وقولتلهم انك مش هتمشي دلوقتي لحد لما يتظبطوا الأول.
_انا تعبت يا حسن حقيقي وموضوع أدم وضغط بابا عليا كل شويه بيستنزفني
وأدم عمال يستفز فيا علشان يأكد للكل اللي هو عاوزة!
=عمل إيه تاني دلوع تهاني!
_بيتهمني إني برفضة علشان أنا ماشية علي حَل شعري
وبابا رافض يسمعني وبيقولي إنه اكتر شخص مناسب ليا.
=بقا ابن تهاني بيشكك في تربيتي أنا
وأبوكِ ده سيبهولي خالص.
تعالي بقا نعمل كوبايتين قهوة وعاوزك هنا تنسي أسكندرية خالص.
_وحشتني اوي يا حسن وحشتني اوي بجد والدنيا كلها جاية علي مريم حبيبتك!
الكون كله رافض فرحتي.
انا تعبت ياجدو.
=بعد الشر عنك من التعب يا حبيبة حسن وحياتك ده أنا أشيل أي عين تبكيكِ يا حبيبة حسن.
المكان الصح الي دايمًا بيكون العلاج بتاعي من دوشة الدنيا
اكتر مكان قلبي بيرتاح فيه
يمكن علشان هنا المكان الوحيد الي فيه حُب حقيقي بدون مقابل حُب نقي بدون مجاملات وتصنع.
=يا مريوم النهاردة جاي واحد صحبي هيقعد معايا عازز تعمليلي كوبايتين قهوة حلوين من إيدك.
_ده عيوني ليك.
الباب بيخبط يا جدو زمان صاحبك جيه.
كنت بفتح وقولت اكيد هيكون راجل ستيني ده صاحب جدو هيكون إيه!
بس لقيته هو نوح!
ده صاحب جدو أكيد لا
=إيه ده حسن عملها وجانب نسوان البيت!
عملها وكان عايش عليا الدور ورافض الموضوع
_نعم! انت بتقول إيه وأنت إيه اللي جابك هنا!
=مريم إيه ده قابلتي نوح
أقدملك يا ستي صحبي
_صحبك إيه بقا ما انت جايب مزز البيت من غيري صحاب إيه بقا
=لِم نفسك بدل ما أديك علي وشك يا صايع دي مريم حفيدتي والي يجي جمبها هاكله بسناني.
_حسن متقولش أن ده صاحبك ده شخص مستفز وبيمشي مش شايف قدامه صحبك إزاي!!
=قولها يا حسن قولها إني صاحبك الانتيم كمان
ده انا جايبلك النهاردة الفلاشة وعليها الي كان نفسك فيه.
_بس ولد عيب
ده يامريم نوح أكتر حد قريب مني وبيجي يرازيني هنا
قصدي بيونسني والبشمنهدس التافه بتاعي.
ابن صاحبي الله يرحمه وابني أنا ف إيه رأيك تعمليلنا كوبايتين قهوة حلوين من إيدك كده
دخلت اعملهم القهوة وبجد مش عارفة أنا إيه الي بيوقعني في الشخص ال… تحفة!
اكيد لا لا ده شخص مستفز ومش لازم أفكر فيه أصلًا
ازاي جيه من اسكندرية للقاهرة وأنا لسه سيباه هناك
دخلت عليهم بالقهوة لقيتهم قاعدين بسمعوا!!!..
هاري بوتر!!
هي دي الفلاشة الي كان قصده عليها!
تعالي يا مريم يا حبيبتي أنتِ مش غريبة
=ايوا تعالي يا مريم شوفي جدك بيسمع إيه!
مش لوحدي يا نوح ها بلاش اقولها انك بتسمع سبونج بوب لسه كمان ها.
=إيه يا حسن الفضايح دي بس مش قدام المزة طيب
خرجت بعد ما سيبت القهوة دماغي مش عارفة تفكر في تكوين الشخصية الي قدامي دي
شخص في الشغل كمية جدية ده حتي مبيبتسمش
بس كان بيبتسم ليا!!
إيه اكيد لا وانا الي بشغل عقلي بحاجات تخيلية.
_مريم باباكِ ومامتك جايين النهاردة
=بس أنا مش عاوزة اتكلم معاهم دلوقتي يا جدو أنا معندش طاقة أتناقش معاهم حقيقي انا تعبت من كمّ الضغك الي حطوني فيه.
_سيبي كل حاجة عليا انا هتصرف.
=يعني إيه يا مريم تسيبينا مستنينك في البيت وتيجي هنا!
ملكيش كبير يعني ولا إيه!
_هتعلي صوتك قدام ابوك يا محمد ولا إيه نسيت نفسك!
ومريم هنا في بيتي مع جدها هربانه من ضغطكم عليها.
=بس يا بابا أنا عاىف مصلحتها وأدم مش وحش زي ما هي شيفاه ده بيحبها وهي بس لو توافق عليه هتشوف الجانب الكويس منه
_جانب كويس إيه اللي بتتكلم عنه يابابا انت مشوفتش كلامه ليا الي مش برضي أجي وأحكيهولك علشان ميبقاش في مشاكل بينك وبين اخوك بسبب ابن تهاني الدلوع ده.
ده بيجي يخوض في عرضي الي هو شرفك علشان بس اوافق عليه!
=خلص الكلام وأنا أصلًا هجوز مريم عريس متقدملي ليها.
_نعم يا جدو!!!
عريس مين انت مجبتليش سيرة، انت هتعمل زيهم!!
_تعالي يا نوح
=السلام عليكم ورحمة الله وبركاته.
أنا طبعًا جاي دلوقتي لوحدي علشان بس اعرفكم عليا لكن أنا إن شاءلله هاجي أنا وحسن نتقدم لمريم
علشان أنا بس… أهلي متوفين.
_بس أنا أهلك يا نوح قولنا إيه هنرجع للموضوع ده تاني
وانا اضمنلكم نوح برقبتي ده تربيتي زي ما أنا واثق في مريم واثق فيه
تعالي يا مريم معايا
كنت تايه من كل الي بيحصل ومش فاهمة حاجة نوح وأنا
ازاي وانا مشوفتهوش غير كام مرة تتعد علي الصوابع
ازاي بيتقدملي وهو حتي ميعرفنيش
مفوقتش غير وجدو بينادي عليا
_أنا عارف أنك تايهه دلوقتي وحاسة أنك طلعتي من دوامة دخلتي في دوامة تانية
أولًا نوح عرفك من وأنتِ صغيرة
من ساعة ما كنتِ بتجيلي هنا
ونقل شغله كمان اسكندرية علشان يكون قريب منك
وأنا اللي فتنت عليه أنك هنا
وهو متقدملك من زمان عندي وكان مستني الفرصة بس
واكيد مفيش فرصة أحسن من دي.
وأنا اضمنلك نوح برقبتي وأنه اكتر شخص بيحبك وهيحافظ عليكِ حتي من نفسه.
وفي الأخر القرار ليكِ.
_أنا موافقة.
مفوقتش من كل الي حصل ده غير واحنا بنكتب الكتاب واسمي بقا علي اسم نوح!
عدي شهرين
نوح نفذ وعده وجيه اتقدملي في اسكندرية مع جدو مش عارفة كل الوقت ده عدي امتي!
لحد لما وصلنا للحظة دي
مش عارفة لحقت أحبه امتي وقدر يتخلل جوا قلبي للدرجة دي قدر يثبتلي إنه اكتر حد بيحبني فعلًا ومش هيلاقي زي يحبه الحب ده.
تعرفي إني بقالي سنين مستني اللحظة دي مستني اسمك يبقي علي اسمي علشان اقدر اعترفلك قد إيه إني محبتش في الدنيا دي قدك وإن قلبي من ساعة ما وعيٰ للحب منطقش غير اسمك مستني كتير اووي علشان أدوق طعم الحب من شفايفك وأسمي بيتنطق منها مستني كتير اووي علشان أعرف اعمل كده
محستش بنفسي غير وأنا بتخطف لحضنه
لأول مرة احس بالأمان كدا!
اكتر حضن حنين وكله حُب
حسيت إني دلوقتي وصلت لبَر الأمان.
_مريم انا نازل يا حبيبي خلي بالك من نفسك.
=ماشي يا حبيبي عقبال ما تيجي هتلاقيني جهزتلك صنية المكرونة بالبشاميل الي بتحبها لأجل عيونك.
_لا ده احنا نأجل بقا الشغل ونستني.
=يلا يا كسول بتستغل الفرص أنت.
ياربي نوح نسي المحفظة بتاعتة هنا هرن عليه زمانه محتاجها
الجرس كان بيرن اكيد نوح عرف إنه نسي محفظته
_نسيت محفظتك يا حبيـ… أدم!!
أنت بتعمل إيه هنا وإيه الي جابك اطلع برا
حاولت اقفل الباب بس قوتي قصاده كانت ضعيفه
أنتِ فاكرة لما تتجوزي كده هتكسبيني وتتحامي فيه مش هقدر اوصلك
أنتِ فاكرة نفسك مين مش أدم الي واحدة زيك تحاول تكسر عينه
ده أنا أكسر مية واحدة زيك
وشوفي هعمل إيه.
_أنت مريض وحيوان ولو فاكر أن نوح هسيبك لو عرف أنك هنا وبتحاول تتهجم علي مراته بتحلم انت مش عارف ممكن يعمل فيك إيه ده هيكون اخر يوم في عمرك!!
=هيجي ويشوفني وأنا كاسر عينه
حاولت أهرب منه وأدخل اي أوضة بس الحيوان مسكني
_متحاوليش تهربي
أنتِ النهاردة بتاعتي
لقيت فازة جمبي وضربته في راسه
مسك راسه من الوجع وكانت بتنزف حاولت استغل الوقت وأرن علي نوح واهرب من الشقة
_نوح الحقني.
كنت راجع البيت علشان نسيت محفظتي
_ألو يا مريم… يا مريم في إيه!!
=نوح الحقني
_مريم… ردي عليا.
محستش بنفسي غير وأنا بسابق العربيات علشان أوصلها
أبعد يا أدم عني وكفي شر نفسك.
لو مش هكسرك يبقي هكسر بيكِ جوزك
محستش غير وأنا بتحدف من علي السلم وأخر حاجة شوفتها نوح.
_مريم!!!!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حويت الحب)
التعليقات