رواية غصون الورد الفصل الخامس 5 – بقلم يارا احمد

 رواية غصون الورد الفصل الخامس 5 – بقلم يارا احمد 

Part5

بيسان ضحكت

-ب..بس كفايه هموووت على ايدك

غصون بعدت عنها وهي بتضحك باستها على راسها

-ايوا اضحكي بقا يعسل انتِ مش لابق عليك الا الفرح و الضحك

بيسان حضنت غصون وقالت بحب

-بحبك اوي يغصون

مسحت على شعرها بحب

-وانا بموت فيكي يقلب غصون و روحها وكل حياتها

بيسان إبتسمت وانبسطت اوي وقالت بمرح

-الناس بتقول الاخت الكبيره شريره بس هما كدابين

غصون ضحكت

-هممم ما هو بجد هم اشرار بس انا استثناء بس بتواضع

بيسان ضحكت

-ياااه على التواضع ي ناس..كملت برفعه حاجب..وانتِ عرفتي ازي اصلا وانتِ معندكش اخت كبيره!

غصون بياس

-مش شايفه رغد بتعاملني ازي!

-يبنتي وعلاقه رغد بالموضوع ده ايهه!

-اه صح المهم انو الكبار اشرار باستثنائي انا وميدو حبيبي

-مش على اساس بتحبي توفي

-لا بحب ميدو بس لو قولتلهم بتبقي تجني على نفسك

بيسان بصتلها برفعه حاجب

-نعم!!

غصون دغدغدتها تاني و بيسان ضحكت وفضلو يتكلمو لحد ما بيسان نامت غصون باستها على راسها وهمست بحب

-تصبحي على خير يحبيبتي..قامت وراحت غرفه مؤيد ودقت الباب

-ادخلي ي غصون

دخلت وقفلت الباب وقالت باستغراب

-انت بتعرف اني انا ازي؟؟

مؤيد ضحك

-من صوت دقاتك اصل بيسو و الزفت بيكسرو الباب وماما وبابا بتكلمو قبل ما يدقو على الباب انتِ الوحيده البتدقي على الباب وتفضلي ساكته ومؤدبه..لعب بوشها

ضحكت

-عجزت عن الرد المهم تعال اقلك..جرته من ايده وسابته يقعد في السرير وجسمه منحني على الحيط و هي اتمددت وحطت راسها على رجلينه

-اتلالي قران

مؤيد حط ايده على راسها

-من عيوني بس في حاجه!

-لا حاسه اني مخنوقه مش اكثر

-طب خلاص غمضي عيونك يحبيبتي وانا هبدا

إبتسمت

-اتذكر سوره يوسف

ابتسم

-هو انتِ بتحبيها اوي كده ليــه!

-معرفش بس بعشق قصته بعشقها اوي..انا بحب كل الأنبياء بس قصته بترفرف قلبي بعد قصه سيدنا محمد صلى الله عليه وسلم

-عليه افضل الصلاة والسلام..طب خلاص غمضي عيونك

غمضت عيونها وهو بدا يتلو وهي بتسمع بحب تلا اخر ايه وهي نامت في حضنه ابتسم وباسها على راسها وقال بحب

-ربنا يريح قلبك يغصون..شد الملايه وغطها ورجع بجمسه لورا واتكا ونام وهو حاطط ايده على راسها

الصباح غصون فاقت وفتحت عيونها واتفاجات انها بغرفه مؤيد حست بتقل على راسها بعدت شويا وشافته اتفاجات وراحت تفوقه براحه

-حبيبي ليهه نمت كده كان للازم تفوقني

مؤيد بص عليها

-محبتش تفوقي وانا بشيلك لانك مش هتعرفي تنامي تاني

غصون إبتسمت بحب

– انا معرفش اقلك ايه ي مؤيد..بس انت كدي هتخدر جسمك وانت اصلا عليك رسم النهارده

مؤيد ضحك

-ما خلاص يماما ابنك طالب هندسه و فخر الهندسه الدخلها

ضحكت

-ويقولوك ميدو شيخ

قرب منها وباس راسها

-ايوا اضحكي انتِ مش بلبق عليك الحزن ابدا

ابتسمت وحضنته

-بحبك وكلمه بحبك قليله في حقك يميدو

حضنها وقال بحب

-انا بموووت فيك ي روح ميدو انتِ..باسها على راسها..روحي اتوضي هصلبيك شويه عقبال ما الفجر ياذن

-حاضر..راحت غرفتها شافت بيسو نايمه غطتها وراحت الحمام بصت في المرايا ودم نزل من مناخيرها وكانت دايخه مسكت فونها واتصلت على رقم

-د..دم طلع من مناخيري وحاسه اني دايخه اعمل ايـــــــه!

رد بضيق

-روحي اخدي الدوا ما هو لو حضرتك ملتزمه مكنش بان واكيد مش اللتزمتي بالاكل كمان صح!!

غسلت وشها وروحت وفتحت درجها بالمفتاح واخدت البرشام وبلعتها وشربت ميه واتاكدت من قفل الدرج بعدها راحت الحمام وقفلته ومسكت الفون اتنفست

-ايه دي يعني انا لسه عايشه..اه ما هو مش هتفضلي كده كثير بسبب عنادك ده للازم تكوني في..

-انت قولتلي مش ضروري اكون هناك..انا مش عايزه حد يلاحظ هروح اخد العلاج وارجع البيت زي ما اتفقنا من الاول المهم عندي عيلتي متعرفش ولا رغد فاهم ي دكتور يزيد

يزيد ضغط على اسنانه

-فاهم فاهم يلا روحي شوفي حياتك واقتلي نفسك بالبطئ قفل السكه في وشها..غبيه وهبله وانت مالك ييزيد مضايق نفسك ليـِـه!!

بصت على الفون بغيظ واخدت شاور ولبست واتوضت ولبست الإسدال بتاعها وراحت لغرفه ميدو

-اتاخرت

-اه فكرتك نمتي تاني

-لا اتاخرت علشان الشاور

-هاه طب يلا..راحت وراه وصلو بعدها الصبح اذن..غصون انا هروح علشان انا الهصلي بيهم النهارده

إبتسمت

-روح اصلا بابا و توفي بكونو سبقوك

مؤيد هز راسه وخرج وسابها تبص في كل زوايه في الغرفه

-ده اكثر مكان هيوحشني لو ودعدت الدنيا..بصت على القمر..يا رب احفظ عيلتي من كل سؤ وخفف عنهم اللمهم عند فقداني

فضلت تستغفر وتسبح ما الاذان خلص وقامت ادت فرضها وفضلت تدعي لكل واحد وهي دموعها مش راضيه توقف وهي بتخيل انهيارهم وقالت بصوت مبحوح من كثر العياط

-يارب بلاش يعرفو بلاش يعرفو مش هقدر اتحمل شفتهم كده..مسحت دموعها وراحت غرفتها قلعت الإسدال ونفخت بضيق وغسلت وشها تاني

-متعطيش تاني هيبان عليك و هتخلصي عليهم بغبائگ ده

خرجت وراحت عند بيسان..بيسو حبيبتي يلا قومي يشطوره صلي الفجر يلا ياميرتي فوقي بقا

بيسان فاقت و إبتسمت لغصون

-صباح الخير

غصون إبتسمت وقالت بمرح

-صباح العسل على العسل

بيسان ضحكت وقامت

-اكيد خونتيني وصليتي قبلي

-اصل كنت في غرفه ميدو وصليت فيها

-ماشي هقوم بدل سيره ميدو ده من الصبح..راحت الحمام

غصون بصت على اثرها بشرود وراحت الدولاب وخرجت ملابس المدرسه وخرجت الملابس الهتلبسها وبدات تكوي فيهم وانتهت وبيسان خرجت

-تعبتي نفسك ليهه مش دي مهمتي انااا

-انا وانتِ واحد مش فرقت..يلا روحي صلي واجهزي وانا هروح اشوف ماما..راحت واتنهدت بضيق وراحت عند امها في المطبخ وقالت بمرح..ايـــــــه يبسو انتِ بتعملي ايـــــــه من الصبح هنا!!

بسمله بياس

-الواحده بتجي تقول لامها صباح الخير وانا بنتي جايلي بتقول بسو بت ما تحترمي نفسك شويا

#بقلمي_يارا_احمد

غصون طلعت على الرخامه

-ما انا امي مش عجوز علشان اعملها العادات القديمه ديرصح يسكر

بسمله مسكت اودنها

-انتِ عايزه ايـــــــه من الصبح كده

غصون بالم

-اااا حرام عليك انا كبرت على قرصه الاودن دي

بسمله بعدت عنها

-خير!

غصون غمزتلها

-كله خير

بسمله ضربتها على كتفها

-هو في واحده محترمه تغمز لامها!!

غصون ضحكت وباستها على خدها

-والله جيت اقول صباح الخير

-صباح النور

-ماما هو انا عايزه اسالك بس بلاش تاثيرات

-خير ياخره صبري

-هو لو واحده من زميلاتي بتخبي حاجه مهمه عن عيلتها هقنعها ازي تقولهم..اصل هي عندها مرض الكانسر و هي بتحاول جاهده تعالجه لوحدها و متقولش لحد لانها خايفه عيلتها تتاذى و متابعه مع الدكتور

بسمله بحزن

-ربنا يشفيها ي حبيبتي..انا شايفه انها متخبيش علشان متوجعش لوحدها العيله مصدر الامان لناس

-بس يماما هي عيلتها على قد حالهم مش زينا

-الفلوس مش مشكله طب بقولك انا هديلك فلوس علشان تخديها وكوني جنبها الفتره دي

غصون هزت راسها بحزن ودموعها نزلو

-انا مش عايزها تموت يماما هي صعبانه عليا اوي هي وعيلتها

“صعابه عليا نفسي اوي وانتو صعابنين عليا اكثر”كنت عايزه اصرخ بالجمله دي بس كالعاده بكتم جوايا لما امرض مبقلش انا مريضه لاني مش عايزه ازعل ماما و بابا واشوف الحزن في عيونهم وده سبب تدهوري لمستشفى دائما..لما بنتخانق مع حد مش بجي اشكي لحد فيهم علشان مشفش نظرتهم ليا اتغيرت انا بعيده كل البعد عن عيلتي اه انا ببان بضحك قدامهم بس انا عايزه اصرخ من جوايااا نفسي اعيط في حضن ماما لمره بس انا دائما بفضل اخواتي عليا وبكون القويه

فقت من شرودي على ايدين ماما البتمسح دموعي

-خلاص يحبيبتي ربنا ما ابتلاش عبد الا وهو بحبه

-اه

الحاجه الوحيده البتصبرني هي دي ي ماما كله ابتلاء وهخد اجر عليه

-خلاص يغصون متزعليش وادعيلها

غصون هزت راسها

-ماما سيبي الموضوع ده سر علشان هي قالت مش عايزه حد يعرف وانا مبحبش اخون الامانه

-ماشي يحبيبتي..مسحت دموعها وباستها على راسها

إبتسمت

-يلا انا هروح بقاا بيسو هتهجم على ميدو اول ما يدخل للازم اوقفها

بسمله ضحكت

-اه يمنقذه روحي..راحت وامها كانت مبتسمه وهي بتبص عليها

اه صح انا مش شايفه نظراتها بس عارفه هيكونو ازي انا حكيت لماما مش علشان اخد رايها لا..علشان اسيبها تتحمل شويا بعدين لانها اكثر حد هيتوجع

خرجت من المطبخ وبصت عليهم وهما بتخانقو وابوهم وبوقفهم ضحكت

-أصبحنا وأصبح الملك لله في ايـــــــه بس!!

بيسان بضيق

-قالي قزمه وهو في شيخ يقول لاخته قزمه

مؤيد بغيظ

-هو الشيوخ دول مش بشر ولا ايـــــــه وبعدين انا مكدبتش ما انتِ قزمه اهي

مصطفى ضحك

-ربنا يهديكم..قرب من غصون وباسها على راسها..صباح الخير يحبيبه قلبي

غصون بابتسامه

-صباح النور يحبيبي

مؤيد قرب منها بضيق

-حبيبك مين مش على اساس انا!!

مصطفى بثقه

-لا طبعا انا

غصون بصت حولينها

-لا ما نحن مش هنخلص بقاااا

بيسان ضحكت

-ربنا يخلصك منهم

-بت اوعا دعوات زي دي تاني

فضلو يهزرو و يضحكو لحد ما جهزو كلهم وخرجو سوا اول ما طلعو لقو باب عم حسن بفتح وطلعت تالين وهي لابسه بنطلون جينز و قميص ابيض زاريره مفتوحه و لابسه عليه تيتشرت ابيض ومرسوم عليه رسومات ورابطه شعرها ديل حصان ولسه حاطه الحماله الطبيه شافتهم وبصت على غصون وابتسمت

-صباح الخير

-صباح النور عامله ايـــــــه؟

-الحمد لله وانتو ازيكم

مصطفى بص على تالين باستغراب

-الحمدلله كويسين

بيسان بفضول

-هي مين دي!!

حسن بخرج

-بنت اختي..يا محاسن الصدف كنت هجيلكو

بيسان برفعه حاجب

-من الصباح كده يبقا لمصلحه

حسن ضحك

-نفسي البت دي في يوم تلم لسانها

مؤيد ضحك

-والله دي اقصى احلامي

بيسان ضربته على دراعه بغيظ

-انت لو عايز تموت تفق على حد ضدي

غصون ضحكت

-يجماعه خلاص هتبدو خناقات الثلاثي المعتاده..تالين رايحه مكان!!

حسن ضحك

-ما هو ده الطلب..اصل رايح مشوار مهم اوي وتالين للازم تروح الكليه وهي متعرفش حاجه هنا لانها مجتش من فتره طويله

مصطفى بتفهم

-ماشي هنوصلها هي فين كليتها؟؟

-بتدرس هندسه هي في نفس كليه ميدو..يبقا انا مش هوصيك عليها ي ابني اصل تالين امانه في رقبتي

 •تابع الفصل التالي “رواية غصون الورد” اضغط على اسم الرواية