رواية غصون الورد الفصل العشرون 20 – بقلم يارا احمد

 رواية غصون الورد الفصل العشرون 20 – بقلم يارا احمد 

Part20

معاذ ضحك

-هههه خلاص اسف يدكتوره رغد تحبي اوصلك

رغد وهي بتجز على اسنانها

-لا شكرا..راحت معاذ بص على مصطفى

-روح وصلها البيت يمصطفى وخد..مد له شنطتها..خدهالها معاك..راح مصطفى راح وراها وشافها واقفه بعيده و بتبص عليه قرب منها ومد لها الشنطه بصت عليه واخدت الشنطه

-قالك توصلني صح؟

مصطفى باستغراب

-هو حضره الرائد بقربلك؟

-لا بس بابا و باباه صحاب من زمان اوي علشان كده بنعرف بعض بس هو واحد مستفز وفاكرني اخته وبهزر عادي بس انا مش طيقاه

ضحك

-يمكن بحبك

رغد بغيظ

-هو انت اهبل هيحبني ليــه؟!

مصطفى باستغراب

-ليـهه ما انتِ بتحبي عادي

رغد بصت عليه وضحكت

-البسمعك هيقول بتحبني

مصطفى بمرح

-والله انا ممكن احبك بعد ما عملتيلي المعروف وقفلتي ام القضيه الزفته دي ده انا مكنتش بعرف انام وحاسس بالذنب انو العيال بنخطفو وانا جوه بيتي مستكين اصل ضميري بحب يجلدني دائما

بصت عليه وانفجرت في الضحك

-انا كنت غلطانه انت مش شبه غصون خالص

مصطفى بتساؤل

-انا احسن؟!

رغد برفعه حاجب

-لا انت مجنون اكثر منها..هروح لوحدي

مصطفى برفض

-والله مش مستغني عن مهنتي الرائد امر وانا هنفد

رغد بغيظ

-اوففف ماشي يلا اصلا هتاخر عن كتب الكتاب لو فضلت ارغي معاك..ركبو العربيه وهو ساقها وكان شارد رغد بتساؤل..مالك؟

مصطفى بحزن

-انا يمكن مكنش موجود في الفرح اصل عندي مهمه وهروح المساء بعد كتب الكتاب على طول وارجع بعد اسبوعين

رغد بقلق و سرعه

-عمليه؟طب هي كبيره؟خطيره؟طب هتكون كويس افرض هي خطيره هتروح برده

ضحك

-معرفش وحتى التفاصيل مش عندي لانها سريه..وقف العربيه وبص على رغد انصدم لما شاف دمعه في عيونها..مالك يارغد؟!

رغد بدموع

-متروحش يمصطفى ارجوك متروحش انا مش عايزه تكون في خطر غصون هتزعل اعتذر من المهمه

مصطفى ابتسم وميل راسه على الدركسون وبص عليها

-بس ده مش سبب كافي لرفضي يارغد انا للازم انقذ أرواح الناس علشان كده كان حلمي اكون ضابط هيتفهموني علشان كده متزعليش وهرجع سالم اذ ربنا اراد

بصت عليه بحزن

-انا بس مش بحب اشوف غصون زعلانه

ضحك

-طب والله لو مت في مهمه مش هيزعلو متخافيش اهلي وبعرفهم

ضربته بضيق

-أخرس مش هيحصلك طيب لو جبت سيره الموت على لسانك تاني

بص عليها ومسك ايدها وقعد يضحك

-رغد انتِ واعيه لبتعمليه؟!

رغد بغيظ

-لا انا اتجننت

مصطفى بعد ايده عن ايدها وابتسم

-طب ليـه مهتمه لموضوع موتي ده كثير؟

بصت عليه بضيق

-مصطفى بطل سيره الموت قبل ما اندمك..وبعدين ما انا قولتلك مش عايزه غصون تزعل

مصطفى بابتسامه

-انتِ خايفه عليا يا رغد؟؟

رغد بصت عليه بغيظ

-لا

مصطفى كتم ضحكته وقال بجديه مصطنعه

-يبقا مش عايز ارجع تاني

رغد ضربته بضيق

-خلاص خايفه عليك ارتحت كده

انفجر بضحكه جميله من قلبه

-اه ارتحت اوي اوي

رغد بعدت عنه وقالت بحرج

-انا هروح

مصطفى بضحك وهدؤ

-ما بلاش دور المكسوفه ده أصله مش لابق عليك..لو فرضنا رجعت حي يعني يا رغد انتِ ممكن تقبلي تكملي حياتك معايا؟

بصت عليه بصدمه

-نعم؟

مصطفى بابتسامه

-بقولك تعالي نتجوز..رمشت عده مرات مش قادره تنطق مصطفى كمل بحزن مصطنع..انا غير الناس وبعتبر السكوت علامه رفض مش رضا جوابك وصلني اتفضلي واسف اني عطلتك

رغد برفعه حاجب

-بطل دور الضحيه ده مش لابقلك..وبعدين نحن منعرفش حاجه عن بعض

مصطفى بابتسامه

-هنعرف كل حاجه..بس انا عارف عنك حاجات بسبب غصون وده سبب انجذابي ليك ابتسم..انا حبيبتك رغم اننا مشفناش بعض كتير يا رغد بس انا مش عارف اخرجك من دماغي

رغد نزلت عيونها للارض بخجل

-كلامك مع بابا

ضحك

-عارف بس لما اخلص مهمتي نبقا نتفاهم

رغد بصت عليه

-هترجع سالم

مصطفى بثقه

-مش انتِ بنتظريني هرجع من غير خدش حتى

رغد بجديه

-احسن تكون عند كلامك..طب يلا هروح سلام

مصطفى بتنهيده حزن

-مع السلامه واسف اني مسكت ايدك

رغد بابتسامه

-وانا اسفه اني ضربتك..نزلت ودخلت وهو راح كمل شغله المساء تم كتب كتاب يزيد و غصون ومؤيد و تالين مصطفى بص عليهم و ضحك

-بالنسبه ليزيد مبروك عليك غصوني العسل بس بالنسبه لتالين مبروك عليك اكبر مصيبه في الدنيا

مؤيد بضيق

-اوفففف مش كنت رايح علشان المهمه..بس انت ازي تعمل كده و تسيب غصون في الأسبوعين دول هي هتسافر مع يزيد بعد الفرح بيوم طب افرض ملحقتش الفرح مش هتقدر تودع غصون وحتى لو جيت مش هيكون الوقت كافي

مصطفى بص على غصون وهي جرت وحضنته وقالت بحب

-بس انا فخوره فيه..باسته على خده..حبيبي متشغلين بالك بيا وانا مش زعلانه منك المهم تكون كويس وبامان اوعدني ترجع حتى لو انا روحت هترجع وتتصل عليا اول حد ماشي

ابتسم وضمها لحضنه

-انا عارف يغصون..بص على رغد وهمس..وبعدين في حد منتظرني المرادي فكرك هسيبه

غصون بعدت عنه وبصت مكان ما هو باصص وشافت رغد بصت عليه بصدمه ضحك وهمس

-بت ما تفضحينيش

ضحكت مؤيد بص عليهم بغيظ

-ااا بعد عن غصون وبعدين مش هتباركلي

مصطفى ضحك وفتح دراعه ومؤيد قرب وحضنه و غصون حضنته لما فتحلها دراعه التاني

-مبروك انا بجد مش مصدق انكم كبرتوا واتجوزتو..مسح على شعر مؤيد بحب..متزعلش تالين علشان هزعلك ساعتها..بص على غصون..لا غصوني مش محتاجه نصائح

مؤيد بغيظ

-ايـــــــه العنصريه دي

ضحكوا عليه و غصون بعدت عنه و الكل باركولهم بصت على مصطفى الخارج

-انا بنتظرك حاول تحضر الفرح علشان مش هيكون حلو من غيرك

مصطفى ابتسم

-حاضر يغصوني..طب يلا انا رايح

مؤيد بسرعه

-هنزل معك

مصطفى بضحك

-لا سيبك هنا يعريس

يزيد قرب منه

-حتى انا نازل معاك تعال يمؤيد..روحو معاه غصون بصت على رغد وهمست

-اوبااا هتحكي امتى

رغد بمرح

-اتلمي يعروسه

تالين كانت شارده غصون بصت عليها وضحكت

-حبيبتي عايزه تتراجعي!

تالين بتعب

-مش عارفه

غصون همستلها

-عارفه صعبتي عليا فهقلك ميدو عاملك مفاجاه بس مش هقلك هي ايـــــــه علشان ميقتلنيش يا مرات اخويا العسل

تالين بصت عليها بغيظ

-يارب صبرني

بسمله بصت على غصون

-مالك يابنت مع تالين!

غصون بخوف

-مالي يماما ما اهي البنت مبسوطه

تالين بصت على بسمله وقالت بحزن مصطنع

-غصون بتزعجني يخالتو

بسمله قرصت غصون على خدها غصون بالم

-ماماااا براحه ده انا بنتك برده

بسمله بعدت عنها

-يبقا بطلي تزعجي تالين بنتي زيك

تالين طلعت لسانها لغصون غصون بصت عليها بغيظ

-انا اكبر من اني ارد على حركات العيال دي

رغد ضحكت

-يعرفو معرفتيش تردي سيبك منها يتالين ومتخربيش يومك علشان الهبله دي

غصون بصت عليها بضيق الكل استئذان يروح وراحو الا تالين القعدت منتظره مؤيد المرجعش هو و يزيد غصون خرجت من الحمام بعد ما اخدت ادويتها جوه وغيرت ملابسها لبجامه لقت بيسو نايمه وتالين شارده قعدت جنبها وحطت راسها على رجلينها

-تالين

تالين بحب

-نعم

غصون بحزن

-خدي بالك منهم ماشي..كملت بمرح..انا بشكر قلب مؤيد الحبك انا مطمئنه عليهم بدوني بما انك هنا..وبعدين رغد و مصطفى يمكن يكونو مع بعض كمان انا كده هكون مرتاحه

تالين مسحت على شعرها

-اولا يغصون انتو النهارده عيلتي رسمي يعني مش محتاجه توصيه عليهم ثانيا حتى لو انتِ بعيده هتفضلي معانا على طول بالفون

كملت بصدمه..ثالثا مصطفى ورغد ايـــــــه؟؟

غصون ضحكت

-بحبو بعض يختي ماله حد قال الحب مؤيد و تالين بس؟

تالين بضيق

-اوففف يغصون معرفش اعمل فيك ايـــــــه

غصون بغمزه

-حبيني بس

تالين بغيظ

-ازي بس ده انتِ بتحبي ازي اصلا؟!

غصون بشرود

-والله معرفش يتالين..قامت..اسفه مش استأذنت منك

تالين بضيق

-غصون انتِ ليـه بتقولي كده انتِ عارفه انك تعملي العايزاه وتتكلمي زي ما عايزه معايا علشان كده لو سمعت كلمه اسفه دي تاني مش هيحصلك طيب

غصون بصت عليها بحب وحضنتها

-بحبك

تالين بحب

-وانا بموت فيك يقلبي..غصون شدت من حضن تالين و تالين ضحكت..مش ههرب منك متخافيش

غصون كانت بتوجع اوي بس حاولت تبين طبيعيه بعدت عن تالين واتغطت

-ااا نعست اوي

تالين بصت على الساعه

-انا كمان هروح انام..باستها على راسها

تصبحي على خير

غصون بمرح

-مش بنتك الضائعه والله

تالين ضحكت بياس

-مفيش فائده فيك ابدا..غطتها كويس غصون بصت عليها وكانت هتروح بس صوت غصون بوقفها

-تالين..تالين بصت عليها..شكرا

تالين بمرح

-وفريها لوقتها..خرجت واستاذنت من عبد الرحمن و بسمله وخرجت راحت غرفتها وغيرت ملابسها لبجامه وكانت هتروح تنام بس سمعت صوت جاي من البلكونه قربت من البلكونه واتفاجات لما لقت مؤيد في بلكونتها كانت هتصرخ بس قفل بوقها بسرعه بص عليها

-هششش هبعد ايدي ما تصرخيش ماشي..هزت راسها فبعد ايده همست

-انت بتعمل ايـــــــه هنا؟وناطي ليـه طب افرض وقعت

مؤيد بص لتحت

-لو وقعت هموت دي مفاهش كلام..جاب كيكه شوكولاته..تعالي ناكل..دخل ودخلت وراه وهمست

-انت اتجننت

حط الكيكه على الطرابيزه وفتح الدرج وخرج مفاتيح الغرفه وقفلها

تالين باستغراب

-انت بتعمل ايـــــــه؟!

مؤيد شال الكيكه ونام على السرير

-عايز وقت مع مراتي

تالين بضيق

-روح شوف مراتك فين..قربت منه..فاكر كيكه شوكولاته هتصالحني يعني وتنسيني تجاهلك ليا

مؤيد رفع ايدينه

-لا طبعا..بس يزيد عمل نفس الشيء وغصون مزعلتش

تالين بغيظ

-بس انا مش غصون ولا انت يزيد..قعدت على طرف السرير.. بالمختصر خد كيكتك وروح لاني مش طايقاك..مؤيد قام وراح بتجاه البلكونه وراح همست بضيق..اه مصدقش ده راح بجد..رجع تاني وقرب منها وقال بمرح

-اسف نسيت السكينه..قعد جنبها وحط السكينه جنب الكيكه ومسك ايدها..انا اسف يتالين متزعليش مني ماشي متفكريش انك مش مهمه بالنسبالي لانك بجد مهمه اوي فوق ما تتخيلي..بص على عيونها وقال بحب..انا بحبك اوي يا تالين

تالين دموعها نزلو

-لو كنت بتحبني بجد مكنتش هتجيب صاحبك وفوق ده تجي معاه انت مش عارف انت وجعت قلبي قد ايـــــــه

مؤيد ضحك

-بس انا كنت متاكد انك هترفضيه..مسح دموعها..كنت عايز اتاكد من مشاعري و مشاعرك ساعتها يا تالين انا صح انا عملت فيها عادي وبارد بس انا كنت بتوجع اكثر منك بس كله جا بفائده نحن مع بعض وده المهم

تالين بعدت ايده

-ده مش سبب كافي روح انا مش عايزه اكلمك..اتمددت واتغطت

قام وهي فكرته هيروح بس راح الجهه التانيه وقطع الكيكه وقال بمرح

-ماشي هكلها لوحدي التوفير حلو برده يحبيبتي

 •تابع الفصل التالي “رواية غصون الورد” اضغط على اسم الرواية