5
بحر فتح الملف و قرأ اسم البنت الاول وكان اسمها زمن عبيد محمود.
بس اتفاجئ باسم الام ونده لتاليا تقرا الاسم يمكن هو غلطان بس الاتنين اتفاجئوا باسمها شاديه عمر ربيع وشافوا صورتها وكانت هي نفس الست اللي بيدورو عليها بقالهم كتير و اخيرا لقوها مكانوش هيتوقعوا أن الصدفه هتجمعهم بيها تاني .
بحر
انتي قريتي الاسم دي هي يا تاليا ودي صورتها بس كبرت و الزمن عدي عليها .
تاليا
اخيرا لقيناها وقابلنا بنتها تعالي نروح ليها ارجوك عايزة اشوفها وحشتني اوي .
بحر
هنروح ليها اكيد يالا بينا مرام الغي الاجتماعات النهاردة مش عايزين شغل تمام .
تاليا و بحر راحوا العنوان و سئلوا عن شقتها وراحوا ليها ولما قربوا من الباب سمعوا صوت زعيقها مع بنتها بحر خبط و شاديه فتحت الباب و استغربت من الاتنين الأغنياء اللي دقوا بابها فجاه.
شاديه
خير انتوا مين و عايزين ايه .
زمن
انتوا ايه اللي جابك و عرفتوا مكاني ازاي.
تاليا
دادة شاديه انتي مش فكرانا أنا تاليا و ده بحر قرايب طوفان العسكري .
شاديه بفرحه
يا حبايبي انتوا كبرتوا اوي اخر مرة شفتكم كنتوا صغيرين و مش شفتكم بعدها قولولي عملتوا ايه السنين دي و اتجوزتوا و لا لا.
بحر
اتجوزتها يا دادة ومعانا بنوته حلوة اوي وهتربيها معانا كمان احنا مبسوطين أننا لقيناكي .
زمن
انتوا ليه هنا بدورو ورايا ليه اللي كان بينا الشغل اللي سربته ليكم غير كده مش ليكم الحق تدوروا ورايا اطلعوا برة .
شاديه
اهدي يا زمن دول قرايب طوفان بس مش زيه يا حبيبتي هما غير اتاذوا كمان من طوفان و أنا كنت شاهدة ع ده اهدي.
زمن
و ايه الضمان أنهم مش زيه ها هو زمان رماكي و انتي لسه حامل فيا و متعرفش بيا ابدا يبقي قرايبه هيبقوا كويسين اطلعوا برة .
بحر
احنا مقدرين عصبيتك بس زي ما دادة قالتلك احنا مش زيه طوفان آذانا كتير ولما رجعنا مصر بعد سفرنا بكام شهر سألنا ع دادة و بلغونا باللي حصل معرفناش ندور عليها أو هددنا أننا لو دورنا عليها هيقتلنا وقالها صريحه ف سافرنا تاني و رجعنا وبقالنا شهرين بندور علي طنط ومش كنا عارفين ان طريقنا هيتصادف معاكي احنا هنساعدك ترجعي حقك صدقيني.
شاديه
قولها يبني طوفان طلب منها شغل ف بيتهم بعد ما اكتشف كل حاجه ف الشركه وهي مصممه تروح هناك عايزة تحسرني عليها.
تاليا
انتي غلطانه انصحك مش تروحي احنا هنجيبلك حقك صدقيني اسمعي كلامنا وتعالي عيشوا معانا .
زمن بعند
لا مش موافقه سامعين هدخل البيت ده وهاخد حقي حتي لو كان فيها موتي فاهمين هو مش شافني قبل كده ف مهمتي سهله هخليه يخسر كل حاجه ولاده وشغله وسمعته انتوا عارفين انا عانيت ازاي أنا بنت غير شرعيه طول عمري وانا بتعاير بسببه المقابله انتهت اطلعوا برة .
زمن دخلت الاوضه ولمت هدومها وراحت للعنوان المكتوب وطمنت امها وهي بتحاول تمنعها بس سبتها ومشيت وشاديه وقعت ع الأرض وفضلت تبكي بحرقه وتاليا حضنتها وطمنتها .
تاليا
متخافيش هي قويه وبعدين هي مش لوحده لينا عين ف فيلا طوفان بتنقل لينا أخباره وهي هتبقي تحت عنينا تعالي معانا ارجوكي اخرجي من الحارة دي ع الأقل بلاش تقعدي تسمعي كلام ملوش لازمه انتي بقالك سنين بتسمعي كلام وحش عنك وعن بنتك ارجوكي تعالي معانا.
شاديه
أنا مرتاحه كده صدقوني مش عايزة اتقل عليكم بس اسئلوا عليا.
بحر
من غير ما تقولي احنا هنسئل عليكي كل يوم وكمان ف مبلغ هيوصلك كل شهر انتي من دلوقتي هتبقي مسئوله مننا تمام ولو غيرتي رايك قولي لنا.
شاديه وافقت ع كلامهم وهما مشيوا بعد ما أداها مبلغ كويس تعرف تعيش منه وهيبعت ليها كل شهر أما زمن وصلت الفيلا ودخلت وبصت ع الفيلا وكل ركن وتوعدت ليهم أن الفيلا دي هتبقي جحيم عليهم واول حد هتنتقم منه زوجه طوفان بعد ما جمعت عنها معلومات و اهم معلومه أنها مدم*نه هيرو*ين ومحدش يعرف ده علشان سمعتهم وقررت هتعمل ايه .
نزلت زوجه طوفان وبصتلها من فوق لتحت باشمئزاز و زمن ابتسمت ليها .
ووووو يتبع
انتقام من غدر الزمن
التعليقات