نكمل انتقام عاصف الاول و لا ف حصون قبضته ؟
2/
زمن
هخليهم يعانوا هيندموا واحد واحد هوريهم عذاب سنين وجحيم مش هيعرفوا يفوقوا من كل مصيبه هعرفهم مين هي زمن اللي الدنيا داست عليها بالجامد انتي عارفه عنوان شركتهم .
شاديه
أيوة زمن لو هتعملي حاجه هتاذيكي بلاش يا بنتي خلاص .
زمن
لا اطمني الاذيه هطولهم هما و أولهم طوفان العسكري و لا اقولك ولاده الاول.
سابت امها ودخلت اوضتها و اتصلت بصحبتها .
زمن
راويه بقولك انتي بتشتغلي ف شركه طوفان للبناء الصناعي مظبوط.
راويه
اه بس ليه السؤال ده .
زمن
انتي قولتي من فترة انكم بحاجه موظفين خلاص هاجي يمكن اتقبل
راويه
زمن انتي مؤهلاتك مش للشركه اه عارفه أن خريجه تجارة بس انتي مش تنفعي بشكل لبسك الباهت انسي الموضوع .
زمن
تمام يا راويه هشيله من دماغي .
قفلت معاها بعصبيه وقررت انها هتعمل اي حاجه علشان تدخل الشركه عملت سي في وراحت الشركه تاني يوم قدمت واتقبلت فيها اشتغلت ف قسم الحسابات و ف ظرف شهر بقيت موظفه كفؤ جدا و عرفت كل حاجه عن الشركه و الموظفين و الاهم رايا العسكري البنت الصغيره ل فؤاد و عرفت بتكره ايه و بتحب ايه و الاهم الشخص اللي بتحبه رواد التهامي ابن شريكهم و ابن عمها ف نفس الوقت وهي قررت تلاعبه من بعيد .
خلصت شغلها و خرجت من المكتب و هي ماشيه اتخبطت ف كتف رواد و الورق وقع منها نزلت تلمه وهو ساعدها.
زمن
بعتذر يا فندم ما اخدتش بالي من حضرتك متاسفه.
رواد
و لا يهمك شكلك جديدة لسه .
زمن
بالظبط بقالي شهر هنا أنا بعتذر مرة تانيه اللي حصل مش هيتكرر .
رواد
و لا يهمك يا .
زمن
أنا زمن حضرتك زمن عبيد محمود .
رواد
زمن اسمك مميز اوي ع العموم حصل خير عن اذنك.
مشي و هي بصتله بابتسامه مداريه وراها حاجات كتير و كملت طريقها لبرة بس مش كانت تعرف أن رايا مراقبتهم من مكتبها دخل ليها رواد و قعد قدامها و هي كلمته بضيق.
رايا
ممكن اعرف بتتكلم مع البنت دي ليه و و اقف معاها كل ده ومش سبتها.
رواد
بدأنا البنت خبطت فيا من غير قصد و هي اعتذرت ليا ولفت نظري اسمها مميز كده و حلو.
رايا
بجد اسمها حلو ده انت اتعرفت بقي و اسمها ايه ست الحسن .
رواد
زمن بذمتك مش اسم حلو وفيه رونق كده .
رايا
اهي عينك الزايغه دي هتوديك ف داهيه احترم عمك و راعي اني هكون مراتك خلال شهرين .
رواد
و أنا عملت ايه بحكيلك اللي حصل المهم نخش ف الشغل بصي يا ستي.
اتكلموا ف الشغل و الصفقه و المناقصه اللي هيدخلوها .
ف بيت طوفان كان قاعد قدام مراته اللي كانت و مازالت ست جبروت رغم كبر سنها .
جيهان بغضب
انت بتقول ايه بقي احنا خلصنا منها زمان و أنا عرفت اخلصك منها و من عقاب عمي أنه يحرمك من ميراثك جاي تقولي اتصلت بيك تاني و عايزاك تعترف ببنتك منها تبقي مجنونه لو طالت حاجه زي دي اللي عملته زمان مش هياخد مش هضيع سمعتي و سمعة ولادي و أن يكون ليهم اخت شرشوحه مش ليها اصل.
طوفان
اهدي يا جيهان مش مستاهله عصبيتك دي أنا حكيتلك علشان تبقي معايا ف الصورة.
جيهان
ما أنا بكون معاك ف الصورة لما بتعمل مصائب و بس لكن غير كده لا انت شوفت بنتك دي قبل كده تعرف اسمها .
طوفان
مش يهمني اصلا اعرفها و لا اعرف حاجه تخصها بس ليه السؤال ده.
جيهان
هقولك بعدين سيبني اخطط بس و اعرفك هعمل ايه .
ف الشركه بعد اسبوعين
حد من رجال رواد دخل المكتب بسرعه البرق عليهم و هو قلقان .
……..
رواد و رايا
بتقول ايه مش ممكن .
ووو يتبع
انتقام عاصف
التعليقات