7
زمن سمعت كلامها دفترها وقع منها ولفت ليها بصدمه و خوف .
روحيه قربت منها ووطت اخدت الدفتر وبصت فيه و ابتسمت من اللي كاتباه والنقاط المهمه ف انتقامها .
زمن
انتي مين بالظبط و ازاي عرفتي اني بنت شاديه .
روحيه
أنا مدبرة البيت ده وشغاله مع البيه من زمان وحضرت مامتك و كنا صحاب اوي بس هو اللي حصل خلانا بعدنا حتي كلام بطلنا .
زمن
وطبعا هتبقي مخلصه ليهم و هتروحي تبلغيهم اني بنتها و بنت طوفان كمان اتفضلي بلغيهم بس مش اضمن انك تكوني عايشه قبل ما تعملي كده .
روحيه
من غير تهديد أنا مش هقول لحد بالعكس أنا معاكي علشان تاخدي حقك من اللي ظلم امك بس جيت اتعرف عليكي و اما بالنسبه عرفت انك بنتها ازاي ف من ملامحك و من وحمه ايدك اللي باينه ع كفك الظاهر أن البيه مش لاحظها ف حظك ده هيساعدك.
زمن
نورا بتتعاطي من امتي و مبطله و لا لا.
روحيه
بتبطل و بترجع تاني مش بتعرف تبطل اصلا كأنها عايزة تكون ف مكان غير مكانها و اخر مرة راحت سويسرا تتعالج ورجعت تاني من غير ما حد عرف انها رجعت تتعاطي تاني تحبي اساعدك ف انتقامك .
زمن بكذب
لا مش عايزة مساعدة انتقامي مع طوفان مش معاها هي قوليلي معاه ولاد غير رايا و لا لا.
روحيه
رايا و مؤمن بس بتسالي ليه .
زمن
ولا حاجه مجرد سؤال بالنسبه اني بنت شاديه ف ده تنسيه وتنسي اللي قريتيه علشان مش تتاذي بس ومش عايزة مساعدة من حد تمام.
روحيه
براحتك قولتلك بلاش تهديد أنا مش زيهم ومش شاركت ف ظلم مامتك صدقيني .
زمن
هنشوف لو كنتي صادقه و لا لا لاني مش بقيت اثق ف حد و لا أصدقه لو خلصتي ممكن تطلعي ورايا شغل شكرا ليكي ولو تكرمتي ممكن عصير وشويه ساندوتشات .
روحيه
تمام عن اذنك .
روحيه نزلت وبلغت طوفان أنها ساعدتها وطلبت عصير واكل خفيف .
زمن بدأت شغل وطلعت اللاب ودخلت ع مجموعه أسهم شركات طوفان ولقت أن أسهم شركاته ف الطالع و عملت شويه شغل فيهم و سحبت نص الاسهم لحسابها ف بنك مجهول وفضلت تشتغل ع مناقصه ع فندق كبير صحابها عارضين فيه كتير فضلت تظبط حساباتها ومعلومات عن الفندق وعرفت أنه لرجل أعمال سويسري كبير ولما خلصت نزلت ليه وورته الورق والارقام و الحسابات طوفان شاف شغلها فضل باصص ليه كتير و ف الآخر جاب الولاعه وحرق مجهود شغلها كله وبصلها .
طوفان
ده كله مش عاجبني ابدا عايز حسابات كبيرة عايز المنافسين يجيلهم ذهول من الرقم اللي هنقدمه بحيث يحجوش ارقام تاني الشركه دي لازم تبقي من نصيبي و لو كنتي فاكرة انك هتخلصي ده وهتمشي ع طول تبقي غلطانه انتي هتخرجي من بيتي بمزاجي فاهمه .
زمن
فاهمه يا باشا متخافش هخليك تكسب المناقصه دي بلمح البصر ويمكن ادي لحضرتك افكار استثماريه كبيرة بمبالغ مالية كبيرة ممكن توصل ل 600مليار يورو .
طوفان
شكل دماغك الماظ تمام نكسب مناقصه الفندق ده ونقعد كتير مع بعض ونشوف حكايه الاستثمارات اللي برقم ده.
زمن مشيت من قدامه شافت نورا بتفرك دماغها وطلبت من روحيه أنها تعمل ليه فنجان قهوة تقيل بس زمن قربت منها .
زمن
مدام أنا بعرف اعمل قهوة مظبوطه قوي وليها وش كبير هتحبيها من ايدي.
نورا
نجرب و نشوف ادخلي المطبخ و اعمليها وهاتيها لاوضتي فوق .
زمن سابقتها ودخلت المطبخ بس وهي ماشيه خبطت ف حد وخلاها رجعت لورا .
زمن
أنا اسفه مش قصدي اني اخبط فيك.
مؤمن بابتسامه و لا يهمك عادي انتي مين .
زمن حكت له نبذة مختصرة عنها وعن اللي حصل ف الصبح وقربت منه بشويش .
برأيي روح صالح اختك خايفه اروح تطردني واعتذر ليها نيابه عني ممكن.
مؤمن بابتسامه
ولا يهمك هعرف أراضيها ازاي اتشرفت بيكي يا زمن عن اذنك.
سابها وهي بصت ليه بابتسامه ودخلت المطبخ عملت القهوة بعد ما عرفت اماكن اللي هي عايزاه عملتها وطلعت كيس ف شئ ابيض وخلطته بالقهوة وعملتها ودخلت لنورا غرفتها كان دماغها بيوجعها اوي شربت القهوة وحست بارتياح وبصت ليها بابتسامه.
نورا
قهوتك ممتازة اوي هطلب منك بعد كده انك انتي تعمليها ليا روحي يالا .
زمن بابتسامه
عن اذنك يا مدام انبسطي بقهوتك.
خرجت من الاوضه وراحت اوضتها وقعدت ع السرير وبصت للسقف وبتفكر ف خطوتها الجايه بس قطع أفكارها روحيه.
روحيه
متأكدة انك مش حطيتي حاجه ف قهوتها غريبه اصلها مش تعاطت حاجه النهاردة .
زمن
وانتي مركزة معايا ليه يا دادة عايزة ايه بالظبط مني اكيد مش اني بنت شاديه وعايزة تساعديني علشان عارفه ومتاكدة أن وراكي مصيبه كبيرة و بتحاولي تداري عليها بأي ثمن ممكن صح.
روحيه
غلطان يا زمن أنا عايزة اساعدك تعاوني معايا قوليلي ايه خطواتك الجايه وهتعملي ايه.
روحيه
روحي نامي يا دادة اوعدك اني هخليكي تشاركيني اللي بعمله .
روحيه خرجت من غرفتها وبصت ع الباب المقفول ونزلت لغرفتها تحت ظبطت نفسها وبقت زي الصبايا ف شبابهم واستنتج شخص يجي كانت بتسرح شعرها وبصت لقيته.
وحشتني اوي بقالك اسبوع بعيد عني كده تتأخر المدة دي يا طوفان مع اننا ف نفس البيت .
طوفان
اعذريني بس كان لازم أأمن الدنيا من حواليا و انتي كمان وحشتيني .
زمن مش كانت مرتاحه ليها ونزلت المطبخ وسمعت صوت من غرفه روحيه قربت من الباب اللي كان مردود بس وشافت منظر مش هتنساه وصورت اللي حصل بالفون بتاعها .
خلصت تصوير رجعت زي ما اتسحبت لغرفتها وقفلت الباب عليها وشغلت الفيديو وهي تبتسم وعرفت تزيح روحيه من سكانها ازاي بس مش دلوقتي المهم تفضي لطوفان وعيلته .
ووو يتبع
انتقام من غدر الزمن.
رايكم .
التعليقات