مش هتجوزه.
أنتي اتهبلتي يا حور دول بيكتبوا كتابك برا.
يبقى هوقفه.
استهدي بالله يا حور وبلاش جنان.
أنا مش بهزر يا أركين أنا مش هتجوز علي.
طب ممكن تفهميني بهدوء ليه
الباب خبط وبسمة دخلت.
يلا يا حور المأذون وصل.
تعالي يا بسمة اقنعيها عشان منشفة دماغها ومش عايزة تتجوز.
ليه يا حور في إيه
علي بيخوني مع بنت عمه.
أركين شهقت پصدمة وبسمة حطت إيدها على بوقها پصدمة.
عرفتي إزاي
كنا خارجين إمبارح وسايب تليفونه مفتوح وراح الحمام ولقيتها بعتتله رسالة بتسأله نهاية علاقتهم إيه فتحت الشات بينهم وعرفت إنه بيخوني.
بصيتلهم وأنا هاين عليا أعيط بيبصولي پصدمة وحزن حاجة محزنة يكون خطيبي اللي كام دقيقة ويبقى جوزي يطلع بيخوني مع بنت عمه الباب خبط تاني وماما دخلت.
يلا يا بنات المأذون مستني.
بسمة لحقتني وردت مكاني.
جايين يا طنط اسبقينا أنتي.
ماما خرجت وأركين وقفت فجأة وبدأت تلف بعصبية.
أنتي فعلا مينفعش تتجوزيه يا حور دا خاېن.
ودا اللي هعمله بس يلا نطلع دلوقتي.
موافقة يا بنتي
فوقت على صوت المأذون بصيت حواليا بسمة وأركين قلقانين ماما وبابا فرحانين ومستنيين موافقتي وعلي.. علي مبتسم كأنه مش بيخوني خدت نفس عميق.
لا مش موافقة! الجوازة دي لا يمكن تتم!
صوت شهقاتهم علي بسمة وأركين جريوا عليا ووقفوا جنبي.
في إيه يا حور يا ينتي مش موافقة ليه
أكيد في سبب لكدا يا ماما.
في إيه يا عمي هو أنا جاي أتهان هنا ولا إيه إيه يا حور الجنان دا
ابتسمت بسخرية وبابا قرب مني وحط إيده على كتفي.
احكي يا حور أنا عارف إن عندك سبب مقنع.
ابتسمت قلبي اتطمن شوية لما لقيت دعم منه لفيت لعلي ومديت إيدي.
هات تليفونك يا علي.
عايزة تليفوني ليه وعلاقته إيه بالمهزلة دي أصلا!
ما المهزلة دي أنت سببها البيه بيخوني مع بنت عمه.
أنتي اټجننتي ولا إيه! أنتي عايزة تلبسي قضيحتك لابني!
شوف يا أخي سبحان الله عمري ما طيقتها وكنت عاتلة هم إنها تبقى حماتي.
أنا مش بكدب ولا بفتري على حد ابنك بيخوني مع بنت عمه والدليل على تليقونه.
قبل ما القيامة تقوم كان بابا قرب من علي.
↚
الكلام دا صح يا علي
كور إيده ونزل راسه وسكت.
فكي كدا يا بنتي بقالك أسبوع مكشرة.
والنبي يا أركين حلي عن سمايا.
بس يا أركين خلي البت تاخد وقتها في الاكتئاب دي اكتشفت خېانة اللي بتحبه وفضحته وفركشت معاه كله في يوم واحد.
أنتوا جايين تعايروني في مكتبي!
معلش يعني يا حور بس أنتي اختيارك كان عرة أوي الصراحة.
جدا يا بسمة أنا مش عارفة يا حور أنتي كنتي حاطة إيه في عينك خلاكي متشوفيش عيوبه.
قطرة اسمها !
شوفتي ودانه يا بت يا بسمة كانت عاملة إزاي
زي الطاسة!
وأسنانه.
زي الفار!
ولا شعره.
تحسيه متكهرب!
شوفتي طوله
أقصر من الأقزام السبعة!
مناخيره كانت كبيرة أوي!
أكبر من حياتي!
وعينه كانت أضيق من خلقي!
و
زعقت.
ما تبس ياختي أنتي وهي خلاص عرفت إني مبعرفش أختار.
بسمة مسكت وشي بإيدها ولعبت في خدودي.
والله ما يستاهلك إحنا بنتنا مفيش زيها.
هو الخسران هو حد يلاقي حد عنده عيون زرقا كدا وخدود وجمال ودلال ويسييه! والله إنه حمار.
بكرا نجيبلك سيد سيده ولا تزعلي نفسك.
ضحكت مش عارفة من غيرهم كنت هعمل إيه.
طب يلا كل واحدة على مكتبها عشان منترفدش.
إزاي يعني متقدملي عريس يا ماما!
زي الناس يا حبيبتي.
بس أنا مش موافقة.
وأنا مقولتش إنك لازم توافقي أنتي بس اقعدي معاه وشوفيه.
خرجت ومدتنيش فرصة أرد ونعم الأم والله.
وأنتي مضايقة ليه ما تقعدي معاه عادي.
قوليلها يا أركين مش يمكن يكون كويس
وأفرض طلع زي علي أعمل إيه أنا ساعتها
لا من الناحية دي مټخافيش لأنه عكس علي تماما!
أيوة بس…
↚
وأنتي عرفتي إنه عكس علي
منك لله يا أركين الكلب.
وست بسمة كمان الله الله دا أنتوا طابخينها سوا بقى مين العريس إن شاء الله
بصوا لبعض بتوتر واضح وبعدها بسمة قربت مني.
هقولك بس إحنا مكناش بنضحك عايكي ولا قصدنا أي حاجة وحشة ماشي
سكت فكملت.
العريس هو.. جواد!
جواد! جواد ابن عمة بسمة وزميلنا في الشغل! بس أنا مكنتش بتعامل معاه خالص اللهم إلا السلامات بس. إيه اللي يخليه يتقدملي دا غير إنه أكيد عارف إني كنت بحب علي.. غريب فعلا غريب.
أيوة مفهمتش أنت بتعمل إيه هنا
بعمل اللي أي إنسان طبيعي بيعمله بتقدملك.
بس ليه أنا أنت أكيد عارف إني لسه خارجة من علاقة فاشلة ومعنديش استعداد أدخل في أي علاقة تانية.
ابتسم ببساطة.
يعني موافقة ولا لا
شوف أنا بقول إيه وأنت بتقول إيه يا أستاذ جواد
قاطعني.
جواد.. جواد من غير أستاذ.
اتنهدت.
يا جواد
قاطعني تاني.
اسمي طالع منك زي السكر!
بصيتله بغلب وضحكت.
يا ابني افهم.. أنا منفعكش.
اتكلم بجدية فجأة.
ليه ناقصك إيد
مش كدا
ناقصك رجل
لا بس
مشوهة لا قدر الله
لو تديني فرصة
مبتعرفيش تطبخي مثلا
مش قصدي.. نعم! يعني لو مكنتش بعرف أطبخ مش هتتقدملي!
ملامحه ابتسمت فجأة.
وحتى لو كنتي كل دول كنت هتقدملك بردو!
اټخضيت اټخضيت لدرجة إن قلبي دق دق وخاب خاب لدرجة إني وافقت عليه!
لو كان في جايزة للعباطة
أنا خدت الجايزة دي مرات
كل يا حبيبي بالهنا والشفا.
تسلم إيدك يا أمي الأكل تحفة.
↚
دي حور اللي عملاه يا حبيبي.
بصلي بابتسامة.
تسلم إيدك يا حور والله.
بصيتله ومردتش وكملت أكل عادي فماما زغرتلي ماما بتعامله كأنه ابنها وأنا اللي مرات ابنها مش العكس. فضلوا يتكلموا لحد ما الليل جيه وأنا قاعدة زيي زي المزهرية اللي هناك دي.
خدي يا حور خطيبك واقعدوا في البلكونة شوية.
أوف بقى مشيت قدامه على البلكونة وقعدت على كرسي وهو قصادي مديتلوش اهتمام وبصيت للسما يا رب أرجع بالزمن لورا وأرفضه. الجو كان حلو أوي وبدون ما أحس فكرت بصوت عالي.
القمر حلو.
مش أحلى من عيونك اللي بتبصله.
قلبي انتفض لوهلة نسيت إنه موجود بصيتله وكان ساند على حرف البلكونة ومبتسم ابتسامة نفضت قلبي تاني.
مفيش راجل يستاهل حبي
دي حكاية قديمة بزيادة
حكاية
أنت بتعمل إيه هنا
بيقولوا صباح الخير الأول.
صباح الخير يا سيدي بتعمل إيه هنا بقى
ولو إنها من غير نفس بس صباح النور دا أولا ثانيا بقى أنا جاي أوصلك.
بصفتك إيه
خطيبك مثلا
نفخت بقوة مش عارفة إزاي قلبي المهزق وأصحابي المهزقين أقنعوني أوافق. تخطيته وأنا رايحة للعربية عشان أركب لقيت إيده اتمدت وفتحتلي الباب. بصيتله وركبت بهدوء جان أوي الواد بس لا مش هحبه لا.
ورد للورد يا ورد!
مسكت ابتسامتي بالعافية وخدتها منه وشميتها أو يمكن غطيت بيها ابتسامتي اللي فشلت إني أمسكها.
عرفت منين إني بحبه
ابتسم.
قلبي عرفني.
لا متدقش إحنا اتفقنا إننا مش هنضعف متسبنيش لوحدي في نص الطريق يا قلب يا مهزق أنت. جريت من قدامه على مكتبي عشان لو فضلت شوية كمان كنت هقع فيه.
مال لونك مخطۏف كدا ليه
م مفيش مش مخطۏف ولا حاجة يا بسمة.
وإيه الوردة دي كمان
خبيتها ورا ضهري بسرعة كأني أذنبت.
مفيش ورد ولا حاجة.
جواد دخل وعيونا اتقابلت فضحك بخفة ومشي يسمة وأركين بصولنا وبصوا لبعض بابتسامة عارفة معناها كويس ولا مش هيحصل اللي في بالهم دا أبدا.
يا ترى منين الوردة دي يا حور
مش من حد يا أركين وبطلي.
وهو أنا عملت حاجة عشان أبطل
بصيتلها بطرف عيني وسكت.
لا بس بيحبك أوي جواد.
بيحبني إيه يا بسمة بالله دا إحنا مكناش بنتكلم خمس ثواني
على بعض.
والله والوردة دي ودقات قلبك وابتسامته كل دا أيه مش
↚
حب
لا مش حب يا بسمة..
أنا مليش غيرك يا أركين والله.
دا استهبال هما بيستهبلوا على بعض.
منك لله يا أركين ربنا ياخدك!
طالما قلبك دق يبقى وقعتي يا حلوة وبكرا تقولي بسمة معاها حق.
أنتي بتخدعي قلبك
روحك فيه على مين راح تخفي
مهما تداري في حبك
شايفين قلبك دا واللي فيه
مهما تخبي يا حلوة
عارفين معنى الغنوة دي
واللي شاغلك مين
أنا لازم أبعد عنه الواد دا خطړ عليا بيقولي كلام بيخلي الأنثي قليلة الحياء اللي جوايا تفرح أنا مينفعش أحبه مش هكرر نفس الغلطة لا.
اركبي.
عجلة!
أيوة فين المشكلة مش كان نفسك تركبي عجلة وتتمشي بيها على البحر
بس أنا مبعرفش أسوق عجل.
ابتسم.
عشان كدا أنا موجود اركبي.
ركبت مسلوبة الإرادة عندي أسئلة كتيرة زي إزاي يعرف عني كل دا وليه بيعمل كدا بس سكت استمتعت بنسمات الهوا وأصوات الموج والدفئ اللي محاوط قلبي بس مش هحبه لا.
كلام أحلام لا مش هنطق لا لا
مبحبوش يا أركين اخرسي بقى.
على ماما بردو دا أنتي لو سمعتي اسمه في أي مكان بتبتسمي.
تهيؤات تهيؤات يا حبيبتي ربنا يشفيكي منها.
رمت المخدة في وشي بغيظ.
ربنا يشفيكي أنتي من غبائك والله.
تناهيد هيام
قلب بيعشق يا حلوة
كلام أحلام… لا مش هنطق أنا لا
افتحي العلبة وأنتي لوحدك وشوفي جبتلك إيه.
شوفت الرسالة وسبت التليفون جنبي وركزت مع العلبة اللي قدامي بدون حركة لونها زهري وملفوفة برقة بشريط أبيض. مديت إيدي أخيرا عشان أفتحها.
كرة تلج جواهت قصر زي أفلام ديزني تلات فواصل كتب فيها ورد مجفف وصندوق موسيقى.
ابتسمت حسيت بجناحات اتخلقت لقلبي وطار وطيرت معاه حاسة إني قاعدة على وسحاب وإني خفيفة أوي. عمري ما حسيت كدا مع علي.. علي! فتحت عيني بعد ما رجعت للواقع وقفلت العلبة وحطيتها على جنب واتنهدت.
خلاص الدرس دا تعلمته
هو دا الحب في بدايته
عقلي پيصرخ أنسى اللي حلمته
ما في حلم إلا ومخيف في نهايته
↚
خلاص يا جواد كفاية فطست.
ما أنتي اللي لابسة قليل وإحنا في الشتاء.
تقوم تشتري شالين وتلبسهملي فوق بعض!
بس عشان أنتي لو شميتي شوية هوا بيجيلك برد.
أنت بتعايرني بمناعتي الضعيفة! طلقني!
فوقي يا حور إحنا مش متجوزين.
بصيتله بتفكير.
طب فركشني
نفخ في وشه فطير خصلة من شعره نزلت على عينه وبصلي.
امشي يا حور الله لا يسيئك.
سكت واتمشيت جنبه غمضت عيني والهوا بيضرب في وشي ومتأكدة إن مناخيري احمرت من البرد وبقيت شبه الأرنب. قربت إيدي من وشي ونفخت فيها عشان أدفي نفسي.
خدي.
بصيت لقيته بيمد إيده بزمزمية فبصيتله باستغراب.
دا نعناع سخن اشربيه كنت عارف إن دا هيحصل وتبردي فجبته معايا امسكيه واشربي منه عشان تدفي.
بصيتله شوية وابتسمت خدتها منه وقربتها مني بشم ريحة النعناع اللي طالعة منها بصيت ليه تاني بابتسامة أوسع.
شكرا أنت بتحققلي أحلام كتير كان نفسي أحققها ودا مفرحني ومحسسني بالذنب عشان أنا بس اللي باخد فقولي حلم أحققهولك.
وقف فوقفت بصلي وعيونه قالت كلام كتير خلى قلبي يدق إرادتي اتسلبت مني زي قلبي.
أنا بحبك يا حور لو عايزة تحققيلي حلم يبقى حبيني.
هتفضلي لحد إمتى تتجنبيه يا حور
بس يا بسمة.
يا بنتي جواد بيحبك بجد.
خلاص يا بسمة.
دا بيحبك من لما شافك أول مرة بس علي سبقه وخطبك ومترددش إنه يتقدملك لما فركشتي.
هو عشان ابن عمتك يبقى تزهقيني.
أنتي غبية يا حور وجواد بيحبك أوي وهتندمي بعدين لو مفوقتيش.
ياختي حبيه أنتي طالما هو جامد كدا ومفيش منه اتنين.
ياريت بس هو بيحبك أنتي قلبه ملكك أنتي أنتي وبس فكري كويس يا حور.
ليه مصرة تكابري
وأنتي عيونك أهي معترفة
مهما يا روحي تخبي
إحنا قلوبنا شايفة وعارفة
واجهي الأمر بحكمة
وانطقي يلا
↚
الكلمة وقولي
أه أه فعلا أه
أخيرا حنيتي عليا ورديتي يا حور.
عايزة أقابلك ضروري يا جواد على الكورنيش.
طيب خمسة وجاي.
بصيت قدامي بتأمل الناس اللي بتمشي والأطفال اللي بتلعب والبياعين. بصيت جنبي لما حسيت بيه كان لابس تيشرت أزرق وبنطلون رمادي وعليهم جاكيت فعرفت إنه جيه بدون ما يغير هدومه بسرعة فقلبي وجعني أكتر.
مالك يا حور مكنتيش بتردي عليا ليه اختفيتي فجأة ليه
شاورتله يقعد وخدت نفس وقررت أدخل في الموضوع على طول.
أنا مبحبكش يا جواد بس صدقني المشكلة مش من عندك المشكلة من عندي أنا أنا مبقتش بحب علي خالص بس بقيت مهزوزة بسببه وبسأل نفسي كتير أنا عملت إيه غلط عشان يخوني طب هي قدمتله إيه أنا مقدمتلوش أنا.. أنا بهرب من نفسي عشان محبكش ومتوجتش تاني وأنا بعفيك مني لو مش عايز تكمل معايا و
قاطعني.
هششش أنا هفضل معاكي أنا بحبك وحبي يكفينا إحنا الإتنين بس أنا عايزك تحاولي معايا مش عايز أكون الشخص اللي بيدي بس.
عيطت أكتر.
أنت إيه اللي جابرك تكمل معايا
اتنهد وبصلي بابتسامة مليانة غلب.
قلبي.
كلام أحلام لا مش هنطق لا لا
هو.. دا الحب
بسمتك بتقول عشقاه
أوهام.. لا لا مش هقول عشقاه لا
هيمانة فيه بتحبيه ورايداه
صباح الجمال على قلبك.
الساعة سبعة يا جواد وإنهاردة إجازة حرام عليك سبني أنام.
ولا كلمة زيادة اجهزي عشان هفسحك إنهاردة لحد ما تقولي توبت.
قفل في وشي قبل ما أرد بصيت للتيلفون شوية وضحكت يعني أدعيله عشان هيخرجني ولا أدعي عليه عشان مصحيني دلوقتي!
يعني أنتي مصحياني من أحلاها نومة عشان تقوليلي ألبس إيه يا شيخة منك لله!
خلصتي ألبس إيه بردو
وهي البلوزة البيضا والبنطلون البوي فريند قصروا معاكي في حاجة
خلاص هلبسهم.
أنتي رايحة فين دلوقتي
جواد اتصل وقال إنه هيفسحني اليوم كله.
لا أنتي تلطصي وشك بكريم مرطب لحد ما أجيلك وأختارلك حاجة تخلي الواد ميشيلش عينه من عليكي.
يا بنتي استني.. يا بسمة.. قفلت في وشي.
خمس دقايق وكانت بسمة في أوضتي ومعاها عدة الشغل. وبعد مناقشات كتير ملهاش فايدة لبست فستان بسيط وردي وعليه طرحة بيضا.
ربنا يحفظك من عين الحاسدين.
أوعي يا حجة بقالي سنة بجهز وزمان جواد خلل تحت.
أوعى يا عم البت وقعت ومحدش سمى عليها.
مردتش عليها معرفش ليه بس مردتش.
لا دا إحنا نلغي خروجة إنهاردة ونتجوز أحسن.
جواد.
اسمي طالع منك زي السكر.
ضحكت وروحت أركب العربية لقيته فتحلي الباب كالعادة.
خدي يا ستي الآيس كريم بتاعك.
مسكت كم الجاكيت بتاعه.
جواد يلا نمشي من هنا.
ليه في حاجة
مفيش بس ممكن نمشي
بصيت جنبي بضيق فجواد خد باله ولقى شاب بيبصلي بنظرات مقرفة فاتعصب وقبل ما أتكلم كان مسك فيه واتخانقوا.
بطلي عياط يا حور.
لما تبطل زعيق يا جواد.
أنا مبزعقش.
لا بتزعق أهو بتزعقلي وأنا مش غلطانة وعملت خناقة كبيرة.
يعني كنتي عايزاني أسكت وأنا شايفه بيبصلك كدا.
كان ممكن نمشي بدون مشاكل.
وأنا مرضاش أسكت على حاجة زي دي.
سكت واتنفس بقوة وكمل كلام.
هي الخروجة اتضربت واليوم كله اتضرب فيلا أروحك.
مش هكلمه ولا هعبره تاني.
هو أصلا مكلمكيش من ساعتها عشان تقولي كدا.
بسمة!
وأنتي مضايقة ليه يا حور مش أنتي مبتحبيهوش
بس يا أركين.
لا هي معاها حق جواد مغلطش هو دافع عنك وأنتي بدل ما تشكريه اتخانقتي معاه وطلعتيه الغلطان.
اسكتي عشان أنا متغاظة منه دا لغى الخروجة كلها وروحني وإحنا مكملناش ساعتين برا.
مع إني والله كنت دعيالك ومبخراكي.
طب متدعيش تاني بعد إذنك.
رميت التيلفون على السرير بغيظ تلات أسابيع بدون مكالمة واحدة بيتجنبني في الشغل ومبيردش عليا يعني لو روحت قټلته دلوقتي مش هكون غلطانة.
أنا لو جبت ابن عمتك
↚
دا من تلابيبه كدا وخنقته كدا هيجرا حاجة والله ما هيجرا حاجة.
اصطبحنا وأصبح الملك لله جرا إيه يا حور في إيه
في إن ابن عمتك متجاهلني وقربت أنتحر بسببه.
سكتت شوية.
حور أنتي بتحبي جواد
سكت معرفتش أقول إيه فقفلت. أنا.. أنا مينفعش أكون بحبه.
كلام تخريف مش هنطقها لا
أيوة أنتي عشقاه
بلاش تأليف مش هنطقها لا
مټخافيش لا دا الغرام يا ما أحلاه
وأما أجيب بندقية دلوقتي وأطخك عيارين!
اتخض.
يا ساتر يا رب حد يدخل كدا
سلامتك من الخضة ياخويا مبتردش عليا ليه
مشغول شوية.
والله طب مبتبصليش دلوقتي وأنا بكلمك ليه
عشان عندي شغل يا حور.
أه شغل في الملف المقلوب دا
اتنهد وقفل الملف.
عايزة إيه يا حور
بتهرب مني ليه
عشان تعبت.
سكت معرفتش أقول إيه قلبي وجعني.
يعني إيه
يعني محتاج أخد فاصل شوية.
بصيتله وعيوني بدأت تدمع.
يعني هتسيبني
اتنهد تاني.
لا يا حور بس أنا محتاج استراحة عشان أنا كمان بتعب أنا لسه مصر إني أتجوزك بس محتاج فاصل عشان لو فضلت معاكي بمشاعر مرهقة وقلب تبعان الحب اللي في قلبي ليكي هيتحول لحاجة وحشة متمناش أوصلها.
يعني مش هتسيبني
لا.
ابتسمت بدموع ومشيت ليه حق يتعب ليه حق يسيبني ليه حق يعمل حاجات كتير.
قعدت على سرير سرحانة لحد إمتى هفضل كدا بصيت جنبي ولمحت الهدية بتاعت جواد مفتحتهاش من أخر مرة فتحتها تاني ومسكت كرة التلح وابتسمت خرجت صندوق الموسيقي وشغلته فخرج لحن هادي ومريح حسسني إني طايرة غمضت عيني وبدأت أستمتع بالموسيقى وأنا بفتكر كل لحظاتي مع جواد لحظاتنا بتداهمني زي شريط الأفلام فتحت عيني لما الموسيقى وقفت وعلى وشي ابتسامة واسعة. المرادي أنا اللي هبدأ.
نزلت أشتري هدية لجواد أصالحه لازم يعرف إن زعله فارق معايا جدا أنا كنت غلطانة لما ضيعت الوقت دا كله وأنا مهزوزة.
حور.
علي
أنتي بتعملي إيه هنا
بصيتله باستغراب.
عادي بشتري حاجة.
حسيته عايز يقول حاجة بس مشيت قبل ما يتكلم أنا مش مستنية منه حاجة مش مستنية منه اعتذار أو تبرير أنا مشغولة بحاجة أهم أنا محستش بحاجة وأنا بكلمه محستش بالخنقة اللي كنت متخيلاها لو قابلته أنا.. أنا.. فين جواد
معاك خمس ثواني لو منزلتش هرمي نفسي قدام العربيات وأنتحر ويبقى ذنبي في رقبتك.
نعم! أنتي بتقولي إيه أنتي فين يا حور
تحت بيتك هات مفاتيح عربيتك معاك العد اشتغل.
خمس ثواني بالظبط لا شاطر تنفع عداء يا والا.
رفع راسه ياخد نفسه من الجري وبصلي بعصبية.
بتعملي إيه هنا يا حور
معاك مفاتيح عربيتك
أه ليه
فسحني.
زعق.
نعم! أنتي جيباني على ملا وشي عشان تقوليلي فسحني!
مسكت إيده وبصيتله.
هتفسحني
سكت وهو بيحاول يتفادى نظراتي ليه عشان ميضعفش بس في الأخر ضعف واتغلب على أمره.
هفسحك.
ابتسمت بفرحة يالهوي على جمالك.
جواد.
نعم.
أنا شوفت علي إنهاردة.
كور إيده وهو بيسوق وحاول يفضل هادي وخرج سؤاله هادي بالعافية.
وبعدين
ابتسمت.
محستش بحاجة كان عادي بالنسبالي.
إيده ارتخت.
يعني
بسمة كان معاها حق.
يعني
حبك كفانا.
وقف العربية على جنب ولفلي بهدوء وابتسم بغرابة.
حور
اسمي طالع منك زي السكر!
ابتسامته وسعت وعيونه لمعت وضحك.
حور!
همستله.
حققتلك أمنية.
همسلي.
إيه هي
ابتسمت وهمست بخفوت.
حبيتك!
بيني وبينكوا أنا دايبة في هواه.
جواد وحور
مريم حسن
التعليقات