الخطوبه كانت علي الساعه ٥ كانت جزء منها نهاري

بالفعل قومت لبست الفستان كان تحفه عليا بجد قمر ربنا يحميني

وبدأت أحط ميكب كامل بس خفيف مش بحب الميكب التقيل لأن أنا ملامحي حلوة من غير حاجة خلصت ولبست الهيلز وعملت شعري ويفي

كانت الساعه ٤ فنزلت لماما كانت عند تيته وجدو أول م دخلت

تيته_أوبا ايه القمر ده

جدو بغمز_ الأحمر علي الأسد بيمنع الحسد

تيته بغيره_أيوووب

ضحكت عليهم حقيقي مهما يكبرو هما زي مهما سكر

ماما قربت مني بحنيه_أنت كويسه حبيبتي

بوست ايدها بحب_ بخير طول مأنتم معايا

وفجأة سمعت صوته ورايا وتقريبا كان متعصب_ايه الفستان ده

بصيت له بهدوء عكس اللي جوايا واتكلمت ببرود_ماله الفستان م زي القمر قدامك

جز علي اسنانه_ أنت هتروحي كده البسي چاكيت فوقيه حتي

أتكلمت ببرود_لاء وأصلا واقف معانا ليه المفروض تروح تجيب خطيبتك من الكوافير يا عرييس

جز علي سنانه ومشي پغضب وأنا بصيت له بأنتصار

روحنا كلنا القاعه كلو وصل قبلنا بس عربيتنا اتأخرت شوية اللي كان فيها جدو وتيته وماما وأنا

دخلت القاعه بثقه وابتسامه باردة معاهم وتقريبا كل العيون بقت عليا

دخلت بهدوء وقعدت جنب بابا وكان يوسف باصصلي پغضب وكنت ببادله بابتسامه باردة قربت منهم عشان أسلم عليهم وقولت ببرود

_مبروك

يا عرسان والله لايقين علي بعض شبه بعض أوي

مريم حاولت تستفزني وهي بتحضن يوسف_اه يا ريم عقبالك يا حبيبتي معرفش حظك وحش ليه لغاية دلوقتى

أتكلمت ببرود_لا يا حبيبتي حظي مش وحش ولا حاجه ده ربنا بس بياخد العقارب اللي في حياتي ويبعدهم عني

أبتسمت في وشهم ومشيت من غير م أسمع ردهم

وقت الرقص السلو وكل الكابلز راحو علي الاستيدچ وجدو خد تيته وفضلت أنا وماما قاعدين

ماما قامت دخلت الحمام وفضلت أنا حسيت بالخنقه وزهقت فطلعت برا اشم هوا شوية

وأنا خارجه حد خبطني جامد لدرجة كنت هقع بس لقيت حد مسكني بسرعه

_أنا آسف بجد حقك عليا مكنتش قاصد

بعدت ايده بهدوء_ ولا يهمك يا أستاذ

وكنت لسه همشي لكن وقفني_هو أنت تبع العريس ولا العروسه

ضحكت بحزن_ الأتنين

أتكلم بحماس_بجد أصل انا ابن عم العروسه

ابتسمت_وانا بنت عم العريس واتنهدت_وكنت صاحبه العروسه

_كنت

مردتش علي سؤاله ومشيت من قدامه_عن إذنك

دخلت القاعه تاني وفضلت قاعدة بس زهقت

_ماما أنا معتدش قادره خلاص عايزة أمشي

أتكلمت بحنان_معلش حبيبتي لازم نكون موجودين عشان خاطري استحملي

بصيتلها ورجعت بصيت قدامي بس فجأة الأغاني اشتغلت فمكنتش قادره بقي قومت رقصت مع صحابي اللي هما صحاب العروسه برضو

كنت برقص معاهم وكان يوسف باصصلي پغضب بس تجاهلته وفجأة خبط فيا طفل صغير وتقريبا كب العصير عليا

أتكلم بعياط_أنا أثف مكنث قثدي

كلمته بحنان_تعالى يا صغنن متعيطش خلاص فداك ألف فستان

بصلي بدموع_يعني أنت مث ثحلانه

بصيت له وابتسمت_لاء مث سحلانه يا صغنن

تعالى اوديك لماما

مسك ايدي بحماس وجري

ضحكت عليه_أستني يا صغنن هنقع

فضلنا نجري براحه لغاية موقفنا قدام شاب وهو اللي خبط فيا من شوية

أتكلم بلهفه_زين حبيبي كنت فين

خالو أنا أهو عملت حاجه وحثه مع البنت دي بث هي مزعلتث مني

بصيت له واتكلمت بحنان_ومش هزعل منك وخلاص يا زين قولتلك فداك ألف فستان يا سيدي

خلصت كلامي وأنا بقرصه في خده بحنان

الشاب_انا آسف جدا علي اللي زين عمله بجد آسف

_حقيقي مفيش داعي للإعتذار عادي ولا يهمكم

طنط طنط

_بص بقي يا صغنن أنا اسمي ريم بلاش طنط دي عشان أنا لسه صغننه

ضحك_حاضر يا ريم بث ممكن نكون أصحاب

ضحكت_ممكن

أتكلم بحماس_ونخرج ونلعب سوا

ابتسمت_ونضحك سوا

قرب مني وخلاني أنزل لمستواه وحضني _ أنا بحبك أوي يا ريم

وأنا أكتر يا قلب ريم

سابني وراح يرقص وأنا فضلت بصاله في صمت لغاية مقطع الشاب ده الصمت

_ممكن أتكلم مع حضرتك شوية

بخصوص إيه

_زين

عقدت حواجبي_ليه ماله

ممكن بس نخرج برا بعيد عن الدوشه شوية

_تمام

خرجنا برا القاعه

_ها أتفضل

أنا مش مصدق حقيقي اللي حصل

_مش فاهمة

زين أول مرة يبقي فرحان بالشكل ده بعد ۏفاة أهله ويبقي عايز يعمل صحاب

بصيت له بصدمه_نعم!!!

للأسف أهله توفو وهو عنده أربع سنين واتربي معايا أنا وأهلي لغاية دلوقتى هو عنده ٨سنين هو مكنش بيتعامل معانا كده كان طفل حزين ومنطوي عرضته علي كذا دكتور نفسي وقالي أنه بسبب فقدان أهله جاله حاله نفسيه وحزن وخوف وهو لسه سنه صغير وعارف أنكم بتدولو كل الحنان بس حنان الأب والأم غير وقالي أن الحل اللاقي حد يكون زين حبه وحس معاه بالحنين وهو ده اللي في ايده علاج زين

بالرغم إني أنا وأمي وأبويا موفرين كل حاجه لزين بس هو شافك وكان تصرفه معاك غيرنا بجد

كنت مصدومه من اللي بسمعه ومش عارفه أعمل ايه

_طب أنا في ايدي إيه أعمله لزين

أنا مش هجبرك طبعا بس أعتبري نفسك في شغل وهتاخدي مرتب

بصيت له بصدمه_أنت مچنون صح يا أسمك ايه أنا حتي لو وافقت عمري مهاخد فلوس طبعا

بصلي وابتسم_أسمي أدهم وأنت

ابتسمت_ريم

_بص هو

حوار صعب عليا شوية مش عارفه بس وعد هفكر وهكلمك

تمام تقدري تاخدي رقمي وفي أي وقت كلميني عرفيني ردك

أبتسمت بهدوء _تمامعن إذنك

خدت رقمه ولسه همشي لقيت ماما طلعت

_ريم بتعملي ايه برة ومين ده

ده أستاذ أدهم ابن عم العروسه وبعمل ايه هنا هبقي احكيلك في البيت يا حبيبتي

ماما_مساء الخير يا ابني

مساء الخير يا طنط

_عن إذنك

ومشيت أنا وماما والخطوبه خلصت تفكيري كله راح من يوسف وبدأت أفكر في أدهم وابن أخته

روحنا البيت واتعشينا وقعدت حكيت لماما كل اللي حصل

ماما_مش عارفه يا حبيبتي بس اللي يعجبك اعمليه وواضح أنهم ناس محترمه

يعني أوافق

_اه واديكي هتاخدي ثواب

تمام يا حبيبتي هدخل ابعتله وانام عشان كنت مقدمه علي شغل وبكرة المقابلة

_ماشي يا حبيبتي تصبحي على خير

وأنت من أهل الخير

دخلت الأوضه وفتحت الواتساب علي شاته

مساء الخير أستاذ أدهم أنا ريم وموافقه علي موضوع زين وبلا مقابل

جت في دماغي لحظه ليوسف وخطيبته بس مش عارفه ليه مكنتش زعلانه وحمدت ربنا ونمت

صحيت الساعه ٨ خدت شاور ولبست دريس نص كم أبيض وفردت شعري وحطيت ميكب بسيط فتحت الفون لقيت أدهم رد

_تمام يا ريم متشكر جدا وآسف إني هتعبك

لاء متقولش حاجه الشكر لله

وخرجت لماما

_صباح الفل يا ست الكل

ماما باستغراب_صباح النور يا حبيبتي أنت كويسه

بصتلها باستغراب_اه يا حبيبتي الحمدلله

أنا هنزل عشان اللحق الإنترفيو

ماشي يا حبيبتي ربنا معاكي

نزلت ركبت تاكسي عدت نص ساعه ووصلت الشركة

كانت شركة كبيرة أوي وتصميمها تحفها دخلت روحت مكتب السكرتاريه

_لو سمحت عندي معاد مع المدير انترفيو

تمام حضرتك الآنسه ريم صح

_صح

تمام أتفضلي معايا

_تمام

دخلت معاها مكتب المدير اللي أول م شوفته هو مين اټصدمت

الانسه ريم عندها انتر فيو يا فندم

بصلي وابتسم_تمام يا نور أتفضلي أنت وخلي حد يجيب اتنين لمون

أتكلمت باندفاع_بس أنا مش بحب اللمون

لحظه ايه العبط اللي قولته ده يخربيت هبلي

ببصله بإحراج لقيته ابتسم_خلاص شوفي الانسه تشرب ايه يا نور

أتكلمت بحرج_لو في عصير يا أستاذة نور أكون شاكرة جدا

حاضر يا استاذه

طلعت نور وأنا قربت من مكتبه وقعدت

بصلي پصدمه فهمتها

_ايه بتبصلي كده ليه

أتكلم پصدمة _انت قعدتي

أبتسمت ببرود_آمال هفضل واقفه

ابتسم ابتسامه غريبه_لا طبعا ميصحش

قطع كلامنا دخول حد بالمشروبات

_احم يلا نبدأ عرفيني علي نفسك

مش أنت معاك ال

_اها

طب م تبص فيه ده ايه الهم ده

_افندم

احم اسمي ريم ومتخرجه من كلية هندسة

_سنك

مالو

_سنك كام يا أستاذه

هتستفاد ايه لما تعرف يا عم

_عم!

بقولك ايه بص في ام ال هتلاقي رد لكل الأسئلة هتقبل كان بها متقبلتش قول عشان أنا علي لحم بطني عايزة اكل عند زيزو تلوث

_زيزو تلوث!!!

عليه سندوتشات كبده مأقولكش حكااايه

لقيته بيضحك تقريبا بيضحك علي اندفاعي

الرهاب الاجتماعي بېخاف منيييييي

_مبروك يا أستاذة اتقبلتي في الشغل وهتكوني السكرتاريه بتاعتي

نعععععم

_في ايه

مش موافقه

_وده ليه

عشان أنا مش حمل فرهدة كل شوية تعالي يا ريم خدي الورق ده يا ريم هاتي قهوة يا ريم روحي يا ريم اتنيلي يا ريم

قومت بنرفزة_لا يا استااااذ أنا مش واحده من اياااااااهم

بصلي بصدمه_نعععم

أدركت المصېبة اللي عملتها ورجعت قلبت كتكوت مبلول تاني

_أحم لا آسفه ولا حاجه كان نفسي اطلع ممثله بس أبويا رفض

أبتسم_ طب يلا بينا

علي فين

_هأكلك عند زيزو تلوث

قول كدهههه أنت عايز تقربني منك وتوقعني في حبك وفي الآخر تغدر بيا وتطلع صحبتك القديمة من تحت الأرض لاء مش أنا يا استاذ

_شكلك بتقرأي روايات كتير

وه عرفت منين

ضحك_لاء مهو طافح علي كلامك

ضحكت بحرج_احم احم معلش أنا اجتماعية حبه حبتين تلاته

ابتسم_لا عادي أنت جميلة أوي يا ريم يلا تعالي وعشان وإحنا بناكل عايز أتكلم معاكي شوية علي زين

تمام ماشي

وطلعنا

برا الشركة

_اتفضلي اركبي

لاء طبعا مش هينفع

_ياستي مټخافيش مش هخطفك

أنا أسفه بس عمري مركبت مع حد غريب مش هينفع هركب تاكسي وخلاص

_يستي اعتبريني التاكسي وبعدين إحنا اتعرفنا علي بعض يعني مش غريب

بصيت له بتوتر

_ثواني طب هعمل مكالمة واجي

كلمت ماما وحكيت ليها علي اللي حصل

اركبي معاه خلاص يا حبيبتي هو أحسن من الغريب مټخافيش أدهم محترم

قفلت مع ماما واتجهت له

_يلا بينا

يلا بينا

وركبت معاه بس كنت متوترة أوي أيوة أنا عرفته بس بقالي كام ساعه بس فملحقتش أعرفه أوي من كتر التوتر بعت لماما اللوكيشن بتاعي عشان متعوده أعمل كده لما أركب اي حاجه

لاحظ هو توتري

_تحبي أشغلك حاجه

اتكلمت بتوتر_لو حابب اتفضل

شغل أغنية هادية لعبد الحليم

بدأ التوتر يخف شوية

بعد وقت وصلنا قدام محل زيزو تلوث

نزلنا وقعدنا علي ترابيزة وطلبنا أكل وبدأنا ناكل

_هو أنا هبدأ مع زين إزاي

في البداية محتاجك تيجي البيت تقعدي معاه شوية تتكلمي معاه تلعبي أو تخرجو سوا ومټخافيش أنا والدي ووالدتي معاه في البيت مش لوحده خلينا نبدأ بسيط عشان يتعود عليكي وعلي وجودك

اتكلمت بحماستمام زين ده سكر حبيته أوي

مين ده اللي حبتيه يا هانم!

فجأة قطع كلامنا صوت يوسف اللي باين عليه العصبيه

بصيتله باستغراب ووو

يتبع..

الحلقة الثانية

لقيت يوسف واقف وباين عليه العصبية

أتكلمت ببرود_بتعمل ايه هنا

يوسف بعصبية_أنت إزاي يا هانم تقعدي مع شخص غريب كده لوحدكم وكمان من ورا أهلك

أتكلمت بنفس العصبية_وأنت مالك وبعدين أنا مش بتحرك خطوة غير وأمي عارفه وأصلا أنا مش محتاجه أبررلك

قرب مني پغضب ومسك ايدي جامد_تعالي معايا

أتكلمت بصوت عالي_يوسف أنت أتجننت

أدهم تدخل بسرعه وشال أيده من علي ايدي

أدهم بنرفزة_ أستاذ يوسف ميصحش اللي بيحصل الناس كلها بتتفرج علينا

فجأة زقه يوسف جامد لدرجه أنه وقع وأتعور في دماغه

صړخت بصدمه_أدهم

لسه هقرب من أدهم لكن يوسف مسكني جامد وكان عايز ياخدني معاه

زقيت ايده پعنف

_أوعي كدا أنت متخلف

جريت علي أدهم اللي أول م شوفت ډم اټرعبت

أتكلمت بخوف_أدهم أدهم أنت سامعني

أدهم بتعب_متخافيش أنا كويس

_قوم معايا بسرعة هوديك المستشفى

سندته وطلعت ركبت عربيته وهو ركب جنبي

أتكلم بقلق_أنت بتعرفي تسوقي

اه بعرف متخفش

سوقت العربية وروحنا علي المستشفي ووصلنا وعرفنا أنه مجرد چرح سطحي بسيط هيتخيط بس

هنا اتطمنت شوية وبعد م الدكتور خلص مع أدهم وخرجنا من المستشفى قعدته في العربيه وقولتله يستني وروحت جبت له عصير

_أتفضل

ابتسم_شكرا تعبتك معايا

أتكلمت بإحراج_شكرا علي ايه بس كل ده بسبب الزفت ده حقك عليا أنا

أبتسم بحنان_ريم أنت ملكيش ذنب

ابتسمت وسوقت العربية

_رايح فين

علي الشركة

بصيت له بصدمة_شركة ايه دلوقتي لاء طبعا خد باقي اليوم إجازة قولي بس مكان بيتك وهوديك

ابتسم_حاضرأنا ساكن في

بعد مرور وقت وصلنا كان بيت كبير مكون دورين يشبه الفيلا شوية

_شكرا جدا يا ريم أنا حقيقي تعبتك معايا جدا وبخصوص الأستاذ يوسف أنا مش هأذيه بس عشان خاطرك

شكرا يا أدهم وسيبلي موضوع يوسف وبعتذرلك مرة تاني

دخل أدهم وأنا ركبت مواصلات وروحت البيت دخلت شقه جدو عشان أسلم عليهم لقيت جدو وتيته وماما ويوسف!

شوفته مقدرتش أمسك نفسي روحت له وكلمته بعصبيه

_أنت غبي أنت إزاي تعمل كدا كان ممكن دماغه تتخبط جامد وتعملنا مصېبه

أتكلم باستفزاز_خايفه عليا

أتكلمت بعصبيه_تغور في داهية بس بعيد عني يا أستاذ

جدو_ريم أهدي ووطي صوتك في ايه

حكيت لجدو كل اللي حصل وأنا مټعصبه جدا

جدو بص ليوسف پصدمة وبعدين أتكلم پحده

_يوسف أنت أتجننت إزاي تعمل كدا

أتكلم يوسف بنرفزة_عايزني أعمل ايه لما أشوفها مع راجل غريب بتضحك

بصلي وكمل بتريقه_أكيد كنت مقضياها مهو محدش عرف يربيكي ابوكي ماټ أحسن أنه ماټ بس للاسف سابك دايرة

علي حل شعرك كل يوم مع واحد أكيد كنت عايزاني أحبك يا ريم بس للأسف مقبلش علي نفسي واحده زيك

محستش بنفسي غير وأنا بضربه بالقلم

أتكلمت بعصبيه_احترم نفسك يا يوسف ومتنساش نفسك أنك مجرد ابن عمي متفرقش معايا خالص أنا متربية ڠصب عن عين اللي خلفوك أنت فاهم!!!!

كملت بدموع_بتعايرني بمۏت أبويا يا يوسف

كملت بصراخ_أنت مستحيل تكون يوسف اللي حبيته مستحيل أنت إنسان قذر أنا بكرهك بكرهك

محستش بنفسي والدنيا اسودت في وشي و أغمي عليا

فوقت لقيت نفسي في المستشفى وجدو وتيته وماما معايا

أهل يوسف مظهروش ليه عشان هما مش بيحبوني ولا أنا ولا أمي

أتكلمت بتعب_ايه اللي حصل

ماما جريت عليا حضنتني بدموع_ حمدالله على سلامتك يا عيوني ربنا يخليكي ليا

حضنتها وافتكرت كل اللي حصل عيوني دمعت تلقائي وبصيت لجدو

كان بيبصلي بحزن

_شوفت قساوة حفيدك يا جدو شوفت بيعايرني بمۏت أبويا كملت بدموع_ليه أنا عملت ايه لكل ده صدقني ده أدهم مديري وقبل م أروح معاه كنت مبلغه ماما

قاطعني بحنيه_ عارف يا حبيبه قلبي وعارف أنك محترمه وأنا واثق فيكي يا عيوني حقك عليا متزعليش

حقيقي مهمي حصل أنا بحب ماما وتيته وجدو أوي أحن ناس عليا بعد ربنا طبعا

طلعت من المستشفى روحت البيت معاهم كان واقف يوسف وأهله بس تجاهلتهم أنا وماما ودخلنا شقتنا

خدت شاور وريحت شوية وأكلت ونمت مكنتش قادره أعمل اي حاجه

صحيت تاني يوم بدري عشان أروح الشغل كنت منطفية وحزينه لبست وجهزت حاولت اداري إرهاقي بالميكب طلعت سلمت علي ماما ونزلت مقدرتش أدخل عند جدو ومشيت علي طول

بعد مرور وقت وصلت للشركة كان فاضل ٢٠دقيقه ف روحت اشتريت قهوة مكنتش قادره أكل حاجه مكنش ليا نفس

اشتريت القهوة ورجعت مكتبي تاني قعدت كنت مرهقة جدا من اللي حصل انبارح كان تعب نفسي وجسدي

كنت قاعدة بشتغل لغاية محسيت بحد قدامي لقيته أدهم وقفت بسرعه واتكلمت بقلق

_استاذ أدهم حضرتك كويس دماغك لسه بټوجعك

ابتسم_ الحمدلله يا ريم أنا تمام مفيش حاجه

ابتسمت_الحمدلله

قعدت مكاني تاني عشان أكمل الشغل بس وقفني صوته

_لو تعبانه ممكن تاخدي إجازة

بصيت له لقيته باصص علي ايدي كان فيها كانولا

أبتسمت بهدوء_لاء أنا تمام الحمدلله

ابتسم بهدوء ودخل مكتبه وأنا كملت شغلي عدا وقت كبير وبصيت في الساعه كانت ٤ وده وقت انتهاء الشغل

قومت من مكاني كنت دايخه عشان مكلتش حاجة من الصبح كنت تعبانه وماشية بالعافية مكنتش هقدر أروح فروحت علي اي محل جبت اكل عشان اقدر أروح

جبت أكل وقعدت علي كرسي قدام المحل وبدأت أكل

وأنا باكل فوني رن لقيته جدو

_ألو

بقي كدا تنزلي من غير متصبحي عليا

_حقك عليا بجد

أنا عارف أنه ڠصب عنك عموما تعالي عندي متطلعيش فوق عشان عايزك ضروري

_بس يا جدو..

مفيش بس كلمتي تتسمع يلا سلام

وقفل في وشي يا حول الله ضحكت علي طريقته

خلصت أكل وقومت كنت حاسه بدوخه شوية بس كنت بڠصب نفسي عشان أعرف أروح

ركبت تاكسي وصلي مسدچ فتحتها لقيتها من أدهم

_ريم ممكن لو بكرة علي ٧كدا فاضية ممكن نعمل الاتفاق بتاع زين ويخرج معاكي

حاضر يا أدهم شوف المكان هيبقي فين وابعتلي اللوكشين

_لا طبعا أنا هاجي أخدك عشان أبقي متطمن

مكنتش قادره أتكلم فقولت

_تمام

وصلت البيت ودخلت عند جدو لقيت البيت كله قاعد روحت سلمت علي تيته وجدو وماما وحضنتهم واكتفيت إني أرمي السلام علي الباقي

عمي_شوف قليله الرباية بتسلم علينا إزاي

جدو بصرامه_احترم نفسك يا وليد

يوسف ببرود_بقي بتفضل حته البت دي عننا يا جدي

مكنتش قادره حقيقي كنت تعبانه بجد

أتكلمت بتعب_لو هتفضلو تتكلمو عليا كده كتير

هطلع أنا مش حمل كلام كتير أنا تعبانه واللي فيا مكفيني

لسه يوسف هيتكلم قاطعته_وبعدين مش أنا أبويا ماټ ومعرفش يربيني ودايرة علي حل شعري ياريت كل واحد يخليه في حاله بقي

كملت بدموع وأنا بوجهة نظري ليوسف_ عمري م هنسي كلامك ولا كسرتك ليا وأنت بتعايرني عارف ايه أكتر حاجه وحشه في الدنيا وربنا مش بيحبها! أنك تكسر قلب يتيم وأنتم الحمدلله عملتوها فمتزعلوش بقي من عقاپ ربنا لأني هشتكي لربنا منكم وأنا بصلي

فجأة وقعت علي الأرض وحسيت جسمي بيترعش وبقي متلج ومبقتش حاسه بحاجه حواليا شايفه صورة من غير صوت خلاص مكنتش قادره كنت حاسه أن دي نهايتي

كنت عماله أردد وأقول

_يارب سامحنييارب سامحني

ماما صړخت مرة واحده وقالت_لاااااا بنتي لاااااااا

كنت شايفه في عيون كل اللي قاعد القلق والخۏف بس مكنتش حاسه بحد بدأت الرؤية تسود لغاية ميأست والدنيا اسودت في وشي

يتبع..

الحلقة الثالثة

كنت شايفه في عيون كل اللي قاعد القلق والخۏف بسبس مكنتش حاسه بحد بدأت الرؤية تسود لغاية ميأست والدنيا اسودت في وشي وفقدت الوعي

مر أيام وأسابيع مش عارفه قد ايهوفي يوم بدأت أفوق فتحت عيني بتعب لقيت أدهم قاعد

أتكلمت بصوت شبه مسموع_أدهم

انتبه أدهم ليا وفرح إني صحيت

أدهم بلهفة_ريم أنت كويسهفيك حاجهحاجه تعباكي

ابتسمت علي لهفته وخوفه_لاء يا أدهم أنا تمامبس هو ايه اللي حصل أنا مش فاكره حاجه وفين ماما

أدهم بحزن_للأسف أنت ډخلتي في غيبوبه من أخر نقاش تم بينك وبين عيلتكومامتك للأسف

سكت فبصيتله وقولت بتوتر

_ماما كويسه صح قول أنها كويسه

أتكلم بحزن_متخافيش هي كويسه بس هي تعبت جدا لما شافتك ډخلتي في غيبوبة

اټصدمت واتكلمت بعياط_هي فين عايزة أشوفها

حاولت أقوم من علي السرير بس جسمي كان همدان جدا لدرجة كنت هقع بس أدهم لحقني بسرعه

_ريم لو سمحتي أنت تعبانه ارتاحي شوية

عيطت أكتر_اهدي إزاي وأنت بتقولي ماما تعبانه

فجأة قطع كلامنا فتح الباب ولقيت جدو داخل منه هو وتيتهأول م شوفتهم حضنت جدو جامد وفضلت أعيط

جدو بحنيه_حمدلله علي سلامتك يا حبيبه قلبي

بعياط_جدو ماما يا جدو ماما كويسه صح

تيته بحزن_ادعيلها حبيبه قلبي أنها تبقي بخير

تسريع للأحداث

مرت أيام كتير والحمدلله صحتي أتحسنتوأنا وأدهم كنا قريبين من بعض أوي وماما بدأت تتحسن وتفوقوبعدت عن يوسف وأهله تماما بقيت شبه مقطعاهم أنا وماما مش بنشوف بعض غير صدفه علي السلم أو يوم الجمعة لما بنتجمع عند تيته وجدو بس كلامنا شبه منعدميوسف ساب مريم خطيبته وكان بيحاول يقرب مني تاني بس للأسف أنا مبقتش طايقه أشوفه خالص قلبي مبقاش ليوسف بالنسبه لزين فقربت منه جدا وبقي إجتماعي أوي

في يوم كنت خارجة مع أدهم وزين كنا في الملاهي

فوقفنا عند لعبه زين ركبها وفضلنا أنا وأدهم نتفرج عليه

_ريم

نعم

_مش ناوية تحني عليا ده أنا غلبان

بصيتله واتصنعت عدم المعرفه_قصدك ايه

بصلي بغيظ_ريم أنت فاهمة

كنت لسه هرد لقيت زين جري عليا حضڼي وباسني

بص أدهم لزين بغيظ_ايوة أنا أتعب ويطلع عيني وأنت تيجي تحضن علي الجاهز

زين ضحك علي طريقته وقالي_هو خالو مالو

ضحكت وقولت_شكله عايز يخطب يا زين

لقيت زين اتنطط وقالي بحماس _ينفع خالو يتجوزك وتيجي تعيشي معانا

لقيت أدهم صفر بحماس_أيوة كدا هو ده ابن أختي خش في حضڼ خالك يا زين

ضحكت عليهم واتكلمت ببرود مصطنع_يلا عشان نروح الوقت اتأخر

كان يوم لطيف أدهم بقاله فترة بيلمح وبدأ يتحايل عليا عشان أوافق نكمل سوا وأنا قررت افرحه

_أدهم

عيونه

_أتلم

ملموم يا ريم انجزي عايزة ايه

_طب متزوقش طب أنا غلطانه إني كنت هوافق خليك تعنس بقي

ومشيت من قدامه بسرعة

تقريبا هو كان

مصډوم شوية من اللي سمعه وفجأة جري ورايا

_ريم أنت بتتكلمي جد يعني خلاص موافقه تتجوزيني

لا طبعا موافقه نتخطب بس

وطبعا خدني علي قد عقلي واتجوزني في الأخر

_أدهم

عيونه

_عايزة أخرج

بصلي وكشر_أنت زهقتي مني

حضنته واتكلمت ببراءة_لا يا حبيبي بس بقالنا أسبوعين متجوزين ومشوفتش الشارع يرضيك

أتكلم ببرود مصطنع_اه يرضيني

خبطه في كتفه واتكلمت بنرفزة_أدهم أنت أصلا كل م كنت تشوفني بالصدفه تلاقيني في الشارع يا حبيبي أنا مبقعدش في البيت أصلا

ريم من الأخر مفيش نزول

بصيتله ومتكلمتش وسيبته ودخلت المطبخ عملت قهوة وروحت قعدت علي الكنبه وفتحت ال

كنت مضايقه بس كنت بحاول ألهي نفسي في أي حاجه حسيت بيه وهو بيقعد جنبي مدتلوش اهتمام وكنت بشرب القهوة بكل برود

حاول ينكشني وخد القهوة مني شرب بق

_الله تحفه بجد متعمليلي واحده

رديت ببرود_خدها خلاص مش هشرب من بعدك

_وه وه ده الموضوع كبر أوي خلاص بقي يا مرمر حقك عليا

مردتش عليه طفيت التلفزيون بهدوء وكنت لسه هقوم مسكني وشدني في حضنه

أتكلم بحنان_خلاص آسف بجد حقك عليا مقدرش اقعدك في البيت أصلا يلا البسي عشان ننزل

_لا مليش نفس خلاص يوم تاني

لا يا ريم انجزي بقيتعالي طب

شدني ودخلنا الاوضه لقيته فتح الدولاب وطلع منه تيشرت أوفر سايز وبنطلون مريح

_البسي دول أنا بحبهم عليكي وكدا كدا بيريحوكي

بصيتله بطرف عيني لقيته قرب مني وباسني في راسي

_حقك عليا لو زعلتك خلاص أنا بنكشك يلا هطلع وأنت اجهزي

بالفعل جهزت ولبست وحطيت ميكب بسيط

نزلنا اتمشينا وأكلنا آيس كريم سوا وحقيقي كنت فرحانه بوجود أدهم معايا

مر كام أسبوع وبدأت أحس بتعب روحت عملت تحليل ډم مع أدهم واكتشفنا أحلي خبر في حياتنا إني حامل

عدت شهور الحمل كانت صعبه عليا جدا وأدهم كان مستحملني أنا وهرموناتي وتقلباتي

والحمدلله البيبي وصل بالسلامة وكونت ألطف أسرة مع أحلي أدهم

تمت