رواية سم القاسي للكاتبة ماهي أحمد الفصل الأول

رواية سم القاسي للكاتبة ماهي أحمد الفصل الأول

عمو. عمو. ممكن اسئلك سؤال؟
وقف قدام عربيته وهو بيفتح الباب وبيلف ضهره كان فاكر هيلاقي طفله بتكلمه لقاها شابه في العشرينات استغرب وضم حواجبه وهو مش مصدق (باستغراب)
نعم. عمو. كل دي وبتقولي عمو
ايوه ياعمو. ممكن جنيه عشان اجيب عسليه من الكشك اللي هنااك ده (بتشاور على الكشك) ماما مش راضيه تديني فلوس اجيب عسليه وانا ماليش دعوه انا عايزه عسليه نفسي في عسليه.

(الشاب بصلها ولقاها بتعيط زي الاطفال بالظبط)
طيب بس. بس خلاص هجيبلك عسليه تعالي معايا
الشاب اخدها وراحوا على الكشك اللي بتشاور عليه. بيبص لقاه فاضي مافيهووش حد
الشاب: الكشك فاضي وباين عليه مهجور مافيهووش حد انتي متأكده انك تقصدي الكشك ده
البنت: (وهي مخنوقه ومضايقه) هات جنيه بقي لازم اشترى عسليه.

الشاب حط ايده في جيبه وطلع 100 جنيه من جيبه وادهالها
البنت نتشتها منه بسرعه وجريت
الشاب: (بقي بينادي عليها) استني ياااااا. بيبص مالقهاش قدامه زي ما تكون اختفت في لحظه اول ما اخدت الفلوس بقي بيبص وراه وقدامه ويمين وشمال مالقهاش دي كانت لسه حالا قدامه.

الشاب رجع تاني على عربيته وهو مستغرب جدا من اللي حصل البنت كانت زي القمر مشافش في جمالها قبل كده وشعرها طويل بس متبهدل وهدومها كانت متبهدله ومش لابسه جزمه في رجليها ورجليها كانت متوسخه وكلها سودا من كتر ما هي مش نضيفه حاول ينسي اللي حصل ورجع الفيلا بتاعته.

رمي الجاكيت بتاعه على الكرسي اول ما دخل ولقي جده مستنيه.
الجد: انت كنت فين كل ده يا غالب يابني
غالب: كنت بشرف على العماير بنفسي ياجدي. العماير المهجوره دي لازم اشرف عليها بنفسي عشان لما نهدها هنبني مكانها كمباوند كبيييير. ومدينه سكنيه كبيره لمجتع راقي عشان كده لازم اشرف عليها بنفسي
الجد: طيب يابني ربنا يوفقك. بس قولي مال لونك مخطوف كده ليه؟

غالب: مخطوف. مخطوف ازاي؟
الجد: مش عارف حاسس انك مش زي كل يوم
غالب: حصل موقف النهارده مش عارف في ايه. بنت زي القمر قابلتها في المعمار مكان العماير المهجوره ياجدي رغم ان شكلها في العشرينات بس صوتها وكلامها بيقول انها طفله ماتكملش ال 10 سنين وكانت عايزه تجيب عسليه (ولسه بيكمل كلامه) لقي البنت واقفه قدامه وحاطه العسليه في بوقها وبتاكلها.

البنت: ما انا خلاص جيبتها
غالب: انتي.

الجد: طيب يابني ربنا يوفقك. بس قولي مال لونك مخطوف كده ليه؟
غالب: مخطوف. مخطوف ازاي؟
الجد: مش عارف حاسس انك مش زي كل يوم
غالب: حصل موقف النهارده مش عارف في ايه. بنت زي القمر قابلتها في المعمار مكان العماير المهجوره ياجدي رغم ان شكلها في العشرينات بس صوتها وكلامها بيقول انها طفله ماتكملش ال 10 سنين وكانت عايزه تجيب عسليه (ولسه بيكمل كلامه) لقي البنت واقفه قدامه وحاطه العسليه في بوقها وبتاكلها.

البنت: ما انا خلاص جيبتها
غالب: انتي
البنت وهي بتاكل العسليه وبتاكلها بشراهه
البنت: ايوه انا
الجد: مين دي ياغالب
غالب: (باستغراب) مش عارف ياجدي ومعرفش جت هنا ازاي وعرفت بيتي منين
(البنت بضحكه بلهاء)
البنت: ركبت في الشنطه بتاعت العربيه من غير ما تحس.

ودخلت من الباب اللي ورا من غير ما حد يثوفنى
غالب: (باستغراب) يثوفك. يثوفك يعني ايه
الجد بص كده لغاالب وهو مش فاهم حاجه وازاي بنت كبيره بالشكل ده وجميله بالدرجه دي وبتتكلم زي الاطفال كده الجد بقي كل شويه يبص لفوق وهو خايف ومرعوب
غالب: (بتوتر) هو. هو عاصي هنا ياجدي
الجد: ايوه يابني هنا. خد البت دي ومشيها من هنا قبل ما عاصي يشوفها عشان لو شافها قول عليها يارحمن يارحيم.

البنت: (بضحكه بلهاء) عاصي هو في حد اليومين دوول اسمه عاصي.

غالب: (بهمس) اسكتي وطي صوتك لا يسمعك تبقي مصيبه تعالي معايا نطلع من هنا بسرعه قبل ما يحس بيكي
غالب مسك ايد البنت وبقي بيطلعها بره
البنت: اوعي كده ثيبني. ثيبني. انت وحث مس عايزه حد يمسكني
عاصي مره واحده نزل من على السلالم وهو بيزرر كمام القميص بتاعه
عاصي: اي الدوشه دي على الصبح
البنت: خليه يسيبني ياعمو عايز يطلعني بره وانا مش عارفه اروح فين
(عاصي بصلها كده).

عاصي: (ابتسم ابتسامه خبيثه)
عاصي: عمو
الجد: احنا مانعرفش دي مين هي كانت ماشيه على طول.

غالب رفع راسه لفوق واخد البنت ورا ضهره وبقي يخبيها منه
غالب: (بغيظ) اعمل حاجه ياجدي انت هتسكتله احنا لازم نتصرف
(غالب بص لعاصي)
غالب: (بنرفزه) مش معني اني مش قادر اتكلم على كل اللي بتعمله اني اجيبلك كمان بنات البيت انا مش عارف هي دخلت هنا ازاي احنا مش كنا اتفقنا انك هتبطل
عاصي نزل من على السلم وقرب من البنت من ورا ضهر غالب.

البنت: انت وحث. طلعت زيه وحث خالث
(بدموع)
البنت: انا عايزه امسي من هنا.

(بصوت عالي بقي ينادي على البودي جارد).

عاصي: عبد الرحيييييييييم
(البودي جارد جه بسرعه من وراه وعضلاته كبيره جدا ولابس تي شيرت نص كم في عز الشتا لان عاصي مانعهم من ان البودي جارد عنده يلبس حاجات تقيله في عز الشتا وفي الصيف بيلبسهم حاجات تقيله جدا في عز النار لان اللي بيبقي مع عاصي لازم يتحمل اصعب الظروف يا اما كده يا مايشتغلش معاه ومايبقاش في المواصفات اللي عاصي طالبها).

عبد الرحيم: تحت امرك ياعاصي بيه
عاصي: تاخد البت دي وانت عارف هتاخدها فين
عبد الرحيم: (وطي راسه وهو بيغمض عينه) اكيد عارف ياعاصي بيه
الجد: اتقي الله فيها وفينا يابني كفايه ذل وعذاب لحد كده
عاصي بص وراه لعبد الرحيم وعبد الرحيم فهمه من نظره واحده
(وطلع المسدس ورفعوا على ابو عاصي)
الاب وهو قاعد على الكرسي المتحرك
الجد: بترفع السلاح على ابوك ياعاصي.

عاصي: (وطي وقعد في مستوي باباه بنظره شر وهو بيبص في عنيه)
عاصي: وارفعه على اي حد يعارض كلمتي. شايف اللي ورايا ده. ده مش بني ادم زينا ده عباره عن أله بينفذ اللي اقوله وبس
عاصي قام ووقف
عاصي: عبد الرحيم اضرب كتفك بالنار.

البودي جارد عبد الرحيم من غير ما يفكر قلب المسدس اللي كان رافعه على ابو عاصي وحط المسدس على كتفه وضرب نفسه بالنار ومن غير ما يتحرك ولا حركه كتفه بقي يجيب دم وفي نفس الوقت كان ماسك بأيده التانيه البنت من شعرها
(عاصي ضحك ضحكه ظهرت جنب شفايفه).

عاصي: شايف اللي ورايا ده. ده لو قولتله ولع في نفسك بجاز هيولع في نفسه من غير ما يفكر عشان كده ماحدش يخالف اوامري مره تانيه عشان انتوا عارفين اللي هيخالف اوامرى بعد كده هيجراله اي.

عاصي زرر زرار الجاكيت الاسود بتاعه وطلع والبودي جارد اخد البنت وطلعها وراه وغالب وابو عاصي بقوا يتفرجوا عليه بذهول عاصي كل يوم جبروته بيقوي عن اليوم اللي قابله كل يوم العنف والغضب اللي جواه بيزيد ما بيقلش
غالب: وبعدين ياجدي هنعمل اي احنا لازم نقفله انت هتسكتله.

الجد: هنعمل اي يابني عاصي مريض نفسي عايزني وكل اللي هو فيه ده مرض نفسي اروح ابلغ عن ابني. انا ماخلفتش غيره هو ابوك الله يرحمه اروح في ابني السجن ولا ارميه في مصحه. ولو انا بلغت عنه تفتكر هيسيبني اديك شوفت البودي جاردات اللي عنده عاملين ازاي بيموتوا روحهم من كلمه منه يعني لو أمرهم يقتلوك او يقتلوني مش هيترددوا لحظه احنا مانقدرش نعمل حاجه مع عاصي ياغالب يابني.

غالب: (بدموع ضرب ايده على الحيطه) حرام والله حرام البت دي ذنبها اي يتعمل فيها اللي بيعمله ده
الجد: نصيبها يابني نصيبها كده.

عاصي ركب عربيته والبودي جارد عبد الرحيم اخد البنت ووداها كوخ في جنينه الفيلا وقفل عليها البنت بقت تصوت وتصرخ
البنت: افتحولي الباب. انا عايزه امسي من هنا ماليس دعوه عايزه اروح لماما
عبد الرحيم قفل الباب وربع ايده والدم كان بينزل من كتفه بس طبعا مايقدرش يتحرك الا بأذن عاصي بيه لما يرجع من الشركه
عاصي بني ادم محبوب جدا لبق قدام الناس والشركه كلها بتحبه من كبيرهم لصغيرهم محدش في الشركه بيكرهه.

عاصي: (بايتسامه)صباح الخير ياعم رمضان
عم رمضان (الفراش): صباحك فل ياعاصي بيه
قهوتك المظبوطه جاهزه وعليها وش بيضحك زي وشك البشوش اللي الضحكه مابتفارقهووش
عاصي: (بضحكه مصطنعه) تسلملي ياراجل ياطيب
ناديلي السكرتيره وانت خارج واعمل حسابك بكره ان شاء الله هتاخده كله اجازه ده غير مرتب شهرين مني عشان فرح بنتك
عم رمضان: (بفرحه) ربنا يكرمك يابني ويطولنا في عمرك ياقادر ياكريم
عم رمضان طلع والسكرتيره دخلت.

السكرتيره: اذستاذ عاصي وصلتلنا الايميلات دي النهارده ولازم ترد عليها
عاصي: اه طبعا. طبعا.
(السكرتيره قفلت الباب)
عاصي: وحشتيني
السكرتيره: وانت كمان اوووووي.

السكرتيره بدلع
السكرتيره: عاصي وطي صوتك مش كده حد يسمعنا وانت بتقولي وحشتيني
عاصي: مايسمعونا حد لي عندنا حاجه يا امال
امال: لاء مالهومش وانت كمان وحشتني اوي
(فجاه الباب خبط)
رجعت بسرعه مكانها وبعدت عن عاصي دخل احمد اللي بيشتغل عند عاصي في الحسابات
احمد: اذستاذ عاصي صباح الخير
عاصي: صباح الخير يا احمد اتفضل اقعد.

احمد: انا كنت جاي لحضرتك عشان اخد اجازه انا وامال الشهر اللي جاي اسبوعين عقبال حضرتك فرحنا الشهر اللي جاي
عاصي: (بابتسامه مصطنعه) مبرووووووك فرحتلكم اوي من قلبي امال بنت على خلق
امال (السكرتيره): متشكره جدا يا اذستاذ عاصي
عاصي: واعمل حسابك يا احمد تكاليف الفرح كلها على حسابي بمناسبه جوازكم
احمد: (بفرحه) متشكر. متشكر يا عاصي بيه
احمد اخد امال وطلعوا بره.

احمد: عاصي بيه ده حته سكره انا ماشفتش زيه في حياتي قد اي هو متواضع وبيحب يخدم الناس ربنا يكتر من امثاله
امال: عندك حق ده كويس اوي
عاصي كلم بتاع الحسابات انه يجيله
عاصي: بقولك يامحمود
محمود: اؤمرني ياعاصي بيه
عاصي: عم رمضان الفراش هيجيلك عشان ياخد مرتب شهرين انا امرتله بيهم
محمود: وطبعا هقوله ان الخزنه مافيهاش فلوس وانه لازم يستني وبعد فرح بنته هنقوله خلاص البت اتجوزت.

عاصي: (بنظره خبث قعد على طرف المكتب وولع سيجارته ورمي الولاعه على المكتب)
عاصي: بالظبط كده
محمود: طب وليه بتعمل كده
عاصي: عشان انا الشيطان بحب ادي الامل للناس واخده منهم
محمود: وفي نفس الوقت تبان قدامهم انك ملاك بس الظروف خارجه عن ارادتك
عاصي: ابتديت تفهمني. وياريت ماتفهمنيش اكتر من كده انت عارف مدير الحسابات اللي قبلك لما فهمني اوي جراله ايه
محمود (بخوف): عارف. عارف ياعاصي بيه انا اسف حقك عليا.

عاصي خلص شغله ورجع البيت بالليل ودخل على طول على الكوخ والبنت كانت لسه بتصوت وتصرخ زي عادتها.

غالب كان في الفيلا وهي في الكوخ بس كان سامع صوتها كان بيحط ايديه الاتنين على ودنه عشان مايسمعش صريخها وانها بتستنجد بحد يلحقها غالب بقي بيبكي بس مش عارف يعملها اي مجرد ما يقرب للكوخ هيموت وهيسيب جده لمين لو مات.

(البنت وهي بتصرخ عاصي وقف للحظه قرب منها وشم ريحتها استغرب).

عاصي: (قام وقف) الريحه دي مش غريبه عليا الريحه دي ماشمتهاش من 13 سنه
عاصي بقت عينه تروح شمال ويمين وهو مش مصدق انه شم الريحه دي مره تانيه
عاصي: (زي مايكون حس بحاجه غريبه)
مسك دماغه وبقي حاسس جوه دماغه بصداع رهيب وعنيه بقت تطلع لفوق ونن عنيه اختفي وبياض عنيه بس هو اللي كان موجود
البنت بعدت عنه وبقت تستخبى ورا السرير.

وعاصي مسك دماغه والصداع هيفرتك دماغه حرفيا لبس وطلع بره واول ما طلع بره زي ما يكون بياخد نفسه.

البودي جارد: ارمي جثتها زي اللي قبلها
عاصي مسكه من التي شيرت بتاعه بكل غيظ وهو دايس على سنانه
عاصي: لاء دي لاء. دي ما تطلعش من هنا انت فاهم
عاصي مشي وركب عربيته السودا ال jeep ومشي باسرع ما عنده وهو مش مصدق انه شم الريحه دي مره تانيه دي مش ريحه برفان دي ريحه بني ادم كانت في جسمها هو عارف الريحه دي كويس.

وقف العربيه قدام برج كبير ونزل من العربيه واول مره البواب يسلم عليه وهو مايضحكش في وشه زي ما بيعمل كل مره طلع الاسانيسير وبقي يدوس على الزرار وايده بتترعش.

واخيرا وصل للشقه بتاعته
وفتح الباب بالمفتاح واول ما دخل بقي يكلمها
عاصي: (بعصبيه) انتي. انتي طلعتيلي تاني. انتي رجعتيلي تاني صح. انتي رجعتي من الموت. ولا انتي اصلا عايشه. ايوه انتي عايشه
(ضرب على قلبه بأيديه)
انتي عايشه هنا. (شاور عليها) ولا هنا. انا شميت ريحه جسمك مره تانيه في واحده غيرك. انا. انا هشهد الدكتوره عليكي. اشهدي يادكتوره طلعتلي تاني بعد ما ماتت.

الدكتوره كانت متربطه من ايديها وبوقها محطوط عليه لزق
شال اللازقه من على بوق الدكتوره.

عاصي: (بجنون وتوتر وعصبيه والعرق بينزل منه) مش. مش قولتلك. مش قولتلك انها عايشه مش ميته
بص جنب الدكتوره وراح ضارب اللي جنبها بأيديه وقعها في الارض
عاصي: انا عارف انها عايشه انتي اللي بتحاولي تقنعيني انها ميته
عاصي بقي يضرب في اللي جنب الدكتوره بكل غيظ
الدكتوره: (بدموع) ولا هترد عليك في يوم. ولا هتنطق معاك ابدا.

عاصي: (بزعيق وغل وغيظ) ليه مش هتنطق ليييييه. هتنطق لااااازم تنطق عشان اللي بتضرب فيها دي مش بني ادمه زينا دي (بزعيق) دي مانيكااااااااااااان (نوع من انواع العرايس اللعبه)
انت اللي عملها على شكلها
ارحمني بقي وسيبني امشي بقالك خمس سنين حابسني هنا
عاصي: مانيكان.