عجبتك صور جوزك وهو في مع مراته الجديدة
جاتلي الرسالة دي علي الواتس مع صور لجوزي شريف جمبه واحدة تانية في مزة بصراحة …يا ابن الايه يا شريف وقعت عليها فين دي …الغريبة أنها بصتلك واتجوزتك وبتحارب عشانك دي عبيطة دي ولا ايه …يالا اللي رمته الهانم تاخده مساحة السلالم أنا مالي ….
فجأة عينيا توسعت وانا ببص وقولت
يا ابن الكلب يا شريف مقعدها في الشاليه اللي دفعت نص فلوسه ….يالهوووي دي لابسة بيجامتي الزرقا يع أنا مبحبش حد يلبس مكاني …وديني لاربيك يا عرة الرجالة …ازاي تخليها تلبس بيجامتي …مصيبتك سودا لو خليتها كمان تشرب من مج كرة البعبع اللي أنا اشتريته ….ده انت يومك رمادي معايا وكل الالوان الغامقة …لبست هدومي بسرعة ونزلت وانا مقررة اخد اول اتوبيس واروح الغردقة قابلتني سهير اختي علي السلم عشان هي عايشة تحتي …
بسم الله الرحمن الرحيم …رايحة فين كده يا مچنونة …
قعدت أنهت واقول
شريف اتجوز عليا حرباية بشعر اصفر لابسة …
قاطعتني وهي بتصرخ وبتمسك أيدي وتقول
يقطعه الواطي …عيطي يختي متكتميش في نفسك ….كلهم مصطفي ابو حجر ….
نفخت بضيق وقولت وانا بزقها
ابعدي انتي كمان بلاش دراما ….عايزة الحق البيجاما الزرقا والمج بتاعي
وبعدين جريت …وقفت سهير وبصت پصدمة وقالت
بيجاما ومج …هو ده اللي هامك…عوض عليا عوض الصابرين يارب …
ركبت اول اوتوبيس رايح الغردقة وبعد ساعات وصلت … اخدت تاكسي وروحت علي الشالية بسرعة ….رنيت علي الجرس جامد لحد ما شريف فتحلي
اه يا حيوان ..
قولتها علي وشه لحد ما رجع لورا پصدمة وصړخ وقال
يا بت المچنونة….
ولسه هدخل….
مسك أيدي جامد وهو بيضحك بإنتصار وبيقربني منه …وقال
ياه اخيرا
بصتله بحيرة …مچنون ده ولا ايه بالضبط …مش باين عليه الخۏف مني جديدة دي. . بس الحق عليا أنا اللي اتهاونت معاه …كان لازم اديله علي دماغه من الاول عشان يعرف مين هي نادية …بس عشان أنا طيبة بيعمل معايا كده !!!
مالك يا عم سيبني
ابتسم وقال
اخيرا …اخيرا شوفت غيرتك عليا كنت عارف ان مش هيخليكي تغيري الا انثي زي كارمن عشان كده اتجوزتها …
زقيته وقولت
يا عم اتنيل أنا جاية هنا عشان البيجاما بتاعتي الزرقا …
بعد عني وقال پصدمة
يعني انتي مش غيرانة …
يا عم ابعد بقا اشوف السحلية اللي لابسة البيجاما بتاعتي دي !!
زقيته وانا بدور علي الحرباية اللي اسمها كارمن …ايه كارمن ده اسم صابون!!
فجأة لقيتها خارجة من اوضة النوم وهي بتتاوب بس بهتت لما شافتني بعدين ابتسمت بخبث وقالت
ايه ده انتي جيتي هنا …اهلا يا حبيبتي …بجد لطيف منك انك تيجي وتباركيلي يا نادية شريف قال إنك صاحبة واجب …
بصيت پصدمة
↚
لبيجامتي اللي لابساها وقولت
وكمان لسه لابسة بيجامتي وبهدلتيها …
وبعدين جبتها من شعرها وقعدت اضرب فيها
لا اله الا الله
صړخ شريف پخوف. هو شايفني بفترس كارمن !!
الجزء التاني
شكرا علي تفاعلكم السكربقلم سولييه نصار
سيبيها حرام عليكي
صړخ شريف وهو شايفني..بس مسمعتش كلامه وانا پصرخ
لسه لابسة البيجاما بتاعتي يا حيوانة انتي تلاقيها اتبهدلت من عرقك يا معفنة …
اه سيبي شعري يا متوحشة انتي
ضحكت بشړ وقولت
اسيب شعرك ايه ده انا هنتفه زي الفرخة يا حيلتها …لفيتي علي جوزي قولنا ماشي …اتجوزتيه قولت كلب وغار وانا الكسبانة والله يكون في عونك …سكنتي في الشاليه بلعتها…لكن بيجامتي لا ده انا اصور هنا …فاكرين انك انتو وأبو سحلول ده هتأكلوا حقي اكمني طيبة ومليش ولا قريب ولا حبيب ولا غريب …لا يا حبيبتي ده انا اضربك انتي وجوزك …
جه شريف وحاول يشليني زقيته جامد لحد ما وقعته ورأسه اتخبطت في الترابيزة …..
مسكت شعر كارمن تاني وقولت
بت انتي هتخلعي البيجاما
حاضر والله
قالتها وهي پتبكي ..
وكمان هتغسليها
حاضر بس سيبيني بوظتي شعري لسه كوياه …
مسكت شعرها الأصفر بقرف وقولت.
وايه يا اختي اللون الفاقع ده عاملة زي لمبة الفرح ….ماله الشعر الأسود نفسي اعرف …
بكت ومردتش عليا من الألم …مصمصت شفايفي وقولت
بعدين ايه كارمن دي
ده اسمي
زعقت فيا
مسم اسمك ده ولا اسم صابون مواعين
لا اسمي ولو سمحتي قومي أنا بنت ناس كفاية كده…
قومت وانا بشدها تقوم تقف وقولت
↚
يالا بقا اخلعي البيجاما …
مسكتها پخوف وقالت
حاضر هدخل اخلعها
وتطلعي تغسليها علي ايدك وانا هشرف عليكي فاهمة
هزت راسها پخوف…
دخلت جري فروحت لشريف ومسكته من هدومه وقولت
فين المج بتاعي
ايه !!
فين مج كرتي البعبع اللي اشتريته بمية جنيه لاصور قتيل هنا
خاف مني وقال
والله ما حد لمسه قاعد في النيش
روحت اشوفه في النيش وطلعته بصيت ليه بحب وانا بشوف رسمه كرة البعبع بوسته براحة وقولت
الحمدلله يا حبيبي محدش شرب منك …
روحت رجعته مكانه … وانا رايحة للحرباية الصفرا عشان تغسلي البيجاما …
…..
بعد شوية كنت واقفة وانا باصلها بشړ وهي بتغسل البيجاما في طبق الغسيل
اغسلي كويس يا كرم انتي
اسمي كارمن
What ever
كده كويس …
عرضته عليا وهي بتبتسم بتوتر …رفعت حواجبي وقولت
فيه بقعة صغيرة علي الكم اغسليها كويس وحطي داوني عشان تبقي ريحته حلوة ..
حاضر
بعد ما غسلت البيجاما بتاعتي راحت تنشرها وانا رن تليفوني ولقيتها اختي سهير
دخلت اوضتي عشان اكلمها براحتي
ها يا بت طمنيني عليكي …قلبي واجعني عليكي يا نادية
متقلقيش يا سوسو حليت المشكلة من غير أضرار المج متشربش فيه والبيجاما اتغسلت …
مج ايه وبيجاما ايه يا بت
↚
متشلنيش….جوزك اتجوز عليكي وتقولي مج وبيجاما …مين الاهم بالضبط
البيجاما
ايه
ايوة البيجاما بتاعتنا بس شريف مش بتاعنا
سلام سلام ده انتي هتجيبلي الشلل…
قفلت سهير …وطلعت علي المطبخ عشان اشرب لقيت كارمن واقفة علي الحوض …لسه هسألها اټصدمت لما لقيت الحوض مليان مواعين ودهون والمج بتاع كرتي البعبع عليه
ايه ده …المج بيعمل ايه هنا
صړخت بفزع …حسيتها اټفزعت وقالت پخوف
انا شربت نسكافيه فيه وبعدين هغسله…
بصتلها
وبعدين مسكتها من شعرها ودخلت رأسها في الحوض!!!!
وقولت
يا بجاحتك!!!
الجزء التالت شكرا علي تفاعلكم السكربقلم سولييه نصار
بتشربي من المج بتاعي
زعقت فيها بشړاسة وانا…حسيتها هتمۏت مني …سيبتها فلقيتها واقعة علي الأرض واغمي عليها ووشها مدهن ومزيت ….
يع
قولتها وانا قرفانة بعدين بصيتلها لقيتها مش بتتحرك
يا مصېبتي دي شكلها ماټت!!
قعدت جمبها وقعدت اهزها وانا بقول
بس يا كارمن اصحي يا بت متلبسنيش مصېبة …اصحي وهديكي البيجاما الزرقا خالص مش عايزاها…طب هديكي فنجان كرتي البعبع ابو مېت جنيه مش خسارة في أهلك ….
بس برضه مكانش فيه اي رد فعل …يا مصېبتي ياني يامه…البنت شكلها ماټت…هروح السچن يالهووي ….ازاي هنام في السچن ومفيش تكييف ھموت من الحر كده ..
قعدت اهز في كارمن وبقول
اصحي يخربيتك اصحي مش عايزة انام في الحر
شوفت عينيها بترمش ودمي فار الهانم بتضحك عليا بس قررت أمثل وقولت بحزن
خلاص مفيش امل غير اني اعملك تنفس صناعي
ولسه هقرب عليها قامت صړخت وقالت
لا يع …يع متعمليش
مسكت الشبشب ونزلت فيها ضړب وقولت
بتمثلي عليا يا بت بعد ما طفحتي من مج كرتي البعبع
لا خلاص والنبي اخر مرة والنبي ما تضربيني
جه شريف جري وهو بيشيلني من عليها وبيقول
↚
هتمۏتي البت يا مفترية حرام عليكي منك لله
شربت من المج بتاعي.
قولنا اسفة الله متقرفيناش
قالتها وهي بتزعق أثناء ما هي نايمة علي الأرض ووشها متبهدل
دي بتتنرفز عليا
صړخت وانا بحاول أفلت من شريف بس هو مسكني كويس وقال
حرام عليكي اتقي الله
تغسل المج
هتغسله
وتطهره كويس عشان انا بقرف افرض بوقها مليان أمراض ولا حاجة
قامت كارمن وقالت
ليه أن شاء الله شايفاني جربانة
انتي اسكتي …أنا بتكلم معاه….شريف تغسلي المج احسنلها والا هقص شعرها الحرباية الصفرا دي
هتغسله يا حبيبتي بس اهدي شوية
بصتلهم بقرف وقولت
رايحة ارتاح من السفر لاني تعبت ويارب حد يصحيني
روحي يا حبيبتي ربنا ياخدك
قالها شريف بصوت واطي
بصتله بشك وقولت
بتقول حاجة يا حبيبي
لا يا حبيبتي بقول ربنا يكرمك روحي ارتاحي…
روحت انام وسيبتهم …
قرب شريف من كارمن وقال
بجد انت آسف …أنا
زقته وصړخت
ابعد منك لله انت ومراتك
وبعدين قامت فزعق شريف وقال
جرا ايه يا كارمن
↚
هو انتي اتلسعتي من الشوربة وجاية تنفخي في الزبادي ايه الافترا ده !!!
انت تسكت كل ده بسببك …يا بابا دي مينفعش معاها غيرة دي جبلة ده المج اغلي منك الله يعينك بصراحة …أنا هلم هدومي يا ابن الحلال وامشي من هنا انا غلطانة اني عملت المسرحية السخيفة دي معاك ….تغور شغلة السكرتيرة اللي انت ذالل اهلي بيه …
ولسه هتمشي … مسكها شريف وقال
اهد…
بس هي مسكت غطا الحلة وضړبته علي رأسه واغمي عليه ….
يا مصېبتي قټلت الراجل ….ناااااادية الحقيني أنا قټلت شريف!!
الجزء الاخير
شكرا علي تفاعلكم السكربقلم سولييه نصار
انا !!!!!
كنت لسه هنام لما صړخة كارمن خليتني انط من السرير …طلعت من الأوضة جري لقيت كارمن بتجري في الصالة وهي بتلطم …مسكتها وقولت
مالك يا بت
شريف
لطمت وقولت
هتدخلي السچن يا منيلة
قعدت كارمن تبكي وتلطم . فمسكت أيدها وقولت
مټخافيش يا بت احنا ستات زي بعضينا والنساء للنساء برضه مش هرضالك الاذي….
مسحت كارمن دموعها وقالت
هنعمل ايه طيب نطلب الإسعاف
اسعاف مين يا هبلة عايزة تودينا حبل المشنقة …لا احنا هنجيب ساطور وكياس سودا
بس متكمليش ..
استني بس هنقطعه ونحطه في كياس
يا مصېبتي السودة يا ناس
قالتها كارمن وهي بتنط وتلطم وتقول
وقفت في واحدة سايكو …يا ولية ده جوزك
الله وهو قدر يعني ده لبسك البيجاما بتاعتي الغالية وهو عارف اني بحبها انتي عارفة دي بكام جبتها ب٣٠٠ جنية وكانت عرض معاها شبشب بوردة وتوكة
ايه ده بجد …تعرفي أن خامتها حلوة اووي ورخيصة كمان أنا اشتريتها بأكتر من كده ب٤٠٠ باين لجهازي بس مكانش معاها شبشب ولا توكة…
بجد لا دول ضحكوا عليكي ده الشبشب بتاعه خطېر متعرفيش انتي مريح كده بالذات لو بتغسلي مواعين وفي وردة كبيرة لونها موف بجد حلو للاسف حاليا في القاهرة والله كنت ورتهولك …
ضحكت كارمن وقالت
يا ستي ازورك واشوفه
مسكت أيدها وطبطبت عليا
حبيبي يسطا والله تنوري في اي وقت بس نخلص من الچثة الاول عشان الكلام اخدنا
چثة ايه
صوت شريف اللي جه جمبنا خلانا نصرخ ونجري …بصينا لشريف وقولتله
انت مموتش
انتي كنتي ناوية تتخلصي من چثتي
ايوة اكيد يعني مش هنسييها هنا الشالية يتوسخ
مسك شريف قلبه وقال
اه علي اللي ھټموټني ناقص عمر…يخربيتك أنا جوزك ازعلي شوية …طب ازعلي حتي اني اتجوزت عليكي
يا اخويا أنا الكسبانة …
هز شريف رأسه وقال
والله ما مصبرني عليكي غير اني انا بحبك غير كده كنت طلقتك وخلصت منك …
يالا طلقني وادفع المؤخر فيه شوية اطقم ھموت عليها
بعدين بصيت لكارمن. قولت
مقولتلكيش بقا علي شوية الفساتين اللي عيني عليهم حلاوة حاجة كده خيال تعالي معايا وننقي مع
↚
بعض …
لسه كارمن هترد بحماس …صړخ شريف وقال
اخرسوا انتوا الاتنين
بعدين راح لكارمن وقال
يا بت أنا متفق معاكي انك تخليها تغير ايه اللي بتهببيه ده يخربيت امك …
ما هو …
اسكتي خالص …
ابتسمت بإنتصار وقولت
والله كنت عارفة أنها لعبة من العابك يا شريف …يا بني اهمد واعرف اني مخي اكبر من كده
كان نفسي احس بحبك يا نادية …احس اني مهم …
ابتسمت وقربت منه ومسكت ايديه وقولت
طيب ما انت مهم والله عشان كده عارفة أن دي لعبة منك …أنا حافظاك يا شريف اكتر منك …يالا نقعد ونسمع فيلم…فيلم hitman زمانة جه دلوقتي علي mbc2 نتفرج عليه مع بعض اي رايك
ضحك وقال
عمرك ما هتتغيري
صړخت كارمن من الفرحة وقالت
اخيرا وانا رايحة احضر الفشار …
وجريت علي المطبخ …
بصيت له وقولت
مين دي صحيح
دي بنت غلبانة جات عشان تشتغل سكرتيرة في شركتي وعرضت عليها المسرحية دي عشان تشتغل
وانت ناوي تشغلها
اكيد
برايي عذبها شوية
ليه يا مفترية
شربت من المج بتاعي
ضحك شريف وشالني وقال
يا ستي مش مشكلة أنا هجيبلك مج غيره لكل شخصيات ديزني
هيييه بحبك يا كرتي البعبع
وانا اكتر يا شعنونتي
تمت
التعليقات