رواية غرام نمر الصعيد يونس وغرام الفصل السادس وعشرون والسابع وعشرون والثامن وعشرون والتاسع وعشرون والثلاثون الأخير بقلم نرمين حمدي

 

رواية غرام نمر الصعيد يونس وغرام الفصل السادس وعشرون والسابع وعشرون والثامن وعشرون والتاسع وعشرون والثلاثون الأخير بقلم نرمين حمدي

رواية غرام نمر الصعيد يونس وغرام الفصل السادس وعشرون والسابع وعشرون والثامن وعشرون والتاسع وعشرون والثلاثون الأخير بقلم نرمين حمدي

#غرام_نمر_الصعيد

سيف: ااا وهو في واحده تتأسف لما تحضن جوزها 

ورد بتتكسف: اا افهم من كدا انك هتدي لعلاقتنا فرصه 

سيف: انا ممكن انسي كل الي فات بس لو كنتي انتي نستيه بجد

ورد: وربنا نسيته ودلوقتي انا عايشه ليك ولدارين وبس 

سيف بيبتسم: اتمني ياورد 

ليقاطعهم مجئ دارين وبتجري علي سيف وسيف بيشلها: يابت اتهدي 

ورد: تعالي يلا خدي شاور 

سيف بينزلها من هنا وهي بتجري في الاوضه من ورد 

وورد بتجري وراها: مهو يانا يانتي انهارده

سيف بيراقبهم وهو مبتسم لحد مبيجذب ورد ليه: الظاهر اني هبجي أب لبنوتين انتي بتلعبي اكتر من دارين نفسها

ورد بتتكسف لان مفيش مابينها وبينه الا بعض السنتيمترات القليله: احم بنتك قاعده 

سيف وهو باصص لعنيها: دارين كلمي جدو ياحببتي

دارين انطلقت للاسفل

سيف وهو تايه في ملامحها وخجلها اقترب من تلك الشفتين وطبع قبله لتبدأ بها قصه عشقهم الابدي سيف ظن انه سيكتفي بتلك القبله ولكن تلك القبله جذبته اكثر وجعلته اكثر جنونا حتي جذبها علي الحائط محاوطها بزراعه ويده الاخري علي وجهها حتي شعرت بيده تنزل لها ملابسها لتبتعد عنه ورد: سيف لو سمحت انا مش عايزه يحصل حاجه بينا إلا لما تحبني ذي ماانا حبيتك مش عايزه احس اني مجرد زوجه وبتديها حقوقها وخلاص كدا

سيف: ومين جال اني محبتكيش احنا متجوزين بجالنا شهر وكل يوم كنت بتعلج بيكي اكتر من الي جبله 

ورد: لا مش كفايه انا عايزه قلبك يبقي كله ليا 

******

صباح: عدي شهر علي العمل مش كفايه كديه

=مستنياكي تكتفي من عذابها

صباح: واكتفيت بردت ناري 

=يعني ننهي الموضوع

صباح: انهيه لو سمعت خبرها انهارده ليكي عندي هديه كبيره جوي

=اعتبري الموضوع خلص

*****

في السرايا

الكل كانوا متجمعين وغرام حبت تنكش يونس فاتفقت هي وورد علي سؤال معين

ورد: اا قوليلي ياغرام حبيتي حد قبل كدا

غرام بكل ثقه قدام يونس: بصراحه لا محبيتش مجاش الي يخليني احبه

العيله كلها بتتفرج وعارفين انها بتستفز يونس ويونس بيتفرج عليها ليقف فجأه وهي تلف ورا الكنبه: بس جيه الي هيخليكي تكرهيه

غرام مره واحده وقعت وبقت تصرخ بس المرادي كان الم غير كل مره كان الم مشافتهوش قبل كدا ولا هتشوفه كل الي عدي عليها كوم والالم دا كوم تاني خالص الكل بقي مصدوم من صراخها بقوا يجرو عليها ومش فاهمين اي الي بيحصلها غرام: ااااااااااااااااااه روووووحي بتطلععععع يااااااارب امووووت مش قادره ياااااارب موتني بقي انا تعبتتتتتتتت الحقووووووووني بمووووووت ااااااااه والحاله اطورت وبقت بتكح د*م

يونس جري عليها وبقي مش عارف يعمل اي شالها وحري بيها علي العربيه

جليله بعياط: ياحبيبتي يابتي انشالله انا وانتي لاااا ياغرام 

الكل بقي يعيط من الي شافوه لسه كانت زي الفل وبتتنطط 

ورد وهمس بيعيطوا 

وفريده وصباح مبسوطين ومزاجهم بقي عالي وهي بتصرخ وبتتألم قدامهم 

الكل جري علي العربيات وراحوا ورا يونس وغرام

***

غرام بتخبط في العربيه: خلاااااااص يايونس هي خلصت اناااا بموووت 

يونس ايده وجسم*ه بيترعشوا من الخوف عليها: اهدي ياغرام هتعدي ذي كل مره وكل حاجه هتبجي تمام

غرام: لحدددددد امتتي يايونس لحد امتي هفضل في العذاب داااا وقف العربيه والله مهلحق يايونس وقفها عشان خاطري

يونس زود السرعه: مش هسيبك تضيعي مني انا مصدجت لجيتك مش هسيبك ياغرام

لحد موصلو المستشفي شالها بسرعه وفضل يزعق: دكتووووور مراتي هتروح مني دكتوووووور ياولاد ال****

الدكتور شاف غرام وهي بتصرخ بالطريقه دي هو نفسه اتخض وزعق: علي الطوارئ بسرعهههههههه

الممرضين دخلوها والباقي مستنين برا يونس رجله مش شيلاه وساند بايده علي الحيطه 

الدكتور خرج

عتمان: هاااا غرام فيها ايه

الدكتور: والله احنا لدلوقتي معرفناش السبب اديناها بنج عشان تهدي الصريخ دا 

يونس بكل غضب مسكه من قميصه: هو ايه الي مش عارفين السبب امال انا الي اعرفه ولا ايييييييه فهمننني

الدكتور: انا مقدر الحاله الي حضرتك فيها بس لو سمحت اتمالك اعصابك الحاله غريبه ومحتاجه وقت

ولو سمحتوا عايزين حد واحد بس يفضل هنا 

يونس: انا انا الي هجعد

ورد: يايونس انت تعبان روح ارتاح شويه وخليني انا معاها هنا

يونس قعد وبيرجع شعره لورا بتعب: لاه مش هسيبها 

سيف: اسمع الكلام يايونس ارتاح وبعدين تعالي تاني

يونس: سيبونييييي سيبوني انا مرتاح هنيه

عتمان صعبان عليه يونس وغرام: خلاص خلاص سيبوه واحنا هنبقي نيجي تاني يلا يلا 

*****

عدي 24 ساعه وغرام لسه جوا ويونس برا منامش وطول الليل يفكر فيها لحد مباقي العيله جم 

جليله: هااا ياولدي ايه الاخبار

يونس بتعب: لسه مفيش اخبار

الكل بقي قاعد برا قلقان لحد مالدكتور خرج والكل اتلموا حواليه 

ويونس جري بلهفه: هاااا 

الدكتور بأسف: البقاء لله المدام اتوفت

الدكتور قال الكلمه من هنا ويونس كأنه جبل وقع علي قلبه كسره ميت حته او كأنه حد ضربه بسكينه تلمه وبصدمه: انت انت هتجول ايه انت هتهزر يعني كيف انطجججججججججججججج غرااااااااام اززاي لا لا لا غرام عايشه هي بس زعلت مني عشان طلعت مع فريده هي بتعمل علطول كديه جولها بس يلا يلا وكفياها هزار متجولهاااااااا غراااااااام 

يونس وقع علي ركبه ودموعه نزلت ومش حاسس بحد حواليه: ياغرااااام متوجعيش جلبي ياغراااااااام جومي وانا مش هزعلك وحياتتتتتي عندك تجومي 

عتمان وزين بيحاولو يقوموه 

وورد وهمس علي جنب بيعيطوا وفريده بتضحك بانتصار

يونس قام وكان داخل ليمنعه الدكتور: اوعييييي كديه 

يونس زق الدكتور ودخل 

يونس: غرام يلا جومي احنا هنمشي من هنيه يلااااا كفياكي دلع 

وفجأه فضل يهز في السرير: جوووومي احنا متفجناش علي كديه مجولتيش انك هتسبيني لي ياغرااااام والله مهجدر اتنفس من غيرك جومي كفايه خسرت ابني مش هخسرك انتي كمان كديه كتير والله كتير 

يونس قام وكسر كل الاجهزه عقله مش قادر يستوعب فراقها وفي الاخر في جنب وشريط حياته معاها بيتعاد قدام عنيه فرحها وزعلها وغيرتها وضحكتها وكل حاجه دموعه بقت تنزل وهو مش حاسس بنفسه ولا حاسس بالي حواليه: ياغرااام لي كديه توجعلي جلبي عليكي لي تسبيني وهتسبيني لمين انا كنت ضايع من غيرك ورجعت ضايع تاني لي ياغراام جوممي

#غرام_نمر_الصعيد

الدكتور كان هيغطي وشها بالغطا

بس يونس جري عليه وزقه: اوعييييي  كديه غراام ممتتش ايااااااك تعمل كديه كفايه ياغرام انتي يعني بتعاقبيني طيب خلاص حجك عليا يلا جومي انتي وعتيني انك مش هتسبيني بتخلفي بوعدك لييييييييي

جووووومي ياغرام كسري السرايا كلها وكسري الشركات عاوز اشوف الغيره في عنيكي ذي زمان مش هزعل لو كسرتيلي اللابتوب تاني بس متكسريش جلبي كديه.. طيب جومي وطلعي هدومي كلها وولعي فيها بس متسبنيش في حاجات كتير لسه معملنهاش سوا انا محضرلك حاجات كتير حلوه لسه مفرحتيش بيها جومي ياغرام انا عارف انك بتعاقبيني مش بالطريجه دي

الكل بقي باصص ليونس علي الحاله الي وصلها وهو بيكلم غرام ويمسح علي شعرها ودموعه بتنزل الي عمره مدموعه نزلت طول حياته

الممرضين حاولو يغطوا وش غرام 

يونس بغضب: الي هيجرب منها مش هيصبحلو صبح ابعدووووووو عنهاااا غراااااام جومممممي عايزين ياخدوكي منييييي 

زين وعتمان وسيف بقو ماسكين يونس عشان الممرضين يشوفو شغلهم ويونس بيقاومهم وبيزعق: ابعدووووو غرااااام والنبي لا ياغرام انا لسه مشبعتش منك انتي وعدتيني ياااااااااارب الصبر من عندك يااااارب جلبي واجعني يارب يارب رجعها وخدني انااااا 

جليله وهي بتعيط علي حال ابنها: كفايه ياولدي هيجرالك حاجه كان مستخبيلنا فين بس دا ياربي

يونس بتعب رجله مقتش شيلاه ووقع علي الارض: وهو بيردد اسمها 

*******

عدي أسبوع علي وفاه غرام والسرايا كلها حزن والدوشه  والبهجه الي كانت عملاها غرام كلهم اختفوا واتحولو لكئابه 

اما عن يونس فاختفي ومحدش يعرف عنه حاجه غير زين وسيف ولا يعرفوا هو فين حاولو يتصلو بيه كتير جدا بس مبيردش علي حد

****

عند يونس 

كان قاعد في الشقه الي اخد غرام فيها وبيفتكر كل ذكرياتهم لدرجه انه بيقعد ينادي عليها ويتخيلها حواليه عقله لدلوقتي مش مستوعب الي حصل   كان قاعد علي الارض وفارد رجليه وفجأه بيدأ ينزل منه دموع: ياااارب يارب خدني عندها الدنيا من غيرها سود*ه والله

********

ورد كانت قاعده علي السرير بتعيط وسيف دخل وقعد جنبها وبيجذب راسها ناحيه صدره

سيف: كفايه ياورد 

ورد بعياط: يونس فين ياسيف

سيف: سيبي يونس في الي هو فيه دلوجتي

ورد بتطلع من حضنه: والنبي ياسيف عشان خاطري عايزه اطمن عليه

سيف بيمسح علي شعرها: ااا انا معرفش هو فين بس اكيد محتاج يجعد مع نفسه شويه الي حصل مش سهل يتجبله ياورد

ورد: الي حصل كان صعب علينا كلنا وحرام يفضل قاعد لوحده اسبوع منعرفش عنه حاجه وانا متأكده انك تعرف مكانه ياسيف

سيف: حتي لو اعرف مش هجول عشان هو مش عايز حد يعرف مكانه كل الي احدره اجولهولك انه محتاج يبعد عن الناس ويجعد مع نفسه

عدت ايام كتير ويونس معتزل العالم وقاعد هو وذكرياته مع غرام لحد مقرر انه يفوق  ويعرف مين الي ورا كل دا يونس رجع للسرايا والكل كان فرحان برجوعه خاصه فريده: حمدلله ع السلامه ياحبيبي 

سيف:  ايوا كديه ياراجل فوج وريح اعصابك شويه

جليله: نعمه حضري الوكل بسرعه

يونس: هاتيهولي علي فوج يانعمه

نعميه: تحت امرك يايونس بيه

فريده ويونس طلعوا اوضتهم 

فريده: انسي ياحبيبي خلاص غرام نصيبها كدا انسي وانا جنبك ومش هسيبك 

يونس بصلها وابتسم بتعب

فريده: انا داخله اخد شاور علما نعيمه تجبلك الاكل

وبعدها بدقايق نعيمه جات ومعاها الاكل 

نعيمه وهي بتتلفت حواليها: يونس بيه انا في حاجه كديه كنت عايزه اجولها من زمان بس مجاتش فرصه

يونس: هي ايه دي

نعيمه: حضرتك طلبت مني اني اراجب تصرفات ست فريده(وهنعرف لي) وفي يوم كديه لجيتها بتعمل حاجه غريبه انا مش عارفه هي كانت بتعمل ايه بس صورتها فديو 

يونس: ابعتيهولي بسرعه

نعيمه بعتتلو الڤيديو وعرف ان كان معاها شريط حبوب وحطته في عصير غرام فقرر انه يدور علي اي حاجه توصله للحبوب دي فضل يدور في الادراج وفي كل حته وفي هدومها لحد موقع الشريط علي الارض فأخده وشافه وبعت الصوره لدكتور صديقه وعرف انها حبوب اجهاض فضل واقف مصدوم يعني غرام مسقطش قداء وقدر 

وهو وباصص علي الارض لاحظ في شريحه واقعه بش مدلهاش اهتمام لحد مخرجت فريده وحضنته من ضهره: وحشتني اوي يايونس

يونس والدم يغلي في عروقه بيرفع شريط الحبوب: ايه ديه؟!!! 

فريده بتتوتر وقلبها بيدق بسرعه: دا دا 

يونس بيتلفت اليها ويضر*بها قلم وقعها علي الارض وخلاها تجيب د*م من بوقها: ديييييي حبوببببب اجهااااااااض مش كديه يابت ال****

فريده بتزحف لورا وبذكاء: دي دي مش بتعتي دي بتعت واحده صحبتي وقالتلي خليهم عندك 

يونس بيقرب عليها وبيفتح الفيديو قدامها: امال مينننننن دي انتي ولا مش انتتتتتي بتحطيه في عصيرررر غرام بتجتلي طفل ياجااااااادره جبتي الجبروت ديه من فييين 

يونس بكل عصبيه مسكها وضربها قلم تلو الاخر ومسكها من شعرها ونزل بيها علي السلم وهي بتصرخ وبتتسحل علي السلم: اااااااااه الحقووووني يايونس افهمني ابوس ايدك

يونس بيرميها علي الارض وقرب منها وبزعيق: عملتييييي فيها ايه تانننني هاااا

الكل اتجمع حواليهم

عتمان بغضب: اي الي انت هتعمله في مرتك دي

يونس: خد اتفرج وشوف بنت ال***دي عملت ايه

الكل اتصدم لما شاف الفيديو وفضلوا يشتمو*ها وعتمان ضربها بالقلم: ايه السواد الي جواكي ديه يابت ال***

فريده بجبروت: اه انا عملت كدا ولو رجع بيا الزمن هعمل كدا واكتر عشان تبقي عبره للي يفكر ياخد حاجه تخص فريده النمر كنت عايزه احرق قلبها عايزاه يسيبها باي طريقه دي تستاهل كل الي جرالها ومبسوطه ومش ندمانه تستاهلي ياغرااااااام تستاهلي

يونس فضل باصص ومش مصدق كميه الحقد والغل الي في قلبها من ناحيه غرام ووحشته جدا براءاه غرام وقلبها الابيض

يونس للحظه افتكر هو مين الي ليه مصلحه يؤذي غرام غيرها وافتكر التسجيل الي ادهم بعتهوله وجاب رقمه منين وافتكر الشريحه الي كانت وقعت مع الشريط

وطلع بسرعه وجاب الشريحه وحطها في الموبايل وبيقلب فيه ليجد رقم أدهم متسجل عندها وبالصدفه بيتبعت رساله علي موبايله بالرقم بعت صور زين وورد مضمونها الرقم متاح الان

#غرام_نمر_الصعيد

يونس فهم وعرف ان صور زين وورد اتبعتت من الرقم دا الي هو رقم فريده المخفي

بقي واقف والدم بيغلي في عروقه العيله كلها مسلمتش من أذي فريده فنزل تحت وعينه بتطق شراره وطلع المسدس ووجهه ناحيه فريده: وديني لو مجولتي كل حاجه عملتيها من الالف للياء لكون جاتلك وداخل فيكي السجن انا معنديش حاجه اخاف اخسرها تعرفي أدهم من وين انطجيييي

فريده بخوف وهي بتبص للمسدس وخايفه يضرب: من من بعد متجوزت غرام انا اتضايقت وعرفت انها كانت مخطوبه وبتحبه فروحتله واتفقت معاه اننا نخليك تطلقها فلما هي راحتله استغل الفرصه وسجلها بس مكانش ناوي يبعت التسجيل كان بيهددها بس 

يونس بغضب: كملييييي 

فريده اتخضت: وبعدين انا اديته فلوس كتير عشان يبعتلك التسجيل وبعته 

العيله كانو مصدومين صدمه عمرهم 

جليله: انتي اي ياشيخه شيطااااانه 

ورد: دا الشيطان يتعلم منها ياماما

يونس: لا وخدو التجيله مكفهاش غرام لا دي كمان لفت علي ورد وزين وهي الي بعتت الصور

فريده بتهرب: لا محصلش

يونس بذكاء رن علي الرقم الي بعت الصور فموبايل فريده رن: هاااا مشش دي الشريحه الي انتي مخبايها في دولابك برضو ولا ايه

فريده ابتلعت رقيها ببطئ ومش عارفه تخرج من المصيبه دي ازاي

يونس بهدوء مرعب: انا كل ديه ميهمنيش الي يهمني غرام ماتت ازاي  انا متأكد ان غرام ممتتش قداء وقدر كديه مش معجول كل الدكاتره مش عارفين سبب موتها

فريده هنا معرفتش تقول ايه: معرفشش معرفششش

هنا يونس ضغط علي المسدس بس صباح جريت علي بنتها: لااااا فريده ملهاش ذنب

يونس: الله الله وايه كمان

صباح: احنا ملناش دعوه بموت غرام ولا هو اي حاجه تحصل تسببوها فينا

يونس: جدامكم فرصه اما انكم تجولو غرام ماتت ازاي وانا مستعد اسامح وانسي كل الي بتك عملته اما هجتلها بيدي واطفي ناري

يونس وجه المسدس علي فريده وخلاص هيضرب بس صباح بتعيط وبتصرخ: انا السبب انا السبب انا عملتلها عمل بالموت 

هنا الكل قلبه وجعه علي غرام والي كان بيحصلها وهما مش حاسين بيها ويونس افتكر غرام والالم الي كانت بتحس بيه وقلبه وجعه عليها والمسدس بيقع من ايده من صدمته ووقع علي ركبته وراح في دنيا تانيه   ودموعه نزلت غصب عنه وفجأه بنلاقي البوليس داخل ومحاوطين فريده وصباح (يونس كلمهم لما عرف ان فريده قتلت ابنه بس جريمتهم كملت لما اعترفوا بالسحر الي عملوه البوليس كان مستخبي  برا وسمعوا كل اعترافاتهم

البوليس اخد فريده وصباح 

يونس: فريده! 

فريده بصتله

يونس: انتي طالج بالتلاته

فريده بغل: مش مهم كل الي هيجرالي المهم اني قتلتها يايونس خليك فاكر اني قتلت مراتك وابنك 

يونس بغضب مسك المسدس وكان هيضرب عليها بس سيف غير اتجاه المسدس بسرعه: متستهلش تضيع نفسك عليها 

جليله بتعيط: ياوجع جلبي عليكي يابتي كل ديه يحصل فيكي واحنا ولا دريانين

عتمان: هنعمل ايه في الشياطين الي كانو وسطينا دول

همس: اعوذ بالله منهم دا اي الغل والحقد دا

زين: الحمدلله انهم اتعرفوا علي حجيجتهم جبل ميدمروا العيله كلها

يونس سابهم وطلع غير هدومه ونزل: يلا بينا

سيف: علي فين 

يونس بتعب: المقابر غرام وحشتني عايز اتأسفلها علي كل الي حصلها 

جليله: ياريت ياولدي انا كمان عايزه اروحلها 

****

في غرفه همس وزين

همس: زين انا مرعوبه الي حصل دا مش مطمني خالص 

زين: طول ماانا معاكي اطمني عشان عمري مهسمح ان حد يأذيكي ابدا

همس حضنت زين من غير متتكلم وهو كمان حضنها: وبعدهالك عاد هنتأخر كديه 

همس: انا بحبك اوي يازين

زين: وزين بيحبك جوي جوي 

*****

ورد: سيف لو انا مكان غرام كنت هتعمل اي

سيف: متجوليش كديه الف بعد الشر عليكي وربنا يصبر يونس علي الي حصله هو وغراق الفراج مش هين برضو

ورد بغيره: اه تلاقيك افتكرت مراتك مش كدا

سيف: اكيد افتكرتها ودي هتفضل ام بنتي وليها مكانه في جلبي 

ورد: اممم ماشي

ورد كانت هتسيبه وتمشي بس هو مسك ايدها: بس ربنا عوضني بأحلي وأحن بنت في الدنيا 

ورد: كان نفسي افرح بكلامك بس مش عارفه افرح وغرام خلاص مش موجوده في البيت

**

الكل جهز وانطلقوا علي المقابر ووقفوا قدام قبر غرام 

يونس بتعب: وحشتيني ياجلب النمر فراجك مش هين وعجلي مش جادر يستوعب انك سبتيني خلاص ومن بعدك الحياه بجت سوده 

جليله: اه ياغرام يابتي وحشتينا كلنا البيت بجي ملهوش طعم من غيرك انتي الي كنتي عامله بهجه للسرايا 

عتمان: سامحيني اني جبتك وسط الشياطين دول وعملوا فيكي الي عملوه 

همس بعياط: وحشتيني ياغرام اوي مين الي هفضل ارغي معاه للصبح

ورد: ومين الي كل معمل مصيبه هيداري عني وينصحني

وبدأو كلهم يقرأو الفاتحه علي روحها وفجأه

غرام من وراهم: بقي بتقرأو عليا الفاتحه وانا عايشه ينفععع كدا يانمر

الكل اتصدم وبصو وراهم وعيونهم اتسعت من الصدمه معرفوش ينطقوا وهي قدامهم سليمه

والي صدمهم اكتر يونس الي واقف وباصص لغرام وبيضحك: ياجلب النمر

 ليفتح لها زراعيه وبتجري عليه تحضنه بقوه 

جليله بصدمه: اعوذ بالله من الشيطان الرجيم تفسير للي بيحصل ديه ازاي انتي عايشه ازاي

عتمان بغضب: افهم ايه الي بيحصل بالظبط

ورد وهمس متنحين ومش مستوعبين

زين: متتكلم يايونس دا احنا اعصابنا باظت الفتره الي فاتت دي 

غرام بصت ليونس وابتسموا 

يونس بهدوء: كل الي حصل ديه كان تمثيل غرام عايشه وجدامكم اهي 

غرام: وبفضل ربنا بعدين انت ياحبيبي

سيف: ازاي والدكتور وفريده وصباح الي اعترفو بالعمل كل ديه ااايه انا مش فاهم

يونس: افهمك 

في اليوم الي ودينا غرام فيه المستشفي وانا فضلت لوحدي غرام فاجت من البنج بعد ممشيتوا بساعه وفضلت تصرخ تاني وفجأه لجيت راجل عجوز بلحيه جاعد جدام زجاج الاوضه وبيجول لا حول ولا قوه إلا بالله 

*فلااش بااك*

الرجل: لا حول ولا قوه إلا بالله العلي العظيم

يونس راحله: انتي مين وهتبص عليها كديه ليه

الرجل: مراتك دي يابني

يونس: ايوا 

الرجل: وعندها ايه

يونس: لسه الدكتور مش عارف ومش هو بس دا دكاتره مصر كلها مش عارفه سبب المها ايه

الرجل: عشان هي مش مريضه

يونس: يعني ايه

الرجل: مراتك معمولها عمل يابني ومن حسن حظك ان ربنا وقفني في طريقك دور علي العمل دا كويس واحرقه قبل ميفوت الاوان

غفلتكم

#يتبع

#غرام_نمر_الصعيد

يونس: عمل ايه وبتاع ايه وانت ايه الب عرفك عاد

الرجل: انا بنتي ما*تت من سنتين وكان بيحصلها نفس الي بيحصل لمراتك دا فلفينا علي كل الدكاتره وكلهم كانوا بيقولو نفس الكلام “مفيش سبب طبي لحد مبعدين اكتشفت انها كانت مسحوره” 

***

يونس: انا اتصدمت متيلتش ان الاذي ممكن يوصل لحد كدا ومكانش معايا وقت اتصلت بورد وجولتلها تجلب الاوضه عاليها واطيها وتدور علي العمل دا وتحرقه جبل ميفوت الاوان وفعلا ورد دورت لحد ملقت العمل وحرقته وغرام خفت وبجت وسطينا اهي

جليله بصت لورد: يعني اﻧتي كنتي عارفه بكل ديه ومخبيه علينا

يونس: لا هي مصدومه زيها زيكم انا مفهمتهاش اي حاجه

جليله عيطت: اكديه ياغرام تعملي فينا كديه دا انا كنت هموت من الزعل عليكي

غرام حضنتها وعيطت: الشر كان محاوطنها من كل ناحيه ياماما جليله كان لازم نعمل كدا

الكل كانو بيعيطو 

وورد حضنت غرام وهمس كمان

همس: حمدلله علي سلامتك الحمدلله اني رجعت اشوفك تاني

غرام وهي بتمسح دموعها: خلاص بقي كفايه عياط 

ليجذبها يونس اليه ويمسح بيده علي شعرها وينظر اليها وعيونه مليانه حب: حمدلله علي سلامتك ياغرامي اياكي تفكري تسبيني في يوم من الايام برغم اني كنت عارف انك عايشه بس 

لتقاطعه غرام بحضن وعياط: بحبك يانمر 

سيف: احممم طيب اي 

عتمان: ياخي دا انا صدجتك وانت بتجول لا ياغراااااام متسبنيش هتسبيني لمين دا انت طلعت معلم

يونس بيضحك: كان لازم اعمل كديه ثم ينظر لغرام: بس كل كلمه كانت من جلبي 

عتمان: طيب ياحبيب عوضونا بجي علي الطفل الي راح 

غرام بتبص ليونس وباستعباط: وهو راح يايونس؟! 

يونس بضحك: براحه عليهم مش كديه 

زين: لاااااه متجولوش انه لسه عايش

غرام بتبص ليونس: وهو الي يبقي بباه يونس النمر حد يستجري يقرب منه

جليله مسكت غرام وبفرحه كبيره: يعني يعني انتي لسه حححامل 

غرام بفرحه بتهز راسها بالموافقه

عتمان: انتو هتجننوني كيف والدكتوره جالت انها اجهضت ومش هتجدر تخلف تاني

ليقاطعه يونس:في يوم انا كنت رايح لاوضه فريده فالباب كان موارب وشوفت صباح بتديها شريط حبوب وتاني يوم دورت كويس علي الشريط دا خاصه في دولابها لانها عارفه كويس اني مش بفتح دولابها نهائي فلقيت الشريط بعته بسرعه لدكتور صاحبي قلي انها حبوب اجهاض من الدرجه الاولي يعني لو الحامل اخدت واحده بس تضمن الاجهاض ففهمت ان الحبوب دي لغرام وانها ناويه تسجطها فجولت للدكتور عايز زي الحبوب دي بس متعملش حاجه جلي صعب بس عندي زيها تركيز الماده الفعاله فيها اجل بمعني ان الحبه الوحده متأثرش لكن لو اخدت تلاته هتسقط 

اخدتها وبدلتها مع الشريط الي عندها ونبهت علي نعيمه ان فريده متجربش علي اي حاجه في المطبخ خاصه لو حاجه تخص غرام اما انا فكنت براقب الشريط كل يوم لحد مفيوم لاحظت ان حبتين اتأخدو من الشريط فحمدت ربنا انها مخدش تلاته…. انا مكنتش عارف اذا كانت حطتها لغرام ولا لسه بس كان لازم امشي معاها علي نفس خطتها وفعلا اوهمتكم كلكم ان غرام اجهضت واتفجت مع الدكتوره علي كل حاجه بس حوار انها متخلفش تاني دا مش مني دا اجتهاد من الدكتوره هههه

والباجي نعيمه هتحكيه

نعيمه: انا كنت في المطبخ بعمل عصير للست غرام فالست فريده جات وجالتلي ان الست جليله بتنادي عليا برا انا طلعت بس اتخبيت ورا الحيطه لاني الست جليله عمرها منادت عليا من برا لما كانت بتعوذني كانت بتجيلي المطبخ المهم شوفتها وهي بتحط حاجه في العصير وصورتها ڤيديو فلما جيت بدلت العصير بكوبايه تاني لاني خوفت تضرها مكنتش اعرف بالي جاله يونس بيه… وبصراحه خوفت اجول ليونس بيه حسيت ان الموضوع كبير وخاصه ان الست فريده كان حواليا طول الوجت فلما جات الفرصه وريته الڤيديو

الكل كانو في حاله ذهول وصدمه 

همس: طيب مكنت واجهتها بالشريط من اول مره 

يونس: مكانش يعني اولا  لان كان ممكن تجولي انه مش بتاعها ودا فعلا حصل 

ثانيا: كانت هتحاول تاني وتالت انها تسجط غرام لكن لما اقنعها انها نجحت في مهمتها كدا غرام هتبجي تحت عيني وفي امان كمان لحد ممسكت الفيديو في يدي  وضربت الضربه القاضيه

عتمان باصص ليونس بذهول: انت ايه جنسك ايه

يونس بضحك: ابن حواء وأدم

الكل فرحو واتبسطوا فغرام طلعت عايشه وكمان لسه حامل

ورد: بالمناسبه السعيده دي انا وغرام وهمس عازمنكم علي الغدا بقي بس محدش يعلق علي طعم الاكل انتم احرار

الكل ضحك 

يونس: لاه روحو انتو انا وغرام معانا مشوار كديه وهنحصلكم

غرام باستغراب: رايحين فين 

يونس: هتعرفي

يونس اخد غرام وراحو السجن لفريده وصباح عشان كان لازم يعرفو ان خططهم فشلت  واول مشافو غرام رجليهم مبقتش شيلاهم ويونس باستفزاز: لما تحبو تلعبوا العبوا علي حد غير يونس النمر عشان لما الموضوع يتعلق بحبيبته ونور عينه هيخرب الدنيا بالي فيها غرام بقت بصاله وشايفه في عينه انها اعظم انتصارات 

#غرام_نمر_الصعيد

فريد وصباح فضلو باصين علي غرام بغل وحقد لدرجه خوفت غرام ومسكت في ايد يونس 

يونس وهو باصص لفريده وباستفزاز: يلا ياغرام انا مخنوج من الجعده هنيه بالشفا يافريده سلام

**في يوم كانوا الكل متجمعين علي الغدا وبيهزرو ويضحكو*

عتمان: ربنا يديم لمتنا دي وماشوفش حد ناجص واصل 

ورد وقفت: طيب بما اننا متجميعين كلنا فاأنا عندي حاجه كدا عايزه اقولها

همس بهزار: استر يارب

عتمان: جولي يابتي

سيف: في ايه ياورد وترتيني ههه

ورد بفرحه: انا حامل

سيف قام وقف والفرحه مش سيعاه وحط ايده علي دراعتها: هتتكلمي جد ياورد انتي حامل؟ 

ورد بتهز راسها بالموافقه سيف حضنها بفرحه وجليله زغرتت 

غرام: الف الف مبروك ياورد الف مبروك ياسيف

همس: مبرووووك ياورد ياحبيبتي

زين خبط عل ضهر سيف: مبرووووك يابو عموو

يونس:  الاخبار الحلوه جايه ورا بعض مبروك ياورد الف مبروك ياسيف

سيف وورد: الله يبارك فيكم 

عتمان بفرحه: ما شاء الله وبدل الحفيد الي طلعت عيني عليه يايونس بجيوا تلاته اهم

الكل بيضحك 

ليقاطعهم مكالمه ليونس احد ضباط القسم الكل سكت فجأه

يونس: الو 

الظابط: الو يونس بيه؟ 

يونس: ايوا 

الظابط: هو في خبر لازم نبلغكم بيه فريده ماتت 

وصباح بقت تقول كلام مش مفهوم واتجننت تقريبا من الزعل علي بنتها ونقلناها مستشفي الامراض العقليه 

يونس للحظه حس انه زعل بس افتكر كل الي عملوه ورجع لطبيعته وابتسم  اما باقي العيله مفيش حد فيهم نزل دمعه وكملو احتفالهم بحمل ورد عادي

يونس: طيب بما اننا متجمعين والاخبار الحلوه بتهل علينا كديه فكل واحد يجهز شنطته نص ساعه والاجي الكل جاهز يلاااا مسافررررررين

الكل فرح وطلعوا يجهزو شنطهم 

*****

سيف: ورد

ورد: نعم ياحبيبي

سيف: تعرفي اني بحبك حب عمري محبته لحد جبل كديه

ورد قربت منه: دا انا الي بعشقك ومش مصدقه ان كمان حامل منك

سيف: كديه كتير عليا أب لتلاته في سني ديه

ورد بتحاوط رقبته: بس هفضل انا بنتك المفضله مش كدا ياسيف

سيف: كدا ياعيون سيف

دارين دخلت ليحملها سيف ويلتقطوا سلفي مع بعض

********

زين: ايه الجمال والدلال ديه انتي بتحلوي كديه ليه

همس: يمكن عشان بتشوفني بقلبك مش بعينك

زين: اه ياهمس سامحيني لو زعلتك في يوم من الايام واوعي تسبيني انا مجدرش علي بعدك ساعه واحده

همس بصت لعيونه: انت هتفضل اهم واحلي حاجه حصلتلي في حياتي ربنا عوضني بيك بجد يازين

زين: ياجلب وعمر وروح زين 

*****

يونس وهو بيبص لغرام الي بتجهز الشنطه

غرام: بتبصلي كدا لي

يونس: هو انا استاهلك؟ 

غرام راحته: الي يعمل كل ده عشان يحميني ويحمي ابنه والي بشوف في عنيه حب وخوف مشوفتهوش في عيون حد قبل كدا يبقي ميستاهلنيش ازاي 

يونس: نفسك في ايه ياغرام

غرام: نفسي افضل جنبك وفي حضنك ونربي ابننا سوا ونعيش حياه بعيده عن اي مشاكل حياه مفهاش غيري انا وانت وابننا 

يونس ابتسم وخدها في حضنه: هيحصل هيحصل

******العيله كلها سافرت وقعدو في فندق كبير جدا كل يوم بيتجمعو وبيسهروا مع بعض لحد الصبح وقضوا احلي ايام حياتهم وغرام نسيت كل الي حصل وبدأت حياه جديده مليانه فرح وسعاده وحب سواء بين همس وزين او ورد وسيف او يونس وغرام 

****مشدهنا الاخير علي البحر في لحظه غروب الشمس الجو هادي والهواء بارد

غرام كانت بتجري علي البحر وبتلف وفستانيها بيتتطاير في الهوا ويونس كان ماشي براحه وحاطط ايده في جيوبه  وراها وباصصلها ومبتسم وعينه علي كل حركاتها الطفوليه 

غرام وهي بتلف وفارده درعاتها للهواء: بحبببببببيك يانمررررررررر

وفجأه بتنزل ايدها وبتجب مايه وترميها علي يونس وجريت

يونس بص لهدومه وجري وراها

غرام وهي بتجري: اناااااا اسفههههه 

يونس بيمسكها اخيرا: جبتيه لنفسك 

يونس بيشلها وبيدخل بيها للبحر وغرام بتصرخ وبتدفن راسها في رقبته: لا لا لا يايونس مبعرفش اعووووووم

لينزلها علي قدميها ويضع يده علي وجهها: بحبك ياغرام كل يوم  بتعلج بيكي اكتر من اليوم الي جبله 

غرام بجنان بصوت عالي جدا: والله بحبككككككك يانمر وبحب الي يحبكككككك 

لتمر فتاه وبمعاكسه بتغمز ليونس: يبقي بتحبيني

غرام الدم بيغلي في عروقها وبتقرر تفرج عليها امه لا اله إلا الله بس يونس بيمسكها: عديها… عديها عشان خاطري ومتفرجيش علينا الناس 

غرام بجنون: سيبي اجيبها من شعرها هي مين دي الي تحبك حبها بر*ص سيبنااااي اق

ليقاطع يونس كلامها ويطبع قبله قويه علي شفتيها كي ينسيها ما  تنوي عليه ولكن غرام نسيت ان في بنت عدت اصلا (غريب الحب مين فاهمه) 

وبعد مرور اربع سنين 

يونس وغرام ربنا كرمهم ب ياسين

وزين وهمس ب حور

وسيف وورد ب أدم

ويلا 3….. 2….. 1 وفركششششششششششششش

فركش الي في الاخر دي اهم من الروايه نفسها يلا ياحبايب كل سنه وانتم طيبيب هتوحشني تعليقاتكم وكلامكم السكر الي زيكم جوووووود باااااااي