رواية غرام نمر الصعيد يونس وغرام الفصل الحادي عشر والثاني عشر والثالث عشر والرابع عشر والخامس عشر بقلم نرمين حمدي
رواية غرام نمر الصعيد يونس وغرام الفصل الحادي عشر والثاني عشر والثالث عشر والرابع عشر والخامس عشر بقلم نرمين حمدي
#غرام_نمر_الصعيد
يونس فضل يلف حواليها ببطئ حتي جلس علي الترابيزه وغرام اندمجت ونسيت نفسها حتي اصبحت حركاتها جر*يئه حتي جذبها اليه ووقعت علي قدميه
يونس: كفايه يخر*ب بيتك انا ماسك نفسي بالعافيه
غرام بكسوف: مش انت الي طلبت
يونس: تعجبيني وانتي بتسمعي الكلام كديه
غرام: مقولتليش رأيك
يونس: خيالللل انتي خيااااال
غرام: يبقي كدا هتقلل المده صح
يونس: اجلل ايه دا انا هزودها بعد الي شوفته ديه
غرام قامت من علي رجله: بس دا مكانش اتفاقنا
يونس: انا متفجدتش علي حاجه
غرام بجديه: طيب والله ماانا عملالك حاجه تاني
يونس يقف ويتجه ناحيتها وهي تعود للخلف بتوتر: بتتحديني!!
غرام بتبتلع ريقها ببطئ:اه بتحداك
يونس باصص لعيونها ويبتسم بخبث حتي خبطت هي بالحائط وهو أمامها مباشرة: ابعد عني
يونس يقترب اكثر ناحيه شفتيها ويطبع قبله قويه تعبر عن ر*غبته القويه بها ليبتعد عندما شعر انها بحاجه للهواء ثم نزل لرقبتها وطبع علامات ملكيته لها في كل مكان اما عن غرام فكانت مستسلمه له فقربه منها ينسيها ما ينوي عليه وكأن قلبها يعلم ان قلبه لا يحتمل ان يأذيها
غرام بضعف: يونس
يونس بصلها: نعم
غرام: أنا خايفه
يونس: مني؟
غرام: اه منك
يونس يمسح علي شعرها: ليه
غرام: خايفه تأذيني خايفه تديني كل الامان وفي الاخر تاخده مني انا جوايا حاجات كتير متلخبطه ونفسي احس بالامان لمره واحده في حياتي
يونس: انا مش عارف اعملك ايه عشان تصدجي اني مش هأذيكي
غرام: انا اتعودت علي الخوف والقلق فصعب تحسسني بالامان
يونس بتهور: يبجي المطلوب مني ايه اموتلك نفسي عشان تصدجي… فريده مخدتش معايا ربع المحاولات الي خدتيها انتي
غرام: اصلا فريده متهمنيش في حاجه ولا انت تهمني في حاجه وانا غلطانه اني بتكلم معاك كنت فاكره ان عندك قلب وبتحس
لتمشي غرام من امامه وهو يمسكها من زراعها ويعيدها مجددا: انت لازمك تربيه من اول وجديد
ليأخذها بقوه ويتجه ناحيه غرفه مظلمه ويدخلهاويغلق الباب بالمفتاح
غرام بتخبط علي الباب بقوه: يووووونس افتح الباب مبحبش الضلمه افتححححح
يونس بحده: لما تبجي تحترمي نفسك ابجي افتحلك
غرام بعياط: والنبي بقي افتح
يونس سابها وراح الاوضه
بعد مرور قليل من الوقت
غرام قعده جنب الباب وضامه رجليها ليها وهي بتعيط جوا ويونس برا سامعها وقلبه بيتقطع عليها
وفجأه غرام وسط عياطها بتسمع صوت لفحيح الثعابين وكان اكتر من صوت مع بعض لتبتلع رقيها ببطئ هي مش شايفه اي حاجه بس سامعه الصوت الي لوحده قادر يرعبها لتقف وهي مرعوبه بدأت تخبط بقوه وصريخ: يووونس الحقنيييييي انا خايففففه اااااه ياباباااااا
يونس كان حط السماعات في ودنه عشان قلبه ميرقش ويفتحلها
وغرام هتموت من الرعب خاصه ان الصوت بيعلي اكتر وكأن عدد الثعابين بتزيد كلما ارتفع صوت غرام حتي وضعت يدها علي قلبها وهي ترتجف لتتسارع ضربات قلبها وتقع بجانب الباب وتكتم بكائها كي لا تتعالي تلك الاصوات
******
صباح لفريده: جوزك رجع
فريده: لا معرفش عنه حاجه لدلوقتي صدقتي لما قولتلك انه مش ناوي يطلقها وان احنا لو البت دي خلفت هنداس بالرجلين
صباح: لا عاش ولا كان الي يدوس علينا اسمعي هي ملهاش غير حل واحد
فريده: اي هو
صباح: عمل
فريده: بس لو حد في البيت عرف هتبقي مصيبه سوده
صباح: ومين الي هيعرفهم كل واحد هنيه بيلعب علي مصلحته خلاص نلعب احنا كمان علي مصلحتنا
فريده: طيب هو العمل دا هنعمله باي
صباح: دي تسبيهالي انا بجي اما خليتها تندم علي اليوم الي اتجوزته فيه مبجاش انا صباح
*****
عتمان لزين: يونس فين
زين: وانا ايه يعرفني
عتمان بغضب: عليا انا الكلام ديه دا انت تعرف الجرد مخبي ابنه فين
زين باستعباط: الجرد بجي مش يونس
عتمان: انا متأكد انك تعرف
زين: وانا لو عارف هخبي ليه
عتمان: من صغركم وانتو سركم مع بعض
زين بيتهرب لانه فعلا عارف يونس فين: سيبك من يونس انا عايزك في موضوع تاني
عتمان: ايه هو
زين: انا عاوز اتجوز
عتمان بفرحه: شاور علي اي واحده وتبجي مرتك م الليله
زين: احم منا مش عاوز اي واحده
عتمان: اممم وتطلع مين الي عينك منها دي
زين: اااا هو يعني
عتمان: متجول ياولدي ايه معرفش اسمها ولا ايه
زين: ورد بت عمي
عتمان: ورد! وانت مش عارف ان ورد معاها لسه تلت سنين
زين: وايه يعني ياجدي تكملهم معايا
عتمان: وانا من متي هجوز البنات من جبل متخلص
زين: ياجدي دا لو واحد غريب انما انا ابن عمها واحنا هنفضل جدامك لو يوم جالتلك زين مش عايز ني اكمل ابجي حاسبني
عتمان: لا يعني لا انا ايه يضمنلي اني هعشلها التلت سنين دول
زين: بعد الشر عليك وبعدين اخوها جاعد دا غرام في نفس سنها واهي متجوزه وتمام
عتمان: تفرج… غرام متجوزه يونس عشان حاجه معينه بعد متحصل هيطلجها وتبجي حره وبعدين انا مالي ومال غرام هي في الاول وفي الاخر غريبه عنينا
*****
عند يونس وغرام
عدي حوالي نصف ساعه وغرام جوا بتعيط وبتستنجد بيونس لدرجه ان صوتها راح من العياط
اما عن يونس فجأه افتكر انه مربي افاعي من كل شكل ونوع في الاوضه دي بس كل واحد في قفص لوحده وقلبه فجأه وجعه علي المسكينه الي جوا كل الفتره دي ليجري هو الي الغرفه ويفتح الباب بسرعه غرام اخر الاوضه ضامه رجليه لحسد*ها بتعيط بهسريا وبتشنق لترفع رأسها بمجرد مالباب اتفتح لتقف وتجري علي يونس وبتحضنه بقوه حتي كادت ان توقعه وهي مستمره في البكاء بصوت عالي
ليمسح هو علي شعره ببطئ وهو قلبه كان هيقف من الخوف عليها : بسس خلاص مفيش حاجه انا اسف اسف ياغرام متخافيش
غرام من الخوف هتدخل جواه ليحملها وهو حاضنها لتدفن هي رأسها برقبته حتي اخذها ووضعها علي الكنبه واحضر لها ماء
يونس بزعل وهو شايف خوفها وجسم*ها الي بيترعش وهي مش قادره حتي تمسك الكوبايه ليأخذها منها ويشربها هو بنفسه: أحسن؟
غرام صبرت شويه وبدأت تعيط تاني وبخوف فضلت تقول: انا هسمع ا ا الكلام وووهقولك ححاضر ععلي كل حاجه ححتي لو مش ععايزاها ببس متدخلنيش ااالاوضه دددي تتاني وووالنبي
يونس فضل باصصلها وبيلوم نفسه علي الحاله الي وصلت ليها بسببه ليأخذها في حضنه وهي تتشبس بملابسه: اهدي انا معاكي اهو اهدي
#غرام_نمر_الصعيد
يونس فضل باصصلها وبيلوم نفسه علي الحاله الي وصلت ليها بسببه ليأخذها في حضنه وهي تتشبس بملابسه ثم تخرج من حضنه وتفضل تقول: ممتدخلنيش تتتاني والله هسمع االكلام
كل كلمه بتطلع من غرام كانت بتقتل يونس ميت مره فهو وعدها انه مش هيأذيها بس هو أذاها بطريقه مكانتش تتخيلها: اهدي ياغرام والله مهدخلك هناك تاني انا اسف
غرام خضنته بقوه وفضلت تعيط : متسبنيش يايونس اوعدني انك متسبنيش ابدا
يونس فضل ساكت لانه مش عارف نهايه علاقتهم هتكون ايه وهي فضلت تعيط جوا حضنه وهو بيمسح بايده علي شعرها لحد مهديت وغفت علي صدره
يونس:غرام انتي نمتي؟
غرام:…..
ليحملها يونس ويدخل الغرفه كانت بخفه الفراشه بين يديه ثم يضعها علي السرير ببطئ ويسحب الغطاء عليها ويظل ينظر لها قليلا ثم يقبل جبينها ويمسح تلك الدموع التي علي خديها وبين رموشها وبندم: حجك علي راسي وعلي جلبي
ثم يتركها وبيقوم من علي السرير ببطئ لتمسك هي بيده وهي نائمه: متسبنيش
يونس يوزع نظراته بين وجهها وبين يديها المتمسكه بيده ليضع يده الاخري علي يديها المتمسكه به: انا جاعد برا مش هسيبك
غرام بتفتح عنيها ببطئ: لا نام هنا جنبي انا عايزاك تفضل جنبي
يونس: متعمليش حاجه لمجرد انك خايفه وترجعي تندمي بعدين
ليتركها يونس ويذهب للخارج وبيطلع كل زعله في السجاير كان بيدخن كتير جدا لحد مفرد جسم*ه علي الكنبه ومعداش كتير ليجد غرام طالعه من الاوضه وجايه ناحيه وبدون اي كلمه بتحط راسها علي ايده المفروده ويدها علي صدره وبتنام جنبه علي الكنبه لينظر لها يونس مستغرب من تصرفاتها: ايه جابك هنيه
غرام بطفوله: خايفه انام لوحدي ولا انت مش عايزني انام جنبك
يونس بابتسامه خفيفه بيجذبها ليه اكتر لتقع: ربنا يسترها عليا لما تصحي علي عمايلك دي
******
صباح: عايزه اعمل عمل لاتنين متجوزين جديد
=اممم جبتي اي حاجه منهم
صباح: ايوا جبتلك
=ماشي عايزاهم يطلجوا!
صباح بحقد: مش كفايه…. عايزاها تجيب الواد وتموت وهي بتتعذب عايزاها تتمني الموت ومتلجهوش وهو جلبه يتجطع ميت حته وهو بيتفر ج عليها ومش جادر يعمل حاجه
=باين عليكي بتحبيها جوي…. بس متجلجيش هخليها تشوف النجوم في عز الضهر وولا دكتور هيعرف يعالجها
صباح: خدي دول وليكي مني ضعفهم كمان لما البت دي تغور وتموت
*****تاني يوم
يونس صحي وملقاش غرام جنبه: غراااام
لتأتي غرام اليه: نعم
يونس باستغراب مش عايزه تجولي حاجه
غرام: صباح الخير مثلا
يونس وهو يتجه اليها مندهش من براءتها ويجذبها اليه من خصرها: صباح الورد والهنا والسعاده
غرام بتبتسم: ااا طيب روح خد شاور لحد مجهز الفطار
يونس فضل سرحان فيها شويه
غرام: يلا يايونس
يونس بيجذبها اكتر: مالك انتي سخنه؟
غرام: لا
يونس: امال ايه التغير المفاجئ ديه
غرام: يعني لا كدا عاجب ولا كدا عاجب
يونس: انا عايزك تعملي كديه عشان انتي عايزه كديه مش خوف
غرام: فاكر لما قولتلك نفسي احس بالامان مره واحده في حياتي
يونس: ايوا
غرام بصت لعيونه وبابتسامه: حسيته معاك امبارح لما خرجت من الاوضه وحضنتك لما شوفتك قدامي الخوف كله راح لما قولتلي انا اسف قولت لنفسي نبره الصوت دي لا يمكن تأذيكي لما طلبت منك تفضل معايا في الاوضه كان ممكن تستغل الموقف لصالحك بس انت معملتش كدا ودا طمني اكتر
يونس: اطمني انا مستعد أذي نفسي ولا أذيكي انتي…. انتي جلبك اطيب من انه يتأذي
غرام: طيب يلا بقي ولا هنفضل نتكلم اليوم كله انا جعانه
يونس يبتسم: ماشي
يونس بيدخل ياخد شاور وبيخرج وهو عاري الصدر
وغرام حطت الاكل علي السفره وهي راجعه بتخبط فيه وبتبص بنظره سريعه علي عضلاته وحركاته: لو سمحت البس تيشرت
يونس: ودا احترام ولا غيره
غرام: غيره! وانا هغير منك ليه بقي
يونس بخبث: ابسطها انك متجدريش تعملي ذي كديه
لتتسع عيون غرام وتجري من امامه
ليضحك عليها يونس
وبعد مأكلو غرام طلعت من المطبخ وهي مكشره: انا عايزة امشي من هنا
يونس: في ايه
غرام بعصبيه: مفيش انا مش عايزه اقعد هنا عايزه امشي كفايه لحد كدا
يونس: يابت انتي مرووشه ولا دماغك تعبانه
غرام: طلقني يايونس
يونس حط ايده علي دماغه:اخر مره هجول في ايه
غرام: قولتلك مفيش انا كدا كدا هطلق
يونس بغضب: بمزاجي مش انتي الي تيجي تجولي طلجني
غرام بعياط: مش بمزاجك طلقني دلوقتي
يونس بحده: هو انا كل مهكلمك هتبكيلي
غرام: ملكش دعوه بيا خالص
يونس يضع يده علي كتفيها: امال ليا دعوه بمين
غرام بعفويه: بفريده مش هي دي حبيبتك ربنا يخليكم لبعض بقي
يونس باستفزاز: يارب يخلينا لبعض وميحرمنيش منها ابدا ابدا (يقصد غرام بس بيستفزها)
غرام: طيب اتفضل صورتها اهي لقيتها جوا ابقي شيلها في المحفظه بقي
يونس خدها وحطها في جيبه: بجي عشان لجيتي صوره عامله كل ديه
غرام بزعل : ااا وانا مالي دي مراتك يعني وطبيعي انك تشيل صورتها باين عليك بتحبها اوي
يونس: جوي جوي
غرام كل دا مش فاهمه انه مبيقصدش فريده باي كلمه بيقولها ولا هي في حساباته اصلا: وهي بتحبك؟
يونس: مش عارف
غرام: ازاي يعني مش عارف مراتك بتحبك ولا لا
يونس: عيونها بتجول حاجه وكلامها حاجه تاني
غرام: طيب امتي هتطلقني
يونس: ليه الفصلان ديه مكنا حلوين اسمعي طلاج مش هطلج ياغرام لو اتنططي عمرك كله مش هطلجك حلو كديه
غرام: وانا اي زنبي اعيش مع راجل بيحب مراته كدا وانا ولا حاجه بالنسباله انا مش عايزه اعيش بالطريقه دي
يونس يجذبها اليه: انتي… اه منك انتي
#غرام_نمر_الصعيد
غرام: لي انا مالي إن شاء الله
يونس حاوط وجهها بايده: أنا عايزك ونفسي فيكي
غرام بتتوتر وبتحاول تبعده وبخوف: انا عايزه امشي من هنا
يونس بهدوء يقترب ناحيه شفتيها ويقبلها بقوه واشتياق دون اي مقاومه منها فبداخلها شعور لا يريده ان يبتعد ليسعد هو بتجاوبها معه لينتقل الي رقبتها ويظل يقبلها بقوه محاوطا خصرها بيده يجذبها اليه اكثر اما عن غرام فكادت ان تقع من شده تأثير يده علي جسد*ها
كل متحاول تبعد عنه تتجذب ليه اكتر حتي جلس يونس وجذبها لقدميه وظل يقبلها كثيرا حتي فقد السيطره علي نفسه خاصه عندما تجاوبت معه حتي حملها بين زراعيه واتجه ناحيه الغرفه
غرام: يونس كفايه كدا سيبني
يونس لا يسمع ولا يري فقد يريد امتلاك تلك العنديه
ليضعها علي السرير وسرعان
ما تضم قدميها اليها بقلق وعلي ملامحها الخوف الشديد: كفايه يايونس عشان خاطري
يونس: كفايه ايه انا لسه عملت حاجه
حتي بدأ بفك زراير قميصه ويرميه علي الارض ثم يصعد علي السرير ويجذبها اليه حتي اصبح جسد*ها اعلي جسد*ه ليبعد خصلات شعرها ليطبع عده قبلات في كل مكان اما عنها فلم تستطع مقاومه تأثيره عليها فلقد قررت أن تكون ملكه وبين يده وتنسي ولا تفكر فيما قد يحدث فهو يسيطر علي مشاعرها بطريقه لا تستطيع رفضها كان يتعامل معها وكأنه يدرك جيدا كيف يوقعها في قبضته
وبعد لحظات شعرت بانه ينزل لها ملابسها ولكن تركت له حريه التصرف فهي اليوم ملكه هو فقط
ظل ينزل ملابسها حتي اصبحت عار*يه تماما بين يديه لتدفن هي وجهها شديد الاحمرار في رقبته
****
في السرايا
زين لورد: انا كلمت جدي في موضوع جوازنا وهو رافض
ورد: ورافض لي
زين: قال لما تخلصي الاول قولتله اننا هنفضل قدامك طول الوقت لو في يوم مراحتش جامعتها ابقي حاسبني وبرضو رافض
ورد: اي يازين؟!! هو انت ناوي نتجوز ونعيش هنا كمان
زين: اكيد
ورد: اكيد اي انا مش عايزه اعيش في البيت الي من وانا صغيره عايشه فيه ولا عايزه اعيش في البلد اصلا
زين: امال عايزه تعيشي فين جنابك
ورد: برا البلد ومش هقبل باأقل من كدا
زين: انت عارفه اني اجدر اعمل كديه كويس
ورد: طبعا عارفه
زين: بس انا مش هعيش غير هنيه
ورد بتسرع: خلاص شوفلك واحده غيري بقي
زين بصلها بغضب: بجي انا مستني دا كله عشان نكون مع بعض وانتي بالسهوله دي عايزاني اشوف واحده غيرك
ورد: زين انت مش عايز تبص قدامك ابدا انا مش عايزه افضل هنا
زين: خلاص ناخد شجه بس هنيه في الصعيد مش برا
ورد ببرود: ولا حتي في بلد جنب الصعيد انت عارف انهارده اتعرض عليا جوازه من واحد مش اقل مننا في حاجه ومش كدا وبس دا قلي هعيشك برا مصر كمان
زين بغضب يمسك زراعها: انتي اتجنيتي ويطلع مين ابن ال****الي واجفه تصي*عي معاه ديه
ورد بغضب: زين! خد بالك من كلامك انا بقولك الي حصل
زين يتركها وينظر لها بنظره مليئه بالكره فهذه ليست ورد التي كانت حلم بالنسبه له: اممم ماشي ياورد بس خليكي فاكره انك انتي الي بعتي
ورد: انا مبعتش بس انت الي مقفل دماغك
زين بزعيق: مجفلها عشان انتي متستحجيش انتي كل الي هامك هنعيش فين ومهمكيش احنا هنتجوز ولا لا مهمكيش كل السنين الي استنيتها عشانك رافض ابص حتي علي اي واحده تاني
ورد: يازين لي مش عايز تفهم ماانا كمان بحبك وطول الفتره دي محافظه علي قلبي عشانك بس غصب عني
ليقاطعها هو
زين: ايوا غصب عنك طبعا… اصل العرض مغري المشكله مش في كديه المشكله لو كنتي فكراني هجولك لا ياورد متوافجيش علي العرض الرخي*ص ديه وانا هاخدك ونعيش برا مصر… الي توافج بواحد مش بتحبه عشان بس هيعيشها برا مصر وهي بتحب واحد تاني تبجي رخي*صه ياورد حتي تركها وذهب لغرفته
ورد: زييييين.. يازيييين
******
فريده كانت في غرفتها بتتصل علي يونس وهو مش بيرد لترمي التليفون بقوه علي الارض: يووووووووه بقي كدا يايونس كل دا برا البيت مع الز*فته دي ولا تسأل عليا ولا كأني في حياتك اصلا والله لاوجع قلبك عليها بنت الجنايني دي
لتدخل صباح عليها: فيه ايه هتتكلمي مع نفسك ليه
فريده: ماما شوفيلي صرفه مع البت دي دا عمره معملها معايا…. يونس مختفي ولا سأل فيا
صباح: اصبري بس اصبري واتفرجي علي الي هيحصل هيبسطنا جوي
هتتلوي من الالم وهي مش عارفه السبب لا منها ميته ومرتاحه ولا منها عايشه طبيعي
فريده: انا مستعده ادفع نص عمري بس اشوفها مذلوله قدامي
*****
عند يونس وغرام
غرام: موبايلك بقاله كتير بيرن شوفه يمكن حاجه مهمه
يونس: دي فريده لو رديت هتوجعلي دماغي انا عارف
غرام من جواها فرحت لانه مش عايز يرد عليها
يونس: ايه سر الفرحه دي
غرام: هاا مفيش
يونس: غرام جولي الحجيجه هو انا هاكلك يعني
غرام: طيب هو انت بتحب فريده ولا لا
يونس بابتسامه: شغلاكي جوي فريده
غرام: خلاص لو مش عايز تجاوب مش مهم
ليجذبها اليه ويطبع قبله قويه علي شفتيها تنسيها كل أسئلتها ليتركها عندما شعر انها بحاجه للهواء: أسئلتك كتير جوي
غرام بزعل طفولي: وانا قولتلك متجاوبش ومش عايزه اعرف في الاول وفي الاخر دي حاجه تخصك انت وهي
يونس: سيبك من فريده وخلينا فيكي
غرام: طلقني يايونس
#غرام_نمر_الصعيد
غرام: طلقني يايونس
يونس بغضب: هو إيه الي طلجني طلجني كل دججتين دي
غرام: مش عايزه اعيش معاك هي عافيه يعني
ليجذبها يونس اليه وبهدوء مرعب جعل الدم ينتفض في عروقها وهو يمسح علي شعرها بطريقه مرعبه: هتعيشي معايا برضاكي او غصب عنك
غرام: يارب اموت بقي وارتاح من الي انا فيه دا
يونس بغضب شديد: ايااااااااكي اسمع منك كديه مره تاني
غرام: وهتفرق معاك في ايه
يونس يضغط علي زراعيها: تفرج وخلاص مش لازم تعرفي
غرام: مش لازم اعرف!! ماشي روح بقي نام برا يايونس بيه
ليضحك يونس: ومين جال اننا هنام
غرام: انا الي قولت
يونس بابتسامه خبيثه: انتي تجولي ذي ماانتي عاوزه بس انا الي بيقرر هنيه وكلامي الي بيتنفذ
غرام:لا والله طيب وريني بقي هتمنعني انام ازاي
لتلف غرام جسد*ها وتضع راسها علي المخده وبتغمض عنيها
بس يونس بيجذبها ليه وهي مردتش تفتح عنيها عندا فيه
يونس بيبصلها بابتسامه فهي بتعند علي اقل حاجه: عايزه تفهميني انك خلاص نمتي يعني
غرام بتهز راسها بالموافقه وفجأه وجدت شفتيه تلا*مس شفتيها بقوه واضعا يده علي رقبتها والاخري علي ظهرها حتي دا*بت هي بين يده فلم تستطع السيطره علي مشاعرها اتجاهه وحبها لقربه منها ولتلك اللمسات التي تشعرها انها مليكته حتي وضعت يدها علي صدره متجاوبه معه ليطبع هو علامات ملكيته لها في كل مكان حتي جذبها اسفل*ه ظل ينظر لها ويلع*ن فريده الي واقفه حاجز مابينهم وفي ذات الوقت يقسم انه لم يرااا في هذا الجمال ولا هذه البراءه
ظل يقبلها بعنف وقوه وكأنه ينتقم منها علي بعدها عنه كل هذه الفتره
وبعد قضاء ليلتهم الاولي معا… كل منهم شعر بانتمائه للاخر دون غيره فيونس تمني لو ان يكن لها وحدها فهي جذبته اليها بطريقه عجيبه حتي هو لا يدرك كيف فعلتها
اما عن غرام هي تظن انه يحب فريده ولا مكان لها هي بقلبه
يونس جذبها لحضنه حتي غفت علي صدره ونامت
******
في السرايا
زين في غرفته بياخد شاور وخرج وهو عاري الصدر
ليخبط باب غرفته
زين: مين
بس مكنش في حد پيرد وبيخبط تاني
زين اتجه ناحيه الباب وفتح ليجد ورد امامه باصه علي الارض ثم بصتله بنظره بريئه جدا
ليتركها زين ويدخل…. ورد فضلت تبص حواليها وبعدين دخلت بسرعه وقفلت الباب وفي هذه اللحظه رأتها فريده وابتسمت بخبث
ورد: احم انا اسفه
زين واقف قدام المرايا بيسرح شعره:…
ورد: زين انت عارف اني بحبك اوي واني مستحيل اصلا اتخلي عنك
زين بصلها بغضب واخد عده خطوات ليها وهي بترجع لورا: لعبه في يدك انا…. مره عايزاني ومره لا
انا ممكن اسامح علي اي حاجه بس إلا انك تيجي علي كرامتي وتفضلي راجل تاني عليا
ورد: لحظه ضعف والله انا مش هبقي لحد غيرك يازين
زين: انا الي مش عايزك ولا طايجك من الاساس
ورد: لا يازين متخليش مشكله تافهه ذي دي تبعدنا عن بعض
زين: تافهه بالنسبالك لكن مش زين النمر الي اتفضلي راجل تاني عليه ويرجع ذي الاول بكلمتين
هو الي كنتي معاه في المطعم مش كديه
ورد بقلق: اه
زين: وكمان طلعتي كدابه ما شاء الله… بعدين مسكها من شعرها بقوه وهي بتحاول تكتم صراخها
وجابلتيه كام مره من ورانا علي كديه هاااااا انطجييييي
ورد بعياط: اقتلني موتني انا استاهل بس متبعدش عني يازين
زين: ليه تعملي معايا كديه دا انا لو شوفتك بعنيا بتعملي الغلط هكدب عنيا وديني ياورد لو عرفت انك جابلتيه تاني ابن ال**** ديه لاكون جاتلك وجاتله اما الي بينا تنسيه خالص يلا اطلعي برا
ورد: زين والنبي اديني فرصه تانيه
زين: ولا تانيه ولا تالته انت من هنيه ورايح بت عمي وبس
ورد:لا يازين مش بنت عمك وبس انا حبيبتك طيب فاكر لما قولتلي اغلطي انتي ياورد وانا هسامحك اغلطي انتي ياورد وانا واجبي اوعيكي الصح من الغلط
زين: وانتي كام مره تغلطي وانا اعدي واجول صغيره بكرا تتعلم لكن انتي مش بتتعلمي انتي بتتمادي في الغلط ولا نسيتي
نسيتي صحبتك الي نبهت مليون مره متمشيش معاها وحلفتيلي انك مش هتعرفيها تاني وفجأه الجيها بتكلمني عشان تختبريني بتشكي فيا انا ياورد…. طيب بلاش دي نسيتي كان هيكمل بس هي قاطعته
ورد: منستش وعارفه اني غلطت كتير بس انا بحبك
زين: وانا اعمل اي ببحبك دي انتي هنتي رجولتي عارفه يعني ايه تختاري واحد تاني ياورد المره دي غلطه اتجل من اني اعديها
ورد: هتعديها يازين عشان عارف انا قد اي بحبك ولا انت عندك امل تتجوز واحده تانيه دا انا كنت اصور ميت قتيل هنا فاهمني يازين والله هعمل جنايه
زين بضيق: روحي نامي عشان انا علي اخري
****
في اليوم التالي
يونس بيصحي وبيلاقي غرام بتلم في هدومها: في ايه ع الصبح جاتلك الحاله؟
غرام بصتله وعنيها مليانه دموع: انت مش خدت الي انت عايزه مشيني من هنا
يونس قام وراحلها: وسند بإيده علي الدولاب والايد التانيه في جيبه وهي مستمره في أخذ الهدوم من الدولاب وبتحطها في الشنطه: انا مش صعبان عليا غير تعبك عشان الهدوم دي كلها هتتحط في الدولاب تاني
غرام: يعني اي بقي ان شاء الله
يونس بخبث: يعني انا قررت اكافأك علي ليله امبارح الي معشتش في حياتي الزوجيه كلها زيها والمكافأه اننا هنطول هنيه لحد ميجي مزاجي بجي
غرام بعياط: كفايه بقي لحد كدا انت عايز مني اي مش كفايه القر*ف الي حصل امبارح دا
يونس: كله كان بمزاجك انا مغصبتكيش علي حاجه امبارح نايمه في حضني الليل كله وانهارده جايه تبكيلي متجوز طفله انا
غرام: ماشي انا طفله
يونس: أحلي طفله شافتها عيني
غرام بتستغرب منه بيجرح ويداوي في نفس الثانيه وضحكت غصب عنها
يونس ابتسم وهو خارج من الاوضه: ضحكت يعني قلبها مال وخلاص الفرق مابينا اتشال
غرام ضحكت اكتر اول مره تسمعه بيغني: والله دماغه فيها حاجه لا يمكن يكون طبيعي ههههه
وفجأه بيجيلها مكالمه من أدهم فبتقفل باب الاوضه كويس: نعم
أدهم: وحشتيني
غرام: وحشتك عقربه عايز اي
أدهم: عايزك يابيبي
غرام: وعايزني في اي ان شاء الله
أدهم: عايزك تجيلي الشقه اصل في كلمتين عايز اقولهوملك علي انفراد كدا
غرام: شقه اما تلهفك يابعيد دا علي جثتي انت مش اخدت الفلوس عايز مني اي تاني
أدهم: مهو ياغرام لو مجتيش انتي عارفه انا هعمل اي
ياترا غرام هتنيل اي
#غرام_نمر_الصعيد
غرام: اعمل الي تعمله ووريني هيصدقك ازاي
أدهم بعتلها التسجيل بتاعها في لحظتها: طيب اسمعي كدا وشوفي انتي بقي هيصدقني ولا لا
غرام سمعت التسجيل واتصدمت دا غير ان قاصص الجزء الي بتقوله فيه نهرب بس لكن الباقي مش موجود: انت ند*ل وواط*ي
أدهم: منا عارف ها بقي هتيجي امتي
غرام: ياأدهم انا دلوقتي متجوزه مينفعش اعمل كدا ابوس ايدك متعملش فياكدا
أدهم: ومكونتيش علي ذمته وانتي جايه تقوليلي نهرب
غرام بعصبيه: كانت غلطه وبضر*ب نفسي بالجذمه دلوقتي
أدهم: مش مشكلتي بقي لكن لوتسمعي الكلام من غير عند مكنش زماني بهددك دلوقتي لكن انتي غبيه مسكالي في المبادئ والاخلاق واحد ذي جوزك ديه مبيعملش حاجه غير انه بيظلم في الناس ويقهرهم اوقفي جنبي ونجيبه الارض
غرام بتلقائيه: اهو الظالم والقادر ده حسسني بأمان عمري محسيته معاك علي الاقل مفيش حد يقدر ياخدني منه وهو يقف يتفرج
أدهم: الله الله الله دا احنا وقعنا ومحدش سمي علينا بقي
غرام: ملكش زفت دعوه وسيبني في حالي وإلا انا الي هقوله علي كل حاجه والي يحصل يحصل بقي
أدهم: معاكي يومين لو مجتيش قولي علي نفسك وعلي عمي يارحمان يارحيم عشان انتي مش متوقعه الي هعمله ياغرام
غرام قفلت في وشه السكه وفضلت تعيط كتير
اما عن يونس فكان بياخد شاور
في الحمام الي برا الاوضه وخرج وهو لابس فانلا حمالات سوده وبنطلون تحت الركبه بشويه صغيرين ليرن جرس الشقه ويفتح يونس ليجد فتاه جميله في اوائل العشرينات بمجرد مشافت يونس قلبها وقع في رجليها وفضلت متنحه فيه ويونس فضل يحرك ايده يمين وشمال قدام عنيها عشان تفوق
لحد مغرام خرجت ولقته واقف علي الباب لتذهب اليه وتجد تلك الفتاه تنظر اليه بنظرات اعجاب
غرام الدم غلي في عروقها واضايقت جدا وهي بتبصله كدا وكانت عايزه تمسكها تضر*بها قلم يفوقها: في اي ياحبيبتي متبصيلي ولا انتي مش شايفاني
البنت فجأه فاقت وبصت لغرام ونظرها بيجي علي يونس الي دخل وقعد علي كنبه الانتريه ورجله علي الترابيزه لتلاحظ غرام وتسند بيدها علي الباب لتحجب عنها الرؤيه: هو ممكن نتعرف ونبقي صحاب انا ساكنه جديد في العماره هنا
غرام بضيق: لا معلش اصل احنا مش مطولين هنا الظاهر اننا هنمشي انهارده
البنت: لي كدا بس
غرام: معلش بقي نصيب يلا عن اذنك
البنت مشيت وهي بتفكر في يونس
البنت في سرها: يالهوووي دا اكيد مش طبيعي اي كل الجمال دا يابختك يابنت المحظوظه
غرام قفلت الباب وجواها نار مش عارفه مصدرها اي لتذهب ليونس وتقف امامه غاضبه: هو في اي بالظبط
يونس ماسك موبايله: في ايه
غرام اخدت الموبايل منه: علي فكره انا بكلمك
يونس ينزل قدمه من علي الترابيزه وينظر لها وبهدوء مرعب يمد يده: الموبايل
غرام بتهور وغضب شديد رمت الموبايل علي الارض واتكسر لميلون حته: اهو الموبايل
يونس بغضب: ايه الي انتي عملتيه ديه
غرام بغضب اكثر وهي مش عارفه بتقول ايه: ولو فكرت تتكلم مع بنت تاني هكسر الشقه دي كلها وهولع في العماره بالي فيها
يونس فضل متنح وبعدين وقف وابتسم بخبث وحط ايده في جيوبه: اه دا الموضوع موضوع غيره بجي
غرام بتراجع: غيره اااا لا طبعا غيره ايه انا رايحه المطبخ
ليجذبها يونس علي الحائط: ومين يعوضني علي الموبايل الي اتكسر ميت حته ديه
غرام هديت: انا اسفه انا مش عارفه عملت كدا ازاي
يونس بخبث: أسفك مش مجبول بس لو جولتيلي عملتي كديه ليه ممكن اجبله
غرام بتتهرب: انا هروح الم الزجاج ديه بعد اذنك
يونس مسكها ورجعها مكانها تاني: ايه الادب والاحترام ديه كله
غرام بتبص علي الموبايل الي كسرته ميت حته وهي مش مصدقه عملت كدا ازاي ولي اصلا
يونس بص علي الموبايل هو كمان: دا انتي زعلانه عليه اكتر مني
غرام: انا كنت متوقعه تضربني بالقلم بس انت خالفت توقعاتي
يونس: بصراحه كنت ناوي بس الحلو غار فيعمل الي هو عايزه
غرام: احمم انا مغرتش
يونس: اعمليلي جهوه مصدع اصل كلامك مش علي هوايا
غرام: طيب
غرام دخلت المطبخ وعملت القهوه وخرجت لقيته في البلكونه مولع سجا*ره وسرحان
حطت القهوه قدامه وكانت ماشيه بس هو جذبها وحاوطها بايده بيبه وبين سور البلكونه وبضيق: جهزي الشنطه ماشين الليله
غرام: دا بجد
يونس: امال هزار يعني
غرام: طيب لي
يونس: مش هو ديه الي انتي عايزاه ومصدعاني بيه وبعدين انتي نسيتي اني متجوز واحده تانيه وليها حج عليا
غرام: اه يعني انت عايز تمشي عشان فريده وحشتك مش كدا
يونس: ايوا عشان فريده وحشتني
غرام ملامح وشها اتغيرت للغضب ومشيت من قدامه عشان تحضر الشنطه فضلت تاخد الهدون من الدولاب وترميها بقوه في الشنطه
******
في السرايا
الكل قاعدين علي السفره بيفطروا
جليله: هو يونس فين كل ديه
فريده: شكله ابنك نسي انك متجوزني يامرات عمي
جليله: ينسي كيف بس هو بس تلاجيه في حاجه مضيجاه
فريده: اه فقرر يريح اعصابه معاها مش كدا
عتمان: مهي دي مرته برضو وبعدين هو بيعمل كل ديه ليه مش عشانك
ولا احنا الي هنعيده هنزيده
صباح: لاه ياعمي اعمل الي يريحك وفريده مش معترضه
عتمان: اه صح زين انا لجيتلك عروسه هتدعيلي عليها
زين بصله: جولتلك ياجدي مش وجته
عتمان: لاه هيحصل وذي مايونس اتجوز الي علي مزاجي انت كمان هتتجوز الي علي مزاجي ولا كلامي مبجاش يمشي عليكم ياولاد النمر
زين: يمشي ياجدي بس
جليله: مبسش ياولدي شوفها يمكن تعجبك
زين بص لورد الي كانت بصاله وعايزاه يقول لا بس هو صدمها: من غير مشوفها انا واثق في زوقك كفايه انها تكون اصيله
عتمان: عفارم عليك ياولدي البت دي تبجي بت عاصم السوالمي مفيش لا في ادبها ولا اخلاجها
زين بزعل: ماشي ياجدي
عتمان مقدر زعله لانه كان عايز ورد وفي نفس الوقت مش عايزه يستني تلت سنين وفي الاخر ميحصلش نصيب بينهم
***
يونس وغرام نزلو وركبوا العربيه ومتكلموش ولا حرف لحد موصلو
واول مدخلو السرايا فريده حضنت يونس جامد اوي: وحشتني اوي اوي اوي
غرام بصتلهم ووشها قلب لحد محست بألم بسيط جدا وراح في لحظتها
جليله: كنتو فين ياولدي جلجتونا عليكم
يونس: وتجلجو عليا ليه عيل صغير انا
عتمان: وهتكبر عليا انا ياد
يونس: لا عاش ولا كان الي يكبر عليك يانمر
غرام حست بألم تاني بسيط برضو
تكملة الرواية من هناااااااا
التعليقات