رواية سم القاسي للكاتبة ماهي أحمد الفصل الثالث
البنت: (بعياط ونفس مقطوع) ارجوك سيبني انا عايزه اروح
عاصي: (بنظره خبيثه) هاروحك بس مش قبل ما تشريي العسل
البنت: (بصيتله بنظره حيره وهي مش فاهمه يقصد اي بكلمه مش قبل ما تشربي العسل)
البنت: عسل. عسل اي انا مش. (بتوتر) مس. مس فاهمه حاجه
عاصي مسك شعر البنت وبقي يشدها منه وطلعها ما بين الحديد وشد الكرسي وقعدها قدامه.
البنت قعدت على الكرسي وهي متوتره وشعرها كان كله على وشها ومن كتر التعب مكانتش قادره حتى ترفع راسها لفوق.
عاصي شال بلاطه من الارض وحطها على جنب وابتدى يشمر كم ايده ورفعه لفوق ودخل ايده جوه الحفره دي وابتدى يطلع شمع العسل وشمع العسل كان حواليه نحل كتيييير وبالرغم من قرص النحل لدراع عاصي مكانش حاسس باللي بيقرص فيه ولا حتى بيأثر فيه. طلع شمع العسل اخيرا من الحفره والعسل كان بينزل منها. وحط عليها السم اللي بيحطه على العسل السم ده مابيموتش على قد ما بيقطع المصارين وبيخلي اللي قدامك يتمني الموت ولا انه يجربه مره تانيه عاصي راح للبنت ورفع راسها بأيديه وبالأيد التانيه كان ماسك شمع العسل بأيديه.
عاصي: (رفع حجبه الشمال بنظره حقد وابتسامه خبيثه) هتشربي العسل.
(في نفس الوقت)
غالب قرر انه لازم يتصرف مش هيسيب البنت اللي ملهاش اي ذنب دي تتعذب اكتر من كده وطلع من ورا الشجره وراح للكوخ
غالب جه يقرب من الباب البودي جارد عبد الرحيم كان واقف ووقف قصاده
غالب: (بغيظ) ابعد عن وشي بقولك
عبد الرحيم مش مسموحله انه يتكلم مع حد غير عاصي وبس
عبد الرحيم: غالب: يعني ايه. يعني مش هتتحرك
عبد الرحيم: (كان باصص قدامه ومربع ايده ومابيحركش رمشه حتي).
غالب: (والدموع نازله من عنيه خوف على البنت اللي جوه) حرام عليك انتوا ايه مافيش في قلوبكم رحمه. (بصوت عالي) سيبها ياعاااااااصي سيبهااااااا
غالب مره واحده بطل صريخ وسمع صوت النحل وهو بيزن وعرف ان عاصي قرر انه يشربها سم العسل
غالب:.
(في نفس الوقت)
عاصي: شايفه العسل ده. لو ما تكلمتيش حالا وقولتي تعرفي فيروزه منين (لف راسه شمال وهو بيرفع نن عنيه لفوق) هشربهولك
البنت من كتر التعب واللي شافته مكانتش بتتحرك
عاصي: العسل ده كفيل انه يخليكي تتمني الموت ومش هطوليه هيشل كل اطرافك وهيخليكي جثه واقعه على الارض لو قطعت منك حتت مش هتقدرى حتى ترمشي
لاخر مره بقولك تعرفي فيروزه منين.
البنت: رفعت راسها ببطء وشعرها رجع لورا وبصيتله في عنيه بكل تحدي
البنت: (بضحكه ظهرت بجانب شفايفها والدم نازل من شفايفها ردت عليه رد غريب جدا عاصي مكانش يتوقعه)
البنت: (برفعه حاجب) شربني العسل
عاصي: (ضم حواجبه وشاف نفس نظره فيروزه في عنيها فضل باصص في عنيها لمده ثواني نفس الضحكه نفس الحركه برفعه الحاجب ورجع لورا وهو بيزحف برجليه لما شاف نظرتها لي
ومره واحده البنت اغم عليها ورقبتها رجعت لورا وغمضت عنيها.
عاصي بلع ريقه وهو بقي هيتجن البنت دي وراها سر غريب هيموت ويعرفه بعد ما اتأكد ان البنت دي ليها صله بفيروزه ووقتها مابقاش عايزها تموت الا لما يعرف دي مين؟
عاصي مسكها من ايديها الاتنين وبقي يحاول يفوء فيها
عاصي: فوقي. اصحي انتي هتعمليهم عليا
البنت: عاصي: بقولك فوقي
عاصي بقي يضربها قلم في التاني البنت ما بتصحاش ولا حتى بتدي اي رده فعل مسك ايديها وحس على معصم ايدها.
لقي مافيش نبض والنفس انقطع شالها بسرعه وحطها على السرير وبقي يتصل بالدكتور عاصي مبقاش عايزها تموت بيبص لقي الفون مافيهووش شبكه
غريبه!
استغرب جدا ومبقاش عارف يعمل ايه هو عايزها تعيش بأي طريقه
طلع بره الكوخ
عاصي: عبد الرحيم اوعي تتحرك من هنا لحد ما اجي انت فاهم
عبد الرحيم حرك راسه فوق لتحت بأنه فاهم
عاصي ركب عربيته وطلع بيها على الطريق وبقي يسوق بأسرع ما عنده لحد ما وصل اول مستشفي قابلها على الطريق.
ودخل وهو بينادي بأعلي صوته
عاصي: دكتووووووووووور. عااايز دكتووووور بسرعه
الممرضه: وطي صوتك انت فين هنا
عاصي حط ايده على بوقها وكان هيعصر فك بوقها بأيديه
عاصي: (وهو دايس على سنانه بغيظ) عاااايز. دكتووور. بسرعه
الممرضه: (شاورت براسها فوق لتحت بخوف) حاااضر. حااضر
عاصي نزل ايده من على بوق الممرضه والممرضه اتقدمت قدامه خطوه ومشي وراها وفتحت الباب على الدكتور وهو بيكشف.
الدكتور: اي ده انتي اتجننتي انتي ازاي (ولسه هيكمل)
عاصي: انت الدكتور
الدكتور: انت مين
عاصي: (مسك الدكتور من ايده وبقي يشده وراه)
الدكتور: انت بتعمل ايه. سيب ايدي
عاصي: (طلع رزمه فلوس من جيبه ورماها في وش الدكتور)
عاصي: انت هتيجي معايا حالا انت فاهم
الدكتور شاف الفلوس دي كلها ولانهم في مستوصف وافق بسرعه واخد الفلوس ومشي
الدكتور مره واحده بص وراه
الدكتور: شنطتي
لم شنطته بسرعه ومشي ورا عاصي وركب معاه العربيه.
عاصي كان بيسوق زي المجنون والدنيا كانت بتمطر
عاصي شغل المساحات بتاعت العربيه ومكانش شايف الطريق قدامه كان بس شايف نظره البنت لي زي نظره فيروزه بالظبط وكان هيتجن
الدكتور: بالراحه شويه حرام عليك احنا كده مش هنوصل حتي
عاصي: (لف وشه شمال ناحيه الدكتور بصه خبيثه)
الدكتور حط ايده على بوقه
الدكتور: خلاص. خلاص هسكت اهوه
عاصي اخيرا وصل ونزل من العربيه
عاصي: تعالي ورايا.
عاصي نزل فتح البوابه ودخل والدكتور كان ماشي وراه وبقي مستغرب من المكان اللي هو فيه
مكان كله شجر مش اكتر الدكتور بقي يبص شمال ويمين وعلامات الاستغراب والرعب كلها على وشه
الدكتور بقي يشيل الشجر ويبعده بأيديه عن وشه
عاصي: مالك ما تتحرك شويه
الدكتور: حاضر. حاضر
عاصي: ايه عمرك ما شوفت قصر قبل كده
الدكتور: (استغرب من كلامه) قصر
عاصي: ايوه قصر اومال انت فاكر ايه
الدكتور: ده خرابه مش قصر
عاصي: خرابه.
التعليقات