رواية غصون في مهب الريح الفصل التاسع عشر 19 بقلم عبير سليم
رواية غصون في مهب الريح الجزء التاسع عشر
رواية غصون في مهب الريح البارت التاسع عشر
رواية غصون في مهب الريح الحلقة التاسعة عشر
بعد مرور عدة أيام في إحدى مكاتب المحاماه
معناه إيه الكلام ده انت عاوز تقول ان ابني انا حيتسجن
المحامي: للأسف
_لا انت لازم تتصرف أمير ابني استحاله يقعد بين المجرمين يوم واحد
_مفيش في إيدي حاجة أعملهاله
_نعم أمال انا ممسكك القضيه و دافعلك الفلوس اللي دفعتها دي كلها ليه انت لازم تشوف أي حل ان شالله نجيب أي حد يشيل القضيه مكانه و ندفعله اللي عاوزه
_تمام حلوة اوي الفكرة دي بس أنا مش حمشي في الشوارع أقول يا مين يشيل قضيه اقل حاجه فيها مؤبد ده إذا ما كانش إع؛دام مقابل انه ياخدله قرشين
_انت بتتريق يا متر
_تفتكر اللي احنا فيه ده مجال للتريأة
موقف ابنك صعب البلاوي اللي لقوها كانت فعربيته هو اللي بإسمه واللي كان سايقها وقت مالقوها معاه
_لا انا الكلام ده ميمشيش علية أنا ابني ملوش علاقه باللي لقوه معاه وان كنا انت مش حتعرف تجيب حق ابني بالقانون انا بقى اللي حتصرف
…………………..
بجلس أمامها ويتحدث إليها يحاول التخفيف عنها وبث الطمأنينه بصدرها : يارب أكون قدرت أجيبلك ولو جزء بسيط من حقك
تزيل عبراتها بيديها : ربنا يخليك يادكتور تعبتك معايا
_تعبك راحه ياوعد اهم حاجه إنك تنسي اللي حصل وترجعي لحياتك تاني
_حياتي ما خلاص مبقاش فيها حياه
_انتي إيه اللي بتقوليه ده اللي حصل حتنسيه و حتعيشي حياتك اللي بتتمنيها
أعيش حياتي اللي بتمناها
أعيشها ازاي و بعد إيه ما خلاص كل حاجه راحت
مسح الفيديو و دخول أمير السجن صحيح برد ناري لكن بردو مش حيرجع اللي راح انا مستقبلي انتهى حلمي اللي بقالي سنين بحلمه راح خلاص
_وعد ضياء بيحبك واستحاله يتخللى عنك او يسيبك هو عارف كويس أوي انتي أد إيه بتحبيه
_مقدرش اقولله حاجه زي دي مقدرش مقدرش
_مش انتي اللي حتقوليله ياوعد أنا اللي حقوله وافهمه كل حاجه وانا متأكد
_انا اللي متأكده يا دكتور انا اللي متأكده من رد فعل ضياء هو عمره ماحيسيبني ولا حيتخللى عني أنا عارفه ده لكن اللي حضرتك متعرفهوش ان ضياء استحاله حيتقبل فكرة ان حد لمسني واللا حضرتك نسيت ضياء مبيستحملش ان حد يلمس إيدي او يخبط فية غصب عنه تفتكر حيستحمل اللي حصل تفتكر حيقدر يتقبل حاجه زي دي ضياء ممكن يرتكب جنايه ممكن يضيع نفسه و مستقبله
_وهو حيقدر يعملله إيه وهو مرمي في السجن
_لا ضياء تهوره ممكن يوصله انه يروحله و مضمنش ممكن يعمل معاه ايه
_طب وايه الحل دلوقتي
_مفيهاش حل يا دكتور انا لازم ابعد عنه لازم اسيبه مينفعش نكمل سوا
_وعد بلاش هبل انتي مش حتقدري تبعدي عن ضياء تقدري تقوليلي حتكملي ازاي من غيره تقدري تفهميني ازاي حتعرفي تعيشي حياتك وضياء مش فيها
_ومين قال اني حقدر أعيش أنا من بعد ضياء حياتي انتهت خلاص لكن هو اللي لازم يعيش و يبدأ حياته مع حد جديد مع واحده نضيفه متلوثتش زيي.
_انا مش حسمحلك تقولي على نفسك الكلام ده انتي أنضف وأشرف بنت في الدنيا انتي لا أول و لا آخر واحده تتعرض لده
خلاص اللي حصل حصل مش نهاية العالم حتنسي وتبدئي ولو خايفه على ضياء وتهوره نعمل العمليه وكأن مفيش حاجه حصلت
_حضرتك بتقول ايه إزاي قدرت تقول حاجه زي دي أنا أعمل كده أنا اغش ضياء واخدعه استحاله استحاله أعمل كده
_ربنا بيقول الا ما اضطررتم إليه واحنا مضطرين ياوعد
_ده يبقى اسمه غش خداع حيبقى جواز باطل وغير كده مفيش حاجه بتستخبى العمر كله يا دكتور تفتكر مش حييجي اليوم اللي ضياء يعرف فيه الحقيقه
_منين محدش يعرف غيرنا انا وانتي وأمل وربنا سبحانه وتعالى اللي سترك وأن شاء الله حيديم ستره عليكي
_وأمير نسيته
_أمير خلاص انتهى
_لا منتهاش ولا عيلته انتهت
عمي ايده طايله ومش حيسكت غير لما يطلعه منها وحتى لو مطلعش بردو مش حيهدى وخصوصا انه عارف اننا احنا اللي ورا اللي حصلله وقتها حيخللي ابوه وأمه يبلغوا ضياء والدنيا كلها واتفضح أدام العالم كله دول عيلتي وانا عارفاهم كويس
صدقني يا دكتور هي مقفوله من كل النواحي و ملهاش حل
حلها الوحيد اني لازم ابعد عن حياة ضياء لازم اخرج من حياته للأبد
_وتروحي منه فين يا وعد تفتكري ضياء حيسيبك بالسهوله دي تفتكري حتى لو قلتيله إنك مش عاوزاه و سيبتيه هو حيصدق ده و حيسببك كده عادي وقتها ضياء ممكن يؤذيكي انتي و تبقي بردو ضيعني مستقبله
_يبقى اروح في اي مكان اختفي من أدامه يدور علية ميلاقينيش
_عندك استعداد تسافري يا وعد
_ياريت يا دكتور ياريت تساعدني اسافر عاوزه ابعد عنه على أد ما اقدر عاوزة اسمع عنه انه سعيد و عايش حياته وبس
_وانتي يا وعد مش حتعيشي حياتك
_حعيشها ازاي و مع مين يا دكتور أنا حياتي انتهت خلاص
_تعيشيها معايا وعد
_معاك
_أيوة يا وعد معايا مادمتي اخدتي القرار إنك تبعدي عن ضياء فأنا بعرض عليكي إنك تقبلي تتجوزيني واوعدك لو حبيتي في اي وقت انك تنفصلي مش حقولك لاء بس عالأقل وقتها حتكوني أدام الناس كلها اتجوزتي و انفصلتي وحتقدري تواجهي المجتمع بكل قوة و محدش حيقدر يقولك حاجه
_دكتور يوسف حضرتك بتقول إيه أنا استحاله اقبل بحاجه زي دي استحاله احط حضرتك في وضع زي ده وانا عمري ما اقدر ان اسمي يتكتب على اسم حد غيره
_وعد ملكيش دعوة بية انا مش صغير وعارف انا بعمل ايه زي مانا عارف و متأكد ان صعب عليكي تتقبلي حاجه زي دي لكن صدقيني هو ده الحل اللي ادامنا و اللي حينقذك من اي حاجه ممكن تخوفك في المستقبل
وعد انا مش عارف إذا كنتي حسه بمشاعري ناحيتك واللا لاء لكن اللي عارفه كويس اني استحاله حقدر اسيبك لوحدك في الظروف دي واسافر انتي حتسافري معايا يا وعد و ده لا عطف ولا شفقه لا وانتي متأكده من ده يا وعد
_لاء يا دكتور لاء _مش عاوز اسمع منك رد دلوقتي أنا عاوزك تفكري كويس و تاخدي وقتك و تردي علية و اوعدك لو وافقت انك مش حتندمي على قرارك ده
…………………..
تجلس بجوارها وتطعمها في فمها رغما عنها : انا شبعت والله يا طنط
_شبعتي ده ايه انتي حتاكلي الطبق ده كله
_والله مش قادره
_طب والله حزعل منك واللا عاوزة غيبوبة السكر تجيلك تاني
_حاضر يا طنط
_يحضرلك الخير يا حبيبتي ياللا بقى
تأكل غصون الطعام من يدها ثم تعطيها علاجها فتتناوله
و تخرج إلى أمها التي كانت جالسه تتلو آيات من ذكر الله الحكيم
تضع المصحف بجوارها و تأخذ ابنتها بين احضانها و تقبل رأسها
عامله ايه يا حبيبتي
_أنا كويسه طول ما حضرتك كويسه ياماما
_انا مش حبقى كويسه الا اما انتي تبقي كويسه
غصون خلاص يا حبيبتي اللي راح مش حيرجع تاني و و الدموع لو بترجع اللي راح كنا بكينا العمر كله عليه ابوكي استحاله نقدر ننساه يا غصون لكن انتي امانته ياحبيبتي اللي لازم احافظ عليها عاوزاكي تفوقي ياحبيبتي و ترجعي لمذاكرتك عاوزاكي تنجحي و تفرحيه في نومته عاوزاكي ترفعي راسه حتى وهو مش بيننا يا غصون انتي عوضي في الدنيا يا بنتي عاوزة ربنا يعوضني فيكي يا ضنايا
_تقبل يد أمها : حاضر يا ماما حاضر يا حبيبي
هبه : انا متشكرة ليكي أوي يا منى مش عارفه اقولك ايه على وقفتك معانا دي
_متقوليش كده يا هبه احنا اخوات وغلاوة غصون من غلاوة ولادي ربنا يفرحك بنجاحها وتشوفيها احلى عروسه في الدنيا كلها
_يارب
صحيح مجيبتيش معاكي فارس ليه
_اصل ابوه معاقبه وحالف عليه ماهو خارج من البيت
_ليه ده فارس ده عسل
_عسل اسود و منيل شاف غزل بنت جيراننا راجعه من الحضانه مع واحد جارنا تعالى امسك الولد اضربه و اضربها هي كمان
_إيه انتي بتهزري
_والله ما بهزر ده مناخوليا
و الناس اتلموا و بقوا يخلصوا و يقولها أدام الناس كلامي مع ابوكي واذا كان مش عارف يربيكي انا اللي حربيكي
خلانا مضحكه في الشارع
و طبعا محمد وهو راجع من الشركه الناس حكوله ده غير بقى ابو الواد اللي ضربه عاوز حق ابنه و مصمم ان ابنه يضرب فارس زي ما فارس ضربه و بالعافيه لما محمد اقنع الراجل ان ده لعب عيال و كملت بأبو غزل اللي يقول لمحمد ابنك عاوز يوقف حال بنتي من دلوقتي مين ده ابو نص لسان اللي اجوزه لبنتي شوفتي الراجل و هيافته
طبعا ابو نص لسان مسكتش وقالله لا احنا قاريين فاتحه و لو رجعت فيها حدخلك السجن
_لا مش ممكن انتي بتتتكلمي جد يا منى
_يا لهوي ده احنا فمواويل سوده بوريه من ده الفارس بوريه ده انا مش عارفه أما يكبر حيعمل معانا ايه
_هههههههه ضحكتيني و الله يا منى بس هو طالع حبيب كده لمين
_لاخوه يا اختي
_ضياء هو فعلا واضح انه بيحب خطيبته اوي
_بيحبها هو بيحبها بعقل ده نايم قايم يحلم بيها
و من يوم ما حبوا بعض وهما فثانوي وهو بيتشاكل مع خلق الله عشانها وياما رجعلي هدومه متقطعه و متبهدل بسببها وكملت انه ضرب واحد في الجيش واتحبس من كتر حبه ليها
_يالهوي ليه
_ابدا كانت مش بترد على تليفونه و واحد اتريق عليه قام ضربه
_وخرج
_أيوة الحمد لله و نازل كمان كام يوم
_ييجي بألف سلامه
_تسلميلي يا قلبي
ياللا انا حقوم بقى
_خليكي معانا شويه يا طنط عشان خاطري
_حبيبتي يا غصون خاطرك غالي علية أوي بس لازم اروح أشوف البلاوي اللي ورايا و اشوف وش المصايب عمل ايه ضياء لما كان هنا كان شايل مشاكل فارس كلها و هو اللي بيتصدرله دلوقتي كل حاجه فوق راسي _عيل و بكرة يعقل
_يارب يا هبه
خللي بالك من ماما يا غصون
_حتيجي بكرة يا طنط
_ربنا يسهل ان شاء الله
_هاتي معاكي فارس وحشني
_ربنا يسهل والله يصدر عنه عفو وانا اجيبه
_قوليله غصون بتقولك عشان خاطري وهو مش حيقول حاجه
_حاضر يا حبيبتي
حقولله والله
………………….
وعد يا وعد
رايحه فين انتي مبتعرفيش تعومي
_متجيش ورايا يا ضياء متجيش ورايا عشان خاطري
_عشان خاطري انتي ارجعي متدخليش اكتر من كده حتغرقي يا وعد
_انا أصلا غرقت من زمان يا ضياء غرقت فحبك يا حبيب عمري غرقت فبحرك وتهت فوسط امواجه اللي بتطوحني و بتخبط فية بكل قوتها بترميني من شط لشط لكن عمرها ما بتسمحلي اقدر اتخطاها و لا اتغلب عليها
_طب تعالي تعالي عشان خاطري
_ماهو انا بدخل عشان خاطرك والله عشان خاطرك انت ياحبيبي
_لا استني يا وعد
_متجيش يا ضياء متجيش الله يخليك خليك مكانك عشان خاطري أنا خايفه عليك
مسابش لينا فرصه نكون مع بعض سد كل الطرق ادامنا يا حبيبي
_هو مين مين ده اللي عمل كده
_قدرنا يا ضياء قدرنا
_لا احنا قدرنا مع بعض يا وعد انتي نور حياتي و قدري وانا وعدك لية إنك معايا و مفيش موج ممكن ينتصر علينا
_غصب عني مش بايدي يا ضياء
حتوحشني يا ضياء
فجأة جاءت موجه عاليه اطاحت بها بكل قوة
ظل يسبح كالمجنون يبحث عنها بين الأمواج ينادي عليها بأعلى صوته : وعد وعد
_ضياء قوم يا ضياء
_وعد
يفتح عينيه ليتيقن انه كان يحلم
_مالك يا ضياء في إيه انت كنت بتحلم
_ لا ده مش حلم ده كابوس يا عمر كابوس
_احكيلي يا صاحبي شوفت إيه
^وعد مبتعرفش تعوم و بتخاف من البحر طول عمرها لقيتها داخله جوة خفت عليها فضلت انادي عليها عشان تخرج لكن هيا قالتلي كلام غريب اوي مش فاهمه
قالتلي مسابش فرصه لينا و اني حوحشها
انا خايف يا عمر خايف اوي هي فيها حاجه صح وعد تعبانه وعد تعبانه يا عمر آخر مرة كلمتها كان صوتها تعبان اوي وقالتلي انها واخده دور برد شديد أول ما تبقى كويسه حتكلمني بس اللي شوفته ده مش دور برد هي فيها حاجه
انا فاكر ماما كانت بتقول البحر في الحلم حيرة و مشاكل
_ان شاء الله خير يا ضياء كلها يومين و تنزل وتشوفها وتطمن عليها ان شاء الله ياصاحبي
_يارب طمن قلبي عليها يارب انت العالم انا بحبها أد إيه يارب متفرقش بيننا يارب و تخليهالي ومتخرمنيش منها يارب
………………….
في اليوم التالي
خلاص حتسافري يافريده
_حقك علية والله يا حبيبتي غصب عني هناك الامتحانات مستمرة طول السنه
مازن : انا والله قدمتلها اعتذار عن الامتحانات اللي فاتتها لكن هي لازم تحضر عشان السنه متضيعش عليها متزعليش،منها يا غصون غصب عنها والله
_انا ازعل من فريده
دي روحي وقلبي هي بس بتوحشني
زين : هانت ياحبيبتي كلها كام شهر وتخلص و ترجع أن شاء الله
و عند هذه الكلمه يتوقف الزمن بين فريده و مازن و أعينهم تتلاقى و كأنها لا تريد ان ينقضي هذا العام
_المهم انا عاوزك من بكرة تنزلي دروسك وتشوفي حياتك
_مش قادره
_لا حتقدري
غصون انا وعدت محمود الله يرحمه اني حكون جمبكم و وده يخليني اجبرك إنك من بكرة حترجعي لحياتك انتي لو عاوزة اجيبلك كل المدرسين هنا اجيبلك لكن أنا عاوزك انتي تخرجي و تشوفي صحابك
_انا معنديش صحاب غير فريده
_زمايلك يا ستي المهم تخرجي
_اونكل زين بيتكلم صح يا حبيبتي و اللا انتي عاوزة بابا يبقى مش مرتاح في قبره
_حاضر يا ماما حاضر يا اونكل
بيس انا لية طلب ممكن
_اتفضلي حبيبتي
_عاوزه اروح مع فريده وهي مسافره عاوزة أوصلها للمطار
_بس كده من عينيا طبعا
_طب ممكن طلب تاني
عاوزة فريده تبات معايا الليلادي
_ده على أساس أنها مكانتش بايته معاكي الأيام اللي فاتت دي كلها
_معلش يا اونكل حقك علية اخدتها منك
_لا يا حبيبتي ولا يهمك خليها معاكي بس المهم انتي تبقي كويسه
يتحدث الجميع و غصون تدمع بين الحين و الآخر حتى يمر الوقت فيصطحب زين مازن إلى البيت بينما تقوم فريده بتبديل ثيابها للمبيت عند صديقتها
تظل فريده طوال الليل تتحدث إلى غصون لتخرجها مما هي فيه فتظل تحكي لها عن الحياه بالخارج و عن علاقتها بمازن فكانت غصون تارة معها و تارة تتوه و تفكر في والدها الذي رحل من دنياها حتى غلبهما النعاس و ناما
…………………
انتي بتقولي إيه يا وعد معقوله اللي انتي بتقوليه ده
_هو ده اللي حصل
_وانتي حتعملي إيه
حتوافقي على عرضه يا وعد
_انتي شايفه إيه يا أمل
_شايفه ان يوسف عنده حق فكل اللي قاله مادمتي اخدتي قرارك إنك حتبعدي عن ضياء يبقى عرضه ليكي انسب حاجه يا وعد
_و تفتكري انا ينفع اتجوز حد غير ضياء
_وعد انا تعبت منك و مبقتش فاهماكي انتي عاوزه ايه ايه اللي يريحك
_قلنا احنا حنكلمه و نفهمه و نحاول نعقله و نعرفه ان ربنا جابلك حقك منه قلتي لاء
الراجل بيقولك انا حتجوزك و استرك بردو لاء انتي عاوزة ايه
_مش عاوزة حاجه يا أمل مش عاوزة حاجه انا تعبانه يا امل تعبانه اوي معقوله مش حاسه بية معقوله مستغربه من الحيره اللي انا فيها هو اللي انا فيه ده شويه كل اللي حصل ده شويه
عمري و حبي و أحلامي كل حاجه انتهت أدام عينيه فعمضة عين حبيب عمري اللي ماتمنتش غيره محلمتش غير بيه تفتكري سهل علية اني الاقي نفسي ببعد عنه و بخرجه من حياتي و اتجوز غيره و مين دكتوري اللي عمري ما شفته غير دكتور يوسف استاذي تفتكري ده سهل علية
_حبيبتي انا عارفه و الله أن اللي مريتي بيه كتير عليكي و صعب انك تتقبليه لكن حنعمل إيه هو ده القدر اللي انكتب علينا و لازم نرضى بيه ضياء نازل بعد يومين و غصب عنك حتشوفيه و حتقابليه حتقوليله إيه حتعملي إيه
لازم حيحصل بينكم مواجهه
_لا مش حقدر مش حقدر اشوفه و لا اواجهه مقدرش يا أمل مقدرش
_طب حنعمل ايه وحنقولله إيه
سافرت والله يا بني
_سافرت فين يا طنط
_بتقوللي الاقصر عشان محتاجينها فحسابات المشروع الجديد دي حتى أمل معاها
_وتليفونها مقفول ليه
_اصلها طول اليوم في الشغل و بيكون مفيش شبكه و هي لما بترجع الفندق اللي بتبات فيه بتكلمني
_اسمه ايه الفندق
_معرفش يا بني والله
_ماشي يا طنط وفين يارا و كوكي
_كوكي بتلعب عند الجيران و يارا حابسه نفسها في الاوضه و مبتبطلش عياط زعلانه عشان أمير
_هي قضيته اتحكم فيها
_لا لسه بس بيقولوا القضيه لابساه
_ممكن ادخلها
_تعالى يا ضياء
يطرق عليها الباب فتسمح له بالدخول تعتدل في جلستها و تتحدث إليه
يظل يتحدث معها و يحاول إخراجها مما هي فيه و يقنعها بأن هذا الشخص لا يرتاح قلبه له و انها تستحق من هو أفضل منه و لا يستحق بكاء عينيها
يجلس معها بعض الوقت و لا يتركها الا بعد ان تأكد انها اصبحت احسن حالا ثم
يخرج من عندهم و هو في قمة غضبه كيف لها أن تفعل به هكذا كيف لها أن تسافر دون علمه و هي على علم بمجيئه
لابد أن يعلم أين هي والى اين سافرت
يقوم بمحاولة الاتصال عليها كثيرا ولكن هاتفها غير متاح يتصل على أمل فيجده ايضا مغلق
فيقرر الإتصال على يوسف و الذي ما إن يرى رقمه على هاتفه فيرفض الرد عليه فبما يجيبه هل يحكي له ما حدث لحبيبته
ام يخبره انه يود الزواج منها
ينظر إلى شاشة الهاتف فقط
اخذ يسأل نفسه و يؤنبها: انت مقتنع باللي انت بتعمله ده انت راضي عن نفسك كده
انت فعلا عاوز تساعدها و اللا لقيتها فرصه عشان تحقق حلمك في الجواز منها
المفروض انت اللي تقف جمبها و تصمم إنك تلم شملها مع حبيبها مش تستغل الفرصه و تعرض عليها الجواز تضغط عليها فاكتر وقت هي ضعيفه فيه
ايوة هي رافضه انها تكمل معاه بس انت عارف انها بتعشقه و انها لو حتى وافقت عليك فده عشان تنقذه يعني بردو عشان بتحبه
معقوله انت تعمل كده
_لا انا بعمل كده عشان اساعدها انا مش وحش كده انا لو علية عاوز اقولله كل حاجه و احكيله اللي حصللها لكن هيا قالتلي و صاحبتها شاهده على كلامها ان لو ضياء عرف حاجه حتمو؛ت نفسها يا اما حتمشي و محدش حيعرفلها مكان
انا مبعملش كده استغلال و لا طمع انا عاوز اقف جمبها و اساعدها
يكاد عقل ضياء ان يجن خاصة و ان اليوم التالي هو يوم الجمعه و يليه السبت والذي لا تعمل به الشركه
فأين يبحث عنها و إلى أين يتجه هل يتحمل الانتظار يومين حتى تفتح الشركه و يتوجه للسؤال عنها و إلى أين سافرت ام يتجه إلى منزل أمل ليعلم أين هي
هو لا يريد أن يتسبب في الازعاج لأحد و لكن لا بد من الاطمئنان على حبيبته بأي شكل
يومان يمران كدهر عليه يتمنى اتيان الصباح ليذهب سريعا إلى الشركه ومعرفة مكانها
كان ضياء في طريقه إلى الشركه التي تعمل بها وعد
و في ذات الوقت كانت سيارة زين متجهه إلى المطار لتوصيل ابنته و مازن و معه غصون كما وعدها
و أيضا سيارة يوسف هي الأخرى متجهه إلى وجهتها التي سينتهي إليها القرار
يجلس الجميع في ساحة الانتظار بالمطار
تحدث فريده غصون
غصون شايفه البنت اللي هناك دي
_أنهي واحده
_اللي لابسه دريس اسود و طرحه بينك.
بصي عليها كده
_مالها يا فريده مش واخده بالي
_مش واخده بالك ايه بس دي شبهك اوي يا غصون
_شبهي انا
_أيوة والله انا من وقت ما قعدنا وانا واخده بالي منها ده كأنكم اخوات
_عادي يا فريده
مازن : مالكم بتتكلموا عن مين
_بص يا مازن شايف البنت اللي هناك دي
بزمتك مش شبه غصون
_أيوة فعلا شبهك اوي يا غصون هي باين عليها اكبر منكم بشويه لكن نفس ملامحك سبحان الله
ايه ده استنوا كده
ده دكتور يوسف
يتركهم مازن و يتوجه للسلام عليه
دكتور يوسف مش معقوله ازي حضرتك يا دكتور
_مازن انت هنا فمصر
_أيوة كنت هنا في بيت خالتو و راجع تاني
_حضرتك وحشتنا جدا و الله مجتش لينا من فترة
_اديني رايح عندكم يا سيدي
باباك فضل يتحايل علية كتير اسافر ليه واشتغل معاه وانا قررت اني احققله رغبته
_دي أحلى حاجه حضرتك عملتها
مش حتعرفنا يا دكتور عالقمر دي
_ وعد تبقى ……..
ياتري وعد اتجوزت يوسف و ياترى ضياء،رد فعله حيكون إيه لما يعرف ان وعد سافرت و سابته و يا ترى سفر وعد و معرفة يوسف بأهل فريده حيكون ليه علاقه باللي حيحصل معاهم بعد كده
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية غصون في مهب الريح)
التعليقات