رواية النصيب كاملة وحصرية بقلم نور محمد

كان حازم بيستعد علشان يلحق شغله بس فجأه قربت منه زوجته يارا وقالت بقلق وخوف: حازم الحق ابوك اخد حبيبه عند الدكتور علشان تعبت فجأه منه وانا خايفه يعرف احنا عملنا فيها ايه بدون علمه

حازم سمعها وقلبه دق بشكل عنيف وملامحه كلها قلبت 180درجه وقال بخوف وقلق كبير: اييه حبيبه تعبت ازاي وبسبب ايه يعني؟

يارا اتغاظت اوي لانه كان خايف وملهوف اوي عليها فقالت بغيظ وغيره: تعبت زي أي انسانه مابتتعب ياحازم وانت خايف عليها كده ليه انا بقولك اخدها لدكتور يكشف عليها واكيد دلوقتي عرف احنا عملنا فيها ايه؟

حازم مكنش مركز اوي في كلامها وكل اللي شاغل باله ان حبيبه تعبت ودخلت المستشفي وده كله اكيد بسببه فقال بخوف ظاهر عليه: انا انا لازم اروح اطمن عليها بسرعه اشوف حصل لها ايه؟.

خلص حازم جملته وقبل مايخرج من البيت نادت عليه يارا بخوف وغيره وقالت: حازم المهم ابننا اللي في بطنها منتساش انها حامل في ابننا دلوقتي ودي اخر فرصه لنا علشان نبقى عيله زي باقي الناس ها ياحبيبي خلي بالك من ابننا اهم حاجه

حازم التفت وبصلها بحده وغيظ بس تهند بضيق وقال: حاضر متقلقيش انا مستحيل اسمح لشئ انه يأزي ابننا يايارا تمام متخفيش عليه ياله سلام

خرج حازم وهو كل تفكيره في حاله حبيبه دلوقتي ومش شاغل باله غير سلامتها بس

اما يارا فقعدت مكانها بقلق لانها عارف ان حازم بيخاف على حبيبه اوي وهي بعد مجهود كبير منها قدرت بصعوبه انها تقنعه يعمل كده علشان تبقى أم لانها للاسف صعب تبقى أم في الوقت الحالي

الثاني من هنا