رواية وود الفصل الثالث 3 بقلم اسماعيل موسي
#وود
٣
فتحت كريس باب الحديقه الخارجى
المصباح فى يد والبندقيه فى اليد الأخرى، وسط المطر وبقايا الظلام لمحت طفله صغيره بتبكي جنب السور
نادت كريس مين هنا
ووسط الغبش وانعدام الرؤيه شافت كريس الطفله الصغيره بتجرى وتدخل بين الأشجار
بصت كريس ناحيت الغابه ناحيت البيت، عارفه ان الدخول فى الغابه فى الوقت دا جنون
لكن دى طفله صغيره، ولو كانت وود بنتها كانت هتتمنى ان اى شخص ينقذها
بتردد دخلت كريس الغابه متتبعه آثار أقدام الطفله
الطفله إلى كانت تعمقت كتير جوه الغابه
كريس كانت بتنادي بصوت مرتفع على الطفله وتحذرها من خطورة الغابه
بعد ما تعمقت كريس اكتر جوه الغابه وجسمها كله بقى مبلول بالميه الطفله ظهرت بين الأشجار
كريس قربت منها ووجهت المصباح ناحيتها وقفت مرعوبه
كانت طفله صغيره زى ما وصفتها وود وليها زيل بين قدامها بيجر على الأرض
الطفله كانت واقفه وعلى وشها ابتسامه ساخره وزى ما ظهرت اختفت فجأه
كريس المرعبه رجعت جرى على البيت وهى ملهوفة بتصرخ بأسم وود
باب الحديقه كان مفتوح زى ما كريس ثابته
وباب البيت مقفول فتحت كريس باب البيت واول ما شافت وود واقفه جريت ناحيتها واخدتها بالحضن
حضنتها جامد اووى وهى بتهمس انا اسفه يا وود لانى مصدقتكيش
وود كان واقفه بثبات وجسمها كان بارد جدا
كريس جسمك بارد اووى يا وود واخدت وود بنتها جنب المدفأه كل دا وهى بتعتذر لوود وبتبوس خدها
ووشها، وود قاعده فى حضن امها هاديه من غير ما تتكلم
كريس ان شفت الطفله إلى كانت بتلعب معاكى يا وود
وود ببرود شفتيها فين؟
كريس.. شفتها فى الغابه
وود.. وكانت بتعمل ايه فى الغابه؟
كريس.. معرفش، بس انا عايزاكى متعلبيش تانى مع البنت دى ولو شوفتيها جوه الحديقه عايزاكى تقوليلى على طول
ماشى؟
حاضر يا ماما، ممكن انام من فضلك؟
الفصل الرابع من هنا
التعليقات