البارت التاسع
جمانه السعيدي
ميار….راح نشوف ادم وين اختفى
هسه حتى تعرفون اني شكد مغفله وغبيه
ومااتعض من الدرس
ادم مجرد عامل كان بهذا المحل يشتغل بليوميه
يعني مو شريك مثل ماحجالي
ابو المحل قرر يصفي المحل لان اخذ محل بمكان احسن
هو استغل هذا الشي ودخلي من هذا المدخل
اول شي غاب عني أربع ايام كان يعرف راح اروح المكان عمله ومراح الكا لان ابو المحل نقل البضاعه المحل ثاني اكبر
هنا دخل عليه بسالفة الشريك وهو محتاج فلوس
كان متوقع مني انطي فلوس
اي مبلغ بس ما متوقع راح يحصل مني هيج مبلغ جبير
بقا يجر وياي ناعم
بلكت يكدر يحصل اي مبلغ ثاني مني
اي مبلغ هو مو خسران شي
اكو بنيه ثانيه هم اخذ منها مبلغ على نفس التمثيليه
الي مثلها عليه اخذ منها مليونيين
طبعا هو ابو وامه منفصلين من جان زغير ومتربي بكل بيت شويه من كبر طردو كاللوه انت بعد صرت جبير روح اشتغل وعيش جمانه السعيدي
بقى يشتغل هنا وهنا واي وحده تنعجب بشكله
يستغله ويأخذ منها فلوس
شكد مايكدر ياخذ منها ياخذ
كان مااجر شقه ودافع سنه كدام قبل لا تخلص المده بشهر
دور على مؤجر اجر علي الشقه واخذ منه ايجار سنه ليكدام
اجره علي بعقد مزور
يعني رجع المبلغ الي دفعه الصاحب الشقه كاايجار
اكبر نصاب بلدنيا
جمع مبلغ محترم مني ومن هاي البنيه ومن ايجار الشقه
لمدت سنه وطفر الاربيل
كل هذا واني مااعرف بلعكس كنت خايفه علي
واكول خطيه وكع باازمه ماليه الله اعلم شصار بي
كان لازم اوكف وياا ومااعوفه
ميار…بعد اربع ايام شويه تحسنت حالة ابوي
طبعا عمي كاعد بيتنا ماعاف ابوي ابد يجيب علاج ومسواك وحاير بي حيره
اخوه الوحيد ويخاف علي
بعد اربع ايام وضع ابوي اتحسن شويه قرر يطلع للشغل
ضاج من البيت
عمي ماقبل بس هو صمم يطلع من البيت
مايحب يكعد بلبيت جمانه السعيدي
ابوي….اني عطلتج على الدراسه وتعبتج
ميار…لا ما عطلتني بعد شهر كدامي اقرا بي
كنت خايفه علي لا يعرف بمصيبتي ولحد هذا الوقت مااعرف شراح اسوي
طلع ابوي اني نضفت اللبيت وكعدت اتصل على ادم
اريد اعرف اي شي عنه ماكووو
يطلعلي الرقم خارج الخدمه
كنت خايفه علي بشكل مو معقول ومستعده ادفع اي مبلغ بس ارجع اسمع اخباره مره ثانيه
ابوي من راح للشغل اجا واحد من الجوارين عنده سياره ومحتاج يشتري شغله تخصها
هذا الرجال بته وياي بلسادس من العام
العام طلعت معدل ٩٥ وماعجبه المعدل عادت السنه تريد معدل اعلى حلمها تدخل طبيه كلش شاطره
نسميها النابغه
ابوها سلم على ابوي وكعدو يحجون عن المدرسه
ابو نور….شلونها ميار
ابوي.. الحمد لله
ابو نور…احنا بلبيت كلنا داخلين انذار بسبب نور ماتريد صوت ابد حتى تركز بلقرايه
عدها غرفتها جهزته من كلشي اريدها اطلع معدل زين
مااريدها تعيد بعد سنه
اني العام ماقبلت تعيد بس هي صممت تريد معدل اعلى
ابوي…اي ولله وميار اني هم دخلته دورات بس اريدها اطلع معدل علمودها اني شراح اخلي بجيبي
اريدها تفيد نفسها صار كم يوم بدت تقرأ وتحضر دروسها
ابو نور…بس ميار مادخلت بكلوريا العام مادخلت
والسنه هم مادخلت
ابوي…لا العام دخلت بس رسبت باربع دروس
والسنه اني ذبيت عليها فلوس شكد ما تتصور اريدها بس تطلع من السادس
ابو نور…لا انت مشتبه العام ميار مادخلت بكلوريا والسنه هم مادخلت
ابوي…انت متاكد
ابو نور…اي متاكد نور دوم تحجي ببها تكول ضيعت نفسها
بلعب وماتقرا وما مهتمه للمدرسه وهواي تغيب
ابوي….لعد وين جانت تروح بلامتحانات
بس طلع ابو نور ابوي قرر يتأكد من كلامه
ابوي بقه الصانع بلمحل وراح المدرستي
وهنا المديره تفاجئت بي
ابوي….اريد اعرف نتيجة ميار
المديره…ميار ما داخله بكلوريا العام مادخلت والسنه هم مادخلت اني طلبت منها يحضر ولي أمرها
بس حضرتك مااجيت
حتى غيابات عدها هواي
ابوي هنا صعد ضغطه من عرف اني راسبه بكل المواد
وما داخله بكلوريا لا العام ولا السنه
اترخص من المديره ورجع للبيت
دخل من برا وهو شايط ويصيح ميار ميار وينج
اني ماكنت متوقعه هو عرف اني مادخلت بكلوريا كنت متوقعه شي ثاني
اجيت علي ركض
ميار.. هاا يابه شكوووشصاير اتخربطت
اني قربت علي وهو لزمني من شعري وضربني راشدي
رجع كفخني على راسي
ابوي…شلون اجذبين عليه وتكولين اني دخلت بكلوريا
اليوم ابو نور يكول لا العام ولا السنه دخلت بكلوريا
ووين جنتي ترحين والفلوس الي اخذتيهن وين وديتهن
ميار….لازمني من شعري ويكفخ بيه رديت علي من خوفي جذاب هو وبته
ابوي….انتي الجذابه رحت للمديره وتاكدت من كلامه
مستمر لازم شعري ويضربني
راسا اااا وكع من طوله هي وكعه وهي موته
نزلت علي احركه ما يتحرك كمت اعيط واهز بجسمه ماكو اي حركه
خليت راسي على صدره ما يتنفس
كمت جبت التليفون واتصلت على عمي
ميار…الو عمو الحك عليه ابوي ابوي ما يتحرك فدوه استعجل
كعدت بلكاع وخليت راسه بحضني
ميار…يابه حاجيني اني اسفه يابه ولله مجان قصدي
فدوه لا تعوفني
منو اليه من بعدك فدوه افتح عينك
ولله ادرس وانجح اوعدك راح ادرس وابطل كلشي
ادرس وانجح فدوه بس حاجيني جمانه السعيدي
يابه منو اليه وين اروح ووين انطي وجهي
اسفه ولله اسفه وبعد ما اعيدها ابد
اني اعرف نفسي ضوجتك بس مو قصدي الله يخليك حاجيني
اجا عمي بس شاف هذا المنضر اني كاعده وخاله راس ابوي بحضني
دنك خله راسه على صدره ماكو اي نفس
كال شيلي وياي اخذه للمستشفى
شلنا اني ويااا خلينا بلسياره شغل السياره عمي وكبل للمستشفى
بس نزلنا عمي جاب سرير متحرك اني وياا تساعدنا ودخلنا جوه بس فحصه الدكتور كال
ميت صار اكثر من نص ساعه
اني كمت اعيط لميت المستشفى كلها
عمي كعد بلكاع وكام يبجي الناس اجمعت علينا
اني اتهسترت شلون يموت ويعوفني اني السبب
كل يوم يكول اني تعبان اني مريض
واني مالي شغل بي ولا مهتمه
كمت اضرب براسي بلحايط
اجا عمي وحضني يريدني اسكت
طلع تليفونه واتصل على محمود كال تعال انت واخوك عمك مات
من سمعت عمي يكول مات رجعت اعيط من جديد
وصلو ولد عمي ثنيينهم
اخذو ابوي يطلعوله شهادة وفاة
محمود وعمي راحو وياا ابوي للمقبره
واني وابن عمي الزغير رحنا بيت عمي
طول الطريق ابجي ما مصدكه ابوي راح بسبي
شلون بيه وين اروح ليش هيج سوت بي
زوجت عمي حضنتني وكامت تبجي بنات عمي يبجن
طلعلي ملابس اسود ولبسني
عمي اتصل على زوجته
عمي.. ام محمود حضري البيت الفاتحه راح تكون بيتنا
ام محمود…صار
عمي…ديري بالج على ميار انتبهي عليها
ام محمود.. اخليها بعيوني
بليل رجعو من المقبره من شفت عمي رجع اتخيلت ابوي يرجع ويااا
بعدني مامصدكه خسرت ابوي وبعد مراح اشوفه
شلون راح اعيش من بعده
حضنت عمي وكمت اعيط
وهو خطيه يعيط وياي
منا لمن فحطت كلش وكعدت بلكاع
عمي….الله يرحمه كسر ضهري اليوم ابوج كسر ضهري ميار
ميار…اريد ابوي عمو شلون راح اعيش اذا هو عافني
عمي…ادعيله بلرحمه والمغفره
ميار….مااكدر اصدك عافني على غفله وراح مني
عمي…كافي بجي تعبتي البجي مايرجعه النا
ميار….اهييي اهييي لو ماخذني وياك ليش عفتني
عمي…كومي غسلي اتعشيتي لو لا
ام محمود…طول النهار كلشي مااكلت بس تبجي
عمي…كومي جيبي اكل ناكل اني وياها
ميار…كلشي مااريد اريد ابوي ليش عافني اريده يرجع
اريد اعتذر منه اريد اكابله واكعد
اريد اشبع منه اني بعدني ما شبعت منه
وين اروح عموووو
شلون راح اعيش وحدي شلون راح اكدر اكمل وابوي ماكو
عمي…اني وياج مراح اعوفج ابد
انتي بنتي الثالثه
اخليج بعيوني ماطول اني اشتم الهوا
التعليقات