ميار….تغطيت ونمت نايمه نومه عميقه مااحس اله الغطى نرفع واكو واحد حضني
فتحت عيوني مفزوعه لكيته محمود
ميار…شكووو
محمود…حقي راح منج التوتر ونمتي واني هسه اريد حقي
ميار… ماكان عندي اي ردت فعل لان هو كامشني بطريقه غريبه عبالك راح انهزم منه استسلمت
بعد المصيبه وكعت لازم اتحمل
محمود ماكان همه المعاشره بكد ما يريد يعرف اني بنيه لو لا لان ماعنده ثقه بيه ولامصدك كلامي
اتأكد كلشي تمام وبعد عني
ماكمت من مكاني رجعت اتغطيت وكمت ابجي اني استاهل كلشي يصير وياي اني غبيه وضيعت نفسي
طلع محمود من الغرفه نزل حتى يسبح جوا
اني بقيت ممده تقريبا نص ساعه وكمت اخذت ملابسي ودخلت للحمام
سبحت وطلعت لبست دشداشه ومشطت شعري
طلعت جرجف الجربايه برا وخليت جرجف جديد
نزلت جوا ونزلت وياي الجرجف وملابسي الي كنت
لا بستهن
لكيت محمود كاعد يتريك بلمطبخ وخالتي والبنات كاعدات ينظفن
خليت الجرجف بلغساله
شافتني خالتي اجت أصبح عليه وتباركلي
الضاهر محمود حجالها الصار بينا
خالتي.. الف مبروك
ميار…الله يبارك بيج
اجن البنات باسني وباركلي
خالتي….تعاي اتريكي محمود ماصبر لمن تنزلين كعد ياكل يكول جوعان
ميار…عادي
اباوع محمود كاعد ياكل حتى صباح الخير ماكووو
وكانما ما يشوفني
كعدت اتريك اني والبنات من خلص وكام من الاكل
محمود….ميار ملابسي بقن بلحمام اغسليهن وياج
ميار. ميخالف
خالتي…البنات يغسلنهن
محمود… لا هي تغسلهن هي شبيها شناقصها هي مسؤله عن كل شي بخصني
ميار…اي اني اغسلهن
كملت اكل ودخلت للحمام غسلت ملابسه وملابسي الجرجف وطلعته شريتهن جمانه السعيدي
ملابسي تبللن صعدت اغيرهن خاف يجينا احد
طبكت باب الغرفه نزعت الدشداشه راسا انفتحت الباب
اني نشغت وجريت باب الكنتور عليه
باوعت محمود
محمود….شبيج مستحيه اقفلي الباب مره ثانيه اذا تبدلين
مااعرف شنو اخذ من المجر وطلع
اني لبست ثوب بسرعه وعدلت شعري ونزلت وياا البنات جوا
خالتي.. لا تشتغلين اكعدي
ميار…لا اريد اتحرك كمت افتر بلمطبخ وياا البنات اساعدهن
معاملة محمود وياي منتهى القسوه
وكانما يكول اني مااكدر انسى الماضي واتعامل وياج تعامل عادي كلامه جافه مابي حنيه
طلباته كلها أوامر
اذا يريد شي ياامرني اامر وكأني اشتغل عنده مو زوجته
حتى العلاقه بينا أوامر ما بيه حنيه لو ملاطفه
بس يخلص يدير وجها وينام
اذا اتمرض ماله شغل خالتي وعمي يهتمون بيه
اجت المدرسه حماي الزغير انقبل كليه بغير محافظه
دخل أقسام داخليه بلشهر ينزل يومين ويروح
والبنات يداومون اعداديه ثنيبنهن
بقينا بلبيت بس اني وخالتي
تقريبا كل شغل البيت عليه افتر طول النهار مثل الناعور
حتى اخلص الوقت ومااكعد افكر و انقهر
خالتي عليها طبخ الغده واني انضف البيت والمطبخ
وانضف الثحباة والطرمه
والبنات عليهن العشى وتنضيف المطبخ بليل
كل وتحد يعرف شغله شنوووماعدنا مشاكل ولله الحمد
الحد هنا وخالتي وعمي ما يعرفون محمود اخذ تليفوني
عبالهم اني ماانزله وياي جوه من اشتغل
ابد ماكدرت احب محمود هو السبب
خال حواجز بينا يعاملني كأني اشتغل عنده مو زوجته
واني كنت ساكته ماعندي اي تفاعل
ولا اكدر اغير مشاعري واحبه
لو شويه يتعامل وياي احسن جان حبيته
بس تعامله وياي كله بلا مبلا
يرجع من الدوام يتغدا وينام بشرط كون ماكو صوت
اني من ينام انزل جوه
يكعد المغرب يتعشى ويسبح ويطلع وياا جماعته
يرجع متأخر وينام
بستمرار الوقت تحولت حياتي الي حياة روتينيه ممله
اتعودت على هاي الحياة واحاول اخلي المركب تمشي
مرات اكول اني استحق الافضل هاي الحياة ماتناسبني
اني ليش قابله بهذا الوضع جمانه السعيدي
ومرات اكول محمود عنده حق بتعامل وياي هيج اني انفرضت علي
بعد ٣ اشهر من زواجنا كعدت الصبح ضايجه ونفسي لعبانه
ومالي خلك بس لازم اكوم خالتي وحدها بلبيت
والصبح البيت يبقى هوسه الكل يبدل ويطلع للدوام
نزلت واني لازمه الدرج وانزل على كيف
وصلت للمطبخ ووكعت من طولي
خالتي شافتني وكامت تعيط
اني مافقدت الوعي بس احس تعبانه ومابيه حيل
دنكت عليه خالتي كعدتني خلت ضهري على الحايط
جابت مي غسلت وجهي وتحاول توعيني
ميار…مابيه شي لا تخافين بس تعبانه
خالتي. .وين تليفونج خل اتصل على محمود
ميار…ماعندي تليفون محمود اخذا
خالتي ياا ليش اخذا اني ماعندي رصيد
جابت خالتي تليفونها وكامت ترمش على محمود
شويه واتصل عليها
خالتي.. محمود يمه تكدر تجي ميار تخربطت
محمود…شبيها البارحه مثل الحصان تتعاير عليج خاف ماتريد تشتغل
خالتي….ولك مريضه مااعرف شبيها
محمود…هسه تصير احسن بعد تردين شي
خالتي.. يعني ما تجي تأخذها للمستشفى
محمود….مااكدر اعوف الدوام
خالتي انحرجت من ردت فعله رمشت على عمي
خالتي… عيوني حجي ميار وكعت مااعرف شبيها ومحمود مايقبل يجي ياخذها للمستشفى
عمي…هسه اجيت ياستار ياربي اللطف بينا يالله
صعدت خالتي حابتلي ملابس من غرفتي وغيرتلي ملابسي بلمطبخ
شويه واجا عمي
عمي.. هااا عمو شبيج شنو يوجعج
ميار….كمت ابجي مااعرف ليش مدري من قسوة محمود مدري من حنية عمي وخالتي عليه
كنت اتمنى محمود يكون هيج حنيين عليه مثل عمي
جان نسيت كلشي صار وياي وحبيته
رحنا للمستشفى كوه امشي عمي لازمني من ايد وخالتي من الايد الثانيه
شافتني الدكتور كالت احتمال عدها فقر دم
اخذو مني دم علمود يسولي مجموعة تحاليل
بقيت كاعده على الكرسي بلاستراحة وخاله راسي على جتف خالتي
وعمي واكف وكل شويه وسئلني
هااا حبيبتي بابا صرتي احسن
طلع التحليل اخذا عمي ورجع للدكتوره واني بقيت كاعده بمكاني مااكدر اوكف احس الكاع تفتر بيه جمانه السعيدي
عمي. .هاي التحاليل دكتوره تفضلي طمنيني
الدكتور… اولا ميار حامل مبروك
عمي. يالله
الدكتوره… ثانيا عدها فقر دم وعدها التهابات
راح اسجل علاج بس هذا المقوي اجيبه من برا
وابر الالتهابات ضروري تاخذهن بين يوم ويوم تضرب ابره
ميار.. اجا عمي من بعيد يضحك
عمي..مبروك حامل
خالتي.. يالله خير انشاء الله الحمد لله والشكر
ميار….فرحت بخبر حملي بلكت اجاني العوض من رب العالمين
رجعنا للبيت عمي بس وصلنا راح للسوك
جاب معلاك وكرفس وبرتقال نوعيتين وحلويات
سامع الحلويات اصعد الدم وجابلي العلاج
خالتي. اصعدي الغرفتج اني اشتغل اليوم بمكانج
صعدت الغرفتي تمددت وتغطيت
شويه وصعدتلي خالتي شاويه معلاك وطماطه غاسله الكرفس والبرتقال مكشرته وخالته بماعون
خالتي اكلي علمود تاخذين العلاج
والعصر ادز على جيرانه علمود الابره
اكلت وأخذت العلاج وتمددت شويه وغفيت بقت الصينيه بلغرفه يمي
غفيت تقرببا اكثر من ساعه ونص
مااحس اله باب الغرفه انفتحت
محمود…هااا خير انشاء الله بس عرفتي نفسج حامل
نمتي وهاي الصينيه شنو باقيه هنا
كومي اريد غده ولا تاخذين الحمل حجه انتي لا اول ولا اخر وحده تحبل على اساس راح اجيبين ولي عهد النمسه
كومي يله اريد غده
ميار…رفعت راسي بس وكفت افترت الدنيا بيه بسبب فقر الدم وكفت شويه وبعدين مشيت
نزلت الدرج واني لازمه المحجر خاف اوكع
خالتي…ليش نزلتي اني حضرت الغده المحمود
ميار….هو نزلني يريد غده جمانه السعيدي
خالتي…ياا هذا شبي الولد غير مريضه
ميار…كعدت على صفحه وخالتي جهزت الاكل نزل محمود
محمود…هااا شو كاعده وامي تحضر الاكل
خالتي.. هاي شبيك مريضه البنيه وتتنسى اني كتلك اني احضر الاكل
محمود…شنو انتي لا تخبليها واذا حامل متعجبه شنو
خالتي…ليش ماخذ تليفونها رجعه الها
محمود.. هاي شغله بيني وبينها لا تدخلين رجاء
خالتي…ليش ماخذ تليفونها فوك ما محبوسه بلبيت كل الوكت اخواتك كل وحده عدها تليفون واني عندي تليفون
بس هي خطيه
رجع تليفونها لا ولله اخلي ابوك يجيبلها تليفون
محمود…ماارجعه سدي هذا الموضوع
كمل اكل وصعد نام بلغرفه واني نمت بغرفة البنات
بس اصعد يبقى يحجي عليه
ليش كلتي الامي على التليفون
اني ما كلتلها هي سئلتني من اتخربطت وعرفت اني تليفوني عنده
للمغرب نزل محمود بس شكله ضايج
ياربي اكو واحد يسمع راح يصير عنده طفل ويضوج
الناس اطير من الفرح ما يصدك
يدلل زوجته ويجيبلها كلشي تريده واني بس سمع بيه حامل كعد يتعارك وياي
كعدنا نتعشى كلنا
عمي….محمود ليش ماخذ تليفون ميار
محمود…اهوووو هاي السالفه ما تخلص زوجتي وبكيفي
عمي…مو بكيفك
محمود….ترا اني اخذت التليفون قبل زواجنا مو هسه
وهي الي انطتنيا وراضيه ليش انتم تدخلون
عمي….صار ٣ اشهر ماخذ تليفونها لا ياضالم
التفت عليه عمي انتي ليش ساكته ليش ما حجيتي
ميار…باوعت على محمود ودنكت
عمي…رجع تليفونها افتهمت لو لا هسه قبل لا تطلع اجيبه وتنطي الها انت شنو شايف نفسك عليها
هاي يتيمه وانت كاعد تقهر بيها خاف ربك من تتعامل وياها
كمل اكل محمود وصعد للغرفه اني بقيت انضف بلمطبخ وياا البنات
شايله هم شلون لو صعدت بعد اشوي اكيد راح يتعارك وياي
نزل محمود من فوك بعد تقريبا ربع ساعه من صعد
مبدل وكاشخ والعطر ترس البيت
اني واكفه انضف بلكاونتر
خله التليفون على الكاونتر وطلع وماحجه اي كلمه
كملت تنضيف اخذت التليفون وصعدت فوك
كنكت على شبكتهم وكعدت اصفح بلفيس
شويه شغلت نفسي
بس سمعت محمود صاعد على اادرج قفلت التليفون
وسويت نفسي نايمه
مابي حيل مشاكل نص اليل
التعليقات