رواية غرام السلطان الفصل الثامن عشر 18 بقلم عادل عبدالله
في اليوم التالي
بعد انتهاء المحاضرة يطلب عمار غرام فتذهب له وتسأله : خير يا دكتور ؟
عمار : اخبارك ايه ؟ كنت عايز اتكلم معاكي .
غرام : اتفضل يا دكتور انا سامعة حضرتك .
عمار : عايزين نتكلم علي انفراد .
غرام : لا يا دكتور للأسف مش هينفع .
عمار : فيه ايه يا غرام ؟ مالك بتتكلمي معايا بشكل رسمي ليه ؟!!
غرام : مفيش بينا الا الكلام الرسمي ، حضرتك معيد وانا طالبة عندك .
عمار : من امتي يا غرام ؟! المفروض اننا في حكم المخطوبين !!!
غرام : لا يا دكتور الموضوع ده انتهي .
عمار : ازاي ؟ ايه اللي حصل ؟؟
غرام : الف سلامة علي والد حضرتك يارب يكون بقي احسن دلوقتي .
عمار : انتي عرفتي ازاي ان بابا تعبان ؟؟
غرام : والدة حضرتك قابلت ماما وكلمتها و قالتلها .
عمار : ماما !!! يبقي اكيد ماما قالت حاجة علشان كده انتي متغيرة من ناحيتي .
غرام : بغض النظر عن كلام مامتك انا كنت مترددة علشان مش عايزة حاجة تعطلني عن دراستي .
عمار : لكن انا وعدتك اني هساعدك في الدراسة وان خطوبتنا مش هتعطلك .
غرام : انا اسفة يا دكتور ، ياريت حضرتك متفتحش الموضوع ده تاني ، وانا هنقل نفسي سيكشن تاني منعا للحرج .
عمار : ياااه !! للدرجادي !!!
غرام : انا اسفة يا دكتور مضطرة امشي .
في فيلا سلطان
سلطان : حبيبتي يا شهد ربنا يخليكي ليا يارب ، معرفش من غيرك كنت هعيش ازاي .
شهد : ويخليك ليا يا حبيبي ، حمد لله علي السلامة يا روحي .
سلطان : الله يسلمك ، انا كنت فاكر اني همو.ت .
شهد : بعيد الشر عنك يا حبيبي ، يارب انا الاول .
سلطان : بعيد الشر عنك يا شوشو ، بمناسبة اني خفيت الحمد لله انتي كنتي طلبتي مني حاجة كتير وانا كنت دايما بأجل .
شهد : مش فاكرة .
سلطان : طيب اعملي حسابك الاسبوع الجاي هنسافر نعمل عمرة .
شهد : الله .. ربنا يخليك ليا يا حبيبي ، انا كان نفسي قوي اسافر للعمرة .
سلطان : ولما نرجع بأذن الله فيه شوية تغييرات في حياتنا هنعملها .
شهد : تغييرات !!! تغييرات زي ايه ؟؟
سلطان : لما نروح و نرجع بأذن الله هتعرفي .
لمتابعة باقي الرواية زوروا قناتنا على التليجرام من هنا
جاري كتابة الفصل الجديد للرواية حصرية لعالم الشروق للروايات
التعليقات